Tag Hyderabad

فیصل آباد(ایمرا نیوز آن لائن)حکومت کی ہدایت پر انسداد پولیو کی خصوصی مہم 18سے 22فروری تک شروع ہوگی جس کے دوران تحصیل سٹی اور صدر کے علاقوں میں پانچ سال تک کی عمر کے بچوں کو پولیو کے قطرے پلائے جائیں گے ۔اس مہم کا افتتاح 16فروری کو صبح 10بجے گورنمنٹ جنرل ہسپتال غلام محمد آباد میں ڈویژنل کمشنر آصف اقبال چوہدری اور ڈپٹی کمشنر سردار سیف اللہ ڈوگرکریں گے۔ڈسٹرکٹ ہیلتھ آفیسر ڈاکٹر آصف شہزاد کے مطابق یہ خصوصی مہم صرف تحصیل اور صدر کے علاقوںمیں شروع کی جارہی ہے تاکہ پولیو وائرس کے خدشات کا احتمال نہ رہے۔

70سے زائد مقدمات درج‘ہزاروں پتنگیں اور ڈور کی چرخیاں برآمد
فیصل آباد(ایمرا نیوز آن لائن)پولیس کا شہر بھر میں پتنگ بازوں اور پتنگ سازوں کے خلاف کریک ڈاﺅن،100سے ملزمان گرفتار 70سے زائد مقدمات ہزاروں پتنگیںسینکڑوں ڈور کی چرخیاں برآمد ،دن بھر مساجدوں پتنگ بازی کو روکنے کےلئے اعلانات آن لائن کے مطابق حکومت پنجاب کی ہدایت کی روشنی میں پتنگ و ڈور سازی / خرید و فروخت کا قلع قمع اور پتنگ بازی کے خطرناک کھیل کو روکنے کے لئے ضلعی انتظامیہ و پولیس کی مشترکہ مانیٹرنگ ٹیموں کی طرف سے بھر پور کریک ڈاﺅن کیا جارہا ہے پولیس ترجمان انسپکٹر عامروحید نے بتایا کہ شہر کے مختلف علاقوں جن میں تھانہ منصور آباد پولیس بڑے پیمانے پر آپریشن کے دوران 17500پتنگ اور بڑی تعدادی میں پتنگ تیار کرنے والا سامان قبضہ لیا اور درجن افراد کو گرفتار کرکے مقدمات درج کئے گئے جبکہ غلا م محمد آباد ،رضاآباد ،مدن پورہ مرضی پورہ ،لیاقت ٹاﺅن ،شیخ کالونی ،جھنگ بازار ،سمیت دیگر مقامات 18ہزار سے زائد پتنگیں ایک ہزار کے قریب کیمیکل ڈور چرخیاں اور گوٹ قبضہ میں لے کر 70سے افراد کو گرفتا ر کیا اور مقدمات درج کئے گئے جبکہ سارا دن پولیس کی جانب سے شہر بھر کی مساجدوں میں اعلانات ہوتے رہے کہ حکومت پنجاب کی طرف سے بسنت منانے کی قطعا اجازت نہیں ہے لہذا پتنگ سازی و پتنگ بازی کے جرم کے ارتکاب سے گریز کیا جائے والدین اپنے بچوں کو منع کریں پتنگیں / ڈوریں تیار و ذخیرہ کرنے ‘ ان کی نقل و حرکت ‘ خرید و فروخت اور پتنگ بازی کے خلاف زیرٹالرنس ہے اور خلاف ورزی کرنے والوں کے خلاف جارحانہ کارروائی کی جائے گی.

لاہور(ایمرا نیوز آن لائن) پاکستان سپر لیگ(پی ایس ایل) کی فرنچائز ملتان سلطانز کے بعض دیوانوں نے اپنی ٹیم کے لیے پورا گانا ہی بنا ڈالا۔تفصیلات کے مطابق پاکستان سپر لیگ (پی ایس ایل )میگا ایونٹ میں ملتان سلطانز کے دیوانے بعض نوجوانوں نے اپنی ٹیم کو سپورٹ کرنے کے کچھ نیا کرنے کا پلان بنایا اور پورا گانا ہی بنا ڈالا،اس بینڈ کے ریپر محسن سائیں کا کہنا ہے کہ ان کا تعلق بھی جنوبی پنجاب سے ہے اور اسی لیے انہوں نے اپنی ٹیم کو سپورٹ کرنے کے لیے یہ گانا تیار کیا ہے ،”حوصلے ہیں بلند“ کے عنوان سے بنائے گئے اس گانے میں ملتان سلطانز کے کپتان شعیب ملک ، بوم بوم شاہد خان آفریدی اور محمد عرفان کا ذکر ہے ۔

کراچی(ایمرا نیوز آن لائن) کھاتے داروں کی رقوم کے تحفظ کےلئے ڈپازٹ پروٹیکشن کارپوریشن (ڈی پی سی) نے عالمی رکنیت حاصل کر لی ہے۔کھاتے داروں کی رقوم کے تحفظ کیلیے اسٹیٹ بینک کے تحت قائم کردہ ڈپازٹ پروٹیکشن کارپوریشن (ڈی پی سی) نے انٹرنیشنل ایسوسی ایشن آف ڈپازٹ انشوررز کی رکنیت حاصل کر لی ہے۔اسٹیٹ بینک کے مطابق انٹرنیشنل ایسوسی ایشن آف ڈپازٹ انشوررز (IADI) کے سیکریٹریٹ نے 11 فروری 2019ء کو اعلان کیا ہے کہ اس کی ایگزیکٹو کونسل نے ڈپازٹ کارپوریشن آاف پاکستان کو آئی اے ڈی آئی کے رکن کی حیثیت سے قبول کرنے کا فیصلہ کیا ہے۔

سعودی عرب مختلف سیکٹرز میں سرمایہ کاری کرنا چاہتا ہے‘ وفاقی وزیر پٹرولیم
اسلام آباد(ایمرا نیوز آن لائن) وفاقی وزیر پٹرولیم غلام سرور خان نے کہا ہے کہ عالمی مالیاتی فنڈز(آئی ایم ایف )کی جانب سے گیس قیمتیں بڑھانے کا پریشر ہے۔ہفتہ کو ایک بیان میں غلام سرور خان نے کہا کہ آئی ایم ایف جنوری سے قیمتیں بڑھانے کے لیے دباو ڈال رہا ہے جبکہ گیس بلوں میں اضافہ کے لیے انکوائری کر رہے ہیں۔وفاقی وزیر کا کہنا تھا کہ سعودی ولی عہدکے محمد بن سلطان کے پاکستان دورہ کے دوران گوادرریفائنری ، پیٹروکیمیکل کمپلیکس اور منرل سیکٹر سمیت 10معاہدوں پر دستخط ہوں گے۔انہوں نے بتایا کہ سعودی عرب مختلف سیکٹرز میں سرمایہ کاری کرنا چاہتا ہے،ایل این جی سیکٹر، سٹوریج کی صلاحیت بڑھانے کے لیے ٹیکنکل اور فنانشل تعاون بھی کرے گا۔

کے پی نیب کو متعلقہ ریکارڈ و مبینہ الزامات سمیت18 فروری کو عبدالصمد کو پیش کرنےکی ہدایت
اسلام آباد(ایمرا نیوز آن لائن)چیئرمین نیب جسٹس ریٹائرڈ جاوید اقبال نے ڈائریکٹر آرکیالوجی و میوزیم پشاور ڈاکٹر عبدالصمد کی گرفتاری کا نوٹس لیتے ہوئے انہیں 18 فروری کو نیب ہیڈ کوارٹر اسلام آباد میں طلب کر لیا ہے ۔ تفصیلات کے مطابق ہفتہ کے روز چیئرمین نیب جسٹس (ر) جاوید اقبال نے وزیر اعظم عمران خان کی تشویش پر ڈائریکٹر آرکیالوجی و میوزیم پشاور ڈاکٹر عبدالصمد کی گرفتاری پر نوٹس لے لیا ہے اور ڈی جی نیب خیبرپختونخوا کو ہدایت کی ہے کہ وہ 18 فروری کو ڈاکٹر عبدالصمد سمیت متعلقہ ریکارڈ اور مبینہ الزامات کی تفصیلات لے کر نیب ہیڈ کوارٹر اسلام آباد پیش ہوں ۔ چیئرمین نیب نے اپنے بیان میں کہا ہے کہ نیب ڈاکٹر عبدالصمد کی خدمات کو قدر کی نگاہ سے دیکھتا ہے اور بذات خود ڈاکٹر عبدالصمد پر لگائے گئے الزامات کی تفصیلات سنوں گا ۔ واضح رہے کہ ڈاکٹر عبدالصمد ایشیاءمیں سنسکرت میں واحد پی ایچ ڈی ہیں اور گزشتہ روز وزیر اعظم عمران خان نے ڈاکٹر عبدالصمد کی گرفتاری پر تشویش کا اظہار کرتے ہوئے چیئرمین نیب کو نوٹس لینے کی ہدایت کی تھی ۔( جاوید/ اشفاق)

21 سے 23 فروری تک کاغذات جمع ، اعتراضات5 مارچ تک جمع کرائے جا سکیں گے،الیکشن کمیشن
اسلام آباد(ایمرا نیوز آن لائن)الیکشن کمیشن آف پاکستان نے پی پی 218ملتان میں ضمنی انتخاب کا شیڈول جاری کردیا، 31 مارچ کو پولنگ ہو گی۔تفصیلات کے مطابق الیکشن کمیشن آف پاکستان نے پی پی 218ملتان میں ضمنی انتخاب کا شیڈول جاری کردیا،الیکشن کمیشن کے مطابق ضمنی انتخاب کیلئے پولنگ 31 مارچ کو ہو گی۔ امیدوار21 سے 23 فروری تک کاغذات جمع کرا سکیں گے ،امیدواروں کے ناموں کی ابتدائی فہرست 25 فروری کو جاری کی جائے گی۔کاغذات نامزدگی پر اعتراضات5 مارچ تک جمع کرائے جا سکیں گے۔واضح رہے کہ نشست تحریک انصاف کے ایم پی اے مظہرعباس راں کے انتقال پرخالی ہوئی تھی۔

لاہور(ایمرا نیوز آن لائن)سابق وزیراعظم نوازشریف کی صاحبزادی مریم نوازنے کہا ہے کہ ظلم کی رات جلدختم ہوجائےگی، انشااللہ حالات جلدبہترہوں گے۔ ہفتہ کے روز مریم نوازاور قائدحزب اختلاف قومی اسمبلی شہبازشریف قائد ن لیگ نوازشریف کی عیادت کیلئے جناح ہسپتال پہنچے،اس موقع پر موجود لیگی کارکنوں نے ان کا استقبال کیااور قائد ن لیگ نوازشریف کے حق میں نعرے بازی کی۔ صحافی کے سوال ”آپ کو نوازشریف کی صحت سے متعلق تحفظات ہیں“کے جواب میں مریم نوازنے کہا کہ نوازشریف کو پی آئی سی لانا چاہئے تھا، میڈیکل بورڈنے سفارش کی تھی کہ نوازشریف کو کارڈیک ہسپتال منتقل کیا جائے ،مریم نوازنے کہا کہ میڈیکل بورڈ کی سفارش کے باوجودنوازشریف کو یہاں لایاگیا ہے۔شہباز شریف کی رہائی کے سوال پر مریم نوازکا کہنا تھا کہ عدالتی فیصلہ حق و سچ کی فتح ہے ، نوازشریف ثابت قدم رہے ہیں، ظلم کی رات جلدختم ہوجائےگی،انشااللہ حالات جلدبہترہوں گے۔

نواز شریف کو جس کیس میں سزا ملی اس میں کچھ نہیں ، پیپلزپارٹی اپنے خلاف ہر ریفرنس کا سامنا کرے گی ، سلیکٹڈ حکومت کو عوام کی پرواہ نہیں ، مہنگائی نے غریبوں کی کمر توڑ دی ، سعودی ولی عہد کا استقبال پوری قوم کرےگی ، بھارت ہمیشہ پاکستان پر الزام لگاتا ہے ، صحافیوں سے گفتگو
کندھ کوٹ (ایمرا نیوز آن لائن) پیپلزپارٹی کے رہنما و رکن قومی اسمبلی خورشید شاہ نے کہا ہے کہ سلیکٹ ہوکرآنے والی حکومت عوام کی پرواہ کیوں کرے گی کیونکہ مہنگائی نے عوام کی کمر توڑ دی ہے۔شہباز شریف کیس میں کچھ نہیں تھا اس لئے رہائی ملی ۔ نواز شریف کے کیس میں بھی کچھ نہیں ہے ۔ ان خیالات کا اظہار خورشید شاہ نے کندھ کوٹ میں صحافیوں سے گفتگو کرتے ہوئے کیا ۔انہوں نے کہا کہ عمران خان کی حکومت نے غریبوں کی کمر توڑدی ہے کیونکہ سلیکٹ ہوکرآنے والی حکومت کو عوام کی کیا پرواہ ہو گی لیکن آج کی مہنگائی ملکی معیشت کیلئے بھی بہترنہیں ہے۔ ایک سوال کے جواب میں خورشید شاہ نے کہا کہ شہبازشریف کیس میں کچھ نہیں تھا اس لئے ان کو رہائی ملی ہے اسی طرح نواز شریف کو جس کیس میں سزا دی گئی ہے اس میں بھی کچھ نہیں ہے ۔ سعودی ولی عہد کے دورہ پاکستان کے سوال کے جواب میں پیپلزپارٹی کے رہنما نے کہا کہ ہمار ے دوست ملک کے ولی عہد پاکستان آرہے ہیں وہ ہمارے پاکستان کے مہمان ہیں، پوری قوم ان کا استقبال کرے گی۔کراچی میں ارشاد رانجھانی کے قتل کے سوال پر خورشید شاہ کا کہنا تھا کہ ارشاد رانجھانی کے قاتلوں کو سخت سزا دی جائے تاکہ ملک کے اندر امن کے فضا قائم ہو سکے۔ سابق اپوزیشن لیڈر نے پارلیمنٹ میں پیپلزپارٹی کے کردار پر کہا کہ ان ہاو¿س تبدیلی کیلئے ہم اسلئے کوششیں نہیں کر رہے ہیں کیونکہ ایم کیو ایم اور(ق) لیگ کا ریٹ بڑھ جائے گا۔جس سے حکومت کو فائدہ ہو گا ۔خورشید شاہ نے مزید کہا کہ ہمارے اوپر ہمیشہ ریفرنس بنانے کی کوشش کی گئی ہے لیکن ہم بھی ہر ریفرنس کا سامنا کرتے رہیں گے۔ بھارت کی جانب سے جموں و کشمیر میں پلوامہ کے اندر بھارتی فورسز پر حملے کی ذمہ داری پاکستان پر عائد کرنے کے سوال کے جواب میں خورشید شاہ نے کہا کہ بھارت ہمیشہ پاکستان پرالزام لگاتا رہتا ہے جو ان کی پرانی روایت ہے۔اس سے ہمیں کوئی فرق نہیں پڑتا ۔( جاوید/ اشفاق)

عدالت کا تفتیشی حکام کو خواجہ برادران کےخلاف حتمی رپورٹ اور جلد ریفرنس دائر کرنے کا حکم
سدا حکومت نہیں رہنی ،پی ٹی آئی جو کررہی ہے کل بھگتنا پڑے گا،خواجہ سعد رفیق
شہباز شریف کی رہائی خوش آئند،جلد ہم بھی درخواست ضمانت دائر کرینگے،میڈیا سے گفتگو
لاہور(ایمرا نیوز آ ن لائن) احتساب عدالت نے پیراگون سکینڈل میں گرفتار خواجہ برادران کے جوڈیشل ریمانڈ میں 16 روز کی توسیع کردی۔احتساب عدالت کے جج سید نجم الحسن نے خواجہ برادران کے خلاف کیس کی سماعت کی۔عدالت نے نیب حکام سے استفسار کیا کہ خواجہ سعد رفیق اور خواجہ سلمان کے خلاف ریفرنس کا کیا بنا؟ اس پر تفتیشی افسر نے بتایا کہ 90 روز پورے ہونے تک پیراگون کا ریفرنس پیش کردیا جائے گا۔عدالت نے تفتیشی حکام کو خواجہ برادران کے خلاف حتمی رپورٹ داخل کرنے کا حکم دیا اور جلدی ریفرنس دائر کرنے کے لیے تفتیشی افسر کو بھی جلدی کام کرنے کی ہدایت کی۔ عدالت نے خواجہ برادرن کے جوڈیشل ریمانڈ میں 4 مارچ تک 16 روز کی توسیع کردی۔خواجہ برادران کی احتساب عدالت میں پیشی کے موقع پر سکیورٹی کے سخت انتظامات کیے گئے تھے، عدالت کے باہر کنٹینر لگا کر راستے بند کردیے گئے جس سے شہریوں کو آمدورفت میں مشکلات کا سامنا کرنا پڑا۔نیب حکام نے جوڈیشل ریمانڈ ختم ہونے پر سخت سکیورٹی میں خواجہ سعد اور سلمان رفیق کو عدالت میں پیش کیا گیا۔ بعدازاں احتساب عدالت میں پیشی کے بعد میڈیا سے گفتگو کرتے ہوئے سعد رفیق نے کہا کہ سداحکومت ان کی نہیں رہنی حکومت جو کر رہی ہے وہ درست نہیں۔شہباز شریف کی ضمانت خوش آئند فیصلہ ہے ہمیں بھی جلد انصاف ملے گا۔ پولیس سے سپیشل درخواست کی ہمیں ذاتی گاڑی فراہم کی جائے ،پولیس گاڑی دینے کی بجائے ہمیں بکتر بند میں عدالت لائی ،وزیراعلیٰ پنجاب میری اس بات کا نوٹس لیں۔سعد رفیق نے کہا کہ حکام ہتھکڑیاں لگا رہے تھے مگر جیل رولز کے مطابق وہ نہیں لگا سکتے ،بہت جلد ہم دونوں بھائی درخواست ضمانت دائر کرنے جا رہے ہیں ،انہوں نے کہا کہ ہمیں آپ نے پکڑلیا لیکن کسی کی عزت کاخیال تو ہونا چاہئے ،فوادچودھری کہتے ہیں ہم فائیو سٹارجیل میں رہ رہے ہیں،کمروں سے چونا منہ پر گرتا ہے ،ایسی باتیں کرتے ان کو شرم آنی چاہیے، انہوں نے کہا کہ مجھے آج بکتربند گاڑی میں احتساب عدالت لایا گیا جو 60 سال پرانی لگ رہی تھی ، مجھے جیل سے یہاں آنے میں ایک گھنٹہ لگ گیاجبکہ مجھے لانے کی ذمہ داری ہوم ڈیپارٹمنٹ اور پولیس کی ہے،سعد رفیق نے کہا کہ بکتر بند گاڑی میں جھٹکے لگنے سے میری ٹانگ کی درد میں اضافہ ہو گیا۔انہوں نے کہا کہ شہبازشریف کی ضمانت ایک خوش آئندفیصلہ ہے ،یقین ہے ہمیں بھی بہت جلد انصاف ملے گا۔