Category شوبز

لاہور: پاکستان شوبز انڈسٹری کی مقبول اداکارہ عروسہ صدیقی نے کہا ہے کہ ’شادی سے قبل اپنی شہرت سے متعلق خیالات کو تبدیل کر دیں، یہ اصول پرانا ہو گیا ہیکہ عزت کے بدلے ہی عزت ملتی ہے ۔ ایک ٹی وی پروگرام میں گفتگو کرتے ہوے انہوں نے کہا انہوں نے کہا کہ اگر آپ سسرال والوں کو عزت دیں گی تو ضروری نہیں کہ آپ کو بھی سسرال والے عزت دیں، یہاں بات آجاتی ہے تربیت کی، والدین نے کیا سکھایا ہے گھر جوڑ کے رکھنا ہے یا توڑ دینا ہے۔ عروسہ صدیقی نے اس بات پر زور دیتے ہوئے کہا کہ لڑکیوں کو شادی سے پہلے ہی اپنے فیمنزم سے متعلق خیالات کو تبدیل کرلینا چاہیئے، ایسا نہیں ہوسکتا کہ وہ پہلے سے ہی سوچ لیں کہ اگلے گھر جاکر انہیں جوتے اٹھانے ہیں کہ نہیں، انہیں کھانا پکانا ہے کہ نہیں اور یہ کہ انہیں ساس کو چائے دینی ہے کہ نہیں۔ اداکارہ نے مزید کہا کہ جس طرح اسکول میں سیکھنے کی کوشش کی جاتی ہے، اسی طرح نئے گھر میں جاکر وہاں کی چیزیں سیکھنے کی کوشش کریں کم از کم وہ تو سیکھ لیں جو شوہر کو پسند ہے پھر شوہر بھی آپ کی خوشی کا خیال رکھتا ہے۔ انہوں نے کہا عزت دینے والے شخص کی ہمیشہ قدر ہوتی ہے بھلے دیر سویر ہی سہی لیکن سب کو احساس ضرور ہوتا ہے کہ یہ عزت کرنے والی ہے، کبھی کبھار تو اس کی موت کے بعد جاکے اس کی قدر کی جاتی ہے اور یاد کیا جاتا ہے کہ وہ عزت دینے والی تھی۔

لاہور: پاکستان کرکٹ ٹیم کے سابق کپتان شعیب ملک نے کہا ہے کہ شادی کے موقع پر تمام توجہ ثانیہ مرزا کی وجہ سے ملی۔نجی چینل کے پروگرام میں گفتگو کرتے ہوے سابق کپتان شعیب ملک نے کہا کہ خواہش ہے کہ بیٹا حافظ قرآن ہو اور ہر ایک کی عزت کرنے والا ہو، اس کے علاوہ اذہان مرزا ملک کی اپنی مرضی ہے زندگی میں جوبننا چاہے بنے۔ انہوں نے بتایا کہ وہ مستقبل میں کبھی کرکٹ ٹیم کا کوچ بننے کے حوالے سے تصور بھی نہیں کر سکتے۔ ایک سوال کے جواب میں سابق کپتان شعیب ملک نے کہا کہ شادی کے موقع پر میڈیا کی جانب سے جو بھی لائم لائٹ ملی وہ ان کی اہلیہ ثانیہ مرزا کی وجہ سے ہی ملی۔ انہوں نے پاکستانی مردوں کو پیغام دیتے ہوئے کہا کہ اگر کبھی کسی ایسے انسان کو عزت مل جائے جسے آپ پسند نہیں کرتے تو کم از کم خوش ہونے کا دکھاوا ضرور کریں اور جب کبھی آپ کے چاہنے والے کو کامیابی ملے تو پھر خوشی سے آپ کے پیر زمین پر ٹکنے ہی نہیں چاہیے پھر چاہے وہ شخص کوئی بھی ہو، آپ کی بہن، بیوی ، ماں یا پھر ساس ہی کیوں نہ ہوں۔ انہوں نے مزید کہا کہ میاں بیوی کے رشتے میں مرد کا بالاتر نہیں بلکہ دونوں کو برابر ہونا چاہیے۔

نیو یارک : کانز فلم فیسٹیول کے 76ویں سالانہ میلے میں پاکستانی فلم ان فلیمزبھی نمائش کے لئے پیش کی جائیگی ۔ میڈیا رپورٹس کے مطابق کینیڈین نڑاد پاکستانی فلم ساز ضرار خان کی ہدایت کاری میں بننے والی ہارر فلم ان فلیمز کو فلم فیسٹیول میں 19 اور 20 مئی کو ڈائریکٹرز فورٹ نائٹ میں پیش کیا جائے گا، جہاں ہدایت کاروں کی پسندیدہ فلموں کی خصوصی نمائش کی جاتی ہے۔

ممبئی: بالی ووڈ اد اکارہ روینہ ٹنڈن نے کہا ہے کہ گووندا ہمیشہ سیٹ پر ایک گھنٹہ دیر سے پہنچتے تھے تاہم انہوں نے کھبی اداکار پر غصہ نہیں کیا ۔ اپنے ایک انٹرویو میں روینہ نے کہا کہ انکی عادت تھی کہ ہمیشہ وقت پر سیٹ پر پہنچ جائیں ۔ لیکن جس فلم میں انکے ساتھی اداکار گووندا بھی ہوں انکا سیٹ پر وقت پر پہنچنے کو کوئی فائدہ نہیں ہوتا تھا سوائے اسکے کہ وہ اپنی نیند پوری کر لیتی تھیں ۔ اسکی وجہ یہ تھی کہ گووندا ہمیشہ ایک گھنٹہ تاخیر سے سیٹ پر پہنچتا تھا ۔ انہوں نے کہا کہ میں ہمیشہ سے یہ محسوس کرتی ہوں کہ ڈائریکٹر ایک باس ہوتا ہے اور پروڈیوسر نے مجھ سے تاریخیں لے رکھی ہیں ۔ اور اب یہ میری ذمہ داری ہے کہ وقت پر سیٹ پر پہنچوں ۔

ممبئی : بالی ووڈ اداکاروں عالیہ بھٹ اور رنویر سنگھ کی فلم راکی اور رانی کی پریم کہانی کا پہلا پوسٹر پچیس مئی کو کرن جوہر کی سالگر ہ کے موقع پر لاونچ ہو گا ۔ عالیہ اور رنویر کو سکرین پر ایک ساتھ دیکھنے والے شائقین کا ا نتظار ختم ہونے والا ہے ۔ ہٹ جوڑی کی آنیوالی فلم راکی اور رانی کی پریم کہانی کی شو ٹنگ مکمل ہو گئی ہے ۔ فلم کا پہلا پوسٹر ڈائریکٹر کرن جوہر کی آنیوالی سالگرہ کے موقع پر ایک شاندار تقریب میں منظر عام پر آئے گا ۔ کرن جوہر کی ہدائتکاری میں بننے والی یہ فلم اٹھائیس جولائی کو سینما گھروں کی زینت بنے گی ۔

لاہور: پاکستانی ڈرامہ و فلم انڈسٹری کے معروف سینئر اداکار جاوید شیخ نے ماضی کے دنوں کو یاد کرتے ہوئے کہا ہے کہ اس دوران شاہ رخ خان کے شاہانہ ٹھاٹ باٹ اور اکشے کمار کی شرارتوں سے بہت محظوظ ہو ا ۔ نجی ٹی وی شو میں میزبان کے ایک سوال پر سینئر اداکار نے بتایا کہ بالی ووڈ میں کام کرنے کے دوران خوب پروٹوکول ملتا تھا، کھانے پینے کے لئے ہر چیز مہیا کی جاتی، سب کی الگ وینیٹی ہوا کرتی تھی مجھے بھی دی گئی لیکن سیٹ پر اسموکنگ اور تصاویر بنانے کی اجازت نہیں تھی۔ انہوں نے مزید بتایا کہ مجھے اس وقت سگریٹ نوشی کی عادت تھی اور سگریٹ نوشی کے لئے سیٹ سے باہر جانا پڑتا تھا۔ پھر ایک روز شاہ رخ خان کو دیکھا کہ وہ تو سیٹ پر ہی سگریٹ نوشی کر رہے ہیں تو میں نے انہیں بتایا کہ میرا بھی سیٹ پر شاہانہ انداز میں سگریٹ نوشی کا دل کرتا ہے جس پر شاہ رخ خان نے ان کی درخواست فوراً قبول کرتے ہوئے اسپاٹ بوائے کو میرے لئے ٹیبل لگانے کا حکم دے دیا پھر میں بھی سیٹ پر ہی اسٹائل سے سگریٹ نوشی کیا کرتا تھا۔انہوں نے اکشے کمار کے ساتھ کام کے تجربے کو یاد کرتے ہوئے کہا کہ اکشے سب سے زیادہ شرارتی ہے۔ ایک بار ایسا ہوا کہ میری اور اس کی گھڑی ایک جیسی تھی، مجھے اس وقت معلوم نہیں تھا، اکشے نے جب میری گھڑی دیکھی تو اسے شرارت سوجی اس نے اسپاٹ بوائے امر کو اپنے ساتھ ملایا۔ پھر اکشے کمار نے اس پر غصہ کیا کہ اس نے مجھے گھڑی کیوں دی جس پر میں نے کہا کہ یہ میری گھڑی ہے، کچھ دیر بعد ایک اور اسپاٹ بوائے اکشے کمار کی گھڑی لے کر آیا اور بتایا کہ آپ دونوں کی گھڑیاں ایک جیسی ہیں اور انہیں ان کی گھڑی دی۔ اس ہَبَڑ وَبَڑ میں اکشے کمار نے اسپاٹ بوائے امر کے ہاتھ سے اس کی ہی گھڑی نکال لی تھی اور اسے پتا بھی نہیں چلا۔

ممبئی :بالی ووڈ کے سینئر اداکار امیتابھ بچن اور اداکارہ انوشکا شرما کے بغیر ہیلمٹ پہنے موٹر سائیکل پر سفر کرنے پر ممبئی پولیس نے ایکشن لے لیا۔ امیتابھ بچن نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر شیئر کی جس میں وہ ٹریفک جام کے درمیان ایک اجنبی آدمی کے ساتھ بائیک پر سفر کرتے نظر آرہے ہیں۔ اْنہوں نے بائیک رائیڈر کا شکریہ ادا کرتے ہوئے لکھا کہ میں آپ کو نہیں جانتا لیکن آپ نے میری بات مان لی اور بہت جلدی اتنے ٹریفک جام سے بچا کر مجھے وقت پر میری منزل تک پہنچایا۔دوسری جانب، اداکارہ انوشکا شرما کو بھی ٹریفک جام سے بچنے کے لیے اپنے ایک باڈی گارڈ کے ساتھ بائیک پر سفر کرتے ہوئے دیکھا گیا۔ امیتابھ بچن اور انوشکا شرما کی یوں بغیر ہیلمٹ پہنے بائیک پر سفر کرنے کی تصاویر اور ویڈیوز انٹرنیٹ پر وائرل ہونے کے بعد جہاں کچھ لوگوں نے دونوں اداکاروں کی تعریف کی تو وہیں کچھ ایسے صارفین بھی تھے جنہوں نے ممبئی پولیس کو ٹیگ کرتے ہوئے اس بات کی نشاندہی کی کہ دونوں اداکار ہیلمٹ کے بغیر بائیک پر سفر کر رہے تھے۔جس کے بعد ممبئی پولیس نے اپنے آفیشل ٹوئٹر اکاونٹ پر صارفین کو آگاہ کیا کہ’اس معاملے کے بارے میں ٹریفک برانچ کو آگاہ کردیا گیا ہے ۔

کراچی : پاکستان فیشن انڈسٹری سے وابستہ معروف ماڈل اور اداکار شان بیگ بین الاقوامی سطح پر ملک کی نمائندگی کرنے کے لیے تیار ہیں۔فوٹو اینڈ ویڈیو شیئرنگ پلیٹ فارم انسٹاگرام پر ماڈل شان بیگ نے اپنے مداحوں کو اپنی کامیابی کے حوالے سے خبر دیتے ہوئے ان کا شکریہ ادا کیا۔ انہوں نے بتایا کہ انہیں بین الاقوامی اعزاز فلم فیئر مڈل ایسٹ سوشل نائٹ میں بہترین فیشن کی کیٹیگری کے لئے نامزد کیا گیا ہے۔انہوں نے اپنے مداحوں سے درخواست کی کہ وہ اس اعزاز کو جیتنے میں ان کی مدد کریں اور ان کے لئے ووٹ کاسٹ کریں تاکہ وہ یہ اعزاز اپنے وطن لاسکیں۔فلم فیئر مڈل ایسٹ سوشل نائٹ کے فاتحین کو 31 مئی 2023 کو ایک شاندار تقریب میں نوازا جائے گا۔

ڈیلس :پاکستانی میوزک انڈسٹری کے لیجنڈ گلوکار سجاد علی نے امریکی ریاست ٹیکساس کے شہر ڈیلس میں اپنی گائیکی کے ذریعے مداحوں کو اپنے سحر میں جکڑ لیا۔پلاٹینم پروڈیکشن اور 24/07 انٹرٹینٹمنٹ کے تحت ہونے والے اس سولڈ آؤٹ کنسرٹ میں نہ صرف پاکستانی بلکہ بھارت سے تعلق رکھنے والے مداحوں نے بھی شرکت کی۔سجاد علی نے اپنے معروف گانوں بس بھئی بس، سنڈریلا، بے بی، ماہیوال، بولو بولو، ہر ظلم تیرا یاد ہے جیسے گانوں سے کنسرٹ میں موجود موسیقی کے شائقین کو مسحور کردیا۔ اس موقع پر وہاں موجود ان کے پرستاروں نے سجاد علی کا ’بولو بولو‘ گانا جھوم جھوم کر گایا اور اپنی خوبصورت آواز سے کنسرٹ کو مزید رنگین بنادیا، پرستاروں کی آواز سے پورا ہال گونج اٹھا۔

ممبئی : بالی ووڈ انڈسٹری کے کاپی ماسٹر بالخصوص پاکستانی دھنوں کی نقل کرنے والے گلوکار جوبن نوٹیال نے حال ہی میں پاکستانی مقبول ترین گانے کہانی سنواپنی آواز میں پیش کر دیا۔سوشل میڈیا کے مختلف پلیٹ فارمز پر وائرل ویڈیو میں جوبن نوٹیال کو ایک کانسرٹ میں پرفارم کرتے ہوئے دیکھا جاسکتا ہے۔مذکورہ لائیو کانسرٹ کے دوران انہوں نے کیفی خلیل کے مشہور اور سب سے زیادہ ٹرینڈ کرنے والے گانے ’کہانی سنو‘ کو اپنی آواز میں پیش کیا۔سوشل میڈیا پر وائرل اس ویڈیو کے کمنٹس میں تبصرہ کرتے ہوئے کئی سوشل میڈیا صارفین جوبن نوٹیال سے ناراض دکھائی دیئے۔