Category تازہ ترین

لاہور : صوبائی دارالحکومت لاہور میں پرچون سطح پر فی کلو برائیلر گوشت کی قیمت 7روپے فی کلو کمی کر دی گئی ہے، جس کے برائیلر گوشت کی قیمت 575روپے کی سطح پر آ گئی ہے، زندہ برائیلر مرغی کی قیمت 5روپے کمی سے383روپے فی کلو جبکہ فارمی انڈوں کی قیمت 280روپے فی درجن پر مستحکم رہی ۔

لاہور : پنجاب ماس ٹرانزٹ اتھارٹی نے میٹرو بس اوراورنج لائن ٹرین کے اسٹیشنز کی میڈیا کوریج پرفیس عائد کردی۔ماس ٹرانزٹ اتھارٹی کا کہنا ہے کہ میڈیا کوریج کے لیے فیس ادا کرنی ہوگی، پھراجازت کا فیصلہ ہوگا، اورنج لائن کے 26اسٹیشنز پر3کیٹگریاں بنادی گئیں۔ کیٹگری اے میں 8اسٹیشنز پر2لاکھ 46 ہزار روپے فی اسٹیشن کوریج فیس ہوگی، کیٹیگری بی میں شامل 10اسٹیشنزپرایک لاکھ 85ہزارروپے فیس عائد کی گئی ہے۔اس کے علاوہ کیٹگری بی میں شامل8اسٹیشنز پرایک لاکھ 24ہزار روپے فیس ہوگی، میٹروبس سروس کی کوریج پر بھی ایک لاکھ 24ہزار روپے دینا ہوں گے

لاہور : محتسب پنجاب میجر (ر) اعظم سلیمان خان کے حکم پر ماہ جون میں اجتماعی مسائل کے حل کے حوالے سے 152 شکایات کا ازخود نوٹس لیا گیا۔ 45 ازخود نوٹسز پر متعلقہ اضلاع کی انتظامیہ نے مجموعی طو رپر 83 کروڑ 65 لاکھ 46 ہزار776 روپے خرچ کئے ہیںجبکہ 107 دیگر اون موشن نوٹسز پر متعلقہ محکموں کی کارروائی میں کوئی سرکاری و سائل خرچ نہیں ہوئے۔اپنے ایک بیان میں ترجمان دفتر محتسب پنجاب نے بتایا کہ سیوریج لائنوں کی بحالی کے 8 ازخود نوٹسز پر کارروائی میں 57644089روپے ،گٹروں کے ڈھکن لگوانے کے 6 ازخود نوٹسز پر 35992 روپے، کوڑا اٹھوانے اور گلیوں و سڑکوں کی صفائی کے 27 ازخود نوٹسز کی کارروائی پر 778832995 روپے خرچ ہوئے۔ اس دوران واٹر فلٹریشن پلانٹس کی مرمت و بحالی کے 3مختلف ازخود نوٹسزپر متعلقہ اضلاع میں انتظامیہ نے 33700 روپے خرچ کرکے لوگوں کو پینے کا صاف پانی مہیا کیا ہے۔ترجمان نے مزید بتایا کہ سیوریج لائنوں کی بحالی کے 24 ، مین ہولز کور کرنے کے 2، صفائی و کوڑا اٹھانے کے 44، واٹر فلٹر یشن پلانٹس کی بحالی کے 2، پانی کے پائپوں کی مرمت کے 12 اور سٹریٹ لائٹس کی مرمت کے 4 ازخود نوٹسز پر عوامی مسائل کے حل کے حوالے سے متعلقہ اداروں کی کارروائی میں کوئی حکومتی فنڈ خرچ نہیں ہوا۔

اسلام آبا د: وفاقی حکومت نے جاتے جاتے عوام پر پیٹرول بم گرا دیا، فی لیٹر 19 روپے 95 پیسے کا بڑا اضافہ کیا گیا ہے۔ پیٹرول کی قیمت میں اضافے کے بعد فی لیٹر پیٹرول کی قیمت 272.95 روپے ہوگئی ۔وفاقی وزیر خزانہ اسحاق ڈار نے پیٹرولیم مصنوعات کی قیمتوں کا اعلان کیا۔ وزیرخزانہ نے بتایا کہ پیٹرول کی قیمت میں اضافے کے بعد فی لیٹر پیٹرول کی قیمت 272.95 روپے ہوگی۔انہوں نے بتایا کہ ہائی اسپیڈ ڈیزل کی قیمت میں 19 روپے 90 پیسے کا اضافہ کیا گیا جس کے بعد ہائی اسپیڈ ڈیزل کی نئی قیمت 273 روپے 40 پیسے ہوگی۔ قیمتوں کا اطلاق فوری طور پر ہوگا۔اسحاق ڈار نے کہا کہ گزشتہ رات پیٹرولیم مصنوعات کی قیمتوں کا تعین کرنا تھا، عالمی سطح پر خام تیل کی قیمتوں میں اضافہ ہوا ہے جس کے مطابق وزیراعظم سے مشاورت کی گئی اور یہ فیصلہ ہوا کہ قیمتوں میں کم سے کم رد و بدل کیا جائے گا۔وزیر خزانہ کا کہنا تھا کہ ہم آئی ایم ایف کے ساتھ معاہدے میں ہیں اس لیے ایسے فیصلے نہیں کر سکتے جس سے ملک مشکل میں گھرے، ملکی مفاد کو سامنے رکھتے ہوئے پیٹرولیم مصنوعات کی قیمتیں بڑھانے کا فیصلہ کیا گیا ہے

اسلام آبا د: توہین الیکشن کمیشن کیس میں فواد چوہدری نے معافی نامہ الیکشن کمیشن کو جمع کرا دیا،، چیف الیکشن کمشنر نے ریمارکس دیئے کمیشن معافی نامہ دیکھ کر فیصلہ کرے گا ۔فواد چوہدری کے خلاف توہین الیکشن کمیشن کیس کی سماعت چیف الیکشن کمشنر کی سربراہی میں پانچ رکنی بنچ نے کی۔ فواد چوہدری الیکشن کمیشن میں پیش ہوئے جبکہ وکیل فیصل چوہدری نے معافی نامہ الیکشن کمیشن کو جمع کرا دیا۔ ممبر کمیشن نے استفسار کیا کسی کو برا بھلا کہنا پارٹی پالیسی ہو سکتی ہے؟ جوابا فواد چوہدری کہا کہ ماحول ہی ایسا بنا ہوا تھا ملک کا، سمجھ نہیں آ رہی تھی تلخیوں میں کہاں جائیں گے؟ چیف الیکشن کمشنر نے ریمارکس دیے معافی کی پہلی تین لائن میں آپ نے کنڈیشن ڈالی ہیں، آپ پراپر طریقے سے معافی لکھتے ورنہ شو کاز نوٹس کا جواب دے دیتے۔ فواد چوہدری کے وکیل نے مؤقف اپنایا یہ تکنیکی معاملات ہیں، ہماری معافی کو قبول کریں۔ چیف الیکشن کمشنر نے واضح کیا کمیشن معافی نامہ دیکھ کر فیصلہ کرے گا اور معافی نامہ دیکھ کر اگلی سماعت پر فیصلہ دے گا۔ الیکشن کمیشن میں کیس کی سماعت پندرہ اگست تک ملتوی کردی گئی۔

فیصل آباد:فیصل آباد سمیت صوبے بھر میں مصنوعی مہنگائی کا سلسلہ جاری ، آٹا،کوکنگ آئل،گھی، دودھ دہی،گوشت سمیت بیکری اور سبزیوں کی قیمتوں کی کوئی ریٹ لسٹ نہیں ، دوکاندروں اورتاجروں کے اپنے اپنے نرخ نامے ، پنجاب بھر میں چینی کے ذخیرہ اندوز اور منافع خور مافیا کے خلاف کارروائی کے اعلان کے بعد صرف چینی کی قیمت کم ہوناشروع ہوگئی، اوپن مارکیٹ میں چینی کی قیمت 138روپے فی کلو ہوگئی گندم کی قیمت میں مزید اضافہ اورانڈے بھی مہنگے ہوگئے ،جبکہ فیصل آباد کی ضلعی انتظامیہ چینی کے ذخیرہ اندوزی اور منافع خوری میںملوث کسی قسم کی انسدادی کارروائی کرنے میں بری طرح ناکام ،ضلعی انتطامیہ اور ذخیرہ اندوز مافیا کی ملی بھگت سے ضلع بھر میں چینی اور گندم کی ذخیرہ اندوزی اور مصنوعی گرانی عروج پر پہنچ چکی ہے ۔ آن لائن کے مطابق فیصل آباد سمیت پنجاب بھر میں بڑھی ہوئی چینی کے مصنوعی چینی میں اضافہ پر نگران حکومت کی کارروائی کے بعد مختلف اضلاع میں چینی کی قیمتوں میں کمی آنا شروع ہوگئی فیصل آباد میں اوپن مارکیٹ میں چینی 2روپے فی کلو کمی کے بعد 138روپے میں فروخت ہورہی ہے جبکہ پاکستان کے تیسرے بڑے شہر فیصل آباد کی غلہ منڈی سمیت مختلف علاقوں میں سرمایہ دار ٹولے نے بڑے پیمانے پر چینی کی ذخیرہ اندوزی کر رکھی ہے اور مصنوعی قلت پید کر کے نرخوں میں اضافہ کر رکھا ہے۔ چند ہفتوں کے دوران سے بازی اور ذخیرہ اندوزی کی وجہ سے چینی کی قیمت 150 روپے فی کلو تک پہنچ چکی ہیگذشتہ چند ہفتوں کے دوران شہر اور گردونواح میں ذخیرہ اندوزوں اور منافع خوروں نے مصنوعی قلت پیدا کرکے آٹے،چینی،گھی اوردیگر اشیاء کی قیمتوں اضافہ کردیا گیاہے ، ضلعی انتظامیہ انتظامہ اور ملزمالکان کی ملی بھگت سے شہر بھر میں چینی اور گندم کے نرخ کم ہونے میں نہیں آرہے اس وقت گندم اوپن مارکیٹ میں 4800سے 5000روپے فی من فروخت ہورہی جبکہ انڈے فی درجن 260سے بڑھ کر 300روپے درجن ہوگئے ہیں منافع خوروں اور ذخیرہ اندوزوں کی ملی بھگت سے 140روپے آٹا 140روپے دودھ200سے 220روپے مرغی کا گوشت 620سے 650روپے فی کلو جبکہ گھی کی قیمتوں میں بھی 10سے 15روپے اضافہ کردیا گیاہے اس طرح دالیں،مرچ مصالحہ جات کی قیمتوں مین روزبروز اضافہ کیا جارہاہے،مختلف کمپنیونںکے صابن بھی دوگناہ اضافہ کے ساتھ فروخت ہورہے ہیں بیکری کے سامان میں بھی خود ساختہ اضافہ کیا جارہاہے اور ساتھ ہی مارکیٹوں اور بازاروں پھل اور سبزیوں کی قیمتوں میں بھی بے پناہ اضافہ ہوگیا ہے جبکہ انتظامیہ کے افسران اپنے اپنے دفاتر میں اے سی والے کمروں بیٹھ کر انجوائے کررہے ہیں۔ ضلعی انتظامیہ ذخیرہ اندوزی کرنے والوں کے اثر و رسوخ کے سامنے مکمل طوربے بس نظر آئی ہے ۔ چیئرمین انٹر نیشنل انوری فاونڈیشن وختم نبوت مفتی ضیا الرحمٰن انوری کہنا ہے کہ حکمرانوں کا عیش وعشرت کی زندگی گزار نا ریٹائر منٹ کے بعد بھی مراعات لینا اور غریب عوام سے انکے پیسے وصول کرنا ظلم وزیادتی کی بد ترین مثال ہے سالانہ 24کروڑ بجلی کے یونٹ اربوں کی گیس وپٹرول سمیت لگژری گاڑیاں پروٹوکول مقروض ملک جو کہ آئی ایم ایف کے ہاتھوں پر غمال ہے۔ سود چڑھتا جا رہا ہے۔ خود عیاشیاں سیر سپاٹے غریبوں پر ٹیکسوں کی بھر مار صرف پنجاب کی عوام پر بجلی کے اضافی نرخ مختلف ٹیکس ڈالنے سوئی گیس اور واسا کے بل آئے روز بڑھا چڑھا کر وصولنے کیساتھ ذخیرہ اندوذوں کو کھلی چھٹی دے کر چینی، آٹا،گھی،دالیں،آئرن شیٹ،سریا،ریت بجری،سیمنٹ کی قیمتں پر وان چڑھائی جارہی ہے جوکہ اسلامی فلاحی مملکت میں بد ترین عمل ہے جسکی مزمت کر تے ہیں۔ عوامی حلقوں نے وزیر اعلیٰ پنجاب محسن نقوی اور چیف سیکرٹری پنجاب سے مطالبہ کیا ہے کہ فیصل آباد میں چینیاور گندم کی ذخیرہ اندوزی اور مصنوعی مہنگائی کرنے والے سرمایہ داروں کے خلاف گرینڈ آپریشن کیا جائے۔ اس میں ملوث ہے تاجروں اور صنعتکاروں کے خلاف مقدمات درج کر کے کیفر کردار تک پہنچایا جائے۔

کراچی : انٹربینک میں ڈالر کی قیمت میں گراوٹ جاری ہے ۔ گزشتہ روز کاروباری ہفتے کے پہلے روز انٹربینک میں ڈالر کی قدر میں اتر چڑھاؤ جاری رہا اور کاروبار کے اختتام پر ڈالر کی قدر میں معمولی اضافہ ہوا اور ڈالر 19 پیسے اضافے کے ساتھ 286 روپے 64 پیسے پر بند ہوا۔ منگل کے روز کاروبار کے دوران انٹربینک میں ڈالر کی قدر میں کمی دیکھی جارہی ہے اور ڈالر کی قیمت میں 39 پیسے کمی ہوئی ہے۔انٹربینک میں ڈالر 286 روپے 25 پیسے کا ہو گیا ۔دوسری جانب اوپن مارکیٹ میں ڈالر 50 پیسے سستا ہوکر 290 روپے 50 پیسے کا ہوگیا ہے۔

اسلام آباد:وفاقی وزیر داخلہ رانا ثنا اللہ عراق کے چار دورہ روزہ دورے پر علمائے کرام کے وفد کے ساتھ عراق روانہ ہو گئے ،اپنے دورے کے دوران وزیر داخلہ عراقی صدر، وزیر اعظم اور وزیر داخلہ سے ملاقات کریں گے،ہر سال لاکھوں زائرین عراق کا سفر کرتے ہیں، جن کو ویزہ کے حصول اور وہاں قیام سے متعلق مشکلات کا سامنا ہوتا ہے، پچھلے سال یہ صورتحال ایک بحرانی کیفیت اختیار کر گئی تھی۔دورے کے دوران زائرین کی سہولت اور ان مشکلات کے حل سے متعلق عراقی حکومت سے بات کی جائے گی اور اس ضمن میں ایک معاہدہ بھی کیا جائے گا،وزیر داخلہ پاکستانی سفارت خانہ میں عراق میں مقیم پاکستانیوں کیلئے مشین ریڈ ایبل پاسپورٹ سسٹم کا افتتاح بھی کریں گے

ممبئی: بالی ووڈ اسٹار ابھیشیک بچن جلد اپنی نئی فلم گھومر‘ کے زریعے بڑی اسکرین پر اداکاری کے جوہر دکھانے جارہے ہیں۔ٓابھیشک بچن نے اپنی فلم کا موشن پوسٹر جاری کرتے ہوئے مداحوں کو یہ خوشخبری سْنائی ہے کہ ان فلم گھومر رواں ماہ ریلیز ہونے جارہی ہے۔ فلم میں اداکارہ سیامی کھیر ابھیشیک بچن کے ساتھ مرکزی کردار نبھاتی نظر آئیں گی۔آر بلکی کی ہدایتکاری میں بننے والی اس فلم کی کہانی ایک معذور لڑکی کے گرد گھومتی ہے جو بھارتی کرکٹ ٹیم کے لیے کھیلنے کی خواہش رکھتی ہے۔ فلم کی کہانی بھی ہدایتکار آر بالکی نے ہی لکھی ہے۔ابھیشیک بچن فلم میں ایک ہاتھ سے معذور لڑکی کے کوچ کا کردار ادا کر رہے ہیں۔ فلم میں شبانہ عظمی اور انگت بیدی بھی اہم کردار نبھائیں گے۔واضح رہے کہ ابھیشیک بچن کی فلم گھومر 18 اگست کو بھارت کے سنیما گھروں کی زینت بنے گی جس کا ٹریلر 3 دن بعد جاری کیا جائے گا۔

ممبئی : بالی ووڈ سْپر اسٹار سلمان خان کو ایک مرتبہ پھر گینگسٹر گولڈی برار نے قتل کی دھمکی دے دی۔بھارتی میڈیا رپورٹ
کے مطابق سلمان خان کو بدنام زمانہ لارنس بشنوئی گینگ کے سرغنہ گولڈی برار کی جانب سے ایک مرتبہ پھر قتل کی دھمکی موصول ہوئی ہے۔سلمان خان نے بگ باس او ٹی ٹی 2کے اْمیدوار ایلوش یادیو کو بگ باس کے گھر میں موجود ساتھی خواتین کے ساتھ بدسلوکی اور بدتمیزی کرنے پر ناراضگی اور غصے کا اظہار کیا تھا۔ایلوش یادیو کی بے عزتی کرنے اور تنقید کا نشانہ بنانے پر گولڈی برار نے ردِعمل دیتے ہوئے سلمان خان کو قتل کی دھمکی دی ہے۔ سوشل میڈیا پر گولڈی برار کے ٹوئٹ کا اسکرین شاٹ وائرل ہو رہا ہے جس کے بعد سلمان خان کی سیکیورٹی کو مزید سخت کر دیا گیا ہے۔