Tag Brazil

ممبئی:(شوبز ڈیسک/ایمرا نیوز) دنگل اسٹار فاطمہ ثنا شیخ نے انکشاف کرتے ہوئے کہا ہے کہ بالی ووڈ کنگ شاہ رخ خان ان کی پہلی محبت ہیں اوربچپن میں وہ ان کے لیے روتی تھیں۔لاکھوں لڑکیوں کے دلوں پر حکمرانی کرنے والے بالی ووڈ کنگ شاہ رخ خان اداکارہ فاطمہ ثنا شیخ کے دل میں بھی بستے ہیں جس کا انکشاف انہوں نے حال ہی میں دیئے گئے انٹرویو میں کیا، فاطمہ نے شاہ رخ خان کے ساتھ 17 سال قبل فلم ’ون ٹو کا فور‘میں بطور چائلڈ آرٹسٹ کام کیاتھا اور اسی فلم کے دوران انہیں کنگ خان سے محبت ہوگئی تھی۔

فاطمہ نے کہا میں اتنی آسانی سے کسی کو پسند نہیں کرتی لیکن شاہ رخ خان کا معاملہ الگ ہے، جب مجھے فلم ’ون ٹوکا فور‘ کےدوران پہلی بار پتہ چلا کہ شاہ رخ خان شادی شدہ ہیں اور ان کی بیوی ہے یہ جان کر میرا دل ٹوٹ گیا اور میں بہت روئی، تاہم پہلی محبت پہلی محبت ہوتی ہے مجھے کوئی فرق نہیں پڑتا کہ کس سے ہوئی ہے میں آج بھی شاہ رخ خان کے ساتھ رومینس کرنا چاہتی ہوں۔واضح رہے کہ بھارتی میڈیا میں ان دنوں فاطمہ ثنا شیخ اورعامر خان کے درمیان نزدیکیوں کی خبریں گردش کررہی ہیں تاہم فاطمہ نےان خبروں کی تردید کرتے ہوئے انہیں افواہیں قراردیا ہے۔

لاہور(نیٹ نیوز/ایمرا نیوز) وزیر اعظم عمران خان نے سماجی رابطہ ویب سائٹ ٹوئٹر پر ایک تصویر شیئر کرتے ہوئے کہا کہ یہ تصویر ہزار الفاظ سے زیادہ قیمت رکھتی ہے ۔وزیراعظم عمران خان نے ٹوئٹر پر وزیراعلیٰ پنجاب سردار عثمان بزدار کی تصویر شیئر کی ہے جس میں وہ عام لوگوں کے ساتھ بیٹھے اُن کے مسائل سنتے ہوئے دکھائی دے رہے ہیں۔

یہ ہے نیا پاکستان۔ ایک جھلک، ایک تصویر جو ہزاروں الفاظ پر بھاری ہے۔ pic.twitter.com/3HccYbqveS

— Imran Khan (@ImranKhanPTI) December 27, 2018

وزیراعظم عمران خان نے تصویر کے ساتھ لکھا ’ یہ ہے نیا پاکستان ‘۔واضح رہے سردار عثمان بزدار کے بارے میں کہا جاتا ہے کہ وہ ایک سادہ طبیعت کے مالک ہیں، ایک بار عمران خان نے بھی سردار عثمان بزدار کے بارے میں کہا تھا کہ وزیراعلیٰ بادشاہ ہوتا ہے، جسے عثمان بزدار نے ختم کیا۔ان کو وزیراعلیٰ پنجاب بنانے کا فیصلہ میرا اپنا تھا۔اسی حوالے سے عثمان بزدار کی یہ تصویر سوشل میڈیا پر وائرل ہوئی جو ان کی سادگی کا منہ بولتا ثبوت ہے۔تصویر میں دیکھا جا سکتا ہے کہ عثمان بزدار نا صرف غریب لوگوں کے مسائل سن رہے ہیں بلکہ انہوں نے سائلین کو اپنے ساتھ نشست پر بٹھایا ہوا ہے۔

کراچی(نیٹ نیوز/ایمرا نیوز) وفاقی وزیر اطلاعات فواد چوہدری نے کہا ہے کہ حکومت نے سابق صدر آصف زرداری کانام ای سی ایل میں ڈالنے کا فیصلہ کر لیا۔وفاقی وزیر اطلاعات فواد چوہدری نے اسلام آباد میں پریس کانفرنس کرتےہوئے کہا ہے کہ کابینہ کا فیصلہ ہے جے آئی ٹی کی رپورٹ میں شامل 172 افراد کے نام ای سی ایل میں ڈالے جائیںگے جن میں آصف زرداری ، ان کی بہن فریال تالپور اور وزیر اعلیٰ سندھ مراد علی شاہ کانام ای سی ایل میں ڈالا جائے گا۔ امید ہے اب آصف زرداری اس جے آئی ٹی کو سنجیدگی سے لیں گے۔انہوں نے کہا کہ جے آئی ٹی رپورٹ میں بتایا گیا کہ منی لانڈرنگ کے لیے حکومت کا استعمال کیا گیا، جن لوگوں کو ابھی بھی سنجیدگی کا احساسنہیں ہورہا انہیں آنے والے دنوں میں ہوجائے گا۔انہوں نے کہا کہ کابینہ نے آج کراچی کی صورتحال پر بھی غور کیا ، واقعات سے پتہ چلتا ہے کہ کراچی میں کچھ گینگ دوبارہ متحرک ہوئے ہیں ،کراچی کا امن پاکستان کی معیشت سے جڑا ہوا ہے، کا بینہ کوتشویش ہے کہ نفرت انگيز تقریر پر برطانوی حکومت نے اب تک کو ئی ایکشننہیںلیا ،۔وفاقی وزیر نے کہا کہ ان معاملات کو برطانوی حکومت کے سامنے اٹھایاجائے گا ،ساؤتھ افریقن گینگ کراچی میں متحرک ہیں۔جہاں سے یہ بیٹھ کر کارروائیاں کررہے ہیں ، ان پر جنوبی افریقا کی حکومت کے سامنے بھی معاملہ اٹھایاجائے گا ۔انہوں نے کہا کہ کراچی ميں لگائے گئے کیمروں کے نظام میں خامی ہے ، یا تو کیمرے کام نہيں کررہے یا شناخت نہیں کررہے ، کیمروں کی تنصیب پر کروڑوں روپے خرچ ہوئے ، ان کی تحقیقات کی ضرورت محسوس کی گئی ہے۔

لاہور(نیٹ نیوز/ایمرا نیوز) قائد حزب اختلاف اور مسلم لیگ ن کے صدر شہباز شریف کا منسٹرانکلیو میں ڈاکٹروں کی تین رکنی ٹیم نے طبی معائنہ مکمل کر لیا۔ذرائع کے مطابق پمز اسپتال کا 3 رکنی میڈیکل بورڈ شہباز شریف کی صحت اور علاج کے حوالے سے مطمئن ہے اور اس نے ایم آرآئی سمیت کچھ نئےٹیسٹ بھی تجویزکیے ہیں۔ذرائع کا یہ بتانا ہے کہ میڈیکل بورڈ نے شہباز شریف کے بعض ٹیسٹ نجی لیبارٹریز سے کرائے جانے کا فیصلہ کیا ہے۔واضح رہے کہ شہبازشریف نے گزشتہ روز طبی معائنہ کے دوران کمر میں شدید درد کی شکایت کی تھی۔

گڑھی خدا بخش(نیٹ نیوز/ایمرا نیوز) شہید بے نظیربھٹو کی گیارہویں برسی کے موقع پر کارکن اپنی محبوب رہنما کے مزار پر حاضری دے رہے ہیں۔گڑھی خدا بخش میں پاکستان پیپلزپارٹی کے جلسے کی تیاریاں مکمل کرلی گئی ہیں جس سے پارٹی کے چیئرمین بلاول بھٹو زرداری اور سابق صدر آصف علی زرداری خطاب کریں گے۔شہید بے نظیر بھٹو کی گیارہویں برسی میں شرکت کے لیے ملک بھر سے کارکن قافلوں کی شکل میں لاڑکانہ پہنچ رہے ہیں جہاں ان کی منزل گڑھی خدابخش بھٹو میں اپنی محبوب قائد کا مزار ہے۔

گڑھی خدا بخش بھٹو میں مزار کے احاطے میں جلسےکے انتظامات کیے گئے ہیں، جہاں لیڈیز پولیس اور کمانڈوز سمیت 7ہزار پولیس اہلکارسیکیورٹی کے فرائض انجام دے رہے ہیں۔کارکنوں کی سہولت کے لیے لاڑکانہ شہر میں مختلف مقامات پر کیمپس لگائے گئے ہیں اور پاکستان پیپلز پارٹی کے رہنماؤں کی تصاویر آویزاں کی گئی ہیں۔لاڑکانہ شہر اور جلسہ گاہ کے اطراف پارٹی ترانے بجائے رہے ہیں، کارکنوں کے لیے لنگر کا بھی اہتمام کیا گیا ہے۔جلسے کا باقاعدہ آغاز دوپہر کے بعد ہو گا، تلاوت قرآن پاک کے بعد مشاعرہ ہو گا جس میں پاکستان پیپلز پارٹی کے شہید رہنماؤں اور کارکنوں کو ان کب خدمات پر خراج عقیدت پیش کیا جائے گا۔شام 4بجے سابق صدر آصف علی زرداری، بلاول بھٹو زرداری، شیریں رحمان، قمر زمان کائرہ، نثار کھوڑو، چوہدری منظور، اعتزاز احسن سمیت دیگر رہنما جلسے سے خطاب کریں گے۔

لاہور(نیٹ نیوز/ایمرا نیوز) وزیر ریلوے شیخ رشید احمد نے مسلم لیگ کے رہنما رانا ثنا اللہ پر تنقید کرتے ہوئے انہیں بدبودار آدمی کہہ دیا اور کہا کہ ان سے متعلق بات کرنے کے لیے رومال ساتھ رکھنا ضروری ہے۔لاہور میں پریس کانفرنس کرتے ہوئے شیخ رشید نے کہا کہ چیف جسٹس نے رائل پام کےحوالےسے تاریخی فیصلہ کیا ہے، ریلوے کی زمین نہ فروخت جاسکے گی اور نہ ہاؤسنگ اسکیم بنے گی۔ان کا کہنا تھا کہ شہبازشریف کو چیئرمین پبلک اکاؤنٹس کمیٹی بنانا آئین وقانون کے منافی ہے اور اس معاملے پر میں سپریم کورٹ جانے کا سوچ رہا ہوں کیونکہ یہ عہدہ ایک وفاقی وزیر کی حیثیت میں ہے اور اگر انہوں نے چیئرمین نیب یا ڈی جی ایف آئی اے کو بلایا تو وہ انہیں سلیوٹ ماریں گے۔شیخ رشید نے کہا کہ ہم ریلوے میں موجود کالی بھیڑوں کا خاتمہ کریں گے، نواز شریف کو کرپشن پر 7 سال کی سزا ہوئی ہے اگر میں نے کرپشن کی تو مجھے 14 سال کی ہونی چاہیے۔کراچی سرکلر ریلوے کے حوالے سے بات کرتے ہوئے شیخ رشید نے کہا کہ متبادل جگہ کا انتظام کرنے کے لیے لوگوں کو 25 دن کا نوٹس دے دیا ہے، متعلقہ لوگوں کو خبردار کرتا ہوں ریلوے کی زمین دینے کو تیار ہیں، سندھ حکومت ان کو آباد کرے، اس وقت سرکلر ریلوے کی زمین خالی نہ ہوئی تو کبھی نہیں ہوسکے گی۔ان کا کہنا تھا کہ عمران خان وقت کی ضرورت ہیں وہ ایک ایسے وقت پر آئے ہیں جب کرپشن سے پاک شخص کی ضرورت تھی۔دوران پریس کانفرنس وزیرریلوے نے پیشگوئی کی کہ 2019 دنیائے سیاست کے لیے اہم ترین سال ہے، نریندر مودی کو 5 ریاستوں میں شکست ہوئی ہے وہ اب 2019 میں پاکستان کی سرحد پر سرجیکل اسٹرائیک کرسکتا ہے۔

لندن(نیٹ نیوز/ایمرا نیوز) برطانوی شاہی خاندان کے نئے رکن کی آمد کا سب کو انتظار ہے۔ایسے میں ڈچز آف سسیکس میگھن نے اس طرف ایک اشارہ تو کر ہی دیا۔شاہی محل سے جب میگھن کےحاملہ ہونے کا اعلان کیا گیا تو ساتھ ہی یہ بھی بتایا گیا کہ ننھا مہمان 2019 میں موسم بہار میں آئے گا مگر اب لوگ بچے کی پیدائش کی ممکنہ تاریخ معلوم کرنے کے لئے بے چین ہو گئے۔کرسمس کے موقع پر’سالانہ واک‘ پر شاہی خاندان اکٹھا ہو ا تو اس بڑی خبر کے بارے میں لوگوں نے سوال کیا ۔ میگھن نے اشارہ دیتے ہوئے کہا کہ ’بچے کی پیدائش بہت جلد ہونے والی ہے‘۔وہاں موجود ایک فوٹو گرافر اینول نے اس یاد گار لمحےکو کیمرے میں قید کیا اور اپنے اور میگھن کے درمیان ہونے والی بات چیت کی ویڈیو بنا کر سوشل میڈیا پر شیئر کی۔فوٹو گرافر نے میگھن سے کی گئی گفتگو کے بارے میں بتاتے ہوئے کہا کہ میگھن نے مجھ سے کہا کہ’ بہت کم وقت رہ گیا ہے،انہوں نے مزید کہا کہ شاید یہ خوشخبری فروری میں ملے۔

سینچورین(سپورٹس ڈیسک/ایمرا نیوز) پاکستان کے خلاف پہلے ٹیسٹ میں میزبان جنوبی افریقا اپنی پہلی اننگز میں 223 رنز بنا کر آوٹ ہوگئی اور اس کو پاکستان کے اسکور 181 رنز پر 42 رنز کی برتری حاصل ہے۔آج آوٹ ہونے والے پہلے کھلاڑی ڈیل اسٹین تھے جو 146 کے مجموعی اسکور پر محمد عامر کا شکار بنے، اس کے بعد 170 کے مجموعی اسکور پر تو ٹیمبا باووما 53 رنز بنا کر آؤٹ ہوئے۔جنوبی افریقا کی آٹھویں گرنے والی وکٹ مہاراج کی تھی جنہیں حسن علی نے 4 کے انفرادی اسکور پر پویلین کی راہ دکھائی۔ اس کے تھوڑی ہی دیر بعد شاہین آفریدی نے ربادا کو ڈریسنگ روم کی راہ دکھائی۔جنوبی افریقا نے دوسرے روز اپنی اننگ 127 رنز 5 کھلاڑی آؤٹ سے دوبارہ شروع کی تو ٹیمبا باووما 38 اور ڈیل اسٹین 13 رنز کے ساتھ کریز پر موجود تھے ، جبکہ جنوبی افریقا کو پاکستان کی پہلی اننگ کا اسکور برابر کرنے کے لیے مزید 54 رنز درکار ہیں اور اس کی 5 وکٹیں ابھی باقی ہیں۔پاکستان کی جانب سے محمد عامر اور شاہین شاہ آفریدی 2،2 جب کہ حسن علی نے ایک کھلاڑی کو پویلین کی راہ دکھائی۔سینچورین ٹیسٹ کے پہلے روز پاکستان کی پوری ٹیم 181 رنز بنا کر آؤٹ ہوگئی تھی اور بابر اعظم 71 رنز کی ذمہ دارانہ اننگز کے ساتھ نمایاں تھے۔پاکستان ٹیم اب تک جنوبی افریقا میں کوئی ٹیسٹ سیریز اپنے نام نہیں کرسکی اور گزشتہ 10 سال کے دوران پاکستان نے پروٹیز سرزمین پر کوئی ٹیسٹ میچ نہیں جیتا۔

دبئی(نیٹ نیوز/ایمرا نیوز) اماراتی عدالت نے منشیات سمگلنگ کے جرم میں پاکستانی شہری کو 10 برس قید اور بھاری جرمانے کی سزا سنا دی۔تفصیلات کے مطابق متحدہ عرب امارات کی ریاست دبئی کی عدالت نے 1.35 کلو ہیروئن شارجہ سمگل کرنے کے جرم میں سمگلر کو قید کی سزا سنائی۔یاد رہے کہ گزشتہ پانچ سالوں میں سعودی عرب میں مختلف مقدمات میں 62 پاکستانیوں کے سر قلم کیے گئے ہیں۔

ممبئی(شوبز ڈیسک/ایمرا نیوز) بھارت کے معروف سینئر اداکار نصیر الدین شاہ نے بھارت میں جاری اپنے خلاف تنقید پر کہا ہے کہ ’ جو کچھ کہا تھا، اس پر با لکل بھی افسوس نہیں ہے‘چند روز قبل بھارتی معاشرے پر کڑی تنقید کرنے پر نصیر الدین شاہ کو غدار کہا جا رہا ہے۔اس بارے میں جب ان سے سوال کیا گیا تو انہوں نے اپنا دفاع کرتے ہوئے کہا کہ ’میں اپنے کہے گئے الفاظ واپس نہیں لوں گا۔‘واضح رہے نصیر الدین شاہ نے ایک ویڈیو بیان میں کہا تھا کہ ’بھارت میں انتہا پسندی کا ’زہر ‘پھیل چکا ہے جسے اب قابو کرنا مشکل ہے۔یہاں گائے کے کاٹنے پر تو ایکشن ہو تا ہےمگر ایک انسان قتل کر دیا جائے تو کوئی پوچھنے والا نہیں ہوتا۔ ‘جس کے بعد انتہا پسند ہندو جماعتوں نے ان کو غدار قرار دیتے ہوئے دھمکانا شروع کردیا۔ بھارتی میڈیاکو انٹرویو دیتے ہوئے انہوں نے کہا کہ مجھے غدار کہنے کے علاوہ اور بھی بہت سی چیزیں ہیں جو مجھ سے منسوب کی گئیں ۔بھارت کے نام نہاد سیکولرازم کو بے نقاب کرنے والے معروف اداکار نصیرالدین شاہ کو اجمیر لٹریچر فیسٹیول کا افتتاح کرنے سے بھی جبری طور پر روک دیا گیا تھا۔