Tag Balochistan

لاہور(ایمرا نیوزآن لائن) حال ہی میں بالی ووڈ کی مشہور اداکارہ پریانکا چوپڑا امریکی گلوکار نیک جونس کے ساتھ شادی کے بندھن میں بندھی ہیں، شادی کے بعد پریانکا نیک کے ساتھ بہت خوش ہیں، اور ان کے ساتھ بہت اچھا وقت گزارہی ہیں، اب پریانکا کو شادی کے بعد ایک اور اچھی خبر مل گئی ہے، نیویارک کے مادام تساؤ میوزیم میں پریانکا کا مجسمہ تیار کیا گیا ہے.
https://emra.tv/2019/02/08/حکومت-نے-موبائل-…-پر-ٹیکسز-کی-بحا/
جس کو دیکھ کر پریانکا کے ہوش اُڑ گئے ہیں، کیونکہ وہ مجسمہ بلکل پریانکا کی طرح نظر آرہا ہے. پریانکا نے انسٹاگرام پر تصویریں شیئر کیں جس میں وہ اپنے مجسمے کے ساتھ کھڑی ہیں،اور بہت خوش دیکھائی دے رہی ہیں. اس موقع پر پریانکا کا کہنا تھا کہ مجھے اپنا مجسمہ دیکھ کر بہت خوشی ہوئی ہے اور مجھے بہت حیرت بھی ہے کیونکہ میرے مجسمے کو وہی لباس پہنا یا گیا ہے جو میں نے 2016 کے ایمی ایوارڈز میں پہنا تھا۔پریانکا کے مجسمے میں سب سے زیادہ نظر آنے والی چیز مجسمے کی انگلی میں وہی انگوٹھی تھی جو نک جونس سے منگنی کے بعد نظر آئی تھی۔

ٹیلی کام سروسز پر ٹیکسز میں نظرثانی کرنے کے لیے ایک نیا فارمولا پیش کرنے کے علاوہ آمدنی میں اضافے کے لیے کوئی اقدامات نہیں کیے جائیں ، عدالت نے ایف بی آر کا پہلا والا فارمولا مسترد کردیا تھا، حماد اظہر
اسلام آباد (ایمرا نیوز آن لائن) حکومت کی جانب سے ریونیو شارٹ فال اور بجٹ کے اہداف کو پورا کرنے کے لیے کوئی نئے ٹیکس کے نفاذ کے بجائے موبائل فون کارڈ پر ٹیکسز کی بحالی کے لیے ایک متبادل فارمولا سپریم کورٹ میں پیش کیا جائے گا۔ وزیر مملکت برائے ریونیو حماد اظہر کا کہنا تھا کہ ‘بین الاقوامی مالیاتی فنڈ (آئی ایم ایف) سے بیل آٹ پیکج کے حصول کے لیے پیشگی شرائط کے طور پر ریونیو ہدف حاصل کرنے کے لیے رواں مالی سال میں کوئی نیا ٹیکس نافذ نہیں کریں گے’۔حماد اظہر کا کہنا تھا کہ ٹیلی کام سروسز پر ٹیکسز میں نظرثانی کرنے کے لیے ایک نیا فارمولا پیش کرنے کے علاوہ آمدنی میں اضافے کے لیے کوئی اقدامات نہیں کیے جائیں گے کیونکہ عدالت نے فیڈرل بورڈ آف ریونیو کا پہلا والا فارمولا مسترد کردیا تھا۔خیال رہے کہ جون 2018 میں سپریم کورٹ آف پاکستان نے موبائل کمپنیوں کی جانب سے پری پیڈ کارڈ کے ری چارچ پر لیے جانے والے ٹیکسز کو معطل کردیا تھا جبکہ صرف اسی سے سالانہ 80 ارب روپے کی آمدنی حاصل ہوری تھی۔یاد رہے کہ پاکستان تحریک انصاف نے اقتدار میں آنے کے بعد آئی ایم ایف سے بات کرنے کا فیصلہ کیا تھا کہ لیکن قرض دہندہ کی طرف سے شرائط میں مسلسل اضافہ کیا جارہا تھا جس کے نتیجے میں یہ پروگرام تاخیر کا شکار ہوا۔اس حوالے سے جب وزیر مملکت سے پوچھا کیا کہ اس پروگرام تک رسائی کا صحیح وقت کیا ہے تو حماد اظہر کا کہنا تھا کہ یہ ان کی شرائط میں بہتری پر انحصار کرتا ہے، تاہم ساتھ ہی انہوں نے یہ بھی کہا کہ حکومت دوطرفہ بنیادوں پر ضروری فنڈز کا انتظام کرنے میں کامیاب ہوگئی ہے۔
انہوں نے کہا کہ ان کی حکومت کو سعودی عرب اور متحدہ عرب امارات سے دو طرفہ تعاون سے کچھ مدد ملی ہے اور چین کے ساتھ بھی معاملات آخری مراحل میں ہیں اور ‘آپ کو جلد ہی چین سے ایک اچھی خبر سننے کو ملے گی’۔اس موقع پر انہوں نے آمدنی کی قلت کو بنیادی طور پر موبائل کارڈ پر ٹیکسز کی معطلی، پیٹرولیم مصنوعات پر سیلز ٹکس کی شرح میں کمی سے جوڑتے ہوئے کہا کہ آسان ریونیو کے لیے حکومت سیلز ٹیکس میں اضافے کو ترک کر رہی ہے۔وزیر مملکت کا کہنا تھا کہ تجویز کردہ اصلاحاتی عمل کے تحت پہلے فیز میں وفاقی ٹیکسز کو ایک ساتھ کیا جائے گا جبکہ دوسرے مرحلے میں صوبائی ٹیکسز کو اسی طریقے سے یکجا کیا جائے گا۔

ٹرمپ انتظامیہ کی جانب سے پاکستان کی سیکیورٹی معاونت ختم کیے جانے کے باوجود پاکستان اور امریکا کے درمیان چند فوجی تعاون کی سرگرمیاں جاری ہیں، امریکی جنرل
واشنگٹن (ایمرا نیوز آن لائن) امریکا نے پاکستان کو یقین دہانی کرائی ہے کہ افغان تنازع کے حل کے سلسلے میں مستقبل میں افغانستان میں کسی بھی قسم کا معاہدہ ہونے کی صورت میں پاکستان کے مفادات کا تحفظ یقینی بنایا جائے گا۔رواں ہفتے سینیٹ کی آرمڈ سروسز کمیٹی کے سامنے اپنے بیان میں جنرل جوزف ووٹل نے مزید کہا کہ امریکی فوج کی جنوبی ایشیا میں حکمت عملی مرتب کرتے ہوئے اس بات کو یقینی بنایا جائے گا کہ افغانستان میں مستقبل میں ہونے والے کسی بھی معاہدے میں پاکستان کے مفادات کو تسلیم اور ان کا خیال رکھا جائے۔انہوں نے کہا کہ ٹرمپ انتظامیہ کی جانب سے پاکستان کی سیکیورٹی معاونت ختم کیے جانے کے باوجود پاکستان اور امریکا کے درمیان چند فوجی تعاون کی سرگرمیاں جاری ہیں۔جوزف ووٹل کا کہنا تھا کہ پاکستان کے ساتھ ہمارے تعلقات میں امریکی محکمہ خارجہ میں موجود لوگوں کی حمایت بھی شامل ہے کیونکہ یہ افغانستان میں تنازع کے خاتمے کے لیے اسلام آباد کے ساتھ مل کر سفارتی حل کی کوششوں میں مصروف ہیں جبکہ اس بات کو بھی یقینی بنایا جائے گا کہ مستقبل میں کسی بھی معاہدے میں پاکستان کے مفادات کو تسلیم اور ان کا خیال رکھا جائے۔واضح رہے کہ پاکستان، امریکا سے اپنے تحفظات کا اظہار کر چکا ہے کہ اس جنگ کے اختتام پر کابل کو خصوصا بھارت کی جانب سے پاکستان کے خلاف استعمال کیا جا سکتا ہے، ساتھ ہی امریکی ماہرین کا یہ دعوی ہے کہ اسی خدشے کے پیش نظر پاکستان نے طالبان کے ساتھ اپنے تعلقات خراب نہیں کیے ہیں۔البتہ جنرل ووٹل نے کمیٹی کو بتایا کہ پاکستان خطے کا ایک اہم ملک ہے جس کی وجہ صرف افغان تنازع نہیں اور یہی وجہ ہے کہ امریکا نے افغانستان کے ساتھ اپنے تعلقات برقرار رکھے ہیں۔

تحریک آزادی ِ جموں کشمیر محمد مقبول بٹ اور شہید فرزند کشمیر محمد افضل گورو کی جدوجہد اور شہادت تاریخ کشمیر کا تابناک باب ہے،حریت قائدین
سرینگر(ایمرا نیوز آن لائن )مقبوضہ کشمیر میں آج( ہفتہ کو) شہید محمد افضل گورو کے یوم شہادت کے موقع پر مکمل ہڑتال کی جائیگی ۔ ہڑتال کی اپیل حریت قائدین نے کی تھی ۔ اس موقع پر تمام کاروباری مراکز ، دفاتر اور تعلیم ادارے بند رئیں گے ۔ جبکہ سڑکوں پر ٹریفک کا نظام بھی مفلوج رہے گا ۔ حریت قائدین سید علی گیلانی ،میر واعظ عمر فاروق اور یسین ملک نے اپنے مشترکہ بیان میں کہا ہے کہ شہیدقائد تحریک آزادی ِ جموں کشمیر محمد مقبول بٹ اور شہید فرزند کشمیر محمد افضل گورو کی جدوجہد اور شہادت تاریخ کشمیر کا تابناک باب ہے۔ بھارت نے ان دونوں کشمیریوں کو نہ صرف یہ کہ تختہ دار پر لٹکاکر شہید کیا بلکہ ان کی اجسد خاکی اور باقیات کو بھی آج تک اپنی قید میں رکھا ہوا ہے۔ان عظیم الشان شہداءکی اور شجاعت و قربانی ملت کشمیر کیلئے ہمیشہ مشعل راہ رہے گی۔ کشمیری اپنے ان شہداءکی قربانیوں اور جدوجہد کو کسی بھی صورت میں فراموش نہیں کرسکتے۔ دریں اثنا کل ‘ بروز سومواریوم مقبول(رح) پر بھی مکمل اور ہمہ گیر احتجاجی ہڑتال ہوگی جبکہ اِسی دن دونوں مصلوبین کی اجساد خاکی اورباقیات کی واپسی کے حوالے سے سرینگر کے مرکز لال چوک میں ایک پرامن احتجاجی مظاہرہ بھی کیا جائے گا۔ اس کے ساتھ ساتھ دونوں شہداءکی باقیات کی وطن واپسی اور شایان شان طریقے پر ان کی تجہیز و تکفین کے لئے اقوام متحدہ کے سیکریٹری جنرل کے نام ایک یادداشت بھی روانہ کی جائے گی۔ مشترکہ قائدین نے شہید قائد تحریک آزادی جموں کشمیر محمد مقبول(رح) بٹ کی جدوجہد، قربانی،شہادت و شجاعت کو تاریخ ساز قرار دیتے ہوئے کہا کہ انکی پامردی اس قوم کیلئے ہمیشہ مشعل راہ رہے گی۔ انہوں نے کہا کہ مقبول بٹ (رح نے اس وقت اپنی جدوجہد کا آغاز کیا جب ہر سو اندھیرا چھایا ہوا تھا۔ انہوں نے کہا کہ شہید بابائے قوم کی ذات و صفات کشمیریوں کیلئے مشعل راہ تھی اور رہے گی اور کشمیری اپنے بے لوث قائد کی تقلید کرتے ہوئے جدوجہد آزادی کو ہر حال میں جاری رکھیں گے۔شہید محمد افضل گورو کی قربانی کو یاد کرتے ہوئے مشترکہ قائدین نے کہا کہ اس مجاہد صفت معصوم کشمیری نے ہنستے مسکراتے تختہ دار کو چوم لیا لیکن باطل و ظالم کے سامنے سرنگوں نہیں کیا۔انہوں نے کہا کہ جس طرح سے شہیدقائد محمد مقبول(رح) بٹ اور شہید فرزند کشمیر محمد افضل گورو کو تہاڑ جیل کے اندر تختہ دار پر لٹکادیا گیا اور انکی اجساد خاکی تک کو ورثاءکے حوالے کرنے سے انکار کیا گیا وہ بھارت کے ظالمانہ اور جابرانہ رویے کی واضح اور روشن دلیل ہے۔

لاہور (ایمرا نیوز آن لائن)رواں سیزن میں ملکی کپاس کی پیداوار میں نمایاں کمی ریکارڈ کی گئی ہے، رواں برس ہونے والی کپاس کی پیداوار گزشتہ سیزن سے 8 لاکھ27 بیلزکم رہی۔رپورٹ کے مطابق رواں برس کپاس کی پیداوار کا حجم 1 کروڑ 6 لاکھ بیلز رہاجبکہ گزشتہ سیزن میں کپاس کی پیداوار کا حجم 1 کروڑ 14 لاکھ بیلز سے زائد رہا تھا۔رواں سیزن کی پیداوار میں سے ٹیکسٹائل کمپنیوں نے 90 لاکھ جبکہ برآمد کنندگان نے 1 لاکھ بیلز خریدیں۔خیال رہے کہ موجوہ حکومت نے پہلے ہی سال میں کپاس کی درآمدات پر ٹیکس چھوٹ دینے کا اعلان کیا ہے۔کپاس پر ٹیکسوں میں دی گئی چھوٹ کا اطلاق یکم فروری سے ہوگیا ہے اور یہ مراعات 30 جون 2019 تک جاری رہے گی۔ماہرین کے مطابق ٹیکسوں میں مراعات سے ٹیکسٹائل برآمدات میں نمایاں اضافہ متوقع ہے۔

کراچی (ایمرا نیوز آن لائن)گزشتہ ہفتے کے دوران ملکی زرمبادلہ کے مجموعی ذخائرمیں8کروڑ26لاکھ ڈالر کا اضافہ ریکارڈ کیاگیا، جس کے نتیجے میں ملکی زرمبادلہ کے ذخائربڑھ کر 14ارب88کروڑ51لاکھ ڈالر ہوگئے۔اسٹیٹ بینک آف پاکستان کے جمعہ کو جاری کردہ اعداد وشمار کے مطابق یکم فروری کو ختم ہونے والے ہفتے کے دوران ملکی مجموعی زرمبادلہ کے ذخائر میں8کروڑ26لاکھ ڈالر کا اضافہ ہوا جس کے سے مجموعی ذخائر کی مالیت 14ارب80کروڑ25لاکھ ڈالر سے بڑھ کر14ارب88کروڑ51لاکھ ڈالر ہوگئے جس میں مرکزی بینک کے ذخائر کی مالیت3کروڑ82لاکھ ڈالر کے اضافے سے 8ارب15کروڑ43لاکھ ڈالر سے بڑھ کر8ارب19کروڑ25لاکھ ڈالر ہوگئی جب کہ دیگر کمرشل بینکوں کے ذخائر4کروڑ44لاکھ ڈالر کے اضافے سے 6ارب64کروڑ82لاکھ ڈالر سے بڑھ کر6ارب 69کروڑ26لاکھ ڈالر ہوگئے ۔زرمبادلہ کے ذخائر میں اضافہ سعودی عرب اور یو اے ای کی جانب سے دو ارب ڈالر وصولی کی وجہ سے ہوا ہے ۔

پی ایم ای ایکس کموڈٹی انڈیکس 3,637 کی سطح پر بند ہوا
کراچی (ایمرا نیوز آن لائن)پا کستان مرکنٹائل ایکسچینج لمیٹڈ میں گزشتہ روز پی ایم ای ایکس کموڈٹی انڈیکس 3,637 کی سطح پر بند ہوا۔ میٹلزو انرجی اورکوٹس/فاریکس کے 4.6ارب روپے مالیت کے سودے ہوئے جن کی مجموعی تعداد 8,199 رہی۔سب سے زیادہ سودے ڈبلیو ٹی آئی خام تیل کے ہوئے جن کی مالیت 1.388 ارب روپے تھی جبکہ این ایس ڈی کیو 100 کے سودوں کی مالیت 1.335 ملین روپی, سونے کے سودوں کی مالیت 829.809 ملین روپی, کرنسیز کے بذریعہ کوٹس ہونے والے سودوں کی مالیت 606.954 ملین روپی, پلاٹینم کے سودوں کی مالیت 198.562 ملین روپی, چاندی کے سودوں کی مالیت 142.568 ملین روپی, ڈی جے کے سودوں کی مالیت 80.493 ملین روپی, ایس پی 500 کے سودوں کی مالیت 37.344 ملین روپی, پلیڈیم کے سودوں کی مالیت 18.640 ملین روپی, کاپر کے سودوں کی مالیت 17.169 ملین روپی, برینٹ خام تیل کے سودوں کی مالیت 11.772 ملین روپے اور قدرتی گیس کے سودوں کی مالیت 10.768 ملین روپے رہی۔
ایگریکلچرل کموڈٹیز میں کاٹن کی 2 لاٹس کے سودے ہوئے جن کی مالیت 1.022 ملین روپے تھی۔

ویسٹ انڈیز کے وکٹ کیپر بیٹسمین نکولس پورن آﺅٹ، جانس چارلس سکواڈ کا حصہ بن گئے
لاہور (ایمرا نیوز آن لائن)پاکستان سپر لیگ (پی ایس ایل) 2019 کے افتتاح سے قبل ملتان سلطانز کے ایک اور کھلاڑی ٹیم کا ساتھ چھوڑ گئے تاہم ان کا متباد ٹیم میں شامل کر لیا گیا۔ویسٹ انڈیز کے وکٹ کیپر بیٹسمین نکولس پورن کو انگلینڈ کے خلاف ہونے والی ون ڈے سیریز کے لیے قومی ٹیم کے اسکواڈ میں شامل کرلیا گیا ہے۔انگلینڈ کے خلاف ہونے والی اس ون ڈے سیریز میں شرکت کی وجہ سے نکولس پورن ملتان سلطانز کی جانب سے پاکستان سپر لیگ کے میچز نہیں کھیل سکیں گے۔ادھر ملتان سلطانز نے بھی پورن کی جگہ دوسرے وکٹ کیپر جانسن چارلس کو اسکواڈ کا حصہ بنا لیا ہے، جن کا تعلق بھی ویسٹ انڈیز سے ہی ہے۔سماجی رابطے کی ویب سائٹ ٹوئنٹر پر ملتان سلطانز نے جانسن چارلس کی شمولیت کے حوالے سے پرومو بھی جاری کردیا۔جانسن چارلس ٹی ٹوئنٹی کرکٹ میں ایک وسیع تجربہ رکھتے ہیں جو بین الاقومی اور لیگز کرکٹ میں اب تک ایک سو 35 ٹی ٹوئنٹی میچز کھیل چکے ہیں اور اپنے جارح مزاج بلے بازی کی وجہ سے شہرت رکھتے ہیں۔خیال رہے کہ ملتان سلطانز کو پی ایس ایل کے آغاز سے قبل یہ پہلا دھچکا نہیں بلکہ ان سے قبل آسٹریلیا سے تعلق رکھنے والے اسٹیو اسمتھ بھی انجری کا شکار ہو کر پی ایس ایل 2019 میں ملتان سلطانز کو چھوڑ کر چلے گئے۔پاکستان سپر لیگ کے چوتھے سیز کا آغاز رواں ماہ 14 فروری سے ہورہا ہے جبکہ اس ایونٹ کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

آئین کو مد نظر رکھتے ہوئے اگر کہیں تبدلی ہونا ہے توکرلیتے ہیں،این آراوکون مانگ رہا ہے بتایا جائے، ہم جمہوریت پسند ہیں قانون اور پارلیمنٹ کی بالادستی پر یقین رکھتے ہیں، رہنما پےپلز پارٹی
لاہور(ایمرا نیوز آن لائن) پاکستان پےپلز پارٹی کے سنئےر رہنما خورشید شاہ نے کہا ہے کہ علیم خان کے خلاف کارروائی احتساب کے عمل کو بظاہر بیلنس کرنے کی کوشش لگتی ہے۔پیپلزپارٹی کے سینیئررہنما خورشید شاہ کا کہنا ہے کہ لاہورمیں الیکشن پرکتنے خرچے ہوئے علیم خان سے پوچھا جانا چاہیے، آگے جا کربہت ساری مزید چیزیں سامنے آئیں گی، علیم خان کوپی ٹی آئی کا اے ٹی ایم کہا جاتا ہے اس بارے میں بھی سوال ہونا چاہیے اور بظاہرعلیم خان کے خلاف نیب کی کارروائی دکھاوے سمیت احتساب کے عمل کو بظاہربیلنس کرنے کی کوشش لگتی ہے۔خورشید شاہ نے کہا کہ بلاامتیازاحتساب ہوتا ہوا نظرنہیں آرہا، نیب قوانین میں تبدیلی کے لیے حکومت نے کہا تھا تو ہم نے کہا آئیں بیٹھ جاتے ہیں، آئین کو مد نظر رکھتے ہوئے اگر کہیں تبدلی ہونا ہے توکرلیتے ہیں۔خورشید شاہ نے کہا کہ این آراوکون مانگ رہا ہے بتایا جائے، ہم جمہوریت پسند ہیں قانون اور پارلیمنٹ کی بالادستی پر یقین رکھتے ہیں۔

خیر پور (ایمرا نیوز آن لائن )پاکستان بننے سے قبل خیر پور ریاست کے آخری شہزادے کی اہلیہ سندھ انسٹیٹیوٹ آف یورولوجی اینڈ ٹرانسپلانٹیشن میں طویل علالت کے بعد انتقال کرگئیں نجی ٹی وی کی رپورٹ کے مطابق ہسپتال کے ترجمان ڈاکٹر بخش علی کا کہنا تھا کہ شہزادہ میر علی مراد خان رالپور (دوئم) کی اہلیہ عالیہ تالپور کو 3 ہفتے قبل ایس آئی یو ٹی میں ایڈمٹ کیا گیا تھا۔انہوں نے بتایا کہ شہزادی 10 سال سے ڈائیلیسز پر تھیں۔شہزادی نامور مذہبی رہنما علامہ رشید ترابی کی بیٹی تھیں۔