پاکستان کی فضائی حدود آج دوپہر ایک بجے کھولی جائیں گی

اسلام آباد(ایمرا نیوزآن لائن رپورٹ عمر خالد سے) سول ایوی ایشن نے اعلان کیا ہے کہ پاکستان کی فضائی حدود آج دوپہر ایک بجے کھولی جائیں گی۔کشیدہ صورتحال کے باعث بند کی گئی پاکستانی فضائی حدود کوجزوی بحال کردیا گیا ہے جبکہ بیرون ملک پھنسے ہوئے پی آئی اے کے تین طیارے وطن واپس پہنچ گئے۔پی آئی اے کی پروازیں جدہ ، مسقط اور دبئی سے کراچی پہنچی ہیں جبکہ اچانک بندش کے اعلان سے غیرملکی ایئرلائنوں کے پھنسے طیاروں کو بھی فیری فلائٹ کرکے جانے کی اجازت دے دی گئی ہے ۔پشاور سےعمان ائیرلائن ، قطر ائیرلائن اور ائیرعربیہ کے طیاروں کو جانے کی اجازت دی گئی جبکہ سعودیہ ائیرلائن کے طیارے کو کراچی سے بغیر مسافروں کے واپس جانے کی اجازت دی گئی ۔