Tag bollywood

لاہور (ایمرا نیوز آن لائن) اداکار وگلوکار علی ظفر کی جانب سے میشا شفیع کے خلاف 100 کروڑ روپے کے ہتک عزت کے دعویٰ کی سماعت کے موقع پر گلوکارہ میشا شفیع کی والدہ صباحمید بیان قلمبند کرانے سیشن کورٹ پہنچ گئیں تاہم جج کے رخصت پر ہونے کی وجہ سے سماعت 29 اکتوبر تک ملتوی کردی گئی۔

بتایا گیا ہے کہ گلوکارہ کی والدہ صبا حمید اپنی بیٹی کے حق میں گواہی کیلئے سیشن کورٹ آئیں لیکن ایڈیشنل سیشن جج امجد علی شاہ کے رخصت پر ہونے کے باعث کوئی کارروائی نہ ہو سکی، عدالت نے گواہوں کو آئندہ سماعت پر دوبارہ پیش ہونے کا حکم دے دیا۔

کراچی (میڈیا 92 نیوز آن لا ئن ) فلم سوسائٹی کے بینر تلے پاکستان انٹرنیشنل فلم فیسٹیول کے زیر اہتمام اینیمیشن کے عنوان سے فیسٹیول کا آغاز کردیا گیا ہے۔

اس سلسلے میں فیسٹیول کے پہلے روز ’بلال: نیو بریڈ ہیرو‘، ’ارتھ ہیروز‘ ، ’قائد سے باتیں‘ اور ’اللہ یار اینڈ دی لیجنڈ آف مارخور‘ دکھائی گئیں اور پاکستان میں اینیمیشن کے مستقبل کے حوالے سے ایک سیمینار کا بھی انعقاد کیا گیا۔ اسپیشل اسکریننگ کا آغاز کراچی کے کیپری سینما سے ہوا، جہاں پر کراچی کے مختلف علاقوں سے تعلق رکھنے والے غیر مراعات یافتہ طبقے کے بچوں کو مختلف اینیمیٹڈ فلمیں دکھائی گئیں۔

ان اسکریننگ میں جے ایس اکیڈمی فار دی ڈیف ’تدریس‘ کراچی اسکولز گائیڈ اور دی ینگ پیڈریٹ اسکول کے طلباء نے شرکت کی۔ اسکریننگ میں ڈی جی رینجرز سندھ میجر جنرل عمر بخاری اور کے ایف ایس کی صدر سلطانہ صدیقی نے خصوصی شرکت کی اوربچوں کے جوش کو سراہا۔

اس موقع پر ڈی جی رینجرز سندھ نے بچوں سے خطاب کرتے ہوئے کہا کہ آپ لوگوں میں کچھ پانے کا جذبہ ہونا چاہیے اور اس کے لیے آپ کو دیانت داری سے محنت کرنا ہوگی۔ اس موقع پر انہوں نے اس خواہش کا بھی اظہار کیا کہ مستقبل میں ان ہی بچوں میں سے کوئی ایک ان کی جگہ پر کھڑا ہو اور ان ہی میں اتنے بڑے فلم میکر زسامنے آئیں کہ ان کی فلمیں بچوں کو دکھائی جار ہی ہوں۔

انہوں نے کے ایف ایس کی کاوش کو بھی سراہا۔ پاکستان میں اینیمیشن کے مستقبل کے حوالے سے سیمینار میں شرکاء سی ای او اور کو فائونڈر شارپ امیج امین فاروقی، وردہ اسٹوڈیو کے سی ای او دانیال نورانی، طلسمان اینیمیشن کے بانی اور ڈونکی کنگ کے تخلیق کار عزیز جندانی، بارہ جون انٹرٹینمنٹ اور بلال: آ نیو بریڈ ہیرو کے پروڈیوسر عارف جیلانی، جی ایف ایس کے لیکچر ار علی دینا اور برج اینیمیشن اور وی ایف ایکس کے چیف ایگزیکٹو آصف اقبال نے پاکستان میں اینیمیشن انڈسٹری کو درپیش مسائل پر سیر حاصل گفتگو کی۔

پاکستان انٹرنیشنل فلم فیسٹیول 2019 کا شاندار آغاز
اس سیمینار کی میزبانی ٹک ٹاک کی پروڈیوسر ثنا توصیف نے کی جبکہ مہمان خصوصی وزیر اعلیٰ سندھ کے مشیر برائے انسداد بدعنوانی ’قانون‘ اطلاعات اور اسٹیبلشمنٹ مرتضی وہاب تھے۔

اس موقع پر گفتگو کرتے ہوئے منتظمین نے کہا کہ ہم نے فیسٹیول کا آغاز گزشتہ برس وفاقی اورخصوصاً صوبائی حکومت سندھ کی مدد سے کیا تھا اور اس سال محدود وسائل کے باوجود کے ایف ایس کے تمام ممبران نے فیسٹیول کے انعقاد کا فیصلہ کیا۔اس سال اس فیسٹیول کو اینیمیشن انڈسٹری کے نام کرنے کا مقصد اس شعبے کو پروان چڑھانا ہے۔

ہمارے اینیمٹرز نے محدود فنی وسائل کے باوجود بہترین کام پیش کیا ہے، جو اس بات کا ثبوت ہے کہ اگر اس انڈسٹری کو وسائل فراہم کیے جائیں تو یہ دنیا کی بہترین اینیمٹڈ فلمیں بناسکتے ہیں۔ ہماری حکومت سے یہ درخواست ہے کہ کم سے کم 10سال کے لیے فلم انڈسٹری کو ٹیکس فری کردیا جائے تاکہ انڈسٹری کو پھولنے پھلنے کا موقع مل سکے ۔

اس موقع پر مرتضی وہاب نے کہا کہ ’سندھ حکومت نے کے ایف ایس اور پف کو ماضی میں بھی سپورٹ کیا ہے اور آئندہ بھی کرتے رہیں گے۔ صوبائی حکومت فلم انڈسٹری کی بحالی اور اس کے فروغ کے لیے اپنی حد تک ہر قسم کی سہولت فراہم کرے گی۔

مرتضی وہاب نے کہا کہ فلم انڈسٹری کی ترقی صرف انڈسٹری کے مفاد میں نہیں بلکہ صوبائی حکومت کے لیے بھی بہتر ہے۔ اس انڈسٹری کے ذریعے نہ صرف صوبے کی خوبیوں کو اُجاگر کیا جاسکتا ہے، بلکہ نوجوانوں کو ایک ایسی صنعت کی جانب راغب کیا جاسکتا ہے جس میں ترقی کے بہت روشن امکانات ہیں۔

پاکستان انٹرنیشنل فلم فیسٹیول 2019 کا شاندار آغاز
اس موقع پر مرتضی وہاب نے کے ایف ایس کی کاوشوں کو سراہتے ہوئے کے ایف ایس اور صوبائی حکومت کے درمیان پبلک پرائیوٹ پارٹنر کے قیام کے حوالے سے آمادگی کا اظہار کیا جس کے ذریعے فلم انڈسٹری سے وابستہ نوجوانوں کی تربیت کے ساتھ فلموں کی پروڈکشنز بھی کی جاسکتی ہوں۔

’کراچی فلم سوسائٹی‘ ایک غیر منافع بخش ادارہ ہے، پاکستان انٹرنیشنل فلم فیسٹول اس کی سربراہی میں کام کرتی ہے۔

لاہور(ایمرا نیوز آن لائن)اداکار حمزہ علی عباسی اپنی اہلیہ نیمل خاور کے ساتھ پیرس کے دورے پر ہیں جن کی تصاویر سوشل میڈیا پر وائرل ہیں۔حمزہ علی عباسی نے نیمل خاور سے رواں برس اگست میں شادی کی تھی جس کے بعد دونوں نے پاکستان کے خوبصورت مقامات کی سیر کی اور پھر اسپین چلے گئے۔حمزہ اور نیمل اب پیرس میں موجود ہیں جہاں ان کے سیر سپاٹے جاری ہیں۔نیمل خاور نے گزشتہ دنوں اسپین کے خوبصورت مناظر کی تصاویر انسٹاگرام پر شیئر کیں جسے مداحوں نے پسند کیا اور اب انہوں نے پیرس کے سیر سپاٹوں کی تصویریں بھی پوسٹ کی ہیں۔

نیمل خاور نے فرانس کے شہر پیرس کے تاریخی مقام ایفل ٹاور کے سامنے لی گئی ایک خوبصورت تصویر شیئر کی جس میں دیکھا جاسکتا ہے کہ نیمل ہاتھ میں تالا پکڑی ہوئی ہیں جس پر حمزہ اور ان کا نام لکھا ہوا جب کہ تالے پر دل بھی بنا ہوا ہے جو دونوں کی محبت کا اظہار کرتا ہے۔

اس کے علاوہ انہوں نے اپنی اور حمزہ کی دو تصویریں بھی شیئر کیں جس پر مداحوں نے دونوں کی جوڑی کو بہت پسند کیا۔خیال رہے کہ نیمل خاور نے شادی سے قبل فلم ’ورنہ‘ میں کام کیا تھا جس کے بعد انہوں نے ڈرامہ سیریل ’انا‘ میں اداکاری کے جوہر دکھائے لیکن شادی کے بعد انہوں نے شوبز انڈسٹری کو خیرباد کہہ دیا اور اب وہ اپنے مصوری کے شوق پر متوجہ ہیں۔دوسری جانب جیو ٹی وی پر حمزہ علی عباسی کا ڈرامہ سیریل ’الف‘ قسط وار جاری ہے جسے پرستاروں کی جانب سے خوب پذیرائی موصول ہورہی ہے۔

لاہور(ایمرا نیوز آن لائن)لالی وڈ اداکارہ ماہرہ خان اور فہد مصطفیٰ پہلی بار ایک ساتھ مرکزی کرداروں میں سلور اسکرین پر جلوہ گر ہوں گے۔دونوں اداکار نبیل قریشی کی ہدایتکاری میں بننے والی فلم ’قائد اعظم زندہ باد‘ میں ایک ساتھ نظر آئیں گے۔خیال رہے کہ ماہرہ خان اس سے قبل فلم ’ایکٹر ان لاء‘ میں کیمیو (خصوصی شرکت) کرچکی ہیں اور ان کی فہد مصطفیٰ کے ساتھ بطور مرکزی اداکار پہلی فلم ہے۔

فہد مصطفیٰ فلم ’قائداعظم زندہ باد‘ میں اداکاری کے جوہر دکھائیں گے فلم میں فہد مصطفیٰ کے کردار سے متعلق ہدایتکار نبیل قریشی اپنے انٹرویو میں پہلی ہی بتاچکے ہیں کہ وہ ایک پولیس افسر کے کردار میں نظر آئیں گے۔فلم کی کہانی ایکشن اور کامیڈی پر مبنی ہے جو معاشرے میں بدنام پولیس افسر کے گرد گھومتی ہے اور یہ فلم اگلے سال عیدالاضحیٰ پر ریلیز کی جائے گی۔

اداکارہ ماہرہ خان نے سماجی رابطوں کی ویب سائٹ پر فلم میں فہد مصطفیٰ کے ساتھ کام کرنے کی تصدیق کی ہے۔فلم کو انڈسٹری کی مشہور جوڑی نبیل قریشی اور فضا علی ہی پروڈیوس کرے گی اور یہ جوڑی پہلے ہی کئی سپر ہٹ فلمیں بناچکی ہے جس میں ’نامعلوم افراد‘، ’ایکٹر ان لاء‘، ’نامعلوم افراد 2‘ اور ’لوڈ ویڈنگ‘ شامل ہیں۔

(میڈیا 92 نیوز آن لا ئن) اداکارہ ریشم نے کہا ریما کی نسبت صائمہ اچھی اداکارہ ہیں۔ نجی ٹی وی پر گفتگو کرتے ہوئے انہوں نے کہا کہ اداکارہ ریما اداکارہ کے بجائے ایک اچھی ڈانسر ہیں، ان کاکوئی ایسا کردار یاد نہیں ہے جسے دیکھ کر وہ متاثر ہوئی ہوں۔

ایک سوال پر انہوں نے کہا کہ فلم انڈسٹری کے زوال کے ذمہ دارسب اداکار ہیں اوران کو بھی اپنی کئی فلمیں کرنے پر افسوس ہے ۔ انہوں نے بتایا کہ وہ ٹی وی پر ہمیشہ کام کرنا چاہتی ہیں ۔ محمود بھٹی سے شادی نہ کرنے کی وجہ بتاتے ہوئے انہوں نے کہا کہ وہ پاکستان نہیں رہنا چاہتے تھے اور وہ پاکستان چھوڑنا نہیں چاہتی تھیں۔

لندن(ایمرا نیوز آن لائن)’دی رائز آف اسکائی واکر‘ کا فائنل ٹریلر جاری سائنس فکشن فلم سیریز ’اسٹار وارز‘ فلم کے نویں سیکویل، دی رائز آف اسکائی واکر کافائنل ٹریلر جاری کردیا گیاہے۔’دی رائز آف اسکائی واکر‘میں ڈیزی ریڈلے،

ایڈم ڈرائیور، جان بوئگا، آسکر ایساک، لپیتا نیونگ اور کیلی میری ترن سمیت دیگر اداکار ایکشن میں دکھائی دیں گے جبکہ ولن، پال پٹائین کی واپسی بھی دکھائی گئی ہے۔اسٹار وار سیریز کی پہلی فلم ’دی فورس اویکن2015 میں ریلیز کی گئی تھی جبکہ دوسری فلم ’دی لاسٹ جڈائے‘ 2017 میں ریلیز کی گئی تھی۔اسٹار وارزسیریز کی آخری اور تیسری فلم دی رائز آف اسکائی واکر کو رواں برس 20دسمبر تک ریلیز کیا جائیگا۔

معروف پاکستانی فلمساز و ہدایتکار جامی نے انکشاف کیا ہے کہ پاکستانی میڈیا کی ایک نہایت طاقتور شخصیت نے ماضی میں انہیں بے رحمی سے جنسی زیادتی کا نشانہ بنایا۔ جامی نے سوشل میڈیا پر سلسلہ وار پوسٹس کے ذریعے اس راز سے پردہ اٹھایا۔

اپنے پیغام میں جامی نے بتایا کہ 13 سال گزرنے کے بعد آج خود کو ملامت کرتا ہوں کہ میں نے اس وقت اس شخص کی آنکھیں کیوں نہ نوچ لیں، آج بھی مجھ میں ہمت نہیں کہ میں اس شخص کا نام لے سکوں کیونکہ خود میرے دوست میرا مذاق اڑائیں گے۔

لاہور (ایمرا نیوز آ ن لائن) اداکارہ سارہ خان نے کہا ہے کہ محبت میں ایسا لگتا تھا کہ جسے میں نے پسند کیا ہے وہ مسٹررائٹ ہے تاہم وقت نے میرا فیصلہ غلط ثابت کر دیا اور شادی سے پہلے ہی ہمارے راستے جدا ہو گئے ،اداکارہ نے آغاعلی سے منگنی یاشادی کی خبروں کو رد کردیا ۔

سارہ خان نے ایک انٹرویو میں کہا کہ آغاعلی کومیں نے پسند کیا تھاجو غلط فیصلہ ثابت ہوا، اب میں ارینج میرج کروں گی اور اس حوالے سے بہت جلد اپنے پرستاروں کو سرپرائز دینے والی ہوں۔ میں تو خاندانی انسان سے شادی کرکے گھر بسا لوں گی لیکن مجھے کھو کر آغا علی نے اپنا ہی نقصان کیا ہے ۔

لاہور(ایمرا نیوز آن لائن)معروف اداکار احسن خان فلم چُھپن چُھپائی کے بعد اب مضبوط سماجی پیغام پر مبنی فلم ’پردے میں رہنے دو‘ میں اداکاری کے جوہر دکھائیں گے۔احسن خان پاکستان شوبز انڈسٹری کے بہترین اداکاروں میں سے ایک ہیں اور اب اداکار جلد ہی رومانوی کامیڈی فلم میں پرفارم کرتے نظر آئیں گے۔فلم ’پردے میں رہنے دو‘ کی کہانی رومانوی اور کامیڈی ہوگی جب کہ فلم کے ہدایت کار محسن علی اور پروڈیوسر زید شیخ ہیں، فلم میں اداکار احسن خان مرکزی کردار کی حیثیت سے اداکاری کرتے دکھائی دیں گے۔

اداکار احسن خان کے مطابق ’یہ ایک رومانوی اور کامیڈی فلم تو ہوگی لیکن اس کی کہانی میں ایک بہت بڑا سماجی پیغام بھی چھپا ہوا ہے، اور مجھے لگتا ہے کہ ٹیلی ویژن یا فلم پر اس سے پہلے کبھی بھی اس طرح کے سماجی پیغام کو نہیں چھوا گیا۔‘احسن خان کا کہنا ہے کہ جب ہدایت کار محسن نے مجھے فلم کی کہانی کے بارے میں بتایا تو مجھے یہ بے حد پسند آئی جب کہ فلم کے اسکرپٹ نے میرا دل موہ لیا، مجھے اس فلم کا نظریہ پسند ہے اور مجھے اس میں بہت مزہ آنے والا ہے۔اداکار احسن خان نے سالگرہ کا دن کینسر کے ننھے مریضوں کے نام کر دیا

’ایور ریڈی پکچرز‘ کے بینرز تلے بننے والی فلم ’پردے میں رہنے دو‘ کی مکمل کاسٹ اور ریلیز کے حوالے سے فی الحال کوئی اعلان نہیں کیا گیا ہے۔اداکار کا کہنا ہے کہ فلم کی مکمل کاسٹ کا جلد اعلان کیا جائے گا جب کہ فلم کی عکس بندی چند ماہ بعد شروع کی جائے گی۔یاد رہے کہ اداکار احسن خان کو سلور اسکرین پر آخری مرتبہ 2017 میں ایک کامیڈی تھرلر فلم ’چھپن چھپائی‘ میں دیکھا گیا تھا جس میں ان کے مدمقابل خوبرو اداکارہ نیلم منیر تھیں۔

’ڈرامہ ’الف‘ ٹیلی ویژن کے استعمال کی مثال قائم کرے گا‘ اداکار احسن خان فلم ‘پردے میں رہنے دو’ کے علاوہ اداکارہ عائشہ عمر کے ساتھ فلم ’رہبرا‘ میں بھی جلد نظر آئیں گے۔واضح رہے کہ اداکار احسن خان حال ہی میں نشر کیے جانے والے جیو ٹی وی کی ڈرامہ سیریل ’الف‘ میں بھی معاون کردار کرتے دکھائی دے رہے ہیں جنہیں مداحوں کی جانب سے بے حد پسند کیا جا رہا ہے۔

امریکہ(ایمرا نیوز آن لائن)امریکی گلوکارہ لیڈی گاگا پرفارمنس کے دوران اسٹیج سے نیچے آگریں۔غیر ملکی میڈیا کے مطابق لیڈی گاگا کا لاس ویگاس میں کنسرٹ جاری تھا کہ اس دوران انہوں نے ایک مداح کو اسٹیج پر مدعو کیا جس نے گلوکارہ کو اٹھانے کی کوشش کی لیکن وہ اس دوران توازن برقرار نہ رکھ سکا اور لیڈی گاگا کو لے کر اسٹیج سے نیچے گر گیا۔اس حوالے سے ٹوئٹر پر پوسٹ کی جانے والی ایک ویڈیو میں دیکھا جاسکتا ہےکہ اسٹیج پر آنے والے شخص نے لیڈی گاگا کو گود میں اٹھایا

اور اچھل کود کرنے کی کوشش کی تاہم اس دوران گلوکارہ اور ان کا مداح دونوں ہی اپنا توازن کھو بیٹھے اور اسٹیج کے کنارے عوام میں جاگرے۔میڈیا رپورٹ کے مطابق واقعے کے بعد گلوکارہ کے کندھے کے پٹھوں میں تکلیف ہوگئی تاہم وہ واقعے کے فوری بعد دوبارہ اسٹیج پر آگئیں۔حادثے سے متعلق بات کرتے ہوئے لیڈی گاگا نے کہا کہ سب کچھ ٹھیک ہے اور یہ پہلی بار نہیں کہ وہ اسٹیج سے گری ہیں۔