Tag Autumn

نوڈیرو(نیٹ نیوز/ایمرا نیوز)شہیدبے نظیر بھٹو کی 11ویں برسی آج گڑھی خدا بخش میں عقیدت اور احترام کے ساتھ منائی جائے گی‘ملک بھر سے جیالوں کے قافلے گڑھی خدابخش پہنچ گئے‘برسی کا آغاز تلاوت کلام پاک سے ہوگا ‘شہید بے نظیر بھٹو کی روح کے ایصال ثواب کے لیئے مزار کے اندر قرآن خوانی کا اہتمام کیا گیا ہے‘ قرآن خوانی کے بعد مزار کے باہرلنگر تقسیم کیا جائے گا ‘ اس موقع پر سکیورٹی کیلئے 7ہزار سے زائد پولیس اہلکاروں کو مزار کے اندر اور باہر تعینات کیا گیا ہےجبکہ مزار کے اندر20سی سی ٹی وی کیمرے بھی نصب کئے گئے ہیں۔

کراچی (نیٹ نیوز/ایمرا نیوز)پولیس حکام نے متحدہ کے سابق رکن قومی اسمبلی کے قتل کے حوالے سے اہم پیشرفت کرتے ہو ئے ملزمان کی نشاندہی کر لی ہے ، حملے میں استعمال ہونے والا اسلحہ 10دسمبر کو لیاقت آباد میں ایک نوجوان کے قتل میں بھی استعمال ہوا ہے ،بنگلے پر تعینات گارڈ سمیت 2؍ مشتبہ افراد کو حراست میں لے لیا ہے۔ پولیس کے مطابق ایم کیو ایم پاکستان کے سابق رکن قومی اسمبلی علی رضا عابدی کے قتل کے حوالے سے پولیس حکام نے اہم پیشرفت کرتے ہو ئے ملزمان کی نشاندہی کر لی ہے ۔ تحقیقات کے سلسلے میں پولیس نے ان کے گارڈ کو حراست میں لے لیا۔ قتل کی تحقیقات ابتدائی مراحل میں ہیں اور اس سلسلے میں ہر پہلو کو مدنظر رکھا جا رہا ہے، علاقے میں سی سی ٹی وی کیمروں کی مدد سے 3؍ مقامات پر ملزمان کی نشاندہی ہوئی ہے،زیر حراست گارڈ قدیر کے بارے میں حکام نے کہا کہ وہ فائرنگ کے جواب میں فوری کارروائی کے بجائے گھر کے اندر چلا گیا اور علی رضا عابدی کے والد سے ملزمان پر جوابی فائرنگ کے لیے ہتھیار مانگا، گارڈ قدیر کا تعلق ڈیرہ غازی خان سے تھا اور اسے علی رضا عابدی کے گھر پر تعینات ہوئے ڈیڑھ سے 2ماہ ہوئے تھے۔ علاوہ ازیں علی رضا عابدی کے قتل میں استعمال ہونے والا اسلحہ 10 دسمبر کو لیاقت آباد میں احتشام نامی نوجوان کے قتل میں بھی استعمال کیا جاچکا ہے، احتشام کے قتل میں بھی 30؍ بور کا پستول استعمال ہوا تھا، اسے 3؍ گولیاں ماری گئی تھیں جبکہ مقتول کے اہل خانہ نے اپنے بیان میں کہا تھا کہ اس کا کسی سیاسی جماعت سے تعلق نہیں تھا۔

لاہور(ایمرا نیوز)
Sleep hollow ایک طبی بیماری ہے جس میں انسان صرف ایک دن یا کچھ دنوں یا ہفتے کے لئے سو جاتے ہے. قازقستان میں یہ بیماری کلہاچی کے ایک دور دراز گاؤں میں رپورٹ ہوئی تھی .

یہ پہلی بار مارچ، 2013 میں رپورٹ ہوئی تھی اور اب تک 152 متاثرین نے اس بیماری کے ہونے کا دعوی کیا ہے. یہ بیماری شاید غیر سنجیدہ نہیں ہے. یہ بیماری کچھ وقت کے لیےتک غائب ہوگئی تھی لیکن 2015 کے وسط میں دوبارہ پیدا ہوگئی. یہ بیماری تمام عمر کے گروہوں کو متاثر کرتی ہے.

لاہور(ایمرا نیوز)
نیو جرسی کے لوک گراؤنڈ میں، جرسی شیطان (a.k.a. the Leeds Devil) ایک افسانوی مخلوق ہے جو جنوبی نیویارک کے پائن بارینس کو آباد کرتی ہے. اس مخلوق کو اکثر اکثر ایک چھوٹا سا پھول کے طور پر بیان کیا جاتا ہے جسے چھتوں سے بچایا جاتا ہے، لیکن بہت مختلف حالتیں موجود ہیں.

عام وضاحت یہ ہے کہ ایک بکری یا گھوڑے کی طرح سر، چمڑے والی بال کی طرح پنکھوں، سینگ، پنواں ہاتھوں کے ساتھ چھوٹے بازو، لچکدار ہوز اور ایک ٹھوس دم کے ساتھ ایک کنگارو کی طرح یا ویورور کی طرح مخلوق ہے.اس مخلوق سے تیزی سے حرکت کرتے ہوئے رپورٹ کیا گیا ہے اور اکثر اس کو “blood-curdling scream” کو مارنے کے طور پر بیان کیا جاتا ہے.

میلبرن(سپورٹس ڈیسک/ایمرا نیوز) آسٹریلیا کے خلاف تیسرے ٹیسٹ میں بھارت نے پراعتماد آغاز کیا اور اس نے پہلے دن کے کھیل کے اختتام تک 2 وکٹ کے نقصان پر 215 رنز بنالیے ہیں ۔میلبرن میں شروع ہونے والے سیریز کے تیسرے ٹیسٹ میں بھارتی کپتان ویرات کوہلی نے ٹاس جیت کر پہلے بیٹنگ کا فیصلہ کیا، لیکن 40 کے مجموعی اسکور پراس کے اوپنر ہنوما وہاری 8 رنز بناکر آؤٹ ہوگئے۔اس کے بعد پجارا نے اگروال کا ساتھ دیا اور اسکور 123 رنز تک پہنچا دیا ، اگروال بھی 76 رنز بنا کر کیمنز کا شکار ہوئے ۔ان کے آؤٹ ہونے کے بعد کپتان ویرات کوہلی کریز پر آئے اور دن کے اختتام تک ٹیم کا اسکور 2 وکٹ پر 215 رنز تک پہنچا دیا ۔پجارا 68 اور ویرات کوہلی 47 رنز بنا کر ناٹ آؤٹ ہیں۔

اسلام آباد(نیٹ نیوز/ایمرا نیوز) قومی اسمبلی میں قائد حزب اختلاف اور مسلم لیگ نون کے صدرمیاں شہباز شریف کا طبی معائنہ کیا گیا۔اسلام آباد کے پمز اسپتال کے ڈاکٹروں کی ٹیم نے شہباز شریف کا میڈیکل چیک اپ کیا، یہ چیک اپ منسٹرانکلیو میں کیا گیا۔شہبازشریف کا طبی معائنہ کرنے والا ڈاکٹروں کا بورڈ 6ارکان پرمشتمل ہے، ڈاکٹروں نے شہباز شریف کو آرام کا مشورہ دیا ہے۔

سینچورین(سپورٹس ڈیسک/ایمرا نیوز) جنوبی افریقا کے فاسٹ بولر ڈیل اسٹین ٹیسٹ کرکٹ میں جنوبی افریقا کی جانب سے سب سے زیادہ وکٹیں حاصل کرنے والے بولر بن گئے ۔سینچورین میں ڈیل اسٹین نے فخر زمان کو آؤٹ کرکے یہ ریکارڈ اپنے نام کیا،ان سے پہلے جنوبی افریقا کے سابق کپتان شان پولاک نے 108 ٹیسٹ میں 421 وکٹیں حاصل کر رکھی تھیں۔ٹیسٹ کرکٹ میں ڈیل اسٹین سب سے زیادہ وکٹیں لینے والے بولرز کی فہرست میں 11ویں نمبر پر آگئے ہیں، جبکہ سب سے زیادہ وکٹیں حاصل کرنے کا ریکارڈ سر ی لنکا کے مرلی دھرن کا ہے جنہوں نے 133 ٹیسٹ میں 800 شکار کیے ہیں ۔اس فہرست میں پاکستان کی جانب سے وسیم اکرم 414 وکٹوں کے ساتھ 14ویں اور وقار یونس 373 وکٹیں لے کر 19ویں نمبر پر ہیں۔

انڈونیشیا(نیٹ نیوز/ایمرا نیوز) انڈونیشیا کے میوزیکل گروپ سیونٹین کے سونامی میں واحد بچ جانے والےپاپسنگر نےسوشل میڈیا پر سونامی کا شکار اپنی اہلیہ کو جذباتی انداز میں یاد کرتے ہوئے لکھا کہ’ میں اب تمہارے بغیر کیسے جیئوں گا‘۔انڈونیشیا میں ہفتے کی شب سونامی طوفان کے بعد ایک ڈرامائی ویڈیو آن لائن پوسٹ کی گئی ۔

اس میں سونامی کے نتیجے خطرناک سمندری لہروں نے اوپن ائیر کنسرٹ میں فن کا مظاہرہ کرنے والے بینڈ 17 کے ارکان اور کنسرٹ میں آئے شرکاءکو اپنی لپیٹ میں لے لیا تھا۔گروپ کے پاپ سنگر ری فن کی اہلیہ ڈیلن سہارا بھی مجمع میں موجود تھیں، اسی دوران قدرتی آفت کی زد میں آکر گروپ کے تین ارکان اور ری فن کی اہلیہ ہلا ک ہوگئیں تھیں۔ری فن نے اپنی اہلیہ کی یاد میں سوشل میڈیا پر جذباتی ویڈیو اور پیغامات جاری کئے انہوں نے سہارا کی تصویر پوسٹ کی اور لکھا کہ وہ ان کے بغیر اب کیسے جیئیں گے۔واضح رہے22 دسمبر کو سونامی کے نتیجے میں اب تک ساڑھے چار سو سے زائد اموات ہو چکی ہیں۔

سبی(نیٹ نیوز/ایمرا نیوز) بلوچستان کے شہر سبی اور اسے کے گرد و نواح میں زلزلے کے جھٹکے محسوس کیے گئے ہیں۔زلزلے کے جھٹکے محسوس ہوتے ہی خوف و ہراس پھیل گیا اور سبی کے مکین گھروں اور دکانوں سے کلمۂ طیبہ کا ورد کرتے ہوئے کھلے علاقوں میں نکل آئے۔فوری طور پر اس زلزلے کے نتیجے میں ہونے والے کسی قسم کے نقصان کی اطلاع سامنے نہیں آئی ہے۔زلزلہ پیما مرکز کے مطابق سبی میں آنے والے زلزلے کی شدت ریکٹر اسکیل پر 3اعشاریہ 1 ریکارڈ کی گئی ہے جس کا مرکز سبی سے 102 کلو میٹر جنوب مشرق میں تھا، جبکہ اس زلزلے کی گہرائی 40کلومیٹر زیر زمین تھی۔

لاہور(نیٹ نیوز/ایمرا نیوز) چیف جسٹس آف پاکستان میاں ثاقب نثار نے سوال کیا ہے کہ زلفی بخاری کون ہے؟ کہاں سے آیا ہے؟سپریم کورٹ کی لاہور رجسٹری میں زلفی بخاری کی تعیناتی کے خلاف درخواست پر سماعت ہوئی جس میں جسٹس اعجاز الاحسن نے ریمارکس دیئے کہ زلفی بخاری آئین کے آرٹیکل 62 اور 63 کی زد میں نہیں آتے، معاون خصوصی کی تعیناتی وزیراعظم کا اختیار ہے۔چیف جسٹس پاکستان نے کہا کہ صوابدیدی اختیار کا یہ مطلب نہیں کہ وزیراعظم عمران خان جس طرح مرضی کام کریں، زلفی بخاری کون ہے؟ کہاں سے آیا ہے؟انہوں نے مزید کہا کہ زلفی بخاری نے اپنی ویب سائٹ پر کیسے وزیر مملکت کا عہدہ لکھ دیا؟ زلفی بخاری کو کہاں سے منسٹر بنایا گیا، مجھےوزیراعظم کو بھیجی گئی سمری دکھا دیں، کیسے زلفی بخاری معاون خصوصی بنے ہیں؟زلفی بخاری کے وکیل بیرسٹر اعتزاز احسن نے کہا کہ زلفی بخاری نے وزیر مملکت کا اسٹیٹس کلیم نہیں کیا، ان کی وجہ سے برٹش ایئر ویز پاکستان میں آئی۔کیس کی مزید سماعت عدالتی وقفے تک ملتوی کر دی گئی۔