Tag Fashion

گجرات(ایمرا نیوزآن لائن رپورٹ اظہر محمود سے) گجرات میں گھریلو جھگڑے کے بعد شوہر نے بیوی اور 3بچوں کو قتل کردیا ۔ بعد میں ملزم نے خود کو آگ لگا کر خود کشی کرلی۔پولیس کے مطابق واقعہ نواحی گاؤں چک جانی میں پیش آیا۔ جہاں فیاض نامی شخص نے جھگڑے کے بعد بیوی ، دو بیٹیوں اور بیٹے کو ڈنڈے اور چھری کے وار کرکے قتل کردیا۔بیوی بچوں کو قتل کرنے کے بعد ملزم نے خود کو بھی آگ لگا کر خودکشی کرلی ، لاشوں کو پوسٹ مارٹم کےلیے ڈی ایچ کیو اسپتال منتقل کرد یا گیا۔قتل کیے گئے بچوں کی عمریں 5 سے 16 سال کے درمیان ہیں۔ پولیس کاکہناہے واقعہ کے حوالے سے تحقیقات کی جارہی ہیں۔

کراچی(ایمرا نیوزآن لائن رپورٹ عمر خالد سے) کراچی سے متصل بلوچستان کے ضلع لسبیلہ کی تحصیل حب میں واقع حب ڈیم میں پانی کا لیول 298 فٹ تک پہنچ گیا ہے۔واپڈا حکام کے مطابق حالیہ بارش کے دوران حب ڈیم میں پانی کے لیول میں 22 فٹ کا اضافہ ہوا ہے۔واپڈا ذرائع کا مزید کہنا ہے کہ بارش سے قبل حب ڈیم میں پانی کا ذخیرہ صرف ایک فٹ رہ گیا تھا، تاہم حالیہ بارش کے بعد بلوچستان کے پہاڑوں سے آنے والے برساتی پانی سے ڈیم میں پانی کی سطح 22 فٹ ہوچکی ہے۔واپڈا حکام کے مطابق آج سے کراچی کو حب کینال کے ذریعے معمول کے مطابق پانی کی فراہمی شروع کر دی جائے گی۔واپڈا حکام کا یہ بھی کہنا ہے کہ اسی طرح حب، ساکران اور گڈانی کو بھی لسبیلہ کینال کے ذریعے پانی کی فراہمی کی جائے گی۔واضح رہے کہ کراچی شہر کو پانی فراہم کرنے کا دوسرا بڑا ذریعہ حب ڈیم ہے، جہاں پانی کی سطح انتہائی کم ہو جانے کی وجہ سے پانی کی فراہمی متاثر ہوئی ہے اور شہر یوں کو پانی کی قلت کا سامنا ہے۔

فواد خان اس وقت پاکستان میں موجود نہیں ہیں اور انسداد پولیو مہم کو مکمل طور پر سپورٹ کرتے ہیں، فواد خان کی ٹیم کا بیان
لاہور (ایمرا نیوز آن لائن)پاکستانی اداکار فواد خان نے بیٹی کو پولیو کے قطرے پلانے سے انکار کی خبروں کی تردید کر دی۔ تفصیلات کے مطابق فواد خان کی ٹیم کی جانب سے جاری بیان میں کہاگیا کہ فی الوقت فواد خان ملک سے باہر ہیں لیکن وہ انسداد پولیو مہم کی مکمل حمایت کرتے ہیں۔ فواد خان کی ٹیم کی جانب سے جاری بیان کے مطابق اطلاعات موصول ہوئی ہیں کہ فواد خان اور کے خلاف ایف آئی آر درج کی گئی، جس میں کہا گیا کہ فواد خان نے 19 فروری کو حکومت کی انسداد پولیو مہم میں مداخلت کی اور اپنی رہائش گاہ پر اپنی بیٹی کو پولیو کے قطرے پلوانے سے انکار کردیا۔لیکن سچ تو یہ ہے کہ پولیو ٹیم جس وقت فواد خان کے گھر آئی تب بچی کے والدین میں سے کوئی بھی گھر پر موجود نہیں تھا۔فواد خان 13 فروری سے ہی ملک سے باہر ہیں۔ انہوں نے پاکستان سپر لیگ کی افتتاحی تقریب میں پرفارم کیا جس کے بعد اب وہ امریکہ میں موجود ہیں۔ فواد خان کو اپنے خلاف درج کروائی جانے والی ایف آئی آر کا پریس کے ذریعے علم ہوا۔ بیان میں مزید کہا گیا کہ فواد خان حکومت کی انسداد پولیو مہم کی مکمل طور پرحمایت کرتے ہیں اور وہ عالمی ادارہ صحت اور بیماریوں کے کنٹرول اور روک تھام کے مرکز کی ہدایات سے بھی بخوبی واقف ہیں۔فواد خان کی بیٹی کی ویکیسنیشن کی تاریخ اور اس حوالے سے تمام ریکارڈ بھی موجود ہے۔ فواد خان کی ٹیم کی جانب سے جاری بیان کے بعد وزیر اعظم عمران خان کے فوکل پرسن برائے انسداد پولیو بابر عطا نے مائیکروبلاگنگ ویب سائٹ ٹویٹر پر وضاحت پیش کرتے ہوئے کہا کہ مجھے ڈی سی او کی جانب سے اطلاع دی گئی تھی کہ مقدمہ گھر کے سربراہ کے خلاف درج کیاگیا ہے جو فواد خان ہی ہیں۔کیونکہ حکومت ان کی بیٹی کو پولیو کے قطرے پلانا چاہتی تھی لیکن بارہا گھر پر جانے اور درخواست کرنے کے باوجود ٹیم کو اجازت نہیں دی گئی۔واضح رہے کہ گذشتہ روز ضلعی انتظامیہ نے بیٹی کو پولیو کے قطرے نہ پلوانے پر اداکار فواد خان کے خلاف مقدمہ درج کروا یا تھا۔ضلعی انتظامیہ لاہور کے مطابق انسداد پولیو ٹیموں کے ساتھ تعاون نہ کرنے والوں کے خلاف کارروائی کرتے ہوئے 6 افراد کے خلاف مقدمے درج کروایا۔ انتظامیہ کے مطابق بیٹی کو پولیو کے قطرے نہ پلانے پر ٹی وی و فلم اداکار فواد خان کے خلاف مقدمہ درج کروایا گیا۔ترجمان ضلعی انتظامیہ نے بتایا کہ فوادخان کے خلاف مقدمہ فیصل ٹان تھانے میں درج کروایا گیا۔

پاکستان پر ٹیکس بڑھا کر بھارت اپنا نقصان کریگا،ایف اے ٹی ایف کے ساتھ بات چیت کا نتیجہ آئندہ چوبیس گھنٹوں تک تک آئے گا،جب تک پروفیشنلز کو موقع نہیں دیں گے ترقی نہیں ہوگی،سرکاری نظام میں ٹیلنٹ سے فائدہ نہیں اٹھایا جا سکتا، وزیر خزانہ کی میڈیا سے گفتگو ، تقریب سے خطاب
اسلام آباد (ایمرا نیوز آن لائن)وزیر خزانہ اسد عمر نے کہا ہے کہ رواں ہفتے آئی ایم ایف سے بات چیت دوبارہ ہوگی ،جب معامالات طے پا جائیں گے تو آئی ایم ایف مشن کو پاکستان بلایا جائیگا،پاکستان پر ٹیکس بڑھا کر بھارت اپنا نقصان کریگا،ایف اے ٹی ایف کے ساتھ بات چیت کا نتیجہ آئندہ چوبیس گھنٹوں تک تک آئے گا،جب تک پروفیشنلز کو موقع نہیں دیں گے ترقی نہیں ہوگی،سرکاری نظام میں ٹیلنٹ سے فائدہ نہیں اٹھایا جا سکتا۔جمعرات کو وزیر خزانہ اسد عمر نے میڈیا سے بات چیت کرتے ہوئے کہاکہ آئی ایم ایف سے باقاعدہ طور پر بات چیت جاری ہے،آئی ایم ایف کے ساتھ گزشتہ ہفتے دو سیشن ہوئے۔اسد عمر نے کہا کہ اس ہفتے بھی آئی ایم ایف سے بات چیت ہوگی۔انہوںنے کہاکہ آئی ایم ایف کے ساتھ ڈیٹا کا تبادلہ ہورہا ہے۔اسد عمر نے کہاکہ جب معامالات طے پا جائیں گے تو آئی ایم ایف مشن کو پاکستان بلایا جائیگا۔اسد عمر نے کہاکہ پاکستان پر ٹیکس بڑھا کر بھارت اپنا نقصان کریگا۔اسد عمر نے کہاکہ پاکستانی مصنوعات پر ٹیکس بڑھا کر پاکستان کا نقصان نہیں ہوگا۔وزیر خزانہ نے کہاکہ ایف اے ٹی ایف کے ساتھ بات چیت کا نتیجہ آئندہ چوبیس گھنٹوں تک تک آئے گا۔انہوں نے کہا کہ حکومت میں ماہرین کو شامل کرنے کی اشد ضرورت ہے،پاکستان میں ماہرین کی طلب جلد بڑھنے والی ہے۔انہوں نے کہا کہ لیڈرز کانفرنس سے خطاب کرتے ہوئے کہا کہ جب تک پروفیشنلز کو موقع نہیں دیں گے ترقی نہیں ہوگی۔انہوں نے کہاکہ پرائیویٹ سیکٹر میں بھی پروفیشنلز کو موقع دیا جاتا ہے ۔اسد عمرنے کہاکہ لیڈرز کے پاس ایک وژن ہوتا ہے،لیڈرز کل. کے بارے میں سوچتا ہے ۔انہوں نے کہاکہ پاکستان کے پاس ترقی کے بے پناہ صلاحیت ہے۔ انہوں نے کہا کہ مگر اس سے فائدہ اٹھانے کیلئے لیڈرشپ کی ضرورت ہے۔ انہوںنے کہاکہ سرکاری نظام میں ٹیلنٹ سے فائدہ نہیں اٹھایا جا سکتا۔ انہوںنے کہاکہ سرکاری نظام میں بہتری لانا ایک چیلنج ہے۔ انہوں نے کہا کہ پاکستان میں نظام میں برداری نظام سے بہت مسائل ہیں ۔ انہوںنے کہاکہ ڈاکٹر عشرت حسین حکومتی نظام میں بہتری کیلئے سفارشات تیار کر رہے ہیں۔

کروڑوں روپے خفیہ طریقے سے پاکستان بھجوانے کا الزام عائد کردیا
ممبئی(ایمرا نیوز آن لائن) ہندو انتہا پسندوں نے شاہ رخ خان پر منی لانڈرنگ کا الزام لگادیا، کروڑوں روپے خفیہ طریقے سے پاکستان بھجوانے کا الزام عائدسوشل میڈیا پر ایک ویڈیو گردش کررہی ہے جس میں یہ دعویٰ کیا جارہا ہے کہ شاہ رخ خان نے بہاولپور ٹینکر حادثے کے متاثرین کے لیے 45 کروڑ روپے پاکستان بھجوائے۔ یہ ویڈیو وائرل ہونے کی دیر تھی کہ شاہ رخ خان سے محبت کا دعویٰ کرنے والے بھارتیوں نے یوٹرن لیتے ہوئے کنگ خان کے خلاف محاذ کھول لیا۔سوشل میڈیا صارفین نے کنگ خان کو آڑے ہاتھوں لیتے ہوئے کہا پلوامہ حملے کے بعد جب امیتابھ بچن اور سلمان خان سمیت متعدد بالی ووڈ فنکار حملے میں مرنے والے جوانوں کی مدد کررہے ہیں اسی وقت شاہ رخ خان بھارتی پیسے پاکستان بھجوارہے ہیں۔سوشل میڈیا پر یہ بھی کہا جارہا ہے کہ شاہ رخ خان نے حملے میں ہلاک ہونے والوں کے لیے ہمدردی کے بول تک نہیں بولے، شاہ رخ خان جان بوجھ کر ہندوؤں کے جذبات کو ٹھیس پہنچاتے ہیں۔ کچھ لوگوں نے لکھا ہم ہندو اگر شاہ رخ خان کی فلمیں دیکھنا بند کردیں تو یہ 45 کروڑ کیا 45 روپے بھی پاکستان بھجوانے کے لائق نہیں رہے گا۔بھارتی پاکستان سے نفرت میں اتنے اندھے ہوگئے ہیں کہ انہیں یہ بھی نہیں معلوم کہ شاہ رخ خان کی جانب سے 45 کروڑ روپے پاکستان بھجوائے جانے کی ویڈیو ابھی کی نہیں بلکہ سوشل میڈیا پر گردش کرنے والی ویڈیو 2017 کی ہے اور اسے کروپ (کانٹ چھانٹ )کرکے اب وائرل کیاگیاہے۔

غیرملکی سٹار کرکٹرز کی شمولیت نے پی ایس ایل کو کامیاب ٹی ٹونٹی لیگ بنا دیا ہے:لیجنڈری کرکٹر
لاہور(ایمرا نیوز آن لائن) لیجنڈری ویسٹ انڈیز کرکٹر اور کوئٹہ گلیڈی ایٹرز کے مینٹور سر ویوین رچررڈ نے مئی سے شیڈول ورلڈ کپ میں پاکستان کے چانسز کے حوالے سے پرامید ہیں۔میگا ٹورنامنٹ کے بارے میں اپنے خیالات کا اظہار کرتے ہوئے سر ویوین رچرڈز کا کہنا تھا کہ پاکستانی ٹیم اپنے دن پر کسی بھی اچھی ٹیم کو ہرانے کی صلاحیت رکھتی ہے ،ویوین رچرڈز کا کہنا تھا کہ جس طر ح ہم نے چیمپئنز ٹرافی2017ء میں دیکھا تھا کہ جب پاکستانی ٹیم اچھا کھیلتی ہے تو اس کے لیے جیت حاصل کرنا ممکن ہوجاتا ہے ،اس ورلڈ کپ میں بہت اچھی ٹیمیں ہیں ،ہمیں بھارت، دفاعی چیمپئن آسٹریلیا، میزبان انگلینڈ اور ویسٹ انڈیز کو نہیں بھولنا چاہیئے ،اس مرتبہ بہت سے ٹیلنٹڈ کھلاڑی ہمیں کھیلتے ہوئے نظر آئیں گے۔پی ایس ایل 4کے دوسرے مرحلے کے لیے کوئٹہ گلیڈی ایٹرز کو جوائن کرنے والے سر ویوین رچرڈز کا کہنا تھا کہ وہ مسلسل چوتھے سال کوئٹہ گلیڈی ایٹرز کے ساتھ کام کرنے پر بے حد خوش ہیں ،ہماری ٹیم کافی بیلنس ہے اور مجھے امید ہے اس سال ہم ٹائٹل اپنے نام کرنے میں کامیاب رہیں گے۔لیجنڈری بلے باز کے مطابق پاکستان سپر لیگ نے دنیا کے بہترین کھلاڑیوں کواپنی طرف متوجہ کیا ہے جو اس کے کامیاب ٹی ٹونٹی لیگ ہونے کی بڑی نشانی ہے ،ان کا کہنا تھا کہ پی ایس ایل بہت اچھی ٹی ٹونٹی لیگ ہے اور اسی لیے اسے کھیلنے کے لیے دنیا بھر کے بہترین کھلاڑی آئے ہیں جو اسے کامیاب ٹی ٹونٹی لیگ بناتی ہے۔سابق ویسٹ انڈین کپتان کا کہنا تھا کہ پاکستان سپر لیگ نوجوان کرکٹرز کو دنیائے کرکٹ کے بڑے ستاروں کے ساتھ کھیلنے کا موقع دیتی ہے۔

پاکستانی باکسر عثمان وزیر پہلی مرتبہ نیویارک میں ہونے فائیٹ کرے گا، باکسر عامر کا بیان
اسلام آباد(ایمرا نیوز آن لائن) پاکستانی باکسر عامر خان نے عامر خان اکیڈمی سے پہلے پاکستانی باکسر کی بڑی فائٹ کا اعلان کر دیا۔ میڈیا رپورٹ کے مطابق عثمان وزیر 20 اپریل کو عامر خان کے کارڈ پر نیویارک میں فائٹ لڑیں گے۔عامر خان کے مطابق پاکستانی باکسر عثمان وزیر پہلی مرتبہ نیویارک میں ہونے فائیٹ کرے گا۔عامر خان نے کہا کہ عثمان وزیر بہترین چمپئن ہے جس نے پاکستان کے لئے کئی ٹائٹل حاصل کئے ہیں۔عامر خان نے کہا کہ یہ حیرت انگیز بات ہے کہ پاکستانی باکسر نیویارک میں پاکستان کی نمائندگی کرے گا۔عثمان وزیر کا تعلق گلگت بلتستان کے علاقے استور سے ہے۔

13اضلاع سے تعلق رکھنے والے 100اہلکاروں کی خدمات کو سکیورٹی ڈیوٹی کے لیے لاہور پولیس کے سپرد کر دیا گیا
لاہور(ایمرا نیوز آن لائن) انسپکٹر جنرل پولیس پنجاب امجد جاوید سلیمی کی طرف سے لاہور میں ہونے والے پی ایس ایل 4کے میچز کے دوران شائقین ، مہمانوں کی فول پروف سکیورٹی اور مانیٹرنگ سمیت ٹریفک کے بہاﺅ کو یقینی بنانے کے لیے اور ٹریفک پولیس کو اضافی نفری کے علاوہ دیگر سہولیات فراہم کر دی گئیں۔احکامات کے مطابق 13اضلاع سے تعلق رکھنے والے 100اہلکاروں کی خدمات کو سکیورٹی ڈیوٹی کے لیے لاہور پولیس کے سپرد کر دیا گیا۔جبکہ ایلیٹ پولیس فورس کی 125ٹیمیں اپنی گاڑیوں سمیت فراہم کر دی گئی ہیں اور سنائپر چیکنگ کے لیے 10پیئرز بھی ایلیٹ فورس سے لاہور پولیس کے سپرد کر دئیے گئے ہیں۔پی ایس ایل کے میچز کے دوران ٹریفک کے بہا کو مستقل بنیادوں پر یقینی بنانے اور عام شہریوں کو روز مرہ معمولات زندگی کو جاری رکھنے کے لیے 5ایس پی رینک کے افسروں کی خدمات سی ٹی او لاہورکے سپرد کی گئی ہیں۔ 10ڈی ایس پی صرف اور صرف مہمانوں کی آمدورفت و الے راستوں اور پارکنگ ڈیوٹی سر انجام دیں گے۔30سینئر ٹریفک وارڈنز اور 400تربیت یافتہ ٹریفک اہلکاراور وارڈن بھی پی ایس ایل کے دوران فرائض انجام دیں گے۔

پاکستان کے شعیب ملک ، وہاب ریاض ، سہیل تنویر، بنگلہ دیش کے مشرفی مرتضی، ویسٹ انڈیز کے کرس گیل، انگلینڈ کے جیمز اینڈرسن، نیوزی لینڈ کے راس ٹیلر سمیت دیگر ٹیموں کے کھلاڑی بھی آخری ورلڈ کپ کھیلیں گے
کراچی(ایمرا نیوز آن لائن) کرکٹ ورلڈ کپ 2019 کا کاؤنٹ ڈاؤن شروع ہوگیا ہے، ورلڈ کپ 30 مئی سے شروع ہوگا، ورلڈ کپ کے میچز 1992 ورلڈ کپ کے فارمیٹ کے تحت رکھے گئے ہیں، 2019 کے ورلڈ کپ جہاں نئے چہرے متعارف کرائے جائیں گے وہیں کچھ پرانے لیجنڈ کھلاڑی اپنا آخری ورلڈ کپ کھیل رہے ہیں، قومی کرکٹ ٹیم کے مایہ ناز آل راؤنڈر شعیب ملک نے 1996 میں اپنے کیریئر کا آغاز کیا، انہوں نے اعلان کیا ہے کہ ورلڈ کپ 2019 ان کا آخری ورلڈ کپ ہوگا جس کے بعد وہ ریٹائر ہوجائیں گے۔شعیب ملک کے علاوہ امکان ہے کہ قومی کرکٹ ٹیم کے 2 فاسٹ بولر وہاب ریاض اور سہیل تنویر بھی ورلڈ کپ کے بعد ریٹائرمنٹ کا اعلان کردیں گے۔بنگلہ دیش کرکٹ ٹیم کے کپتان مشرفی مرتضیٰ بھی 2019 میں اپنا آخری ورلڈ کپ کھیل رہے ہیں، انہوں نے حال ہی میں اپنی ریٹائرمنٹ کا اعلان کیا تاہم وہ ٹی ٹوینٹی کرکٹ میں وہ ملک کی نمائندگی کرتے رہیں گے۔بنگلہ دیش کی کرکٹ ٹیم ان دنوں نیوزی لینڈ میں موجود ہے جہاں کیوی ٹیم نے انہیں ون ڈے سیریز میں شکست دی ہے جبکہ ٹی ٹوینٹی سیریز ابھی کھیلی جانی ہے۔ویسٹ انڈیز بلے باز کرس گیل نے بھی ورلڈ کپ کے اپنی ریٹائرمنٹ کا اعلان کردیا ہے، کرس گیل نے اپنے کرکٹ کیریئر میں متعدد ریکارڈ اپنے نام کیے شاہد خان آفریدی کے بعد کرس گیل کے پاس سب سے زیادہ چھکے مارنے کا ریکارڈ بھی ہے۔انگلش پیسر جیمز اینڈرسن کے لیے بھی 2019 کا ورلڈ کپ آخری ثابت ہوگا، جیمز اینڈرسن انگلینڈ کے لیے ٹیسٹ کرکٹ کھیل رہے ہیں، وہ انگلش ٹیم کے سب سے زیادہ وکٹیں حاصل کررکھی ہیں۔بھارت کو کرکٹ ورلڈ کپ، ٹی ٹوینٹی ورلڈ کپ اور آئی سی سی چیمپئنز ٹرافی جتوانے والے بھارتی کرکٹ ٹیم کے کامیاب کپتان مہندر سنگھ دھونی کے لیے بھی یہ ورلڈ کپ الوادعی ورلڈ کپ ثابت ہوگا، دھونی کپتانی چھوڑنے کے بعد وکٹ کیپر بلے باز کی حیثیت سے ٹیم میں موجود ہیں۔کیوی بلے باز روس ٹیلر نے بھی انٹرنیشنل کرکٹ سے ریٹائرمںٹ کا امکان ظاہر کیا جارہا ہے، روس ٹیلر کی نیوزی لینڈ کی جانب سے سب سے زیادہ سنچریاں بنانے کا اعزاز حاصل ہے۔ڈیوڈ وارنر اور اسٹیون اسمتھ کی ریٹائرمنٹ کے بعد سے کینگروز ٹیم دباؤ کا شکار ہے، آسٹریلوی کے دیگر تین کھلاڑیوں کیمرون وائٹ، شان مارش اور جارج بیلی کے بھی انٹرنیشنل کرکٹ سے ریٹائرڈ ہونے کا امکان ہے۔سری لنکن پیسر لیستھ ملنگا کی ریٹائرمنٹ کا امکان ظاہر کیا جارہا ہے، ملنگا کے علاوہ سری لنکا ٹیم کے دیگر کھلاڑیوں میں دلروان پریرا اور نوون کلاسیکرا کی بھی ریٹائرمنٹ کا امکان ہے۔

آگ شہر کے پرانے علاقے چوک بازار میں ممکنہ طور پر گیس سیلنڈر سے لگی اور وہاں موجود کیمیائی مواد کی وجہ سے آگ نے تیزی سے پوری عمارت کو اپنی لپیٹ میں لے لیا، ہلاکتوں میں اضافے کا خدشہ
ڈھاکہ (ایمرا نیوز آن لائن) بنگلہ دیش میں کیمیکل گودام کے طور پر استعمال کی جانے والی رہائشی عمارت میں آگ لگنے سے کم از کم 69 افراد ہلاک ہوگئے۔بنگلہ دیشی کے دارالحکومت ڈھاکہ میں قائم عمارت میں ہونے والی آتشزدگی کے باعث درجنوں لوگ ٹریفک جام کے سبب بند ہو جانے والی تنگ گلیوں سے نہ نکل سکے۔جس اپارٹمنٹ کی عمارت میں آگ لگی اسے کیمیائی گودام کے طور پر استعمال کیا جا رہا تھا اور اس میں کیمیکلز، باڈی اسپرے اور پلاسٹک کے سامان کے سبب آگ بھڑک اٹھی۔فائر کنٹرول روم کے عہدیدار محفوظ ربین کا کہنا ہے کہ اب تک 69 افراد ہلاک ہو چکے ہیں جبکہ بنگلہ دیشی فائر سروس چیف نے ہلاکتوں کی تعداد بڑھنے کا خدشہ بھی ظاہر کردیا۔انہوں نے کہا کہ آگ شہر کے پرانے علاقے چوک بازار میں ممکنہ طور پر گیس سیلنڈر سے لگی اور وہاں موجود کیمیائی مواد کی وجہ سے آگ نے تیزی سے پوری عمارت کو اپنی لپیٹ میں لے لیا۔آگ کی شدت کے سبب شعلے قریبی متصل 4 عمارتوں میں بھی پہنچ گئے، مذکورہ عمارتوں کو بھی کیمیائی گودام کے طور پر استعمال کیا جا رہا تھا۔علی احمد کا کہنا تھا کہ آگ لگی تو اس وقت ٹریفک جام تھا، یہ تیزی سے پھیلتی چلی گئی اور تنگ گلیوں اور چند سینٹی میٹر کے فاصلے سے عمارتیں واقع ہونے کے سبب لوگ وہاں سے بچ کر نہ نکل سکے۔ایک عینی شاہد نے بتایا کہ قریب ہی ایک شادی کی تقریب جاری تھی اور آگ کی شدت کے سبب وہاں موجود لوگ بھی اس کی لپیٹ میں آ گئے اور کئی افراد زخمی ہوئے۔ڈھاکہ میٹرو پولیٹن کے ڈپٹی کمشنر ابراہیم خان نے بتایا کہ آگ کی پلیٹ میں آ کر 2 گاڑیاں اور 10 رکشے جل کر خاکستر ہو گئے جبکہ متاثرین میں کچھ راہگیر اور آس پاس موجود افراد بھی شامل تھے جو قریبی ریسٹورنٹ میں کھانا کھا رہے تھے۔فائر فائٹرز نے سیڑھی لگا کر عمارت کے اندر لگی آگ کو بجھانے کے لیے پانی کے اسپرے کیے لیکن ان کی یہ کوشش بھی رائیگاں گئی جبکہ اس سلسلے میں ہیلی کاپٹر کی مدد بھی طلب کی گئی۔ڈھاکہ میڈیکل کالج ہسپتال میں موجود پولیس انسپکٹر بچو میاں نے کہا کہ وہاں 45 افراد کو زخمی حالت میں لایا گیا، جن میں سے 4 کی حالت نازک ہے۔