Category سائنس اور ٹیکنالوجی

لاہور (میڈیا پاکستان) امریکی انجینئروں نے ایک ایسی سمارٹ جیکٹ بنائی ہے جو انسان کے مسلز کی تھکاوٹ کو کم کرکے لوئر بیک پین سے نجات دلا سکتی ہے ۔ امریکی ریاست ٹینیسی میں ہونیوالی تحقیق کے شریک انویسٹی گیٹر آرون ینگ کا کہنا ہے کہ انہوں نے بہت سے ایسے لوگ دیکھے ہیں جنہیں کام کے دوران بار بار جھکنا پڑتا ہے ۔
اسے پہننے سے کوئی چیز اٹھانے کی صلاحیت کو بڑھانے کیساتھ ساتھ پٹھوں کی تھکاوٹ کو بھی کم کیا جاسکتا ہے ۔ یہ جیکٹ دو فیبرک سیکشن پر مشتمل ہے انہیں سینے اور ٹانگوں پر پہنا جاسکتا ہے یہ سیکشنز کمر کے بیچ سے مضبوط پٹیوں کی مدد سے جوڑے گئے ہیں جبکہ لوئر بیک پر انہیں قدرتی ربڑ کے ٹکڑوں کی مدد سے جوڑا گیا ہے ۔
یہ پہلے سے کمر درد میں مبتلا افراد کیلئے نہیں بلکہ اسے کمر کے درد سے بچنے کیلئے بنایا گیا ہے ۔

کراچی (میڈیا پاکستان ) کوک سٹوڈیو نے جشن آزادی کے موقع پر سیزن 10 میں پرفارم کرنیوالے تمام 40 گلوکاروں کے ہمراہ قومی ترانہ ریلیز کرنے کا اعلان کیا ہے ۔ اس حوالے سے جنرل منیجرکوکا کولا پاکستان رضوان یو خان اور کوکا کولا پاکستان کے ڈائریکٹر مارکیٹنگ عباس ارسلان نے بتایا کہ ہر گزرتے سال کیساتھ نہ صرف یہ پلیٹ فارم مستحکم ہورہا ہے بلکہ مزید بہتر بھی ہوتا جارہا ہے ۔
سٹرنگزبینڈ کوک سٹوڈیو کے 7ویں سیزن سے بطور ایگزیکٹو پروڈیوسر وابستہ ہے جس نے خصوصی طور پر تیار کئے گئے قومی ترانے کے بارے میں کہا ہم یہ امید کرتے ہیں کہ مشترکہ قومی ترانہ ریلیز کرنے سے ہر پاکستانی کے دل میں جذبہ حب الوطنی اور قومی شعور کا احساس اجاگر ہوگا۔ واضح رہے کہ کوک سٹوڈیو کا 10واں سیزن 11 اگست کو ریلیز ہوگا۔

آپ ہر روز لاتعداد ایپس کے متعلق پڑھتے رہتے ہوں گے لیکن ایکپسریس کی جانب سے مفید اور مفت ایپس کا ایک انتخاب یقیناً آپ کو پسند آئے گا کیونکہ یہ ایپس بیٹری بچانے سے لے کر جان بچانے کے کام آسکتی ہیں۔
فون بیٹری کی زندگی بڑھانے طاقتور ایپ
موبائل فون کے ہارڈ ڈویئر میں ہم سب سے زیادہ فکرمند بیٹری کے بارے میں ہوتے ہیں۔ مفت میں دستیاب انتہائی کارآمد کیسپرسکی بیٹری لائف آپ کی زندگی آسان بناسکتی ہے۔

سان فرانسسکو (نیوز ڈیسک) مصنوعی ذہانت کو انسان کی حیرت انگیز ترین ایجادات میں سے ایک کہا جائے تو غلط نہ ہوگا۔ اس شعبے کی برق رفتار ترقی نے جہاں مستقبل کیلئے بہت سی امیدیں پیدا کردی ہیں وہیں ایک انجانے خوف کو بھی جنم دیا ہے۔ دیکھا جائے تو مصنوعی ذہانت کے حوالے سے ظاہر کئے جانے والے خدشات بے بنیاد نہیں ہیں۔ اس کی تازہ ترین مثال سوشل میڈیا کمپنی فیس بک کے وہ دو روبوٹ ہیں جنہوں نے اپنی مصنوعی ذہانت سے ایک نئی زبان تخلیق کرلی اور اس زبان کو استعمال کرتے ہوئے آپس میں گفتگو شروع کردی۔ سائنسدان یہ معاملہ دیکھ کر اتنا گھبرائے کہ صورتحال قابو سے باہر ہونے سے پہلے ہی دونوں روبوٹس کو بند کردیا۔
دی انڈیپینڈنٹ کی رپورٹ کے مطابق ’بوب‘ اور ’ایلس‘ نامی یہ روبوٹ فیس بک کے شعبہ مصنوعی ذہانت نے تیار کئے ہیں۔ ان روبوٹس کو آپس میں انگریزی زبان میں گفتگو کرنے کی صلاحیت دی گئی تھی لیکن جلد ہی انہوں نے اپنے نیورل نیٹ ورک کو استعمال کرتے ہوئے ایک نئی زبان ایجاد کرلی۔ سائنسدانوں کا کہنا ہے کہ بوب اور ایلس کو صرف ایک کام دیا گیا تھا کہ وہ آپس میں گفتگو کریں۔ جب تک ان روبوٹس سے کسی انسان نے گفتگو کی تو یہ انگریزی میں جواب دیتے رہے لیکن جونہی انہوں نے آپس میں گفتگو شروع کی تو جلد ہی ایک ایسی زبان استعمال کرنے لگے جسے سائنسدان سمجھنے سے قاصر تھے۔
ماہرین کا کہنا ہے کہ غالباً ان دونوں روبوٹس نے انگریزی زبان کو باہمی ابلاغ کیلئے زیادہ کارگر نہیں جانا اور اس کی جگہ ایک بہتر اور سمارٹ زبان ایجاد کرتے ہوئے اسے باہمی ابلاغ کیلئے استعمال کرنے لگے تھے۔ روبوٹس کی نگرانی کرنے والے سائنسدانوں کا کہنا ہے کہ یہ صورتحال سامنے آنے پر انہیں بند کردیا گیا کیونکہ ”ابھی ہم اس مرحلے کیلئے تیار نہیں جس کی جانب غالباً یہ روبوٹ بڑھ رہے تھے۔“

ٹینیسی (ویب ڈیسک) امریکی ماہرین نے ایک ایسا انتہائی باریک آلہ ایجاد کر لیا ہے جو صرف چھونے پر بجلی بنا لیتا ہے اور اسے مستقبل کے ذہین لباس میں شامل کر کے انسانی جسم کی حرارت اور حرکت سے اسمارٹ فونز وغیرہ چارج کئے جا سکیں گے .اس آلے کو سیاہ فاسفورس کی نینو میٹر پیمانے جتنی انتہائی باری چادروں بلیک فاسفورس نینو شیٹس استمال کرتے ہوئے تیار کیا گیا ہے .