Tag Fashion

لاہور(سپورٹس ڈیسک/ایمرا نیوز) ہولک ہگن کو کھیل کی تاریخ میں سب سے بڑا پیشہ ور کشتی ستاروں میں سے ایک سمجھا جاتا ہے. انہوں نے اپنی کامیابی کو 1980 کے دہائی تک برقرار رکھا تھا، اور 1990 سے ابھی تک ان کی مقبولیت بڑھتی جا رہی ہے. ڈبلیو ڈبلیو ای کی تاریخ کا سب سے بڑا میچ Hulk Hogan اور The Ultimate Warrior کے درمیان ہوا جو کینیڈا میں ہوا تھا.

یہ اس وقت کے سب سے زیادہ اعلی کشتی واقعات میں سے ایک تھا، اور اب بھی بہت سے پیشہ ورانہ کشتی کے شائقین کی طرف سے یاد کیا جاتا ہے. اس میچ کی دھوم پوری دنیا میں مچی ہوئی تھی ، کیونکہ دونوں پہلوانوں کی لائن پر چیمپئن شپ کی بیلٹ تھیں، اور اس طرح میچ نے “The Ultimate Challenge” میں تبدیل ہوگیا. Ultimate Warrior نے یہ اہم ترین میچ جیت لیا، انہوں نے ایک خوفناک دائو کے ذریعے ہگن کو ہرا دیا.

اس میچ کے بعد ہگن نے sportsmanship کا مظاہرہ کرتے ہوئے Ultimate Warrior سے ہاتھ بھی ملایا. اس میچ کے بارے میں یہ بھی کہا جاتا ہے کہ یہ ڈبلیو ڈبلیوای کی تاریخ کا اصل میچ بھی تھا.

ممبئی(شوبز ڈیسک/ایمرا نیوز) دنگل اسٹار فاطمہ ثنا شیخ عامر خان کے بعد بالی ووڈ کے بادشاہ شاہ رخ خان کے ساتھ اداکاری کے جلوے دکھائیں گی۔بھارتی میڈیا کے مطابق فلم’سلیوٹ‘ میں بالی ووڈ کنگ شاہ رخ خان کے مقابل دنگل گرل فاطمہ ثنا شیخ کا نام زیرغور ہے۔رپورٹس کے مطابق فلمساز فاطمہ کی اداکاری سے کافی متاثر ہیں۔

اداکارہ فاطمہ آخری بار بالی ووڈ کے مسٹر پرفیکشنسٹ عامر خان کے ساتھ ’فلم ٹھگ آف ہندوستان‘میں نظر آئیں تھیں۔فلم تو باکس آفس پر ناکام ہوگئی لیکن فلم میں فاطمہ ثنا شیخ کی پرفارمنس کو بے حد سراہاگیا، یہی وجہ ہے کہ بھاتی خلاباز راکیش شرما کی زندگی پر بننے والی فلم’سلیوٹ‘کے ہدایت کار و پروڈیوسرز کنگ خان کے مقابل مرکزی کردار کے لیے فاطمہ کے نام پر غور کررہے ہیں۔فاطمہ ثنا شیخ سے پہلے اداکارہ بھومی پانڈیکر کانام بھی فلم کی مرکزی اداکارہ کے طور پر لیاجارہاتھا جب کہ اداکارہ کرینہ کپور خان، وانی کپور اور پریانکا چوپڑا کانام بھی زیرغورتھا۔یہ پہلی بار نہیں ہے کہ فاطمہ شاہ رخ خان کے ساتھ کام کریں گی بلکہ 17 سال قبل وہ فلم’ون ٹوکا فور‘میں بطور چائلڈ آرٹسٹ کام کرچکی ہیں اور اسی فلم کے دوران انہیں کنگ خان سے محبت ہوگئی تھی۔

(نیٹ نیوز/ایمرا نیوز)
امریکی صدر ڈونلڈ ٹرمپ کا کہنا ہے کہ میکسیکو کی سرحد پر سیکیورٹی اور انسانی بحران سنگین ہوتا جا رہا ہے، دیوار سرحدی سیکیورٹی کے لیے لازمی ہے۔امریکا کے صدر ڈونلڈ ٹرمپ نے اوول آفس سے ٹیلی وژن پر امریکی قوم سے خطاب کرتے ہوئے کہا کہ سرحدی دیوار کی تعمیر کے لیے 5اعشاریہ 7ارب ڈالر درکار ہیں۔انہوں نے بتایا کہ سینیٹر چک شومر اور دیگر ڈیموکریٹس ماضی میں دیوار کی حمایت کرتے رہےہیں، میرے صدر بنتے ہی انہوں نے اپنا ذہن بدل لیا۔امریکی صدر نے مزید کہا کہ ڈیموکریٹ نے بارڈر سیکیورٹی کےلیے فنڈ کی منظوری نہ دی تو حکومتی شٹ ڈاؤن جاری رہے گا، کانگریسی رہنماؤں کو جمعرات کو مذاکرات کے لیے وائٹ ہاؤس بلایا ہے۔ٹرمپ نے کہا کہ قانونی طور پر امریکا آنے والوں کو خوش آمدید کہتے ہیں، غیر قانونی تارکین وطن کی آمد سے ہر امریکی متاثر ہو رہا ہے۔

گوجرانوالہ(نیٹ نیوز/ایمرا نیوز) گوجرانوالہ میں پولیس نے کار سے 10 کلو گرام ہیروئن برآمد کرکے ڈرائیور کو گرفتار کرلیا۔پولیس کے مطابق تھانہ سٹی وزیرآباد پولیس نے خفیہ اطلاع پر پل پلکھو کے قریب ناکہ بندی کی اور گجرات سے گوجرانوالہ آنے والی کار سے 10 کلو گرام ہیروئین برآمد کرلی، جبکہ کار ڈرائیور ناصر کوگرفتار کرکے مقدمہ بھی درج کر لیا ۔پولیس کے مطابق گرفتار ملزم سے مزید تحقیقات کی جارہی ہیں کہ منشیات کی اتنی بڑی کھیپ کہاں سے کہاں جارہی تھی اور اس میں کتنے افراد ملوث ہیں۔

مصر(نیٹ نیوز/ایمرا نیوز) مصر کے اسٹار اسٹرائیکر محمد صلاح نے مسلسل دوسری بار افریقا کے بہترین فٹ بالر کااعزاز حاصل کرلیا، سینیگال میں ہونے والی تقریب میں انہیں ایوارڈ سے نوازا گیا۔

محمد صلاح نے اپنے کلب لیورپول کو چیمپئنزلیگ کے فائنل میں پہنچنے میں مدد دی، پریمئر لیگ کے اِس سیزن میں وہ اب تک 13 گول کر چکے ہیں۔ٹیکنیکل ڈائریکٹرز اور کنفیڈریشن آف افریقن فٹ بال میں شامل 56 ٹیموں کے ہیڈ کوچز نے ووٹنگ میں حصہ لیا اور محمد صلاح کو افریقا کا بہترین فٹ بالر قرار دیا۔ان کا مقابلہ اس سال بھی لیورپول کے ہی سانڈیو مانی اور آرسینل کے پائیری ایمی رک سے تھا۔

نیروبی(نیٹ نیوز/ایمرا نیوز) آٹھ پاکستانی لڑکیاں بھارتی ثقافتی میلے میں شرکت کیلئے نیروبی پہنچیں ،جہاں پارک لینڈ کے ڈانس کلب سے پولیس نے انہیں گرفتار کرکے ڈی پورٹ کردیا۔اب پاکستانی لڑکیوں نے حکومت کینیا سے تلافی کیلئے ایک کروڑ 25لاکھ روپے ادا کرنے کا مطالبہ کردیا۔کینیا کے میڈیا کے مطابق5جنوری کو آٹھ پاکستانی لڑکیاں جن کی عمریںاٹھارہ سال سے زائد ہیں، انہیں نیروبی میں پارک لینڈ کے ایک بھارتی ڈانس کلب سے گرفتار کرکے عدالت میں پیش کیا گیا۔مبینہ طور پر یہ لڑکیاں بیلی ڈانسر تھیں۔

ان پر ملک میںغیر قانونی داخلے کا الزام لگایا گیا، اس کے ساتھ عدالت کو یہ بھی بتایا گیا کہ ان خواتین کو جس مقصد کے لئے ویزے جاری کیے گئے ، وہ واضح درج تھے مگر وہ مشکوک سرگرمیوں میں ملوث پائی گئیں۔سینئر پرنسپل مجسٹریٹ نے ان پاکستانی خواتین سے تفتیش کا حکم دیا۔وکیل دفاع نے عدالت کو بتایا کہ کھیل کیبنٹ کے سیکرٹری راشد ایچاکی مدد سے غیرملکی ثقافت کے فروغ کے لئے یہ لڑکیاں کینیا میں داخل ہوئیں۔ہر لڑکی نے محکمہ امیگریشن کوتقریباً62ہزار روپے(45ہزار کینان شلنگ) ادا کیے۔عدالت نے لڑکیوں کو ایک این جی او کے سیف ہاؤس میں زیر حراست رکھنے کا حکم دیا جن تک صرف بین الاقومی جرائم ڈیسک کی پولیس کو رسائی دی گئی۔ان لڑکیوں کی گرفتاری کے ساتھ ہی کیبنٹ سیکریٹری پر انسانی اسمگلنگ کے الزامات عائد کردیئے گئے جس پر کھیل وثقافت کی وزارت کی طرف سے بیا ن جاری کرنا پڑا کہ پاکستانی لڑکیاں نیروبی میں بھارتی ثقافتی میلے میں شرکت کے لئے آئیں تھیں جس میں کیبنٹ سیکریٹری کا یہ عمل دخل ہے کہ ان کی طرف سے این او سی جاری کیا گیا۔

اسلام آباد(نیٹ نیوز/ایمرا نیوز) العزیزیہ اسٹیل ملز ریفرنس میں سابق وزیراعظم نوازشریف نے ایک بار پھر اسلام آباد ہائی کورٹ سے رجوع کرلیا۔سابق وزیراعظم کی جانب سے ہائیکورٹ میں ضمنی درخواست میں العزیزیہ اسٹیل ملز ریفرنس میں سزا کے خلاف اپیل جلد سماعت کے لیے مقرر کرنے کی استدعا کی گئی ہے۔ضمنی درخواست میں کہا گیا ہے کہ 2 رکنی بینچ درخواست پر سماعت کرچکا ہے جب کہ عدالت نے سزا معطلی کی درخواست مرکزی اپیل کے ساتھ سننے کی ہدایت کی ہے۔یاد رہے کہ احتساب عدالت نے 24 دسمبر کو العزیزیہ ریفرنس کا فیصلہ سناتے ہوئے نواز شریف کو سات سال قید و جرمانے کی سزا سنائی تھی اور انہیں فلیگ شپ ریفرنس میں بری کیا تھا۔سابق وزیراعظم نے احتساب عدالت کے فیصلے کیخلاف یکم جنوری اور پھر 4 جنوری کو اسلام آباد ہائیکورٹ میں درخواست دائر کی اور دونوں مرتبہ رجسٹرار نے اعتراض لگا کر درخواست واپس کردی تھی۔

اسلام آباد(نیٹ نیوز/ایمرا نیوز) عالمی شہرت یافتہ فٹبالرز لوئیس فیگو اور کاکا نےوزیراعظم عمران خان کے نام وڈیو پیغام بھیجا ہے۔فیگو اور کاکا پاکستان آنے کےلئے کافی پر جوش ہیں،پاکستان آمد سے قبل اپنے ایک ویڈیو پیغام میں انہوں نے وزیر اعظم عمران خان کو مخاطب کرتے ہوئے کہا کہ ہیلو عمران خان ، آپ پاکستان میں ہیں، ہم پاکستان آرہے ہیں، آپ سے جلد ملاقات ہوگی۔برازیل کے کاکا اور پرتگال کے سابق کپتان لوئیس فیگو 10 جنوری کو پاکستان پہنچیں گے جس کے بعد وہ کراچی اور لاہور میں مداحوں سے ملیں گے اور ورلڈ سوکر اسٹارز کا افتتاح بھی اعلان کریں گے۔واضح رہےورلڈ سوکر اسٹارز کے دو میچز 26 اور 29 اپریل کو کراچی اور لاہور میں ہوں گے جس میں فیگو اور کاکا کے علاوہ دیگر سپر اسٹار فٹبالرز بھی ایکشن میں ہوں گے ۔کاکا اور فیگو نے پاکستانی مداحوں کے نام بھی ویڈیو پیغامات بھی بھیجے ہیں۔کاکا کا کہنا ہے کہ وہ پاکستان آنے کے لیے کافی خوش ہیں وہ یہاں آکر فٹبال کا نیا ٹیلنٹ بھی تلاش کریں گے جب کہ فیگو کا کہنا ہے کہ وہ پہلی بار پاکستان آئیں گے، امید ہے کہ 22 کروڑ والی آبادی والے ملک میں فٹبال کا اچھا ٹیلنٹ ملے گا۔

سان فرانسسكو:(نیٹ نیوز/ایمرا نیوز) کمپیوٹر اور لیپ ٹاپ پر خاص انداز سے نظر جمانے کا عمل گردن، کندھوں اور مہروں کے درد کی وجہ بن رہا ہے بظاہر یہ بے ضرر انداز ہی غنودگی، عدم توجہ، دردِ سر، پٹھوں کے تناؤ اور مہروں میں مستقل بگاڑ کی وجہ بھی بن رہا ہے۔سان فرانسسکو اسٹیٹ یونیوررسٹی میں صحت کے پروفیسر ایرک پیپر اور ان کے ساتھیوں نے کہا ہے کہ جب آپ سیدھے اور کھڑے ہوکر اپنی گردن کو ستواں رکھتے ہیں تو آپ کا جسم آپ کے سر اور گردن کا وزن سہار لیتا ہے جو 12 پونڈ تک ہوسکتا ہے۔

جیسے ہی آپ (اوپر تصویر کے مطابق) اپنے چہرے کو اسکرین کے قریب لاتے ہیں تو آپ کا سر 45 درجے زاویے تک چلا جاتا ہے اب گردن اور سر کا بوجھ بڑھ کر 45 پونڈ تک جاپہنچتا ہے اور لوگ، گردن، کاندھوں، حرام مغز اور دردِ سر کی شکایت کرنے لگتے ہیں یہاں تک کہ گردن گھمانا بھی مشکل ہوجاتا ہے اور کمر کے درد کا عارضہ بھی لاحق ہوجاتا ہے۔اس کے لیے ماہرین نے کئی طلبا و طالبات کا سروے کیا جس میں کمپیوٹراستعمال کرتے ہوئے سر اور گردن کی پوزیشن کا جائزہ لیا گیا۔ پہلے 87 افراد سے کہا گیا کہ وہ سر کو گردن کی سیدھ میں رکھیں اور پھر گردن دائیں اور بائیں گھمائیں اور 92 فیصد افراد نے اپنی گردن انتہائی حد تک گھمائی۔

اب طلبا سے کہا گیا کہ وہ چہرے کو گردن کی سیدھ سے آگے کی جانب بڑھائیں اور ان سے کہا کہ وہ اسی انداز میں رہتے ہوئے اپنی گردن دائیں اور بائیں گھمائیں۔ صرف 30 سیکنڈ بعد ہی 98 فیصد رضاکاروں نے گردن، سر، یا آنکھوں میں درد اور تناؤ کی شکایت کی۔بعد ازاں الیکٹرو مایوگرافی اور دیگر آلات کے ذریعے دیکھا گیا تو معلوم ہوا کہ سر آگے کرنے کی پوزیشن میں خاص ٹراپیزئیس پٹھوں پر تناؤ بہت بڑھ گیا تھا۔ اسی بنا پر ماہرین کہہ رہے کہ آپ کو کمپیوٹر کے سامنے بیٹھنے کا اندازہ نہیں ہوتا اور جب بھی کاندھوں، سر یا گردن میں درد محسوس ہو تو فوری طور پر اپنے بیٹھنے گردن اور سر کی پوزیشن کا جائزہ لیں۔ماہرین نے اس ضمن میں کہا ہے کہ جب بھی کمپیوٹر یا لیپ ٹاپ کے سامنے بیٹھیں تو سمجھیں کہ چھت سے ایک ان دیکھا دھاگا بندھا ہے جس کا اگلا سرا آپ کے سر سے جڑا ہے۔ اس طرح گردن سیدھی رکھ کر کئی مسائل سے بچا جاسکتا ہے۔

پینسلوانیہ:(نیٹ نیوز/ایمرا نیوز) امریکا میں ایک 19 سالہ رضاکار فائر فائٹر پر حال ہی میں مجرمانہ فعل اور دو مکانات کی آتشزدگی کا الزام عائد کیا گیا ہے بقول مجرم اس نے بوریت دور کرنے کے لیے ان دو مکانات کو نذرِ آتش کیا تھا۔پٹسبرگ سے جنوب مشرق میں واقع ایک علاقے میں ریان لوبہام پر الزام ہے کہ اس نے تین سے 10 دسمبر کے درمیان دو گھروں کو آگ لگائی۔ پولیس نے چشم دید گواہوں اور سی سی ٹی وی ویڈیو کے بعد کہا ہے کہ دونوں معاملات میں ریان ملوث ہے جو حقیقت میں ایک فائرفائٹر ہے اور کوئی کام نہ ہونے کی وجہ سے وہ اکتاہٹ محسوس کررہا تھا۔ایک گھر کے مالک نے بتایا کہ 10 دسمبر کی صبح 3 بجے وہ سورہا تھا کہ دھواں بھرنے اور شعلوں کو دیکھ کر اس کی آنکھ کھل گئی۔ اس کے بعد گھر کی خاتون پڑوس کی جانب گئی جہاں پولیس سے رابطہ کیا گیا۔ آگ بجھانے والے عملے نے بتایا کہ ان کے خیال میں دونوں واقعات میں جان بوجھ کر آگ لگائی گئی ہے۔ اس کے بعد پولیس اور عملے نے علاقے کے مکینوں سے بات چیت کی اور سی سی ٹی وی فوٹیج بھی دیکھی۔