Tag balakot

دنیا آگاہ ہے ، ہندوستان میں انتخابات کے دوران پاکستان سے تناؤ کی صورت حال پیدا کی جاتی ہے ، آج بھارت میں سوالات اٹھ رہے ہیں ، سفارتی سطح پر رابطے جاری ہیں دنیا کو قائل کر لیں گے ، آج وزیر اعظم نے قومی سلامتی کمیٹی کا اجلاس طلب کیا ہے ، صورت حال کا جائزہ لیا جائے گا ، چین کے موقف پر پاکستان شکرگزار ہے ، وزیر خارجہ کی نجی ٹی وی سے گفتگو
اسلام آباد (ایمرا نیوز آن لائن)وزیر خارجہ شاہ محمود قریشی نے اقوام متحدہ کا پاک بھارت میں مصالحتی کردار ادا کرنے پر شکریہ ادا کرتے ہوئے کہا کہ پوری دنیا جانتی ہے کہ ہندوستان میں انتخابات کے موقع پر پاک بھارت تعلقات میں جان بوجھ کر تناؤ پیدا کیا جاتا ہے ۔آج ہندوستان میں عوام ، صحافی ، شوبز سٹارز سوالات اٹھا رہے ہیں کہ پلوامہ واقعہ ایک بہت بڑا سکیورٹی فیلئر ہے ۔ان خیالات کا اظہار بدھ کے روز شاہ محمود قریشی نے نجی ٹی وی سے گفتگو کرتے ہوئے کیا ۔انہوں نے کہا کہ اقوام متحدہ اور سیکرٹری جنرل نے میرے خط کا مثبت جواب دیا اور پاک بھارت کے درمیان مصالحت کی پیش کش پر ان کا شکریہ ادا کرتا ہوں ۔اب ہم سب کی ذمہ داری ہے کہ جس طرح بلاوجہ ہندوستان ماحول میں تناؤ پیدا کر رہا ہے اس کو مثبت طریقے سے ہینڈل کیا جائے ۔ انہوں نے کہاکہ وزیر اعظم عمران خان نے جو پالیسی بیان دیا وہ بڑا جامع اور فہم و فراست سے بھرپور ہے اب مزید ماحول میں تناؤ پیدا کرنے کا جواز تو نہیں رہتا لیکن پھر بھی جواز بنایا گیا تو ہم متحد ہیں ۔ شاہ محمود قریشی نے کہا کہ سفارتی سطح پر بھی سب سے رابطے کر رہے ہیں اور ان سے گفتگو و شنید جاری ہے کیونکہ پاکستان کا موقف سچائی پر مبنی ہے اور ہمیں یقین ہے کہ ہم دنیا کو قائل کر لیں گے ۔ آج ( جمعرات کو) وزیر اعظم عمران خان نے قومی سلامتی کمیٹی کا اجلاس بھی بلایا ہے وہاں پر بھی سفارتی رابطوں ، وزیر اعظم کا بیان اور متعلقہ صورت حال کاجائزہ لیا جائے گا ۔ ایک سوال کے جواب میں شاہ محمود قریشی نے کہا کہ وقت گزرنے کے ساتھ ساتھ ہندوستان کی اصلیت سامنے آتی جا رہی ہے اور اب ہندوستان کی عوام ، صحافی اور شوبز اسٹارز سوالات کر رہے ہیں کہ الیکشن کے دنوں میں پاکستان کے ساتھ تناؤ کی صورت حال کیوں پیدا ہو جاتی ہے حالانکہ بھارت میں اینٹی پاکستان مفروضہ تو بگتا ہے لیکن اس مرتبہ سکیورٹی الرٹ پر بھی بات کی جا رہی ہے کہ یہ ایک بہت بڑا سکیورٹی فیلئر ہے ۔ جس میں مقبوضہ کشمیر میں بھارتی فورسز کی سکیورٹی کی قلعی کھول دی ہے ۔ آج اپوزیشن بھی بی جے پی کی پالیسیوں پر سوال اٹھا رہی ہے ۔ وزیر خارجہ نے کہا کہ چین کے موقف پر ان کا شکریہ ادا کرتا ہوں چین پاکستان کا دیرینہ دوست ہے اور انہوں نے ہمیشہ باوقار طریقے سے فیصلے کئے ہیں ۔( جاوید/ اشفاق)

پی سی بی کے ساتھ سندھ حکومت اورکمشنرکراچی کی جانب سے بھی لیگ کی تشہیری مہم کی جائیگی
کراچی (ایمرا نیوز آن لائن) پی ایس ایل 4کے میچزاور فائنل کے موقع پرکراچی کوسجانے کا عمل یکم مارچ سے شروع ہوگا۔ذرائع کے مطابق بلدیہ عظمی کراچی سمیت شہر کے دیگرمقامی انتظامی اداروں بشمول متعددکنٹونمٹ بورڈز سے قانونی اجازت نامے حاصل کرلیے گئے ہیں تاہم بعض حل طلب امورکے بعد شہربھرمیں لیگ کے حوالے سے تزئین وآرائش کا عمل شروع ہوجائیگا۔کوآرڈینیشن کمیٹی کی جانب سے قائد اعظم کے مزارکے قریب وجوار میں خصوصی طور پر پی ایس ایل مقابلوں کی تشہیرکا اہتمام کرنے کی تجویزدی گئی ہے، پی سی بی کے ساتھ سندھ حکومت اورکمشنرکراچی کی جانب سے بھی لیگ کی تشہیری مہم کی جائیگی۔صوبائی حکومت کے سیکریٹری اسپورٹس اختر حسین مینگل کے مطابق پی ایس ایس ایل میچزکے موقع پرمحکمہ کھیل کے تحت بھی شہربھرمیں مشہور کرکٹرز کے بل بورڈز لگانے کے ساتھ خیرمقدمی بینرز آویزاں کیے جائیں گے اور مہران رنگ کو نمایاں کیا جائیگا۔دریں اثنا لیگ کی تیاریوں کے سلسلے میں اسپورٹس مینجمنٹ سسٹم کے تحت شہرمختلف مقامات پرنمونے کے طور پرتشہری مہم کا اہتمام کیا گیا، اس موقع پرکمشنرکراچی افتخارشلوانی، میونسپل کمشنرکے ایم سی ڈاکٹرسیف الرحمان، ڈپٹی کمشنرکراچی ایسٹ احمد علی صدیقی، ڈپٹی کمشنرکراچی ساتھ صلاح الدین، اسی ایم ایس گروپ کے جاوید علی ودیگر بھی موجود تھے۔

کوئٹہ، پشاور، سکھر، راجن پور سمیت متعدد شہروں میں ہلکی موسلا دھار بارش
کوئٹہ، پشاور، سکھر، راجن پور ،کراچی(ایمرا نیوز آن لائن)ملک کے مختلف شہروں میں بارش اور پہاڑوں پر برفباری کے بعد درجہ حرارت میں کمی ہو گئی ہے۔ بدھ کے روز بھی کوئٹہ، پشاور، سکھر، راجن پور سمیت ملک کے دیگر شہروں میں کہیں ہلکی اور کہیں موسلا دھار بارش ہوئی ،جس کے بعد موسم مزید سرد ہوگیا جبکہ بالائی علاقوں میں برفباری کا سلسلہ بھی جاری ہے۔محکمہ موسمیات نے مالاکنڈ، ہزارہ، ڈویڑن، گلگت بلتستان اور کشمیر میں موسلا دھار بارش کے باعث لینڈ سلائیڈنگ جبکہ بلوچستان اور ڈیرہ غازی خان کے ندی نالوں میں طغیانی کا خدشہ ظاہر کیا ہے۔محکمہ موسمیات کی جانب سے کراچی میں بھی ہلکی اور گرج چمک کےساتھ تیز بارش کی پیشگوئی کی گئی ہے۔وادی کوئٹہ اور گرد و نواح میں گزشتہ رات سے وقفے وقفے سے ہلکی بارش ہورہی ہے جبکہ مستونگ، پشین، خضدار، قلات، مسلم باغ، زیارت، قلات، مکران، نصیرآباد، ڑوب ڈویڑن سمیت شمالی بلوچستان کے بیشتر علاقوں میں گرج چمک کےساتھ بارش ہوئی۔ضلع چمن بھر میں گزشتہ رات سے موسلا دھار بارش اور پہاڑوں پر برفباری جاری رہا، جس کے باعث انسداد پولیو اور حفاظتی ٹیکہ جات مہم موسمی صورتحال میں بہتری تک ملتوی کردی گئی ہے ۔ پنجگور اور گرد و نواح میں بھی رات سے وقفے وقفے سے بارش کا سلسلہ جاری ہے ۔دوسری جانب محکمہ موسمیات نے 26 فروری سے بلوچستان کے شمال میں بارشوں کا نیا سسٹم داخل ہونے کا امکان بھی ظاہر کیا ہے۔ترجمان محکمہ موسمیات کی جانب سے جاری کردہ بیان کے مطابق نئے سسٹم کے تحت کوئٹہ سمیت بلوچستان کے شمال میں مزید بارشوں کا امکان ہے۔محکمہ موسمیات کے مطابق گزشتہ 24 گھنٹوں کے دوران بلوچستان میں سب سے زیادہ بارش پسنی میں 25 ملی میٹر ریکارڈ کی گئی، زیارت میں 8، پنجگور میں 5، دالبندین، قلات، خضدار اور سبی میں 4، 4، کوئٹہ اور گوادر میں 3 ملی میٹر اور بارکھان میں 2 ملی میٹر بارش ریکارڈ کی گئی۔پشاور اور گردونواح میں وقفے وقفے سے بارش کے بعد سردی بڑھ گئی جبکہ محکمہ موسمیات کے مطابق پشاور 16 ملی میٹر بارش ریکارڈ کی گئی اور کم سے کم درجہ حرارت 9 ڈگری سینٹی گریڈ ریکارڈ کیا گیا۔اسی طرح بنوں میں 12، چراٹ میں 9، اپر دیر اور کاکول میں 7،7 ملی میٹر بارش ریکارڈ کی گئی، مالم جبہ اور لوئر دیر میں 5،5، چترال اور پٹن میں 4،4 ملی میٹر، پارا چنار، سیدو شریف اور بالاکوٹ میں 3، 3 ملی میٹر بارش ریکارڈ کی گئی۔سکھر اور گرد و نواح میں رات سے وقفے وقفے سے ہلکی بارش ہوئی ،جس کے باعث سردی کی شدت میں اضافہ ہوگیا، شہر میں بارش کے باعث سیپکو کے 100 سے زائد فیڈرز ٹرپ کر گئے۔پرانا سکھر، جناح چوک، نیوپنڈ، مینارہ روڈ اور دیگر علاقوں میں بجلی کی سپلائی معطل ہوگئی، جبکہ ذرائع سیپکو کا کہنا ہے کہ بارش رکنے پر فیڈرز کی بحالی کا کام شروع کیا جائےگا۔جیکب آباد، کندھ کوٹ اور کشمور و گرد و نواح میں وقفے وقفے سے بارش کا سلسلہ جاری ہے۔پنجاب کے شہر راجن پور اور گرد و نواح میں بھی بارش ہوئی ،جس کی وجہ سے سردی بڑھ گئی ہے، سرگودھا اور اوچ شریف و گرد و نواح میں بھی گہرے کالے بادل خوب جم کر برسے۔(صداقت چوہدری)

تمام مقابلے شیڈول کے مطابق ہونگے ،صورتحال پر نظر رکھے ہوئے ہیں ،چیف ایگزیکٹو
لندن (ایمرا نیوز آن لائن) آئی سی سی کے چیف ایگزیکٹیو ڈیو رچرڈسن کا پاک بھارت تنازع کے حوالے سے کہا کہ ورلڈ کپ کا کوئی میچ منسوخ نہیں کیا جارہا اور نہ ہی ورلڈ کپ کے شیڈول میں تبدیلی کی کوئی وجہ ہے۔ورلڈ کپ کے 100 روزہ کانٹ ڈان کے موقع پر ڈیو رچرڈسن کا کہنا تھا کہ ہم پی سی بی اور بی سی سی آئی کے ہمراہ صورتحال پر نظر رکھے ہوئے ہیں تاہم ورلڈ کپ کا کوئی میچ منسوخ نہیں کیا جارہا اور نہ ہی ورلڈ کپ کے شیڈول میں تبدیلی کی کوئی وجہ ہے، تمام مقابلے شیڈول کے مطابق ہوں گے۔ورلڈ کپ ٹورنامنٹ ڈائریکٹر اسٹیو ایلورتھی کا کہنا ہے کہ پاک بھارت میچ اس ٹورنامنٹ کا سب سے نمایاں مقابلہ ہوگا، اس مقابلے کے حوالے سے کافی جوش وخروش پایا جاتا ہے، اس کوکروڑوں لوگ دیکھتے اور اس کی ٹکٹوں کیلیے ہزاروں کی تعداد میں لوگوں نے اپلائی کیا۔واضح رہے کہ ڈیورچرڈسن اور ایلورتھی کو اس حوالے سے ایسا کوئی بھی خدشہ نہیں کہ پاک بھارت میچ منسوخ ہوسکتا ہے۔

گلیشر کی چوڑائی 1300 میٹر ہے جو 3 ماہ میں 1750 میٹر سرک چکا‘ اسسٹنٹ ڈائریکٹر ڈیزاسٹر مینجمنٹ اتھارٹی
ہنزہ(ایمرا نیوز آن لائن) گلگت بلتستان میں شیسپر گلیشیئر سرکنے کا سلسلہ بدستور تیزی سے جاری ہے ،جس کے باعث 2 بجلی گھروں کو کسی بھی ناگہانی صورتحال سے بچنے کے لئے بند کردیا گیا ہے۔بدھ کے روز اسسٹنٹ ڈائریکٹر ڈیزاسٹر مینجمنٹ اتھارٹی کی جانب سے جاری کردہ بیان میں کہا گیا کہ شیسپر گلیشیئر کی چوڑائی 1300 میٹر ہے جو گزشتہ 3 ماہ کے دوران 1750 میٹر تک سرک چکا ہے،شیسپر گلیشیئر سرکنے سے زیر تعمیر بجلی گھر کا ایک حصہ زد میں آگیا جبکہ نالے میں پانی کا بہاؤ بھی رک گیا۔ ڈیزاسٹر مینجمنٹ اتھارٹی کے مطابق شیسپر گلیشیئر سرکنے پر 2 بجلی گھروں کو بند کردیا گیا ہے جس کے باعث ہنزہ کی 70 فیصد آبادی بجلی سے محروم ہوچکی ہے۔واضح رہے کہ گلوبل وارمنگ کی وجہ سے موسمیاتی تبدیلی کے باعث ہمالیہ اور قراقرم ریجن میں گلیشیئر تیزی سے پگھل رہے ہیں اور پاکستان اکنامک سروے برائے سال 15-2014 کے مطابق دنیا کے کسی بھی ملک کے مقابلے میں پاکستان کے 5 ہزار گلیشیئر تیزی سے سرک رہے ہیں۔(صداقت چوہدری)

انتہاپسندوں کی طرف سے بد سلوکی اور جنسی طور پر اشتعال انگیز پیغامات بھی بھیجے گئے ہیں،صحافی
نئی دہلی (آن لائن) بھارت میں غیرجانبدار لکھاری کی حیثیت سے پہچان رکھنے والی بھارتی صحافی برکھادت بھی متعصب اور انتہاپسند ہندوں کے نشانے پر آگئے ہیں۔معروف سیاسی تجزیہ کار کو سوشل میڈیا پر ہراساں کیا گیا اور جان سے مارنے کی دھمکیاں بھی دی گئی ہیں۔ برکھا دت کا کہنا ہے کہ انہیں انتہاپسندوں کی طرف سے بد سلوکی اور جنسی طور پر اشتعال انگیز پیغامات بھی بھیجے گئے ہیں۔برکھادت نے بتایا کہ مجھے انتہاپسندوں کی طرف سے بد سلوکی پر مبنی ایک ہزار سے زائد پیغامات وصول ہوئے ہیں۔ ان پیغامات میں بدسلوکی، جان سے مارنے کی دھمکیاں اور فحش تصاویر تک شامل ہیں۔بھارت میں غیر جانبدار صحافی کے طور پر پہچان رکھنے والی معروف صحافی برکھا دت کو ماضی میں بھی اس قسم کی دھمکیاں ملتی رہی ہیں۔برکھا دت بھارت کی معروف سیاسی تجزیہ کار کے طور بھی جانی جاتی ہیں۔ بےباک تجزیوں اور غیر جانبداری کی وجہ سے انہیں انتہاپسندوں کی طرف سے انہیں تنقید کا نشانہ بنایا جاتا ہے۔انہوں نے کہا کہ ہے کہ میں نے دھمکیاں دینے والے کا پتا چلا لیا ہے اوراپنی شکایت سوشل میڈیا انتظامیہ کو درج کرادی ہے۔ برکھادت عالمی سطح پر جنوبی ایشیا کے حوالے سے ماہر سیاسی تجزیہ کار کے طور پر جانی جاتی ہیں۔پلوامہ حملے کا الزام پاکستان پر لگانے کے بعد بھارتی حکومت کو ملک کے اندر سے ہی تنقید کا سامنا ہے اور انتہا پسند تنظیمیں حکومتی ناقدین کو دھمکیاں دے رہی ہیں۔

قیمت میں اضافہ جنوری کی فیول پرائس ایڈجسٹمنٹ کی مد میں ہوا، صارفین پر آئندہ ماہ 13 ارب 50 کروڑ کا اضافی بوجھ پڑے گا
اسلام آباد (ایمرا نیوز آن لائن)بجلی کی قیمتوں میں ایک بار پھر اضافہ کردیا گیا ، نیپرا نے ایک ماہ کیلئے بجلی کی قیمتوں میں 1 روپے 80 پیسے فی یونٹ کا اضافہ کردیا۔جب کہ قیمت میں اضافہ جنوری کی فیول پرائس ایڈجسٹمنٹ کی مد میں ہوا، صارفین پر آئندہ ماہ 13 ارب 50 کروڑ کا اضافی بوجھ پڑے گا۔نیپرا کے مطابق جنوری میں فرنس آئل سے مہنگی بجلی پیدا کی گئی، سنٹرل پاور پرچیزنگ ایجنسی تحریری طور پر بتائے کہ فرنس آئل سے بجلی کیوں پیدا کی، گزشتہ ماہ بھی تفصیلات مانگی گئیں لیکن سی پی پی اے نے جواب نہیں دیا تاہم اگر ایل این جی سے پیداوار ہوتی تو قیمت میں اضافے کے بجائے کمی ہو سکتی تھی۔ ذرائع کے مطابق گزشتہ ایک ماہ کے دوران پاور پلانٹس سے مہنگی بجلی پیدا کی گئی، اسی باعث نیپرا کو بجلی کی فی یونٹ قیمت میں اضافہ کرنے کی سفارش کر گئی۔2 ماہ کے بعد شمالی علاقہ جات میں ہونے والی مسلسل برفباری کے باعث دریاوں میں پانی کی کمی واقع ہوئی ہے۔ اسی باعث ڈیموں سے بجلی کی پیداوار میں کمی ہوئی اور مجورا کمپنیوں کو فرنس آئل سے مہنگی بجلی پیدا کرنا پڑی۔واضح رہے کہ اس سے قبل بھی گزشتہ چند ماہ کے دوران بجلی کی قیمتوں میں کئی روپے کا اضافہ کیا جا چکا ہے۔حکومت کو بجلی کی قیمتیں بڑھانےمیں شدید عوامی دبا کا سامنا کرنا پڑ رہا ہے۔اگست میں بھی نیپرا نے نے ڈسکوز کو صارفین کے بجلی کے نرخ 36 پیسہ فی یونٹ بڑھانے کی منظوری دی تھی۔ ستمبر میں نیپرا نے بجلی کی قیمت میں فی یونٹ تقریبا 2 روپے بڑھانے کی منظوری دی تھی، جس کے تحت ڈسکوز نے صارفین سے اضافی 200 ارب وصول کیے تھے۔اکتوبر میں نیپرا نے بجلی کے نرخوں میں 20پیسے فی یونٹ اضافے کی منظوری دی تھی جس سے بجلی صارفین پر 2 ارب 50کروڑ کا اضافی بوجھ پڑا۔ستمبر میں فیول لاگت 5روپے 12پیسے فی یونٹ تھی۔تقسیم کار کمپنیوں کو دی جانے والی بجلی کی قیمت 5روپے 56 پیسے فی یونٹ تھی۔

بھارت کی سخت گیر پالیسیاں اور سیاسی مکانیت کی مسدودیت ہی نوجوانوں کو تشدد پر اکسا رہی ہے، بیان
سرینگر(ایمرا نیوز آن لائن)سیاسی مکانیت کی مسدودیت اور یوں پشت بہ دیوار کرنے کا عمل کشمیری نوجوانوں کو عسکریت کی جانب دھکیلنے کی بنیادی وجہ ہے اس ضمن میں والدین یا سیاسی قیادت کا تو کوئی رول نہیں البتہ یہ گیند بھی خود بھارت کی سیاسی اور عسکریت قیادت کے ہی پالے میں ہے ۔ بھارت کی سخت گیر پالیسیاں اور سیاسی مکانیت کی مسدودیت ہی ہے جو کشمیری جوانوں کو پشت بہ دیوار کر کے بدترین تشدد کو فروغ دے رہی ہیں ۔اپنے مشترکہ بیان میں کہا کہ فوج کشی ، پولیس کے ظلم ، جبر ض، ماردھاڑ ، قتل و غارت گری اور دھونس و دباؤ سے اگر قوتوں کی تحاریک کو دبانا ممکن ہوتا تو بھارت سمیت دنیا کے کئی ممالک آج آزاد ممالک کی صف میں ہی نہیں ہوتے ۔ قائدین نے کہاکہ فوج کے کمانڈر اور پولیس سربراہان کا کہنا ہے کہ جوانوں کو سمجھانے کا کام والدین کا ہے اور اگر یہ لوگ اپنے بچوں کو عسکریت میں جانے سے نہیں روکیں گے تو ان کے بچوں کو تہہ و تیغ کیا جانا طے شدہ بات ہے ۔ قائدین نے کہا کہ جوانوں کو ایسے سخت ترین فیصلے لینے سے روکنے کے ضمن میں نہ ہی والدین و اقارب کا کوئی کردار بنتا ہے اور نہ ہی مزاحمتی سیاسی قیادت کا کوئی کردار بنتا ہے بلکہ حقیقت یہ گیند بھی خود بھارتی سیاسی و عسکری قیادت کے پالے میں ہی ہے کیونکہ بھارتی حکومت اور اس کے فوجی اور دوسری ایجنسیوں کی مسدودیت اور ان نوجوانوں کو پشت بہ دیوار لگانے کا سلسلہ ہی ہے جو ان جوانوں کے عسکری راستے پر جانے کے لئے ذمہ دار ہے قائدین نے کہا کہ مزاحمتی خیمہ بھارتی تسلط کے خلاف پرامن جدوجہد میں مصروف ہے اور کسی نے بھی بھارت یا اس کے ریاستی مددگاروں سے پولیس سکیورٹی نہیں مانگی تھی بلکہ یہ سکیورٹی خود حکمرانوں کی ایما و مرضی پر لگائی گئی تھی اور اب خود ان کی منشا پر ہٹائی گئی جس کا آزادی و حق خودارادیت کی جدوجہد پر کوئی اثر نہیں پڑے گا ۔( جاوید)

بیت المقدس(ایمرا نیوز آن لائن) اسرائیل رواں ہفتے پہلا نجی خلائی طیارہ چاند پر بھیجے گا ۔ غیر ملکی خبررساں ادارے کے مطابق اسرائیلی ادارے کی جانب سے جاری ہونے والے بیان میں کہا گیا ہے کہ لینڈنگ کرافٹ شیڈول کے مطابق 22فروری کو روانہ کیا جائے گا جو کہ 11 اپریل کو چاند پر اترنے کی توقع ہے ۔ بیان میں کہا گیا ہے کہ لینڈنگ کرافٹ بیرشیٹ ایک امریکی خلائی ایکس راکٹ سے لیس ہو گا وہ اس کا لانچنگ مقام امریکی ریاست فلوریڈا میں ہے ۔ اسرائیلی خلائی ادارے کے صدر موریس کاہن کا کہنا ہے کہ 8 سال قبل شروع کیا جانے والا یہ مشن اب تکمیل کے آخری مراحل میں ہے اور اس مشن کے چاند پر اترنے کے بعد ہم اپنے ملک کی ایک نئی خلائی تاریخ ختم کریں گے جو کہ ہمارا ایک خواب بھی تھا ۔( جاوید)

پاکستانی نوجوانوں میں بے پناہ ٹیلنٹ و صلاحیتیں موجود ہیں ، ملکی ترقی میں جوانوں کو آگے لانا چاہتے ہیں ، وزیر اعظم
اسلام آباد (ایمرا نیوز آن لائن)وزیر اعظم عمران خان سے اقوام متحدہ کے حکام نے ملاقات کی جس میں یو این حکام نے پاکستانی نوجوانوں کے لئے حکومت کی جانب سے شروع کیا جانا والا ”کامیاب نوجوان “ میں 30 ملین ڈالرز فنڈز فراہم کرنے کا اعلان کیا ہے ۔ تفصیلات کے مطابق بدھ کے روز وزیر اعظم عمران خان سے معاون خصوصی عثمان بزدار اور اقوام متحدہ کے حکام نے ملاقات کی جس میں حکومت کی جانب سے نوجوانوں کو روزگار فراہم کرنے کے لئے ”کامیاب نوجوان “ پروگرام پر تبادلہ خیال کیا گیا ۔ اس موقع پر عمران خان نے کہا کہ پاکستانی نوجوانوں میں بے پناہ ٹیلنٹ اور صلاحیتیں موجود ہیں اور ہم چاہتے ہیں کہ ملکی ترقی میں نوجوانوں کے کردار کو آگے لایا جائے جبکہ عثمان بزدار نے بھی کہا کہ حکومت نوجوانوں میں بے روزگاری کم کرنے کے لئے جامع حکمت عملی تیار کر رہی ہے اور اس حوالے سے بہت جلد نوجوانوں کے لئے مختلف منصوبے بھی متعارف کرا رہے ہیں جس سے بے روزگاری کی شرح کم ہو گی تاہم اقوام متحدہ کے حکام نے بھی کامیاب نوجوان پروگرام میں شراکت داری کا اظہار کرتے ہوئے منصوبے میں 30 ملین ڈالر مختص کرنے کا اعلان کیا ہے ۔ اس منصوبے سے تقریباً 2 لاکھ نوجوان کو بااختیار بنایا جائے گا ۔ یو این کی فنڈنگ وزیر اعظم نے حکام کا شکریہ بھی ادا کیا ۔( جاوید/ اشفاق)