Category سیاست

لاہور : 9مئی کو جلائو گھیرائو کے مقدمے میں گرفتار معروف فیشن ڈیزائنر خدیجہ شاہ نے لاہور ہائیکورٹ میں درخواست ضمانت دائر کر دی۔ خدیجہ شاہ کی جانب سے درخواست میں موقف اپنایا گیا ہے کہ انسداد دہشت گردی کی خصوصی عدالت نے حقائق کے برعکس ضمانت مسترد کی۔استدعا ہے کہ عدالت درخواست ضمانت منظور کرے۔عسکری ٹاور حملہ کیس میں خدیجہ شاہ نے درخواست ضمانت بعداز گرفتاری لاہورہائیکورٹ میں دائر کردی۔ پی ٹی آئی رہنما نے سمیر کھوسہ ایڈووکیٹ کی وساطت سے درخواست ضمانت دائر کی ۔یاد رہے کہ 19 جون 2023 کو عسکری ٹاور حملہ کیس میں لاہور کی انسداد دہشتگردی کی خصوصی عدالت نے خدیجہ شاہ کے مزید جسمانی ریمانڈ کی استدعا مسترد کرکے 14 روزہ جوڈیشل ریمانڈ پر جیل بھیجنے کا حکم دیا تھا۔

اسلام آباد :نیشنل کرائم ایجنسی میں 190ملین پائونڈ کیس ، نیب نے بشریٰ بی بی کو بھی ایک مرتبہ پھر طلب کرلیا ۔ذرائع کے مطابق بشریٰ بی بی کو این سی اے 190سکینڈل میں بلایا گیا ہے چار جولائی کو طلب کیا گیا ہے ۔ نیب نے بشریٰ بی بی کو کیس سے متعلق دستاویزات بھی ہمراہ لانے کی ہدایت کی ہے ۔

اسلام آباد:سپریم کورٹ آف پاکستان نے جوڈیشل کونسل میں ججز کیخلاف شکایت پر فوری کارروائی شروع کرنے کی استدعا مسترد کردی۔عدالت عظمیٰ کے جسٹس اعجاز الاحسن کی سربراہی میں قائم دو رکنی بینچ نے محفوظ فیصلہ سنا دیا۔تفصیلات کے مطابق درخواست گزار نے جوڈیشل کونسل کی کارروائی ریگولیٹ کرنے سے متعلق درخواست دائر کر رکھی تھی۔ سپریم کورٹ نے درخواست کے قابل سماعت ہونے کے حوالے سے 13جون کو فیصلہ محفوظ کیا تھا۔سپریم کورٹ نے سابق چیف جسٹس ثاقب نثارکیخلاف ریفرنس جاری رکھنے کی درخواست خارج کردی۔درخواست گزار نے سپریم جوڈیشل کونسل میں ججز کے خلاف شکایت آنے پر فوری کارروائی شروع کرنے کے احکامات دینے کی استدعا کر رکھی تھی۔یاد رہے کہ 13 جون 2023 کو جوڈیشل کونسل کی کارروائی ریگولیٹ کرنے سے متعلق درخواست پر سپریم کورٹ کے جسٹس اعجاز الاحسن کی سربراہی میں دو رکنی بینچ نے سماعت کی۔دوران سماعت جسٹس منیب اختر نے اپنے ریمارکس میں کہا تھا کہ 209 میں جج کو عہدے سے ہٹانے کی بات کی گئی ہے لیکن جج ہٹ جائے تو کچھ نہیں لکھا، درخواست گزار چاہتا کیا ہے کیا کونسل کو عدالت ہدایات دے۔جسٹس منیب اختر نے یہ ریمارکس بھی دیے تھے کہ فٹا فٹ جج کے خلاف کارروائی کرنے سے کیا فیئر ٹرائل کا حق متاثر نہیں ہو گا۔جج کا وقار ہے اور حقوق ہیں کیا چاہتے ہیں کہ جج کیخلاف شکایت آنے پر فوری کارروائی کرنی چاہیے۔ آج کل شکایت کونسل کے پاس جانے سے پہلے سوشل میڈیا پر چل جاتی ہیں۔سنجیدہ معاملہ ہونے کی وجہ سے کیس کو توجہ سے سن رہے ہیں

اسلام آبادَ:پاکستان تحریک انصاف کے رہنماء شاہ محمود قریشی نے کہا ہے کہ امریکی صدر جو بائیڈن اور بھارتی وزیراعظم مودی کی ملاقات کے بعد پاکستانیوں کا دل دکھا ہے۔ اسلام آباد کی انسداد دہشت گردی عدالت کے باہر میڈیا سے گفتگو کرتے ہوئے شاہ محمود قریشی نے کہا کہ پاکستانیوں کی کوشش ہمیشہ دہشت گردی کو ختم کرنا رہی، بھارت امریکہ مشترکہ اعلامیہ میں انسانی حقوق کا ذکر ہی نہیں، جاری کردہ بیان پر افسوس ہوا۔ شاہ محمود قریشی کا کہنا تھا کہ مقبوضہ کشمیر میں مسلمانوں پر ظلم کے خلاف کوئی آواز نہیں اٹھائی گئی، انسانی حقوق کی علمبردار تنظیمیں خاموش ہیں۔ پاکستان تحریک انصاف کے وائس چیئرمین نے مزید یہ بھی کہا کہ واقعہ کے وقت میں نہ وہاں موجود تھا اور نہ ملوث، ایما کی بنیاد پر مجھ پر مقدمہ بنایا گیا ہے۔

اسلام آبادؔ:فواد چوہدری کیخلاف سرکاری ملازمین کو بغاوت پر اکسانے کے کیس میں فرد جرم عائد کرنے کی تاریخ 7 جولائی مقرر کردی گئی، سابق پی ٹی آئی رہنماء کی حاضری سے استثنیٰ کی درخواست منظور کرلی گئی۔ ڈسٹرکٹ اینڈ سیشن کورٹس اسلام آباد میں فواد چوہدری کے خلاف سرکاری ملازمین کو بغاوت پر اکسانے کے کیس کی سماعت ہوئی، ان پر فرد جرم عائد کی جانی تھی تاہم سابق وفاقی وزیر پیش نہیں ہوئے۔ عدالت نے فواد چوہدری کی حاضری سے استثنیٰ کی درخواست منظور کرتے ہوئے فرد جرم عائد کرنے کیلئے 7 جولائی کی تاریخ مقرر کردی۔ فواد چوہدری کیخلاف کیس کی سماعت ایڈیشنل سیشن جج طاہر عباس سپرا نے کی، سابق وفاقی وزیر کی طرف سے وکیل فیصل چوہدری پیش ہوئے۔ وکیل نے بتایا کہ فواد چوہدری بیمار ہیں، پیش نہیں ہوسکتے حاضری سے استثنی ٰدیا جائے۔ جج ظفر عباس سپرا نے استفسار کیا کہ فواد چوہدری کو کیا ہوا ہے۔ جس پر وکیل نے بتایا کہ موسم کی وجہ سے فواد چوہدری کی طبیعت خراب ہوئی ہے۔ جس پر جج نے دلچسپ انداز میں پوچھا کہ فواد چوہدری صاحب کو گرمی کا خاص جھٹکا تو نہیں لگا۔ جج طاہر عباس سپرا نے مزید کہا کہ فواد چوہدری پر فرد جرم عائد ہو جائے تو اس کے بعد لمبی چھٹی لے سکتے ہیں، فواد چوہدری اور آپ بھی اپنی صحت کا خیال رکھیں۔

اسلام آبا: انسداد دہشت گردی عدالت کے نئے جج نے ابھی چارج نہیں لیا،شاہ محمود قریشی کی ضمانت میں بغیر کارروائی 10جولائی تک توسیع کردی گئی۔ شاہ محمود قریشی اپنے وکیل علی بخاری کے ہمراہ انسداد دہشت گردی عدالت پیش ہوئے،انسداد دہشت گردی عدالت کے جج راجہ جواد عباس کا تبادلہ ہو گیا۔انسداد دہشت گردی عدالت کے نئے جج نے ابھی چارج نہیں لیا۔ مقدمہ میں شاہ محمود قریشی پر ہنگامہ آرائی میں ایما کا الزام ہے، شاہ محمود قریشی نے دہشت گردی کے مقدمہ میں عبوری ضمانت کرا رکھی ہے۔

کوئٹہ :وزیراعلیٰ بلوچستان کے کوآرڈینیٹرز کا جناح ہائوس کا دورہ، بلوچ برادری کی طرف سے پاک فوج کے ساتھ اظہارِ یکجہتی کا اظہار ، وفد کا حکومتِ وقت اور عدالتوں سے فوری انصاف اور قانونی کاروائی کا مطالبہ ، شرپسندوں و تخریب کاروں اور ان کے ماسٹر مائنڈز کو سخت سزائیں دی جائیں تاکہ مستقبل میں ایسے دل شکن واقعات وقوع پذیر نہ ہوں۔موسی خان کی قیادت میں وزیرِ اعلی بلوچستان کے کوآرڈینیٹرز کے وفد نے جناح ہاو?س کا دورہ کیا، وفد نے مشترکہ اعلامیہ میں کہا کہ ہم بلوچستان سے لاہور تمام بلوچ برادری کی طرف سے پاک فوج کے ساتھ اظہارِ یکجہتی کرنے آئے ہیں، 9 مئی کو جناح ہاو?س سمیت عسکری تنصیبات پر ہونیوالے حملوں کے سبب بلوچستان کا بچہ بچہ شدید غم و غصہ میں ہے اور ملک دشمن عناصر کو قانون کے کٹہرے میں دیکھنا چاہتا ہے، پاک فوج پورے پاکستان کی حفاظت کی ضامن ہے، افواجِ پاکستان کے خلاف ا?ٹھنے والی کسی بھی آواز اور ہاتھ کو بلوچستان کا کوئی بھی فرد برداشت نہیں کر سکتا، ہم اپنے مال اور جانوں سمیت پاکستان اور افواجِ پاکستان کے ساتھ کھڑے ہیں، فوجی املاک پر ہونیوالے حملوں کی پرزور مذمت کرتے ہیں، وفد نے حکومتِ وقت اور عدالتوں سے فوری انصاف اور قانونی کاروائی کا مطالبہ کرتے ہوئے کہا کہ شرپسندوں و تخریب کاروں اور ا?ن کے ماسٹر مائنڈز کو سخت سزائیں دی جائیں تاکہ مستقبل میں ایسے دل شکن واقعات وقوع پذیر نہ ہوں۔

واشنگٹن : وفاقی وزیرِ قانون اعظم نذیر تارڑ نے کہا ہے کہ سمندر پارپاکستانی ملک کا بیش قیمتی اثاثہ ہیں جنہوں نے ہر مشکل گھڑی میں وطن کی مشکلات کم کرنے میں کردار ادا کیا ہے۔ واشنگٹن میں کانگریس رہنمائوں، سٹیٹ ڈیپارٹمنٹ کے سینئر اہلکاروں اور پاکستانی کمیونٹی رہنمائوں سے ملاقات میں گفتگو کرتے ہوئے انہوں نے کہا کہ پاکستان ہم سب کی پہچان ہے اور اس کے وقار کی حفاظت ہم سب کی مشترکہ ذمہ داری ہے۔ انہوں نے کہا کہ بدقسمتی سے بعض مفاد پرست عناصر سمندر پار پاکستانی کمیونٹی میں تفرقہ ڈالنے اور اپنے ہی وطن اور حکومت سے بدگمان کرنے کی خاطر بے بنیاد پراپیگنڈہ کر رہے ہیں۔ وزیر قانون نے کہا کہ اوورسیز ہمارا حصہ ہیں۔ ہمارا اور آپ کا رشتہ دائمی ہے۔ امریکہ میں پاکستان کے سفیر مسعود خان بھی اس موقع پر موجود تھے۔ نو مئی کو سرکاری املاک اور وطن عزیز اور ریاستی اداروں کو ناقابل تلافی نقصان پہنچانے کی مذموم سازش اور اس میں ملوث ملزمان کے خلاف کاروائی پر بات کرتے ہوئے وزیرِ قانون نے کہا دنیا کا کوئی بھی مہذب معاشرہ اپنے قابل فخر اداروں اور شہدا پر حملہ برداشت نہیں کرسکتا اور اس حوالے سے قانون اپنا راستہ اختیار کرتا ہے۔سرکاری املاک کو نذر آتش کرنے والے شرپسند عناصر کے خلاف ملک کے آئین اور قوانین کے تحت ہی کاروائی عمل میں لائی جا رہی ہے۔ علاوہ ازیں وزیرقانون نے آج کانگریس کے مختلف اراکین جن میں ایلیکس مونی،جم بیئرڈ، اینڈی ہیرس اور کانگریسی رکن شیلا جیکسن لی شامل ہیں سے ملاقات کی۔ ملاقات میں پاک امریکہ تعلقات اور باہمی دلچسپی کے امور پر تبادلہ خیال کیا گیا۔ سٹیٹ ڈیپارٹمنٹ لیگل بیورو کے سینئر اہلکار رچرڈ وائیسک اور ان کے وفد سے بات چیت کرتے ہوئے وزیرِ قانون نے دونوں ملکوں کے درمیان شعبہ قانون سمیت تمام شعبوں میں تعاون کو فروغ دینے اور قانون کے طلبا کو قانون کی جدید تربیت دینے کے حوالے سے تعاون میں اضافے پر زور دیا۔ امریکی وفد کی جانب سے وزیر قانون کی تجویز کا خیر مقدم کیا گیا۔

اسلام آباد:اسلام آباد ہائی کورٹ نے 9 مئی کو ہنگامہ آرائی کیس میں شاہ محمود قریشی اور اسد عمر کی 10 جولائی تک عبوری ضمانت منظور کرلی ہے۔ عدالت نے پولیس کو اسد عمر اور شاہ محمود کی گرفتاری سے روکتے ہوئے 10 جولائی تک رپورٹ بھی طلب کرلی۔عدالتِ عالیہ کی جانب سے جمعہ کو کیس کی سماعت ہوئی ۔ اسد عمر اور شاہ محمود قریشی کی ایک ایک لاکھ روپے کے مچلکوں کے عوض عبوری ضمانت منظور کی گئی ۔دونوں رہنماوں نے 9 مئی کے واقعات سے متعلق مقدمے میں ضمانت قبل از گرفتاری کی درخواست دائر کی تھی۔واضح رہے کہ دو روز قبل ضمانت خارج ہونے کے بعد تحریک انصاف کے رہنما اسد عمر اور شاہ محمود قریشی عدالت سے فرار ہونے میں کامیاب ہوگئے تھے۔۔۔

فیصل آباد:پاکستانمسلم لیگ ن ٹریڈرزونگ کے مرکزی صدر سابق ایم این اے میاں عبدالمنان نے کہاہے کہ پاکستان کی 75سالہ تاریخ میںاس طرح معاشی بدحالی نہیں ہوئی جس طرح پی ٹی آئی کے پونے چارسالہ دورحکومت میں ہوئی ہے تاہم میاں نوازشریف کی خوصوصی ہدایت پروزیراعظم میاں شہبازشریف نے معاشی استحکام کے لئے ایسے عملی اقدامات کئے ہیں جن سے عوامی خوشحالی کی ابتداہوچکی ہے۔دعویٰ سے کہتاہوں کہ عام انتخابات کے بعدمیاں نوازشریف چوتھی باروزیراعظم منتخب ہوں گے اورپاکستان 2013ی طرح سیاسی اورمعاشی طورپرمستحکم ہوگا۔انہوں نے کہاکہ 9مئی کے کردارکے بعدتحریک انصاف سیاسی طورپرمرچکی ہے عام انتخابات میں ووٹ کی طاقت سے اُسے دفن بھی کردیاجائے گا۔آج اُس کانام لینے والاکوئی نہیں جوچندآخری ارکان تھے وہ بھی چھوڑگئے جبکہ بعض پارٹیوں کے ایسے ارکان کو خودنکالاجارہاہے جو عمران خان کوملٹری کورٹ سے بچانے میں مصروف ہیں۔اُن کاکہناتھاکہ جسٹس فائزعیسیٰ کی چیف جسٹس آف پاکستان نامزدگی اوروزارت قانون کی طرف سے نوٹیفکیشن جاری کرنے کے بعدتوقع ہے کہ نظام عدل باوقارہوگا۔ اب الیکشن جب بھی ہوں گے میاں نوازشریف میدان میں اورجھوٹے مقدمات سے بھی باعزت بری ہوں گے۔مسلم لیگ ن نے انتخابی مہم کاآغازکردیاہے لندن میں بیٹھ کربھی میاں نوازشریف انتخابات کے لئے لائحہ عمل طے کررہے ہیں۔