Category انٹرنیشنل

پاکستان کے معروف کامیڈین اور عمر شریف کے قریبی ساتھی سلیم آفریدی اپنے دیگر ساتھی فنکاروں اور گلوکاروں کے ہمراہ جاپان کے شہر اوساکا پہنچ گئے ہیں۔

اِنہیں جاپان کے دورے کی دعوت اوساکا میں مقیم آرگنائزر اور سینئر پاکستانی علی جوہر نے دی ہے۔

علی جوہر کے مطابق جاپان میں ایک طویل عرصے کے بعد انہوں نے اوساکا دیسی میوزک اینڈ کامیڈی لائیو کے نام سے پروگرام منعقد کیا ہے جس کے پورے ٹکٹ فروخت ہوچکے ہیں۔

علی جوہر کے مطابق پاکستان سے آنے والے فنکاروں میں ایف ایم ڈبلیو گیارہ سے شہرت حاصل کرنے والے عمر شریف کے قریبی ساتھی سلیم آفریدی کے علاوہ معروف گلوکار عمران ساجن، شاہد علی اور گلوکارہ افشین حیات بھی اوساکا پہنچیں ہیں۔

علی جوہر کے مطابق ان فنکاروں کے پروگرام اوساکا کے علاوہ ٹوکیو میں منعقد کیے جارہے ہیں جس کا انتظام معروف کاروباری شخصیت رمضان صدیق اور شاکر علی کی جانب سے کیا گیا ہے۔

علی جوہر نے بتایا کہ ان کی آرگنائزنگ کمیٹی میں ان کے علاوہ شعیب میمن اور ندیم خان بھی شامل ہیں علی جوہر کے مطابق جاپان میں بیس ہزار سے زائد پاکستانی مقیم ہیں لہٰذا وہ چاہتے ہیں کہ اتنی بڑی تعداد میں موجود اپنے پاکستانی بھائیوں کے لیے جاپان میں مستقبل میں بھی ایسے پروگرام آرگنائز کرتے رہیں تاکہ ہمارے پاکستانی بھائی اپنے کلچر اور ثقافت سے بھی واقف رہیں۔

علی جوہر کے مطابق اس دورے کو ممکن بنانے میں مرزا اینڈ کمپنی، کانسائی گروپ، حسین موٹرز، بلال حسن تارڑ، عطر ٹریڈنگ، دین ٹریڈنگ اور الفلاح ٹریڈنگ جیسے ادارے شامل ہیں جبکہ جان ٹریڈنگ نے بھی اس شو کو ممکن بنانے میں کردار ادا کیا ہے۔

امریکی وزیر خارجہ انٹونی بلنکن نے کہا ہے مشکل وقت میں پاکستانی عوام کے ساتھ کھڑے ہیں۔

اپنے بیان میں امریکی سفیر نے پاکستان کے لیے آئی ایم ایف پروگرام کی منظوری کا خیر مقدم کرتے ہوئے کہا کہ خواہش ہے پائیدار معاشی بحالی کے لیے پاکستان آئی ایم ایف کے ساتھ کام جاری رکھے

دوسری جانب پاکستان میں امریکی سفیر ڈونلڈ بلوم کا کہنا تھا کہ پاکستان کو اس وقت کئی اقتصادی چلینجز کا سامنا ہے، انٹرنیشنل مانیٹری فنڈ (آئی ایم ایف) نے پاکستان کا قرضہ منظور کیا ہے، پاکستان کو اس حوالے سے مزید کام کرنا ہوگا۔

ڈونلڈ بلوم نے کہا کہ امریکا پاکستان میں سرمایہ کاری کرنے والا سب سے بڑا ملک ہے، دونوں ممالک کے درمیان دو طرفہ تجارت کے حوالے سے کافی پر امید ہیں۔

واضح رہے کہ پاکستان اور آئی ایم ایف کے درمیان 3 ارب ڈالر کا اسٹینڈ بائی معاہدہ طے پایا ہے، معاہدے کے تحت پاکستان کو گزشتہ روز ایک ارب 20 کروڑ ڈالر کی پہلی قسط بھی موصول ہوگئی ہے۔

امریکی مسافر طیارے کو پرواز کے دوران شدید ہچکولوں اور جھٹکوں کا سامنا کرنا پڑا جس کی وجہ سے 4 افراد زخمی ہوگئے۔

غیرملکی میڈیا کے مطابق طیارہ شمالی کیرولینا سے فلوریڈا جا رہا تھا جس میں 179 مسافر اور عملے کے 6 افراد سوار تھے۔

رپورٹس کے مطابق ہوا کے شدید دباؤ کے باعث 2 مسافر اور عملے کے 2 ارکان زخمی ہوئے جنہیں بحفاظت لینڈگ کے بعد فوری طور پر اسپتال منتقل کردیا گیا۔

غیرملکی میڈیا کے مطابق پرواز کے دوران طیارہ کچھ ہی منٹس میں 5 ہزار فُٹ نیچے آگیا تھا جس کے باعث 4 افراد زخمی ہوئے۔

رپورٹس کے مطابق طیارے میں سوار مسافروں نے اس واقعے کو بہت ہی خوفناک قرار دیا ہے۔

فرانس نے یوکرین میں قتل ہونے والے صحافی ارمان سولڈن کو ملک کا اعلیٰ ترین ایوارڈ دے دیا۔

غیرملکی میڈیا کے مطابق صحافی ارمان سولڈن روس یوکرین جنگ شروع ہونے کے ایک سال بعد 9 مئی کو یوکرین میں راکٹ حملے میں ہلاک ہوگئے تھے۔

رپورٹس کے مطابق 32 سالہ ارمان سولڈن یوکرین میں فرانسیسی نیوز ایجنسی کے لیے بطور ویڈیو کور آڈی نیٹر کام کر رہے تھے۔

غیرملکی میڈیا کے مطابق ارمان سولڈن فرانسیسی نیوز ایجنسی کے رپورٹرز کی ٹیم کا حصہ تھے جو یوکرینی فوجیوں کے ساتھ ایک جنگ زدہ شہر میں موجود تھی۔

دنیا بھر میں صحافیوں کے حقوق کے لیے سرگرم تنظیم کمیٹی ٹو پروٹیکٹ جرنلسٹس کے اعداد و شمار کے مطابق 24 فروری 2022 کو روس کے حملے کے بعد سے یوکرین میں کم از کم 17 صحافی اور میڈیا کارکن ہلاک ہوچکے ہیں۔

امریکا کے صدر کی سرکاری رہائش گاہ و دفتر وائٹ ہاؤس سے کوکین ملنے کی تحقیقات ختم کردی گئیں۔

امریکی خفیہ ادارے سیکرٹ سروس کا کہنا ہے کہ فنگر پرنٹ، ڈی این اے اور ویڈیو فوٹیج کے جائزوں کے باوجود وائٹ ہاؤس میں کوکین چھوڑنے والے شخص کی نشاندہی نہیں ہوسکی ہے۔

اس سے قبل رواں ماہ وائٹ ہاؤس کی ترجمان کیرین جین پیئر نے میڈیا سے گفتگو کرتے ہوئے کہا تھا کہ ہم ہر ایکشن لیں گے جو کہ مناسب اور قابل ضمانت ہو، سیکرٹ سروس اس معاملے کی تحقیقات کر رہی ہے۔

واضح رہے کہ رواں ماہ کے آغاز میں وائٹ ہاؤس کے ایگزیکٹیو ایونیو کے داخلی ہال سے کوکین برآمد کی گئی تھی۔

داخلی ہال سے ایک چھوٹا پلاسٹک بیگ برآمد کیا گیا تھا جہاں عوام آ سکتی ہے۔

وائٹ ہاؤس کے اندر جانے سے پہلے یہاں موبائل فونز اور دیگر ذاتی ڈیوائسز رکھوائی جاتی ہیں۔

اسلام آباد: سابق وزیر خزانہ مفتاح اسماعیل کا کہنا ہے کہ آئی ایم ایف معاہدے کا کریڈٹ وزیر اعظم شہباز شریف کو جاتا ہے ، شہباز شریف نے ہی آئی ایم ایف پروگرام کیلئے امریکا سے بات کی۔ ایک بیان میں مفتاح سماعیل کا مزید کہنا تھا کہ حکومتی کام کرنے کا طریقہ کار اتنا فرسودہ ہے کہ کوئی کام نہیں کرسکتے ، آئی ایم ایف پروگرام کی وجہ سے پاکستان ڈیفالٹ سے بچ گیا۔آئی ایم ایف کے پروگرام میں 3 حکومتیں آئیں گی، موجودہ حکومت ، نگراں اور نئی حکومت پروگرام پر عمل کرے گی۔آئی ایم ایف پروگرام کے تحت گیس اور بجلی کی قیمتیں مزید بڑھنا ہوں گی۔اب غلطی کی کوئی گنجائش نہیں ہے ، غلطی کی تو خمیازہ بھگتنا پڑے گا، آئی ایم ایف کے ساتھ جو معاہدہ طے ہوا اس پر کاربند رہنا ہوگا۔مفتاح اسماعیل نے مزید کہا کہ معاہدے کے مطابق بجلی اور گیس کی قیمتوں میں اضافہ کرنا ہوگا، موجود حکومت ہو یا نگراں حکومت قیمتیں ہر صورت بڑھانا ہوں گی۔بجلی اور گیس کی قیمتیں بڑھانا ہونگی کیونکہ اس کے علاوہ راستہ نہیں۔خسارہ کم کرنے کیلئے حکومت مزید قرض لے کر رقم نہیں دے سکتی ، خسارہ کم کرنے کیلئے قیمتیں بڑھانے کے علاوہ دوسرا راستہ نہیں ہے۔#/s#

لندن : لندن کے میئر صادق خان کو نسل پرستوں اور مسلم مخالف عناصر نے نشانے پر لے لیا۔غیر ملکی خبر رسا ں ادارے کے مطابق لندن کی فضا کو بہتر بنانے کیلئے اقدامات پر صادق خان کو آن لائن نسل پرستانہ تبصروں کی بوچھاڑ کا سامنا ہے۔الٹر لو ایمیشن زون میں توسیع کے سبب صادق خان سے آن لائن بدسلوکی مزید بڑھ گئی۔گھٹیا تبصرے اور گالیاں دینے والوں کو برٹش پاکستانی میئر بھی جواب دینے سے گریز کر رہے ہیں ۔ #

ماسکو :روس سے لڑائی کے لیے امریکا نے یوکرین کو کلسٹر ہتھیار دینے کا اعلان کردیا، ڈیموکریٹس نے بائیڈن حکومت پر تنقید کرتے ہوئے کہا ہے کہ کلسٹر بموں سے بچوں اور عام شہریوں کو خطرات ہوں گے۔ غیر ملکی خبر رساں ادارے کے مطابق بائیڈن نے اسے مشکل فیصلہ قرار دے دیا اور کہا کہ اتحادیوں سے بھی بات کی تھی، یوکرین کے پاس اسلحہ ختم ہورہا ہے۔پینٹاگون نے بھی کلسٹر بم فیصلے کا دفاع کیا ہے۔ نائب وزیر دفاع نے کہا کہ کلسٹر بموں کے غیر ذمے دارانہ کو استعمال روکنے کے لیے یوکرین سے رابطے میں ہیں۔علاوہ ازیں امریکی صدر بائیدن نے اعلان کیا ہے کہ امریکا نے اپنے تمام کیمیائی ہتھیار تباہ کردیے ہیں۔انہوں نے کہا کہ امریکا نے اپنے ذخیرے کو بحفاظت تلف کر دیا ہے۔ یہ اقدام ہمیں کیمیائی ہتھیاروں کی ہولناکیوں سے پاک دنیا کے قریب لایا ہے۔کیمیائی ہتھیاروں کی روک تھام کی تنظیم کا کہنا ہے کہ خطرناک کیمیائی مادے اس طرح تباہ کیے گئے کہ دوبارہ حاصل نہ کیے جاسکیں۔

اسلام آباد:امریکہ کے 247ویں یوم آزادی کے موقع پر امریکی سفارتخانہ میں تقریب کا انعقاد ہوا۔ترجمان دفتر خارجہ کے مطابق وزیراعظم محمد شہباز شریف کی امریکی جشن آزادی کی تقریب میں بطور مہمان خصوصی شرکت کی ۔امریکی سفیر ڈونلڈ بلوم نے تقریب میں امریکہ پاکستان گرین الائنس فریم ورک کی کامیابیوں کو اجاگر کیا۔ امریکی سفیر ڈونلڈ بلوم نے کہاکہ پاکستان کے ساتھ گرین الائنس کے تحت مشترکہ موسمی، ماحولیاتی خطرات سے نمٹنے پر کام کر رہے ہیں، امریکہ نے پاکستان سر سبز اتحاد لائحہ عمل کا آغاز کیا، سرسبز لائحہ عمل سے زراعت، شفاف توانائی، پانی کے انتظام و انصرام کے شعبوں میں تعاون کو فروغ دے رہے ہیں،گرین الائنس موسمیاتی خطرات سے نمٹنے کی استعداد کار میں اضافہ، معاشی ترقی کی حوصلہ افزائی کرتا ہے، امریکہ پاکستان کے ساتھ معیشت، سرمایہ کاری اور تجارت میں اضافہ کا خواہاں ہے، امریکہ، پاکستان کے ساتھ شراکت کو مزید وسعت دینے کے لیے پْر امید ہے

سابق امریکی صدر ڈونلڈ ٹرمپ نے وائٹ ہاؤس سے کوکین برآمدگی کی خبر سامنے آنے کے بعد جو بائیڈن اور ان کے بیٹے پر بے بنیاد الزام عائد کر دیا ہے۔

ڈونلڈ ٹرمپ نے ٹروتھ سوشل پر وائٹ ہاؤس سے کوکین برآمدگی کی خبر پر اپنے ردِ عمل کا اظہار کرتے ہوئے لکھا کہ کیا کوئی واقعی اس بات پر یقین رکھتا ہے کہ اوول آفس کے بالکل قریب وائٹ ہاؤس کے ویسٹ ونگ میں پائی جانے والی کوکین ہنٹر اور جوبائیڈن کے علاوہ کسی اور کے استعمال کے لیے ہے؟

اُنہوں نے یہ بھی لکھا کہ میڈیا وائٹ ہاؤس سے کوکین کی برآمدگی کی خبر پر زیادہ توجہ نہیں دے گا اور یوں اس واقعہ کو عوام سے چُھپایا جائے گا۔

واضح رہے کہ امریکا کے صدر کی سرکاری رہائش گاہ اور دفتر وائٹ ہاؤس سے کوکین برآمد ہونے کی تحقیقات جاری ہیں۔

اس حوالے سے وائٹ ہاؤس کی ترجمان کیرین جین پیئر نے میڈیا سے گفتگو کرتے ہوئے کہا کہ جہاں سے کوکین ملی وہاں بہت سے لوگ آتے جاتے ہیں۔

اس موقع پر ترجمان سے سوال کیا گیا کہ تحقیقات کے حصے کے طور پر کسی کا ڈرگ ٹیسٹ کروایا گیا ہے؟

اس سوال کے جواب میں کیرین جین پیئر نے کہا کہ ہم ہر ایکشن لیں گے جو کہ مناسب اور قابل ضمانت ہو۔