Category تعلیم

گرفتار ملزم سید ظفر گیلانی کا انسداد دہشت گردی عدالت سے 15 روزہ جسمانی ریمانڈ بھی حاصل کرلیا گیا
بہاولپور(ایمرا نیوز آن لائن )گورنمنٹ ایس ای کالج میں پروفیسر خالد حمید کے قتل کے الزام میں تحریک لبیک پاکستان کے قومی اسمبلی کےامیدوار کو گرفتارکرلیا گیاہے ۔گرفتار ملزم سید ظفر گیلانی کا انسداد دہشت گردی عدالت سے 15 روزہ جسمانی ریمانڈ بھی حاصل کرلیا گیاہے۔
ذرائع کا کہنا ہے کہ پروفیسر خالد حمید کے قتل کی تفتیش کے سلسلے میں کہروڑ پکا ، رحیم یار خان ، ڈی جی خان سمیت مختلف شہروں سے 5 افراد بھی زیر حراست لیے گئے ہینآرگنائزڈکرائم سیل کی جانب سے قتل کے محرکات پر تحقیقات جاری ہیں۔پولیس ذرائع کے مطابق زیر تفتیش افراد کو سوشل میڈیا لنکس کے ذریعے ٹریس کیا گیا۔ قاتل طالب علم خطیب حسین کا امیدوار قومی اسمبلی حلقہ این اے 187ظفر گیلانی سے رابطہ تھا۔ گرفتار ملزم ظفر گیلانی کاتعلق ضلع لیہ سے ہے۔خطیب حسین پروفیسر کے قتل سے ایک رات قبل وٹس ایپ کے ذریعے ظفر گیلانی سے رابطے میں تھا۔ خطیب حسین کی آخری کال بھی ظفر گیلانی سے ہوئی ہے۔یاد رہے کہ 20مارچ کو بہاولپور کے گورنمنٹ صادق ایجرٹن کالج میں طالب علم نے چھریوں کے پے درپے وار کرکے اپنے ہی استاد پروفیسر خالد حمید کو قتل کردیاتھا۔ یہ افسوسناک واقعہ 20مارچ کی صبح اسوقت پیش آیا جب شعبہ انگلش کے پروفیسر خالد حمید اپنے دفتر میں اکیلے بیٹھ کر پیپر چیک کررہے تھے کہ ان کا شاگرد خطیب حسین آیا جس نے بات کرنے کے بہانے ان پر چھریوں کے وار کردیئے۔اس اچانک حملہ میں وہ شدید زخمی ہوگئے اور اسپتال لے جانے سے پہلے ہی جاں بحق ہوگئے۔پولیس نے ملزم کو جائے واردات سے گرفتار کرکے آلہ قتل برآمد کرلیا اور مقتول کی لاش کو بہاول وکٹوریہ اسپتال منتقل کردیا جہاں پوسٹ مارٹم کے بعد انکی میت انکے لواحقین کے حوالے کردی گئی ۔

(ایمرا نیوز آن لائن)
کراچی: سپریم کورٹ نے 70 سے زائد فزیکل ٹریننگ، ڈرائنگ اور دیگر شعبوں کے اساتذہ کی بھرتیاں غیر قانونی قرار دیتے ہوئے اساتذہ کی درخواست مسترد کر دی۔ سپریم کورٹ کراچی رجسٹری میں جسٹس گلزار احمد اور جسٹس منیب اختر پر مشتمل دو رکنی بینچ کے روبرو 70 سے زائد فزیکل ٹریننگ، ڈرائنگ و دیگر شعبوں کے اساتذہ کی بھرتیوں سے متعلق درخواستوں کی سماعت ہوئی۔

عدالت نے اساتذہ کی بھرتیوں کو غیر قانونی قرار دیتے ہوئے اساتذہ کی درخواست مسترد کر دی۔ جسٹس گلزار احمد نے ریمارکس دیے کہ اساتذہ کی بھرتیوں کا پورا عمل ہی غیر قانونی ہے۔ اساتذہ کے وکیل مجیب پیرزادہ نے موقف دیا کہ بھرتیوں کا یہ طریقہ کار تو پورے سندھ میں ہوا، 2011-12 میں کی گئیں بھرتیاں قانون کے مطابق تھیں۔ ٹربیونل نے تعلیمی اسناد کا جائزہ لیے بغیر بھرتیاں غیر قانونی قرار دیں۔…

وزیر بلدیات کا انڈر میٹرک بھتیجا ان کاپی آر او بھی ہے اور اس نے17گریڈ کے افسر کی مراعات لے رکھی ہیں
مظفر آباد(ایمرا نیوز آن لائن) وزیربلدیات آزادکشمیرراجہ نصیر احمد خان کے بھتیجے کی جگہ میٹرک کے امتحانات دینے والے نوجوان کو پولیس نے گرفتار کر لیا۔ تفصیلات کے مطابق آزادکشمیر کے وزیربلدیات راجہ نصیر احمد خان کے بھتیجے کی جگہ میٹرک کے امتحانات میں بیٹھنے والا شخص گرفتار کر لیا گیا ہے۔ کشمیر میں میٹرک کے بورڈ کے امتحانات ہو رہے ہیں اور انہی امتحانات کے دوران ایک امتحانی سینٹر میں شک پڑنے پر ممتحن نے ایک طالب علم کی رول نمبر سلپ دیکھی تو انہیں معلوم ہوا کہ امتحان دینے والا شخص کسی اور طالب علم کی جگہ پرچہ دے رہا تھا جس پر انتظامیہ نے پولیس طلب کر کے ملزم کو پولیس کو حوالے کر دیا ، بعد میں پتا چلا ہے کہ اسلام آباد کا نوجوان جس شخص کی جگہ پرچہ دے رہا تھا وہ آزادکشمیرکے وزیربلدیات راجہ نصیر احمد خان کا بھتیجا تھا۔معلومات کے مطابق وزیر بلدیات کا یہ بھتیجا ان کا پی آر او بھی ہے اور انڈر میٹرک ہونے کے باوجود 17گریڈ کے افسرجتنی مراعات حاصل کر رہا ہے۔ اس سے پہلے پاکستان میں جعلی ڈگریوں کے کیسوں میں کئی سیاستدان نااہل کیے جاچکے ہیں اور اب بااثر لوگوں نے اپنی جگہ دوسروں سے امتحانات دلوانا شروع کر دیے ہیں۔ایسا ہی واقعہ آزاد کشمیر کے وزیربلدیات کے بھتیجے کے حوالے سے پیش آیا ہے۔ پولیس نے گرفتار نوجوان کو تھانے منتقل کر کے ایف آئی آر درج کر لی، پولیس نے بتایا ہے کہ معاملے کی مزید تفتیش کی جارہی ہے۔

کوئٹہ میں فائرنگ سے بلوچستان یونیورسٹی کے سپرٹنڈنٹ جاں بحق ہوگئے
کوئٹہ (ایمرا نیوز آن لائن) کوئٹہ میں فائرنگ سے بلوچستان یونیورسٹی کے سپرٹنڈنٹ جاں بحق ہوگئے ۔ تفصیلات کے مطابق کوئٹہ میں سریاب روڈ دکانی چوک پر نامعلوم افراد کی جانب سے فائرنگ کی گئی۔جس کے نتیجے میں بلوچستان یونیورسٹی کے سپرٹنڈنٹ جاں بحق ہو گئے۔واقعہ کے بعد پولیس جائے وقوعہ پر پہنچ گئی اور لاش کوہسپتال کر دیا جبکہ ملزمان کی تلاش کے لئے مختلف علاقوں میں چھاپے مارنا شروع کر دیئے ،پولیس نے فائرنگ واقعہ کا مقدمہ نامعلوم افراد کے خلاف درج کرلیا ہے۔

اےف ڈی ای ورلڈ فوڈ پروگرام کے تعاون سے 22سرکاری سکولوں میں دوپہر کاکھانا مفت فراہم کرےگا
اسلام آباد(ایمرا نیوز آن لائن)وفاقینظا ما تعلیم( اےف ڈی ای) ورلڈ فوڈ پروگرام کے تعاون سے 22سرکاری سکولوں میں دوپہر کاکھانا مفت فراہم کرےگا ۔ میڈیا رپورٹس کے مطابق اس حوالے سے وزارت تعلیم کے جوائنٹ ایجوکیشن ایڈوائزر رفیق طاہر کا کہنا ہے کہ ڈبلیو ایچ او کے ساتھ انکی بات چیت آخری مراحل میں ہے اور پرامید ہے کہ دونوں تنظیمیں ایک معاہدے پر دستخط کر لیں گی ۔ انہوں نے کہا کہ ابتدائی طور پر وزارت اےک منصوبہ بنارہی ہے کہ وہ اےسے طالبعلموں کو دوپہر کا کھانا فراہم کریں گے جن کا اندراج آﺅٹ آف سکول بچوں کی مہم کے تحت کیا گیا تھا.

گرین اینڈ کلین پاکستان مہم کو کامیاب بنانے میں بھرپور کردار ادا کریں گے۔ڈاکٹر ضیاءالقیوم
اسلام آباد(ایمرا نیوز آن لائن)علامہ اقبال اوپن یونیورسٹی کے وائس چانسلر پروفیسر ڈاکٹرضیاءالقیوم نے جنگلات کے عالمی دن اور گرین اینڈ کلین پاکستان مہم کے حوالے سے یونیورسٹی کے احاطے میں واقع مرکزی پارک میں سدا بہار “پولی التھیا)اُلٹا اشوک( ” کا پودا لگا کر سال 2019ءکے موسم بہار کی ایک ماہ دورانیہ کے شجر کاری مہم کا آغاز کردیا ہے پہلے دن 70پودے لگائے گئے۔اس موقع پر خطاب کرتے ہوئے وائس چانسلر پروفیسر ڈاکٹرضیاءالقیوم نے کہا کہ پودے اور پھول صحت مند ماحول کے لئے نہایت اہم ہوتے ہیں۔انہوں نے کہا کہ یونیورسٹی گرین اینڈ کلین پاکستان مہم کو کامیاب بنانے میں بھرپور کردار ادا کرے گی۔ڈاکٹر ضیاءالقیوم نے دعا کی کہ اﷲ اِس ادارے اور ملک کو ہمیشہ شاداب رکھیں۔ڈین فیکلٹی آف سائنسسز پروفیسر ڈاکٹرظفر الیاس ڈین کلیہ عربی و علوم اسلامیہ پروفیسر ڈاکٹر محی الدین ہاشمی شعبہ کیمسٹری کی چئیرپرسن پروفیسر ڈاکٹر نغمانہ رشید شعبہ باغبانی کی انچارج فوزیہ انجم سینئر اساتذہ آفیسرز اور کارکنوں کی کثیر تعداد نے بھی پودے لگانے میں حصہ لیا ۔ شجر کاری مہم کا اہتمام یونیورسٹی کے شعبہ زرعی سائنسسز نے کیا تھا۔ شعبہ باغبانی کی انچارج فوزیہ انجم کے مطابق آج 70پودے لگائے گئے ہیں جسمیں 50پودے الٹا اشوک کے ہیں اور مالٹے کے 20پودے رہائشی کالونی میں لگادئے گئے۔

لاہور(ایمرا نیوزآن لائن) لاہور چیئرنگ کراس پر مطالبات کے حق میں لیڈی ہیلتھ ورکر ز کااحتجاج تیسرے روز بھی جاری رہا،دھرنے میں موجود ایک اورلیڈی ہیلتھ ورکر بے ہوش ہوگئی۔ جس کو طبی امداد کے لئے ہسپتال پہنچا دیا گیا،گزشتہ رات تیز ہواؤں اور بوندا باندی سے مظاہرین کا کیمپ گرگیا تھا مگر مظاہرین پھر بھی وہاں موجود رہیں۔ 3 روز سے مال روڈ چیئرنگ کراس ٹریفک کے لیے بند ہے ، جس سے شہریوں کو شدید مشکلات کا سامنا ہے ۔ڈی جی ہیلتھ سے مذاکرات کے کرلیے گئے مگر نوٹیفکیشن جاری نہ ہوا۔ لیڈی ہیلتھ ورکرز نے مطالبات کی منظوری تک احتجاج جاری رکھنے کا اعلان کیا ہے اور کہتی ہیں کہ سازوسامان ساتھ لائے ہیں جب تک بیٹھنا پڑا بیٹھیں گے ،دریں اثنا ئپیپلز پارٹی کی رہنماء ثمینہ گھرکی نے دھرنے میں اظہار یکجہتی کے لیے شرکت کی اور کہا کہ ہماری پارٹی ان کے ساتھ ہے ۔ادھر یو نائٹڈ ٹیچرز کونسل پنجاب اساتذہ اتحادنے سول سیکرٹریٹ کے سامنے احتجاجی مظاہرہ کیا ، پنجاب بھر سے سینکڑوں اساتذہ نے شرکت کی۔مظاہرین سے خطاب کرتے ہوئے اساتذہ قائدین نے کہا کہ وزیرتعلیم اور سکول ایجوکیشن پنجاب کی بیوروکریسی اساتذہ کے مسائل حل کرنے میں سنجیدہ نہیں،مسائل کے حل کے وعدے اور پھر ان سے انحراف سکول ایجوکیشن پنجاب کی بیوروکریسی کا وطیرہ بن چکا ہے ۔ پرامن احتجاج ہمارا آئینی ، جمہوری اور قانونی استحقاق ہے انتظامیہ اساتذہ کو ڈرانہیں سکتی ۔ سکولوں میں اساتذہ کو چھٹی کے بعد روکنا غیر قانونی ہے اس طرح کے ہتھکنڈے پہلے بھی ناکام ہوئے اور اب بھی ہوں گے ۔ یو نائٹڈ ٹیچرز کونسل پنجاب میں شامل تمام اساتذہ تنظیمیں آج کی سی ای او کانٖفرنس کا بائیکاٹ کریں گی اور کل وزیراعلی پنجاب کی سرکاری سکولوں میں داخلہ مہم کے افتتاح کے موقع پر بھی بھرپور احتجاجی مظاہرے کیا جا ئے گا ۔ اساتذہ کے جائز مطالبات تسلیم نہ کئے گے تو اساتذہ 28 مارچ تا 30مارچ تک سول سیکرٹریٹ لاہور کے سامنے دھرنا دیں گے اور پھر بھی مطالبات تسلیم نہ ہوئے تو یکم اپریل سے طلبا سمیت سڑکوں پر ہوں گے اور مکمل تعلیمی بائیکاٹ کیا جائے گا،ان کا کہنا تھا کہ موجودہ دور حکومت کے سات ماہ میں اساتذہ کی پروموشنز اور دیگر مسائل پر رتی بھر کام نہیں ہوا ۔ پروموشنز کی موجودہ صورت حال تاریخ کی بدترین شکل ہے جس کی وجہ سے حکومت کی کارکردگی پر بھی سوالیہ نشان ہے ۔

لاہور(ایمرا نیوزآن لائن رپورٹ اظہر محمود سے) لاہور کے مال روڈ پرلیڈی ہیلتھ ورکرز کا دھرنا دوسرے روز بھی جاری ہے۔ ادھر پنجاب ایجوکیشن فاؤنڈیشن کے پارٹنر اسکولوں کےاساتذہ بھی اپنے مطالبات کے حق میں احتجاج کرتے ہوئے مال روڈ پرآ کر بیٹھ گئے ہیں۔پنجاب بھر سے آئی لیڈی ہیلتھ ورکرز کا شروع ہونے والا احتجاج دوسرے روز بھی جاری ہے، سیکڑوں خواتین نے گزشتہ رات کھلے آسمان تلےگزاری،دھرنے میں ان کے کم سن بچے بھی شریک ہیں۔مظاہرین کا مطالبہ ہے کہ سروس اسٹرکچر منظور،اسکیل اَپ گریڈ اور دیگر سرکاری اداروں کے ملازمین کی طرح مراعات دی جائیں۔دوسری جانب پنجاب ایجوکیشن فاؤنڈیشن کے پارٹنر اسکولوں کے اساتذہ نے بھی حکومتی پالیسیوں کو تعلیم دشمن قرار دیتےہوئے ناصر باغ سے ریلی نکالی اور مال روڈ پر آ کر بیٹھ گئے اورحکومت کے خلاف شدید نعرے بازی بھی کی۔مظاہرین کا کہنا ہے کہ پنجاب ایجوکیشن فاؤنڈیشن کے 11ہزار پارٹنر اسکولوں میں 23 لاکھ بچے زیر تعلیم تھے،حکومتی پالیسیوں کےباعث ڈھائی لاکھ بچے اسکول چھوڑ گئے، ان کے اسکولوں میں نئے داخلوں پر پابندی بھی عائد کر دی گئی ہے۔لیڈی ہیلتھ ورکرز اور اساتذہ دونوں کا کہنا ہے کہ وہ مطالبات کی منظوری تک یہاں سے نہیں جائیں گی۔ دھرنے کے مقام سے پولیس نے ایک مشکوک شخص کو بھی حراست میں لیا ہے۔

لاہور (ایمرا نیوز آن لائن)
پنجاب پروفیسرز اینڈ لیکچر ایسوسی ایشن (PPLA) ، پی پی ایل اے گورنمنٹ اسلامیہ کالج ریلوے روڈ لاہور، گورنمنٹ دیال سنگھ کالج لاہور و دیگر تنظیموں نے اعلان کیا کہ 14مارچ 2019 سے روزانہ کی بنیاد پر لوکل یونٹس کے احتجاجی اجلاس اور قراردادوں کی منظوری ، سیاہ پٹیاں باندھ کر فرائض منصبی کی ادائیگی کا اعلان کیا جبکہ مظاہرین نے مطالبہ کیا کہ سروس اورپے پروٹیکشن کا نفاز، سکیل اپ گریڈیشن ، ڈیڑھ سال سے تعطل کا شکار ترقیوں کا اجراء ، خیبر پختونخواہ کی طرز پر پانچ درجاتی فارمولے کا اجراء اور ڈائریکٹ سلیکشن کے صورت میں کو انفیکشن الاؤنس کی بندش کا خاتمہ کیا جائے۔

جس میں خواتین نے مطالبہ کیا کہ KPK کی طرح پانچ درجائی ترقیاتی فارمولا کا نفاذ کیا جائے جیسے کئی مطالبات کیے گئے۔ احتجاجی مظاہرے میں خواتین اساتذہ نے شدید نعرے بازی کی اور سڑک کو بلاک کر رکھا ہے ۔ موقع پر پولیس ، ٹریفک وارڈنز اور ریسکیو 1122 کے کئی اہلکار تعینات ہیں ۔ مظاہرے کے حوالے سے اب تک حکومت کی طرف سے کوئی رد عمل سامنے آیا ۔

(وقت نیوز رپورٹ رضا ملک سے)
وفاقی نظامت تعلیمات نے اپنے زیرانتظام تعلیمی اداروں میں اساتذہ کی کم ازکم تعلیم ماسٹرز مقرر کردی ہے۔ وفاقی نظامت تعلیمات نے اپنے زیر انتظام تعلیمی اداروں میں اساتذہ کی بھرتی اور تقرری سے متعلق نئے قواعد کی منظوری دے دی ہے۔ جس کے تحت تعلیمی اداروں میں اساتذہ کی کم ازکم تعلیم ماسٹرز ہوگی۔ اساتذہ کی بھرتی پی ٹی سی اور سی ٹی کے بجائے بی ایڈ اور ایم ایڈ کی بنیاد پر ہو گی۔

ان سروس اساتذہ کو ترقی کے لیے تعلیمی قابلیت بڑھانا ہوگی۔ گریڈ 16 سے لیکر گریڈ 18 تک کے اساتذہ کی ترقی اوربراہ راست بھرتی کا کوٹہ تبدیل کر کے 50،50 فیصد کردیا گیا۔ نئے قواعد کے تحت عرصہ دراز سے ترقی کے منتظر 1000 کے قریب اساتذہ کو ترقی اور1800 نئے سبجیکٹ اسپیشلسٹ بھرتی کیے جا سکیں گے۔…