Tag bollywood

ممبئی(شوبز ڈیسک/ایمرا نیوز) بھارت کے معروف سینئر اداکار نصیر الدین شاہ نے بھارت میں جاری اپنے خلاف تنقید پر کہا ہے کہ ’ جو کچھ کہا تھا، اس پر با لکل بھی افسوس نہیں ہے‘چند روز قبل بھارتی معاشرے پر کڑی تنقید کرنے پر نصیر الدین شاہ کو غدار کہا جا رہا ہے۔اس بارے میں جب ان سے سوال کیا گیا تو انہوں نے اپنا دفاع کرتے ہوئے کہا کہ ’میں اپنے کہے گئے الفاظ واپس نہیں لوں گا۔‘واضح رہے نصیر الدین شاہ نے ایک ویڈیو بیان میں کہا تھا کہ ’بھارت میں انتہا پسندی کا ’زہر ‘پھیل چکا ہے جسے اب قابو کرنا مشکل ہے۔یہاں گائے کے کاٹنے پر تو ایکشن ہو تا ہےمگر ایک انسان قتل کر دیا جائے تو کوئی پوچھنے والا نہیں ہوتا۔ ‘جس کے بعد انتہا پسند ہندو جماعتوں نے ان کو غدار قرار دیتے ہوئے دھمکانا شروع کردیا۔ بھارتی میڈیاکو انٹرویو دیتے ہوئے انہوں نے کہا کہ مجھے غدار کہنے کے علاوہ اور بھی بہت سی چیزیں ہیں جو مجھ سے منسوب کی گئیں ۔بھارت کے نام نہاد سیکولرازم کو بے نقاب کرنے والے معروف اداکار نصیرالدین شاہ کو اجمیر لٹریچر فیسٹیول کا افتتاح کرنے سے بھی جبری طور پر روک دیا گیا تھا۔

ممبئی(شوبز ڈیسک/ایمرا نیوز) بالی ووڈ کے دبنگ خان آج اپنی 53 سالگرہ منا رہے ہیں.انہوں نے اپنی سالگرہ اپنے قریبی دوستوں اور اپنے گھروالوں کے ساتھ اپنے فارم ہاؤس پر منائی.بہت سے سپرسٹاز نے دبنگ خان کی سالگرہ میں شرکت کی .

جیسا کہ انیل کپور سوناکشی شنہا، جیکسن فرنانڈیز، کترینہ کیف، مالیکا آرورا، سوشمیتہ سین، مونی رائے، ڈنو موارا، جمی شیریل،نے سلمان خان کی سالگرہ کی تقریب میں شرکت کی.

سوشل میڈیا پر بھی سلمان خان کے مداحوں نے انہیں سالگرہ کی مبارک باد دینی شروع کردیں.مداحوں کے ساتھ ساتھ کافی بالی ووڈ اداکاوں نے بھی انہیں مبارک باد پیش کی.53 سالگرہ کے موقع پر بالی ووڈ فنکاروں نے اپنے ٹوئٹر کے handles پر بھائی جان کو مبارک باد دی.

ممبئی(شوبز ڈیسک/ایمرا نیوز) نیا سال سوناکشی سنہا کے لیے بہت شاندار اور کمال کی فلمیں رکھتا ہے. سوناکشی سنہا نے کہا ہے ان کو ایسی فلموں میں کام کرنا بہت پسند ہے جو بچوں کو entertain کرے.

انہوں نے کہا یہ بہت کہ ہر گھر میں بچے خوش رہیں اور entertain ہوتے رہیں اور ایسا کرنے سے ان کو نئی چیزوں کو سیکھنے کا موقع بھ ملے گا.سوناکشی نے کہا کہ میں امید کرتی ہوں کہ اب میں جو بھی فلم کروں سب سے پہلے بچوں کی دلچسپی کو مدنظر رکھتے ہوئے کروں.

ممبئی(شوبز ڈیسک/ایمرا نیوز) ‘باگھی 2’ کے بعد، Disha Patani اپنی اگلی فلم ‘بھارت’ میں نظر آئے گی، جو علی عباس ظفر بنا رہے ہیں.

دیشا پٹانی اس فلم میں ایک trapeze فنکار کا کردار ادا کریں گی. وہ اس کردار پر پورا اُترنے کے لیے سخت محنت کر رہی ہیں. اس کے لیے انہوں نے سخت ٹریننگ سیشن لینے شروع کردیے ہیں تاکہ وہ فلم میں اچھی نظر آسکیں.دیشا پٹانی نے اس فلم میں جسم ڈبلز کا استعمال کرنے سے بھی انکار کر دیا ہے.

ممبئی(شوبز ڈیسک/ایمرا نیوز) بالی ووڈ کے دبنگ اداکار ’سلمان خان‘ آج اپنی 53 ویں سالگرہ منا رہے ہیں۔دبنگ خان نے بھارتی ریاست مدھیہ پردیش کے شہراندور میں 27 دسمبر 1965 کو ناموررائٹر سلیم خان کے گھرآنکھ کھولی اور نام عبدالرشید سلیم سلمان خان رکھا گیا لیکن فلمی دنیا میں وہ سلمان خان کے نام سے مشہور ہوئے۔

سلمان خان نے فلموں میں اداکاری کا آغاز1988ء میں فلم ’بیوی ہو تو ایسی‘ سے کیا، تاہم ان کو پہلی کامیابی1989ء میں فلم ’میں نے پیار کیا‘ سے ملی، جس پر انھیں فلم فیئر ایوارڈ بھی دیا گیا۔انہوں نے میں نے پیار کیا،ساجن،ہم آپ کے ہیں کون،کرن ارجن، جڑواں،بیوی نمبر 1،ہم دل دے چکے صنم، تیرے نام، وانٹڈ، پارٹنر ، لندن ڈریمز، دبنگ، ریڈی،باڈی گارڈ، ایک تھا ٹائیگراور دبنگ ٹو سمیت لاتعدادفلموں میں کام کرتے ہوئے کئی ایوارڈز اپنے نام کیے۔

دبنگ خان نے اپنے فلمی کیریئر میں کئی عروج وزوال دیکھےلیکن ہمت نہیں ہاری اور فلم ’ تیرے نام ‘ کے بعد تو وہ شہرت کی بلندیوں پر پہنچ گئے۔2004میں مشہور امریکی جریدے پیپلز میگزین کی جانب سے دنیا کے ساتویں جاذبِ نظر آدمی اور2010میں بھارت کے سب سے پْرکشش ترین آدمی کا خطاب پانے والے سلمان کا مومی مجسمہ بھی2008میں لندن کے مادام تساؤ میوزیم کی زینت بنادیا گیا۔سلمان خان دس کا دم اور بگ باس جیسے مشہور ٹی وی شوز کی میزبانی کا فریضہ بھی انجام دیتے آئے ہیں۔ بالی ووڈ کے دبنگ خا ن کی فلم ’ پارٹنر‘ ، ’ ریڈی ‘ ، ’ باڈی گارڈ ‘ ، ’ دبنگ‘ ، ’کک ‘ ، ’ پریم رتن دھن پایو‘، ’بجرنگی بھائی جان ، ’ ایک تھا ٹائیگر‘ ’دبنگ ٹو‘ نے دنیا بھر میں کامیابی کے جھنڈے گاڑے۔سلمان خان نےاپنے کیریئر میں کم از کم 12بلاک بسٹر فلموں کے علاوہ درجنوں کامیاب فلموں میں مرکزی کردار ادا کیا ہے۔ سلمان خان، بالی ووڈ کے واحد اداکار ہیں، جن کی گزشتہ 13فلمیں، یکے بعد دیگرے 100کروڑ یا اس سے زائد کا کاروبار کرنے میں کامیاب رہی ہیں۔ (’سن آف سردار‘ اور ’جڑواں2‘ مزید دو ایسی فلمیں ہیں، جو 100کروڑ کلب میں شامل ہیں ۔2010 سے اب تک ، سلمان خان بالی ووڈ کے سب سے کامیاب اداکار رہے ہیں، جن کی 14فلمیں مجموعی طور پر 2,610کروڑ 92لاکھ روپے کا بزنس کرچکی ہیں۔یاد رہے کہ گزشتہ کئی برسوں سے سلمان خان’فوربز‘ کے مہنگے ترین اداکاروں کی فہرست میں شامل رہے ہیں اور اسی روایت کو برقرار رکھتے ہوئے سلمان خان ’فوربز 2018ء‘کے مہنگے ترین اداکاروں کی فہرست میں بھی شامل ہیں۔

ممبئی(شوبز ڈیسک/ایمرا نیوز) بالی ووڈ کے دبنگ اداکار سلمان خان کی جانب سے کرسمس پارٹی کا انعقاد کیا گیاجس میں فلمی ستاروں کی کہکشاں اُتر آئی۔بھارتی میڈیا رپورٹس کے مطابق گذشتہ روز سلمان خان کی جانب سے کرسمس پارٹی کا انعقاد کیا گیاجس میںبالی ووڈا داکارہکترینہ کیف، ملائیکا اروڑا، کرن جوہر سمیت دیگر فلمی ستاروں نے شرکت کی۔

کرسمس کے جوش و خروش سے بھرپور اس پارٹی میں بالی ووڈکنگ شاہ رُخ خان کے بیٹے ابرام ، کترینہ کیف، ملائیکا اروڑا، کرن جوہر ،امریتا اروڑا، تشار کپور سمیت سمیت کئی فلمی ستاروں نے شرکت کی۔بالی ووڈ اسٹارز نےکرسمس کا جشن بھرپور طریقے سے منایا ۔میوزک کی دھن پر سلمان خان کی ڈانس پرفارمنس نے جہاں پارٹی کو چار چاند لگا دیئے وہیں دبنگ خان کی یہ ویڈیو سوشل میڈیا پر وائرل ہوچکی ہے جسے اب تک 27ملین سے زائد ویوز مل چکے ہیں۔

لاہور(شوبز ڈیسک/ایمرا نیوز) مشہور کومیڈین اور اداکار کپل شرما نے نے طویل انتظار کے بعد اپنی گرل فرینڈ , Ginni Chatrath کے ساتھ 12 دسمبر کے ساتھ شادی کرلی،کپل نے حال ہی میں ممبئی میں اپنے دوسرے استقبالیے کا انتعاد کیا

جس میں بالی ووڈ ستاروں نے شرکت کی.استقبالیے میں کپل نے ڈپیکا اور رنویر سے اپنی محبت کا اظہار کیا، کپل نے ڈپیکا اور رنویر کے لیے ایک کیک کا انتظام کیا اور دونوں کو اس کو کاٹنے کا کہا. ڈپیکا اور رنویر نے شادی کے بعد پہلی بار کیک کاٹا. کپل کے اس gesture کی سب نے بہت تعریف کی.

لاہور(شوبز ڈیسک/ایمرا نیوز) کرن جوہر نے حال ہی میں نہا دھپو کے چیٹ شو میں شرکت کی جہاں انہوں نے اپنے بچوں سے متعلق بات کی، اور ساتھ ہی انہوں نے رنبير کپور اور عالیہ بھٹ کے لیے ایک خاص گانا بھی گایا.

تاہم یہ گانا آپ کو سوچنے پر مجبور کرے گا، جب نہا نے کرن سے رنبیر اور عالیہ کے لئے گانا گانے کرنے کا مطالبہ کیا، تو انہوں نے اپنی فلم ‘اے دل ہے مشکل کا عنوان ٹریک گایا. کرن جوہر نےگیت کی پہلی دو لائنوں کو بھی گا کے سنائی ، “تم سفر میرا ہے توہی میری منزل تیرے بغیر گزارا یہ دل ہے مشکل”

ممبئی:(شوبز ڈیسک/ایمرا نیوز) بالی ووڈ کے مزاحیہ اداکار کپل شرما کے دوسرے استقبالیے کی تقریب میں اسٹار جوڑی دپیکا پڈوکون اور رنویر سنگھ سمیت متعدد بالی ووڈ اسٹارز نے شرکت کرکے تقریب کو چار چاند لگادئیے۔کامیڈی کنگ کپل شرما اورگینی چھاتراتھ کے دوسرے استقبالیے کی تقریب گزشتہ روز ممبئی میں منعقد کی گئی ۔

تقریب میں حال ہی میں شادی کے بندھن میں بندھنے والی اسٹار جوڑی دپیکا پڈوکون اوررنویر سنگھ سمیت بالی ووڈ کے دیگر اسٹار ز نے شرکت کی۔استقبالیے کی تقریب میں رنویر سنگھ اور دپیکا پڈوکون نے رقص کرکے تقریب کا مزہ دوبالا کردیا۔ دونوں کے ڈانس کی ویڈیو سوشل میڈیا ر وائرل ہورہی ہے۔

کپل نے اپنے استقبالیے کی تقریب کے لیے بلیک سوٹ کا انتخاب کیا جب کہ ان کی اہلیہ گینی سلور رنگ کے خوبصورت گاؤن میں نظر آئیں۔استقبالیے کی تقریب میں بالی ووڈ اداکارہ کیرتی سونن،اروشی ، اداکارہ ریکھا،روینہ ٹنڈن، فرح خان، امیشا پٹیل ، کرن جوہر، کارتک آریان، انیل کپور، کپل کی ساتھی اداکارہ بھارتی سنگھ، اداکار سہیل خان، سلیم خان، سائنا نہوال، کرشنا ابھیشیک، کاشمیرا شاہ سمیت متعدد اسٹارز نے شرکت کی۔واضح رہے کہ کپل شرما 12 دسمبر کو اپنی دوست گینی چھاتراتھ کے ساتھ جالندھر میں شادی کے بندھن میں بندھے تھے، ان کےپہلے استقبالیے کی تقریب 14 دسمبر کو امرتسر میں منعقد ہوئی تھی جس میں کپل ارو گینی کے دوستوں اورقریبی رشتے داروں نے شرکت کی تھی۔

ممبئی:(شوبز ڈیسک/ایمرا نیوز) بھارتی کرکٹرویرات کوہلی نے اپنی اہلیہ انوشکا شرما کا فلم ’زیرو‘ میں کام کوسراہتے ہوئے تعریفوں کے پل باندھ دیئے۔
بھارتی میڈیا رپورٹس کے مطابق بالی ووڈ اداکارہ انوشکا شرما اورشاہ رخ خان اپنی ریلیز ہونے والی نئی فلم ’زیرو‘ میں مرکزی کردار میں نظرآئے۔ فلم کا تاحال مداحوں کی جانب سے ملا جلا رد عمل سامنے آرہا ہے، کسی کو فلم بہت پسند آئی جب کہ بہت سے مداحوں اورفلم انڈسٹری سے تعلق رکھنے والے پرستاروں نے تنقید کے تیر بھی چلائے۔فلم دیکھ کربھارتی ٹیم کے آل راؤنڈرویرات کوہلی نے اپنی اہلیہ انوشکا شرما کی فلم میں اداکاری کی تعریفوں کے پل باندھ دیئے اورکہا کہ فلم ’زیرو‘ دیکھ کرخوب محظوظ ہوا، فلم میں سب ہی کرداروں نے خوب کام کیا اورخاص طور پر انوشکا شرما نے بھی فلم میں بہترین کام کیا کیونکہ انوشکا کا کردار بہت مشکل تھا۔دوسری جانب بھارتی فلم تجزیہ نگارترن آدرش نے فلم زیروکوناکام قرار دیتے ہوئے کہا کہ ویکینڈ پربھی فلم خاطرخواہ کمائی نہ کرسکی۔ ان کے مطابق فلم نے پہلے روز20 کروڑ، دوسرے روز18 کروڑ جب کہ تیسرے روز 20 کروڑ کا کاروباردیا جو مجموعی طورپر 59 کروڑ رہا۔