All posts by Ayaz Chaudary

راولپنڈی/ اسلام آباد-دنیا میں بنائے گئے پہلے ٹورسٹ سٹی  یعنی بلیو ورلڈ سٹی کی سپورٹس ویلی کے حوالے سے راولپنڈی میں خصوصی تقریب  کا انعقاد کیا گیا جس میں چیئرمین بلیو ورلڈ سٹی سعد نذیر، سی ای او چوہدری ندیم اعجاز اور بلیو ورلڈ سٹی کے دیگر اعلیٰ عہدیداران  سمیت راولپنڈی-اسلام آباد کے رئیل اسٹیٹ ڈیلرز اور سرمایہ کاروں کی کثیر تعداد شریک ہوئی۔اس موقع پر بلیو ورلڈ سٹی انتظامیہ کو حج اکبر کی سعادت حاصل ہونے  کی  خوشی میں تمام شرکا ء کی آبِ زم زم اور عجوہ کھجوروں سے تواضع کی گئی۔ جبکہ  تقریب کے دوران بلیو ورلڈ سٹی میں متعارف کرائی گئی سپورٹس ویلی کے اہم فیچرز اور سہولیات کے حوالے سے بھی  شرکاء کو  آگاہ کیا گیا۔

اس موقع پر میڈیا سے گفتگو کرتے ہوئے چیئرمین بلیو ورلڈ سٹی سعد نذیر نے کہا کہ دنیا میں بنائے گئے پہلے ٹورسٹ سٹی  میں عالمی معیار  کے مطابق سپورٹس ویلی  متعارف کروا رہے ہیں جو پاکستان کی رئیل اسٹیٹ مارکیٹ اور   ملکی سپورٹس کی دنیا میں ایک انقلاب ثابت ہو گی۔ سپورٹس ویلی کا  سب سے اہم فیچر اس میں  تعمیر کیا جانے والا پاکستان کا سب سے بڑا سٹیڈیم ہے، جس میں پچپن ہزار شائقین کے بیٹھنے کی گنجائش موجود ہو گی۔جبکہ سٹیڈیم کے اطراف میں کثیر المنزلہ  کمرشل و رہائشی  اپارٹمنٹ بلڈنگز   تعمیر  کی جائیں گی جہاں سے بیٹھ کر سٹیڈیم میں جاری میچز دیکھ سکیں گے۔بلیو ورلڈ سٹی میں عالمی معیار کے فیچرز متعارف کروا کر پاکستانی  رئیل اسٹیٹ مارکیٹ کو روایتی انداز سے ہٹ کر جدید انداز میں استوار کرنے کے لئے کوشاں ہیں۔

سی ای او بلیو ورلڈ سٹی چوہدری ندیم اعجاز  کا کہنا تھا کہ سپورٹس ویلی  متعارف کروانے کا مقصد دنیا میں بنائے گئے پہلے ٹورسٹ سٹی میں سپورٹس ٹورازم کو فروغ دینا ہے ۔ ڈیفنس روڈ سے آسان رسائی پر واقع سپورٹس ویلی  میں بنائے جانے والے سٹیڈیم کے اطراف میں کمرشل سہولیات بھی فراہم کی جائیں گی۔   سپورٹس ویلی بلیو ورلڈ سٹی میں ٹارچ ہوٹل، ویلاجیو مال اور سپورٹس کلبز کے ساتھ ساتھ سائیکلنگ ٹریکس، ہاکی ، والی بال، بیڈمنٹن، باسکٹ بال اور ٹینس کورٹ سمیت کھیلوں کی دیگر سہولیات بھی رہائشیوں کو دستیاب ہوں گی۔اسی طرح  بلیو ورلڈ سٹی میں تعمیر کی جانے والی بلیو مسجد استنبول کا ریپلیکا بھی سپورٹس ویلی سے متصل ہے جس کی بدولت یہاں  دیگر سیاحتی سرگرمیاں بھی فروغ پائیں گی۔ ملکی رئیل اسٹیٹ مارکیٹ میں منفرد اور جدید منصوبے متعارف کروا کر اسے  عالمی معیار کے مطابق ترقی  کی راہ پر گامزن کرنا    چاہتے ہیں۔

اسلام آباد:دنیا میں بنائے گئے پہلے ٹورسٹ سٹی یعنی بلیو ورلڈ سٹی،چکری روڈ راولپنڈی میں دنیا کے سب سے بلند ہارس میسکوٹس کے گراؤنڈ فلور پر سیکنڈ کپ کافی کمپنی کی دسویں سالگرہ کے موقع پر پاکستان میں پچاسویں فرنچائز کا افتتاح کر دیا گیا۔ افتتاحی تقریب میں سیکنڈ کپ کافی کمپنی کے صدر و چیف ایگزیکٹو آفیسر جم ریگس کینیڈا سے پاکستان آ کر خصوصی طور پر شریک ہوئے ۔ جبکہ بلیو ورلڈ سٹی اور سیکنڈ کپ کافی کمپنی کے دیگر اعلیٰ عہدیداران نے بھی شرکت کی۔ بلیو ورلڈ سٹی میں دنیا کے سب سے بلند ہارس میسکوٹس کے گراؤنڈ فلور پر لانچ کی جانے والی سیکنڈ کپ کافی کمپنی کی فرنچائز میں بین الاقوامی سطح کی تمام تر سروسز فراہم کی جارہی ہیں۔
اس موقع پر میڈیا سے گفتگو کرتے ہوئے چیئرمین بلیو ورلڈ سٹی سعد نذیر نے کہا کہ دنیا میں بنائے گئے پہلے ٹورسٹ سٹی میں دنیا کے سب بلند ہارس میسکوٹس تعمیر کرکے پاکستان کے رئیل اسٹیٹ شعبے کو منفرد طرزِ تعمیر سے متعارف کروایا ہے اور اب ہارس میسکوٹس کے گراؤنڈ فلور پر سیکنڈ کپ کافی کمپنی کی فرنچائز جیسی سروسز کے ذریعے شہریوں کو بہترین اور عالمی معیار کی تفریحی سہولیات فراہم کر کے پاکستانی رئیل اسٹیٹ مارکیٹ کو دبئی اور سنگا پور کی طرز پر جدید اور بے مثال بنانے کے لئے کوشاں ہیں۔ بلیو ورلڈ سٹی میں سیکنڈ کپ کافی کمپنی کے ساتھ منسلک دنیا کے سب سے بلند ہارس میسکوٹس بلاشبہ گنیز بک آف ورلڈ ریکارڈ میں شامل کئے جانے کے قابل ہیں۔
کینیڈا سے خصوصی طور پر شرکت کے لئے پہنچنے والے سیکنڈ کپ کافی کمپنی کے صدر و سی ای او جم ریگس نے کہا کہ سیکنڈ کپ کے ساتھ اپنے طویل سفر میں انہوں نے دنیا کے سب سے بلند ہارس میسکوٹس سے متصل سیکنڈ کپ کی فرنچائز جیسا منفرد مقام کبھی نہیں دیکھا۔ دنیا میں بنائے گئے پہلے ٹورسٹ سٹی میں دنیا کے سب سے بلند ہارس میسکوٹس کی عالمی معیار کی طرزِ تعمیر حیران کن اور اپنی مثال آپ ہے ۔ بلیو ورلڈ سٹی میں دنیا کے سب سے بلند ہارس میسکوٹس سے متصل سیکنڈ کپ کافی کمپنی کی فرنچائز کے ذریعے پاکستان اور کینیڈا کے مابین موجود بہترین کاروباری تعلقات کو مزید تقویت ملے گی۔
سی ای او بلیو ورلڈ سٹی چوہدری ندیم اعجاز اور سی ای او بلیو ہلز کنٹری فارمز چوہدری نعیم اعجاز کا کہنا تھا کہ سیکنڈ کپ کافی کمپنی جیسی فرنچائز کے ذریعے عمومی روایت سے ہٹ کر منفرد اور جدید آسائشوں پر مبنی اچھوتا طرزِ زندگی متعارف کروارہے ہیں۔سیکنڈ کپ کافی کمپنی کے ساتھ ساتھ بلیو ورلڈ سٹی میں فراہم کی جانے والی منفرد سہولیات بالخصوص سیاحت کے فروغ کے لئے واٹر تھیم پارک،دنیا کے سب سے بلند ہارس میسکوٹس اور دیگر تفریحی مواقع اسے ملک کے دیگر رئیل اسٹیٹ منصوبوں کی نسبت جداگانہ اور جدید منصوبہ ثابت کرتے ہیں۔ انہوں نے کہا کہ سیکنڈ کپ کافی کمپنی فرنچائز کی بدولت بلیو ورلڈ سٹی نہ صرف سیاحوں کے لئے مزید پُرکشش بن جائے گا ،بلکہ یہ ملک کے دیگر رئیل اسٹیٹ منصوبوں کے لئے ایک قابل تقلید مثال بھی ہو گی اور مستقبل قریب میں دیگر بین الاقوامی برانڈز اور فوڈ چینز بھی بلیو ورلڈ سٹی میں اپنی آؤٹ لیٹس لانچ کرنے کا ارادہ رکھتی ہیں۔

آج ہم سیاست پر بات نہیں کریں گے، آج ہم ایک اور اہم موضوع پر بات کریں گے جو اصل میں پاکستانی کیلئے اہم ہے۔
گزشتہ دنوں میری نظر سے لاہور کی فضائی تصویر گزری، یہ تصویر کم اور نوحہ زیادہ محسوس ہوتی ہے۔ میں نے اس تصویر کی تصدیق کیلئے گوگل ارتھ کھولا، لاہور کو ایکسپلور کیا۔ آپ یقین کیجئے، مجھے لاہور کنکریٹ کا ایک جنگل ہی محسوس ہو رہا تھا، بے ہنگم عمارتیں، سڑکیں اور خال خال سبزہ۔یہ وہی لاہور ہے جو کسی دور میں اپنے کالجز اور باغات کی وجہ سے مشہور ہوتا تھا، آج اس لاہور میں گنتی کے چند پارکس باقی بچے ہیں۔ یہی حال کراچی اور راولپنڈی میں ہے۔ ہم نے پرائیوٹ ہاوسنگ سوسائٹیز کو گھر بنانے کی اجازت تو دے دی لیکن کسی نے یہ نہیں دیکھا کہ جب یہ سوسائٹیز بن جائیں گی تو اس کے بعد کا ماحول کیا ہوگا؟ آج دیکھ لیجئے کہ لاہور کا درجہ حرارت کہا جاتا ہے۔ ابھی چند روز سے موسم قدرے بہتر ہے تو درجہ حرارت دن میں ۳۷ سے ۴۰ اور شام میں ۳۲ سے ۳۵ تک ہوتا ہے جبکہ گزشتہ دنوں میں جب گرمی کی لہراپنے جوبن پر تھی تو اسی لاہور میں درجہ حرارت ۴۷ سے اوپر بھی گیا ہے اور یوں محسوس ہوتا تھا کہ شاید جہنم کا منہ لاہور کی جانب کھول دیا گیا ہے اور درجہ حرارت ۴۷ نہیں بلکہ ۵۲ ہے۔ موسمیاتی تبدیلیوں کا شکار پوری دنیا ہے، اب کوئی ٹرمپ جیسا احمق بن کر اس کا انکار کر دے تو الگ بات ہے لیکن اس کی ابتداء پاکستان میں بھی موسم کی سختیوں کےساتھ ہو چکی ہے۔
پاکستان موسمیاتی تبدیلی کی بڑی وجہ تو نہیں ہے لیکن اس کا شدید شکار ضرور ہے۔ اس میں سب سے پہلا عنصر درخت ہوتے ہیں۔ بے دریغ کٹائی نے جہاں موسموں کو بدل کر رکھ دیا ہے ، وہیں اس کے اثرات بھی ہمارے سامنے آتے ہیں۔ یقین کیجئے کہ فروری کے آخر میں لاہور کے چڑیا گھر میں بچے چڑیوں کو دیکھ کر خوش ہو رہے تھے اور میں اپنی بیگم کو کہ رہا تھا کہ آج سے ۲۰ سال پہلے تک چڑیا ایک عام پرندہ ہوتا تھا اور شاید آج سے ۲۰ سال بعد یہ چڑیا بھی نایاب پرندہ بن جائے گا۔کیوں؟ کیونکہ درختوں کی کٹائی، کھیتوں کو صفحہ ہستی سے مٹا کر وہاں مہنگی ہاوسنگ سوسائٹیز بنانے کے عمل نے ان پرندوں کے قدرتی گھونسلوں کو ختم کر دیا ہے، اس کے ساتھ ہی چرندوں پر بھی اس کے منفی اثرات مرتب ہوئے ہیں۔ درختوں کی کمی نے بارشوں پر بھی اثرات مرتب کئے ہیں، کوئی وقت تھاکہ پنڈی اسلام آباد میں بارش کامطلب ہوتا تھا کہ اب لاہور میں بھی بارش برسے گی اور اس سال پنڈی اسلام آباد میں طوفانی بارشیں ہوئی لیکن اُس وقت میں لاہور میں ایک بوند نہیں گری۔ کبھی مری اور اس سے منسلک علاقے گرمیوں میں بھی ٹھنڈے ہوتے تھے، آج ایسا نہیں ہے، کیوں؟ کیونکہ ہم نے بڑی محنت سے ماحول کو آلودہ اور تباہ کیا ہے۔
جگہ کی کمی کی وجہ سے کچھ باتیں عرض کر دیتے ہیں، سب سے پہلے تو زرعی رقبہ کو ہاوسنگ سوسائٹی میں بدلنے پر فوری پابندی لگا دینی چاہئے۔ لاہور نے جتنا پھیلنا تھا، وہ پھیل چکا ہے، بلکہ اس کی سرحدیں اب قریب کے شہروں سے مل چکی ہیں، لہذا جو نقصان ہونا تھا،و ہ ہو چکا ہے، مزید نقصان سے بچنے کیلئے زرعی رقبے کو ہاوسنگ سکیم کیلئے، فیکٹری یا مل بنانے کیلئے فروخت کرنے پر فوری پابندی ہونی چاہئے۔ لاہور میں بھی اپارٹمنٹ کلچر کو فروغ دینا ہوگا تاکہ مزید زرعی رقبے کو نگلنا بند ہو سکے۔ اس کے ساتھ ساتھ بوڑھے سے بوڑھے درخت کی کٹائی پر بھی کوئی قانون ہونا چاہئے جس کی خلاف ورزی پر سخت ترین سزا ہونی چاہئے جس میں درخت کی غیر قانونی کٹائی ثابت ہوجانے پر کم ازکم پندرہ دن قید بامشقت شامل ہو۔ اللہ کرے کہ پارلیمنٹ سے اس قانون کو بنوایا جائے تاکہ سب اس کو قبول بھی کریں اور ٹمبر مافیا کا ہاتھ روکا جا سکے۔اس کے علاوہ توانائی کے متبادل ذرائع پر بھی فی الفور غور کرنا ہوگا اور ان کو اتنا سستا بھی رکھنا ہوگا کہ اشرافیہ ہی نہیں بلکہ مڈل کلاس اور غریب بھی اس سے مستفید ہو سکے۔
اس وقت پارکس اینڈ ہارٹی کلچر لاہور کے عمر جہانگیر صاحب نے شاندار قدم اُٹھایا ہے،انہوں نے شہر بھر کیلئے ایک واٹس ایپ کا نمبر جاری کیا ہے کہ اگر آپ کے ارد گرد کوئی ایسی جگہ موجود ہے جہاں پر شجر کاری ہو سکتی ہے،گھاس اگائی جا سکتی ہے تو اپنے نام، جگہ ، جگہ کی تصاویر کے ساتھ اپنا رابطہ نمبر اُس واٹس ایپ نمبر پر بھیج دیں، باقی کا کام پی ایچ اے خود سنبھال لے گی۔ یہ بہت ہی زبردست قدم ہے جس کو نا صرف سراہنا چاہئے بلکہ اس میں حصہ بھی لینا چاہئے۔ پی ایچ اے کا منصوبہ ہے کہ وہ ایسی جگہوں پر جدید خطوط سے ایسے درخت لگائے جو کم وقت میں بڑے ہو سکتے ہو اور سایہ دار بھی ہو۔ اگر یہ منصوبہ کامیاب ہو جاتا ہے تو مجھے یقین ہے کہ لاہور میں ہریالی بہت حد تک واپس آ جائے گی۔پی ایچ اے نے اس سے قبل لبرٹی میں میاواکی کا چھوٹاسا جنگل بھی اگایا تھا ، اس کے نتائج بھی حیرت انگیز ہیں۔ مجھے امید ہے کہ اس ماڈل پر پاکستان کے دیگر شہروں کی اتھارٹیز بھی کام کریں گی۔
ہمیں آج سوچنا چاہئے کہ ہم اپنی آنے والی نسل کیلئے کیا چھوڑ کر جا رہے ہیں؟ جو نقصان ہم نے مال کمانے کیلئے کر دیا ہے، یقینا اس کا مکمل ازالہ تو ممکن نہیں ہے، لیکن اس نقصان کی شدت کو کم کرنے کی کوشش ضرور کی جا سکتی ہے وگرنہ ہم جس ڈگر پر چل ر ہے ہیں اور جیسے ہم اپنے میدانی علاقوں کو ریگستان میں بد ل رہے ہیں، مجھے خطرہ ہے کہ ایک یا دو دہائی کے بعد ہمارے پاس کھیت کھلیان نہیں ہونگے، درخت بھی ناپید ہونگے اور کنکریٹ کا جنگل مکمل ریگستان بن چکاہوگا۔ سبزہ اورہریالی کی اہمیت کوئی دبئی والوں سے پوچھ لے جو آج سر توڑ کوششوں کے ساتھ ہرگزرتے دن دبئی کو مزید گرین کرنے میں مصروف ہیں، کیونکہ وہ بھی جان چکے ہیں کہ کنکریٹ کی گرمی کو صرف شجرکاری کی ٹھنڈک کنٹرول کر سکتی ہے۔

لاہور(ایمرا نیوز)بی جی سی -آئی جی سی کنسورشیم اور بلیو ورلڈ سٹی کے لاہور میں معروف رئیل اسٹیٹ منصوبے بلیو ٹاؤن میں سمارٹ سٹی بلاک متعارف کروا دیا گیا، اس حوالے سےکینال روڈ لاہور کی آسان ترین رسائی پر واقع بلیو ٹاؤن کی سائٹ پر ایک تقریب کا انعقاد کیا گیا جس میں روضہ رسول ﷺ کے چابی بردار جناب شیخ نوری محمد احمد علی نے بطور مہمان خصوصی شرکت کی۔ جبکہ چیئرمین بلیو ورلڈ سٹی سعد نذیر، سی ای او بلیو ورلڈ سٹی چوہدری ندیم اعجاز، چوہدری نعیم اعجاز سمیت دیگر اعلیٰ عہدیداران، سیاسی و سماجی شخصیات بھی شریک ہوئیں۔

اس حوالے سے گفتگو کرتے ہوئے روضہ رسول ﷺ کے چابی بردار جناب شیخ نوری محمد احمد علی نے کہا کہ امتِ مسلمہ کو درپیش مسائل کے حل کے لئے پاکستان کے کاروباری طبقے کی کاوشیں قابل تقلید ہیں۔ بلیو ورلڈ سٹی انتظامیہ بالخصوص چیئرمین بلیو ورلڈ سٹی سعد نذیر اپنے کاروبار کے ساتھ ساتھ ترجیحی بنیادوں پر اسلامی دنیا کو درپیش چیلنجز کے حوالے سے نہ صرف آواز بلند کر رہے ہیں بلکہ اتحاد امت کا پیغام بھی عام کر رہے ہیں۔
چیئرمین بلیو ورلڈ سٹی سعد نذیر کا کہنا تھا کہ امت ِمسلمہ کے مسائل کا حل مسلمان ممالک کی معاشی خود انحصاری میں ہے۔ ان کا کہنا تھا کہ بلیو ٹاؤن میں سمارٹ سٹی بلاک متعارف کروانے کا مقصد ملکی رئیل اسٹیٹ مارکیٹ کو منفرد اور جدید تقاضوں کے مطابق دبئی اور سنگاپور کی طرز پر استوار کرنا ہے۔ اسی مقصد کے لئے ہم نے بلیو ورلڈ سٹی کو دنیا کا پہلا بامقصد ٹورسٹ سٹی بنایا اور اب زندہ دلان لاہور کے لئے کینال روڈ سے آسان ترین رسائی پر بلیو ٹاؤن سمارٹ سٹی بلاک کی صورت میں سرمایہ کاری اور عالمی معیار کی رہائش کے لئے سب سے پُرکشش منصوبہ پیش کر رہے ہیں۔

سی ای او بلیو ورلڈ سٹی چوہدری ندیم اعجاز، چوہدری نعیم اعجاز نے کہا کہ بلیو ورلڈ سٹی کی شاندار کامیابی کے بعد اب بلیو ٹاؤن لاہور میں سمارٹ سٹی بلاک متعارف کروایا جا رہا ہے۔ بلیو ورلڈ سٹی کی طرح یہ منصوبہ بھی ایک فلیگ شپ منصوبہ ثابت ہو گا جو اہلیان لاہور کو جدید اور منفرد رہائشی سہولیات فراہم کرے گا۔ بلیو ٹاؤن سمارٹ سٹی بلاک میں پیش کردہ سمارٹ ایپ کی مدد سےہوم مینٹی نینس، سولر سسٹم کے ذریعے بجلی کی زیر زمین ترسیل سمیت دیگر سمارٹ فیچرز اسے ملک کا بے مثال منصوبہ ثابت کرتے ہیں۔ مین کینال روڈ سے آسان ترین رسائی اور رنگ روڈ این ایف سی انٹرچینج سے صرف پانچ منٹ کی مسافت پر واقع ہونے کی بدولت بلیو ٹاؤن سمارٹ سٹی بلاک سرمایہ کاری کے لئے انتہائی موزوں ہے۔

پاکستان میں سیاحتی سرگرمیوں کے لئے خاص طور پر متعارف کرایا گیا بلیو ورلڈ سٹی، ایکسپو سنٹر لاہور میں منعقد ہونے والے گرانا پراپرٹی ایکسپو میں صارفین کی توجہ کا مرکز بنا رہا۔ جبکہ بلیو ورلڈ سٹی اور مؤکل ہاؤسنگ کے کینال روڈ لاہور پر جدید تعمیراتی منصوبے سمارٹ سٹی کو بھی لانچ کر دیا گیا جس میں صارفین نے بھرپور دلچسپی کا اظہار کیا۔ بلیو ورلڈ سٹی نے بطور ڈائمنڈ پارٹنر گرانا ڈاٹ کام کے پہلے پراپرٹی ایکسپو میں شرکت کی اور بلیو ورلڈ سٹی، سمارٹ سٹی، بلیو ٹاؤن سفائیر اور عوامی ریذیڈنشل کمپلیکس نمائش کے لئے پیش کئے گئے۔گرانا ایکسپو میں چیئرمین بلیو ورلڈ سٹی سعد نذیر نے بطور مہمان خصوصی شرکت کی اور سی ای او بلیو ورلڈ سٹی چوہدری نعیم اعجاز ،سمارٹ سٹی کے جے وی پارٹنر ، مؤکل ہاؤسنگ کے ایم ڈی سردار عادل عمر ، ڈائریکٹرز سردار عاقل عمر ،سردار کامل عمر سمیت دیگر اعلیٰ عہدیداران کے ہمراہ ایکسپو کا افتتاح اور سمارٹ سٹی کو لانچ کیا۔ ایکسپو کے دوران کثیر تعداد میں سرمایہ کاروں نے بلیو ورلڈ سٹی کے اسٹال کا رخ کیا، جہاں بلیو ورلڈ سٹی کی باخبر سیلز ٹیم نے انہیں محفوظ اور منافع بخش سرمایہ کاری کے حوالے سے مفید معلومات فراہم کیں اور خصوصی ڈسکاؤنٹس بھی دئیے گئے۔

اس موقع پر میڈیا سے گفتگو کرتے ہوئے چیئرمین بلیو ورلڈ سٹی سعد نذیر نے کہا کہ پاکستان میں روایتی منصوبوں سے ہٹ کر منفرد اور جدید منصوبوں کے ذریعے رئیل اسٹیٹ مارکیٹ کو نئی جہت سے متعارف کروانے کے لئے کوشاں ہیں۔ کینال روڈ لاہور پر سمارٹ سٹی اور چکری روڈ راولپنڈی میں ملک کا پہلا سیاحت کے لئے مخصوص شہر بلیو ورلڈ سٹی متعارف کرانا اسی سلسلے کی ایک کڑی ہے۔ ان کا کہنا تھا کہ پاکستان کی رئیل اسٹیٹ مارکیٹ کو دبئی اور سنگاپور کے معیار تک لے جانے کے لئے مستقبل قریب میں بلیو ورلڈ سٹی، بلیو ٹاؤن سفائیر اور سمارٹ سٹی جیسے مزید منصوبے بھی متعارف کروائیں گے۔

سی ای او بلیو ورلڈ سٹی چوہدری نعیم اعجاز کا کہنا تھا کہ بلیو ورلڈ سٹی میں فراہم کی جانے والی سہولیات بالخصوص سیاحت کے فروغ کے لئے واٹر تھیم پارک،دنیا کے سب سے بلند ہارس ماسکوٹس اور دیگر تفریحی مواقع اسے ملک کے دیگر رئیل اسٹیٹ منصوبوں سے مکمل طور پر الگ اور جدید منصوبہ ثابت کرتے ہیں۔
سمارٹ سٹی کے جے وی پارٹنر ، مؤکل ہاؤسنگ کے ایم ڈی سردار عادل عمر اور ڈائریکٹر سردار عاقل عمر کا کہنا تھا کہ کینال روڈ لاہور کی پُرکشش لوکیشن پر سمارٹ سٹی متعارف کروایا ہے جو اپنی سٹیٹ آف دی آرٹ سہولیات، سمارٹ فیچرز اور عالمی معیار کے جدید انفراسٹرکچر کی بدولت رئیل اسٹیٹ مارکیٹ کا ایک منفرد اور جداگانہ منصوبہ ثابت ہو گا۔ سمارٹ سٹی لاہور میں کی جانے والی سرمایہ کاری صارفین کو ایک سمارٹ طرزِ زندگی کی طرف لے جانے کے لئے تازہ ہوا کا جھونکا ہو گا۔

لاہور (رپورٹ، ایمرا ڈاٹ ٹی وی)وزیر اعلیٰ پنجاب کون ؟ حتمی فیصلہ 16اپریل کو ہی ہوگا۔لاہور ہائیکورٹ نے حمزہ شہباز کی جانب وزیر اعلیٰ پنجاب کا انتخاب فوری کرانے کی استدعا مسترد کرتے ہوئے ڈپٹی سپیکر سردار دوست محمد مزاری کو16اپریل کو آئین و قانون کے مطابق قائد ایوان کا انتخاب کرانے کا حکم دے دیا ہے۔
مسلم لیگ (ن) نے فیصلے کو خوش آئند قرار دے دیا جبکہ مسلم لیگ (ق)نے فیصلے کے خلاف لاہور ہائیکورٹ میں اپیل دائر کرنے کا اعلان کردیا ۔
وزیر اعلیٰ پنجاب کا الیکشن 16 اپریل کو کرانے کے خلاف اپوزیشن لیڈر حمزہ شہباز اور ڈپٹی سپیکر دوست محمد مزاری و دیگر نے درخواستیں دائر کر رکھی تھیں۔ عدالت نے ان درخواستوں پر 12 اپریل کو فیصلہ محفوظ کیا تھا جو آج سنایا گیا ہے۔
چیف جسٹس لاہور ہائیکورٹ امیر بھٹی نے فیصلہ سناتے ہوئے حمزہ شہباز کی پنجاب اسمبلی کا اجلاس جلد بلانے کی استدعا مسترد کردی۔ عدالت نے ڈپٹی سپیکر کے اختیارات سلب کرنے کا اقدام بھی کالعدم قرار دے دیا۔لاہور ہائیکورٹ نے حکم دیا ہے کہ ڈپٹی سپیکر 16 اپریل کو وزیر اعلیٰ پنجاب کا الیکشن کرائیں، صوبائی اسمبلی کا تمام عملہ الیکشن کرانے میں مکمل تعاون کرے گا۔
عدالت نے حکم دیا ہے کہ ڈپٹی سپیکر 16 اپریل کو شفاف انتخاب یقینی بنائیں۔

وزیر اعظم پاکستان میاں محمدشہباز شریف نے دورہ سندھ کے دوران وزیر اعلیٰ سندھ سید مراد علی شاہ سے ملاقات کی ،ملاقات میں صوبے کی انتظامی اور امن و امان کی مجموعی صورت حال پر تبادلہ خیال کیا گیا۔
وزیر اعظم نے وزیر اعلی کو صوبہ سندھ کے لوگوں کی جان و مال کی حفاظت اور فلاح و بہبود کو یقینی بنانے کے لیے ہر ممکن کوشش کرنے کی ہدایت کی۔

وزیر اعلی سندھ نے وزیر اعظم میاں محمد شہباز شریف کومنصب وزارت عظمی سنبھالنے پر اپنی کابینہ کی جانب سے مبارکباد پیش کی، اور انہیں یقین دلایا کہ وہ وفاقی حکومت کے ساتھ مل کرسندھ کی عوام کی فلاح و بہبود کے لیے تمام ممکنہ اقدامات برو کار لائیں گے۔
ملاقات میں اراکینِ قومی اسمبلی شاہد خاقان عباسی، مریم اورنگزیب، خالد مقبول صدیقی، مولانا اسد محمود، احسن اقبال اور دیگر کی شرکت۔

سینٹرل پاور پرچیزنگ کمیپنی نے دسمبر کے لیے بجلی مہنگی کرنے کی درخواست نیپرا میں جمع کرادی، کے الیکٹرک کی جانب سے بجلی سستی کرنے کی درخواست جمع کرائی گئی ہے۔ نیپرا یکم اور دو فروری کو ان درخواستوں پر سماعت کرے گا۔
3روپے 12پیسے فی یونٹ بجلی مہنگی کرنے کی تجویز زیر غور ہے، اہل کراچی کو 1 روپے 79 پیسے سستی بجلی ملنےکا امکان ہے۔
سی پی پی سی نے اپنی درخواست میں اضافہ دسمبر کی ماہانہ فیول ایڈجسٹمنٹ کی مد میں مانگا ہے، اعداد و شمار کے مطابق دسمبر میں مہنگے فرنس آئل سے چار فیصد ،ڈیزل سے 2 اعشاریہ 84 فیصد ،مقامی گیس سے 13 اعشاریہ 77 جبکہ درآمدی ایل این جی سے 13 اعشاریہ 50 فیصد بجلی پیدا کی گئی۔

وزیراعظم عمران خان نے پانچ اعشاریہ تین سات فیصد جی ڈی پی گروتھ حاصل کرنے پر مبارکباد دیتے ہوئے کہا ہے کہ اس سے ملک کی فی کس آمدنی میں اضافہ ہوا ہے۔

وزیراعظم عمران خان نے ٹویٹر پیغام میں کہا ہے کہ ہماری حکومت کی اقتصادی اصلاحات کی کامیابی کوعالمی سطح پر تسلیم کیا گیا۔ بلوم برگ نے ترقی کی بلندرفتارکی پیشگوئی کی اور کہا کہ پاکستان روزگارکی سطح کو برقرار رکھے گا۔ کوویڈ کے بعد سے پاکستان کو نارمیلسی انڈیکس میں سرفہرست رکھا۔
انہوں نے مزید کہا کہ دی اکانومسٹ نے بھی پی ٹی آئی حکومت کی جانب سے ملازمتیں اور انسانی جانیں بچانے کی کوششوں کو تسلیم کیا ہے۔

وزیرخارجہ شاہ محمود قریشی نےکہا ہے کہ سابق چیف جج گلگت بلتستان رانا شمیم نے توہین عدالت کر کے اسلام آباد ہائی کورٹ کی ساکھ متاثر کرنے کی کوشش کی۔
قومی اسمبلی میں خطاب کرتے ہوئے وزیر خارجہ شاہ محمود قریشی نے کہا کہ عدلیہ آزادنہیں ہوگی توجمہوریت کا تحفظ نہیں ہوسکتا، تنقید برائے تنقید سے ملک میں مایوسی پھیلتی ہے، سال 2018 میں جب حکومت سنبھالی تومعیشت کی حالت بری تھی، اب معاشی صورتحال بہترہورہی ہےجس کےاثرات نظرآرہےہیں۔
وزیرخارجہ نے کہا کہ اپوزیشن 100جتن کرلےہمیں ذرابھی گھبراہٹ نہیں ،خوب جانتاہوں ان کی صفوں میں کھلبلی کیوں ہے۔5فیصد گروتھ کی بات آتی ہےتواپوزیشن کوسانپ سونگھ جاتاہے.