Category فٹ بال

فٹبال کی باغی لیگ سے کلبز نے نکلنے میں بھی تیزی پکڑ لی، بڑی چھ انگلش ٹیموں کے بعد روایتی حریف انٹر میلان، اے سی میلان سمیت سپین کی اٹلیٹکو میڈرڈ نے بھی متنازعہ لیگ کو گُڈ بائے کہہ دیام حکام نے آئیڈیا فلاپ ہونے کی حقیقت کو مان لیا۔

دنیا کے ہردلعزیز کھیل فٹبال میں باغی لیگ ’’یورپئین سپر لیگ‘‘ کے غبارے سے ہوا نکلنے لگ گئی ہے، انگلش کلبز کے بعد اطالوی اور سپینش ٹیموں نے بھی نام واپس لے لیے۔

انگلش کلب مانچسٹر سٹی، مانچسٹر یونائیٹڈ، چیلسی، لیورپول، آرسنل اور ٹوٹنہم کے بعد اے سی میلان، انٹرمیلان کے علاوہ سپینش کلب اٹلیٹکو میڈرڈ نے بھی متنازعہ لیگ میں نمائندگی سے معذرت کر لی ہے۔

صرف اتنا نہیں بلکہ مانچسٹر یونائٹیڈ کے وائس چیئرمین وُڈورڈ عہدے سے مستعفی ہو گئے۔ نامور کلبز کی واپسی پر باغی لیگ کو کامیاب کرانے کا خواب دیکھنے والے چیئرمین یوونٹس کلب اندریا انجلی سمیت حکام نے اپنی ناکامی تسلیم کر لی۔

اس سے پہلے فٹبال تنظیموں فیفا، یوئیفا اور انگلش پریمیئر نے قانونی جنگ چھیڑنے اور کلبز کو نمائندگی سے محروم کرنے کی دھمکی دی تھی۔

یورپی فٹبال کو نئے تنازع کا سامنا ہے اور 12 بڑے یورپی کلبز نے متوازی لیگ بنا کر یورپین سپر لیگ کروانے کا اعلان کیا ہے۔

یوئیفا اور فیفا نے متوازی لیگ بنانے والے فٹبال کلبز اور پلیئرز کو وارننگ دیتے ہوئے سخت کارروائی کی دھمکی دی ہے اور کہا ہے کہ متوازی لیگ کو قبول نہیں کیا جائے گا۔

متوازی لیگ میں آرسنل، اے سی میلان، اٹلیٹکو میڈرڈ، چیلسی، بارسلونا، انٹر میلان، جوینٹس، لیور پول، مانچسٹر یونائیٹڈ، مانچسٹر سٹی، ریال میڈرڈ اور ٹوٹن ہم ہاٹسپر شامل ہیں۔

ترکش فٹبالرز کی میچ کے دوران روزہ کھولنے کی وائرل ویڈیو نے انٹرنیٹ صارفین کے دل جیت لیے۔

سوشل میڈیا پر ترکش فٹبالرز کی ویڈیو تیزی سے وائرل ہورہی ہے جس میں میچ کے دوران تمام فٹبالرز نے وقفہ میں اپنا روزہ افطار کیا، ترکی کے ایک اسپورٹس پیج نے سوشل میڈیا پر ویڈیو شئیر کرائی جس میں میچ کے دوران انجری کی وجہ سے وقفہ ہوا تاہم فٹبالرز نے اس کا فائدہ اٹھایا اور روزہ افطار کیا، فٹبالرز کے اس عمل نے انٹرنیٹ صارفین کادل جیت لیا جب کہ پاکستان سمیت دنیا بھر میں موجود مداحوں نے ترکش فٹبالرز کی کامیابی کے لیے دعاکی اور نیک خواہشات کا اظہار کیا۔

واضح رہے کہ جنوبی افریقا کے خلاف تیسرے ٹی ٹوئنٹی میچ میں قومی کرکٹر محمد رضوان نے غیرمعمولی اننگز کھیلی تھی جب کہ وہ روزے کی حالت میں وکٹ کیپنگ اور بیٹنگ بھی کرتے رہے۔

کراچی: فٹبال کی عالمی تنظیم فیفا نے پاکستان کی رکنیت معطل کر دی۔

ذرائع کے مطابق فیفانے پی ایف ایف نارملائیزیشن کمیٹی کو باہر نکال کر فٹبال ہاؤس پر قبضہ کرنے پر یہ فیصلہ کیا جو فوری طور پر نافذ العمل ہوگا اور تاحکم ثانی برقرار رہے گا۔

فیفا کی جانب سے دی جانے والی ڈیڈ لائن کے بعد بھی قبضہ ختم نہ کیا گیا تھا اور ڈائیلاگ کی کوشش بھی ناکام رہی تھی،واضح رہے کہ فیفا نے دوسری مرتبہ پاکستان فٹبال کو معطل کیا ہے۔

قبل ازیں2017 میں پاکستان کو پہلی مرتبہ معطلی کا سامنا کرنا پڑا،فیفا نے پابندی کے ساتھ ہی پاکستان کو فنڈز کی فراہمی روک دی،پابندی کے سبب پاکستان انٹرنیشنل مقابلوں میں شرکت نہیں کر سکے گا،معطلی پی ایف ایف معاملات میں بیرونی مداخلت پر کی۔

ذرائع کا کہنا ہے کہ فیفا کی طرف سے عائد پابندی پاکستان فٹبال فیڈریشن نارملائیزیشن کمیٹی کو اختیارات کی واپسی تک معطل رہے گی۔

لندن: فٹبال ورلڈ کپ کوالیفائرز میں سربیا اور پرتگال کا میچ دو دو کی برابری پر ختم ہو گیا۔ گول لائن تنازع پر کرسٹیانو رونالڈو آپے سے باہر ہو گئے، ریفری سے الجھ پڑے، غصے میں کیپٹن بینڈ اتار کر پھینک دیا۔

تفصیل کے مطابق فٹبال ورلڈ کپ کے کوالیفائرز راؤنڈ میں سربیا اور پرتگال کا میچ 2-2 سے برابر ہو گیا ہے۔ یورپ زون کے گروپ اے میں سربیا اور پرتگال کی ٹیمیں آمنے سامنے آئی تھیں۔

پرتگالی کھلاڑی ڈیگو جوٹا نے شاندار کھیل پیش کیاگیارہویں اور پھر چھتیسویں منٹ گول کیے۔ دوسرے ہاف میں سربین کھلاڑیوں نے بھی کم بیک کیا اور مسلسل دو کامیابیوں سے سکور دو دو سے برابر کر دیا۔

اس کے بعد میچ سنسنی خیز ہو گیا۔ پرتگالی ٹیم نے بھرپور حملہ کیا تاہم جال میں جاتی بال کو روکنے پر تنازع کھڑا ہو گیا۔ سپر سٹار کرسٹیانو رونالڈو نے اس پر بھرپور احتجاج کیا اور ریفری پر چڑھ دوڑے اور غصے میں کیپٹن بینڈ اتار پھینکا۔

دونوں ٹیموں کے درمیان بے نتیجہ میچ کے جوشیلے بھڑکیلے ایکشن توجہ کا مرکز بن گئے۔

لندن: امیر ترین فٹبال سٹارز کا مقابلہ لیونل میسی نے جیت لیا، بارسلونا کلب سے 107.6 ملین پاؤنڈ تنخواہ لینے والے سب سے آگے ہیں، ان کے روایتی حریف کرسٹیانو رونالڈو دوسرے نمبر پر ہیں۔

غیر ملکی میڈیا کے مطابق دنیا کے پسندیدہ کھیل فٹبال میں دلچسپ مقابلہ سامنے آیا ہے، سپر سٹار پلیئرز کے درمیان زیادہ کمائی کی دوڑ میں لیونل میسی بازی لے گئے۔ یورپی کھلاڑیوں میں میسی سب سے زیادہ 107.6 ملین پاؤنڈ تنخواہ لیتے ہیں۔

ان کے روایتی حریف کرسٹیانو رونالڈو آمدن میں آدھے، اطالوی کلب یووینٹس سے وابستہ رونالڈو کی تنخواہ 46.5 ملین پاؤنڈ ہے

برازیلی فارورڈ نیمار تیسرے نمبر پر براجمان ہیں، 31.3 ملین پاؤنڈ کماتے ہیں۔ ٹاپ فائیو یورپی فٹبالرز میں لوئس سوآریز کا آخری نمبر ہے۔ انگلش پریمئر لیگ میں زیادہ کمانے والے کی فہرست میں گیرتھ بیل کا پچیس اعشاریہ چھ ملین پاؤنڈ کے ساتھ پہلا نمبر ہے۔

ترکی(ایمرا نیوز آن لائن) رونالڈو نے معذور مداح سے ملاقات کرکے اُس کی خواہش پوری کردی معروف فٹ بالر کرسٹیانو رونالڈو نے معذور مداح سے ملاقات کرکے اُس کی خواہش پُوری کردی۔ گزشتہ روز پرتگال سے تعلق رکھنے والے معروف فٹ بالر کرسٹیانو رونالڈو نے سماجی رابطے کی ویب سائٹ انسٹاگرام پر ایک ویڈیو شیئر کی جس میں وہ ایک معذور بچے کے ساتھ فٹ بال کھیل رہے ہیں، علی عامر نامی یہ معذور بچہ کرسٹیانو رونالڈو کا ایک خاص مداح ہے۔
رونالڈو نے اپنے اس خاص مداح کی خواہش پر اُس سے ملاقات کی اور پھر فٹ بال بھی کھیلی، رونالڈو نے ویڈیو شیئر کرتے ہوئے کیپشن میں لکھا کہ ’آپ سے ملاقات کرکے خوشی ہوئی، آپ نے مجھے بہت متاثر کیا۔‘

دوسری جانب علی عامر نے اپنے انسٹاگرام اکاؤنٹ پر رونالڈو سے ملاقات کی تصاویر شیئر کیں اور ساتھ ہی ایک ویڈیو شیئر کی جس میں رونالڈو اپنے مداح کو فٹ بال پر آٹوگراف دے رہے ہیں۔علی عامر نے اِن تصاویر اور ویڈیو کو شیئر کرتے ہوئے کیپشن میں لکھا کہ ’اُن کو یقین نہیں آرہا ہے کہ اُن کی یہ خواہش پوری ہوگئی ہے۔‘علی عامر نے لکھا کہ ’میں اِس کے لیے سب سے پہلے اللّہ تعالیٰ کا شکر ادا کرتا ہوں کہ اُس نے میری دُعا قبول کی اور رونالڈو سے ملاقات کروانے کے لیے کچھ لوگوں کو وسیلہ بنایا۔‘

اُنہوں نے اِس ملاقات کے لیے کرسٹیانو رونالڈو کا بھی شکریہ ادا کیا اور ساتھ ہی فٹ بال کھیلنے کے لیے بھی شُکریہ ادا کیا۔اُنہوں نے اِس موقع پر لکھا کہ ’میں اپنے والدین کا بھی شُکر گُزار ہوں۔‘اِس کے علاوہ علی عامر نے انسٹاگرام پر وہ ویڈیو بھی شیئر کی جس میں رونالڈو اُن کے ساتھ فٹ بال کھیل رہے ہیں۔

ریاض (ایمرا نیوز آن لائن) اطالوی فٹبال لیگ میں سپر کوپا کا ٹائٹل لیزیو نے جیت لیا، سپر اسٹار کرسٹیانو رونالڈو کی ٹیم یووینٹس کو تین ایک کی اپ سیٹ شکست ہو گئی۔

جوشیلے اور بھڑکیلے کھیل فٹبال کا ایک اور زور کا جوڑ، سپر کپ فائنل میں اطالوی فٹبال کلب یووینٹس اور لیزیو مدمقابل ہوئے، تماشائیوں سے کھچا کھچ بھرے اسٹیڈیم نے بھی کھیل کا ماحول اور زیادہ گرما دیا، سولہویں منٹ لوئز البرٹو نے گول کر کے مایہ ناز کرسٹیانو رونالڈو کی ٹیم کا غرور توڑا۔

پینتالیسویں منٹ ڈیبالا کے گول سے اسکور برابر، دوسرے راؤنڈ میں ستاروں سے جڑی ٹیم یووینٹس کو مزید دو گول کا دھچکا برداشت کرنا پڑا، تین ایک کی اپ سیٹ شکست سے لیزیو نے چیمپئن کا تاج سر پہ سجا لیا۔ پانچواں مقامی ٹائٹل اپنے نام کرنے پر لیزیو کے کھلاڑیوں نے خوب جشن منایا۔

میڈرڈ(ایمرا نیوز آن لائن) اسپینش فٹبال لیگ میں چیمپئن ٹیم بارسلونا نے برتری کی دھاک بٹھاتے ہوئے ملورکا کو پانچ دو سے ہرا دیا، سپر اسٹار لیونل میسی نے گولز کی ہیٹ ٹرک کی، سوآریز کا اسٹائلش اسکور بھی توجہ کا مرکز بن گیا۔

بارسلونا کے ناؤ کیمپ فٹبال اسٹیڈیم میں لالیگا کا میچ چیمپئن ٹیم بارسلونا اور میلورکا کے درمیان جوڑ پڑا، فٹبال ستاروں سے بھری ٹیم بارسا کو سات منٹ میں گریزمین نے برتری دلائی۔ سپر اسٹار لیونل میسی نے گولز کی ہیٹ ٹرک کی، پرستاروں کو مہارتوں کا جادو دکھا دیا۔ملورکا کی جانب سے دو گولز سے میچ توجہ کا مرکز بنا مگر سنسنی نہ آ سکی، پہلے ہاف میں سوآریز کے اسٹائلش گول نے بھی سب کو حیران کر دیا۔

فاتح ٹیم بارسلونا کو پانچ دو کی جیت کا فوری انعام ملا، پوائنٹ ٹیبل پر ٹاپ پوزیشن زیادہ مستحکم ہو گئی۔

کراچی(ایمرا نیوز آن لائن) عالمی شہرت یافتہ فٹبالرز ریکارڈو کاکا، لوئس فیگو، کارلس پیول اور نکولز انیلکا پاکستان پہنچ گئے۔چاروں فٹبالرز کراچی کے جناح انٹرنیشنل ائیرپورٹ پہنچے جہاں ان کا استقبال کیا گیا اور سندھ کی روایتی ٹوپی اور اجرک پہنائی گئی۔ پاکستان میں فٹبال کے فروغ کے لیے چاروں فٹبالرز ورلڈ سوکر اسٹارز کے دورے کے لیے پاکستان پہنچے ہیں جو آج کراچی اور کل لاہور میں ایکشن میں ہوں گے۔کراچی پہنچنے پر جیو نیوز سے گفتگو میں فرانس کے سابق فٹبالر نکولز انیلکا نے کہا کہ انہیں ایک بار پھر پاکستان آکر اچھا لگ رہا ہے، وہ یہاں قیام کے دوران فینز اور ساتھی فٹبالرز کے ساتھ بھرپور انجوائے کرنا چاہتے ہیں۔

ورلڈ سوکر اسٹارز پہلے میچ کے لیے آج شام کراچی کے راحت اسٹیڈیم میں کراچی ایف سی کلب سے مقابلہ کریں گے جس میں پاکستان فٹبال ٹیم کے کپتان صدام حسین بھی حصہ لیں گے۔ میچ سے قبل میڈیا سیشن ہوگا اور پھر مقامی مال میں فینز سے ملاقات ہوگی جب کہ کل کا میچ لاہور میں ٹیم فیگو سے ہوگا۔ اسپین کے کارلس پیول ٹیم فیگو کا حصہ ہوں گے جب کہ نکولز انیلکا ٹیم کاکا میں شامل ہیں۔ پاکستان کے مقامی فٹبالرز بھی اس میچ میں شریک ہوں گے۔یاد رہے کہ برازیل کے کاکا اور پرتگال کے سابق کپتان لوئیس فیگو رواں برس جنوری میں بھی پاکستان کا دورہ کرچکے ہیں۔