Tag France

شام کے پناہ گزین کیمپ میں موجود امریکی خاتون ہدی متنا کالج کی طالبعلم تھی اور والدین سے جھوٹ بول کر ٹیوشن فیس پر ترکی سفر کیا اور بعدازاں شام پہنچ کر داعش میں شمولیت اختیار کی
نیویارک (ایمرا نیوز آن لائن)دہشت گرد تنظیم داعش میں شمولیت اختیار کرنے والی امریکی اور کینیڈین دو خواتین نے ملک واپسی کی امید ظاہر کر دی۔ شام کے پناہ گزین کیمپ میں موجود امریکی خاتون ہدی متنا کالج کی طالبعلم تھی اور والدین سے جھوٹ بول کر ٹیوشن فیس پر ترکی سفر کیا اور بعدازاں شام پہنچ کر داعش میں شمولیت اختیار کی۔امریکی سیکریٹری اسٹیٹ مائیک پومپیو نےمذکورہ رپورٹ منظر عام پر آنے کے بعد اپنے بیان میں کہا ہے کہ امریکا میں پیدا ہونے والی ہدی متنا کی واپسی ناقابل قبول ہے۔ انہوں نے کہا کہ وہ اب امریکی شہری نہیں اور انہیں ہرگز واشنگٹن قبول نہیں کرے گا۔ہدی متنا نے اپنے انٹرویو میں کہا کہ مجھے یقین نہیں کہ میں نے خود اپنی زندگی اور مستقبل برباد کردیا۔انہوں نے بتایا کہ نومبر 2014 میں شام کی سرحد میں داخل ہوئی، داعش نے مجھے خواتین کی خواب گاہ میں رکھاجہاں پر دنیا بھر سے غیر شادی شدہ لڑکیاں موجود تھیں۔ان کا کہنا تھا کہ ہر روز داعش کے جنگجو ایک لسٹ لے کر خواب گاہ میں داخل ہوتے اور شادی کے لیے لڑکیوں کو ساتھ لے جاتے۔ہدی متنا نے بتایا کہ ہمیں شادی سے قبل خواب گاہ چھوڑنے کی اجازت نہیں تھی۔امریکی خاتون کا کہنا تھا کہ گزشتہ 4 برس کے دوران، ان کی داعش کے 3 جنگجوں سے شادی ہوئی تاہم اب وہ اپنے عمل پر شدید پشیمان ہیں اور امریکا میں اپنے گھر واپس جانا چاہتی ہیں۔

شاہی خاندان کی جانب سے گود بھرائی کی خفیہ رسم ادا کی گئی ، تقریب پرتعیش ہوٹل میں منعقد کی گئی، جس میں ان کی قریبی دوستوں نے شرکت کی
لندن(ایمرا نیوز آن لائن)برطانوی شاہی خاندان کی چھوٹی بہو ڈچز آف سسیکس امید سے ہیں اور ان کے ہاں رواں برس اپریل تک بچے کی پیدائش ہوگی۔شہزادے ہیری اور میگھن مارکل کے ہاں پہلے بچے کی متوقع پیدائش کے حوالے سے اکتوبر 2018 میں شاہی خاندان نے تصدیق کی تھی۔شاہی خاندان کی جانب سے بتایا گیا تھا کہ ڈیوک آف سسیکس اور ڈچز آف سسیکس کے ہاں آئندہ برس کے موسم بہار تک بچے کی پیدائش متوقع ہے۔شادی اور امید سے ہونے کے بعد یہ پہلا موقع ہے کہ میگھن مارکل اپنے آبائی ملک امریکا گئی ہیں۔ میگھن مارکل 5 روزہ دورے کے لیے نیویارک پہنچیں، جہاں انہوں نے بچے کی گود بھرائی کی رسم میں بھی شرکت کی۔اگرچہ میگھن مارکل کے بچے کی گود بھرائی کی رسم کے حوالے سے شاہی خاندان کی جانب سے تصدیق نہیں کی گئی، تاہم متعدد امریکی و برطانوی نشریاتی اداروں نے اپنے ذرائع سے بتایا کہ گود بھرائی کی رسم خفیہ طور پر نبھائی گئی۔رپورٹ کے مطابق میگھن مارکل کے بچے کی گود بھرائی کی تقریب پرتعیش ہوٹل میں منعقد کی گئی، جس میں ان کی قریبی دوستوں نے شرکت کی۔گود بھرائی کی تقریب میگھن مارکل کی کینیڈین اسٹائلسٹ دوست جیسیکا ملرونی کی جانب سے منعقد کی گئی۔اطلاعات کے مطابق میگھن مارکل کے بچے کی گود بھرائی کی تقریب میں صرف 15 افراد نے شرکت کی اور تقریب کو انتہائی خفیہ رکھا گیا تھا۔میگھن مارکل بچے کی گود بھرائی کی تقریب اور کچھ وقت دوستوں کے ساتھ گزارنے کے بعد شوہر ہیری کے ساتھ افریقی دورے پر جائیں گی، جہاں وہ کچھ دنی قیام کے بعد برطانیہ لوٹیں گی۔

ٹوکیو کا نکی 225 انڈیکس 128.84 پوائنٹ فیصد بڑھ کر 21431.49 پوائنٹ پر بند ہوا
ہانگ کانگ (ایمرا نیوز آن لائن)ایشین سٹاک مارکیٹس میں تیزی رہی جس کی وجہ وال سٹریٹ بزنس میں تیزی اور امریکا چین تجارتی کشیدگی میں کمی کا امکان ہے۔ٹوکیو کا نکی 225 انڈیکس جمعرات کو کو 128.84 پوائنٹ (0.60 فیصد) بڑھ کر 21431.49 پوائنٹ پر بند ہوا جبکہ ٹاپکس انڈیکس 6.95 پوائنٹ (0.43 فیصد) اضافے کے ساتھ 1613.47 پوائنٹ، ہانگ کانگ سٹاک 0.9 فیصد، شنگھائی انڈیکس 0.2 فیصد، سنگاپور 0.4 فیصد اور ولنگٹن سٹاک 0.3 فیصد، سیﺅل، تائپے اور منیلا 1 فیصد سے زائد پر بند ہوئے تاہم سڈنی سٹاک میں 0.2 فیصد کمی ریکارڈ کی گئی۔

سی پیک اور فی کس آمدن میں اضافے کے باعث طلب بڑھ رہی ہے ،رپورٹ
کراچی (ایمرا نیوز آن لائن)ملکی و کاروباری شعبے میں صارفین کی جانب سے زیادہ طلب کے باعث ملک میں گزشتہ چند برسوں میں برقی مصنوعات کی صنعت میں تیزی آئی ہے جبکہ رواں مالی برس 2018-19کی پہلی سہہ ماہی کے دوران برقی مصنوعات کی طلب میں7.8فیصد کا اضافہ دیکھا گیا ۔اسٹیٹ بینک آف پاکستان کی ایک رپورٹ کے مطابق پاکستان کی تیزی سے بدلتی ہوئی معاشی صورتحال کے باعث ملک بھر میں صارفین کی جانب سے برقی مصنوعات کی طلب میں اضافہ دیکھا جارہا ہے جبکہ اسی رجحان کے باعث برقی مصنوعات کے شعبے میں ملک میں غیر ملکی سرمایہ کاری بھی تیزی سے فروغ پارہی ہے ۔رپورٹ کے مطابق مالی سال2019میں ملک بھر میں الیکٹرک موٹرز کی پیداوار کے ساتھ ساتھ مختلف اقسام کی کولنگ کے سامان کی پیداوار میں بھی اضافہ دیکھا گیا ،ملک میں بڑی اور اونچی عمارتوں کے ساتھ ساتھ رہائشی منصوبوں کی تعمیرات نے ایئر کنڈیشننگ سسٹم کی طلب کو کہیں زیادہ بڑھا دیا ہے ،اس شعبے میں بڑھتی ہوئی طلب نے مقامی سرمایہ کاروں کے ساتھ ساتھ غیر ملکی سرمایہ کاروں کی توجہ بھی اپنے جانب مبذول کردی ہے ،مقامی اور غیر ملکی کمپنیوں کے درمیان اس شعبے میں اشتراک بھی دیکھا جارہا ہے جبکہ متعدد کمپنیوں نے پاکستان میں مینو فیکچرنگ پلانٹ کی تنصیب میں بھی دلچسپی کا اظہارکیا ہے ،سی پیک منصوبے اور فی کس آمدن میں اضافے کے باعث برقی مصنوعات کی طلب بڑھتی جارہی ہے ،ملک میں ماحولیاتی اثرات کے باعث بڑھتی ہوئی گرمی نے بھی برقی مصنوعات (ایئر کنڈیشن،ایئر کولر،ریفریجریٹر ودیگر ) کی مانگ میں اضافہ کردیا ہے ،رپورٹ کے مطابق اس رجحان کے باعث اس شعبے میں نہ صرف سرمایہ کاری میں اضافہ متوقع ہے بلکہ مقامی مینو فیکچرنگ کی سہولت کے بعد برقی مصنوعات کی قیمتوں میں کمی بھی متوقع ہے ۔

گوادر پورٹ میں 5جدید نئی کرینیں نصب ،20 ہزار گیلن صاف پانی روزانہ فراہم کیا جارہا ہے، حکام
اسلام آباد (ایمرا نیوز آن لائن)چین پاکستان اقتصادی راہداری کے تحت گوادر پورٹ میں اب تک 250ملین ڈالر کی سرمایہ کاری کی گئی ہے، 5 جدید نئی کرینیں نصب کی گئی ہیں، 2 لاکھ 20 ہزار گیلن صاف پانی روزانہ فراہم کیا جارہا ہے،گوادر میں سیویج ڈسپوزل سسٹم اور کارگو ہینڈلنگ کے لئے آلات بھی نصب کئے گئے ہیں۔سی پےک سےکرٹرےٹ کے حکام کے مطابق پاکستان اور چین کے مابین گوادر پورٹ بین الاقوامی اور جدید بندرگاہ بنانے میں مدد ملے گی وہاں اقتصادی زونز کو عملی شکل دے کر پاکستان میں صنعتی انقلاب کیلئے راہ ہموار ہوگی۔دستاویزات کے مطابق گوادر ایسٹ بے ایکسپریس وے منصوبے18.9کلومیٹر چار لین شاہراہ کی تعمیر کی جارہی ہے ،یہ شاہراہ گوادر بندرگاہ کو مکران کوسٹل ہائی وے، فری زون اور مستقبل کے کنٹینرز ٹرمینل سے ملائے گی۔

اسلام آباد(ایمرا نیوزآن لائن رپورٹ اظہر محمود سے) حکومت نے ہفتہ وار چھٹی میں تبدیلی سے متعلق خبروں کی تردید کردی۔وفاقی وزیر اطلاعات فواد چوہدری نے سوشل میڈیا پر ٹوئٹ کرتے ہوئے ہفتہ وار چھٹی میں تبدیلی کی خبروں کو مسترد کر دیا۔اپنی ٹوئٹ میں فواد چوہدری نے کہا کہ ہفتہ وار چھٹی میں کوئی تبدیلی زیر غور نہیں، اس حوالے سے تمام خبریں بے بنیاد ہیں۔واضح رہےکہ گزشتہ چند روز سے ہفتہ وار چھٹی اتوار کی بجائے جمعہ کو ہونے کی خبریں زیرِ گردش تھیں اور اس حوالے سے سوشل میڈیا پر جعلی نوٹی فکیشن بھی سامنے آئے تھے۔

اسلام آباد(ایمرا نیوزآن لائن رپورٹ عمر خالد سے) وزیر اعظم عمران خان سے پاک فوج کے سربراہ جنرل قمر جاوید باجوہ نے ملاقات کی ہے۔ذرائع کا کہنا ہے کہ آرمی چیف جنرل قمر جاوید باجوہ نے وزیر اعظم عمران خان سے یہ ملاقات قومی سلامتی کمیٹی کے اجلاس سے قبل کی ہے۔ذرائع نے یہ بھی بتایا ہے کہ ملاقات کے دوران ملکی امن و امان اور خطے کی سلامتی کی صورتِ حال پر گفتگو کی گئی۔وزیر اعظم کی زیر صدرات آج ہونے والے قومی سلامتی کمیٹی کے اجلاس میں بھارتی جاسوس کلبھوشن یادیو کیس پر غور کیا جائے گا۔اجلاس میں بھارت کے پلواما ڈرامے اور اس سے پیدا ہونے والی صورت حال پر بھی غور ہوگا جبکہ ملک کی مجموعی سیکیورٹی کی صورت حال کا بھی جائزہ لیا جائے گا۔

طلاق سے ایک دن پہلے مجھے گھر والوں نے مکمل سپورٹ دیریڈیو شو میں اداکارہ کا پہلی بار انکشاف
ممبئی (ایمرا نیوز آن لائن)نامور بالی ووڈ اداکارہ ملائکہ اروڑا نے کرینہ کپور شو میں اس بات کا خلاصہ کیا ہے کہ ارباز خان کی طلاق سے ایک دن پہلے کیا ہواتھا۔اداکارہ ملائکہ اروڑا اور ارباز خان کی جوڑی کو بالی ووڈ کی سب سے خوشحال جوڑی تصور کیاجاتا تھا تاہم تین سال قبل اچانک دونوں نے اپنی 18 سالہ شادی کا اختتام طلاق کی صورت میں کیا۔دونوں کی طلاق کے بارے میں سن کر ان کے مداح ششدر رہ گئے لیکن ملائکہ اروڑا اورارباز نے مداحوں کو طلاق کی وجہ بتانے سے گریزکیا۔تاہم اب ملائکہ اروڑا نے کرینہ کپو کے ریڈیو شو میں ارباز خان سے اپنی طلاق سے متعلق بات کرتے ہوئے کئی انکشافات کیے ہیں۔ اور بتایا ہے کہ طلاق سے ایک روز قبل کیا ہواتھا۔ ملائکہ اروڑا نے کہا طلاق سے ایک روز پہلے پورا خاندان میرے ساتھ بیٹھا تھا اور مجھ سے میرے فیصلے کے متعلق پوچھا جارہا تھا کہ کیا واقعی میں اپنے فیصلے پر سوفیصد پریقین ہوں، وہ سب لوگ میرے لیے فکر مند تھے۔ملائکہ اروڑا نے کہا میرے لیے 18 سالہ رشتہ ختم کرنا آسان نہیں تھا تاہم ہر کسی نے کہا اگر تمہارایہی فیصلہ ہے تو ہمیں تم پر فخر ہے، تم ایک مضبوط خاتون ہو، اس وقت مجھے میرے گھر والوں کی حمایت کی ضرورت تھی۔ یہ سچ ہے کہ انسان کے لیے طلاق کے بعد آگے بڑھنا آسان نہیں ہے لیکن میرے لیے خوشی زیادہ معنی رکھتی ہے کیونکہ جب ایک جوڑا شادی شدہ زندگی میں خوش نہیں رہتا تو یہ ان کے بچوں کے لیے نقصان دہ ہوتاہے۔ طلاق سے ایک دن پہلے مجھے گھر والوں نے مکمل سپورٹ دی۔واضح رہے کہ ارباز خان اورملائکہ اروڑا کے درمیان 18 سالہ شادی کا اختتام تین سال قبل ہواتھا اوراب دونوں اپنی اپنی زندگیوں میں آگے بڑھ چکے ہیں۔

لاہور(ایمرا نیوز) پنجاب فوڈ اتھارٹی نے ’’خون کی کمی کا علاج غذا کے ساتھ‘‘ کے عنوان پر غذائی ہدایات نامہ جاری کر دیا.ڈی جی فوڈ اتھارٹی کی سربراہی میں جنرل ہسپتال میں ہدایت نامہ مریضوں میں تقسیم کیا جا رہا ہے.ڈی جی فوڈ اتھارٹی نے لاہور جنرل ہسپتال میں بہتر غذا کے چناؤ کے حوالے سے لگے آگاہی کیمپ کا بھی دورہ کیا۔
پنجاب فوڈ اتھارٹی کے 10 ماہر غذائیت کی ٹیم کیمپ میں لوگوں کواینیمیا سے بچاؤ میں خوراک کی اہمیت پر براہ راست راہنمائی فراہم کر رہی ہے۔
700 سے زائد مریضوں اور لواحقین کو تفصیلی معائنہ کے ساتھ ساتھ بہتر غذا کے استعمال پر براہ راست آگاہی دی جا چکی ہے۔چیک اپ کے لیے آئے مریضوں اور حاملہ خواتین میں غذائی معلومات کے کتابچے بھی مفت تقسیم کیے جا رہے ہیں۔
لاہور میں غذا ئی معلومات کی کمی کے باعث اینیمیا جیسے مسائل بچوں اور حاملہ خواتین میں بڑھ رہے ہیں۔ڈی جی فوڈ اتھارٹی، لاہور میں خوراک کے بہتر استعمال سے ہی خون کی کمی جیسے مسائل پر قابو پایا جا سکتا ہے۔کیپٹن (ر) محمد عثمان. اس موقع پر ڈی جی فوڈ اتھارٹی کا مزید کہنا تھا کہ لاہور میں ملاوٹ مافیا کا خاتمہ کر کے عوام تک غذائیت سے بھر پور خوراک کی کامیاب کوشش کر رہے ہیں۔ ملاوٹ کا خاتمہ اور بہتر غذا کی آگاہی سے ہی غذائی مسائل پر قابو پایا جا سکتا ہے۔ایم ایس لاہور جنرل ہسپتال کا کہنا ہے کہ حاملہ خواتین میں خون کی کمی پیدا ہونے والے بچے کی نشوونما کو متاثر کرتی ہے۔اینیمیا کے مرض میں ادویات کے ساتھ صاف خوراک کا استعمال نہایت ضروری ہے۔ ان کا مزید کہنا تھا کہ
لاہور: پنجاب فوڈ اتھارٹی کا لوگوں میں غذا کے بہتر چناؤ اور استعمال کے حوالے سے آگاہی فراہم کرنا وقت کی اہم ضرورت ہے۔ایم ایس جنرل ہسپتال کیمپ میں اے ایم ایس ڈاکڑ رانا شفیق،او پی ڈی انچارج ڈاکڑ ثمینہ توفیق اور ڈاکڑ سونیاشیفق نےبھی شرکت کی۔

اوکاڑہ(ایمرا نیوز آن لائن)اوکاڑہ کے نواح میں اشتہاریوں کو پناہ دینے پر دو افراد کو گرفتار کرلیا گیا تفصیلات کے مطابق امجد علی سکنہ 49اے ٹو ایل نے مجرم اشتہاری اختر علی ولد محمد علی کو پناہ دی ریاض ولد قاسم علی نے امجد علی ولد قاسم کو پناہ دی پولیس نے چھاپہ مار کر ملزمان کو گرفتار کرنے کی کوشش کی تو ان کو فرار کر ادیا گیا پولیس نے پناہ دینے اور فرار کرانے پر امجد علی اور ریاض کوگرفتار کرلیا اور تفتیش شروع کردی ہے.