Tag شوبز

ممبئی(ویب ڈیسک)بالی وڈ کنگ شاہ رخ کے صاحبزادے آریان خان نے اعتراف جرم کر لیا.تفصیلات کے مطابق نارکوٹکس کنٹرول بیورو (این سی بی) کے سامنے آریان خان نے 4 سال سے منشیات لینے کا اعتراف کرلیا.بھارتی میڈیا رپورٹس نے دعویٰ کیا ہے کہ دوران تفتیش زیر حراست آریان این سی بی حکام کے سامنے روپڑے اور اعتراف کیا کہ وہ تقریباً گزشتہ 4 برسوں سے منشیات کا استعمال کر رہےہیں۔ دوران تفتیش یہ بھی انکشاف ہواکہ جب آریان خان امریکا اور دبئی میں تھے تو اس دوران بھی وہ منشیات کا استعمال کیا کرتے تھے۔

پاکستان کی ابھرتی ہوئی اداکارہ و ماڈل مشال خان کو تیزاب حملے کی دھمکی دی گئی ہے۔
اداکارہ نے یہ انکشاف انسٹاگرام پر پوسٹ کردہ اسٹوری کے ذریعے کیا جس میں انہوں نے بتایا کہ ہیر حلیمہ نامی خاتون کے نام سے بنے اکاؤنٹ نے ان پر تیزاب پھینکنے کی دھمکی دی ہے۔خاتون صارف نے کمنٹ میں صارفین سے اداکارہ پر تیزاب پھینکنے کی مدد طلب کی اور ساتھ ہی مشال کو فحش قرار دیا۔
خاتون نے کمنٹ میں لکھا کہ مشال خان فحش ہیں، ان جیسی خواتین کو معاشرے سے ختم کر دینا چاہیے، ان پر تیزاب سے حملہ کرنا چاہتی ہوں، کوئی اس معاملے میں میری مدد کرے۔اداکارہ کی جانب سے یہ بھی بتایا گیا کہ انہوں نے اس گھمبیر معاملے میں ایف آئی اے سائبر کرائم کو شکایت درج کروا دی ہے۔

کراچی (ویب ڈیسک) معروف کامیڈین عمرشریف کی طبیعت ناساز ہونے کے باعث امریکا روانگی موخرکردی گئی ہے۔ ذرائع کے مطابق نجی اسپتال میں زیر علاج عمر شریف کی حالت ایک بار پھر بگڑنے لگی ہے جس کے بعد انہیں آئی سی سی یو میں منتقل کر دیا گیا ہے۔اسپتال ذرائع کے مطابق ڈائیلاسز کے دوران عمر شریف کا بلڈ پریشر کم ہوگیا اور طبیعت بگڑنے پر انہیں سی سی یو وارڈ منتقل کیا گیا ہے.طبیعت بہتر ہونے پر ان کی بیرون ملک روانگی سے متعلق فیصلہ کیا جائے گا.
دوسری طرف ایئرایمبولینس کراچی ایئرپورٹ پرپہنچ چکی ہے.

کراچی (ویب ڈیسک)معروف اداکارہ ماہرہ خان نے اپنے بارے میں ایک بڑا انکشاف کیا ہے.انہوں نے اعتراف کرتے ہوئے کہا ہے کہ بعض معاملات پر وہ انٹرویوز میں جھوٹ بولتی رہی ہیں۔ماہرہ خان نے 24 ستمبر کو اپنے مقبول ڈرامے ’ہم سفر‘ کو 10 سال مکمل ہونے پر ٹوئٹر پرصارفین کے سوالوں کے جوابات دیے.ایک سوال کے جواب میں ماہرہ خان نے اعتراف کیا کہ انہیں جھوٹ بولنا پسند نہیں ہے، تاہم بعض اوقات وہ انٹرویوز کے دوران جھوٹ بول لیتی ہیں.
ایک مداح نے اداکارہ سے کہا کہ وہ ان کے لیے اتنے پاگل ہیں کہ ان سے ورچوئل گلے ملنے کی فرمائش کر رہے ہیں، اداکارہ سے ان کا روح کا رشتہ ہے، جس پر ماہرہ خان نے کوئی جواب دیے بغیر ان کی بات پر ہنسی کو نہ روک سکیں۔

کراچی (ویب ڈیسک)سوشل میڈیا سائٹس پر شوبز شخصیات اپنے فینز کے ساتھ رابطے میں رہتے ہیں اور ان کے سوالات کے جوابات بھی دیتے ہیں.ایک پاکستانی اداکارہ و ماڈل ژالے سرحدی کو سوشل میڈیا پر ایک فین نے پریانکا چوپڑا سے مشابہہ قرار دیا.اس کی اس بات کا جواب دیتے ہوئے اداکرہ کا کہنا تھا کہ عین ممکن ہے کہ پریانکا اُن کی دور کی رشتہ دار ہو۔سوشل میڈیا پرایک صارف نے لکھا کہ آپ پریانکا کی ہمشکل لگتی ہیں۔جواب میں اداکارہ نے کہا کہ ان سے یہی بات پہلے بھی کئی لوگ ہزار بار کر چکے ہیں ۔انہوں نے اپنے جواب میں مزاق کرتے ہوئے کہا عین ممکن ہے کہ پریانکا چوپڑا میری دور کی رشتے دار ہو۔ژالے سرحدی نے ایک انٹرویو میں انکشاف کیا تھا کہ وہ بالی ووڈ اداکارہ پریانکا چوپڑا کا ڈپلیکیٹ کرداربھی ادا کرچکی ہیں۔

نیو دہلی (ویب ڈیسک) ماڈل کے بالوں کی غلط کٹنگ کرنے اور انہیں چھوٹا کرنے پر سیلون کو 2 کروڑ کا جرمانہ کردیا ہے۔ تفصیلات کے مطابق 2018 میں کنزیومر کورٹ میں ماڈل کی جانب سے ایک سیلون کے خلاف شکایات درج کرائی گئی تھی جس میں خاتون ماڈل نے موقف اپنایا کہ 2004 سے اس سیلون میں جارہی ہوں، اس بار جب سیلون گئی تو انہوں نے ایسے ہئیر ڈریسر سے بال کٹوانے کے لیے کہا جس سے میں مطمئن نہیں تھی، میرے منع کرنے پر بھی سیلون نے کہا کہ اس ہئیر ڈریسر کا کام پہلے سے اچھا ہے لہذا آپ بال ان سے کٹوالیں۔
ماڈل نے درخواست میں بیان کیا کہ ہئیر ڈریسر تقریباً ایک گھنٹے سے زیادہ میرے بالوں کی کٹنگ کرتا رہا میرے پوچھنے پر ہئیر ڈریسر نے کہا کہ میں آپ کا ’لندن ہئیرکٹ ‘ کررہاہوں تاہم جب میں نے اپنے بال دیکھے تو وہ بالکل ٹھیک نہیں تھے، میں نے سیلون سے شکایات کی تو انہوں‌نے مزید بال خراب کردیے تاہم اب چھوٹے بالوں کی وجہ سے میں نے خوداعتمادی کھودی ہے اور مالی مسائل کا بھی سامنا ہے۔
کنزیومر کورٹ نے خاتون ماڈل کی درخواست پر کارروائی کی اور فیصلہ سناتے ہوئے سیلون پر 2 کروڑ کا جرمانہ عائد کر دیا.

لندن (ویب ڈیسک)ماضی کے سینئر اداکارطلعت اقبال امریکا میں وفات پا گئے ، ان کے اہلِ خانہ کی جانب سے اس بات پرتصدیق کر دی گئی ہے.۔اداکار طلعت اقبال کافی عرصے سے امریکا کی ریاست ٹیکساس کے شہر ڈیلس میں اپنے اہلِ خانہ کے ہمراہ مقیم تھے، وہ گزشتہ2 ہفتوں سے اسپتال میں زیرِ علاج تھے۔اہل خانہ کے مطابق طلعت اقبال کی جواں سالہ بیٹی سارہ کے انتقال کے بعد وہ شدید صدمے سے دوچار تھے جس کی وجہ سے ان کو ملٹی پل ہارٹ اٹیک ہوئے اور وہ جانبر نہ ہو سکے اور بے ہوشی کے دوران ہی انتقال کر گئے۔اداکار طلعت اقبال نے 70ء اور 80ء کی دہائی میں کئی ڈراموں اور فلموں میں اپنی اداکاری کے جوہر دکھائے۔مرحوم طلعت اقبال کی نمازِ جنازہ ڈیلس میں واقع مسجد الرحمٰن میں ادا کی جائے گی جس کے بعد انہیں ریسٹ لینڈ قبرستان میں سپردِ خاک کیا جائے گا۔

کراچی (ویب ڈیسک) پاکستانی گلوکار اور سماجی رہنما شہزاد رائے سماجی کاموں میں بڑھ چڑھ کر حصہ لیتے ہیں بالخصوص تعلیم کے حوالے سے انہوں نے بے شمار کام کیا ہے .اس بار بھی شہزاد رائے نے ایسا کام کیا ہے کہ سب کے دل جیت لئے .انہوں نے ایک نوجوان فوجی بینڈ کو موسیقی کے آلات تحفے میں بھیجے ہیں .شہزاد رائے نے ایک ویڈیو شیئر کی جس میں کچھ بچے گھی کے ڈبے اور دیگر اشیا سے فوجی بینڈ کی طرح دھن بجا رہے تھے،شہزاد رائے نے ان بچوں تک پہنچنے کے لیے عوام سے مدد طلب کی تھی۔اب شہزاد رائے نے بتایا ہےکہ ان باصلاحیت لڑکوں کو پتہ معلوم ہوا ہے ان کا تعلق ہنزہ سے ہے، ان کو میں نے موسیقی کے آلات بھیج دیے ہیں۔انہوں نے عاصم اور اسد بھائی کا شکریہ ادا کیا۔شہزاد رائے کے اس اعلیٰ اقدام کو صارفین نے بہت پسند کیا اور اُن کے جذبے کی تعریف بھی کی۔

کراچی (ویب ڈیسک)بھارت میں پاکستان کے ڈراموں‌ کو بہت پسند کیا جاتا ہے.ایسا ہی ایک پاکستانی ڈرامہ مقبولیت کے ریکارڈ توڑ رہا ہے.تفصیلات کے مطابق نمبر ون چینل جیو سے نشر ہونے والے سیونتھ اسکائی انٹرٹینمنٹ کے ڈرامہ سیریل ’خدا اور محبت 3‘ نے پاکستان کے ساتھ ساتھ بھارت میں بھی مقبولیت کے ریکارڈ توڑ ڈالے ہیں۔ بھارت میں بھی ڈرامہ خدا اور محبت یو ٹیوب پر نمبر ون پر ٹرینڈ ہوتا رہا ہے۔
علاوہ ازیں ڈرامے کے نشرہونے کے فورا بعد ڈرامے کے ہیرو فیروز خان کو بھارت سے لاکھوں مداحوں نے ٹوئٹر پر فالو کرنا شروع کر دیا۔ خدا اور محبت کی نشر کی گئی گزشتہ قسط کو پہلے 48 گھنٹوں کے دوران ڈیڑھ کروڑ سے زائد لوگوں نے دیکھا، یہ بھی پاکستان انٹرٹینمنٹ انڈسٹری کا نیا ریکارڈ ہے۔

کراچی (ویب ڈیسک)شوبز کی کئی اداکارائیں فلاحی کاموں میں‌بڑھ چڑھ کر حصہ لیتی ہیں . اسی سلسلے میں معروف و مشہوراداکارہ ماہرہ خان گھریلو تشدد اور جنسی زیادتی کے خلاف میدان میں اتری ہیں .تفصیلات کے مطابق ماہرہ خان نے گھریلو تشدد اور جنسی حملوں کے خلاف ’کامن ویلتھ‘ کی مہم کا حصہ بننے کا فیصلہ کیا ہے۔ ماہرہ خان نےانسٹاگرام پرایک ویڈیو پیغام جاری کیا ہے جس میں انہوں نے کہا ہےکہ میں گھریلو تشدد اور جنسی حملوں کے خلاف عالمی مہم میں سب کو شرکت کی دعوت دیتی ہوں۔ ویڈیو کے کیپشن میں انہوں نے لکھا کہ ہم گھریلو تشدد اور جنسی استحصال کے بارے میں جانتے ہیں یا پھر باقاعدہ اس کا تجربہ کرچکے ہیں۔ ہم اس بارے میں جتنی زیادہ بات کرتے ہیں خاموشی ٹوٹتی جاتی ہے۔
اس کے علاوہ ماہرہ خان نے ایک اور پوسٹ شیئر کی جس میں لکھا کہ آئیں خاموشی کے اس کلچر کو توڑ ڈالیں جو ایک عرصے سے گھریلو اور جنسی تشدد کے خلاف آواز اٹھانے سے روکتا ہے۔خیال رہے کہ اس مہم میں 54 ممالک سے تعلق رکھنے والے شوبز ستاروں سمیت کھلاڑی اور دیگر سوشل میڈیا شخصیات شامل ہیں۔