Tag ARY

پی ایس ایل سیزن فورکرکٹ میچز کی سیکیورٹی اورٹریفک کے مجموعی امور کا تفصیلی جائزہ لیا گیا
کراچی(ایمرا نیوز آن لائن)آئی جی سندھ ڈاکٹر سیدکلیم امام کی زیر صدارت اعلیٰ سطحی اجلاس میں پی ایس ایل سیزن فورکرکٹ میچز کی سیکیورٹی اورٹریفک کے مجموعی امور کا تفصیلی جائزہ لیا گیا اور مزید ضروری ہدایات دی گئیں۔آئی جی سندھ نے اجلاس میں شریک اسپیشل برانچ،سی ٹی ڈی اور کراچی کے ایڈیشنل آئی جیز سمیت ڈی آئی جی ہیڈ کوارٹرز سندھ،زونل ڈی آئی جیز اور ڈی آئی جی ٹریفک کراچی کے علاوہ اے آئی جی آپریشنز سندھ کو ہدایات دیں کہ تفویض کردہ فرائض اور ذمہ داریوں کو انتہائی مستعداورمتحرک رہتے ہوئے انجام دیکر اس میگا ایونٹ کو پرامن اور کامیاب بنایا جائے ۔س موقع پر ڈی آئی جی ایسٹ،ڈی آئی جی ساؤتھ اور ڈی آئی جی ٹریفک نے باالترتیب ائیرپورٹ تا ہوٹل،ہوٹل تا اسٹیڈیم سیکیورٹی سمیت ٹریفک بشمول متبادل روٹس،پارکنگ ایریاز پر مجموعی اقدامات پر تفصیلی بریفنگ دی۔آئی جی سندھ نے کہا کہ اس میگا ایونٹ میں شرکت کرنیوالے کھلاڑیوں،غیرملکی مندوبین/مہمانوں/اسٹاف کو بین الاقوامی معیار کے مطابق سیکیورٹی پروٹوکول کو یقینی بنایا جائے جبکہ ہوٹلز میں انتظامیہ کے تعاون پولیس لائژن ڈیسک کا قیام بھی عمل میں لایا جائے ۔انہوں نے کہا کہ ائیر پورٹ تاہوٹلز اور ہوٹلز تا اسٹیڈیم جملہ گزرگاہوں،اسٹیڈیم کے اندرونی اور اطراف میں نصب سی سی ٹی وی کیمروں کا جائزہ لیکر کمانڈ اینڈ کنٹرول سینٹر سی پی او سے مانیٹرنگ اور دیگر ضروری اقدامات کو عین کنٹی جینسی پلان کے مطابق موثراور مربوط بنایا جائے ۔آئی جی سندھ نے مذید کہا کہ ڈیزاسٹر مینجمنٹ سسٹم پر خصوصی فوکس رکھتے ہوئے ناصرف مجموعی امور کو ٹھوس بنایا جائے بلکہ پولیس ریزرو پلاٹونز کو تیار حالت میں رکھنے کے لیئے بھی عملی اقدامات اٹھائے جائیں۔آئی جی سندھ کا کہنا تھا کہ پی ایس ایل کرکٹ سیزن فور کے مجموعی سیکیورٹی/ ٹریفک اقدامات کو پولیس اپنے تجربے اور پیشہ ورانہ صلاحیتوں کی بدولت نا صرف کامیاب بنائے بلکہ بین الاقوامی سطح پر پاکستان اورکراچی کے عوام کیجانب سے امن اور محبت کے پیغام کو بھی عام کرے ۔اجلاس کو بتایا گیا کہ پی ایس ایل کرکٹ سیکیورٹی/ٹریفک ودیگر ضروری اقدامات کے تحت ایسٹ کے 7720، ساوتھ کے 2260،ایس ایس یو کے565،ٹریفک کے 1780جبکہ اسپیشل برانچ کے 788سمیت مجموعی طور پر13112 پولیس افسران اور جوانوں کو ذمہ داریاں تفویض کی گئیں ہیں۔

کابل (ایمرا نیوز آن لائن)طالبان نے کہا ہے کہ پاک بھارت کشیدگی کے باعث افغان امن عمل متا ثر ہو گا جبکہ دونوں ممالک کے درمیان صورتحال مزید خراب نہ ہونے کے خواہاں ہیں ۔غیر ملکی خبر رساں ادارے کے مطابق افغان طالبان کے ترجمان ذبیع اللہ مجائد نے اپنے بیان میں کہا کہ پاک بھارت کشیدگی میں تسلسل افغان امن عمل پر برا اثر ڈالے گا ۔ انہوں نے کہا کہ دونوں ممالک کو اس کشیدگی کے خاتمے کے لئے اقدامات کرنے چاہیے ۔

بھارت(نیٹ نیوز ایمرا نیوز)

بھارت نے اپنے ونگ کمانڈر ابھی نندن کی مگ 21 اڑانے اور ابھی تک نہ لوٹنے کی تصدیق کر دی ہے۔

بھارتی میڈیا کے مطابق ونگ کمانڈر ابھی نندن نے مگ21پر اڑان بھری لیکن وہ ابھی تک نہیں لوٹا۔ ابھی نندن بھارت کے ایک ریٹائرڈ ائیرمارشل کا بیٹا ہے۔

یاد رہے کہ بھارتی ائیرفورس نے طیاروں نے آج صبح لائن آف کنٹرول کی خلاف ورزی کی جس پر پاک فضائیہ نے بروقت ایکشن لیتے ہوئے دو بھارتی جنگی طیارے مارے گرائے اور دو پائلٹوں کو گرفتار کر لیا۔

ڈائریکٹر جنرل آئی ایس پی آر میجر جنرل آصف غفو ر نے اس حوالے سے اپنی پریس کانفرنس میں بتایا کہ پاک فوج نے دو بھارتی پائلٹوں کو گرفتار کیا ہے جن میں ایک زخمی حالت میں سی ایم ایچ میں زیرعلاج ہے جب کہ دوسرا حراست میں ہے۔

ایک گرفتار بھارتی پائلٹ کی ویڈیو بھی سامنے آئی ہے جس میں وہ اپنا نام ابھی نندن اور سروس نمبر 27981 بتاتا ہے۔

پاکستان میں گرفتارکیے گئے بھارتی پائلٹ سے متعلق بھارتی صحافی شیواروڈ نے بھی تصدیق کردی ہے اور بتایا ہے کہ بھارتی پائلٹ MIG 21 کا پائلٹ تھا اور ونگ کمانڈر ابھی نندن سے متعلق بھارتی حکومت جلد بیان جاری کرے گی۔

بھارت کو ذمہ دار ریاست کی طرح جواب دیا ‘اس کے علاوہ کوئی آپشن نہیں تھا‘کاروائی میں ایف 16 استعمال نہیں ہوا‘انسانی جانوں کے ضیاع سے گریز کیا ‘ جنگ میں کسی قسم کی جیت نہیں ہوتی انسانیت ہارتی ہے ‘خطے کے امن کی خاطر جنگ کی جانب نہیں جانا چاہتے ‘امن پسند ہیں اگر جنگ مسلط کی گئی تو بھر پور جواب دیں گے ‘ڈی جی ایم اوز کا کوئی رابطہ نہیں ہوا
میجرجنرل آصف غفور کا پریس کانفرنس سے خطاب
بھارتی ونگ کمانڈر ابی نندن 27981گرفتار
راولپنڈی(آن لائن)ترجمان پاک فوج میجر جنرل آصف غفور نے کہا ہے کہ بھارت کو ذمہ دار ریاست کی طرح جواب دیا ‘اس کے علاوہ کوئی آپشن نہیں تھا‘کاروائی میں ایف 16 استعمال نہیں ہوا‘انسانی جانوں کے ضیاع سے گریز کیا ‘ جنگ میں کسی قسم کی جیت نہیں ہوتی‘ خطے کے امن کی خاطر جنگ کی جانب نہیں جانا چاہتے ‘امن پسند ہیں اگر جنگ مسلط کی گئی تو بھر پور جواب دیں گے ‘ڈی جی ایم اوز کا کوئی رابطہ نہیں ہوا ۔بدھ کو ڈائریکٹر جنرل آئی ایس پی آر میجر جنرل آصف غفور نے پریس بریفنگ کے دوران بتایا کہ پاک فضائیہ نے اپنی حدود میں رہنے ہوئے لائن آف کنٹرول (ایل او سی )کے پار مقبوضہ کشمیر میں 6 اہداف کا انتخاب کیا کیونکہ بھارت نے ہم پر جارحیت کی اور ایل او سی کی خلاف ورزی کی اور دعویٰ کیا کہ مبینہ دہشتگردوں کا ٹھکانہ تباہ کیا اور 350 دہشتگردوں کو مارا۔بھارتی دراندازی کے بعد پاکستان کے پاس جواب دینے کے علاوہ کوئی اور آپشن نہیں تھا اور جواب بھی ایسا دینا چاہتے تھے جو ایک ذمہ دار ریاست کی طرح ہو۔انہوں نے کہا کہ ہم نے عسکری ٹارگٹ کو نشانہ نہ بنانے کا ہدف کیا تھا جبکہ انسانی جانوں کے ضیاع سے بھی گریز کرنا تھا اور اس لیے ہم نے 6 ہدف کو نشانہ بنانے کا منصوبہ کیا۔میجر جنرل آصف غفور نے کہا کہ بھارتی میڈیا کی جانب سے دعویٰ کیا گیا کہ انہوں نے پاکستان کا ایک ایف 16 طیارہ گرایا ہے لیکن میں واضح کردوں کہ اس کاروائی میں ایف 16 استعمال ہی نہیں ہوا۔انہوں نے کہا کہ ہم نے کارروائی اپنے دفاع کے لیے کی، جنگ میں کسی قسم کی جیت نہیں ہوتی بلکہ انسانیت ہی ہارتی ہے میڈیا سے گزارش ہے کہ وہ امن کی صحافت کرے لیکن اگر ہم پر جنگ مسلط کی گئی تو اس کی رپورٹنگ الگ ہوگی۔ایک سوال کے جواب میں میجر جنرل آصف غفور کا کہنا تھا کہ پاکستان نے جو جواب دیا ہے وہ جواب نہیں بلکہ اپنے دفاع کی صلاحیت ہے، اب یہ بھارت پر ہے کہ وہ کس راستے کو اختیار کرتا ہے لیکن اگر ہم پر جارحیت کی جاتی ہے تو ہم جواب تو دیں گے۔انہوں نے کہا کہ پاکستان جنگ کے حالات کی طرف نہیں بڑھنا چاہتا لیکن اگر ایسا ہوتا ہے تو ہم اپنی حدود سے ایسے ہدف کو نشانہ بناتے ہیں ، جس سے بھارت کو نقصان ہو۔ ڈی جی آئی ایس پی آر نے کہا کہ بھارتی جارحیت کے بعد فیصلہ کیا تھا کہ فوجی ہدف کو نشانہ نہیں بنائیں گے اور نہ ہی کوئی جانی نقصان ہونا چاہیے، پاک فضائیہ نے اپنی حدود کے رہتے ہوئے 6 اہداف کا انتخاب کرکے انہیں نشانہ بنایا، ہم سب سب کچھ کرسکتے ہیں لیکن خطے کے امن کی خاطر نہیں کرتے اور جنگ کی طرف نہیں جانا چاہتے۔آصف غفور نے بتایا کہ پاک فضائیہ نے بھارت کے دو طیاروں کو مار گرایا، بھارت میں ایک اور طیارہ گرنے کی اطلاع ہے لیکن اس سے ہمارا کوئی تعلق نہیں، پاکستان تمام تر صلاحیت رکھنے کے باوجود امن کا پیغام دیتا ہے، جنگ پالیسی کی ناکامی ہے، جنگ شروع کرنا آسان ہے لیکن کسی کو نہیں پتہ ہوتا کہ وہ ختم کہاں ہوگی جبکہ آئی ایس پی آر کی جانب سے ایک ویڈیو بھی جاری کی گئی جس میں بھارتی ونگ کمانڈر ابی نندن نے اعتراف کیا ہے کہ میں بھارتی ونگ کمانڈر ابھی نندن ہوں اور میرا سروس نمبر 27981ہے ،جسے زخمی ہونے کے باعث ابتدائی طبی امداد فراہم کرنے کے لئے سی ایم ایچ منتقل کر دیا گیا ہے ۔واضح رہے کہ 26 فروری کو بھارت کی جانب سے آزاد کشمیر کے علاقے میں دراندازی کی کوشش کی گئی تھی جس پر پاک فضائیہ نے بروقت ردعمل دیتے ہوئے دشمن کے طیاروں کو بھاگنے پر مجبور کردیا تھا۔پاک فوج کے شعبہ تعلقاتِ عامہ (آئی ایس پی آر) کے ڈائریکٹر جنرل میجر جنرل آصف غفور نے بتایا تھا کہ آزاد کشمیر کے علاقے مظفرآباد میں داخل ہونے کی کوشش کر کے بھارتی فضائیہ کے طیاروں نے لائن آف کنٹرول (ایل او سی) کی خلاف ورزی کی۔انہوں نے بتایا تھا کہ بھارتی فضائیہ نے لائن آف کنٹرول کی خلاف ورزی کی، جس پر پاک فضائیہ فوری طور پر حرکت میں آئی اور بھارتی طیارے واپس چلے گئے۔ڈی جی آئی ایس پی آر نے تفصیلات سے آگاہ کرتے ہوئے بتایا تھا کہ پاک فضائیہ کے بروقت ردعمل کے باعث بھارتی طیارے نے عجلت میں فرار ہوتے ہوئے بالاکوٹ کے قریب ایک ہتھیار پھینکا تاہم اس سے کسی قسم کا کوئی نقصان نہیں ہوا۔بعد ازاں وزیر اعظم عمران خان کی زیر صدارت قومی سلامتی کمیٹی کا ہنگامی اجلاس ہوا تھا، جس میں بھارتی دعووں کو مسترد کرتے ہوئے کہا تھا کہ پاکستان نے واضح کیا تھا کہ مناسب وقت اور جگہ پر بھارتی مہم جوئی کا جواب دیا جائے گا۔اس اہم اجلاس کے فوری بعد وزیر خارجہ شاہ محمود قریشی، وزیر دفاع پرویز خٹک، وزیر خزانہ اسد عمر نے ایک مشترکہ پریس کانفرنس کی تھی، جس میں بھی شاہ محمود قریشی نے بھارتی عمل کو جارحانہ قرار دیتے ہوئے کہا تھا کہ پاکستان اس کا جواب دے گا۔بعد ازاں پاک فوج کے ترجمان میجر جنرل آصف غفور نے بھی ایک پریس کانفرنس کے دوران بھارت کو خبردار کیا تھا کہ اب وہ پاکستان کے جواب کا انتظار کرے جو انہیں حیران کردے گا، ہمارا ردِعمل بہت مختلف ہوگا، اس کے لیے جگہ اور وقت کا تعین ہم خود کریں گے۔ترجمان پاک فوج نے کہا تھا کہ ایک محاورہ ہے کہ بے وقوف دوست سے عقل مند دشمن بہتر ہوتا ہے لیکن یہاں بھارت دشمنی میں بھی بے وقوفی کا ثبوت دیتا ہے۔میجر جنرل آصف غفور نے کہا تھا کہ بھارت نے دعویٰ کیا کہ اس کے طیارے 21 منٹ تک ایل او سی کی دوسری جانب پاکستان کی فضائی حدود میں دراندازی کرتے رہے جو جھوٹے دعوے ہیں۔پاک فوج کے ترجمان نے کہا تھا کہ ’اللہ کی ذات بڑی ہے ، آئیں پاکستان کی حدود میں 21 منٹ تک رہ کر دکھائیں۔‘

سرینگر ائرپورٹ بھی بند،پاکستان ریلوے میں بھی سیکیورٹی کو ہائی الرٹ کر دیا گیا
گوانگزو سے آنے والی پرواز کو واپس بھجوادیا گیا ‘ پروازیں تا حکم ثانی روکی گئیں ہیں
منیجر لاہور علامہ اقبال انٹرنیشنل ایئرپورٹ
اسلام آباد (ایمرا نیوز آن لائن) پاک بھارت کشیدگی کے بعد پاکستان اور بھارت نے اپنے مختلف ائر پورٹس پر فضائی آپریشن معطل کر دیا۔پاکستان نے مختلف شہروں میں فضائی آپریشن بند کر دیا جب کہ پاکستان ریلوے میں بھی سیکیورٹی کو ہائی الرٹ کر دیا گیا۔سول ایوی ایشن اتھارٹی (سی اے اے) کے مطابق کراچی، لاہور، اسلام آباد، سیالکوٹ، پشاور اور ملتان میں فضائی آپریشن بند کر دیا گیا ہے اور اندرون اور بیرون ملک جانے والی پروازیں روک دی ہیں۔ذرائع کے مطابق موجودہ صورتحال کے پیش نظر پاکستان ریلوے نے بھی سیکیورٹی ہائی الرٹ کر دی۔ ریلوے حکام نے بھی ملک بھر میں ریلوے پولیس سیکیورٹی کو ہائی الرٹ رہنے کی ہدایت کر دی ہے۔بھارت نے بھی اپنے پانچ ائرپورٹس پر فضائی آپریشن معطل کر دیا ہے جب کہ سرینگر ائرپورٹ کو بھی بند کر دیا گیا ہے۔پاک بھارت کشیدگی کے باعث دونوں ملکوں میں فضائی آپریشن بند کیا گیا ہے جب کہ پاکستان ریلوے نے ملک بھر میں سیکیورٹی ہائی الرٹ کی گئی ہے۔لاہور علامہ اقبال انٹرنیشنل ایئرپورٹ کے منیجر کے مطابق چین کے گوانگزو ایئرپورٹ سے آنے والی پرواز کو واپس بھجوادیا گیا ہے جبکہ اندرون و بیرون ممالک جانے اور آنے والی پروازیں تا حکم ثانی روک دی گئیں ہیں۔ایل او سی پر کشیدگی کے بعد نیو اسلام آباد ایئرپورٹ، پشاور، ملتان، فیصل آباد اور سیالکوٹ کے ہوائی اڈوں پر فضائی آپریشن معطل کردیا گیا ہے۔واضح رہے کہ پاک بھارت کشیدگی کی وجہ سے سرحدوں کی دونوں جانب جنگی طیاروں کی پروازیں جاری ہیں۔گزشتہ روز بھارت نے پاکستان کی فضائی حدود کی خلاف ورزی کی تھی اور پاکستانی طیاروں کی آمد کے بعد اپنا پے لوڈ گرا کر فرار ہو گئے تھے۔بھارت کی جانب سے ایک بار پھر فضائی حدود کی خلاف ورزی پر پاکستان نے دو بھارتی طیاروں کو مار گرایا۔ جس میں دو پائلٹ بھی ہلاک ہوئے اور ایک کو گرفتار کرلیا گیا۔پاکستانی وزارت خارجہ نے کہا ہے کہ پاک فضائیہ نے ایل او سی پر جوابی کارروائی کی جو پاکستانی حدود میں رہتے ہوئے کی گئی۔ پاکستان نے بھارت کی فضائی حدود کی خلاف ورزی نہیں کی۔ڈی جی آئی ایس پی آر کی طرف سے ایک ٹویٹ میں کہا گیا کہ بھارتی طیاروں نے پاکستانی حدود کی خلاف ورازی کی جس پر پاک فضائیہ کی جوابی کارروائی میں دشمن کے دو طیارے مار گرائے ہیں۔

اپنی زندگی کا سب سے مشکل فیصلہ لیا ہے، کرکٹ کیریئر بہت چھوٹا ہوتا ہے ، بطور ایک پیشہ ورانہ کھلاڑی تمام مواقع سے فائدہ اٹھانے کے لیے
اپنے بہترین انتخاب پر غور کرنا تھا، فاسٹ باﺅلر
جوہانسبرگ (ایمرا نیوز آن لائن)پاکستان کے خلاف ٹیسٹ سیریز کے دوران سب سے زیادہ وکٹیں لینے والے جنوبی افریقہ کے فاسٹ بالر ڈوین اولیفیئر نے ٹیسٹ کرکٹ سے ریٹائرمنٹ کا اعلان کردیا۔ ڈوین اولیفیئر کا کہنا تھا کہ انہوں نے یہ اپنی زندگی کا سب سے مشکل فیصلہ لیا ہے جبکہ انہوں نے حال میں جنوبی افریقہ کی ٹیم میں واپسی کی تھی۔فوٹو شیئرنگ ایپ انسٹاگرام پر جاری اپنے بیان میں ڈوین اولیفیئر کا کہنا تھا کہ میرا فیصلہ کچھ لوگوں کے سمجھنے کے لیے بہت مشکل ہوگا۔ان کا کہنا تھا کہ کرکٹ کیئریر بہت چھوٹا ہوتا ہے اور بطور ایک پشاورانہ کھلاڑی انہیں تمام مواقع سے فائدہ اٹھانے کے لیے اپنے بہترین انتخاب پر غور کرنا تھا۔ڈوین اولیفیئر نے جنوری 2017 میں جنوبی افریقہ کی جانب سے ٹیسٹ کرکٹ میں ڈیبیو کیا تھا جنہیں کائل ایبٹ کے بعد ان کی جگہ پر ٹیم کا اہم حصہ تصور کیا جارہا تھا۔اولیفیئر نے یورکشائر ویب سائٹ کو دیے گئے ایک انٹرویو میں کہا کہ وہ انگلینڈ میں کانٹی کرکٹ کے دوران اپنے کھیل سے لطف اندوز ہوئے۔اپنی بات کو جاری رکھتے ہوئے اولیفیئر کا کہنا تھا کہ گزشتہ برس کانٹی کرکٹ کے دوران انہیں یہ یقین ہوگیا تھا کہ ان کے روشن مستقبل کے لیے کانٹی کرکٹ ہی بہتر ہے۔انہوں نے کہا کہ وہ یورکشائر کے ساتھ بطور غیر ملکی کھلاڑی کھیلنا چاہتے تھے، تاہم یورکشائر کی جانب سے ملنے والی کولپاک معاہدے کی پیشکش کے بعد احساس ہوگیا تھا کہ انگلش کلب کے ساتھ طویل مدتی معاہدہ ان کے اور ان کے اہلِ خانہ کے لیے ایک بہترین انتخاب ہوگا۔ان کا کہنا تھا کہ اگر میں یہ کہوں کہ یہ فیصلہ میرے لیے آسان تھا تو یہ بالکل غلط ہوگا، کیونکہ میں نے ایسے وقت میں ملک کے لیے کرکٹ کھیلنا چھوڑا ہے جب میرے پاس واپس آنے کے بین الاقوامی کرکٹ کے ملنے کی امید بھی نہیں ہے۔

ویڈیو میں مقبوضہ کشمیر کے ضلع بڈگام میں گرنے والے طیارے کا ملبہ اور پائلٹس کی لاشیں نظر آئیں
اسلام آباد (ایمرا نیوز آن لائن)پاکستان نے بھارتی فضائیہ کے دو طیارے مار گرائے ، ویڈیو منظر عام پر آ گئی،ویڈیو میں مقبوضہ کشمیر کے ضلع بڈگام میں گرنے والے طیارے کا ملبہ اور پائلٹس کی لاشیں نظر آئیں، تفصیلات کے مطابق پاکستان کی جانب سے بھارت کو پہلا سرپرائز مل گیا جس کے تحت پاکستان نے بھارت کے دو لڑاکا طیاروں کو تباہ کر دیا۔ پاکستان کی جانب سے تباہ کیے جانے والا ایک بھارتی لڑاکا طیارہ مقبوضہ کشمیر کے ضلع بڈگام میں گرا جس میں سوار دونوں پائلٹس ہلاک ہو گئے۔ جبکہ ایک بھارتی لڑاکا طیارے کا ملبہ پاکستانی حدود میں گرا۔جس میں سوار دونوں پائلٹس محفوظ رہے اور بچنے میں کامیاب ہو گئے۔ پاکستان نے اس طیارے کے ایک پائلٹ کو گرفتار کر لیا ہے جبکہ دوسرے پائلٹ کے قریبی علاقہ میں چھپنے کی اطلاعات ہیں جس کی تلاش جاری ہے۔ سوشل میڈیا پر پاکستان کی جانب سے مار گرائے جانے والے بھارتی طیارے کی ویڈیوز بھی وائرل ہو گئی ہیں۔

اسلام آباد(ایمرا نیوز آن لائن)پاکستان نے بھارتی جارحیت کا رات کے اندھیرے میں نہیں دن کی روشنی میں جواب دیکر دنیا کو ورطہ حیرت میں ڈال دیا،میڈیا رپورٹس کے مطابق بھارت کی جانب سے پاکستان کی فضائی حدود کی خلاف ورزی رات کے اندھیرے میں کی گئی اور بے بنیاد دعوے بھی کئے گئے کہ بڑے پیمانے پر جانی ومالی نقصان کیا گیا،تاہم اس کی کسی بھی آزاد ذرائع سے تصدیق نہیں ہوئی اوربھارت کے یہ دعوے دنیا بھر میں جگ ہنسائی کا باعث بنے۔تاہم پاکستان کی جانب سے بھارت کو یہ انتباہ کیا گیا تھا کہ وہ اس کا بھرپور جواب دے گا،جس کا عملی مظاہرہ 27فروری کو دن کے اجالے میں کیا گیا،جب بھارتی فضائیہ کے طیاروں نے پاکستانی حدود کی خلاف ورزی کرنے کی کوشش کی تو پاک فضائیہ کے شاہینوں نے پلک جھپکتے ہی ان کو دپوچ لیا اور بھارتی فضائیہ کے دو طیاروں کو مار گرایا،ان میں سے ایک طیارہ مقبوضہ کشمیر میں جبکہ دوسرا پاکستانی علاقے میں گرا اور اسکے پائلٹ کو بھی گرفتار کرلیاگیا۔(ولی)

وزیراعظم عمران خان کی جا نب سے بھارت کو مذاکرات کی پیشکش قابل تحسین ،دونوں ممالک تحمل کا مظاہرہ کریں، ایسے کسی بھی اقدام سے گریز کریں جو خطے کے امن و سلامتی کے لیے خطرہ بنے، اعلامیہ
جدہ(ایمرا نیوز آن لائن) اسلامی تعاون تنظیم (او آئی سی) رابطہ گروپ نے مقبوضہ کشمیر میں بھارتی مظالم اور ایل او سی پر بھارتی جنگی طیاروں کی جارحیت کی شدید مذمت کرتے ہوئے بھارت کو طاقت کے بے جا استعمال سے روکنے کا مطالبہ کیا۔ او آئی سی کا اجلاس اسسٹنٹ سیکریٹری جنرل او آئی سی امب حمید کی زیر صدارت ہوا جس اعلامیہ جاری کردیا گیا ہے۔اعلامیے کے مطابق او آئی سی نے وزیراعظم عمران خان کی بھارت کو مذاکرات کی پیشکش کو سراہا جب کہ کشمیریوں کے حقِ خودارادیت کی بھرپور حمایت اور اس سے متعلق اصولی موقف کا اعادہ کیا۔اعلامیے میں بتایا گیاہے کہ او آئی سی نے بھارت کی جانب سے پاکستانی فضائی حدود کی خلاف ورزی اور بم گرانے کی شدید مذمت کرتے ہوئے کہا گیا کہ دونوں ممالک تحمل کا مظاہرہ کریں اور ایسے کسی بھی اقدام سے گریز کریں جو خطے کے امن و سلامتی کے لیے خطرہ بنے۔او آئی سی نے دونوں ممالک پر ذمہ داری کا مظاہرہ کرنے پر زور دیتے ہوئے کہا ہےکہ طاقت کے استعمال سے اجتناب کریں اور کشیدگی کم کرنے کے لیے بات چیت کا راستہ اپنائیں۔اعلامیے کے مطابق سیکریٹری جنرل امب حمید نے کہا کہ مقبوضہ کشمیر میں تنازع کو کشمیریوں کی خواہش، او آئی سی اور اقوام متحدہ کی قرادادوں کےمطابق حل کیے جانا چاہیے۔او آئی سی رابطہ گروپ نے اقوام متحدہ اور سلامتی کونسل سے فعال کردار ادا کرنے کی درخواست کرتے ہوئے کہا کہ کشمیر پر خصوصی مندوب مقرر کریں اور بھارت کوطاقت کےبے جا استعمال سے روکا جائے۔اعلامیے کے مطابق اجلاس میں مزید کہا گیا کہ ہائی کمشنر برائے انسانی حقوق کی رپورٹ کی سفارشات کی حمایت کی جائے اور ان پر عمل درآمد کرایا جائے جب کہ برطانوی آل پارٹی پارلیمانی گروپ کے مطالبے کی بھی حمایت کی جائے۔او آئی سی رابطہ گروپ نے بھارت سے مقبوضہ کشمیر سے قابض فوجیوں کو واپس بلانے، کشمیری رہنماو¿ں کی رہائی اور او آئی سی کے فیکٹ فائنڈنگ مشن کو رسائی دینےکا بھی مطالبہ کیا۔اعلامیے کے مطابق رابطہ گروپ کا کہنا تھا کہ بھارت کشمیریوں کے خلاف ظالمانہ سیکیورٹی آپریشن بند کرے اور تنازع کو او آئی سی اور سلامتی کونسل کی قراردادوں کے مطابق دیکھے۔اعلامیے کے مطابق بھارتی جارحیت خطے کے امن اور سیکیورٹی کے خلاف خطرہ ہے تاہم اس صورتحال میں امن اور مذاکرات کو ترجیح دینے پر زور دیا گیا۔

بھارتی فضائیہ کا حالیہ حملہ فوجی کارروائی نہیں دہشتگردوں کیخلاف حملہ تھا، اجلا س سے خطاب
بیجنگ(ایمرا نیوز آن لائن)بھارتی وزیر خارجہ ششما سوراج نے کہا ہے کہ بھارت کی فضائیہ کا پاکستان میں حالیہ حملہ کوئی فوجی کارروائی نہیں بلکہ دہشتگردوں کیخلاف حملہ تھا ۔ غیر ملکی خبررساں ادارے کے مطابق بیجنگ میں چین ، بھارت اور روس کے سہ فریقی وزرائے خارجہ اجلاس کے دوران ششما سوراج نے ایک بار پھر راگ الاپتے ہوئے کہا کہ پاکستان دہشتگردوں کی محفوظ پناہ گاہ ہے انہوں نے کہا کہ بھارتی فضائیہ پاکستان میں کارروائی کوئی فوجی حملہ نہیں تھا کیونکہ اس حملے کا نشانہ فوجی تنصیبات نہیں بلکہ دہشتگرد گروپ جیش محمد کا انفراسٹرکچر تھا انہوں نے کہا کہ بھارت پاکستان کے ساتھ مزید کشیدگی نہیں چاہتا بلکہ ایک ذمہ دارانہ انداز کے ساتھ آگے بڑھنا چاہتا ہے.