Tag Autumn

شام میں آپریشن کے دوران بڑی تعداد میں مقامی اور غیرملکی داعشی دہشت گردوں کو پکڑا،عراقی وزارت سیکورٹی امور
بغداد (ایمرا نیوز آن لائن)عراق کے عسکری ذرائع نے بتایا ہے کہ شام میں امریکا کی معاونت سے داعش کے خلاف جنگ میں سرگرم سیرین ڈیموکریٹک فورسزایس ڈی ایف نے گذشتہ ہفتے 20 غیرملکی داعشی جنگجو بغداد کے حوالے کیے ہیں۔ ان میں بعض فرانسیسی بھی شامل ہیں۔غیرملکی خبررساں ادارے کے مطابق ذرائع نے بتایا کہ شام میں لڑنے والے داعشی جنگجوﺅںکو کچھ عرصہ پیشتر مختلف کارروائیوں کے دوران حراست میں لیا گیا تھا۔عراق کے عسکری ذریعے کے مطابق شام اور عراق کی سرحد پر فوج کے حوالے کیے گئے داعشی جنگجوﺅں میں 14 کا تعلق فرانس سے ہے۔عراقی حکام کا کہنا تھا کہ سیرین ڈیموکریٹک فورس اب تک داعش کے 280 جنگجوﺅں کو عراقی فوج کے حوالے کرچکی ہے۔عراق کی وزارت برائے سیکیورٹی امور کی طرف سے جاری بیان میں کہاگیاکہ شام میں آپریشن کے دوران ایس ڈی ایف نے بڑی تعداد میں مقامی اور غیرملکی داعشی دہشت گردوں کو پکڑا۔ ان میں عراق سے تعلق رکھنے والے داعشی بھی شامل ہیں جن کی تعداد 500 سے زائد بتائی جاتی ہے۔

مسجد اقصی اور اس سے ملحقہ تمام مقدس مقامات کا دفاع ہمارا حق ہے،سربراہ اوقاف کونسل
مقبوضہ بیت المقدس (ایمرا نیوز آن لائن)اسرائیلی پولیس نے گذشتہ روز مقبوضہ بیت المقدس میں ایک کارروائی کے دوران اردن کی قائم کردہ سپریم اوقاف کونسل کے سربراہ الشیخ عبدالعظیم سلھب اور ان کے نائب ناجح بکیرات کو حراست میں لینے کے چند گھنٹے بعد رہا کردیا۔ دونوں رہ نماﺅںکی گرفتاری القدس بالخصوص مسجد اقصی میں کشیدگی کے بعد عمل میں لائی گئی تھی۔دو روز میں اسرائیلی فوج نے بیت المقدس سے 60 فلسطینیوں کو حراست میں لے لیا ہے۔ادھراردن کی وزارت اوقاف اورمذہبی اور فلسطینی اتھارٹی نے اسرائیلی پولیس کے ہاتھوں اہم شخصیات کی گرفتاریوں کی شدید مذمت کی ہے۔غیرملکی خبررساں ادارے کے مطابق اسرائیلی پولیس نے اور ناجح بکیرات کو حراست میں لینے کے بعد رہا کردیا۔رہائی کے بعد میڈیا کے نمائندوں سے بات کرتے ہوئے اردن کی طرف سے حرم قدسی کے لیے قائم سپریم اوقاف کونسل کے سربراہ نے کہا کہ گرفتاریاں ہمارا راستہ نہیں روک سکتیں، مسجد اقصی اور اس سے ملحقہ تمام مقدس مقامات کا دفاع ہمارا حق ہے۔فلسطینی خبر رساں ادارے کی طرف سے جاری کردہ بیان میں کہا گیا کہ اسرائیلی پولیس نے گذشتہ مسجد اقصی میں ایک کارروائی کے دوران سپریم اوقاف کونسل کے سربراہ الشیخ عبدالعظیم سلھب اوران کے نائب الشیخ ناجح بکیرات کو حراست میں لے کرکئی گھنٹے حبس بے جا میں رکھا۔فلسطینی وزارت اوقاف کی طرف سے جاری بیان میں کہا گیا ہے کہ القدس میں سپریم اوقاف کونسل کے سربراہ اور دیگر عہدیداروں کی گرفتاری خطرناک پیش رفت ہے اور اس طرح کی کارروائیوں کے نتیجے میں القدس اوقاف کا قبلہ اول کے دفاع کے حوالے سے کردار متاثر ہوگا۔

کابینہ نے ڈاکٹرز کی تنخواہیں پنجاب کے برابر کرنے کی منظوری دے دی
کراچی(ایمرا نیوز آن لائن) سندھ کابینہ نے ڈاکٹرز کی تنخواہیں پنجاب کے برابر کرنے کی منظوری دے دی۔وزیر اعلیٰ سندھ سید مراد علی شاہ کی صدارت میں سندھ کابینہ کا اجلاس ہوا۔اجلاس میں چیف سیکریٹری ، صوبائی وزراء، مشیر ، معاون خصوصی اور متعلقہ افسران ہوئے۔اجلاس میں سندھ کے ڈاکٹروں کی تنخواہیں پنجاب کے ڈاکٹروں کے برابر کرنے اور سروس اسٹیکچر تھری ٹائرز فارمولا کرنے پر غور کیا گیا۔اس کے علاوہ کابینہ اجلاس میں ڈاکٹرز کے تمام الاﺅنسز دیگر صوبوں خاص طور پنجاب کے برابر کرنے پر غور کیا گیا۔اجلاس کے دوران کابینہ نے ڈاکٹروں کے لئے نیا سیلری پیکج پنجاب کے برابر کرنے کی منظوری دیدی۔نئے سیلری پیکج کے مطابق دس ہزار روپے ماہانہ پوسٹ گریجویٹ کو اضافی دیا جائے گا* 15000 فی ماہ تمام ہاﺅس افسران کو اضافی دیا جائے گا* محکمہ صحت تمام ڈاکٹروں، گریڈ 17 سے 20 گریڈ تک کے سیلری اسٹیکچر پر نظر ثانی کرے گا کابینہ کو بریفنگ میں بتایا گیا کہ ان تمام الاﺅنسس اور تنخواہوں کا جائزے کے بعد 5.6 بلین روپے سالانہ خزانے پربوجھ ہوگا،اس موقع پر کابینہ کے بیشتر ممبران نے ڈاکٹروں کی تنخواہ بڑھانے کو پروفارمینس یا اچھی کارکردگی سے منسوب کرنے کی تجویز دی۔تاہم کابینہ نے یہ بھی فیصلہ کیا کہ اب قانون سازی ہوگی جس گے تحت سیلری کا اضافہ صحت، تعلیم اور دیگر اداروں میں کارکردگی کی بنیاد پر ہوگا، جبکہ اس موقع پر وزیر اعلیٰ سندھ سید مراد علی شاہ نے مزید ڈاکٹروں کو مقرر کرنے کی ہدایت دیدی۔ نئے ڈاکٹروں کی نئی بھتری مخصوص اسپتالوں میں ہوگی وہاں سے ٹرانسفر نہیں ہو سکے گا۔ڈاکٹرز کی نئی سیلری کا اطلاق فروری سے ہوگا، واضح رہےکہ گزشتہ دنوں سندھ بھر کے ینگ ڈاکٹرز نے تنخواہیں اور مراعات پنجاب کے ڈاکٹرز کے برابر کرنے کیلئے احتجاج کیا تھا اور اسپتالوں میں کام بند کردیا تھا 4 روزہ ہڑتال کے بعد پانچویں روز سندھ حکومت اور ڈاکٹرز کے درمیان مزاکرات کامیاب ہوئے تھے جس میں معاملات طے پائے تھے۔

نواز شریف کو کوئی ایسی بیماری نہیں ہے جس کا پاکستان میں علاج نہ ہو سکے لہٰذا طبی بنیادوں پر ضمانت نہیں دی جا سکتی،اسلام آباد ہائی کورٹ
مسلم لیگ (ن) کا اسلام آباد ہائیکورٹ کے فیصلے کیخلاف اپیل دائر کرنے کا اعلان
عدالت کے فیصلے سے مایوسی ہوئی، پانچ طبی بورڈز نے نوازشریف کی بیماری کی تشخیص کی اور فوری علاج کی سفارش کی، پوری امید تھی کہ ہائیکورٹ علاج کے لیے ضمانت کی درخواست قبول کرے گی، ہمیشہ عدالتوں کے فیصلوں کا احترام رہا ہے اور اس کا بھی کرتے ہیں، جو بھی مزید قانونی راستے ہیں ان کو اپنایا جائے گا،لےگی رہنماﺅں کی میڈیا سے گفتگو
اسلام آباد (ایمرا نیوز آن لائن) اسلا م آباد ہائیکورٹ نے سابق وزیراعظم نواز شریف کی طبی بنیادوں پر سزا معطلی اور ضمانت کی درخواست مسترد کرتے ہو ئے کہا کہ نواز شریف کو کوئی ایسی بیماری نہیں ہے جس کا پاکستان میں علاج نہ ہو سکے لہٰذا طبی بنیادوں پر ضمانت نہیں دی جا سکتی،مسلم لیگ (ن) کا اسلام آباد ہائیکورٹ کے فیصلے کیخلاف اپیل دائر کرنے کا اعلان، تما م قا نو نی راستے اپنا ئیں جا ئیں گے۔ ۔جسٹس عامر فاروق اور جسٹس محسن اختر کیانی پر مشتمل اسلام آباد ہائیکورٹ کے دو رکنی بینچ نے سابق وزیراعظم نواز شریف کی طبی بنیادوں پر ضمانت کی درخواست مسترد کر دی۔ عدالت نے درخواست کو ناقابل سماعت قرار دیتے ہو ئے فیصلے میں کہا کہ نواز شریف کو کوئی ایسی بیماری نہیں ہے جس کا پاکستان میں علاج نہ ہو سکے ان کا پاکستان میں علا ج جا ری ہے لہٰذا طبی بنیادوں پر ضمانت نہیں دی جا سکتی، نواز شریف جیل میں ہی رہیں گے۔عدالت نے انتہائی مختصر فیصلہ سنایا اور سابق وزیراعظم کی درخواست کو مسترد کردیا تاہم عدالت کی جانب سے فوری طور پر تفصیلی فیصلہ جاری نہیں کیا گیا ہے اور درخواست مسترد ہونے کی وجہ نہیں بتائی گئی ہے۔ واضح رہے کہ عدالت نے نواز شریف کی درخواست پر 20 فروری کو فیصلہ محفوظ کیا تھا جس میں نواز شریف نے طبی بنیادوں پر سزا معطل کر کے ضمانت پر رہائی کی استدعا کی تھی جبکہ نیب نے نواز شریف کو ضمانت پر رہا کرنے کی مخالفت کی تھی۔فیصلہ سنائے جانے کے وقت کمرہ عدالت میں مسلم لیگ ن کے رہنما شاہد خاقان عباسی ، خواجہ آصف ، میاں ابرار،مریم اورنگزیب اور طلال چوہدری بھی موجود تھے۔ اس موقع پر اسلام آباد ہائی کورٹ کے باہر لیگی کارکنان کی بڑی تعداد موجود تھی۔اسلا م آباد ہا ئیکو رٹ کے باہر میڈیا سے با ت چیت کر تے ہو ئے مسلم لیگ (ن) کے رہنما وں نے عدالتی فیصلے کے خلا ف اپیل دائر کرنے کا اعلا ن کر دیا عدالت کے باہر میڈیا سے گفتگو کرتے ہوئے سابق وزیراعظم اور مسلم لیگ (ن) کے رہنما شاہد خاقان عباسی نے کہا کہ عدالت کے فیصلے سے مایوسی ہوئی، پانچ طبی بورڈز نے نوازشریف کی بیماری کی تشخیص کی اور فوری علاج کی سفارش کی۔انہوں نے کہا کہ پوری امید تھی کہ ہائیکورٹ علاج کے لیے ضمانت کی درخواست قبول کرے گی، ہمیشہ عدالتوں کے فیصلوں کا احترام رہا ہے اور اس کا بھی کرتے ہیں، جو بھی مزید قانونی راستے ہیں ان کو اپنایا جائے گا۔انہو ں نے مزید کہا کہ نوازشریف کو جو علاج چاہیے وہ جیل میں میسر نہیں ہوتا، اس کے لیے باہر ہونا ضروری ہے اور اسی لیے درخواست ڈالی گئی، علاج پاکستان اور باہر بھی ہوسکتاہے لیکن جیل میں نہیں ہوسکتا۔اس موقع پر (ن) لیگ کے سینئر رہنما اور سابق وزیر خارجہ خواجہ آصف نے کہا کہ جتنے قانونی راستے دستیاب ہیں وہ اپنائیں گے کیونکہ یہ ہمارا جمہو ری حق ہے، ہم اپیل میں بھی جائیں گے اور ہمیں قوی امید ہے کہ انصاف ضرور ملے گا۔( درانی )

اداکارہ ریمی ملک بہترین اداکار کا ایوارڈ لے اڑے ،روما اور بلیک پنتھر کے حصے میں بھی 3، 3 ایوارڈ آئے البتہ سب سے زیادہ 4 ایوارڈ ‘بوہیمین ریپسڈی کے حصے میں آئے
لندن (ایمرا نیوز آن لائن)برطانوی اداکارہ اولیویا کولمین نے اپنی راہ میں حائل تمام تر رکاوٹوں کو عبور کرتے ہوئے آسکر ایوارڈ حاصل کرنے کا اعزاز حاصل کر لیا جبکہ ریمی ملک بہترین اداکار کا ایوارڈ حاصل کرنے میں کامیاب رہے۔ لاس اینجلس میں منعقدہ 91ویں اکیڈمی ایوارڈ کی تقریب میں گرین بک نے بہترین فلم کا ایوارڈ حاصل کرکے سب کو حیران کردیا جہاں روما کو اس ایوارڈ کے لیے سب سے مضبوط امیدوار تصور کیا جا رہا تھا۔گرین بک نے مجموعی طور پر 3 ایوارڈز حاصل کیے، اس کے علاوہ روما اور بلیک پنتھر کے حصے میں بھی 3، 3 ایوارڈ آئے البتہ سب سے زیادہ 4 ایوارڈ ‘بوہیمین ریپسڈی کے حصے میں آئے۔اولیویا کولمین کو فلم دی فیوریٹ میں ملکہ کا کردار شاندار انداز میں ادا کرنے پر بہترین اداکارہ کا ایوارڈ دیا گیا جہاں ایوارڈ کے اعلان کے بعد تقریر کرتے ہوئے وہ اپنے جذبات پر قابو نہ رکھ سکیں۔البتہ وہ اس ایوارڈ کے لیے فیورٹ نہ تھیں بلکہ فلم دی وائف کی اداکارہ گلین کلوز کو اس ایوارڈ کے لیے فیورٹ تصور کیا جا رہا تھا جو اب تک ریکارڈ 7 مرتبہ آسکر کے لیے نامزد ہونے کے باوجود ایوارڈ سے محروم ہیں۔2009 میں ایوارڈ حاصل کرنے والی کیٹ ونسلیٹ کے بعد یہ ایوارڈ حاصل کرنے والی پہلی برطانوی خاتون کولمین کا نام جب ایوارڈ کے لیے پکارا گیا تو وہ سکتے میں رہ گئیں اور انہوں نے کہا کہ مجھے یقین نہیں آ رہا کہ میں نے آسکر حاصل کرلیا۔پہلی مرتبہ آسکر کے لیے نامزد ہونے والی کولمین اب تک اپنے کیریئر میں 4 برٹش اکیڈمی فلم اینڈ ٹیلی ویژن آرٹس ایوارڈ اور 2 گولڈن گلوب ایوارڈز بھی حاصل کر چکی ہیں۔بہترین فلم کا ایوارڈ حاصل کرنے والی فلم گرین بک نے بہترین اسکرین پلے کا بھی ایوارڈ اپنے نام کیا جبکہ اسی فلم کے اداکار مہرشالا علی نے بہترین معاون اداکار کا ایوارڈ حاصل کیا۔مہر شالا نے گزشتہ 3 سال میں دوسری مرتبہ بہترین معاون اداکار کا آسکر ایوارڈ اپنے نام کیا، جہاں انہوں نے 2017 میں مون لائٹ کے لیے بھی بہترین اداکاری پر یہ ایوارڈ حاصل کیا تھا۔

نادین بیئرنیز کو مس جرمنی کا ٹائٹل جیتنے پر ایک سال کیلئے بلا معاوضہ سفر، ایک کار اور ایک سال کیلئے کپڑے وغیرہ بھی فراہم کئے جائیں گے
فرینکفرٹ (ایمرا نیوز آن لائن)رواں برس مس جرمنی کے ٹائٹل سے 28 سالہ خاتون کو نوازا گیا جو ایک پولیس افسر ہیں اور انٹرنیٹ پر کئے جانے والے جرائم کی ماہر تفتیش کار ہیں۔ نادین بیئرنیز کو ایک روز قبل مس جرمنی کے ٹائٹل کی حق دار قرار دیا گیا۔سب سے طویل عرصے سے چلے آ رہے جرمنی کے اس مقابلہ حسن کا فائنل جرمنی اور فرانس کی سرحد کے قریب واقع شہر رسٹ کے یورپا پارک میں ہوا، ٹائٹل جیتنے کا خواب سچ کرنے والی نادین بیئرنیز پولیس اہلکار ہیں اور سائبر کرائمز کی ماہرتفتیش کار ہیں ،ان کا تعلق جرمن ریاست سیکسنی کے شہر ڈریسڈن سے ہے البتہ وہ سٹٹ گارٹ میں تعینات ہیں۔نادین بیئرنیز سائیکل چلانے اور ورزش کرنے کا شوق رکھتی ہیں۔ ان کا کہنا ہے کہ وہ یہ ٹائٹل جیتنے کے بعد ایک سال کیلئے چھٹی کی درخواست دیں گی تاکہ وہ اس دوران مس جرمنی کے طور پر اپنی ذمہ داریاں سر انجام دے سکیں۔ انہوں نے کہا پچھلے دس سال سے ایک پولیس افسر ہوں اور مجھے کبھی یہ محسوس نہیں ہوا کہ میں نے غلط فیلڈ اختیار کی ہے۔ نادین بیئرنیز کو مس جرمنی کا ٹائٹل جیتنے پر ایک سال کیلئے بلا معاوضہ سفر، ایک کار اور ایک سال کیلئے کپڑے وغیرہ بھی فراہم کئے جائیں گے۔

جو بھی لیڈر جنگ کے کی باتیں کرتے ہیں وہ انسانیت کے خلاف بات کرتے ہیں، ریما و دیگر فنکار بھی بھارت کیخلاف ہم آواز ہوگئے
لاہور (آن لائن)پاکستانی اداکاری بھی بھارت کے خلاف ہم آواز ہوگئے ۔لاہور پریس کلب میں ایک تقریب کے دوران اداکارہ میرا کا کہنا تھا کہ میں پاکستان کے لیے اپنی جان دے بھی سکتی ہوں اور کسی کی جان لے بھی سکتی ہوں۔میرا نے مزید کہا کہ پاکستان کی طرف کوئی میلی آنکھ سے دیکھے گا تو ہم جان لے لیں گے جب کہ اداکارہ شاہد منی نے بھی کہا بھارت میں جب بھی کچھ ہو تو وہ پاکستان کے خلاف محاذ کھول دیتا ہے جب کہ اداکارہ ریشم نے بھارتی دھمکیوں کے بعد بھی کچھ نہ بولنے والے پاکستانی اداکاروں پر تنقید کی اور کہا کہ یہ ملک کی خاطر جان تو دے سکتے ہیں لیکن بھارتی دھمکیوں کی مذمت نہیں کر سکتے۔جب کہ اداکارہ ریما نے بھی کہا کہ جو بھی لیڈر جنگ کے کی باتیں کرتے ہیں وہ انسانیت کے خلاف بات کرتے ہیں۔فنکاروں کا کہنا تھا کہ فن کی کوئی سرحد نہیں ہوتی لیکن جب بات سبز ہلالی پرچم کی ہو گی تو پھر ہم سب ایک ہیں۔واضح رہے پلوامہ حملے کے بعد پاکستانی فلمسٹارز کے بھارتی فلموں میں کام کرنے پر بھی پابندی عائد کر دی گئی تھی۔ پابندی بھارتی سینما ورکرز ایسوسی ایشن کی جانب سے عائد کی گئی جس کا باقاعدہ نوٹیفکیشن بھی جاری کیا گیا۔ایسوسی ایشن کی جانب سے جاری کیے جانے والے نوٹی فکیشن میں لکھا گیا کہ ہم پلوامہ میںبھارتی فوج پر ہونے والے حملے کی مذمت کرتے ہیں۔ نوٹی فکیشن میں حملے میں جاں بح قافراد کے لواحقین سے اظہار ہمدردی بھی کیا گیا ۔ نوٹی فکیشن میں کہا گیا کہ پاکستانی اداکاروں اور فنکاروں کے بھارتی فلم انڈسٹری میں کام کرنے پر باقاعدہ پابندی عائد کر دی گئی ہے، اگر کوئی ادارہ پاکستانی فنکاروں کے ساتھ کام کرتا پایا گیا تو اس پر بھی پابندی عائد کر دی جائے گی اور اس کے خلاف ایکشن بھی لیا جائے گا۔

عدالت نے گلوکار پر کم سے کم 4 خواتین اور نابالغ لڑکیوں کو ریپ اور جنسی تشدد کا نشانہ بنائے جانے کی فرد جرم عائد کی تھی
الینوائے (ایمرا نیوز آن لائن)کم سے کم 50 خواتین اور کم عمر لڑکیوں کو ریپ اور جنسی تشدد کا نشانہ بنانے والے گلوکار 52 سالہ رابرٹ سلویسٹر کیلی (آر کیلی) پر امریکی عدالت نے 2 دن قبل ہی فرد جرم عائد کی تھی۔عدالت نے گلوکار پر کم سے کم 4 خواتین اور نابالغ لڑکیوں کو ریپ اور جنسی تشدد کا نشانہ بنائے جانے کی فرد جرم عائد کی تھی۔عدالت کی جانب سے فرد جرم عائد کیے جانے کے بعد آر کیلی نے 23 فروری کو ہی خود پولیس تھانے پہنچ کر گرفتاری پیش کی تھی۔ تاہم اب عدالت نے ان کی ضمانت منظور کردی۔ ریاست الینوائے کی کک کانٹی کی عدالت نے گلوکار کی ضمانت منظور کی۔کک کانٹی کے جج جوہن فٹزگیرالڈ نے گلوکار کی ضمانت 10 لاکھ امریکی ڈالر کے عوض منظور کرتے ہوئے انہیں فوری طور پر ایک لاکھ ڈالر جمع کرانے کی ہدایت کی۔عد الت نے حکم دیا کہ آر کیلی کو ایک لاکھ ڈالر نقد جمع کرانے کے بعد رہا کیا جائے، تاہم گلوکار کے وکیل نے ضمانت منظور ہونے کےبعد بتایا کہ لگتا نہیں کہ ان کے مکل ایک لاکھ ڈالر کا انتطام کر پائیں گے۔عدالت نے آر کیلی کی ضمانت منظور کرتے ہوئے انہیں متاثرہ خواتین سے رابطہ کرنے سے بھی روک دیا۔عدالت نے آر کیلی اور ان کے وکیل کو واضح طور پر ہدایت کی کہ وہ کسی بھی متاثرہ خاتون سے رابطہ نہیں کریں گے اور خصوصی طور پر وہ کسی بھی نابالغ لڑکی سے رابطہ کرنے کی کوشش نہ کریں۔عدالت نے آر کیلی کی ضمانت منظور کرتے ہوئے ان کا پاسپورٹ بھی ضبط کرلیا۔تاہم گلوکار کی ضمانت منظور ہونے کے بعد ان کے وکیل نے میڈیا کو بتایا کہ ان کے مکل ایک لاکھ ڈالر کا انتظام کرنے کے اہل نہیں ہیں۔

لاہور(ایمرا نیوزآن لائن) اس سال کا آغاز انوشکا اور ویرات کے لیے بہت اچھا ہوا ہے، ویرات کوہلی کی قیادت میں انڈین کرکٹ ٹیم نے آسٹریلیا اور نیوزی لینڈ کو شکست دی. انوشکا اور ویرات ایک دوسرے کے ساتھ بہت اچھا وقت گزارہے ہیں. انوشکا اور ویرات نے اپنے حیران کن رویے سے آسٹریلیا اور نیوزی لینڈ کے لوگوں اور اپنے مداحوں کے ہوش اُڑا دیے ہیں.رپورٹ کے مطابق انوشکا اور ویرات کو آسٹریلیا اور نیوزی لینڈ میں لوکل گاڑیوں اور بسوں میں سفر کرتے ہوئے دیکھا گیا ہے.اس موقع پر ان کے ساتھ کوئی بھی سیکیورٹی موجود نہیں تھی.انوشکا اور ویرات کو اپنے اردگرد کوئی سیکیورٹی پسند نہیں ہے. وہ اکیلے وقت گزارنا چاہتے ہیں اور وہ آسٹریلیا اور نیوزی لینڈ کے عام لوگوں کے ساتھ سفر کرنا چاہتے ہیں.عام لوگ انوشکا اور ویرات کو اپنے بیچ دیکھ کر حیران رہ گئے.انوشکا اور ویرات عام لوگوں کے بیچ میں بہت خوش تھے اور اچھا محسوس کررہے تھے.

بھارت میں کوئی بھی ایونٹ نہ کروایا جائے اور نہ مستقبل میں میزبانی دی جائے، انٹرنیشنل اولمپک کمیٹی
لاہور (ایمرا نیوز آن لائن)پاکستانی کیوئسٹ کو ویزے نہ دینے پر بھارت میں اگلے ماہ ہونے والا ایشین سنوکر ایونٹ منسوخ کردیا گیا۔تفصیلات کے مطابق ٹین ریڈز ایشین سنوکر ٹورنامنٹ مارچ کے آخری ہفتے میں بنگلور میں شیڈول تھا تاہم بھارت کی جانب سے ایونٹ کا حصہ 6 پاکستانیوں کو ویزے جاری کرنے کی یقین دہانی نہ کرانے پر اب ایونٹ کو ہی ختم کردیا گیا،ذرائع کے مطابق انٹرنیشنل اولمپک کمیٹی نے تین دن پہلے تمام فیڈریشنز کو واضح کیا تھا کہ جب تک بھارتی حکومت ویزے دینے کی تحریری ضمانت نہیں دیتی، اس وقت تک بھارت میں کوئی بھی ایونٹ نہ کروایا جائے اور نہ مستقبل میں میزبانی دی جائے۔انڈین سنوکر اینڈ بلیئرڈ کے سیکرٹری سبرامیینم نے ایونٹ منسوخ ہونے کی تصدیق کی ہے۔ ترجمان پاکستان سنوکر فیڈریشن کے مطابق اس ایونٹ میں محمد بلال، بابر مسیح اور حارث طاہر نے پاکستان کی نمائندگی کرنا تھی، اس کے ساتھ قطر میں مقیم احمد شیخ بھی پاکستانی نیشنل ہے جب کہ افغانستان کے جس کیوئسٹ نے اس میں شرکت کرنا ہے، اس کی پیدائش بھی پاکستان میں ہوئی، اس لیے انہیں ویزے ملنا ایک ایشو تھا جس کے بعد ایشین سنوکر نے یہ ایونٹ منسوخ کردیا ہے۔