Tag Autumn

ڈبلیو ڈبلیو ای نے اپنے مقبول ترین اسٹار بیکی لنچ کو 60 دن کے لیے معطل کردیا
لندن(آن لائن)ڈبلیو ڈبلیو ای نے اس وقت اپنے مقبول ترین اسٹار کو 60 دن کے لیے معطل کردیا اور وہ اب بظاہر ریسل مینیا کا حصہ نہیں بن سکیں گی۔ ڈبلیو ڈبلیو ای نے اس وقت لوگوں میں مقبول ریسلر بیکی لنچ کو 60 دن کے لیے معطل کردیا ہے اور وہ بھی ریسلر کی جانب سے معذرت کے بعد۔گزشتہ شب ڈبلیو ڈبلیو ای شو را کے آغاز میں بیکی لنچ کو ریسل مینیا 35 میں را ویمن چیمپئن رونڈا ر آسی سے مقابلے کے لیے ٹرپل ایچ اور اسٹیفنی میکموہن کی جانب سے معذرت کی شرط عائد کی گئی تھی۔گزشتہ ہفتے بیکی لنچ کو اسٹیفنی میکمون نے معطل کردیا تھا جس کی وجہ وہ اپنی انجری کے علاج کے لیے ڈاکٹر سے رجوع نہیں کررہی تھیں، جس پر انہوں نے اسٹیفنی میکموہن اور منگل کو ٹرپل ایچ پر حملہ کیا۔اب ڈاکٹروں نے بیکی لنچ کو مقابلے کے لیے کلیئر قرار دے دیا جس پر را کمشنر اسٹیفنی میکموہن اور ان کے شوہر ٹرپل ایچ نے ریسلر کی ریسل مینیا میں شرکت معذرت سے مشروط کردی۔اس موقع پر ڈبلیو ڈبلیو ای چیئرمین ونس میکموہن وہاں آئے اور بیکی لنچ کو 2 ماہ کے لیے معطل کرنے کا اعلان کیا اور ان کی واپسی ریسل مینیا کے 5 دن بعد ہوگی۔

زندگی میں ایسا ہوتا ہے، اس بار شاندار ٹورنامنٹ میں آپ کے ساتھ نہیں ہوں گا،نجم سیٹھی
لاہور(ایمرا نیوز آن لائن) سابق چیئرمین پی سی بی نجم سیٹھی کا کہنا ہے اس بار شاندار کرکٹ ایونٹ میں آپ کے ساتھ نہیں ہوں گا، ٹیموں کے لیے نیک خواہشات کا اظہار کرتا ہوں۔پی ایس ایل کے پہلے ایڈیشن سے لے کر تیسرے تک ہر تقریب میں پیش پیش رہنے والے نجم سیٹھی کی جگہ اب احسان مانی چارج سنبھال چکے ہیں۔سماجی رابطوں کی ویب سائٹ پر چند صارفین نے نجم سیٹھی کو مخاطب کرتے ہوئے کہا کہ ماضی کی خدمات کو پیش نظر رکھتے ہوئے کیا بہتر نہیں تھا کہ آپ کے جانشین آپ کو بطور مہمان خصوصی پی ایس ایل فور کی افتتاحی تقریب میں بلاتے۔جواب میں نجم سیٹھی نے کہا کہ مجھے یاد رکھنے اور یاد دلانے کا شکریہ، میں بھی کمی محسوس کروں گا، زندگی میں ایسا ہوتا ہے، اس بار شاندار ٹورنامنٹ میں آپ کے ساتھ نہیں ہوں گا لیکن شرکت کرنے والی تمام ٹیموں کیلئے نیک خواہشات کا اظہار کرتا ہوں، اگرمیڈیا سپورٹ اور حوصلہ افزائی نہ کرتا تو پی ایس ایل کی کامیابی ممکن نہیں تھی۔

بھارت بدستور پہلی، جنوبی افریقا دوسری ، نیوزی لینڈ ، تیسری، پاکستان ساتویں نمبر پر رہا
دبئی (ایمرا نیوز آن لائن)انٹرنیشنل کرکٹ کونسل نے نئی ٹیسٹ رینکنگ جاری کردی جس کے مطابق انگلش ٹیم حال ہی میں ویسٹ انڈیز کے ہاتھوں شکست کے بعد 2 درجہ تنزلی کے بعد پانچویں پوزیشن پر پہنچ گئی۔ویسٹ انڈیز نے تین ٹیسٹ میچز کی سیریز دو ایک سے جیتی تھی جس کے بعد جاری ہونے والی نئی ٹیسٹ رینکنگ میں انگلینڈ دو درجہ تنزلی کے بعد تیسری سے پانچویں پوزیشن پر آگئی۔تین میچز کی سیریز کے آخری ٹیسٹ میچ میں انگلینڈ نے 232 رنز سے کامیابی حاصل کی تاہم اس کے باوجود انگلش ٹیم 4 پوائنٹس کھونے کے بعد 104 پوائنٹس کے ساتھ پانچویں نمبر پر ہے۔ویسٹ انڈیز کی ٹیم 7 پوائنٹس حاصل کرنے کے باوجود 77 پوائنٹس کے ساتھ آٹھویں پوزیشن پر موجود ہے۔آئی سی سی ٹیسٹ رینکنگ میں بھارت 116 پوائنٹس کے ساتھ بدستور پہلی، جنوبی افریقا 110 پوائنٹس کے ساتھ دوسری اور نیوزی لینڈ 107 پوائنٹس کے ساتھ تیسری پوزیشن پر براجمان ہے۔رینکنگ میں آسٹریلیا چوتھے، انگلینڈ پانچویں، سری لنکا چھٹے اور پاکستان 88 پوائنٹس کے ساتھ ساتویں نمبر پر ہے۔

سینٹ لوشیا (ایمرا نیوز آن لائن)برطانوی کرکٹ ٹیم کے کپتان جوئے روٹ اس وقت ہم جنس پرستوں کیلئے آئیکون بن گئے جب انہوں نے ویسٹ انڈین بالر سے اس بارے میں پچ پر مکالمہ کیا۔ویسٹ انڈیز اور مہمان ٹیم برطانیہ کے مابین جاری تیسرے ٹیسٹ میچ میں لنچ کے وقفے کے بعد انگلش کپتان جوئے روٹ اور ویسٹ انڈین بالر شینن گیبریل کے مابین تلخ کلامی ہوئی۔ سینٹ لوشیا کے کرکٹ گرانڈ میں جاری تیسرے ٹیسٹ میچ کے دوران جوئے روٹ نے ویسٹ انڈین بالر شینن گیبریل سے کہا اس کو گالی کی طرح استعمال مت کرو، ہم جنس پرست ہونے میں کوئی برائی نہیں ہے۔ یہ واضح نہیں ہوسکا کہ روٹ نے گیبریل کی کس بات کے جواب میں یہ بات کہی ہے۔خیال رہے کہ جوئے روٹ ہم جنس پرست نہیں ، انہوں نے اپنی کئی سال پرانی دوست کیری کوٹرل کے ساتھ گزشتہ برس دسمبر میں شادی کی ہے۔جوئے روٹ کی جانب سے ہم جنس پرستوں کی حمایت کے کلمات پر مشتمل ویڈیو سامنے آنے پر انہیں مغربی دنیا میں خوب سراہا جارہا ہے۔ ہم جنس پرستوں کی جانب سے انگلش کپتان کو (Gay Icon) ہم جنس پرستوں کا آئیکون قرار دیا جارہا ہے۔

ویڈیو وائرل ہونے کے بعد تریپورہ میں حزب اختلاف کی جماعتوں اور خواتین کا وزیر کے نامناسب رویے پر مظاہرہ ، وزارت سے ہٹانے کا مطالبہ
نئی دہلی(ایمرا نیوز آن لائن) بھارت میں وزیر اعظم نریندر مودی سمیت ریاستی وزیر اعلیٰ اور دیگر سیاسی رہنماؤں کی موجودگی میں ایک وزیر کی جانب سے ساتھی خاتون وزیر کو نامناسب انداز میں چھونے کا واقعہ سامنے آیا ہے۔ بھارت کی مشرقی ریاست تریپورہ کے دارالحکومت اگرتلا میں ہونے والی ایک اعلیٰ سرکاری تقریب میں ریاستی وزیر کی جانب سے ساتھی خاتون وزیر کو سب کے سامنے اسٹیج پر نامناسب انداز میں چھونے کا واقعہ پیش آیاہے۔ واقعے کی ویڈیو سامنے آنے کے بعد اگرچہ متاثرہ خاتون وزیر نے تاحال کوئی بیان نہیں دیا، تاہم ان کے ساتھ ہونے والے اس واقعے پر دیگر افراد نے آواز اٹھانا شروع کردیا ہے اور مرد وزیر کو ہٹانا کا مطالبہ بھی کیا ہے۔بھارتی خبر رساں ادارے کے مطابق ریاست تریپورہ کے دارالحکومت اگرتلا میں ہونے والی ایک تقریب میں ریاست کے نوجوانوں اور کھیل کے وزیر منوج کانتی ڈیب نے اپنی ہی حکومت کی فلاح و بہبود اور تعلیم کی وزیر سنتا چکما کو نامناسب انداز میں چھوا۔خبر رساں ادارے کی جانب سے جاری کی گئی ویڈیو میں وزیر کو خاتون وزیر کی کمر پر انتہائی نامناسب انداز میں ہاتھ رکھتے ہوئے دیکھا جاسکتا ہے۔مختصر دورانیے کی ویڈیو میں دیکھا جاسکتا ہے کہ مرد وزیر کی جانب سے اسٹیج پر سب کے سامنے نامناسب انداز میں جسم پر ہاتھ رکھنے پر خاتون وزیر ناپسندیدگی کا اظہار کرتی ہیں اور مرد وزیر کا ہاتھ ہٹا دیتی ہیں۔ ویڈیو وائرل ہونے کے بعد تریپورہ میں حزب اختلاف کی جماعتوں اور خواتین نے وزیر کے نامناسب رویے پر مظاہرہ بھی کیا اور انہیں وزارت سے ہٹانےکا مطالبہ بھی کیا۔دلچسپ بات یہ ہے کہ اب تک اس واقعے کے خلاف خود متاثرہ خاتون وزیر نے کوئی بیان نہیں دیا اور ان کے ساتھ نامناسب رویہ اختیار کرنے والے مرد وزیر نے بھی میڈیا سے بات کرنے سے انکار کردیا ہے۔دونوں وزیروں کا تعلق حکمران جماعت بھارتی جنتا پارٹی (بی جے پی) سے ہے اور دونوں ریاستی کابینا کا حصہ بھی ہیں۔

ری پبلکن اور ڈیموکریٹک جماعتوں سے تعلق رکھنے والے قانون سازوں نے ایک معاہدے پر اتفاق کیا ہے،سینیٹر رچرڈ شیلب
واشنگٹن(ایمرا نیوز آن لائن)امریکی قانون سازوں نے ایک اور شٹ ڈاؤن سے بچاؤ کے لیے میکسیکو کی سرحد کےساتھ دیوار کی تعمیر کے لیے ایک ارب 40 کروڑ ڈالر کی فنڈنگ کے معاہدے کا اعلان کیا ہے۔ رقم امریکی صدر ڈونلڈ ٹرمپ کی مطلوبہ رقم سے بہت کم ہے، انہوں نے دیوار کی فنڈنگ کے لیے 5 ارب 70 کروڑ ڈالر کا مطالبہ کیا تھا۔اگر یہ معاہدہ منظور ہوجاتا ہے تو اس سے ایک نئے تنازع کا خدشہ ہے کیونکہ ڈونلڈ ٹرمپ نے دیوار کے لیے مطلوبہ فنڈنگ منظور نہ ہونے کی صورت میں 15 فروری سے حکومت کے بجٹ میں کٹوتی کی دھمکی دی تھی۔سینیٹر رچرڈ شیلبے نے صحافیوں کو بتایا کہ ری پبلکن اور ڈیموکریٹک جماعتوں سے تعلق رکھنے والے قانون سازوں نے ایک معاہدے پر اتفاق کیا ہے۔کانگریس کے سینئر ارکان نے بتایا کہ معاہدے میں میکسیکو سے ملحقہ بارڈر پر دیوار بنانے کے لیے ایک ارب 37 کروڑ 50 لاکھ ڈالر کی فنڈنگ شامل ہے۔ان کا کہنا تھا کہ معاہدے میں اتفاق کی گئی رقم سے صرف 55 میل (89 کلومیٹر ) تک تعمیراتی اخراجات ہوں گے،جوکہ جنوبی ٹیکساس کے علاقے ریو گرینڈ تک ہی دیوار کی تعمیر میں مدد دے گی۔امریکی قانون سازوں کی جانب سے اتفاق کیے گئے اس معاہدے پر تاحال وائٹ ہاؤس کی منظوری کا انتظار ہے۔ٹیکساس کے شہر ایل پاسو میں خطاب کے دوران اس معاہدے سے متعلق سوال کے جواب پر امریکی صدر نے کہا کہ ان کے پاس اس حوالے سے تفصیلات موجود نہیں۔انہوں نے کہا کہ ’ شاید کوئی اچھی خبر ہو لیکن کون جانتا ہے‘۔ایل پاسو میں ہزاروں افراد سے خطاب کرتے ہوئے ڈونلڈ ٹرمپ نے کہا کہ’ ہمیں دیوار کی ضرورت ہے، اس کی تعمیر ہونی چاہیے اور ہم اسے جلد تعمیر کرنا چاہتے ہیں‘۔خطاب میں شریک اکثر افراد نے ڈونلڈ ٹرمپ کی صدارتی مہم کی کیپ پہنی ہوئی تھیں جس پر ’ میک امریکا گریٹ اگین ‘ تحریر تھا۔میکسکو کی سرحد پر دیوار کی تعمیر کا تنازع 2020 میں ڈونلڈ ٹرمپ کے دوبارہ منتخب ہونے کی ابتدائی جنگ ہے اور ایل پاسو میں ان کی ریلی سے مستقبل میں پیش آنے والے حالات کی ایک جھلک دکھائی دی۔انہوں نے کہا کہ ’دیواریں زندگیاں بچاتی ہیں، دیواریں ایک بڑی تعداد میں زندگیاں بچاتی ہیں‘۔ڈونلڈ ٹرمپ نے اس دیوار کو ایک تاریخی کراسنگ پوائنٹ کے طور پر منتخب کیا جس حوالے سے ان کا کہنا ہے کہ دیواروں کی وجہ سے میکسیکو کے مجرموں کی نقل و حرکت میں کامیاب کمی آئی ہے۔امریکی صدر کے انتخاب کے دائیں اور بائیں جماعتوں کے درمیان جاری کشیدگی میں دیوار پر جاری بحث کی وجہ سے شدید اضافہ ہوا ہے۔ڈونلڈ ٹرمپ نے کہا کہ میکسکو کے شہر سیوداد خواریز سے باڑ لگا کر علیحدہ کرنے کی وجہ سے جرائم میں ڈرامائی کمی آئی۔تاہم ایل پاسو کے میئر ڈی مارگو کا کہنا تھا کہ ’ یہ بات حقیقت میں درست نہیں،ہم پہلے بھی محفوظ تھے اور بعد میں بھی‘۔ انہوں نے کہا کہ ’ باڑ کی وجہ سے بعض مجرمانہ سرگرمیوں سے متعلق مدد ملی ہے لیکن ہمارے محفوظ ہونے کی بنیادی وجہ سے ہماری پولیس فورس اور پبلک سیفٹی ہے‘۔

انٹرنیٹ سروسز فراہم کرنے والی کمپنیاں ملک کے اندر تمام ویب ٹریفک کو حکومتی ٹیلی کام ادارے روسکومنازور کے منظور کردہ روٹنگ پوائنٹس پر ری ڈائریکٹ کردیں گی.
ماسکو(ایمرا نیوز آن لائن)روس نے عارضی طور پر پورے ملک کو عالمی انٹرنیٹ سے منقطع کرنے کا فیصلہ کرلیا ہے۔اس منصوبے کے تحت روسی انٹرنیٹ سروسز فراہم کرنے والی کمپنیاں یا آئی ایس پی ایس ملک کے اندر تمام ویب ٹریفک کو حکومتی ٹیلی کام ادارے روسکومنازور کے منظور کردہ روٹنگ پوائنٹس پر ری ڈائریکٹ کردیں گی۔زی ڈی نیٹ کی رپورٹ کے مطابق اس وقت بیشتر ممالک کی طرح روس میں بھی انٹرنیٹ ٹریفک کو عالمی سسٹمز کو استعمال کیا جاتا ہے جو دنیا بھر میں ڈیوائسز کو آن لائن کنکٹ کرنے میں مدد دیتے ہیں۔روس کی جانب سے عارضی طور پر انٹرنیٹ کو منقطع کرنے کا تجربہ اگلے چند ہفتوں میں ہوگا۔اس تجربے کے دوران روس انٹرنیٹ کے لیے اپنے ڈومین نیم سسٹم (ڈی این ایس)، ویب ڈومین ڈائریکٹری اور ایڈریسز پر انحصار کرے گا۔اس تجربے کو یکم اپریل سے پہلے مکمل کیا جائے گا تاہم ابھی کوئی حتمی تاریخ طے نہیں کی گئی ہے۔یہ تجربہ روس کے ڈیجیٹل اکانومی نیشنل پروگرام کے تحت ہوگا، یہ مجوزہ قانون گزشتہ سال پیش کیا گیا تھا جس کا مقصد روسی ڈیجیٹل انفراسٹرکچر کو اس وقت بھی تحفظ فراہم کرنا ہے جب دیگر کمپنیاں روس کے لیے انٹرنیٹ سروسز کاٹ دیں۔روسی حکومت کے اس پروگرام کا مقصد غیرملکی انٹرنیٹ سروس فراہم کرنے والی کمپنیوں پر انحصار ختم کرنا اور روس کو اس حوالے سے خودمختار کرنا ہے تاکہ کسی بھی ممکنہ سائبر حملے سے بھی تحفظ مل سکے۔رپورٹ کے مطابق تمام انٹرنیٹ ٹریفک حکومتی روٹنگ پوائنٹس کے ذریعے کنٹرول کرنے سے ماسکو کو ویب سنسرشپ سسٹم کی تشکیل دینے کا موقع بھی ملے گا جیسا چین میں ہورہا ہے۔رپورٹ کے مطابق تمام انٹرنیٹ ٹریفک حکومتی روٹنگ پوائنٹس کے ذریعے کنٹرول کرنے سے ماسکو کو ویب سنسرشپ سسٹم کی تشکیل دینے کا موقع بھی ملے گا جیسا چین میں ہورہا ہے۔روس نے اس منصوبے پر اس وقت کام شروع کیا جب ناٹو کی جانب روس کے خلاف سالانہ سائبر وار گیمز کا عمل تیز کردیا گیا جبکہ امریکا، برطانیہ اور یورپی یونین کی جانب سے بھی روس پر سائبر حملوں کے بعد پابندیاں لگانے کی دھمکی دی گئی تھی۔

جنگی علاقے سے راتوں رات سیکڑوں افراد کے فرار کے بعد آج جھڑپیں جاری رہیں ، ترجمان مصطفی بالی
دمشق(ایمرا نیوز آن لائن)شام کے مشرقی صوبے میں داعش کے خلاف امریکی حمایت یافتہ شامی فورسز کے فضائی حملوں میں 7 بچوں سمیت 16 شہری ہلاک ہوگئے۔ کردوں کی قیادت مں شامی جمہوری فورسز ( ایس ڈی ایف) نے داعش کے خلاف کارروائی کرتے ہوئے شمالی صوبے دیر الزور کے گاؤں باغوز میں میزائل داغے تھے جس کے نتیجے میں 16 شہری ہلاک ہوئے۔شامی جمہوری فورسز کے ترجمان مصطفیٰ بالی کا کہنا تھا کہ جنگی علاقے سے راتوں رات سیکڑوں افراد کے فرار کے بعد آج جھڑپیں جاری رہیں۔عراق کی سرحد کے قریب دریائے فرات کے مشرقی کنارے پر 4 اسکوائر کلومیٹر علاقے میں داعش کے 6 سو جنگجو موجود ہیں۔امریکی حمایت یافتہ شامی جمہوری فورسز نے 9 فروری کو باغوز کا قبضہ دوبارہ حاصل کرنے کے لیے حتمی کوشش کا اعلان کیا تھا۔امریکی اتحاد کے ترجمان سین ریان نے کہا کہ امریکی حمایت یافتہ فورسز کو شدید جوابی کارروائی کا سامنا ہے۔انہوں نے کہا کہ ’ داعش کے خلاف میں پیش رفت سست اور ضابطہ کار کے تحت جاری ہے کیونکہ دشمن مکمل تیاری کے ساتھ موجود ہےداعش جنگجو لگاتار جوابی حملے میں مصروف ہیں۔سین ریان کا کہا تھا کہ امریکی اتحادی فوج داعش کے ٹھکانوں پر حملےجاری رکھے ہوئے ہے‘۔ترکی سے الجزیرہ کے نمائندے کا کہنا تھا کہ شامی گاو¿ں کے مضافات میں فضائی حملے 12 فروری کے ابتدائی گھنٹوں میں کیے گئے تھے۔انہوں نے کہا کہ ’ یہ فضائی حملے داعش جنگجوو¿ں کو علاقے سے فرار سے روکنے کے لیے کیے جاتے ہیں‘۔گزشتہ روز جنگی علاقے سے ایک ہزار 5 سو شہری علاقے سے فرار ہوئے تھے جبکہ سیکڑوں شہری تاحال محصور ہیں۔ا شامی جمہوری فورسز اور داعش جنگجو علاقے میں محصور شہریوں کو محفوظ مقام پر منتقل کرنے کی اجازت کے لیے مذاکرات کررہے ہیں۔انہوں نے مزید کہا کہ ’ تاہم ابھی مذاکرات نہیں ہوئے، شہریوں کو گاؤں میں رکھنا داعش جنگجوؤں کے مفاد میں ہے، درحقیقت وہ انہیں یرغمال بنارہے ہیں‘۔شام میں موجود برطانوی نگراں ادارے کے سربراہ رامی عبدالرحمٰن کا کہنا تھا کہ ’ داعش کو ہتھیار ڈالنے پر دباؤ کے لیے شدید جھڑپ جاری ہے‘۔

ریلی سے صدر کے خطاب کے دوران ایک حامی نے میڈیا کو گالی دیتے ہوئے کیمرہ مین پر حملہ کردیا، حملے میں محفوظ رہے
واشنگٹن(ایمرا نیوز آن لائن)برطانوی نشریاتی ادارے بی بی سی نے امریکی صدر ڈونلڈ ٹرمپ کی ریلی میں اپنے کیمرا مین پرتشدد حملے کو ’ناقابل قبول‘ قرار دے دیا۔ امریکی صدر ڈونلڈ ٹرمپ ٹیکساس میں ریلی سے خطاب کررہے تھے کہ اس دوران ان کے ایک حامی نے میڈیا کو گالی دیتے ہوئے ’بی بی سی کے کیمرا مین پر حملہ کردیا‘۔دوسری جانب واشنگٹن میں بی بی سی کے رپورٹر گیری او ڈونگیو نے بتایا کہ ’کیمرا مین رون سیکین حملے میں محفوظ رہے‘۔اس حوالے سے انہوں نے بتایا کہ ’مین رون سیکین ڈونلڈ ٹرمپ کی ریلی کی کوریج میں مصروف تھے کہ عقب سے ایک شخص نے حملہ کیا اور کیمرا مین اور کیمرہ دونوں نیچے گر گئے‘۔واضح رہے کہ 8 نومبر کو ڈونلڈ ٹرمپ کا نیوز کانفرنس کے دوران صحافی کو ’عوام کا دشمن‘ کہنے کے بعد وائٹ ہاو¿س نے سی این این کے رپورٹر کا پریس پاس منسوخ کردیا تھا۔عالمی نشریاتی ادارے نے امریکا کے صدر سے روسی مداخلت کا سوال شروع ہی کیا تھا کہ امریکی صدر سیخ پا ہو گئے اور کہا کہ تم ’بدتمیز اور گھٹیا شخص ہو‘ اور ’عوام کے دشمن‘ بھی ہو۔بی بی سی کی ترجمان نے بتایا کہ ’سیکیورٹی نے حملہ آوار شخص کو ریلی سے نکال دیا تاہم امریکی صدر واقعہ سے متعلق ہم سے رابطہ کرکے پوچھ سکتے تھے‘۔انہوں نے کہا کہ ’یہ واضح پیغام ہے کہ فرائض کی انجام دہدی کے دوران ہمارے عملے پر حملہ ناقابل قبول ہے‘۔خیال رہے کہ اقوام متحدہ کے انسانی حقوق کے عہدیداروں نے امریکی صدر ڈونلڈ ٹرمپ کے میڈیا مخالف بیان کی سختی سے مذمت کرتے ہوئے کہا تھا کہ اس سے صحافیوں کے خلاف پر تشدد کارروائیوں میں اضافے کا خدشہ ہے۔

سری نگر(ایمرا نیوز آن لائن) مقبوضہ کشمیر میں بھارتی فورسز کے مظالم کا سلسلہ بدستور جاری ہے ، بدھ کو تازہ کارروائی میں مزید 2 نوجوانوں کو شہید کردیا گیا جبکہ مشترکہ مزاحمتی قیادت کی کال پر وادی میں مکمل ہڑتال رہی ۔کشمیری میڈیا کے مطابق بدھ کے روز الصبح قابض بھارتی فورسز نے مقبوضہ کشمیر کے ضلع بڈگام کے علاقے چدورا کا محاصرہ کیا ،جس کے دوران گھر گھر تلاشی لی گئی۔قابض فورسز نے سرچ آپریشن کے نام پر فائرنگ کر کے 2 نوجوانوں کو شہید کردیا ،جس کےخلاف لوگ سڑکوں پر نکل آئے اور احتجاج کیا۔دوسری جانب حریت رہنما سید علی گیلانی، میر واعظ عمر فاروق اور یاسین ملک نے بھارتی آئین کے آرٹیکل 35 اے کے خاتمے کی کوشش کےخلاف وادی بھر میں مکمل ہڑتال کی کال دی ہے۔واضح رہے کہ بھارتی سپریم کورٹ میں آرٹیکل 35 اے سے متعلق کیس زیر سماعت ہے، اس قانونی دفعہ کا تعلق مقبوضہ کشمیر کے عوام کی خصوصی شہریت سے متعلق ہے۔