Category پراپرٹی گائیڈ

لاہور( اپنے نمائندے سے )نئے پاکستان میں پچاس لاکھ گھروںکے معاملے میں حکومت ٹال مٹول سے کام لینے لگی،19 اضلاع کے ڈپٹی کمشنر کی جانب سے ابھی تک سرکاری اراضی کی نشاندھی نہیں کی ،حکومت نے فار م جمع کروانے کی تاریخ میں ایک ماہ کی مزید توسیع کردی ، اب نئے پاکستان کے فار م 21 جنوری تک جمع ہوسکیں گے، متعد باریادہانی کروانی کے بعدڈپٹی کمشنر ز کی جانب سے خاموشی اختیار عوام میں تشویش کی لہر دوڑ گئی ، جس پہلے مرحلے میں نئے گھر بننے ہیںاس کے متعدد اضلاع میں پنجاب حکومت کو جگہ ہی نہ مل سکی ،جھنگ جیسے بڑے اضلاع کے علاقے چنیوٹ کے چک نمبر 22 جے بی میں 53 کنال 8 مرلے ، لالیاں میں 106 کنال 6 مرلے ، بھوانہ کے چک نمبر 195 جے بی میں 52 کنال اراضی کی ہی رپورٹ پنجاب حکومت کو موصول ہوسکی ،باقی اضلاع کے ڈپٹی کمشنرز کی جانب سے جواب نہ دینے پر پنجاب حکومت صرف یادہانی کا مراسلہ جاری کرنے تک ہی محددو ،ذرائع کا کہنا ہے کہ پنجاب حکومت کی جانب سے 36 اضلاع کے ڈپٹی کمشنر ز کو 6 بار مراسلے جاری کئے نئے پاکستان کیلئے اراضی کی نشاندھی کی جائے لیکن ابھی تک 21 اضلاع کی ڈپٹی کمشنرر کی جانب سے جواب موصول ہوا باقی اضلاع ابھی تک جواب دینے سے قاصر ہیں جبکہ پنجاب حکومت کی نئے پاکستان کے حوالے سے جو کمپئن ہے وہ صرف میٹنگز اور اشتہاروں تک ہی محدود ہے عملی طور پر کام ہوتا نظر نہیں آرہا ہے ، پہلے مرحلے میں اسلام آباد، فیصل آباد ، مظفر آباد ،کوئٹہ سمیت دیگر اضلاع میں فارم جمع کروائے جارہے ہیں ،جن کے تاریخ میں دوبارہ پھر توسیع کردی ہے ،ذرائع کا کہنا ہے کہ فارم جمع کروانے میں جو حکومتی ٹارگٹ تھا وہ بھی پورا ہوتا نظر نہیں آرہا ہے کیونکہ ابھی عملی طور پر کام ہوتا نظر آرہا ہے کیونکہ بیورو کریسی کی جانب سے کام سست روی کا شکار ہے ، نئے پاکستان کے حوالے گھروں کو دینے کی ابھی تک پالیسی ہی واضح نہیں ہوسکی کہ نئے گھر عوام کو کیسے دیئے جائینگے کتنی قسط ہوگی کتنی مالیت ہوگی ، نئے گھرکے بنائے گئے فار م بھی نامکمل جو منصوبہ کی سست روی کا منہ بولتا ثبوت ہے۔

لاہور (میڈیا 92 نیوز)سینئر ممبر بورڈ آف ریونیوپنجاب کی ہدایت پر صوبے بھر کے ڈپٹی کمشنرصابان ، اسٹنٹ کمشنر صاحبان اور پنجاب لینڈ ریکارڈ اتھارٹی کے اراضی ریکارڈ سنٹر سٹاف سے بھی شفیع کھوکھر ، ایم این اے افضل کھوکھر ، ایم پی اے سیف المکوک کھوکھر ، کی جائیداد کی بابت ریکارڈ طلب کر لیا ، محکمہ ریونیو اور پنجاب لینڈ ریکارڈ اتھارٹی کے تمام انتظامی افسران اپنے دیگر فرائض اور ڈیوٹی چھوڑ کر کھوکھر برادرن کی جائیداد کا سراغ لگانے میں مصروف ہو چکے ہیں صوبے بھر کے ریونیو سٹاف اور اراضی ریکارڈ سنٹر کے سٹاف کو ہدایت بھی کی گئی ہے کہ وہ ایسی جائیداوں کی نشاندہی بھی کریں جو کہ قابل ازیں قبضے میں لی گی تھی اوربعد ازاں کھوکھر برادرن کے نام لگوائی گئی ہے اسطرح کھوکھر برادرن کی جائیداد میں سرکاری راستہ جات اور کھال شامل کئے گئے ہیںتوان کی بھی فوری رپورٹ کی جائے اور جو جائیداد کھوکھر برادرن نے خرید کی ہے کیاان کے قبضے ریونیو ریکارڈ کے خسرہ جات اور موقع جات کے مطابق ہیں اور جو دوستاوایزت ان کی جائیداد کے ثبوت ملکیت کے طور پر سامنے آئے ہیں کیا وہ موقع جائیداد کساتھ مطابقت رکھتا ہے قابل ذکر بات یہ ہے کہ محکمہ ریونیو کے سینئر ممبر بورڈ آف ریونیو پنجاب سے لیکر نیچے پٹواری تک تمام افسران و ملازمین اس وقت کھوکھر برادرن کی جائیداد کو جانچنے اور ان کی ملکیت کی درستگی کے حوالے سے مصروف عمل ہیں جس کی وجہ سے عام شہریوں کو شدید مشکلات کا سامنا کرنا پڑ رہا ہے شہریوں کا کہنا ہے کہ انتظامی افسران کو چاہئے کے وہ ان کاموں کیساتھ ساتھ سائیلین کے جائز کام بھی کریں۔

لاہور( اپنے نمائندے سے )لاہور ڈویلپمنٹ اتھارٹی نے جوبلی ٹاون میں واقع 100 کنال اراضی پر تعمیر کیے جانے والے ڈینٹل ہسپتال کی تعمیر میں تاخیر ، اور رکاوٹ کا باعث بنے والے افسران و ملازمین کی تفصیلات ہیلتھ ڈپیارٹمنٹ سے مانگ لی ، 2007میں سابق وزیر اعلی پنجاب چوہدری پرویز الٰہی کے دور میں ڈینٹل ہسپتال بنائے جانے کی منظوری دی گی تھی اور اس حوالے سے فنڈز بھی جاری کر دئیے گے تھے تاہم ہیلتھ ڈپیارٹمنٹ اور ایل ڈی اے کے چند بااثر افراد نے اس منصوبے کی مخالفت کرتے ہوئے اس منصوبہ کو التوا میں ڈال دیا تھا اور جوبلی ٹاون میں ڈینٹل ہسپتال کیلئے دی جانے والی اراضی کو بھی لاوارث چھوڑ دیا گیا جس کی وجہ سیاسی مخالفت بتائی گئی ہے موجودہ ڈی جی ایل ڈی اے آمنہ عمران نے اس ضمن میں نوٹس لیتے ھوئے ہیلتھ انتظامیہ سے تفصیلی رپورٹ طلب کر لی ہے اور ایل ڈی اے افسران کو بھی ہدایت کی ہے کہ وہ جوبلی ٹاون میں واقع 100 کنال اراضی کی موقع فیلڈ سٹاف سے رپورٹ مرتب کرتے ہوئے پیش کریں ۔ذارئع کا کہنا ہے کے اس منصوبے میں رکاوٹ بننے اور اس میں تاخیر کرنے والے افسران کے خلاف قانونی کاروائی کا آغاز بھی رپورٹ آنے کے فوری بعد شروع کر دیا جائے گا۔

جعلی بینک اکائونٹس کیس پر ازخودنوٹس کیس کی سماعت کے دوران چیف جسٹس پاکستان نے سابق صدر آصف علی زرداری کے وکیل فاروق ایچ نائیک سے کہا ہے کہ اربوں روپے کے کھانچے ہیں، معاف نہیں کریں گے۔
انہوں نے مزید کہا کہ ان لوگوں کو معاف نہیں کر سکتے جنہوں نے قوم کا پیسہ کھایا اور اب بدمعاشی کر رہے ہیں۔
سپریم کورٹ لاہور رجسٹری میں چیف جسٹس پاکستان کی سربراہی میں دو رکنی بینچ نے جعلی بینک اکائونٹس کیس پر ازخودنوٹس کیس کی سماعت کی۔
سپریم کورٹ لاہور رجسٹری میں چیف جسٹس پاکستان کی سربراہی میں دو رکنی بینچ نے جعلی بینک اکائونٹس کیس پر ازخودنوٹس کیس کی سماعت کی۔
چیف جسٹس آف پاکستان میاں ثاقب نثار کا کہنا ہے کہ لگتا ہے کہ اومنی گروپ کے مالکان کا غرور ختم نہیں ہوا، قوم کے اربوں روپے کھا گئے اور پھر بھی بدمعاشی کررہے ہیں۔
سپریم کورٹ نے کمرۂ عدالت میں پروجیکٹر لگانے کا حکم دیتے ہوئے کہا کہ جے آئی ٹی رپورٹ کی سمری اوپن کورٹ میں پروجیکٹر پر چلائی جائے گی۔
چیف جسٹس پاکستان میاں ثاقب نثار نے اومنی گروپ کے مالکان کے وکلاء منیربھٹی اور شاہدحامد کے ساتھ مکالمہ کرتے ہوئے کہا کہ انور مجید کے ساتھ اب کوئی رحم نہیں ہوگا،لگتا ہے انہیں اڈیالہ جیل سے کہیں اور شفٹ کرنا پڑے گا۔
انہوں نے مزید کہا کہ آپ وکیل ہیں، آپ نےفیس لی ہوئی ہے، آپ کوسنیں گے لیکن فیصلہ ہم نے کرنا ہے۔
چیف جسٹس پاکستان نے سابق صدر آصف علی زرداری کے وکیل فاروق ایچ نائیک سے کہا کہ اربوں روپے کے کھانچے ہیں، معاف نہیں کریں گے۔
انہوں نے مزید کہا کہ ان لوگوں کو معاف نہیں کر سکتے جنہوں نے قوم کا پیسہ کھایا اور اب بدمعاشی کر رہے ہیں۔
چیف جسٹس پاکستان نے سابق صدر آصف علی زرداری کے وکیل فاروق ایچ نائیک سے کہا کہ اربوں روپے کے کھانچے ہیں، معاف نہیں کریں گے۔
انہوں نے مزید کہا کہ ان لوگوں کو معاف نہیں کر سکتے جنہوں نے قوم کا پیسہ کھایا اور اب بدمعاشی کر رہے ہیں۔

لاہور(ایمرا نیوز/رپورٹ:- ذیشان علی)جعلی پٹواری، جعلی منشی اور دو نمبر صحافیوں کے خلاف کریک ڈاﺅن، اسسٹنٹ کمشنر شالیمار نے ہربنس پورہ میں سرکاری زمینوں پر قبضے کروانے میں معاونت کرنے اور ملوث پائے جانے والے سرکاری و غیر سرکاری افراد کے خلاف سخت قانونی کارروائی کرنے کا عندیہ دیدیا پٹوار سرکل ہربنس پورہ کے پٹواری تاج محمد، قانگو حاجی اظہر اور نائب تحصیلدار اسماعیل شاہد نے مساجد میں اعلانات کروائے اور خبردار کیا کہ سرکاری اراضی پر قبضے کرنے میں ملوث افراد ریونیو سٹاف کے نام پر کسی کو ایک روپیہ بھی نہ دیں اور ایسے جعلی پٹواریوں، صحافیوں اور منشیوں کی باقاعدہ ہمیں اطلاع کریں جس پر ان کے خلاف نا صرف مقدمات درج کروائے جائیں گے بلکہ ان کی گرفتاریاں بھی عمل میں لائی جائیں گی۔اسسٹنٹ کمشنر شالیمار عبدالرزاق ڈوگر اور نائب تحصیلدار اسماعیل شاہد سمیت ریونیو سٹاف محمد تاج پٹواری کا کہنا تھا کہ ہربنس پورہ میں سرکاری اراضی پر ہونے والی تعمیرات میں دو نمبری صحافیوں ، سابقہ پٹواریوں، منشیوں، اشٹام فروشوں، ڈیلروں کی کثیر تعداد شامل ہے جن کی باقاعدہ فہرستیں مرتب کی جا رہی ہیں اور اس حوالے سے ان کے نام، ایڈریس، موبائل نمبر، لوکیشن اور ان کی واردات کے متعلق تمام ثبوت اکٹھے کرتے ہوئے پریس کلب ،ایف آئی اے ،سی سی پی او لاہور اور محکمہ اینٹی کرپشن کو بھی مہیا کئے جائیں گے اور ان کے خلاف سخت قانونی کارروائی عمل میں لائی جائے گی ۔ اسسٹنٹ کمشنر شالیمار عبدالرزاق ڈوگر کا مزید کہنا تھا کہ اگر ہمارے سٹاف کے حوالے سے بھی کوئی رشوت وصولی کی اطلاع ملی تو بلاتفریق فوری قانونی کارروائی عمل میں لائی جائے گی۔

لاہور(نیٹ نیوز)
لاہور کی احتساب عدالت میں پیراگون ہاؤسنگ اسکیم اسکینڈل کی سماعت آج ہوگی، جس کے دوران مسلم لیگ (ن) کے رہنماؤں خواجہ سعد رفیق اور ان کے بھائی سلمان رفیق کو ریمانڈ کے لیے پیش کیا جائے گا۔

واضح رہےکہ قومی احتساب بیورو (نیب) نے 11 دسمبر کو لاہور ہائیکورٹ سے عبوری ضمانت میں توسیع کی درخواست مسترد ہونے کے بعد خواجہ سعد رفیق اور ان کے بھائی سلمان رفیق کو پیراگون ہاؤسنگ سوسائٹی کیس میں گرفتار کیا۔

احتساب عدالت میں پیشی کے لیے نیب کی ٹیم سعد رفیق کو لےکر اسلام آباد سےلاہور کے لیے روانہ ہوگئی، جو قومی اسمبلی اجلاس میں شرکت کی غرض سے جمعرات (20 دسمبر) سے راہداری ریمانڈ پر تھے۔

لیگی رہنماؤں کی پیشی کے موقع پر احتساب عدالت کے اطراف پولیس کی بھاری نفری تعینات ہے جبکہ رکاوٹیں کھڑی کرکے عدالت آنے والے راستے عام شہریوں کے لیے بند کر دیئے گئے ہیں۔

پیراگون ہاؤسنگ سٹی کرپشن کیس کا پس منظر

یاد رہے کہ نیب کی جانب سے آشیانہ ہاؤسنگ سوسائٹی کی تحقیقات کے دوران انکشاف ہوا تھا کہ سابق وفاقی وزیر ریلوے خواجہ سعد رفیق کے پیراگون سوسائٹی سے براہ راست روابط ہیں، جس کے بعد نیب لاہور نے ان کے خلاف تحقیقات کا آغاز کیا۔
پیراگون کیس: درخواست ضمانت کی منسوخی پر نیب نے خواجہ برادران کو گرفتار کرلیا

نیب لاہور کی جانب سے جاری کیے گئے اعلامیے کے مطابق خواجہ سعد رفیق نے اپنی اہلیہ، بھائی سلمان رفیق، ندیم ضیاء اور قیصر امین بٹ سے مل کر ایئر ایونیو سوسائٹی بنائی، جس کا نام بعد میں تبدیل کرکے پیراگون رکھ لیا گیا۔

اعلامیے کے مطابق خواجہ سعد رفیق نے اپنے اختیارات کا ناجائز استعمال کرتے ہوئے غیر قانونی ہاؤسنگ سوسائٹی کی تشہیر کی اور ساتھیوں کے ساتھ مل کر عوام کو دھوکہ دیا اور اربوں روپے کی رقم بٹوری۔

نیب کے مطابق خواجہ برادران کے نام پیراگون میں 40 کنال اراضی موجود ہے۔

ڈی جی ایل ڈی اے آمنہ عمران کی ھدایت پر لاہور ایل ڈی اے کا غٰیر قانونی ہاوسنگ سوسائیٹؤں کے خلاف اپریشن دفاترز سیل

لاہور میٹروپولیٹن اور اسٹیٹ ڈیپارٹمنٹ نے فیروز پور روڈ پر اپریشن کیا

لاہور غیر قانونی سوسائیٹوں میں پراڈائیز سٹی,چغتائی گارڈن,انجینرپارک

النور پارک,الفجرپارک.شہزاد ہومز شامل دفاترز کو سیل کردیا گیا

لاہور(نیٹ نیوز) ہائیکورٹ کے حکم پر ایل ڈی اے اور میونسپل کارپوریشن کا غیر قانونی تعمیرات کے خلاف آپریشن ۔ بند روڈ پر ایک سو چونسٹھ دکانیں سربمہر کر دیں۔ چھ غیر قانونی سکیموں کی چاردیواری اور سڑکیں مسمار کر دی گئیں۔ غیر قانونی تعمیرات ۔ ایل ڈی اے اور میونسپل کارپوریشن ان ایکشن ۔عدالتی حکم پرایل ڈی اے کے ٹاؤن پلاننگ ونگ کا سمن آباد ٹاؤن انتظامیہ کے تعاون سے بند روڈ پر آپریشن۔ فرنیچر مارکیٹ کی 164 دکانیں سربمہر کردیں۔ دکانیں کمرشل نقشہ جات کی منظوری کے بغیر تعمیر کی گئی تھیں ۔ دوسری جانب ایل ڈی اے کے میٹرو پولیٹن پلاننگ ونگ اور ڈائریکٹوریٹ آف اسٹیٹ مینجمنٹ پرائیویٹ ہاؤسنگ سکیمز کا عملہ بھی متحرک رہا ۔ غیر قانونی رہائشی سکیموں کے خلاف کارروائی کر کے تھیم پارک ہاؤسنگ سکیم کا انفراسٹرکچر گرا دیا ۔ ایل ڈی اے کے عملے نے مزید پانچ غیر قانونی رہائشی سکیموں کے خلاف بھی آپریشن کیا ۔القادر ٹاؤن،البرکت ٹاؤن،گولڈ ایشیاآرچرڈ، بن عالم ہاؤسنگ سکیم اور ایلی گینس ہومز کی چار د یواریاں، سیوریج سسٹم،سڑکیں ،دفاتر اور دیگر انفراسٹرکچر مسمار کر دیا گیا ۔غیر قانونی تعمیرات کے خاتمے تک ایل ڈی اے اور دیگر ادارے آپریشن جاری رکھیں گے ۔

لاہور(ایمرا نیوز) سینئر ممبر بورڈ آف ریونیو پنجاب کے تحریری احکامات ہوا میں اڑا دیئے گئے ، ایک سال سے زائد عرصہ پابندی لگانے کے باوجود تحصیل رائے ونڈ کے پٹوار سرکل رکھ کھمبا کا ریونیو سٹاف انتقالات بھی درج کرتا رہا فردیں بھی جاری ہوتی رہیں ڈسٹرکٹ ایڈمنسٹریشن نے بھی آنکھیں بند کر لیں آنکھیں کھلتے ساتھ ہی ڈسٹرکٹ ایڈمنسٹریشن نے اراضی ریکارڈ سنٹر پر موضع آن لائن کرنے کیلئے چڑھائی کر دی۔ اراضی ریکارڈ سنٹر پر موضع آن لائن کرنے کیلئے چڑھائی کر دی اراضی ریکارڈ سنٹر سٹاف پٹوار سرکل میں ہونے والی بے ضابطگیوں ریکارڈ میں رد و بدل اور جعلی الاٹمنٹ کے ذریعے سرکاری زمینوں کو خرد برد کئے جانے پر خوفزدہ نکلا۔ ہاں اور ناں میں شہری پھنس کر رہ گئے۔محکمہ اینٹی کرپشن نے اطلاع ملنے پر تحقیقات کا آغاز کر دیا مزید معلوم ہوا ہے کہ تحصیل رائے ونڈ کے پٹوار سرکل رکھ کھمبا میں بڑے پیمانے پر فیڈریل لینڈکمیشن سمیت صوبائی اور وفاقی اراضی خرد برد کئے جانے کی اطلاعات موصول ہوئی ہیں جبکہ 6ماہ سے پٹوار خانے رکھ کھمبا کے انتقالات او ر فردوں کے اجراءبھی بند کر دیا گیا ہے سینکڑوں کی تعداد میں شہری پریشان حال کبھی اسسٹنٹ کمشنر شالیمار تو کبھی اراضی ریکارڈ سنٹر میں موضع کے آن لائن ہونے کا انتظار کر رہے ہیں تاہم پنجاب لینڈ ریکارڈ اتھارٹی کے قائم کردہ اراضی ریکارڈ سنٹر بھی اس پٹوار سرکل کے آن لائن ہونے سے اتنا خوفزدہ ہے جتنا اس وقت محکمہ ریونیو کے اعلیٰ افسران ہیں ذرائع نے مزید آگاہی دی کہ ضلع لاہور کی ڈسٹرکٹ ایڈمنسٹریشن سب رجسٹرار آفس اقبال ٹاﺅن، پٹواری، قانگو اور ریونیو افسران کی جانب سے اپنائی جانے والی غیر قانونی پریکٹس کو چھپانے کیلئے اس موضع کو موجودہ حالات میں فور ی آن لائن کروانا چاہتی ہے جس کی بڑی وجہ بھی سامنے آگئی ہے۔ سابق سینئر ممبر بورڈ آف ریونیو پنجاب ثاقب عزیز نے مورخہ 7جولائی 2017ءکو لیٹر لکھتے ہوئے ہدایت کی تھی کہ آج کے بعد ریونیو سٹاف نہ تو فرد جاری کرے گا نا مینوئل انتقال ہو گا اور نہ ہی سب رجسٹرار ، کمپیوٹرائزاڈ فرد کے بغیر رجسٹری کی پاسنگ کرے گا مگر سینئر ممبر بورڈ آف ریونیو پنجاب کے ان احکامات کو با اثر ریونیو سٹاف او ر سب رجسٹرار اقبال ٹاﺅن کے پاﺅں تلے روندھتے ہوئے ایک سال سے زائد فردیں بھی جاری کیں۔ انتقالات بھی پاس کی اور رجسٹریاں بھی پاس کروائی اور اس دوران اراضی ریکارڈ سنٹر کے اے ڈی ایل آر اور سروس سنٹر انچارج بار بار ڈپٹی کمشنر لاہور اسسٹنٹ کمشنر رائے ونڈ اور سب رجسٹرار آفس اقبال ٹاﺅن کو لیٹر لکھ کر اس غیر قانونی پریکٹس کو روکنے اور سینئر ممبر کے تحریری آرڈر پر عمل درآمد کرنے کی درخواست کرتے رہے جو کہ نظر انداز کر دی گئی جبکہ موجودہ حالات میں اب ڈسٹرکٹ ایڈمنسٹریشن ریونیو چاہتی ہے کہ سینئر ممبر بورڈ آف ریونیو کے احکامات اور اس کے بعد کے کئے جانے والے کاموں کو نظرانداز کرتے ہوئے موضع آن لائن کیا جائے جبکہ اراضی ریکارڈ سنٹر والے اس بات سے بھی گھبرا رہے ہیں کہ سینئر ممبر بورڈ آف کے تحریری احکامات کے باوجود کئے جانے والے کام غیر قانونی ہیں اور موضع آن لائن ہونے کی صورت میں وہ تمام نزلہ بھی ان پر ڈال دیا جائے جس سے وہ بھی خوفزدہ ہیں جبکہ اس کشمکش میں 6ماہ میں ذمہ داران کا تعین کرتے ہوئے اگر کارروائی کر دی جاتی تو اب تک سارا مسئلہ ہی حل ہو جانا تھا تاہم محکمہ اینٹی کرپشن نے سورس رپورٹ کی بنیاد پر اس معاملے کی تحقیقات کا آغاز کر دیا ہے جس کی انکوائری ڈائریکٹراینٹی کرپشن لاہور محمد اصغر جوئیہ کر رہے ہیں۔

لاہور(نیٹ نیوز) رائے ونڈ کے موضع رکھ پاجی میں ضلعی انتظامیہ کی کارروائی ۔ 196 کنال سرکاری اراضی کو واگزار کروانے کے لیے آپریشن جاری ۔ایک فارم ہاؤس مسمار،دوسرے کو سیل کر دیا گیا۔ زمین کی مالیت ایک ارب روپے بتائی جارہی ہے ۔ کاروائی اے سی رائے ونڈ شاہد محمود کی جانب سے کی گئی ۔