Tag France

امید ہے کہ شہباز شریف مثبت اپوزیشن کا کردار ادا کرینگے،وزیر اعظم کی خواہش ہے اسمبلی میں جو تماشے ہوتے رہے ہیں وہ ختم ہوں،معاون خصوصی
وزیر اعظم کی خو اہش پرسپیکر نے ضابطہ اخلاق کےلئے کمیٹی تشکیل دی ، پیر کو حکومت اور اپوزیشن کا اجلاس ہوگا اگر اپوزیشن نے مثبت رویہ اختیار کیا تو عمران خان بھی ایوان میں خطاب کریں گے،میڈیاسے گفتگو
اسلام آباد (ایمرا نیوز آن لا ئن ) وزیر اعظم کے معاون خصوصی نعیم الحق نے کہا ہے کہ شہباز شریف کی ضمانت کے فیصلے کا احترام کرتے ہیں،امید کرتے ہیں شہباز شریف اپوزیشن کا کردار بہتر انداز میں ادا کریں گے، اگر اپو زیشن کا رویہ اچھا ہو ا تو وزیر اعظم عمران خان (پیر ) کو اسمبلی میں خطاب کر یں گے ،شہباز شریف کو پی اے سی کی چیئرمین شپ سے ہٹانے پر کبھی سنجیدگی سے غور ہی نہیں ہوا ۔ ان خیالا ت کا اظہا ر انہو ں نے جمعہ کے روز اسلا م آباد میں میڈیا سے گفتگو کے دوران کیا ۔ نعیم الحق نے کہاکہ تحریک انصاف قومی اسمبلی کو نئے اور مثبت انداز میں چلانا چاہتی ہے ہم امید کر تے ہیں کہ شہباز شریف قائد حزب اختلا ف کی حیثیت سے وہ کر دارا دا کر یں گے جس سے ملک اور عوام کو فائد ہ ہو گا وزیر اعظم عمران خان چاہتے ہیں کہ قومی اسمبلی میں آج تک جو تما شے ہو تے رہے ہیں وہ ختم کر کہ ایک نئی روش اختیا ر کی جا ئے اور ذاتیا ت پر حملے بند کر کے اسمبلی کی کا رروائی میں مکمل ڈسپلن اختیا ر کیا جا ئے وزیر اعظم کی خو اہش پر اسپیکر اسد قیصر نے ضابطہ اخلاق کےلئے کمیٹی تشکیل دی ہے ، اس حوالے سے پیر کو حکومت اور اپوزیشن کا اجلاس ہوگا اگر اپوزیشن نے مثبت رویہ اختیار کیا تو عمران خان بھی ایوان میں خطاب کریں گے اور اپو زیشن کے ساتھ مل بیٹھ کر ملک و قوم کے لئے اچھے فیصلے کئے جائیں گے امید کر تے ہیں کہ شہباز شریف ایک ایسا مثبت رویہ اختیا ر کریں گے جس سے قومی اسمبلی کی کا روائی آگے بڑھ سکیں گی اور عوام کے مسائل حل ہو نے کے ساتھ ساتھ ان کو یہ تاثر بھی ملے گا کہ اسمبلی کو ئی سرکس نہیں بلکہ قانون ساز ادارہ ہے جو ہما رے مسائل کے حل کے لئے کو شاں ہے ۔ نعیم الحق نے کہاکہ میڈیا سیاسی قائدین کے گرما گرم بیانات کو اہمیت نہ دے شہباز شریف کو پی اے سی کی چئیرمین شپ سے ہٹانے پر کبھی سنجیدگی سے غور ہی نہیں ہوا ۔ ایک سواال کے جو اب میں انہو ں نے کہا کہ پیر کو اپوزیشن سے اجلاس میں مثبت انداز میں آگے بڑھنے پر اتفاق ہوگا۔( درانی )

فیصل آباد(ایمرا نیوز آن لائن) فیصل آبادچیمبر آف کامرس اینڈ انڈسٹری کے سابق ا یگزیکٹو ممبر و چیئرمین قائمہ کمیٹی برائے کسٹم انیڈ ڈرائی پورٹ اورانجمن تاجران سٹی فیصل آباد کے نائب صدر حاجی محمد اصغر نے سعودی عرب کے ولی عہد شہزادہ محمد بن سلمان کی پاکستان آمد کاخیر مقدم کرتے ہوئے کہا ہے کہ سعودی حکومت کی جانب سے پاکستان میں اربوں ڈالر کی سرمایہ کاری سے پاکستان کی معاشی صورتحال میں انقلاب آئے گا ۔ انشاءاﷲ اب وہ وقت دور نہیں جب اسلامی ممالک معاشی‘ ایٹمی قوت کے لحاظ سے پوری دنیا میں سپرپاور بنیںگے۔ سعودی ولی عہد شہزادہ محمدبن سلمان کے دورے سے پاک سعودیہ دوستی کا ایک نیا دور شروع ہوگا۔ انہوںنے کہاکہ پاک سعودی تعلقات مضبوط سے مضبوط تر ہونگےسعودیہ نے ہرمشکل وقت میں پاکستان کا کھل کر ساتھ دیا اب جبکہ پاکستا ن معاشی بحران کا شکار ہے ا س وقت پاکستان کو سرمایہ کاری اور ویلیو ایڈیشن کی ضرورت ہے جس کیلئے موجودہ حکومت ہر ممکن مراعات دے رہی ہےسعودی عرب کی طرف سے اربوں ڈالر سرمایہ کاری اور تجارتی معاہدےانشاءاللہ ملک کی تقدیر ل دینگے ۔غیرملکی سرمایہ کاری سے پاکستان سے بے روز گاری کاخاتمہ ہوگا سعودی حکومت کی جانب سے ایشیاءمیں سرمایہ کاری کی بدولت پاکستان معاشی سرگرمیوں میں اضافہ ہوگا انہوں نے کہا کہ وزیر اعظم عمران خان کی ملک کو مالی بحران سے نکالنے کے ساتھ ساتھ ملکی برآمدات کے فروغ کےلئے مخلصانہ کاوشوں قابل تعریف ہیں ، سابق حکمرانوں نے آج تک پاکستان کےلئے کچھ نہیں کیا اور نہ ہی کوئی انڈسٹری کےلئے کیا جس کی وجہ سے پاکستان کا تجارتی خسارہ خطرناک حد تک بڑھ چکا ہے۔ اگرچہ موجودہ حکومت کی کوششوں سے برآمدات میں اضافہ اور درآمدات میں کمی کے ساتھ ساتھ غیر ملکی ترسیلات بھی بڑھ رہی ہیں تاہم پائیدار معاشی ترقی کیلئے براہ راست سرمایہ کاری کی اشد ضرورت ہے۔ انہوں نے کہا کہ سعودی عرب ،متحد ہ عرب ممالک کو مزید پاکستان میں سرمایہ کاری کرنی چاہئے جبکہ پاکستان انڈسٹری کےلئے یورپ سمیت دوسرے ترقی یافتہ ملکوں میں مقیم پاکستانیوں کو وطن عزیز سے محبت کے عملی اظہار کیلئے از خود سرمایہ کاری کی نئی راہیں تلاش کرنا ہوں گی۔ اس طرح جہاں وہ ملکی ترقی میں اپنا حصہ ڈال سکیں گے وہاں جدید ٹیکنالوجی سے ملک میں پیدا ہونے والے خام مال سے عالمی معیار کی اشیاءتیار کر کے دوسرے ملکوں کو برآمد بھی کی جا سکیں گی۔

اسلام آباد(ایمرا نیوز آن لائن) سپریم کورٹ این آئی سی ایل سکینڈل کے مرکزی ملزم محسن حبیب وڑائچ کی حفاظتی ضمانت کی درخواست واپس لینے کی استدعا مسترد کرتے ہوئے نیب سے جواب طلب کر لیا ہے ۔ معاملہ کی سماعت جسٹس گلزار احمد کی سربراہی میں 2 رکنی بنچ نے کی ۔درخواست گزار کے وکیل عامر عباس نے اس موقع پر عدالت کو بتایا کہ محسن حبیب نیب کے سامنے پیش ہو چکے ہین ۔ نیب نے محسن حبیب کے وارنٹ گرفتاری جاری ہی نہیں کئے ۔ وارنٹ جاری نہ ہونے کی بنیاد پر حفاظتی ضمانت کی دائرہ کردہ کردہ درخواست واپس لینا چاہتے ہیں ۔ عدالت نے معاملہ پر نیب کو نوٹس جاری کرتے ہوئے این آئی سی ایل کے مرکزی ملزم محسن حبیب کی درخواست واپس لینے کی استدعا مسترد کرتے ہوئے نیب کو آئندہ سماعت پر عدالت کو حقائق سے آگاہ کرنے کا حکم جاری کر دیا ہے ۔ معاملہ کی سماعےت غیر معینہ مدت تک کے لئے ملتوی کر دی گئی ہے ۔( جاوید/ توصیف احمد عباسی)

اسلام آباد(ایمرا نیوز آن لائن) سابق صدر آصف علی زرداری کی طرف سے جعلی اکاؤنٹس معاملے میں نظرثانی اپیل کے بعد ایف آئی اے اور جے آئی ٹی کو مزید تحقیقات جاری رکھنے سے روکنے کے لئے عدالت عظمٰی سے ایک دفعہ پھر رجوع کیا گیا ہے ۔ سپریم کورٹ میں دی گئی درخواست میں استدعا کی گئی ہے کہ عدالتی فیصلے میں جے آئی ٹی کو نیب سے معاؤنت کا کہا گیا ۔معاملہ میں ایف آئی اے تاحال کارروائی جاری رکھے ہوئے ہے ۔ ایف آئی اے نے مجوزہ فیصلہ کے بعد درخواست گزار کے لیگل ایڈوائزر ابوبکر کو نہ صرف طلب کیا بلکہ ان سے مخصوص بینک اکاؤنٹس بارے پوچھ گچھ کی گئی ۔ معاملہ میں ایک ہی وقت 2 ادارے نیب اور ایف آئی اے متوازی تحقیقات جاری رکھے ہوئے ہیں ۔ایف آئی اے کی طرف سے واضح عدالتی حکمنامہ کے باوجود تحقیقات جاری رکھنا غیر قانونی و غیر آئینی ہے ۔ آئین پاکستان کے تحت بطور شہری آصف زرداری کے حقوق کے تحفظ بناتے ہوئے مناسب احکامات جاری کئے جائیں ۔ ( جاوید)

عدالت نے قتل مقدمے میں ملزمان کی بریت کیخلاف دائر نظر ثانی اپیلیں خارج کر دیں
اسلام آباد(ایمرا نیوز آن لائن) چیف جسٹس آف پاکستان آصف سعید کھوسہ نے ملزمان کی بریت کیخلاف نظر ثانی اپیل کی سماعت کے دوران ریمارکس دیئے ہیں کہ اﷲ تعالٰی نے سچی شہادت کا حکم دیا جبکہ لاہور ہائی کورٹ نے 40 سال پہلے جھوٹے گواہان کو کھلی چھٹی دے دی ۔ اسلامی یا انگلش قوانین میں سے کوئی بھی جھوٹی گواہی تسلیم نہیں کرتا ۔ لاہور ہائی کورٹ کے 4 دہائیوں قبل دیئے گئے فیصلے میں جھوٹ بولنے کا لائسنس دیا گیا ۔ قرآن مجید میں بھی جھوتی گواہی کی شہادت خارج کرنے کا حکم ہے ۔ چند دن میں ہی انشاءاﷲ جھوٹی گواہی خارج کرنے ولا وقت واپس آئے گا ۔ مجوزہ معاملہ میں بھی گواہان نے سچ نہیں بولا ۔ ملزمان حنیف اور شریف پر 2 افراد کے قتل کا الزام تھا کہ وہ رشتہ لینے گئے اور 2 افراد کو قتل اور 4 کو زخمی کر آئے ۔ رشتہ مانگنے والوں کو تو کوئی جان سے نہیں مارتا ۔ ٹرائل کورٹ نے ایک ملزم کو بری جبکہ دوسرے کو سزائے موت دی تھی ۔ ہائی کورٹ نے دوسرے ملزم کو بھی بری کر دیا تھا ۔ عدالت عظمٰی نے ہائی کورٹ کے فیصلہ کو برقرار رکھتے ہوئے ملزمان کی بریت کے خلاف دائر نظرثانی اپیل خارج کرتے ہوئے معاملہ نمٹا دیا ہے ۔( جاوید/ توصیف احمد عباسی )

یہ کمپنی حکومتی اداروں کو بہتر بنانے اور نقصانات ختم کرنے کیلئے کام کرے گی:اسد عمر
اسلام آباد(ایمرا نیوز آن لائن) وزیر خزانہ اسد عمر نے حکومتی اداروں کو بہتر بنانے اور نقصانات ختم کرنے کیلئے ’سرمایہ پاکستان لمٹیڈ کمپنی‘ قائم کر دی ۔ جمعہ کو وزیر خزانہ اسد عمر نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا ہے کہ حکومتی اداروں کی بحالی کیلئے سرمایہ پاکستان لمیٹڈ کے نام سے ہولڈنگ کمپنی بنا دی ہے ،یہ کمپنی حکومتی اداروں کو بہتر بنانے اور نقصانات ختم کرنے کیلئے کام کرے گی ،کیونکہ حکومتی تحویل میں موجود ادارے ملکی وسائل کو کھا رہے ہیں ،جس کی وجہ سے یہ وسائل ملکی ترقی اور خوشحالی کیلئے استعمال نہیں ہوتے ،اس لیے اداروں کو تحویل میں لینے اور معیشت کو بہتر بنانے کیلئے یہ قدم ناگزیر تھا ۔

تہران کےساتھ تجارت کیلئے انقرہ ایک بنیادی لائحہ عمل تیار کرنے کو رضامند ہے‘صدراردگان
ماسکو (ایمرا نیوز آن لائن) ترک صدر طیب اردگان نے اعلان کیا ہے کہ ترکی ایران پر امریکہ کی جانب سے معاشی پابندیاں نظر انداز کرکے باہمی تجارت کرنے لیے بالکل تیار ہے۔روس کے شہر سوچی میں روس، ایران اور ترکی کے صدور کے مابین ملاقات کا دور رواں دواں ہے۔اپنے بیان میں ترک صدر رجب طیب اردگان نے کہا کہ ایران کےساتھ تجارت کے لیے ترکی ایک بنیادی لائحہ عمل تیار کرنے کو رضامند ہے، ایران کےساتھ کئی نکات پر بات چیت کے اچھے اثرات مرتب ہوئے ہیں اور ترکی ایران کےساتھ بات چیت و تجارت سے تعلقات مزید بہتر کرنا چاہتا ہے۔واضح رہے کہ ترکی کی جانب سے ایران سے تعلقات کے بارے میں یہ اعلان اس وقت سامنے آیا ہے جب پولینڈ کے شہر وارسا میں امریکا اور کئی یورپین ممالک کی ایک کانفرنس منعقد ہورہی ہے میڈیا کے مطابق اس کانفرنس کے انعقاد کے مقاصد و مندرجات میں سے ایک ایران کے مشرق وسطیٰ میں بڑھتے ہوئے اثرورسوخ کو کم کرنا اور اس پر دباو¿ بڑھانا بھی شامل ہے۔

کوالالمپور (ایمرا نیوز آن لائن) ملائیشیائی حکام نے دہشتگردانہ حملوں کی منصوبہ بندی کرنے کے الزام میں چھ مشتبہ افراد کو گرفتار کر لیا ۔ غیر ملکی خبررساں ادارے کے مطابق پولیس حکام نے بتایا کہ دسمبر اور جنوری کے درمیان مختلف چھاپوں کے دوران چھ افراد کو دہشتگرد گروپوں کے ساتھ تعلق کے شبہ میں گرفتار کیا گیا ہے ۔ گرفتار کئے جانے والے افراد دہشتگردانہ حملوں کی منصوبہ بندی کر رہے تھے ۔ حراست میں لئے گئے افراد کا تعلق ملائیشیا ، سنگاپور ، بنگلہ دیش اور جاپان سے ہے ۔ حکام کا کہنا ہے کہ حراست مین لئے گئے افراد سے تحقیقات شروع کر دی گئی ہیں ۔( جاوید)

لاہور (ایمرا نیوز آن لائن) پاکستان پیپلز پارٹی لاہور کے صدر حاجی عزیز الرحمن چن نے کہا ہے کہ تحریک انصاف عوام سے جھوٹ بول کر اپنے نعرے سے یوٹرن لے رہی ہے عمران خان متعدد بار کہہ چکے ہیں کے وہ عوام کے ساتھ جھوٹ نہیں بولیں گے جبکہ آئی ایم ایف سے نرم شرائط پر قرضہ حاصل کرنے کے دعوے جھوٹے ثابت ہو رہے ہیں۔ یہاں سے جاری ایک بیان میں انہوں نے کہا کہ کڑی شرائط پر حاصل ہونے والے قرضے سے بجلی مزید 30 فیصد مہنگی ہو گی اور مہنگائی کا جن بھی عوام کا کھائے گا۔ آئی ایم ایف سے آئندہ ماہ ہونے والے سمجھوتے سے پہلے حکومت کو شرائط میں تبدیلی کے لئے مزید گفت و شنید کرے انہوں نے کہا سعودی عرب، متحدہ عرب امارات، چین اور قطر سے ملنے والے قرضوں کے باوجود آئی ایم ایف کے پاس جانے سمجھ سے بالاتر ہے۔ اپنے چھ ماہ کے دورِ اقتدار میں قرضوں کے بھرمار عمران خان کے دعوﺅں کی نفی ہے۔ وزیر اعظم انتخابی مہم میں قرضے نہ لینے کے دعوے کر چکے ہیں۔ جبکہ اب قرضے حاصل کر کے حکومت شادیانے بجاتی نظر آتی ہے۔

لاہور (ایمرا نیوز آن لائن) پاکستان تحریک انصاف کی رکن پنجاب اسمبلی سعدیہ سہیل رانا نے بھارت کی طرف سے بغیر تحقیقات کے پاکستان پر الزام تراشی کے خلاف مذمتی قرارداد پنجاب اسمبلی میں جمع کروا دی ہے جس میں کہا گیا ہے کہ پنجاب کا یہ مقدس ایوان بغیر تحقیق مقبوضہ کشمیر میں خودکش حملے کا الزام پاکستان پر لگانے کی شدید الفاظ میں مذمت کرتا ہے بھارت الزام تراشی کر کے خطے کا امن تباہ کرنے پر تلا ہوا ہے واقعہ پر بھارت کے ردِ عمل نے شکوک و شبہات پیدا کئے ہیں اس لئے واقعہ کی غیر جانبدارانہ تحقیقات ہونی چاہیں۔ پاکستان پرامن ملک ہے اور تمام معاملات بات چیت سے حل کرنے پر زور دیتا ہے پاکستان خود دہشت گردی کا شکار رہا ہے اس سلسلہ میں طویل جنگ لڑی ہے اور لاکھوں معصوم جانوں کا نذرانہ دیا ہے۔