Tag Balochistan

عدالت کا صوبائی وزیر اطلاعات کو گرفتارکرکے پیش کرنے کا حکم
اسلام آباد(ایمرا نیوز آن لائن)پی ٹی وی ،پارلیمنٹ حملہ کیس میں وزیر اطلاعات خیبرپختونخوا شوکت یوسفزئی کے ناقابل ضمانت وارنٹ گرفتاری جاری کرد یئے گئے،عدالت نے شوکت یوسفزئی کو گرفتارکرکے پیش کرنے کا حکم دیدیا۔منگل کو انسداد دہشتگردی عدالت میں پی ٹی وی ،پارلیمنٹ حملہ کیس کی سماعت ہوئی،عدالت نے وزیر اطلاعات کے پی کے شوکت یوسفزئی کے ناقابل ضمانت وارنٹ گرفتاری جاری کرد یئے،عدالت نے ناقابل وارنٹ مسلسل عدم حاضری پر جاری کئے ،عدالت نے شوکت یوسفزئی کو گرفتارکرکے پیش کرنے کا حکم دیدیا جبکہعدالت نے پی ٹی آئی کے مزےد 26 کارکنوں کے بھی ناقابل ضمانت وارنٹ گرفتاری بھی جاری کر دیئے۔عدالت میں شاہ محمود قریشی، جہانگیر ترین ،اسد عمراورشفقت محمود نے حاضری سے استثنیٰ کی درخواست دیدی،عدالت نے حاضری سے استثنیٰ کی درخواستیں منظور کر تے ہوئے کیس کی مزید سماعت28 مارچ تک ملتوی کردی۔

اداکار کی فلم’کہونہ پیار ہے ‘ دیکھ کر اپنے کمرے میں پوسٹر بھی چسپاں کیا:اداکارہ
ممبئی (ایمرا نیوز آن لائن)بالی وڈ کی خوبرو اداکارہ کریتی سنن، ہریتھک روشن کی سب سے بڑی مداح نکلیں ، حال ہی میں بھارتی مقبول ٹی وی شو ’کافی ود کرن‘ میں کریتی سنن نے اداکار کارتک آرین کےساتھ شرکت کی اور میزبان کرن جوہر سے خوب گپ شپ کی۔شو کے دوران گفتگو کرتے ہوئے کرن جوہر نے اداکارہ سے سوال کیا کہ بالی وڈ میں ان کا پسندیدہ اداکار کون سا ہے؟ تو انہوں نے ہریتھک روشن کا نام لیا۔کریتی کا کہنا تھا کہ ہریتھک وہ واحد اداکار ہیں جن کا پوسٹر میں نے اپنے کمرے میں چسپاں کیا تھا، میں نے جب ان کی فلم ’کہو نہ پیار‘ ہے دیکھی تھی تو میں ان سے بے حد متاثر ہوگئی تھی ۔اداکارہ نے سلمان خان کےساتھ فلم میں کام کرنے کی خواہش کا بھی اظہار کیا اور کہا کہ انہیں موقع ملا تو وہ دبنگ خان کےساتھ کام کرنا پسند کریں گی۔

لاہور(ایمرا نیوز آن لائن) نیب نے آشیانہ ہاوٓسنگ سکیم سکینڈل میں ضمنی ریفرنس دائر کر دیا۔ ریفرنس میں شہباز شریف، احد چیمہ، فواد حسن فواد کو نامزد کیا گیا ہے۔ نیب کی جانب سے دائر کردہ ضمنی ریفرنس میں موقف اختیار کیا گیا ہے کہ مارچ 2014 میں شہباز شریف نے آشیانہ اقبال پراجیکٹ کا دورہ کیا اور اکتوبر 2014 میں غیر قانونی احکامات جاری کیے۔ شہباز شریف نے غیر قانونی حکم دیتے ہوئے پی ایل ڈی سی کا بڈنگ پراسس روکنے کا حکم دیا، پی ایل ڈی سی دسمبر 2013 میں آشیانہ اقبال پراجیکٹ کو چلا رہی تھی۔ضمنی ریفرنس میں کہا گیا ہے کہ شہباز شریف نے خود فیصلہ کیا کہ پراجیکٹ پبلک پارٹنرشپ ماڈل میں منتقل کر دیا جائے۔ آشیانہ اقبال ریفرنس میں شہباز شریف، فواد حسن فواد، احد خان چیمہ سمیت 13 افراد کو نامزد کیا گیا ہے۔ ریفرنس میں شاہد شفیق، بلال قدوائی اور امتیاز حیدر بھی شامل ہیں۔

لاہور(ایمرا نیوز آن لائن)مسلم لیگ نون کے رہنماحنیف عباسی کی سزامعطلی درخواست پرسماعت کرنےوالابنچ تحلیل ہو گیا۔میڈیا رپورٹس کے مطابق ایفی ڈرین کیس میں گرفتار مسلم لیگ نے رہنما حنیف عباسی نے سزا معطلی کیلئے ہائیکورٹ میں درخواست دائر کر رکھی ہے ،لیگی رہنما حنیف عباسی کی سزا معطلی درخواست پر سماعت کرنے والا بنچ تحلیل ہو گیا، جسٹس سرفرازڈوگرکے ملتان بنچ ٹرانسفرکے باعث بنچ تحلیل ہوا ،چیف جسٹس لاہورہائیکورٹ نے 2 رکنی بنچ تشکیل دےدیا، جسٹس راجہ شاہدمحمودعباسی کی سربراہی میں نیابنچ تشکیل دےدیا گیا۔

ایران نے 40 سال میں صرف ناکامی پیدا کی، ڈونلڈ ٹرمپ
ایران نے اسرائیل پر حملے کی غلطی کی تو یہ انقلاب ایران کی آخری سالگرہ ثابت ہو گا، نیتن یاہو
واشنگٹن (ایمرا نیوز آن لائن) انقلاب ایران کی 40 ویں سالگرہ پر امریکی صدر ڈونلڈ ٹرمپ نے کہا ہے کہ ایران نے 40 سال میں صرف ناکامی پیدا کی جبکہ اسرائیلی وزیراعظم نیتن یاہو بولے ایران نے اسرائیل پر حملے کی غلطی کی تو یہ انقلاب ایران کی آخری سالگرہ ثابت ہو گا۔انقلاب ایران کی 40 ویں سالگرہ پر اپنے پیغام میں امریکی صدر ڈونلڈ ٹرمپ کا کہنا تھا کہ انقلاب ایران نے صرف جبر، کرپشن اور دہشت گردی کو فروغ دیا۔انگریزی اور فارسی میں ٹوئیٹ کرتے ہوئے ٹرمپ نے لکھا کہ چالیس سالہ انقلاب کا نتیجہ صرف ناکامی ہے، ایرانی عوام اس سے کہیں زیادہ روشن مستقبل کے مستحق ہیں۔دوسری جانب اسرائیلی وزیر اعظم نیتن یاہو نے دھمکی دی کہ ایران نے اسرائیل پر حملے کی غلطی کی تو یہ انقلاب ایران کی آخری سالگرہ ثابت ہو گا۔ نیتن یاہو کا یہ بھی کہنا تھا کہ ایران کی دھمکیوں کو نظر انداز نہیں کرتے لیکن ان سے خوفزدہ بھی نہیں ہے۔خیال رہے کہ دو سال پہلے ٹرمپ کے مشیر سلامتی جان بولٹنے کہا تھا کہ ایرانی انقلاب کو چالیسویں سالگرہ دیکھنا نصیب نہیں ہوگی۔واضح رہے کہ ایرانی پاسداران انقلاب کے نائب سربراہ نے خبردار کیا ہے کہ اگر امریکا نے حملہ کیا تو اسرائیل کو تباہ کردیں گے جبکہ ایران بھر انقلاب کی حمایت میں مظاہرے کیے گئے۔ایرانی صدر روحانی نے کہا کہ ایران نے پہلے بھی میزائل بنانے کے لیے کسی سے اجازت نہیں لی اور آئندہ بھی نہیں لے گا، فوجی طاقت میں توسیع جاری رکھے گا، امریکا کو نفسیاتی جنگ میں کامیاب نہیں ہونے دیں گے۔

بھارتی فوج نے ریاستی دہشت گردی کے دوران 2 روز قبل بھی فائرنگ کرکے 5 کشمیری نوجوانوں کو شہید کردیا تھا
سری نگر(ایمرا نیوز آن لائن) ضلع پلوامہ میں بھارتی فورسز کی فائرنگ سے ایک کشمیری نوجوان شہید ہوگیا۔ میڈیا رپورٹس کے مطابق بھارتی فوج نے ایک بار پھرضلع پلوامہ کے علاقے رتنی پورہ میں آپریشن کے دوران فائرنگ کرتے ہوئے ایک نوجوان شہری کو شہید کردیا۔چ ضلع بھر میں شہریوں کی جانب سے احتجاج جاری جب کہ موبائل اور انٹرنیٹ سمیت ٹرین سروس بھی تاحال معطل ہے۔واضح رہے کہ 2 روزقبل بھی بھارتی فوج نے ضلع کلگام کا محاصرہ کرتے ہوئے ریاستی دہشت گردی کے دوران فائرنگ کرکے 5 کشمیری نوجوانوں کو شہید کردیا تھا۔

دونوں قیدیوں کو مجسٹریٹ اور جیل حکام کی موجودگی میں پھانسی دی گئی، جیل حکام
میر پور(ایمرا نیوز آن لائن)سینٹرل جیل میں قتل کے دومجرموں کوپھانسی دیدی گئی۔ تفصےلات کے مطابق میرپورکی سینٹرل جیل میں قتل کے دومجرموں کو پھانسی دے دی گئی۔ دونوں قیدیوں کو مجسٹریٹ اور جیل حکام کی موجودگی میں پھانسی دی گئی۔جیل حکام کا کہنا ہے کہ پھانسی پانے والوں میں ارشد محبوب کا تعلق راولاکوٹ اورطاھرعزیز کا تعلق بھمبر سے ہے.

لاہور(ایمرا نیوز آن لائن)اقوام متحدہ میں پاکستانی مندوب ملیحہ لودھی نے کہا ہے کہ پاکستان نے امن مشن میں خواتین کی شمولیت کا ہدف حاصل کر لیا، 15 فیصد پاکستانی خواتین مختلف ممالک میں فوجی مبصرین اور اسٹاف آفیسرز کے فرائض سرانجام دے رہی ہیں۔ملیحہ لودھی نے اقوام متحدہ کی امن مشنز کا جائزہ لینے والی کمیٹی میں خطاب کرتے ہوئے کہا کہ پاکستان نے اقوام متحدہ کا یہ ہدف 18ماہ کی قلیل مدت میں حاصل کیا ہے۔ انہوں نے کہا کہ اقوام متحدہ کو امن مشنز کے لئے مختص بجٹ میں کمی نہیں کرنی چاہیے، اس سے قیام امن کی کوششوں پر منفی اثر پڑے گا۔ان کا یہ بھی کہنا تھا کہ لائن آف کنٹرول پر جنگ بندی کی نگرانی کرنے والے مشن کو مضبوط اور مزید فعال بنانے کی ضرورت ہے۔

مظفر گڑھ(ایمرا نیوز آن لائن)مظفر گڑھ میں پابندی کے باوجود اونٹوں کا دنگل منعقد کیا گیا، درجنوں اونٹوں کی لڑائی پر لاکھوں روپے کا جوا بھی کھیلاگیا۔ پولیس ترجمان کا کہنا ہے کہ معاملے کی تحقیقات کی جا رہی ہیں۔ پنجاب بھر میں اونٹوں کے دنگل پر پابندی کے باوجود بھی مظفر گڑھ کی تحصیل علی پور میں اونٹوں کا دنگل منعقد کیا گیا، جس میں درجنوں اونٹ لڑائے گئے اور لاکھوں روپے کا جوا بھی کھیلا گیا۔ غیر قانونی دنگل دیکھنے والوں سے ٹکٹ اور پارکنگ کی مد میں پیسے بھی بٹورے گئے۔دوسری جانب پولیس کے ترجمان ناصر عباسی کےمطابق اونٹوں کی غیر قانونی لڑائی کی تحقیقات کی جا رہی ہیں، منتظمین کے خلاف کاروائی کی جائے گی۔

ممبئی(ایمرا نیوزآن لائن) عالیہ بھٹ اور رنبیر کپور کے پیار کے چرچے آج کل ہر طرف ہیں، اور ہر کوئی یہ انتظار کررہا ہے کہ کب عالیہ بھٹ اور رنبیر کپور ایک دوسرے سے شادی کریں گے. عالیہ اور رنبیر کی شادی سے متعلق سوشل میڈیا پر یہ خبریں گردش کررہی ہیں کہ وہ دونوں اسی سال شادی کے بندھن میں بندھ جائیں گے لیکن ابھی تک عالیہ اور رنبیر نے اس خبر کی تصدیق نہیں کی ہے. آج کل عالیہ بھٹ اپنی نئی فلم ’گلی بوائے‘ کی تشہیری مہم میں مصروف ہیں اس فلم میں ان کے ساتھ رنویر سنگھ بھی اہم کردار ادا کررہے ہیں.کچھ دن پہلے عالیہ بھٹ نے رنویر سنگھ کے ہمراہ برلن فلم فیسٹیول میں شرکت کی تھی، اس فیسٹیول میں عالیہ اور رنویر بہت خوبصورت نظر آرہے تھے.عالیہ اور رنویر نے اس فیسٹیول میں اپنی نئی آنے والی فلم ’گلی بوائے‘ کی تشہیر بھی کی تھی اور اس کے بعد وہ دونوں ایک ’سپر ڈانس‘ نامی ڈانس شو میں بھی گئے تھے. اس شو میں ایک بچی نےغلطی سے عالیہ کو ’الما‘ کہہ دیا، عالیہ کو اس بچی کا اپنی آپ کو ’الما‘ کہنا اتنا پسند آیا کہ عالیہ نے یہ تک کہہ دیا کہ میں اپنی بیٹی کا نام الما رکھوں گی۔ عالیہ بھٹ کے اس بیان نے دھوم مچا دی ہے.اور ہر کوئی اس کے بارے میں بات کررہا ہے.