Tag Germany

ممبئی(ایمرا نیوز آن لائن) بالی ووڈ کی معروف اداکارہ شبانہ اعظمی سوائن فلو کا شکار ہو گئیں، انہیں ہسپتال میں داخل کرایاگیا ہے جہاں ان کا علاج جاری ہے۔تفصیلات کے مطابق شبانہ اعظمی کو سردی زکام ہونے پر ہسپتال لایا گیا جہاں ان کے ٹیسٹ کئے گئے اور وہیں ان میں سوائن فلو ہونے کی تصدیق ہوئی جس کے بعد انہیںہسپتال داخل کر لیا گیا۔شبانہ اعظمی کا کہنا ہے کہ مجھے سوائن فلو ہوگیا۔خیر،بہت مشکل سے مجھے آرام اور اپنا خود احتساب کرنے کا وقت ملا ہے۔انہوں نے کہا کہ ہسپتال میں داخل ہونا میرے لئے زبردستی بریک لینے جیسا ہے۔ میری صحت میں تیزی سے بہتری ہورہی ہے۔شبانہ اعظمی مشہور شاعر کیفی اعظمی کی بیٹی ہیں اور مشہور نغمہ نگار جاوید اختر ان کے شوہر ہیں۔ محترمہ اعظمی نے سال 1973میں شیام بینیگل کی فلم انکر سے فلم انڈسٹری میں اپنے کریئر کی شروعات کی تھی۔

نیویارک (ایمرا نیوز آن لائن) ہالی و وڈ کے امریکی گلوکار رچرڈ گیئر 69 سال کی عمر میں دوسری بار والد بن گئے۔رچرڈ گیئر کے ہاں 19 سال کے وقفے کے بعد بچے کی پیدائش ہوئی، اس سے قبل ان کے ہاں 2000 میں بیٹے کی پیدائش ہوئی تھی۔رچرڈ گیئر کے ہاں دوسرے بچے کی پیدائش ان کی تیسری اہلیہ 35 سالہ الینجندرا سلوا سے ہوئی، جن سے انہوں نے اگست 2018 میں شادی کی تھی۔الیجندرا سلوا سے قبل رچرڈ گیئر کی 2 شادیاں ناکام ہوچکی ہیں۔رچرڈ گیئر نے پہلی شادی 1991 میں سپر ماڈل کنڈی کرافورڈ سے کی تھی جو محض 4 سال تک ہی چل سکی۔ایوارڈ یافتہ اداکار رچرڈ گیئر نے دوسری شادی اداکارہ کرے لوول سے کی، جن سے انہیں 2000 میں بیٹا ہوا۔رچرڈ گیئر کی دوسری شادی بھی 2013 میں طلاق پر ختم ہوگئی، جس کے بعد اداکار نے اسپینش اد اکارہ الیجندرا سلوا کے ساتھ تعلقات استوار کیے۔

ٹرمپ امریکہ میں ’ایمرجنسی نافذ‘ کرنے والے ہیں: وائٹ ہاؤس
ٹرمپ سرحدی دیوار کے اپنے مطالبے کو عملی جامہ پہنانے کے لیے کانگرس کو بائی پاس کر کے فوجی فنڈز کا استعمال کرنے کا ارادہ رکھتے ہیں، پریس سیکرٹری سارہ سینڈرز

واشنگٹن(ایمرا نیوز آن لائن)وائٹ ہاؤس کے مطابق امریکی صدر ڈونلڈ ٹرمپ میکسیکو کی سرحدی دیوار کی فنڈنگ کے معاملے پر ’قومی ایمرجنسی‘ کا اعلان کرنے والے ہیں۔ایک بیان کے مطابق ڈونلڈ ٹرمپ حکومتی شٹ ڈاؤن کو ختم کرنے کے لیے باڈر سکیورٹی کے بل پر تو دستخط کر دیں گے مگر سرحدی دیوار کے اپنے مطالبے کو عملی جامہ پہنانے کے لیے اب وہ کانگرس کو بائی پاس کر کے دیوار کی تعمیر کے لیے فوجی فنڈز کا استعمال کرنے کا ارادہ رکھتے ہیں۔سنئیر ڈیموکریٹس نے اس بیان پر ردعمل دیتے ہوئے صدر ٹرمپ پر طاقت کے ناجائز استعمال کا الزام لگایا ہے۔اس دیوار کی تعمیر ڈونلڈ ٹرمپ کی صدارتی انتخابات کی مہم کا ایک اہم وعدہ تھا۔ لیکن بطور صدر وہ اس دیوار کے لیے ابھی تک فنڈنگ حاصل کرنے میں ناکام رہے ہیں۔وائٹ ہاؤس کی پریس سیکرٹری سارہ سینڈرز کی جانب سے جاری ایک بیان میں کہا گیا ہے کہ’ڈونلڈ ٹرمپ ایک بار پھر دیوار کی تعمیر، باردڑ سیکورٹی اور ہمارے ملک کی حفاظت کا وعدہ پورا کر رہے ہیں۔‘انھوں نے مزید کہا کہ قومی ایمرجنسی سمیت ایک اور ایگزیکٹو قدم اٹھایا جائے گا تاکہ بارڈر کے پار قومی سلامتی اور انسانی بحران کو روکا جا سکے۔کانگرس کی جانب سے منظور شدہ بل میں بارڈر سیکورٹی کے لیے 1.3 ارب امریکی ڈالر کی منظوری دی گئی ہے لیکن اس میں امریکی صدر کو دیوار کی تعمیر کے لیے رقم نہیں دی گئی ہے۔ ڈونلڈ ٹرمپ نے دیوار کی تعمیر کے لیے 5.7 ارب امریکی ڈالر مانگے تھے۔ایوان زیریں کی سپیکر نینسی پلوسی پہلے ہی صدر ٹرمپ کے ایمرجنسی کے اعلان کو قانونی طور پر چیلنچ کرنے پر رائے دے چکی ہیں۔نینسی پلوسی اور ڈیموکریٹس رہنما چک شومر کی جانب سے جاری ایک مشترکہ بیان میں بھی اس اقدام کی شدید الفاظ میں مذمت کی گئی ہے۔ان کا کہنا ہے کہ ’قومی ایمرجنسی کا اعلان ایک غیر قانونی عمل اور طاقت کا ناجائز استعمال ہے۔ حقیقت یہ ہے کہ صدر ٹرمپ اس اقدام کے ذریعے دیوار کی تعمیر کی ادائیگی میکسیکو سے کرانے کے وعدے سے توجہ ہٹانا چاہتے ہیں۔‘’وہ میکسیکو، امریکی عوام اور ان کے منتخب نمائندگان کو اس ناکارہ اور مہنگی دیوار کی تعمیر کے بارے میں قائل نہیں کر سکے ہیں۔ تو اب وہ کانگریس کو پس پشت ڈال کر ٹیکس دہندگان کو اس مشکل میں ڈالنے کی کوشش کر رہے ہیں۔قومی ایمرجنسی کا اعلان ملک میں بحران کی صورت میں کیا جاتا ہے۔ امریکی صدر کا کہنا ہے کہ میکسیکو کی سرحد سے آنے والے تارکین وطن کی وجہ سے ملک میں بحران پیدا ہو رہا ہے۔ماہرین کے مطابق قومی ایمرجنسی کو صورت میں امریکی صدر کو خصوصی اختیارات حاصل ہو جائیں گے جس کے بعد وہ سیاسی عمل کو پس پشت ڈال سکتے ہیں۔اس کے بعد وہ فوج اور ناگہانی آفات کے لیے مختص بجٹ میں سے دیوار کی تعمیر کے لیے پیسے لے سکتے ہیں۔تاہم اس بارے میں بحث جاری ہے کہ کیا امریکہ کی جنوبی سرحد پر ایسے ہنگامی حالات ہیں جن کی وجہ سے ایمرجنسی لگانے کی ضرورت ہے۔دوسری طرف صرف نومبر کے دوران بارڈر سے تقریباً ہر روز دو ہزار افراد کو گرفتار یا واپس بھیجا جاتا رہا ہے۔ ٹرمپ حامیوں کے مطابق یہ بھی ایمرجنسی کے برابر ہے.

شانداراستقبال ہوگا،وزیراعظم کی زیرصدارت اجلاس، معززمہمانوں کیلیے انتظامات کا خود جائزہ لیا
اسلام آباد(ایمرا نیوز آن لائن)سعودی ولی عہد محمد سلمان پاکستان کے اپنے 2روزہ دورے پر آ ج ہفتے کواسلام آباد پہنچیں گے۔سعودی ولی عہد محمد سلمان وزیراعظم عمران خان کی دعوت پر پاکستان کے اپنے 2روزہ دورے پر آج ہفتے کواسلام آباد پہنچیں گے۔ سعودی شاہی خاندان کے ارکان، اہم وزرا اورممتازتاجروں کاایک اعلی سطحی وفد ولی عہد کے ہمراہ ہے۔ اپریل2017 میں ولی عہدکا عہدہ سنبھالنے کے بعدکسی بھی سعودی اعلی شخصیت کا پاکستان کا پہلا دورہ ہے۔ولی عہد اپنے دورے کے دوران صدر پاکستان، وزیراعظم اور آرمی چیف سے بھی ملاقات کریں گے۔ سعودی ولی عہد کے ہمراہ سعودی وزرا اپنے متعلقہ ہم منصبوں سے ملاقاتیں کریںگے جس میں اپنے متعلقہ شعبوں میں تعاون بڑھانے پر تبادلہ خیال کریںگے۔ دونوں ملکوں کے تاجر نجی شعبے میں اشتراک عمل کے مواقعوں پر تبادلہ خیال کے لئے ملاقاتیں کریں گے۔علاوہ ازیں ہفتہ کووزیراعظم عمران خان نے سعودی ولی عہد محمد بن سلمان کے پاکستان پہنچنے پراستقبال، مصروفیات اور معزز مہمانوںکے لیے کیے جانے والے دیگرانتظامات کا خود جائزہ لیا، معززمہمان کا فقیدالمثال استقبال کیا جائیگا۔اس موقع پروزیراعظم نے کہاکہ آج کا پاکستان بیرونی سرمایہ کاری کے لیے بہترین مواقع فراہم کر رہا ہے، سرمایہ کاری اورکاروبار کے فروغ کے لیے ہر ممکنہ سہولت فراہم کی جائے گی ،انھوں نے کہا کہ آسان ویزہ اورکاروبارکے لیے تمام ضروری سہولیات کی فراہمی یقینی بنا رہے ہیں۔عمران خان نے کہا کہ پاکستان خطے میں پائیدار امن کے لیے اپنا بھرپورکردار جاری رکھے گا ،انھوں نے کہا کہ یہ ہے نیا پاکستان جس کی طرف آج پوری دنیا دیکھ رہی ہے۔

پاکستانی وفد ہیگ روانہ ، اٹارنی جنرل انور منصور پاکستانی وفد کی قیادت جبکہ ڈائریکٹر جنرل ساؤتھ ایشیا وزارت خارجہ کی نمائندگی کریں گے،بھارت کی نمائندگی کرنے والے ہارش سیلو 18 فروری کو پہلے اپنے دلائل پیش کریں گے، ملکہ برطانیہ کے وکیل خاور قریشی اسلام آباد کی جانب سے 19 فرروی کو اس کا جواب جمع کروائیں گے21, فروری کو پاکستان اپنے حتمی دلائل پیش کرے گا
اسلام آباد (ایمرا نیوز آن لائن)عالمی عدالت انصاف 18 فروری سے باقاعدہ طور پر بھارتی جاسوس کلبھوشن یادیو کی سزا کے خلاف کیس کی سماعت کا آغاز کرے گی جس کے لیے پاکستانی وفد ہیگ روانہ ہوگیا ہے ۔ رپورٹ کے مطابق اس حوالے سے ایک سینئر عہدیدار نے بتایا کہ اٹارنی جنرل انور منصور پاکستانی وفد کی قیادت کریں گے جبکہ ڈائریکٹر جنرل ساؤتھ ایشیا وزارت خارجہ کی نمائندگی کریں گے۔اس سلسلے میں عالمی عدالت کی جانب سے 18 سے 21 فروری تک ہیگ میں سماعت کا ٹائم ٹیبل مقرر کردیا گیا ہے جس کے تحت بھارت کی نمائندگی کرنے والے ہارش سیلو 18 فروری کو پہلے اپنے دلائل پیش کریں گے اس کے بعد ملکہ برطانیہ کے وکیل خاور قریشی اسلام آباد کی جانب سے 19 فرروی کو اس کا جواب جمع کروائیں گے۔20 فروری کو ایک مرتبہ پھر بھارت کی جانب سے پاکستان جواب پر موقف پیش کیا جائے گا اور 21 فروری کو پاکستان اپنے حتمی دلائل پیش کردے گا جس کے بعد توقع ہے کہ عالمی عدالت انصاف 2019 کے موسمِ گرما تک اپنا فیصلہ جاری کردے۔اس ضمن میں ایک عہدیدار کا کہنا تھا کہہما رے پاس بھارتی جاسوس کے خلاف سب سے مضبوط ثبوت اس کا مسلمان نام کے ساتھ بنایا گیا پاسپورٹ ہے، انہوں نے کہا عالمی عدالت کا فیصلہ جو بھی آئے پاکستان اپنے فیصلے پر عملدرآمد کرے گا۔خیال رہے کہ مارچ 2016 میں کمانڈر کلبھوشن یادیو کو بلوچستان سے پکڑا گیا تھا جس نے بھارتی خفیہ ایجنسی ریسرچ اینڈ اینالسز ونگ (را) سے وابستگی، بھارت کے لیے جاسوسی اور پاکستان میں ہونے والے دہشت گردی کے واقعات میں ملوث ہونے کا اعتراف کرلیا تھا۔گزشتہ برس 18 مئی کو عالمی عدالت انصاف نے عبوری حکم جاری کرتے ہوئے کلبھوشن کی پھانسی روکنے کا حکم دیا تھاجس کے بعد دفتر خارجہ نے آگاہ کیا کہ آئی سی جے کے حکم پر حکومتِ پاکستان نے متعلقہ اداروں کو اس پر عمل کرنے کی ہدایت کی تھی۔واضح رہے کہ بھارت کی جانب سے کیے گئے دعووں پر پاکستان 2 جوابات داخل کروا چکا ہے، جس کے تحت عالمی عدالت انصاف میں ویانا کنوینشن کے قونصلر ریلیشن 1963 کے تحت یہ کیس عالمی عدالت انصاف میں پیش کیا گیا تھا۔اس سلسلے میں جب عہدیدار سے ایران کی بابت سوال کیا گیا تو ان کا کہنا تھا کہ کلبھوشن یادیو نے کچھ عرصے وہاں قیام ضرور کیا تھا لیکن حکومت اس نتیجے پر پہنچی ہے کہ ایران کا اس معاملے سے کوئی تعلق نہیں، بھارت اس معاملے میں ایران کو گھسیٹنا چاہتا ہے لیکن ہم ایسا نہیں ہونے دیں گے۔یاد رہے کہ بھارت نے دعویٰ کیا تھا کہ کلبھوشن یادیو ایک بے قصور تاجر ہے جس سے ایران سے اغوا کرنے کے بعد تشدد کا نشانہ بنا کر زبردستی را ایجنٹ ہونے کا اعتراف کروایا گیا، لیکن بھارت اغوا کیے جانے کے کوئی بھی ثبوت پیش نہ کرسکا۔اسی طرح بھارت یہ ثابت کرنے میں بھی ناکام رہا کہ کہ وہ بھارتی بحریہ سے ریٹائرڈ ہوچکا تھا جبکہ وہ کب اور کس طرح ریٹائرڈ ہوا، بھارت اس بات کی بھی وضاحت نہ کرسکا، کیوں کہ پکڑے جانے کے وقت کلبھوشن کی عمر 47 برس تھی۔علاوہ ازیں بھارت کو اس بات کی وضاحت دینے کی ضرورت ہے کہ کلبھاوشن یادیو کے پاس جعلی مسلمان شناخت کے ساتھ اصلی پاسپورٹ کیسے آیا، جس کو اس سے 17 مرتبہ بھارت آنے جانے کے لیے استعمال بھی کیا اور اس میں اس کا نام حسین مبارک پٹیل درج تھا۔بھارت سے یہ سوال متعدد مرتبہ کیا گیا حتیٰ کہ خود بھارتی صحافیوں پروین سوامی اور کرن تھاپڑ کی جانب سے بھی یہ سوال اٹھائے گئے لیکن بھارت نے اسے بے بنیاد پروپیگنڈہ قرار دیا۔بالا?خر بھارت نے پاسپورٹ کو جعل سازی قرار دیا لیکن یہ نہیں بتایا کہ برطانیہ کے غیر جانبدار ماہر کی جانب سے پاسپورٹ کو اصلی اور بھارتی حکومت کی جانب سے جاری شدہ قرار دینے کی بات کس طرح غلط ہے۔یاد رہے کہ نئی دہلی نے ا?ئی سی جے سے مطالبہ کیا تھا کہ پاکستان کو کلبھوشن یادیو کی واپسی کا حکم دیا جائے لیکن عالمی عدالت نے کہا کہ یہ جرائم کی عدالت نہیں جہاں اپیل کی جائے۔عالمی عدالت نے یہ بھی واضح کیا کہ اگر قونصل تک رسائی نہیں دی جائے تو مقامی عدالت سے رجوع کرنا زیادہ موثر ثابت ہوسکتا ہے۔عہدیدار کا تفصیلات سے آگاہ کرتے ہوئے مزید کہنا تھا کہ کلبھوشن یادیو اور ان کے اہلِ خانہ آئینِ پاکستان کی دفعہ 199 کے تحت ملکی اعلیٰ عدالت سے رجوع کرسکتے تھے لیکن بھارت نے حراست میں لیے جانے کے 14 ماہ اور سزا سنائے جانے کے ایک ماہ بعد اس پر عملدرآمد روکنے کے لیے عالمی عدالت سے رجوع کرلیا۔ان کا کہنا تھا کہ بھارت اس بات کی وضاحت بھی نہیں دے سکا کہ کیوں پاکستان اور بھارت کے درمیان 21 مئی 2008 کو قونصلر رسائی کےحوالے سے کیے گئے معاہدے، جو بھارت نے تیار کیا تھا، کی دفعہ 4 کے تحت ریاست کو اختیار دیا گیا تھا کہ قومی سلامتی کے امور میں ملوث شخص کے خلاف اس کا اطلاق نہیں ہوگا۔اس کے علاوہ بھارت کی جانب سے اس بات کی بھی وضاحت نہیں کی گئی کہ برطانیہ کے فوجی قوانین کے ماہر کس طرح غلط ہیں جنہوں نے کہا تھا کہ پاکستان کی عدالت عظمیٰ اور ہائی کورٹ فوجی عدالت کی کارروائی پر بہتر اور موثر نظرِ ثانی کرسکتے ہیں۔خیال رہے کہ بھارت کی جانب سے کیے گئے دعووں کے جواب میں پاکستان نے ’جاسوس کو استثنیٰ‘ دینے اور اس سے ریاست کو درپیش خطرات کے سلسلے میں موجود روایات اور بین الاقوامی قوانین کے حوالے سے سوالات اٹھائے۔

ریاض(ایمرا نیوز آن لائن)سعودی عرب کی حکومت نے پاکستانی شہریوں کے لیے ویزا فیس میں کمی کرنے کا فیصلہ کر لےا ۔ مےڈےا رپورٹس کے مطابق وزٹ ویزا فیس دو ہزار ریال سے کم کرکے 338ریال جبکہ ملٹی پل ویزا فیس675 ریال کردی گئی ہے۔ویزا فیس میں کمی کا اطلاق15 فروری سے ہوگا۔واضح رہے کہ پاکستان دسمبر 2018ء سے سعودی عرب کے شہریوں کے لیے ویزا فیس کم کرچکا ہے۔

لاہور(ایمرا نیوز آن لائن )پاکستان مسلم لیگ کے رہنما حنیف عباسی کی اپیل پر سماعت کرنے والا بینچ دوبارہ تحلیل ہو گیا ہے تاہم چیف جسٹس لاہور ہائیکورٹ نے نیا بینچ تشکیل دیدیا ہے۔ تفصیلات کے مطابق چیف جسٹس لاہور ہائیکورٹ کی جانب سے حنیف عباسی کی اپیل پر سماعت کیلئے دو رکنی بینچ تشکیل دیا گیا ہے جس میں جسٹس سرفراز ڈوگر اور جسٹس فاروق حیدر شامل ہیں۔ بینچ 18 فروری سے حنیف عباسی کی اپیل پر سماعت کر ے گا۔ حنیف عباسی ایفی ڈرین کیس میں جیل میں سزا کاٹ رہے ہیں۔جبکہ دوسری جانب شہبازشریف کو رمضان شوگر ملز اور آشیانہ ہا ﺅسنگ سکیم میں ضمانت کی درخواست منظور کر ہو گئی ہے اور وہ رہا ہو چکے ہیں۔

چینی شہری 12 جنوری کو پاکستان آیا تھا جس نے اے ٹی ایم سے 2 لاکھ 25 ہزار روپے کی رقم چرائی،اےس اےچ او
اسلام آباد(ایمرا نیوز آن لائن )اسلام آباد میں ایک چینی شہری کو اے ٹیم مشین سے پیسے چراتے ہوئے رنگے ہاتھوں گرفتار کر لیا گیا ہے۔تفصیلات کے مطابق چینی شہری کی شناخت ’ سن بن ‘ کے نام سے ہوئی ہے جو کہ وفاقی دارلحکومت کے علاقے ایف 7مرکز میں قائم ایک بینک کی اے ٹی ایم مشین سے پیسے چوری کر رہا تھا جسے نجی بینک کے سیکیورٹی اہلکاروں نے پکڑ لیا جبکہ اس کے ساتھ ایک ساتھی بھی تھا۔ پولیس کے مطابق واردات میں ملوث دوسرا چینی شہری لوٹی گئی رقم اور اس کے لیے استعمال کیے گئے آلات سمیت فرار ہوگیا۔پولیس سے سن بِن کو حراست میں لے کر تھانہ کوہسار منتقل کردیا جہاں اس کے خلاف پاکستان پینل کوڈ کی دفعہ 380 کے تحت اس کے خلاف چوری کا مقدمہ درج کر کے لاک اپ منتقل کردیا گیا۔ مذکورہ غیر ملکی کو مجسٹریٹ کی عدالت میں پیش کیا گیا جہاں اسے 2 روزہ جوڈیشل ریمانڈ پر پولیس کے حوالے کردیا گیا۔ایس ایچ او کے مطابق حراست میں لیا گیا چینی شہری 12 جنوری کو پاکستان آیا تھا جس نے اے ٹی ایم سے 2 لاکھ 25 ہزار روپے کی رقم چرائی۔پولیس کے مطابق چینی سفارت خانے کو اس واردات سے آگاہ کردیا گیا ہے، جبکہ زیر حراست ملزم صرف چینی زبان بولتا ہے جس کے باعث پولیس کو تفتیش میں بہت مشکلات کا سامنا ہے۔چنانچہ تفتیش میں معاونت کرنے کے لیے سینئر پولیس افسران کو مترجم فراہم کرنے کی درخواست بھیج دی گئی ہے۔

واقعہ کمرے میں گیس بھرنے کے باعث پیش آیا ،پولیس
ہری پور(ایمرا نیوز آن لائن ) ہر ی پور کے علاقے بلڈھیر میں کمرے میں گیس بھرنے سے دلہن جاں بحق جب کہ دولہا کو تشویشناک حالت میں ہسپتال منتقل کردیا گیا۔ تفصےلات کے مطابق ہری پور کے علاقے بلڈھیر میں کمرے میں گیس بھرنے سے دلہن جاں بحق جب کہ دولہا کو تشویشناک حالت میں مقامی ہسپتال منتقل کیا گیا جہاں دولہے کی حالت مزید بگڑنے پر ایوب میڈیکل کمپلیکس ایبٹ آباد بھجوا دیا گیا ہے۔ پولیس کے مطابق متاثرہ جوڑے کی 3 روز قبل شادی ہوئی تھی اور کمرے میں گیس بھرنے کے باعث واقعہ پیش آیا، دلہن کی لاش کو ہسپتال منتقل کردیا گیا ہے۔

لاہور(ایمرا نیوزآن لائن رپورٹ اظہر محمود سے) سربراہ عوامی نیشنل پارٹی اسفندیار ولی خان کا کہنا ہے کہ شہباز شریف کی بریت خوش آئند ہے، احتساب اورانتقام میں واضح فرق نظر آنا چاہیے، شہباز شریف کی رہائی ہمارے تحفظات کو سچ ثابت کررہی ہے۔اسفندیار ولی خان نے جاری بیان میں کہا ہے کہ احتساب کو جس طرح انتقام کے طور پر استعمال کیا جارہا ہے، اس کے بعد اب عوام کی نظریں عدالتوں پر ہیں، بلا امتیاز اور غیر جانبدارانہ احتساب کے بغیر کرپشن کا خاتمہ ممکن نہیں، جانبدارانہ احتساب سے کرپشن کو مزید تقویت ملے گی، کرپٹ لوگ چھتریاں بدلتے رہیں گے۔بیان میں کہا گیا ہے کہ اگر احتساب کا طریقہ کار یہی رہا تو کپتان کو رسوائی کے سوا کچھ نہیں ملے گا، نواز شریف کے بچے اور زرداری کی بہن اگر منی ٹریل دے سکتے ہیں توعلیمہ خان کو بھی دینا ہوگا۔