Category پاکستان

لندن (میڈیا پاکستان)سابق وزیراعظم نوازشریف کی اہلیہ اور سابق خاتون اول کو گلے کا کینسر تشخیص ہو ا ہے ۔
نجی ٹی وی جیونیوز کے مطابق بیگم کلثوم نواز ایک ہفتہ قبل ان کے این اے 120کے ضمنی انتخاب کیلئے کاغذات نامزدگی منظور کیے گئے تھے اس دن اچانک لندن روانہ ہوئی تھی جہاں ایک ہفتے کے دورا ن ان کے تین مختلف چیک اپس کیے گئے اور برطانوی ڈاکٹرز نے گلے کے کینسر کی تشخیص کی گئی ہے جس کا علاج ممکن ہے ۔

اسلام آباد(میڈیا پاکستان)سپیکر قومی اسمبلی ایاز صادق اجلاس کی صدارت کرتے ہوئے ایک دم لاہور کے لئے روانہ ہوگئے، اس وقت ایوان میں انتخابی اصلاحات کا بل پاس ہو رہا تھا۔
نجی چینل”92نیوز“ کے اپنے ذارئع کے حوالے سے کہنا تھا کہ قومی اسمبلی میں جاری اجلاس کی صدارت چھوڑ کر سردار ایاز صادق ایک فون کال کے بعد اجلاس کی صدارت چھوڑ کر لاہور روانہ ہوگئے ۔میڈیا رپورٹ کے مطابق قومی اسمبلی اجلاس میں اس وقت انتخانی اصلاحا ت کا بل پاس ہو رہا تھا کہ اچانک ایک فون کال کے بعد ایاز صادق نے اپنی جگہ ڈپٹی سپیکر قومی اسمبلی مرتضی جاویدکو صدارت کی کرسی دے کر اجلاس سے چلے گئے۔

لاہور (میڈیا پاکستان) سابق وزیر اعظم نواز شریف نے قومی احتساب بیورو(نیب) کے سامنے پیشی سے انکار کرتے ہوئے نیب کی جانب سے انکوائری کے اقدام کو چیلنج کردیا ہے جبکہ انہوں نے نیب میں اپنا تحریری جواب بھی جمع کرادیا ہے۔تحریری جواب میں مﺅقف اختیار کیا گیا کہ نیب کا موجودہ تحقیقاتی طریقہ اس کے اپنے قانون کی خلاف ورزی ہے اور نیب ریفرنس میں بنیادی حقوق کا خیال نہیں رکھا گیا .
تفصیلات کے مطابق سابق وزیر اعظم نواز شریف نے نیب کی جانب سے انکوائری کے اقدام کو چیلنج کر دیا ہے اور اس حوالے سے انہوں نے نیب میں تحریری جواب بھی جمع کرا دیا ہے۔ سابق وزیر کے وکیل نے تحریری جواب نیب کی تحقیقاتی ٹیم کو جمع کرا دیا ہے۔ وکیل کی جانب سے جمع کرائے گئے تحریری جواب میں کہا گیا ہے کہ نیب جس قانون کے تحت کارروائی کر رہا ہے وہ خلاف ضابطہ ہے،نیب ریفرنس کی تیاری اور تحقیقات کا اختیار چیرمین نیب کے پاس ہے اور قانون کی صریحاً خلاف ورزی تحقیقات نہیں دھوکا ہے جب کہ اسی بنا پر نظر ثانی اپیل سپریم کورٹ میں دائر کی، اس مرحلے پرنوازشریف کا نیب کی ٹیم کے سامنے پیش ہونا بامقصد نہیں ہوگا۔
تحریر ی جواب سابق وزیر اعظم نواز شریف کے وکیل محمد امجد پرویز کی جانب سے جمع کرایا گیا ہے جو کہ دو صفحات پر مشتمل ہے۔

پاکستانی ملبوسات کی مانگ بڑھ گئی، گزشتہ مالی سال 2016-17 کے دوران تیار ملبوسات کی قومی برآمدات میں 6 فیصد کا اضافہ ہوا،اس دوران 2.316 ارب ڈالر کی برآمدات کی گئی ہیں۔ ادارہ برائے شماریات پاکستان کے اعدادوشمار کے مطابق گزشتہ مالی سال کے دوران تیار ملبوسات کی برآمدات میں 5کروڑ82لاکھ69ہزار ڈالر یعنی 6 فیصد کا اضافہ ریکارڈ کیا گیا ہے ۔رپورٹ کے مطابق مالی سال 2015-16 کے دوران 2.195 ارب ڈالر مالیت کے تیار مبلوسات برآمد کئے گئے تھے۔
پی بی ایس کے مطابق مالی سال 2016 کی 3کروڑ27لاکھ75ہزار درجن کے مقابلہ میں گزشتہ مالی سال 2017 کے دوران 3 کروڑ 47 لاکھ 85ہزاردرجن تیار ملبوسات برآمد کیے گئے ، اس طرح برآمدات میں 20 لاکھ 10 ہزار درجن یعنی 6.13 فیصد کی زائد برآمدات کی گئی ہیں۔رپورٹ کے مطابق جون 2017 کے دوران تیار ملبوسات کی برآمدات میں 20 فیصد کا نمایاں اضافہ ہونے سے برآمدات کا حجم جون 2016 کی برآمدات 20 کروڑ 30 لاکھ 33 ہزارڈالر کے مقابلے میں 24 کروڑ 29 لاکھ51ہزار ڈالر تک بڑھ گئیں، اس طرح جون 2016 کے مقابلے میں جون 2017 کے دوران 3کروڑ99لاکھ18ہزار ڈالر کی زائد برآمدات ہوئیں

اسلام آباد(میڈیا پاکستان)مسلم لیگ ن نے سپریم کورٹ کے جسٹس آصف سعید کھوسہ کیخلاف ریفرنس دائر کردیا، ریفرنس سپیکر قومی اسمبلی سردار ایاز صادق نے سپریم جوڈیشل کونسل میں دائر کیا جس میں موقف اختیار کیا گیا ہے کہ سپیکر قومی اسمبلی کو نواز شریف کا وفادار قرار دینا حقائق کے منافی ہے،معزز جج کے ریمارکس سے ذاتی عناد اور جانبداری کااظہار ہوتا ہے، سپیکر کے بارے میں ریمارکس صر ف جسٹس آصف سعید کھوسہ نے ریمارکس دیئے،ریفرنس میں کہا گیا ہے کہ سپیکر نے قانون کے مطابق نواز شریف کیخلاف ریفرنس نمٹایا ،معزز جج نے ریمارکس میں اس چیز کو مدنظر نہیں رکھااورسپیکر کے مقررہ مدت میں فیصلہ نمٹانے کو نہیں سراہا گیا جبکہ سپریم کورٹ نے 10 ماہ خود صرف کرنے کے بعد جے آئی ٹی بنائی،ریفرنس میں کہا گیا کہ سپیکر قومی اسمبلی آفس کوئی تفتیشی ادارہ نہیں ،معزز جج کے ریمارکس سے قومی اسمبلی آفس کی ساکھ کو نقصان پہنچااورمعزز جج کے ریمارکس ہی متنازع فیصلے کاسبب ہیں۔

ٹوبہ ٹیک سنگھ (ثاقب امین سے) ٹرین کی ٹکر سے ٹریکٹر تباہ، ڈرائیور نے چھلانگ لگا کر جان بچائی۔ تھانہ چٹیانہ کے قریب کھلے پھاٹک کو عبور کرنے کی کوشش میں لاہور سے کراچی جانے والی شالیمار ایکسپریس نے ٹریکٹر کو ٹکر دے ماری جس کے نتیجہ میں مذکورہ ٹریکٹر ٹکڑوں میں تقسیم ہو گیا جبکہ ٹرین کو قریب آتا دیکھ کر ڈرائیور جس کا نام محمد یاسر سکنہ 315گ۔ ب بتایا جاتا ہے نے چھلانگ لگا کراپنی جان بچائی۔حادثے کی اطلاع ملتے ہی ریسکیو ٹیم اور متعلقہ تھانہ پولیس نے موقع پر پہنچ کر حالات کا بغور جائزہ لیا تاہم شالیمار ایکسپریس بڑے سانحہ سے بچ گئی اور کچھ دیر بعد اپنی منزل کی جانب روانہ ہو گئی۔ پولیس نے فرار ہونے والے ٹریکٹر ڈرائیور کی تلاش شروع کر دی

اسلام آباد (میڈیا پاکستان) قومی احتساب بیورو (نیب) نے سابق وزیر خزانہ اور سابق وزیراعظم نواز شریف کے سمدھی اسحاق ڈار اور ان کی فیملی کے تمام اکاﺅنٹس اور ان کے زیر استعمال تمام لاکرز کی تفصیلات طلب کر لی ہیں۔
نجی ٹی وی 92 نیوز کے مطابق نیب نے اکاﺅنٹس تفصیلات کیلئے مختلف بینکوں کو خط لکھ دئیے ہیں جن میں ڈار فیملی کے زیر استعمال تمام لاکر کی تفصیلات بھی طلب کی گئی ہیں۔
رپورٹ کے مطابق نیب اسحاق ڈار کے اہل خانہ کی مالی تفصیلات کے حصول کیلئے بھی سرگرم ہو چکا ہے اور متعلقہ اداروں سے کہا گیا ہے کہ اسحاق ڈار کے اثاثے 90 ملین سے 831 ملین میں کیسے جا پہنچے؟ اس حوالے سے جتنے بھی ریکارڈ ہیں وہ پیش کریں ۔
واضح رہے کہ اس سے قبل نیب نے سیکیورٹیزایکسچینج کمیشن(ایس ای سی پی) آف پاکستان سے اسحاق ڈار، ان کی اہلیہ ، بہوﺅں اوران کے بچوں کی 7کمپنیوں کا ریکارڈ بھی 23 اگست کو طلب کر رکھا ہے۔ نیب نے ایس ای سی پی حکام کو 23 اگست کو لاہور طلب کر کیا اور اپنے ساتھ اسحاق ڈار، ان کی اہلیہ 2 بچوں اور بہوو¿ں کی کمپنیوں کا ریکارڈ لانے کوکہا گیا ہے، اسحاق ڈار اور ان کی اہلیہ و بچوں کے نام 7 کمپنیاں رجسٹرڈ ہیں جن کا ریکارڈ طلب کیا گیا ہے۔

(میڈیا پاکستان) عید قرباں کی آمد سے قبل قربانی کے جانوروں کی خرید وفروخت کے لیے منڈیاں سجنے لگ گئیں ، خوبصورت جانور شہریوں کادل لبھاتے نظرآتے ہیں۔

ذرائع کے مطابق لاہور میں سگیاں پل کے قریب قائم ملک فارمز کے ساتھ واقع اس منڈی میں کئی سال سے قربانی کےجانوروں کو بیچنے کے لیے لایا جاتا ہے۔

عید آنے سے پہلے قربانی کے جانوروں کو سارا سال پالنے والے افراد شہر سے باہر بڑی بڑی عارضی منڈیاں لگا لیتے ہیں جہاں فارمنگ کے شوقین افراد اپنے بڑے بڑے جانوروں کو فروخت کے لیے پیش کرتے ہیں،

اس سال اس منڈی میں پاکستان کا سب سے وزنی قربانی کا جانور لوگوں کی توجہ کا مرکز بنا ہوا ہے، اسکے ساتھ اور بھی بہت سی نسلوں کے جانور رکھے گئے ہیں۔

ان جانوروں کو بیماریوں سے محفوظ رکھنے اور صحت مند بنانے کےلیے فارم کے ملازمین 24 گھنٹے انکی دیکھ بھال کے لیے موجود ہوتے ہیں۔

قربانی کے ان جانوروں کو رنگ برنگے زیورات سے سجاکر مزید خوبصورت اور دلکش بنایا جاتا ہے۔

جانوروں کو دیکھنے کے لیے لوگ بڑی تعداد میں یہاں آتے ہیں کہیں ننھے بچے والدین کے ساتھ ان کو چھو کر خوش ہوتے ہیں تو کہیں ان میں سب سے بڑے جانور کے ساتھ سیلفی بنا کر انہیں موبائل کیمروں میں محفوظ کر لیتے ہیں۔

لاہور (میڈیا پاکستان) وفاقی وزیر ریلوے خواجہ سعد رفیق نے کہا ہے کہ آصف زرداری سمجھدار آدمی ہیں لیکن ان کے ساتھ ہاتھ ہوگیا ہے کیونکہ ان کا نونہال بچہ (بلاول بھٹو زرداری) کسی اور لائن پر لگا ہوا ہے۔

منگل کو میڈیا سے گفتگو کرتے ہوئے خواجہ سعد رفیق کا کہنا تھا کہ آصف زرداری سے لاکھ اختلاف مگر وہ آدمی سمجھدار ہیں لیکن ان کے ساتھ ہاتھ ہوگیا ہے، ان کا نونہال بچہ کسی لائن پر لگا ہوا ہے، اوراسے لائن دینے والے اس بچے کو وہ پٹی پڑھا رہے ہیں جو سیاستدان پڑھ کر فارغ ہو چکے ہیں۔
انہوں نے مثال دیتے ہوئے بلاول کی طرف اشاریہ کیا اور کہا ” مثال کے طور پر وہ کہتے ہیں کہ ہماری ٹیلی فون کال نہیں سنیں گے لیکن ان سے کوئی یہ پوچھے کہ ہم نے انہیں کب فون کیا ہے“۔

شرابیوں کی ایک ٹولی رات گئے ایک مکان کے سامنے ٹھہری اورایک شرابی اس مکان کا دروازہ پیٹنے لگا” انور بھائی ، انور بھائی“
اوپر کی منزل سے ایک خاتوں نے جھانک کر دیکھا اور غصہ سے پوچھا” کون ہے. کیا بات ہے؟“
شرابی نے پوچھا ”بہن جی انور بھائی کا مکان یہی ہے؟“
عورت نے کہا” ہاں یہی ہے ۔میرے شوہر ہیں وہ ،کہو کیا بات ہے؟“
شرابی نے جھومتے ہوئے کہا” اچھاتو پھر ذرا نیچے تشریف لائیں اور ہم میں سے اپنے شوہر کو پہچان کر لے جائےں تاکہ باقی لوگ بھی اپنے گھروں کو جا سکیں“