Tag Hyderabad

لاہور(ایمرا نیوزآن لائن رپورٹ عمر خالد سے) قندھار سے آنے والی گرد آلود ہوائیں بلوچستان کے دارالخلافہ کوئٹہ پہنچ گئیں، وادی میں گرد آلود ہواؤں کے جھکڑ چلنے سے سردی بڑھ گئی۔چمن میں تیز ہوائیں چلنے سے کئی مقامات پر سائن بورڈ گر گئے۔کوئٹہ میں گزشتہ شام قندھار سے آنے والی گرد آلود سرد ہواؤں نے موسم کو مزید سرد کر دیا، ہوائیں چلنے سے شہر میں کاروبارِ زندگی بری طرح متاثر ہوا۔کئی علاقوں میں بجلی کے تار آپس میں ٹکرانے سے بجلی کے فیڈر ٹرپ ہو گئے اور شہر کے کئی علاقوں میں بجلی کی فراہمی معطل ہوگئی۔دوسری جانب سردی کی شدت میں اضافے سے مختلف علاقوں میں سوئی گیس کے پریشر میں بھی کمی آئی ہے۔چمن شہر میں رات ہوتے ہی تیز ہوائیں چلنا شروع ہو گئیں، طوفانی ہوائیں چلنے سے کئی علاقوں میں سائن بورڈز اور درخت گر گئے، جس کے باعث شہری گھروں میں محصور ہو گئے۔کان مہتر زئی، توبہ اچکزئی، توبہ کاکڑی میں برفباری سے رابطہ سڑکوں پر ٹریفک کی روانی متاثر ہوئی ہے۔
ہوائوں

لاہور(ایمرا نیوزآن لائن رپورٹ اظہر محمود سے) وزیر ریلوے شیخ رشید احمد کا کہنا ہے کہ ڈاکو لیٹرے ملک کو لوٹ کر گئے ہیں، 40بندوں کی لائن لگی ہے، وہ سب جیل جائیں گے، یہ سیاست میں ڈان تھے، انہوں نے ملک کو لوٹا ہے۔انہوں نے تھل ایکسپریس پر راولپنڈی سے ملتان روانہ ہوتے کہا کہ آئی ایم ایف کے پاس جانا مجبوری ہے، اس کے بغیر دوسرے ادارے قرضہ نہیں دیتے۔شیخ رشید نے کہا کہ سعودی ولی عہد کا دورۂ پاکستان تاریخی ہو گا،عمران خان نے سعودی شہزادے اور متحدہ عرب امارات کے سربراہ سے پاکستان کے لیے ذاتی تعلقات قائم کیے۔انہوں نے مزید کہا کہ پہلے روز راولپنڈی سے ملتان اور ملتان سے راولپنڈی مسافر مفت سفر کریں گے،ریلوے کے مزدوروں کو ایک اسکیل دینا ہے اور ریلوے پولیس کی تنخواہیں بڑھائیں گے۔شیخ رشید کا یہ بھی کہنا ہے کہ کراچی سے پشاور تک ریل کا ڈبل ٹریک بنانے کا فیصلہ ہواہے اور نالہ لئی بھی بننے جا رہا ہے،14 سال سے جو کالج رکا ہوا ہے اس ماہ اس افتتاح ہو جائے گا۔

پاکستانی بینکوں کا آﺅٹ لک مستحکم سے منفی ہوگیاعدم استحکام کی وجہ سے ملی تجارتی خسارہ19ارب ڈالر سے تجاوز کرگیا،مریکی کریڈٹ ریٹنگ ایجنسی
اسلام آباد(ایمرا نیوز آن لائن)مرکزی بینک نے منی مارکیٹ سسٹم سے 260 ارب روپے کا اضافی سرمایہ ایک اور چار دن کے مارکیٹ آپریشن کے ذریعے نکالا ہے. ایک دن کے مارکیٹ آپریشن میں 247ارب روپے دس اعشاریہ ایک سا ت فیصد سود پر نکالے گئے ہیں. چار دن کے مارکیٹ آپریشن میں 13ارب روپے دس اعشاریہ ایک آٹھ فیصد سالانہ شرح سود پر نکالے گئے ہیں.دوسری جانب بین الاقوامی ریٹنگ ایجنسی موڈیز نے پاکستانی بینکوں کا آٹ لک مستحکم سے منفی کردیا ہے. پاکستانی بینکوں نے حکومتی بانڈز میں بہت رقم لگا رکھی ہے، اگلے ڈیڑھ سال تک بینکوں کو نچلی پروفائل کے سرکاری بانڈز کے چیلنج سے نمٹنا ہوگا.امریکی کریڈٹ ریٹنگ ایجنسی کے مطابق بینکوں کو سست معیشت میں کام کرنے میں مشکلات کا سامنا رہے گا تاہم کھاتے داروں کی جانب سے رقم جمع کروانے سے بینکوں کو فائدہ ہوتا رہے گا.روپے کی قدر میں اتار چڑھا اور بنکوں کے معاملات غیرمستحکم ہونے کی وجہ سے رواں مالی سال کے پہلے سات ماہ میں درآمدات میں کمی اور برآمدات میں بھی اضافہ ہوا ہے . وفاقی ادارہ شماریات کے مطابق درآمدات میںکمی سے تجارتی خسارے میں ساڑھے9 فیصد سے زائدکمی آئی ہے. ادارہ شماریات کے اعلامیے میں بتایا گیا ہے کہ مالی سال 19-2018 کے پہلے 7 ماہ میں تجارتی خسارہ 19 ارب 26 کروڑ 40 لاکھ ڈالر ہو گیا ہے.ادارہ شماریات کے مطابق جولائی تا جنوری تجارتی خسارہ 9 اعشاریہ 66 فیصد کم ہوا جب کہ 7 ماہ میں برآمدات 13 ارب 23 کروڑ 10 لاکھ ڈالر رہیں، گزشتہ سال کے مقابلے میں برآمدات میں 2 اعشاریہ 24 فیصد اضافہ ہوا. اعلامیے کے مطابق پہلے 7 ماہ میں درآمدات کا حجم 32 ارب 49 کروڑ 50 لاکھ ڈالر رہا اور گزشتہ سال کے مقابلے میں درآمدات میں 5 اعشاریہ 17 فیصد کمی ہوئی.ادارہ شماریات نے بتایا کہ جنوری 2019 میں تجارتی خسارہ 2 ارب 46 کروڑ 10 لاکھ ڈالر رہا اور جنوری 2018 کے مقابلے میں گزشتہ ماہ میں تجارتی خسارہ 31 اعشاریہ 74 فیصد کم ہوا. ادارہ شماریات کا کہنا ہے کہ جنوری میں برآمدات 2 ارب ڈالر سے زائد رہیں جب کہ گزشتہ ایک ماہ میں درآمدات 4 ارب 50 کروڑ 40 لاکھ ڈالر رہیں جس میں جنوری 2018 کے مقابلے میں 19 فیصد کمی ہوئی ہے.

علاقائی استحکام ، سکیورٹی اور باہمی دلچسپی کے امور پر تبادلہ خیال، اسلامی اتحادی فوج کے تمام اسلامی ممالک سے دہشتگردی کے خاتمے کے مقصد کے حوالے سے گفتگو
وزیراعظم عمران خان نے اسلامی اتحادی فوج کے دہشتگردی کے خلاف کردار کو سراہا
اسلام آباد(ایمرا نیوز آن لائن)وزیراعظم عمران خان سے اسلامی اتحادی فوج کے کمانڈر ان چیف راحیل شریف نے ملاقات کی۔ دونوں کی ملاقات وزیراعظم آفس میں ہوئی، ملاقات میں اسلامی اتحادی فوج کے تمام اسلامی ممالک سے دہشتگردی کے خاتمے کے مقصد کے حوالے سے بھی بات چیت ہوئی۔ وزیراعظم عمران خان نے اسلامی اتحادی فوج کے دہشتگردی کے خلاف کردار کو سراہا۔ملاقات میں علاقائی استحکام ، سکیورٹی اور باہمی دلچسپی کے امور پر بھی تبادلہ خیال کیا گیا۔ قبل ازیں اسلامی اتحادی فوج کے سربراہ راحیل شریف نے دفتر خارجہ میں وفاقی وزیر خارجہ شاہ محمود قریشی سے بھی ملاقات ہوئی تھی۔ ملاقات میں علاقائی امن و استحکام سمیت باہمی دلچسپی کے امور پر تبادلہ خیال کیا گیا۔جنرل ریٹائرڈ راحیل شریف نے دہشت گردی کےخلاف اقدامات سے آگاہ کیا جبکہ شاہ محمود قریشی نے علاقائی امن وسلامتی کے لیے اسلامی فوجی اتحاد کی کوششوں کوسراہا۔یاد رہے کہ گذشتہ روز آرمی چیف جنرل قمر جاوید باجوہ سے اسلامی فوجی اتحاد کے کمانڈر ان چیف راحیل شریف نے وفد کے ہمراہ ملاقات کی تھی ، جس میں اہم امور پر تبادلہ خیال کیا گیا تھا۔ پاک فوج کے شعبہ تعلقات عامہ (آئی ایس پی آر) کے مطابق اسلامی فوجی اتحاد کے وفد نے جی ایچ کیو راولپنڈی کا دورہ کیا۔اسلامی فوجی وفد کی سربراہی اسلامی فوجی اتحاد کے کمانڈرجنرل ریٹائرڈ راحیل شریف نے کی۔آرمی چیف نےعلاقائی امن اور سیکیورٹی کے لیے اسلامی فوجی اتحادکی کاوشوں کوسراہا تھا۔ واضح رہےکہ اسلامی فوجی اتحاد کا وفد جنرل ریٹائرڈ راحیل شریف کی قیادت میں دو روزہ دورے پر پاکستان کے دارالحکومت اسلام آباد پہنچا تھا۔ خیال رہے اسلامی فوجی اتحاد کے وفد کا پاکستان کا یہ پہلا دورہ ہے، اس دورے کے دوران جنرل ریٹائرڈ راحیل شریف سیاسی و عسکری قیادتوں سے ملاقاتیں کریں گے۔

زیادتی کا آغازعموما گھروں سے ہوتا ہے ‘قریبی عزیزواقارب بچوںپر جسمانی تشدد کرتے ہیں‘بچوں کو اچھے برے میں فرق کی آگاہی ناگزیر ہے‘ بچے والدین کو بتانے میں ہچکچاہٹ کا شکار ہرگز نہ ہوں ‘والدین اور اساتذہ حکومت کا ساتھ دیں اور مہم کو آگے بڑھائیں
وفاقی وزیر انسانی حقوق ڈاکٹرشیریں مزاری
اسلام آباد (ایمرا نیوز آن لائن ) وزارت انسانی حقوق نے اسلام آباد سے ملک بھر میں بچوں پر تشدد اور زیادتی کی روک تھام کیلئے آگاہی مہم کا آغا زکردیا۔ وزیر انسانی حقوق ڈاکٹرشیریں مزاری نے اسلام آباد میں کالج میں بچوں پرتشدد اور زیادتی کی روک تھام کیلئے مہم کا آغاز کرتے ہوئے کہا ہے کہ بچوں اور والدین کو ملکر اس مہم میں حصہ لیتے ہوئے ایسے گھنونے جرم کو روکنا ہوگا۔شیریں مزاری نے کہا کہ بچوںپر تشدد اور زیادتی کا آغازعموما گھروں سے ہوتا ہے اور انکے قریبی عزیزواقارب بچوںپر جسمانی تشدد کرتے ہیں ، جس کے بعد گلی محلے میں ایسے حرکات سے بچوں کو مشکلات کا سامنا ہوتا ہے، وفاقی وزیر کا کہناتھا کہ بچوںکو تشدد اور زیادتی سے روکنے میں انکے والدین اور اساتذہ کا بڑاکردا ر ہے ، وفاقی حکومت نے اس سلسلے میں قانون سازی کررکھی ہے، جس کے بعد وزارت انسانی حقوق ملک بھر میں بچوںکیلئے آگاہی مہم کا آغاز کررہی ہے، جس میں تعلیمی اداروں سمیت دیگر ذرائع سے انہیں تشدد اورزیادتی سے بچاﺅ سے جائے گا۔پاکستان میں گزشتہ عرصے کے دوران بچوں کے ساتھ جسمانی تشدد اور زیادتی کے واقعات میں اضافہ ہوا ہے ، ہمارے معاشرے میں بچے اس حوالے سے والدین یا اساتذہ کو بتاتے ہوئے شرم محسوس کرتے ہوئے اس لیے حکومت نے متعلقہ اداروں کے ساتھ ملکر مختلف طریقوں سے انہیں سمجھانے کیلئے ویڈیوز اور دیگر ذرائع کو استعمال کرینگے ۔ حکومت چاہتی ہے کہ ہمارے بچے اپنی حفاظت خود کرسکیں اور انکو پتہ ہوکہ کیا ٹھیک ہے اور کیا غلط ہورہا ہے ۔ انہوںنے بچوں سے کہا کہ وہ ایسے واقعات سے متعلق اپنے والدین کو بتانے میں ہچکچاہٹ کا شکار نہ ہوں بلکہ اپنے رشتہ داروں سے متعلق بھی اپنے والدین کو بتائیں۔ہمارے عہد کے بچے ان چیزوں سے اگرچہ باخبر ہوگئے ہیں تاہم ان کو مزید آگاہی اور تعلیم دینے کی ضرورت ہے۔ڈاکٹر شیریں مزاری نے اپنے خطاب میں والدین اور اساتذہ سے درخواست کی کہ وہ اس سلسلے میں حکومت کا ساتھ دیں اور مزید بہتر انداز میں اس مہم کو آگے بڑھائیں۔وفاقی وزیر برائے انسانی حقو ق نے کہا کہ اٹھارویں ترمیم کے بعد صوبوں کو اختیارات منتقل ہونے کے بعدصوبائی سطح پر بھی انسانی حقو ق کے اداروں کے ساتھ ملکر کا م کررہے ہیں، وفاقی حکومت نے اس سلسلے میں ہیلپ لائن بھی قائم کررکھی ہے،ا ور متاثرہ خاندان کو وکیل بھی مہیا کررہی ہے۔ حکومت اس سلسلے میں کسی قسم کی کوتائی برداشت نہیں کرے گی۔وفاقی حکومت نے چائلڈ پروٹیکشن لاءکے سلسلے میں کمیشن آف دی چائلڈ بنارہے ہیں، جو آئندہ چند ماہ میں مکمل ہوجائے گا اور اپنا کام شروع کردے گا۔تقریب میں والدین سمیت بچوںنے بھی شرکت کی۔تقریب کے دوران بچوں پر تشدد اور زیادتی کی روک تھام کے حوالے سے آگاہی ویڈیوز بھی دکھائی گئی۔ شمیم محمود

ممبئی(ایمرا نیوز آن لائن) بھارتی فلموں کے کنگ شاہ رخ خان کی جانب سے بالی ووڈ کے شہنشاہ امیتابھ بچن کو کی گئی ایک ٹوئٹ سوشل میڈیا پر وائرل ہورہی ہے جس میں کنگ خان امیتابھ بچن کو کہہ رہے ہیں میں آپ سے بدلہ لینے آرہا ہوں۔بالی ووڈ کنگ شاہ رخ خان نے گزشتہ روز ٹوئٹ کی بچن سر میں آپ سے بدلہ لینے آرہا ہوں لہذا تیار رہیے گا۔ شاہ رخ خان کی اس ٹوئٹ پر صارفین حیران پریشان رہ گئے کہ آخر ایسا کیا ہوگیا کہ کنگ خان امیتابھ سے بدلہ لینا چاہ رہے ہیں، تاہم بگ بی نے شاہ رخ خان کے ٹوئٹ کا جواب دیتے ہوئے کہا ارے بھائی شاہ رخ خان بدلہ لینے کا ٹائم تو نکل گیا اب تو سب کو بدلہ دینے کا ٹائم ہے۔دراصل کنگ خان اور امیتابھ بچن کے درمیان ٹوئٹر پر جاری یہ دلچسپ لڑائی کسی پرانی جنگ کا حصہ نہیں بلکہ امیتابھ کی آنے والی فلم بدلہ کی تشہیری مہم کا حصہ ہے۔ فلم بدلہ میں امیتابھ بچن اور تاپسی پنوں مرکزی کردار ادا کر رہے ہیں جب کہ فلم کو شاہ رخ خان اوران کی بیوی گوری خان پروڈیوس کررہے ہیں۔ یہی وجہ ہے کہ دونوں اسٹارز سوشل میڈیا پر فلم کی منفرد انداز میں تشہیر کررہے ہیں۔

لاہور(ایمرا نیوزآن لائن) رنویرسنگھ کو بالی ووڈ میں ایک پاور فل اداکار کے طور پر جانا جاتا ہے، رنویرسنگھ اصل زندگی میں بھی بہت خوش رہنے والے انسان ہیں. وہ ہر وقت خوشگوار موڈ میں رہتے ہیں، اور لوگوں کے چہروں پر مسکراہت لاتے رہتے ہیں، لیکن حال ہی میں ایک شو میں رنویرسنگھ کو روتا دیکھ کر سب لوگ اُداس ہوگئے.
رنویرسنگھ اور عالیہ بھٹ آج کل اپنی نئی فلم گلی بوائے کی تشہری میں مصروف ہیں، اسی سلسلے میں رنویرسنگھ اور عالیہ بھٹ انڈین ڈانس شو میں شرکت کی. اس دوران ایک خاص پرفارمنس دیکھ کر رنویرسنگھ اپنے جذبات پر قابو نہ رکھ سکے اور رو پڑے اس دوران عالیہ بھی رو پڑی تھی، دراصل یہ خاص پرفارمنس رنویر سنگھ کی زندگی کے اوپر بنائی گئی تھی کہ کس طرح انہوں نے مشکلات کا سامنا کرکے اس مقام تک پہنچے.اس موقع پر رنویر سنگھ کا کہناتھا کہ میں نے کبھی نہیں سوچا تھا کہ میں کسی ڈانس شو میں جائو گا اور کوئی میری زندگی کے اوپر کوئی ڈانس پرفارمنس بنا سکتا ہے،یہ سب سے زیادہ چھو لینے والی چیز ہے جوکسی نے میرے لیے بنائی ہے.

لڑکی حاملہ ہوگئی ، ملزم موبائل پر فورن ویڈیو دیکھنے کا عادی تھا ، جنسی تسکین کیلئے اپنی بہن کو زیادتی کا نشانہ بنایا ، پولیس نے گرفتار کرکے جیل منتقل کردیا
ممبئی(ایمرا نیوز آن لائن) بھارتی عدالت نے گاں کموتھے کے رہائشی 14 سالہ لڑکے کو اپنی 16 سالہ بہن کے ساتھ ریپ اور اسے حاملہ کرنے کے الزام میں بچوں کی جیل منتقل کردیا۔ پولیس آفیسر سب انسپکٹر پارشورام بھاتوسے کا کہنا تھا کہ ملزم اپنے موبائل پر پورن ویڈیوز دیکھنے کا عادی تھا اور اس نے جنسی تسکین حاصل کرنے کے لیے اپنی بڑی بہن کو نشانہ بنایا۔رپورٹ میں بتایا گیا کہ جس وقت والدین مکان کے گرانڈ فلور پر قائم دکان میں ہوتے تو ملزم اور اس کی بہن اپنے مکان کی پہلی منزل پر ہوتے تھے۔پولیس کا کہنا تھا کہ مذکورہ واقعے کے حوالے سے والدین کو اس وقت معلوم ہوا جب وہ اپنی بیٹی کو پیٹ میں درد کے باعث علاج کے لیے ڈاکٹر کے پاس لے کر گئے۔جہاں ڈاکٹر نے لڑکی کا چیک اپ کیا اور بتایا کہ وہ حاملہ ہے، اس کے علاوہ خون کے حاصل نمونے کے ٹیسٹ میں بھی تصدیق ہوئی کہ لڑکی 2 ماہ کی حاملہ ہے۔پولیس افسر نے مزید بتایا کہ مذکورہ ڈاکٹر چائلڈ ویلفیئر کمیٹی کی رکن ہیں جنہوں نے کم عمر لڑکی کے ساتھ پیش آنے والے واقعے کے حوالے سے پولیس کو آگاہ کیا۔جس کے بعد خاتون پولیس اہلکاروں نے لڑکی سے تفتیش کی، متاثرہ لڑکی نے پولیس کو بتایا کہ اس کا چھوٹا بھائی گزشتہ 2 ماہ سے اس کے ساتھ ریپ کررہا ہے۔پولیس نے واقعے کا مقدمہ درج کرکے 14 سالہ ملزم کو عدالت میں پیش کیا اور عدالتی حکم پر اسے بچوں کی جیل منتقل کردیا گیا۔

کمیٹی ممبران ملکی مفاد میں دیانتداری سے کام کرینگے، وزیر ریلوے کو یہاں آنے کی ضرورت نہیں ،رہنما تحریک انصاف
اسلام آباد (ایمرا نیوز آن لا ئن ) پاکستان تحریک انصاف کے رہنما راجہ ریاض نے شیخ رشید کو پبلک اکاؤنٹس کمیٹی کا ممبر بنانے کی مخالفت کرتے ہو ئے کہا کہ شہبازشریف جہاں غلط کام کرنا چاہیں گے ہم رکاوٹ بنیں گے،اس لیے شیخ رشید کو پی اے سی کا ممبر بنا نے کی ضرورت نہیں تمام ممبران کمیٹی میں دیانتداری سے کام کریں گے، کمیٹی وہی کام کرے گی جو ملک کے مفاد میں ہوگا۔ منگل کے روز اپنے ایک بیان میں راجہ ریاض نے کہا کہ شیخ رشید کو پبلک اکاؤنٹس کمیٹی کا ممبر بنانے کی کوئی ضرورت نہیں، کمیٹی میں تحریک انصاف کے معزز ارکان موجود ہیں۔انہوں نے کہا کہ شہبازشریف جہاں غلط کام کرنا چاہیں گے ہم رکاوٹ بنیں گے، تمام ممبران کمیٹی میں دیانتداری سے کام کریں گے، کمیٹی وہی کام کرے گی جو ملک کے مفاد میں ہوگا اس لئے شیخ رشید کو پی اے سی کا ممبر بنا نے کی کو ئی ضرورت نہیں ۔

شدت 5.1 درجے تھی ،کوئی جانی نقصان نہیں ہوا
نئی دہلی (ایمرا نیوز آن لائن) خلیج بنگال میںزلزلے کے درمیانے درجے کے جھٹکے محسوس کئے گئے تاہم کوئی جانی نقصان نہیں ہوا ۔حکام کے مطابق ریکٹر سکیل پر زلزلے کی شدت پانچ اعشاریہ ایک درجے ریکارڈ کی گئی جبکہ زلزلے کا مرکز 14.5 درجے شمالی ارض بلد اور 85.7 درجے مشرقی طول بلد میں دس کلو میٹر کی گہرائی میں تھا ۔