Category تعلیم

لاہور ہائیکورٹ نے کہا ہے کہ ہمیں ایک ہفتے کی موسمیاتی ایمرجنسی نافذ کرنی پڑسکتی ہے، ایک ہفتے کیلئے اسکول، نجی دفاتر بند کرنا پڑسکتے ہیں۔
لاہور ہائیکورٹ میں سموگ کے خاتمے سے متعلق دائر درخواستوں پر سماعت ہوئی۔ ڈائریکٹر پی ڈی ایم اے نے عدالت کو بتایا کہ کچھ دنوں سے سموگ میں بہتری آئی ہے، ایک ہفتے کی مہلت دیں، سموگ میں مزید بہتری آئے گی، موٹر وے پولیس کو انٹر چینج ٹول ٹیکس کے حصول کے لیے لمبی گاڑیوں کی قطاریں بنانے سے متعلق مناسب حکم دیا جائے۔
عدالت نے کہا کہ لاہور کی حدود میں سموگ بہت زیادہ ہے، لاہور ہائیکورٹ نے لاہور ٹریفک پولیس کی ٹریفک میں بہتری پر تعریف کی۔

پاکپتن میں بابافرید یونیورسٹی میں فوری کلاسسز کے اجرا کے لیے شہری سڑکوں پر نکل آئے،،
بابا فرید یونیورسٹی کے لیے پچاس ملین کا فنڈ جاری ہوچکا مگر منصوبہ التوا کا شکار ہے،، مقامی طلبا و طالبات ہائر ایجوکیشن سے محروم ہیں،، مقامی افراد نے مطالبہ کیا کہ بابافرید یونیورسٹی کے منصوبے میں حائل تمام روکاوٹیں ختم کر کے کلاسسز کا اجراء کیا جائے،،،،

صدر آزادکشمیر بیرسٹرسلطان محمود چودھری کہتے ہیں آزاد کشمیر میں ہماری تمام یونیورسٹیز بہت محنت سے کام کر رہی ہیں ان کو درپیش مسائل کے حل کےلئے اپنی تمام تر مدد اور تعاون فراہم کریں گے،،
آزاد کشمیر کی پہلی وومین یونیورسٹی کا تیسرا کانووکیشن ہوا،، صدر ریاست یرسٹر سلطان محمود چودھری نے بطور مہمان خصوصی تقریب میں شرکت کی،،بیرسٹر سلطان محمود چودھری نے کامیاب ہوئے والی طالبات کو مبارک باد پیش کی اور ان میں ڈگریاں اور گولڈ میڈل تقسیم کئے،،،

لاہور (پ۔ر)یونائیٹڈ جرنلسٹس فورم آف پاکستان کے وفد نے قاسم علی شاہ فاؤنڈیشن میں معروف موٹیویشنر سپیکر سید قاسم علی شاہ سے ملاقات کی۔ چیئرمین یونائیٹڈ جرنلسٹس فورم برہان الدین نےوفدکی قیادت کی۔ سیکرٹری جنرل رضا محمد نے عہدیداروں کا تعارف کرایا، سینئر نائب صدر یونائیٹڈ جرنلسٹس فورم مناظر علی نے قاسم علی شاہ کو فورم کے اغراض و مقاصد سے آگاہ کیا۔ وفد میں وائس چیئرمین احتشام الرحمان،نائب صدر عرفان ریاض،فنانس سیکرٹری محمد احمد خالد، جوائنٹ سیکرٹری عمران علی،ایڈوائزر طاہر امین بھٹی،اینکر پرسن محمد موسیٰ، سید ذیشان الحسن گیلانی،محی الدین،نوید احمد، عمران علی،رضوان احمد سمیت دیگر شامل تھے۔ ملاقات میں مختلف اہم امور پر تبادلہ خیال کیا گیا،قاسم علی شاہ نے فاؤنڈیشن کی خدمات سے آگاہ کیا جسے وفد نے سراہا۔

وفدسے گفتگو کرتے ہوئے سیدقاسم علی شاہ نے کہاکہ اصلاح معاشرہ کے لیے ہم سب کو مل کر اپنا اپنا کردار اداکرنے کی ضرورت ہے،سسٹم ٹھیک کرنے میں وقت لگتاہے یہ صرف ایک دم ٹھیک نہیں‌ہوجاتاہے اور اسے ٹھیک کرنے میں‌ معاشرے کے تمام افراد کو اپنا اپنا حصہ ڈالنا ہوتاہے،کوئی ایک فرد اکیلے اپنی سطح پر تو بہتری لاسکتا ہے مگر جب پورے معاشرے کی بات کی جاتی ہے تو پھراسے بدلنے کے لیے بھی اجتماعی کوشش کی ضرورت ہوتی ہے..

سید برہان الدین،مناظرعلی،رضامحمد،احتشام الرحمان اورطاہرامین بھٹی نے سیدقاسم علی شاہ سے مختلف سوالات بھی کیے اور ان سے پوچھا کہ کامیابی کے لیے کیا کرنا ضروری ہےجس پر موٹیویشنرسپیکرقاسم علی شاہ نے کامیابی کے گر بھی بتائے،انہوں‌نے کہاکہ اس کے لیے محنت کرنے سے قبل اللہ تعالیٰ پر بھروسہ اولین ہے،جب انسان توکل علی اللہ کرکے میدان عمل میں‌قدم رکھتاہے تو پھر کامیابی قدم ضروری چومتی ہے،سیدقاسم علی شاہ نے سینئرصحافیوں کی فاونڈیشن امد پرشکریہ اداکرتے ہوئے کہاکہ وہ جب چاہیں‌ یہاں‌ آئیں،یہاں ہرقسم کی رہنمائی فراہم کرنے کی بھرپورکوشش کی جاتی ہے…

لاہور(ویب ڈیسک) پنجاب یونیورسٹی انتظامیہ نے ہاسٹل میں کارروائی کی.تفصیلات کے مطابق پنجاب یونیورسٹی انتظامیہ کی جانب سے ہاسٹلز میں غیرقانونی الاٹمنٹ کےخلاف کارروائی کی.جس کے بعد ہاسٹل کے بلوچ کونسل طلباء نے کمرہ خالی کرانے اوربرے رویئے کےخلاف وی سی آفس کے باہر احتجاجی دھرنا دیا۔ بلوچ کونسل طلباء نے وائس چانسلر آفس کے باہر یونیورسٹی انتظامیہ کےخلاف نعرے بازی کی.طلبا کا اس حوالے سے کہنا تھا کہ چیف سیکیورٹی آفیسر کا رویہ نامناسب تھا اس لیے ان کےخلاف احتجاج کر رہے ہیں . ہاسٹل انتظامیہ کا اس سلسلے میں کہنا تھا کہ بلوچ طلباء ہاسٹل نمبر 1 کمرہ نمبر 3 میں ڈگری مکمل ہونے کے باوجود رہائش پذیرہیں اس لیے کمرہ خالی کرایا گیا.یونیورسٹی انتظامیہ کا مزید کہنا تھا کہ یونیورسٹی اور ہاسٹلز میں غیرقانونی عناصر کو برداشت نہیں کیا جائے گا۔

اسلام آباد(ویب ڈیسک)حکومت نےطلبا وطالبات کے لیے انتہائی اہم فیصلہ کرلیاہے،اس خبر کے بعد طلبا میں خوشی کی لہردوڑگئی. دسویں اور بارہویں کلاس کے تمام طلبا کو پاس کرنے کا فیصلہ کیا ہے۔
وزیر تعلیم شفقت محمود کی زیر صدارت بین الصوبائی وزرائے تعلیم کانفرنس ہوئی جس میں حکومت نے دسویں اور بارہویں کلاس کے تمام طلبا کو پاس کرنے کا فیصلہ کرلیا۔اجلاس میں فیصلہ کیا گیا ہے کہ کورونا صورتحال کے باعث دوبارہ فوری امتحانات ممکن نہیں اور فیل ہونے والے طلبا کو رعایتی 33 نمبرز دے کر پاس کیا جائے گا جب کہ میٹرک اور انٹرمیڈیٹ کے امتحانات سال میں دو بار ہوں گے، امتحانات کو سپلیمنٹری امتحانات کا نام نہیں دیا جائے گا۔ذرائع کا کہنا ہے کہ آئندہ سال میٹرک امتحانات مئی جون میں ہوں گے، اور آئندہ سال نیا سیشن اگست سے شروع ہوگا۔

لاہور(ویب ڈیسک)لاہورکی ایک خاتون وکیل نے آسٹریا میں ویانا جسٹیشیا ایوارڈ جیت لیا جو خواتین وکلاء کو ان کی خدمات اور اعلیٰ کارکردگی کی بنا پر دیا جاتا ہے۔خاتون وکیل ندا عثمان نےلاہور میں نجی چینل کو بتایاکہ 17 ممالک سے 80 خواتین وکلاء کو اس ایوارڈ کیلئے نامزد کیا گیا جس میں سے ان سمیت 12 خواتین جولائی 2021 میں منتخب ہوئیں، وہ جنوبی ایشیا سے منتخب ہونے والی واحد خاتون تھیں۔

انہوں نے کہا کہ 10 ستمبر کو ویانا میں ایوارڈز کی آن لائن تقریب ہوئی جس میں جسٹیشیا ایوارڈ ملنا بہت بڑا اعزاز ہے، انہوں نے یہ اعزاز پاکستان کے نام کیا ہے۔ندا عثمان کا کہنا تھا کہ وہ کئی برسوں سے ایک تنظیم کے تحت پاکستانی خواتین وکلاء کے لیے کام کر رہی ہیں، ان خدمات کے عوض انہیں یہ ایوارڈ ملا۔

کورونا کے باعث بند کیے گئے سکولوں کے بارے میں بڑا فیصلہ کیاگیاہے.
انسداد کورونا کے ادارے نیشنل کمانڈ اینڈ آپریشن سینٹر (این سی او سی) کی ہدایت پر وزیر تعلیم پنجاب نے صوبے کے اسکولوں کی بندش میں مزید تین روز کا اضافہ کر دیا۔وزیر تعلیم پنجاب مراد راس کے مطابق تمام سرکاری اور نجی اسکول 15 ستمبر تک بند رہیں گے۔انہوں نے بتایا کہ اسکولوں کی بندش کا فیصلہ کورونا کی صورتحال کو مدنظر رکھتے ہوئے کیا گیا ہے۔خیال رہے کہ اس سے قبل صوبے بھر کے اسکول 12 ستمبر تک بند رکھنے کا فیصلہ کیا گیا تھا تاہم اب اسکول 15 ستمبر تک بند ہوں گے۔اُدھر پنجاب کے ہائی رسک 15 اضلاع میں ٹرانسپورٹ سروس بھی 15 ستمبر تک بند رہے گی۔

کراچی(ویب ڈیسک)نجی سکولوں‌کے بارےمیں‌ویسے تو لوگ بیانات دیتے رہتے ہیں جس میں ان کی فیسیں زیادہ اور پڑھائی کم کے الزامات واضح ہیں،اب وزیر تعلیم سندھ سردار شاہ کا کہنا ہے کہ نجی اسکولوں کے بچوں کو انگریزی کے سوا کچھ نہیں آتا۔

محکمہ تعلیم سندھ اور جائیکا نے مشترکہ طور پر ایڈوانس کوالٹی آلٹرنیٹیو لرننگ پروجیکٹ کا آغاز کردیا جس کا مقصد خواتین میں تعلیم کو فروغ دینا ہے۔ اس حوالے سے ہونے والی خصوصی تقریب سے خطاب میں وزیر تعلیم سردار شاہ نے کہا کہ نجی اسکولوں کے بچوں کو انگریزی کے سوا کچھ نہیں آتا، انہیں سائنس، کیمسٹری کا کچھ نہیں پتا۔

انہوں نے کہا کہ آرٹیکل 25 کے تحت بچوں کو مفت تعلیم فراہم کرنی ہے، ہمارے پاس پیسوں کی نہیں انسانی وسائل کی کمی ہے، سرکاری اسکول اس لیے بند ہیں کہ وہاں اساتذہ موجود نہیں، اساتذہ کی کمی دور کریں گے تاکہ بند سرکاری اسکول کھولے جاسکیں جب اساتذہ اسکول میں ہوں گے تو اسکول بند نہیں ہوں گے۔

اسلام آباد(ویب ڈیسک)تقریبا زیادہ تر ادارے اپنے اپنے نظم وضبط میں‌رہ کر کام کرتے ہیں اور انہوں نے اپنے اپنے دفاترمیں‌ اس حوالے سے ضوابط بنارکھے ہیں‌جن پرعملدرامدرلازمی ہوتاہے،ایسے ہی وفاقی سرکاری تعلیمی اداروں میں اساتذہ کے لیے ڈریس کوڈ لاگو کر دیے گئے۔
وفاقی نظامت تعلیمات نے نوٹیفکیشن جاری کردیا جس کے تحت خواتین اساتذہ کے جینز اور ٹائٹس پہننے جبکہ مرد اساتذہ کے جینز اور ٹی شرٹ پہننے پر پابندی ہوگی۔
پردہ کرنے والی خواتین اساتذہ کو صاف ستھرا اسکارف اور حجاب پہننے کی اجازت ہوگی۔ خواتین اساتذہ سینڈل اور اسنیکر پہن سکتی ہیں جبکہ سلیپر پہننے کی اجازت نہیں ہوگی۔
اسی طرح مرد اساتذہ کو سردیوں میں گرم چادر پہنے کی اجازت نہیں ہوگی بلکہ سردیوں میں خوبصورت رنگ اور ڈیزائن کے سوئیٹر، کوٹ اور جرسی پہن سکیں گے۔
وفاقی نظامت تعلیمات نے ایریا ایجوکیشن افسران کو ڈریس کوڈ پر عملدرآمد یقینی بنانے کی ہدایت کرتے ہوئے کہا کہ مرد اساتذہ شلوار قمیض کے ساتھ ویسکوٹ پہنیں۔ کلاس میں اساتذہ ٹیچنگ گاؤن اور لیبارٹری میں لیب کوٹ پہنیں۔