Tag مقبوضہ کشمیر

مقبوضہ کشمیر(ویب ڈیسک) مقبوضہ کشمیر میں بھارت کی ریاستی دہشت گردی مسلسل جاری ہے۔ ضلع شوپیاں میں بھارتی فوج نے 3 نوجوانوں کو شہید کر دیا۔کشمیر میڈیا سروس کے مطابق قابض بھارتی فوج نے ضلع شوپیاں کے ایک گاؤں کو محاصرے میں لے کر سرچ آپریشن کیا۔ بھارتی فوج، سی آر پی ایف اور پولیس کی مشترکہ کارروائی میں 3 کشمیری نوجوان شہید ہو گئے علاوہ ازیں فوج نے گھر گھر تلاشی کے دوران لوگوں کو زدوکوب بھی کیا۔ علاقے میں انٹرنیٹ اور موبائل سروس بند کر دی گئی۔ ظالمانہ کارروائی کے خلاف کشمیری عوام نے احتجاج بھی کیا۔

سری نگر(ویب ڈیسک) مقبوضہ کشمیر میں بھارتی فوج نے ایک کار پر فائرنگ کر کے کشمیری نوجوان شہید کر دیا۔ قابض بھارتی فوج کی جارحیت کا ایک اور واقعہ سامنے آیا ہے.کشمیر میڈیا سروس کے مطابق ضلع اسلام آباد میں بھارتی فوج نے ایک کار سوار نوجوان کو شہید کر دیا. نوجوان کی شناخت پرویز احمد کے نام سے ہوئی ہے۔ عینی شاہدین کا کہنا ہے کہ کارسوار نوجوان پرویز احمد نہتا تھا اوراس کی گاڑی سے بھی اسلحہ یا بارود برآمد نہیں ہوا۔اس واقعے کے بعد نوجوان کے اہل خانہ اور علاقہ مکینوں نے بھارتی فوج کے خلاف احتجاج کیا جس میں جدوجہد آزادی کشمیر کے حق میں نعرے لگائے گئے.

وادی (ویب ڈیسک) مقبوضہ کشمیر میں بھارت کی ریاستی دہشت گردی جاری ہے. مقبوضہ کشمیر میں قابض بھارتی فوج نے ضلع شوپیاں میں فائرنگ کر کے ایک نوجوان کو شہید کر دیا۔کشمیر میڈیا سروس کے مطابق بھارتی فوج نے گاؤں چتراگم میں نوجوان کو سرچ آپریشن کا بہانہ بنا کرنوجوان کو شہید کیا۔ علاوہ ازیں علاقے میں خوف و ہراس پھیلانے کیلئے انٹرنیٹ اور موبائل سروس کو بند کردیا۔بھارتی فوج نے گھر گھر تلاشی لیتے ہوئے چند نوجوانوں کو گرفتار بھی کر لیا۔ کشمیری عوام نے بھارتی فورسز کی اس ظالمانہ کارروائی کے خلاف احتجاج بھی کیا۔

سرینگر(ویب ڈیسک)ایسے واقعات دنیا بھر میں ہوتے رہتے ہیں کہ دوران پرواز جہاز،چھوٹے طیارے اور ہیلی کاپٹر گر کر تباہ ہوجاتے ہیں،ایسی صورت میں بچنا کسی معجزے سے کم نہیں ہوتا،مقبوضہ کشمیر میں بھارتی فوج کا ہیلی کاپٹر پہاڑی علاقے میں گر کر تباہ ہوگیا جس کے نتیجے میں 2 پائلٹس ہلاک ہوگئے۔
بھارتی میڈیا کے مطابق مقبوضہ کشمیر کے علاقے اودھم پور میں بھارتی فوج کا ہیلی کاپٹر گر کر تباہ ہوگیا جس کے نتیجے میں 2 پائلٹس زخمی ہوگئے تھے۔ زخمیوں کو قریبی اسپتال منتقل کیا گیا تاہم دوران دونوں پائلٹس دم توڑ گئے۔
ترجمان بھارتی فوج نے بتایا کہ زخموں کی تاب نہ لاکر ہلاک ہونے والے پائلٹس میجر رینک کے افسران تھے جن کی شناخت میجر روہت کمار اور میجر انوج راجپوت کے نام سے ہوئی ہے۔ حادثے کی تحقیقات کے لیے انکوائری کمیٹی تشکیل دیدی گئی ہے۔ترجمان بھارتی فوج کا مزید کہنا تھا کہ آج صبح مقبوضہ کشمیر کے ضلع اودھم پور میں حادثے کا شکار ہونے والا ہیلی کاپٹر تربیتی مشق پر مامور تھا۔ حادثہ ممکنہ طور پر دھند کی وجہ سے پیش آیا ہے تاہم حتمی بات انکوائری کمیٹی کی رپورٹ کے بعد ہی کہی جا سکتی ہے۔

سعودی عرب (ویب ڈیسک)سعودی عرب نے پاکستان اور بھارت کے درمیان درپیش مسائل کے حل کے لیے ثالثی بننے کا فیصلہ کیا ہے.سعودی وزیر خارجہ شہزادہ فیصل بن فرحان آل سعود نے کہا ہے کہ سعودی عرب ،پاکستان اور بھارت کے درمیان ثالثی بننے کے لیے تیار ہے۔تفصیلات کے مطابق سعودی وزیر خارجہ ان دنوں بھارت کے دورے پر ہیں جہاں انہوں نے بھارتی وزیر اعظم نریندر مودی سے ملاقات کی۔دورے کے دوران انڈین ٹی وی کو ایک انٹرویودیا جس میں ان کا کہنا تھا کہ سعودی عرب، پاکستان اور بھارت کے درمیان ثالثی بننےکے لیے تیار ہے، اب پاکستان اور بھارت پرانحصار کرتا ہے کہ وہ مزاکرات کے لیے درست وقت کا تعین کب کریں ۔انھوں نے مزید کہا کہ مذاکرات کے لیے پاکستان بھارت کوفورمزفراہم کریں گے،بالخصوص مسئلہ کشمیر کے حل کے لیے دونوں ملک مذاکرات کریں۔

پاکستان (ویب ڈیسک)24 ستمبر کووزیراعظم عمران خان اقوام متحدہ کی جنرل اسمبلی سے خطاب کریں گے۔تفصیلات کے مطابق اقوام متحدہ میں پاکستان کے سفیر منیر اکرم کا اس حوالے سے کہنا ہے کہ کہا کہ جنرل اسمبلی میں ہونے والےخطاب میں مباحثوں کا محور عالمی مسائل اور بعض تنازعات کی صورتحال ہو گا .علاوہ ازیں پاکستان مقبوضہ کشمیر میں انسانی حقوق کی خلاف ورزیوں سے دنیا کو آگاہی فراہم کرے گا.اقوام متحدہ کی جنرل اسمبلی کے 76ویں اجلاس میں شرکت کے لیے وزیر خارجہ شاہ محمود قریشی نیویارک پہنچ چکے ہیں.اقوام متحدہ کے سیکریٹری جنرل انتونیو گوتریس نےایک انٹرویو کے دوران بتایا ہےکہ ‘افغانستان میں صوتحال غیر متوقع ہے’۔انہوں نے خبردار کیا کہ ‘مختلف اقدامات اور پابندیوں کی موجودگی میں، معیشت مکمل تباہ ہونے کا خطرہ ہے’۔

سری نگر(ویب ڈیسک) مقبوضہ کشمیر میں زور دار دھماکہ ہوا جس کے نتیجے میں ایک لڑکی ہلاک اور 6 افراد زخمی ہو گئے .تفصیلات کے مطابق ایک گھر میں موجود کباڑ خانے میں پرانے شیلز اور گرنیڈز اچانک زور دار دھماکوں سے پھٹ گئے.اوراس دھماکے کے نتیجے میں ایک لڑکی جاں بحق اور 6 زخمی ہوگئے۔
کشمیر پولیس کے مطابق غلام محمد وانی پرانی استعمال شدہ اور ناکارہ سامان کی خرید و فروخت کا کام کرتے ہیں اور ان کے گھر کے کباڑ خانے میں پرانے شیل اور گرنیڈ بھی تھے جو پھٹ نہیں سکے تھے۔
ہسپتال انتظامیہ کے مطابق دھماکے میں ہلاک اور زخمی ہونے والوں کا تعلق ایک ہی خاندان سے ہے۔ 2 زخمیوں کو انتہائی نگہداشت کے وارڈ میں داخل کیا گیا ہے۔

ہفتہ واربریفنگ دیتے ہوئے ترجمان دفتر خارجہ عاصم افتخار نے کہا ہے کہ پاکستان نے افغان امن عمل میں سہولت کاری کی ہے اور ہمسایہ ممالک سے بہتر تعلقات کاخواہاں ہے،روس اورچین سمیت تمام ممالک کےساتھ تعلقات شراکت داری پرمبنی ہیں۔عاصم افتخار نے کہا کہ بھارت میں ایٹمی مواد کی غیر قانونی فروخت کا معاملہ خود بھارتی میڈیا نے اٹھایا ہے پاکستان کو اس معاملے پر شدید تشویش ہے اس معاملہ کو پاکستان متعلقہ فورمز پر اٹھائے گا۔ ہندوستان سے جوہری مواد کا غیرقانونی کاروبار پاکستان ہی نہیں خطے کے لیے خطرہ ہے. بھارت میں غیرقانونی جوہری کاروباری سے اس کی جوہری صلاحیت پر کئی سوالات اٹھتے ہیں۔
ترجمان دفتر خارجہ نےکہاکہ مقبوضہ کشمیر میں بھارتی جارحیت جاری ہے ، پاکستان نے 12 ستمبر کو عالمی برادری کو مقبوضہ کشمیر میں انسانی حقوق کی خلاف ورزیوں پر ڈوزیئر جاری کیا عالمی برادری کو مقبوضہ کشمیر پر سوچ بچار کرنا ہو گی، بھارت مقبوضہ کشمیر کی صورت حال سے توجہ ہٹانے کیلئے پاکستان پر بے بنیاد الزامات لگا رہا ہے، جعلی مقابلوں اور فالس فلیگ آپریشنز سے اپنی خفت مٹانے کی کوشش میں ہے. ہندوستان کو افغانستان سے نہیں، جو کچھ کشمیر میں کیا اس سے خوف زدہ ہونا چاہیے. بھارت نے مقبوضہ جموں و کشمیر میں انسانی حقوق اور اقدار کی دھجیاں بکھیریں۔

ترجمان دفتر خارجہ عاصم افتخار نےکہاکہ افغانستان کے تناظر میں پاکستان کے ساتھ تعلقات کےجائزےسے متعلق امریکی وزیر خارجہ انتھونی بلنکن کے بیان پر حیرت اور مایوسی ہوئی ۔ پاکستان افغان تنازعہ کے سیاسی حل کا خواہاں ہے ، افغانستان کو تسلیم کرنے یا نہ کرنے کے حوالے سے پاکستان پر کوئی دباؤ نہیں ۔ پاکستان کسی بھی دباؤ کے بغیر اپنے فیصلے خود کرنے کی صلاحیت رکھتا ہے ۔ عاصم افتخار نے کہا کہ وزیر اعظم اور روسی صدر نے ٹیلیفونک رابطہ میں افغانستان میں انسانی بحران سے نمٹنے کے حوالے سے حکمت عملی پر بات چیت کی ہے۔

ترجمان دفتر خارجہ نےسوالوں کا جواب دیتے ہوئے کہا کہ پاکستان بلاکس کی سیاست پر یقینی نہیں رکھتا ، پاکستان کے چین اور روس کے ساتھ بہترین تعلقات ہیں. یورپین یونین اور دیگر کے ساتھ تعلقات بھی کلیدی ہیں ، افعانستان کو آئندہ ہمسایہ ممالک کے اجلاس میں شامل کرنے پر مشاورت جاری ہے. افعانستان کے ساتھ ماضی کی حکومت میں کیے گئے معاہدات ہی آگے چلیں گے. پاکستان کا اقوام متحدہ جنرل اسمبلی اجلاس میں مرکزی نکتہ مسئلہ کشمیر ہو گا۔

واضح رہے کہ امریکی وزیرخارجہ انٹونی بلنکن نے کانگریس کی خارجہ امور کمیٹی میں کہا ہے کہ افغانستان کے مستقبل پر امریکا پاکستان کے ساتھ اپنے تعلقات کا جائزہ لے گا، آئندہ ہفتوں میں پاکستان سےتعلقات پر توجہ مرکوز رکھیں گے،جائزہ لیں گےکہ افغانستان میں امریکا کیا کرنا چاہتا ہے اور پاکستان سے کیا توقعات ہیں۔

اسلام آباد(ویب ڈیسک)مقبوضہ کشمیر کے بابائے حریت رہنما سید علی گیلانی انتقال کر گئے. ان کی تدفین انتہائی سخت سیکیورٹی میں بھارتی فوج نے زبردستی حیدر پورہ میں کی.جبکہ ان کے اہل خانہ کسی اور مقام پر تدفین کرنا چاہتے تھے .بھارتی قابض فوج کی جانب سے سید علی گیلانی کے جنازے میں قریبی ساتھیوں کے علاوہ کسی کو جنازے میں شرکت کی اجازت نہ دی جبکہ پاکستان کی جانب سے حریت رہنما سید علی گیلانی کو خراج عقیدت پیش کرتے ہوئے ان کی غائبانہ نماز جنازہ ادا کی گئی .تفصیالات کے مطابق حریت رہنما سید علی گیلانی کی غائبانہ نماز جنازہ اسلام آباد کی فیصل مسجد میں ادا کی گئی۔فیصل مسجد میں غائبانہ جنازے میں صدر مملکت عارف علوی، ڈی جی آئی ایس آئی میجر جنرل فیض حمید، وفاقی وزرا اور شہریوں کی بڑی تعداد نے شرکت کی۔

لاہور(ویب ڈیسک) حریت رہنما سید علی گیلانی 92 برس کی عمر میں انتقال کر گئے ان کو بھارتی فوج نے سخت سیکیورٹی میں نا معلعم جگہ پر تدفین کر دی اور ان کے بہت ہی قریبی ساتھیوں کو جنازے پرآنے کا اجازت دی گئی .ان حوالے سے دنیا بھر میں دکھ کا اظہار کیا جا رہا ہے.اس حوالے سے پاکستان کےوزیراعظم عمران خان نے بھی سینیئر کشمیری حریت رہنما سید علی گیلانی کے انتقال پرشدید دکھ اور رنج کا اظہار کیا ہے۔
وزیراعظم نے اپنی ٹویٹ میں لکھا ہے کہ سید علی گیلانی کے انتقال کا سن کر دکھ ہوا، انہوں نے ساری عمر کشمیریوں کے حق خود ارادیت کیلئے جدوجہد کی اورقابض بھارتی انتظامیہ کی قیدوبند کی اذیتیں برداشت کیں اورپرعزم رہے.وزعراعظم نےان کی جرات مندانہ جدوجہد کو سلام پیش کیا۔وزیراعظم کا کہنا تھاکہ ’ہم پاکستانی ہیں اور پاکستان ہمارا ہے‘ کے الفاظ ہمیں ہمیشہ یاد رہیں گے جو انہوں نے کہے۔اس حوالے سے وزیراعظم عمران خان نے سید علی گیلانی کی وقت پر ایک روزہ سوگ اور پرچم سرنگوں رکھنے کا بھی اعلان کیا۔