Tag Canada

تہران(ایمرا نیوز آن لائن) ایرانی وزیرخارجہ جواد ظریف نے عہدے سے استعفیٰ دے دیا۔ غیر ملکی خبر رساں ادارے کے مطابق ایرانی وزیرخارجہ جواد ظریف نے عہدے سے مستعفی ہونے کا اعلان کردیا۔ جواد ظریف نے اپنی خدمات مزید جاری رکھنے سے معذرت کی ہے تاہم ان کے استعفے کی وجوہات سامنے نہیں آسکیں۔واضح رہے جواد ظریف کا عالمی طاقتوں کے ساتھ 2015 کے جوہری معاہدے میں اہم ترین کردار رہا لیکن امریکی صدر ڈونلڈ ٹرمپ کی جانب سے امریکا کی شراکت کے خاتمے کے بعد اس معاہدے کا مستقبل غیر یقینی صورتحال کا شکار ہوگیا ہے.

بھارت کو خبردار کرتا ہوں کہ ہمیں مت للکارو ورنہ تمہیں منہ کی کھانی پڑے گی،قوم کو گھبرانے کی ضرورت نہیں کیونکہ ملک کے محافظ کسی بھی قسم کی جارحیت کا جواب دینے کے لیے ہر گھڑی تیار ہیں، شاہ محمود قریشی کی میڈیا سے گفتگو
اقوام متحدہ کو بھارتی فضائیہ کی دراندازی کی کوششوں کاسخت نوٹس لینا چاہیے: گورنر پنجاب
اسلام آباد (ایمرا نیوز آن لائن)وزیر خا رجہ شاہ محمود قریشی نے کہا کہ بھارت نے لائن آف کنٹرول کی خلاف ورزی کرتے ہوئے پاکستان کے خلاف جارحیت کی اور پاکستان جواب دینے کا حق رکھتا ہے۔ وزارت خارجہ میں اہم اجلاس کے بعد میڈیا سے گفتگو میں انہوں نے نے بھارتی فضائیہ کی جانب سے لائن آف کنٹرول کی خلاف ورزی کی شدید الفاظ میں مذمت کرتے ہوئے کہا ہے کہ پاک فوج ملک کے دفاع کے لیے ہر دم تیار ہے اور بھارت کو منہ کی کھانی پڑے گی۔واضح رہے کہ بھارتی ایئرفورس کے طیاروں نے لائن آف کنترول کی خلاف ورزی کرتے ہوئے آزاد کشمیر کے علاقے میں دراندازی کی کوشش کی تھی، جس پر پاک فضائیہ نے بروقت ردعمل عمل دیتے ہوئے دشمن کے طیاروں کو بھاگنے پر مجبور کردیا تھا۔وزیر خارجہ شاہ محمود قریشی نے بھارتی دراندازی کے بعد جاری بیان میں کہا کہ بھارت میں انتخابات کے باعث خطے کا امن تباہ ہو رہا ہے اور وہ مستقل پاکستان کو تنہا کرنے کی دھمکیاں دے رہا ہے۔انہوں نے کہا کہ میں نے گزشتہ شب بھی کہا تھا کہ قوم کو گمراہ نہیں کروں گا، لہٰذا میں واضح کردوں کہ پاکستان پر خطرات کے بادل منڈلا رہے ہیں اور ملک کو تیار رہنا ہوگا۔تاہم انہوں نے واضح کیا کہ قوم کو گھبرانے کی ضرورت نہیں کیونکہ ملک کے محافظ کسی بھی قسم کی جارحیت کا جواب دینے کے لیے ہر گھڑی تیار ہیں۔شاہ محمود قریشی کا کہنا تھا کہ بھارت کے مقاصد اور عزائم کو سمجھنا ہوگا کیونکہ ان کی حکمت عملی ہے کہ وہ پاکستان کو سفارتی طور پر تنہا کرے۔ان کا کہنا تھا کہ ہم نے دہشت گردی کی بھاری قیمت ادا کی ہے اور ہم امن سے رہنا چاہتے ہیں، اسی لیے بھارت کو خبردار کرتا ہوں کہ ہمیں مت للکارو ورنہ تمہیں منہ کی کھانی پڑے گی۔وزیر خارجہ نے کہا کہ پاک فوج ملک کے دفاع کے لیے ہر دم تیار ہے اور وہ پاکستان کے چپے چپے کا دفاع کرنے کی صلاحیت اور اپنے دفاع کا حق رکھتے ہیں۔انہوں نے پڑوسی ملک کو مخاطب کرتے ہوئے کہا کہ وہ ہوش کے ناخن لے اور پاکستان کو چیلنج نہ کرے ورنہ اسے منہ کی کھانی پڑے گی۔ادھر گورنر پنجاب چوہدری محمد سرور نے اپنے بیان میں کہا ہے کہ اقوام متحدہ کو بھارتی فضائیہ کی دراندازی کی کوششوں کاسخت نوٹس لینا چاہیے۔گور نر پنجاب نے کہا کہ پاکستانی شاہینوں نے دشمن کو ہمیشہ کی طرح منہ توڑ جواب دیا، آج ملکی دفاع کے لیے پوری قوم افواج پاکستان اور حکومت کے ساتھ کھڑی ہے.

لاہور(ایمرا نیوزآن لائن) میٹرو بسوں میں تصادم سے متعلق ابتدائی تحقیقاتی رپورٹ وزیراعلیٰ کو پیش کردی گئی، ماس ٹرانزٹ اتھارٹی نے حادثے کی ابتدائی رپورٹ تیار کر کے وزیراعلیٰ کو پیش کر دی ہے۔ شاہدرہ جانے والی ایم 60 میٹرو بس لین سے ہٹ کر چل رہی تھی۔ حادثہ یوحنا آباد اور دلو خورد میٹرو سٹیشن کے درمیان پیش آیا۔ واضح رہے یہ خوفناک حادثہ کل پیش آیا تھا۔ جس کے نتیجے میں ایک خاتون جاں بحق ہوگئی تھی،اور 15 افراد زخمی ہوگئے تھے جن میں سے 10 افراد کی حالت تشویش ناک ہے.

اسلام آباد(ایمرا نیوزآن لائن) پاک فوج کے ترجمان میجر جنرل آصف غفور کے مطابق بھارتی ایئر فورس نے لائن آف کنٹرول کی خلاف ورزی کی ہے۔میجر جنرل آصف غفور کا کہنا تھا کہ پاک فضائیہ کے طیاروں کی فوری اور بروقت پروازوں کے باعث بھارتی طیارے واپس جانے پر مجبور ہوگئے۔

Indian Air Force violated Line of Control. Pakistan Air Force immediately scrambled. Indian aircrafts gone back. Details to follow.

— DG ISPR (@OfficialDGISPR) February 25, 2019

ترجمان پاک فوج کے مطابق بھارتی طیاروں نے مظفر آباد سیکٹر سے دراندازی کی کوشش کی اور طیارے آزاد جموں و کشمیر میں تین سے چار میل تک داخل ہوئے۔

Indian aircrafts intruded from Muzafarabad sector. Facing timely and effective response from Pakistan Air Force released payload in haste while escaping which fell near Balakot. No casualties or damage.

— DG ISPR (@OfficialDGISPR) February 26, 2019

بھارتی طیاروں کو پاک فضائیہ کے بروقت اور موثر جواب کا سامنا کرنا پڑا۔انہوں نے مزید کہا کہ بدحواس بھارتی طیارے اپنا پے لوڈ بالاکوٹ کے قریب گرا کر بھاگ کھڑے ہوئے جبکہ واقعہ میں کوئی جانی یامالی نقصان نہیں ہوا۔
https://twitter.com/OfficialDGISPR/status/1100251560985145346

Read More

اسلام آباد(ایمرا نیوزآن لائن رپورٹ اظہر محمود سے) وزیرخارجہ شاہ محمود قریشی نے وزارت خارجہ میں ہنگامی اجلاس طلب کرلیا۔بھارتی ایئر فورس نے لائن آف کنٹرول کی خلاف ورزی اور بالاکوٹ میں ‘پے لوڈ گرانے کے واقعے کے بعد دفترخارجہ میں ہنگامی اجلاس طلب کرلیا گیا۔وزیر خارجہ شاہ محمود قریشی نے وزارتِ خارجہ میں ہنگامی اجلاس طلب کیا ہے جس میں سابق خارجہ سیکرٹریز اور سینیئر سفارت کار شرکت کریں گے۔ذرائع کے مطابق وزارت خارجہ میں اجلاس موجودہ صورتحال پر مشاورت کےلیے طلب کیا گیا ہے۔واضح رہے کہ بھارتی ایئر فورس کی جانب سے لائن آف کنٹرول سے پاکستانی حدود میں دراندازی کی کوشش کی گئی جس کے بعد پاک فضائیہ کی بروقت اور مؤثر کارروائی کے بعد بھارتی طیارے فرار ہوگئے۔ترجمان پاک فوج میجر جنرل آصف غفور کے مطابق بھارتی طیاروں نے مظفر آباد سیکٹر سے دراندازی کی کوشش کی اور بھارتی طیارے اپنے نصب ہتھیار بالاکوٹ کے قریب گرا کر فرار ہوگئے۔

لاہور(ایمرا نیوزآن لائن رپورٹ عمر خالد سے) لاہورکے علاقے علامہ اقبال ٹاؤن میں ایک گھر میں آگ لگنے سے میاں بیوی جاں بحق ہو گئے۔ریسکیو ذرائع کے مطابق علامہ اقبال ٹاؤن نظام بلاک میں واقع ایک گھر میں گیس ہیٹر سے کمرے میں اچانک آگ لگ گئی جس کے نتیجے میں کمرے میں سوئے ہوئےمیاں بیوی جھلس کر جاں بحق ہو گئے۔اطلاع ملنے پر ریسکیو عملہ موقع پر پہنچ گیا اور دوران آپریشن دونوں کی جھلسی ہوئی لاشوں کو نکال کر اسپتال منتقل کر دیا۔جاں بحق ہونے والوں میں 37 سالہ منظور اور 32 سالہ نازیہ شامل ہیں۔حادثہ کے وقت منظور کے 5بچے جن میں چار بیٹیاں اور ایک بیٹا دوسرے کمرے میں سوئے ہوئے تھے جس کے باعث وہ بچ گئے۔

اسلام آباد (ایمرا نیوز آن لائن)صوبہ خیبرپختونخوا کے تمام نجی اور سرکاری ہسپتالوں کے سربراہوں کو ہدایت کی گئی ہے کہ وہ متعلقہ ہسپتالوں میں کم از کم 60 بستر خالی رکھیں تاکہ ایمرجنسی کی صورت میں کبھی مشکل نہ پیش آئے ۔ اعلیٰ حکام سے جاری ایک اعلامیہ مہیں کہا گیا ہے کہ قومی کاز کے تحت تمام ہسپتالوں کے سربراہ اپنے اپنے ہسپتالوں میں 25 فیصد یا 60 بستر ہر وقت خالی رکھیں تاکہ ہنگامی صورت حال میں مسائل کا سامنا نہ کرنا پڑے ۔ صوبے کے تمام نجی اور سرکاری ہسپتالوں کو ہدایت کی گئی ہے کہ وہ عملدرآمد کی رپورٹ متعلقہ حکام کو فراہم کریں تاکہ فیصلہ پر عملدرآمد کو ہر حال میں یقینی بنایا جا سکے ۔کے پی کے ایک ایسا صوبہ ہے جہاں آئے روز دہشتگردانہ واقعات رونما ہو رہے ہین جبکہ ضرورت کے وقت سرکاری اور نجی ہسپتالوں میں مریض کے رش کے باعث مسائل دیکھنے پڑتے ہین اس لئے متعلقہ حکام نے اس کا نوٹس لے لیا ہے اور تمما صوبے کے نجی اور سرکاری ہسپتالوں کے سربراہوں کو ہدایت کی گئی ہے کہ ہسپتال کے اندر 60 بستر یا 25 فیصد بستر ہر وقت خالی رکھیں تاکہ ہنگامی حالات میں مسائل نہ دیکھنا پڑیں ۔( جاوید)

دونوں وزرائے خارجہ کا باہمی روابط کی موجودہ سطح پراظہار اطمینان ، پاک بھارت کشیدہ صورتحال پر بھی تبادلہ خیال
پاکستان خطے میں امن اور ہمسایہ ممالک کے ساتھ برابری کی بنیاد پر خوشگوار تعلقات کا خواہاں ہے،وزیرخارجہ شاہ محمود قریشی
اسلام آباد (آن لائن) وزیرخارجہ شاہ محمود قریشی نے جرمن ہم منصب ہیکو ماس کوٹیلیفون کیا ہے اور انہیں پاک بھارت تنا سے متعلق صورتحال سے آگاہ کیا. گفتگو میں دونوں وزرائے خارجہ نے باہمی روابط کی موجودہ سطح پر اطمینان کا اظہار کیا اور پہلے سے موجود دوستی اور باہمی جذبہ خیر سگالی کو مضبوط سیاسی اور معاشی شراکت داری میں ڈھالنے پر آمادگی ظاہر کی۔،وزارت خارجہ کی جانب سے جاری کردہ بیان میں کہا گیا ہے کہ وزیرخارجہ شاہ محمود قریشی نے جرمن ہم منصب ہیکو ماس کوٹیلیفون کیا اورانہیں دورہ جرمن وزیر خارجہ کو پاک بھارت کشیدہ صورتحال سے آگاہ کیا۔ وزیرخارجہ نے کہا کہ پلوامہ واقعہ کے بعد امن وامان کی صورتحال انتہائی گھمبیرہوچکی ہے، مقبوضہ جموں وکشمیرمیں صورتحال انتہائی مخدوش ہے۔ شاہ محمود قریشی نے کہا کہ جرمن اور پاکستان کے مابین دیرینہ دوطرفہ دوستانہ مراسم ہیں۔ شاہ محمود قریشی نے جرمن کواس ضمن میں اپنا موثرکردارادا کرنے کی درخواست کی کہ بین الاقوامی برادری اپنا کردار ادا کرے. انہوں نے کہا کہ پاکستان خطے میں امن کا خواہاں ہے اور ہمسایہ ممالک کے ساتھ برابری کی بنیاد پر خوشگوار تعلقات کا خواہاں ہے. جرمن وزیر خارجہ نے امن سلامتی اور دہشتگردی کے خاتمے جنگ میں پاکستان کے کردار کی تعریف کی. اس سے قبل وزیرخارجہ شاہ محمود قریشی نے جاپانی ہم منصب سے بات چیت کی۔واضح رہے کہ پاکستان اور بھارت کے درمیان موجودہ صورتحال کے پیشِ نظر وزیرخارجہ شاہ محمود قریشی نے دورہ جاپان منسوخ کر دیا۔ترجمان دفتر خارجہ کے مطابق وزیر خارجہ کو 24 سے 27 فروری تک جاپان کا اہم دورہ کرنا تھا اور اس کے دوران ان کی جاپانی وزیراعظم سمیت اہم شخصیات سے ملاقات طے تھی۔دفتر خارجہ کا مزید کہنا تھا کہ دورہ منسوخ کرنے کا فیصلہ جاپانی حکام سے مشاورت کے بعد کیا گیا، دورے کا نیا شیڈول باہمی مشاورت سے بعد میں جاری کیا جائے گا۔(. شمیم محمود)

سوناکشی سنہا سمیت 5 افراد پر دھوکا دہی کے الزام میں مقدمہ درج کیاگیا ہے
مراد آباد (ایمرا نیوز آن لائن)نامور بالی ووڈ اداکارہ سوناکشی سنہا کے دھوکا دینے پر شو آرگنائزر پرمود شرما نے زہر کھا لیا۔بھارتی میڈیا کے مطابق بالی ووڈ کی دبنگ اداکارہ سوناکشی سنہا اور ان کی سیکریٹری سمیت 5 لوگوں پر دھوکا دہی کرنے اور پیسے لے کر شو میں نہ آنے کے خلاف مقدمہ درج کیاگیا ہے۔ رپورٹس کے مطابق بھارتی ریاست اترپردیش کے شہر مراد آباد کے علاقے کاٹگھر سے تعلق رکھنے والے شو آرگنائزر پرمود شرما نے فیشن اینڈ بیوٹی ایوارڈ پروگرام کے نام سے 30 ستمبر 2018 کو دہلی میں ایک شو آرگنائز کیا تھا جس میں سوناکشی سنہا کوایوارڈ دینے کے لیے مدعو کیا گیا تھا۔پرمود اور سوناکشی کے درمیان معاہدہ دبنگ گرل کی پرائیویٹ سیکریٹری مالویکا پنجابی کے ذریعے ہواتھا اورمالویکا سے بات چیت کے بعد پرمود نے سوناکشی کے اکانٹ میں انٹرنیٹ کے ذریعے 37 لاکھ روپے کی رقم منتقل کردی تھی تاہم پیسے ملنے کے باوجود سوناکشی شو میں نہیں آئیں۔شو آرگنائزر پرمود شرما نے سوناکشی سنہا کے خلاف 24 نومبر کو مرادآباد پولیس اسٹیشن میں شکایت درج کرائی لیکن ملزمان کے خلاف کوئی کارروائی نہیں ہوئی، جب آرگنائزر کی فریاد نہیں سنی گئی تو پرمود نے 13 فروری کو زہر کھا کر اپنی جان دینے کی کوشش کی لیکن خوش قسمتی سے اسے بچا لیا گیا۔دوسری جانب پولیس کا کہنا ہے کہ پرمود کی شکایت پرایس پی مرادآباد نے سی او سدیش کمار گپتا کو معاملے کی جانچ پڑتال کا حکم دیاتھا، تحقیقاتی رپورٹ آنے کے بعد جمعہ کی شام مقدمہ درج کرلیا گیا ہے۔ جب کہ کاٹگھر تھانے کے ایس ایچ او اجیت کمار کا کہنا ہے کہ چونکہ یہ دہلی کا معاملہ تھا اس لیے تحقیقات بھی وہیں سے ہونی چاہئے تھیں، لیکن پھر بھی ایس پی کے حکم کے بعد اس پورے معاملے کی تحقیقات کی گئیں۔

وینزویلا میں پرتشدد واقعات اور ان کے نتیجے میں جانی نقصان پر گہرا صدمہ پہنچا ،انتونیو گوٹیرس
نیویارک (ایمرا نیوز آن لائن)اقوام متحدہ کے سیکرٹری جنرل انتونیو گوٹیرس نے وینزویلا میں حکومت اور اپوزیشن کے درمیان جاری سیاسی محاذ آرائی کے دوران شہریوں کی ہلاکتوں پر گہرے دکھ اور صدمے کا اظہار کیا ہے۔غیرملکی خبررساں ادارے کے مطابق اپنے ایک بیان میں انتونیو گوٹیرس نے کہا کہ حالیہ کشیدگی کے دوران شہریوں کے جانی نقصان پر انہیں دکھ پہنچا ہے۔انہوںنے فریقین پر کشیدگی کم کرنے اور تحمل کا مظاہرہ کرنے پر زور دیا۔اقوام متحدہ کے سیکرٹری جنرل کی طرف سے یہ بیان وینزویلا اور کولمبیا کی سرحد پر ہونے والے تصادم کے بعد سامنے آیا جب امریکا کی طرف سے وینزویلا کی اپوزیشن کے لیے بھیجی گئی امداد روکنے کے لیے حکومتی فورسز نے کارروائی کی۔اطلاعات کے مطابق سرحد پر امریکی امداد روکنے کے لیے فوج اورپولیس نے وہاں پر موجود لوگوں پرآنسوگیس کی شیلنگ اور دھاتی گولیوں کا استعمال کیا، جس کے نتیجے میں متعدد افراد جاں بحق ہوگئے۔ذرائع ابلاغ کے مطابق گذشتہ روز برازیل کی سرحد کے قریب دو افراد کو ہلاک کردیا گیا جب کہ کولمبیا اور وینزویلا کی سرحد پر بنے ایک پل پرہونے والے تصادم میں 285 افراد زخمی ہوئے ۔انتونیو گوٹیرس نے ایک بیان میں کہا کہ وینزویلا میں گذشتہ روز ہونے والے پرتشدد واقعات اور ان کے نتیجے میں جانی نقصان پر گہرا صدمہ پہنچا ۔ انہوں نے وینزویلا کی حکومت اور اپوزیشن پر تحمل کا مظاہرہ کرنے اور کشیدگی کم کرنے کی ضرورت پر زور دیا۔