Tag GREE

کراچی(ایمرا نیوزآن لائن رپورٹ اظہر محمود سے) نارتھ کراچی میں پولیس مقابلے کے دوران فائرنگ کی زد میں آنے والی میڈیکل کی طالبہ نمرہ پولیس کی گولی سے جاں بحق ہوئی۔انکوائری کمیٹی کی رپورٹ کے مطابق پولیس اہلکار 4 کلو میٹر سے ملزمان کا پیچھا کرتے ہوئے آئے جس کے بعد مقابلہ ہوا۔ذرائع کے مطابق آج ایڈیشنل آئی جی اس بارے میں میڈیا کو آگاہ کریں گے۔واضح رہے کہ کچھ روز قبل پولیس مقابلے کے دوران فائرنگ کی زد میں آ کرمیڈیکل کی طالبہ نمرہ جاں بحق ہوگئی تھی۔

لاہور(ایمرا نیوزآن لائن رپورٹ عمر خالد سے) کنٹرول لائن پر نکیال سیکٹر اور کھوئی رٹہ میں بھارتی فوج کی بلااشتعال فائرنگ اورگولاباری سے خاتون سمیت چھ افراد شہید ہوگئے۔لائن آف کنٹرول پر بھارت کی جانب سے رات بھر بلا اشتعال فائرنگ اور گولہ باری کا سسلسلہ جاری رہاجس میں بھارتی فوج نے ہلکے اور بھاری ہتھیار استعمال کیے ۔مقامی ذرائع کے مطابق نکیال سیکٹر میں بھارتی فوج کی فائرنگ سے 5شہری شہید ہوگئے،جن میں ایک ہی خاندان کے تین افراد شامل ہیں ۔عباس پور میں بھارتی فوج کی فائرنگ سےایک شہری شدیدزخمی ہواہے ،کھوئی رتہ میں بھی بھارتی فوج کی فائرنگ سے خاتون شہیدہوگئی،چکوٹھی کنٹرول لائن پربھی فائرنگ اورگولہ باری کاسلسلہ رات بھر جاری رہا ۔ایل اوسی پرکشیدہ حالات کےباعث جہلم ویلی میں تمام تعلیمی ادارےجبکہ ایل او سی سےملحقہ کوٹلی کےتمام علاقوں کے تعلیمی ادارےبھی بندکردیئےگئےہیں ۔کھوئی رٹہ، چڑھوئی،گوئی اورنکیال میں ایل او سی کے دو ہزار سے زائد مکین محفوظ مقام پرمنتقل ہوناشروع ہوگئےہیں ۔

لاہور (ایمرا نیوز آن لائن) پاکستان مسلم لیگ ق کے راہنما وسیکرٹری اطلاعات پاکستان مسلم لیگ لاہور میاں کامران سیف نے کہا ہے کہ اسلام میں صفائی نصف ایمان ہے دنیا بھر کے دیگر ممالک میں صفائی کی طرف خصوصی توجہ دی جاتی ہے اسی طرح لاہور میں کلین لاہور موبائل ایپ کا قیام شہر کو خوبصورت بنانے کی طرف ایک اچھا قدم ہے انہوںنے کہا کہ کلین لاہور موبائل ایپ سے وزیراعظم کا کلین اینڈ گرین منصوبہ کامیابی سے ہمکنار ہوگا۔ان خیالات کا اظہار انہوںنے مسلم لیگ ہاﺅس میں کارکنوں سے گفتگو کرتے ہوئے کیا۔میاں کامران سیف نے کہا کہ کلین اینڈ گرین ایپ کے تحت شہر کسی بھی وقت کسی بھی جگہہ پڑی گندی کی تصویر اپ لوڈ کرے ، صفائی کرا کر تصویر واپس اسے بھیجی جائے گا انہوں نے کہا کہ حکومت کی طرف سے صوبہ بھر میں کلین اینڈ گرین مہم شروع کی جارہی ہے انہوں نے کہا کہ حکومت پورے صوبے کو صاف ستھرا دیکھنا چاہتی ہے ا س لیے ویسٹ مینجمنٹ کمپنیاں اور متعلقہ ادارے اپنی کارکردگی کو بہتر بنائیں تاکہ صفائی کے حوالے سے واضح تبدیلی نظر آئے۔

پاکستانی شاہینوں نے دشمن کوہمیشہ کی طرح منہ توڑجواب دیا، آج ملکی دفاع کے لیے پوری قوم پاک فوج کے ساتھ کھڑی ہے،چوہدری محمد سرور
لاہور(ایمرا نیوز آن لائن)گورنر پنجاب چودھری سرور نے بھارت کی دراندازی پر اقوام متحدہ سے نوٹس لینے کا مطالبہ کر دیا ہے۔ تفصیلات کے مطابق گورنرپنجاب چودھری سرور نے بھارتی فضائیہ کی جانب سے لائن آف کنٹرول کی خلاف ورزی پر ردعمل کا اظہار کرتے ہوئے اقوام متحدہ سے مطالبہ کیا کہ بھارتی فضائیہ کی دراندازی کا نوٹس لیا جائے۔گورنرپنجاب کا کہنا تھا کہ پاکستانی شاہینوں نےدشمن کوہمیشہ کی طرح منہ توڑجواب دیا، آج ملکی دفاع کے لیے پوری قوم پاک فوج کے ساتھ کھڑی ہے۔ قبل ازیں وزیراعظم جموں و آزاد کشمیر راجہ فاروق حیدر نے بھی بھارتی دراندازی کا معاملہ عالمی برادری کے سامنے اٹھانے کا مطالبہ کیا تھا۔ یاد رہے کہ بھارتی ایئرفورس کی جانب سے لائن آف کنٹرول کی خلاف ورزی کی گئی ، پاک فضائیہ کی بروقت ردعمل کے بعد بھارتی طیارے فرار ہوگئے۔

عراق آنے والے مہینوں میں مزید مضبوط ہوگا ،فرانسیسی وعراقی صدورکی مشترکہ پریس کانفرنس
پیرس(ایمرا نیوز آن لائن)عراق کے صدر برھم صالح نے کہا ہے کہ داعش کی صفوں میں شامل ان عناصر کو سزائے موت دی جائے گی جن کے خلاف عدالتوں میں مقدمات کے دوران جرائم کے ثبوت فراہم کیے گئے ہوں گے۔غیرملکی خبررساں ادارے کے مطابق گذشتہ روز فرانسیسی صدر عمانویل ماکروں کے ہمراہ ایک مشترکہ پریس کانفرنس سے خطاب میں عراقی صدر کا کہنا تھا کہ شام میں داعش کی صفوں میں لڑنے والے 13 فرانسیسی جنگجووں کے خلاف عراق کی عدالتوں میں مقدمات چلائے جائیں گے۔اگر عدالتوں نے ان کی سزائے موت کافیصلہ دیا تو حکومت ان سزاﺅں کی توثیق کریگی۔ایک سوال کے جواب میں صدر برھم صالح کا کہنا تھا کہ حال ہی شام میں کرد فورسز نے داعش کے گرفتار جنگجووں کو عراقی فوج کے حوالے کیا ہے۔ان کے خلاف تحقیقات جاری ہیں اور انہیں عراق کے قانون کے تحت سزا دی جائے گی۔انہوں نے کہا کہ عراق میں جرائم اور دہشت گردی میںملوث غیرملکیوں کے خلاف مقدمہ چلانے کا ہمیں حق حاصل ہے اور عالمی قانون بھی اس کی اجازت دیتا ہے۔انہوں نے کہا کہ داعش کے معاملے میں کسی قسم کی سودے بازے نہیں کی جائے گی۔ جو لوگ عراقی قوم کے خلاف جرائم اور تشدد میںملوث پائے جائیں گے انہیں عراق کی عدالتوں میں مقدمات اور سزاوں کا سامنا کرنا پڑے گا۔اس موقع پر فرانسیسی صدر نے کہا کہ دہشت گردی میں ملوث عناصر کے خلاف عدالتی کارروائی خود مختار ممالک کا حق ہے تاہم ان کا کہنا تھا کہ دوسرے ممالک میں مقدمات کا سامنا کرنے والے افراد کو سفارت خانوں کی طرف سے سفارتی تحفظ فراہم کی جاسکتی ہے۔ایک سوال میں فرانسیسی صدر کا کہنا تھا کہ عراق آنے والے مہینوں میں مزید مضبوط ہوگا اور پیرس عراق کی تعمیر نو میں بھرپور مدد فراہم کرے گا۔

فورکس اور فرضی کرنسی کے تمام ادارے غیر قانونی،منافع کے لالچ میں ان سے ہوشیار رہا جائے،اعلامیہ
ریاض(ایمرا نیوز آن لائن) ڈیجیٹل کرنسی میں کام کرنے والے کسی بھی ادارے کو سعودی عرب میں کام کرنے کی اجازت نہیں۔ ان ادارے کے یہ دعوے کہ انہیں سعودی عرب میں کام کرنے کی اجازت ہے جھوٹ اور بے بنیاد ہے۔ سعودی ٹی وی کے مطابق یہ بات سعودی وزارت اطلاعات نے اعلامیہ جاری کرتے ہوئے کہی۔ وزارت نے کہا کہ ڈیجیٹل کرنسی میں کام کرنے کی کسی بھی ادارے کو اجازت نہیں۔اس طرح کے کسی بھی ادارے کے بارے میں معلومات ہوں تو فوری طور پر وزارت کو مطلع کیا جائے۔اسی طرح فورکس اور فرضی کرنسی کے تمام ادارے غیر قانونی ہیں۔ سعودی عرب میں فرضی کرنسیوں میں تجارت اور لین دین کرنے کی بھی اجازت نہیں۔وزارت نے شہریوں اور مقیم غیرملکیوں کو خبردار کیا ہے کہ انٹرنیٹ پر بے شمار ویب سائٹس ایسی ہیں جو فرضی کرنسی اور شیئر مارکیٹ میں کاروبار کی ترغیب دیتے ہیں اور اس پر غیر معمولی منافع کا وعدہ کرتی ہیں، ان سے ہوشیار رہا جائے۔ یہ تمام ویب سائٹ غیر قانونی ہیں۔

کراچی(ایمرا نیوز آن لائن) کراچی چیمبرا آف کامرس اینڈ انڈسٹری ( کے سی سی آئی) نے اپنے ممبران کو ہدایت کی ہے کہ وہ اپنی سالانہ ممبرشپ کی تجدید 31مارچ2019 سے قبل کروا لیں تاکہ انہیں ممبر شپ کے حوالے سے کسی بھی قسم کی مشکلات کا سامنا نہ کرنا پڑے۔ کے سی سی آئیسے جاری ایک بیان کے مطابق ٹریڈ آرگنائزیشن ایکٹ 2013کے تحت کراچی چیمبر کی ممبرشپ کی تجدید کرانے کی آخری تاریخ 31مارچ9 201 مقرر ہے اورکراچی چیمبر میں سالانہ ممبرشپ کی تجدید کا عمل تیزی سے جاری ہے۔ممبر شپ کی تجدید پورے ہفتہ کسی بھی روز صبح 9بجے سے شام6بجے تک بغیر کسی وقفے کے کروائی جاسکتی ہے جبکہ جمعہ کے روزممبرشپ ڈپارٹمنٹ صبح 9سے 12.30اور جمعہ کی نماز کے بعد 2.30سے شام 6بجے تک تجدید کے لیے کھلا رہے گا۔کے سی سی ا?ئی کی جانب سے سالانہ ممبرشپ کی تجدید کے حوالے سے پہلے ہی ممبران کوایس ایم ایس ، ای میل اور خطوط ارسال کیے جاچکے ہیں جن میں ممبران کو ہدایت کی گئی ہے کہ وہ سال 2019-20 کے لیے اپنی سالانہ ممبرشپ کی تجدید مقررہ تاریخ تک کروالیں۔کے سی سی آئی کے مطابق ممبرشپ کی تجدید کے لیے مقررہ فیس ، انکم ٹیکس ریٹرن اور سیلز ٹیکس(اگر قابل عمل ہو) کے ہمراہ جمع کرانی ہو گی۔

یوروکی قیمت خریدمیں10 پیسے کااضافہ، قیمت فروخت میں استحکام ، برطانوی پاﺅنڈکی قیمت میں 10پیسے کا اضافہ ریکارڈ ، سعودی ریال کی قیمت میں5پیسے ،یواے ای درہم کی قیمتخریدمیں بھی5پیسے کااضافہ چینی یو آن کی قیمت خرید20.50روپے پرمستحکم اور قیمت فروخت22.00روپے سے گھٹ کر21.80روپے ہوگئی
کراچی(ایمرا نیوز آن لائن) انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں2پیسے کااضافہ جبکہ اوپن کرنسی مارکیٹ میںامریکی ڈالرکی قیمت میںاستحکام رہا۔فاریکس ایسوسی ایشن آف پاکستان کے جاری کردہ اعدادوشمار کے مطابق منگل کوانٹربینک مارکیٹ میں پاکستانی روپے کے مقابلے میں امریکی ڈالر کی قیمت میں2پیسے کااضافہ ریکارڈ کیاگیا، جس کے نتیجے میں امریکی ڈالر کی قیمت خرید138.56روپے سے بڑھ کر138.58روپے اور قیمت فروخت138.66روپے سے بڑھ کر138.68روپے ہوگئی۔اوپن کرنسی مارکیٹ میںپاکستانی روپے کے مقابلے میں امریکی ڈالر کی قیمت میںاستحکام رہا،جس کے نتیجے میں امریکی ڈالر کی قیمت خرید138.30روپے اورقیمت فروخت138.80روپے پرمستحکم رہی یوروکی قیمت خریدمیں10پیسی کااضافہ اور قیمت فروخت میں استحکام جبکہ برطانوی پاﺅنڈکی قیمت میں 10پیسے کا اضافہ ریکارڈ کیاگیا،جس کے نتیجے میں باالترتیب یوروکی قیمت خرید156.20روپے سے بڑھ کر156.30روپے اورقیمت فروخت158.00روپے پرمستحکم جبکہ برطانوی پاﺅنڈکی قیمت خرید179.70روپی سے بڑھ کر179.80روپے اورقیمت فروخت181.50روپے سے بڑھ کر181.60روپے ہوگئی۔فاریکس رپورٹ کے مطابق سعودی ریال کی قیمت میں5پیسے اوریواے ای درہم کی قیمت خریدمیں بھی5پیسے کااضافہ اور قیمت فروخت میںاستحکام رہا ،جس کے نتیجے میں باالترتیب سعودی ریال کی قیمت خرید36.70روپے سے بڑھ کر36.75روپے اورقیمت فروخت37.00روپی سے بڑھ کر37.05روپے اوریواے ای درہم کی قیمت خرید37.60روپے سے بڑھ کر37.65روپے اورقیمت فروخت37.95روپے پرمستحکم رہی۔پیر کوچینی یو آن کی قیمت خریدمیںاستحکام اور قیمت فروخت میں20پیسے کی کمی ریکارڈ کی گئی،جس کے نتیجے میں چینی یو آن کی قیمت خرید20.50روپے پرمستحکم اور قیمت فروخت22.00روپے سے گھٹ کر21.80روپے ہوگئی۔

مقامی صرافہ مارکیٹوں میں بھی فی تولہ سونا100روپے مہنگاہوگیا،چاندی کی قیمت میں استحکام رہا
کراچی(ایمرا نیوز آن لائن)بین لاقوامی گولڈمارکیٹ میں فی اونس سونے کی قیمت میں7ڈالرکااضافہ ،جس کے نتیجے میں مقامی صرافہ مارکیٹوں میں بھی فی تولہ سونا100روپے مہنگاہوگیا۔ آل کراچی صراف اینڈجیولرزایسوسی ایشن کے مطابق منگل کو بین الاقوامی گولڈ مارکیٹ میں فی اونس سونے کی قیمت میں7ڈالرکا اضافہ ریکارڈ کیا گیا،جس کے نتیجے میں فی اونس سونے کی قیمت1323ڈالرسے بڑھ کر1330ڈالرہوگئی۔ آل کراچی صراف اینڈ جیولرزایسوسی ایشن کے مطابق کراچی،حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میںفی تولہ قیمت میں100روپے اوردس گرام سونے کی قیمت میں86روپے کااضافہ ریکارڈ کیاگیا،جس کے نتیجے میںفی تولہ سونے کی69100روپے سے بڑھ کر69200روپے اور دس گرام سونے کی قیمت59242روپے سے بڑھ کر59328روپے ہوگئی۔پیر کوچاندی کی فی تولہ قیمت اوردس گرام قیمت میںاستحکام رہا،جس کے نتیجے میںچاندی کی فی تولہ قیمت880.00روپے اوردس گرام چاندی کی قیمت754.45روپے پرمستحکم رہی۔

امریکا نے رواں مالی سال پاکستان سے 2 ارب 36 کروڑ ڈالر مالیت کا سامان خریدا ، اسٹیٹ بینک
اسلام آباد(ایمرا نیوز آن لائن)رواں مالی سال اب تک امریکا پاکستانی مصنوعات کا سب سے بڑا خریدار رہا جب کہ برطانیہ دوسرے اور چین تیسرے نمبر پر رہے۔اسٹیٹ بینک کے جاری کردہ اعدادوشمار کے مطابق امریکا نے رواں مالی سال کے ابتدائی سات مہینوں میں پاکستان سے 2 ارب 36 کروڑ ڈالر مالیت کا سامان خریدا ہے۔سات مہینوں میں پاکستان کی مجموعی برآمدات میں امریکی خریداری کا حصہ 17 فیصد رہا۔اسی عرصے کے دوران برطانیہ نے پاکستان سے ایک ارب 3 کروڑ 86 لاکھ ڈالر جب کہ چین نے ایک ارب 3 کروڑ 18لاکھ ڈالر کا سامان خریدا۔مرکزی بینک کے اعداد وشمار کے مطابق پاکستانی مصنوعات کے دس بڑے خریداروں نے مجموعی برآمدات کا 63 فیصد مال خریدا ہے۔