Tag interesting news

(ایمرا نیوز آن لائن)موجودہ دور میں اسمارٹ فونز کے استعمال میں تیزی سے اضافہ دیکھنے میں آیا ہے لیکن جہاں بھی کسی چیز کا ضرورت سے زیادہ استعمال ہونا شروع ہوتا ہے تو اس کے منفی اثرات بھی ظاہر ہونا شروع ہو جاتے ہیں۔

حال ہی میں موبائل فون استعمال کرتے دوران چہرے پر چوٹ لگنے کے واقعات کے حوالے سے کی گئی ایک تحقیق کے بعد یہ بات معلوم ہوئی کہ موبائل فون استعمال کرتے دوران چہرے پر چوٹ لگنے کے واقعات میں واضح اضافہ ہوا ہے۔

جاما اوٹولیرونگولوجی جرنل میں شائع کی جانے والی تحقیق کے مطابق موبائل فون استعمال کرتے دوران چہرے پر چوٹ لگنے کے بے شمار واقعات سامنے آئے ہیں جس میں حال ہی میں ایک خاتون کی ناک کی ہڈی ٹوٹنے کا واقعہ بھی سامنے آیا ہے۔ متاثرہ خاتون لیٹ کر موبائل فون استعمال کر رہی تھی کہ اچانک ان کے چہرے پر موبائل گرنے سے ان کی ناک کی ہڈی ٹوٹ گئی۔

رٹگرز نیو جرسی میڈیکل اسکول کے ڈاکٹر بورس کا کہنا ہے کہ انہوں نے 20 سال کی تحقیقی معلومات کا جائزہ لیا جس کے بعد انہیں یہ معلوم ہوا کہ اس کی شروعات 2006 سے ہوئی جب اسمارٹ فونز دنیا بھر میں مقبول ہونا شروع ہوئے۔

انہوں نے بتایا کہ موبائل فون کا استعمال کرنے کی وجہ سے سر اور گردن میں چوٹ لگنے کے واقعات میں گزشتہ 20 سالوں سے اضافہ ہوا ہے، اس حوالے سے ایسے بے شمار کیسز رپورٹ ہوئے ہیں جس میں موبائل فون کی وجہ سے لوگوں کی توجہ ہٹنے سے انہیں چوٹیں لگیں۔

محققین نے بتایا کہ 1998 سے 2017 تک موبائل فون کی وجہ سے 76 ہزار افراد زخمی ہوئے ہیں جب کہ اسمارٹ فونز کی مقبولیت کے بعد 2006 تک سالانہ 2000 لوگوں کو اسمارٹ فون کی وجہ سے چوٹیں لگنے کے کیسز رپورٹ ہوئے ہیں۔ موبائل فون کی وجہ سے لگنے والی چوٹوں میں زیادہ تر چہرے پر زخم اور فریکچر جیسے واقعات سامنے آئے ہیں۔ محققین کا کہنا ہے کہ لا پرواہ صارفین کو چلتے ہوئے، گاڑی چلاتے ہوئے اور لیٹ کر بات چیت کرنے کی وجہ سے چوٹیں لگیں۔

بھارت(ایمرا نیوزآن لائن) میں دولہے کو بارات تاخیر سے لانا مہنگا پڑ گیا، دلہن نے مقررہ وقت سے کئی گھنٹے بعد پہنچنے پر گھر والوں کے ساتھ مل کر نا صرف دولہے کی پٹائی کر دی بلکہ اپنے پڑوسی سے شادی بھی کر لی۔

بھارتی میڈیا کے مطابق گاؤں بجنور ننگلجات میں شادی کے دن باراتیوں کے دیر سے آنے پر دلہن اور ان کے گھر والوں نے باراتیوں کو تشدد کا نشانہ بنایا، بعد ازاں دلہن نے اپنے پڑوسی سے شادی کر لی۔ صرف یہی نہیں دلہن کے گھر والوں نے دولہے کے خاندان کو مارنے پیٹنے کے بعد ان کا قیمتی سامان چھین کر انہیں جیل بھی بھجوا دیا۔

پولیس نے انکشاف کیا کہ یہ جوڑا رسم و رواج کے ساتھ ایک روایتی شادی کی تقریب کرنا چاہتا تھا، چھ ہفتے قبل جوڑے نے ایک اجتماعی شادی کی تقریب کے موقع پر شادی کی تھی، اور اس وقت دلہن اپنے سسرال نہیں گئی تھی کیونکہ وہ ایک روایتی شادی کرنا چاہتی تھی۔

علاوہ ازیں پولیس نے یہ بھی بتایا کہ دونوں خاندانوں میں جہیز کے معاملے کو لے کر بھی اختلافات تھے، دلہن کے خاندان نے دعویٰ کیا کہ دولہا اور اس کے والد نے اُن سے موٹرسائیکل اور نقد رقم کا مطالبہ کیا تھا اور جب ان کا مطالبہ پورا نہیں کیا گیا تو یہ ان کے گھر والوں کو دھمکیاں دے رہے تھے۔

بھارتی میڈیا کے مطابق باراتیوں کو دن کے 2 بجے آنا تھا لیکن وہ رات میں بارات لے کر آئے، تاخیر سے آنے کی وجہ سے دلہن آگ بگولہ ہوگئی اور دلہن کے گھر والوں نے باراتیوں کی مار لگا دی۔ اس تمام تر صورتحال کے بعد پولیس نے معاملے کو سلجھایا جس کے بعد دلہن نے کسی اور سے شادی کر لی۔

جہاز میں سفر کرنے والے افراد اس بات سے تو واقف ہی ہوں گے کہ عام طور پر جہاز میں دیا جانے والا کھانا اتنا مزیدار نہیں ہوتا لیکن دنیا میں ایک ایسی ائیرلائن بھی ہے جن کا یہ ماننا ہے کہ ان کا کھانا صارفین کو اتنا پسند ہے کہ وہ اسے ریسٹورانٹ میں بھی کھانا چاہتے ہیں۔

’ائیرایشیاء‘ جو ایشیاء کی سب سے زیادہ مہنگی فلائٹ تصور کی جاتی ہے، ان کا یہ دعویٰ ہے کہ صارفین کو ان کی ائیرلائن کے دوران دیا جانے والا کھانا بے حد پسند آتا ہے اور وہ اس کھانے کی ریسٹورانٹ میں بھی قیمت ادا کرنے کو تیار ہوں گے۔

صارفین کی پسند کو مدِنظر رکھتے ہوئے ائیر ایشیاء کی جانب سے اعلان کیا گیا ہے کہ وہ اگلے 5 سالوں میں دنیا بھر میں ایسے ریسٹورانٹس کھولیں گے جس کا مینو ائیر ایشیاء کی فلائٹ میں دیئے جانے والے کھانوں پر مبنی ہو گا۔

ائیر ایشیاء کی جانب سے ریسٹورانٹ کے مینو میں فلائٹ کے مقبول ترین پکوان پیش کیے جائیں گے۔ جنرل مینیجر ائیر ایشیاء کیتھرین گوہ کا کہنا ہے کہ ’ہم نے یہ بات محسوس کی کہ ہماری ائیرلائن کے صارفین کو اس کا کھانا بے حد پسند ہے اور ان کی اسی شرط پر ہم نے فلائٹ کے ہی مینو پر مبنی ریسٹورانٹ کھولنے کا فیصلہ کیا‘۔

ائیر ایشیاء کی جانب سے کھولے جانے والے ریسٹورانٹ کا نام ’سینٹن‘ ہے، جس کی حال ہی میں ایک برانچ ملائشیا کے شہر کوالالمپور کے ایک شاپنگ مال میں کھولی گئی ہے۔ سینٹن ریسٹورانٹ میں زیادہ تر پکوان 3 ڈالرز کے لگ بھگ ہوتے ہیں جس میں فلائٹ میں دیئے جانے والے مقبول ترین پکوان شامل ہیں۔ ائیر ایشیاء اب تک دنیا کی وہ واحد ائیرلائن ہے جو کہ جہاز میں دیا جانے والا کھانا ریسٹورانٹ کے ذریعے بھی دے رہی ہے۔

(میڈیانیوزآن لائن) ’منی تھرون ایکس 10′ ایک ایسی کرسی ہے جو کہ ڈھائی انچ بلٹ پروف گلاس کی پرت کی مدد سے بنائی گئی ہے۔

یہ منفرد کرسی اندر سے ایک ملین ڈالرز مالیت (پاکستانی 15 کروڑ روپے سے زائد) کے نوٹوں سے بھری ہوئی ہے۔ لاکھوں ڈالرز سے بھری یہ کرسی روسی دارالحکومت کے شمال میں آرٹ میوزیم میں نمائش کے لیے پیش کی گئی ہے۔

اس کرسی کو روسی فنکار الیکسی سرجینکو نے ارب پتی کاروباری شخصیت ایگور رایباکوف کی شراکت سے تیار کیا ہے۔ 47 سالہ بلڈنگ میٹریل سیلزمین نے ایک سماجی تقریب کے موقع پر اس کرسی کی نقاب کشائی کی۔

روس کے صنعتی شہر میگنیٹوگورسک سے تعلق رکھنے والے رایباکوف روس کی چھت سازی اور انسولیشن کا مواد اور سسٹم بنانے والے سب سے بڑی صنعت ٹیکنوکول کارپوریشن کے مالک ہیں۔ رایباکوف اپنی دولت کے ذریعے سب کی توجہ مرکوز کرنے کے لیے منفرد کام کرنے کی وجہ سے جانے جاتے ہیں۔ اس سے قبل بھی سینٹ پیٹرزبرگ میں گیزپروم ارینا میں بزنس کانفرنس کے دوران انہوں نے حاضرین میں 2 لاکھ ڈالرز نچھاور کیے تھے۔

(ایمرا نیوزآن لائن) دنیا میں بہت سے لوگ اس صلاحیت کے مالک ہوتے ہیں کہ وہ کسی بھی چیز کو دیکھ کر پینٹنگ یا اسکیچنگ کے ذریعے اسے حقیقت سے قریب تر بنانے کی کوشش کرتے ہیں۔

کافی لوگ اس کوشش میں کامیاب بھی ہوتے ہیں اور شاندار صلاحیت کا مظاہرہ کرتے ہوئے لوگوں کو حیران کر دیتے ہیں۔ بالکل اسی طرح جاپان کے کوہی اوہموری نامی نوجوان آرٹسٹ کاغذ پر پینسل کے ذریعے اپنی غیر معمولی صلاحیت کا مظاہرہ کرتے ہوئے کسی بھی چیز کا ایسا اسکیچ تیار کرتے ہیں کہ اس کو دیکھنے والا کوئی بھی شخص دنگ رہ جاتا ہے۔

یہ جاپانی فنکار میٹل یعنی دھات سے بنی ہوئی اشیاء جس میں رسٹ واچ، سافٹ ڈرنکس کین وغیرہ کے تھری ڈی (تھری ڈائمنشنل) اسکیچ پینسل کی مدد سے تیار کرتے ہیں۔ 25 سالہ نوجوان آرٹسٹ اپنے ایک اسکیچ کو مکمل کرنے میں سیکڑوں گھنٹے گزار دیتے ہیں اور بلآخر وہ اسکیچ اصل چیز کی تصویر کی مانند لگتا ہے۔

کوہی اوہموری سب سے پہلے ایک سافٹ ڈرنک کے کین کی تصویر بنا کر 2017 میں دنیا بھر میں مشہور ہوئے تھے جو کہ ٹوئٹر پر وائرل ہوا تھا۔ دنیا میں ہر کوئی ان کے صبر اور صلاحیتوں کی داد دیتا ہے کیونکہ انہیں ایک اسکیچ کو ہی مکمل کرنے میں سیکڑوں گھنٹے لگ جاتے ہیں۔

جاپانی فنکار نے ایک نٹ بولٹ کا اسکیچ بنایا جسے دیکھ کر کوئی اس بات کا یقین نہیں کر سکتا کہ اسے پینسل سے بنایا گیا ہے، ان کے بھائی نے بتایا کہ انہیں اس اسکیچ کو مکمل کرنے میں 280 گھنٹے لگے تھے۔

(ایمرا نیوزآن لائن) اکثر لوگ کسی بھی نئے شہر میں مختصر قیام کے لیے فائیو یا فور اسٹار ہوٹلوں کا انتخاب کرتے ہیں اور وہاں انہیں بیشتر سہولیات اور چیزیں کمرے میں ہی فراہم کی جاتی ہیں۔

ہم میں سے شاید بہت ہی کم لوگوں کو یہ بات معلوم ہوگی کہ فائیو اسٹار ہوٹل میں فراہم کی جانے والی چیزوں میں سے کیا کیا چیزیں چیک آؤٹ کرتے ہوئے ہم اپنے ساتھ گھر لے جا سکتے ہیں۔ آج ہم آپ کو ان چھوٹی موٹی چیزوں کے بارے میں بتائیں گے جو کہ فائیو اسٹار ہوٹل میں ٹھہرنے والے صارفین اپنے ساتھ گھر لے جاسکتے ہیں۔

باتھ روم میں استعمال کرنے کی چند چیزیں: فائیو اسٹار ہوٹل میں ٹھہرنے والے کمرے میں صارف کو باتھ روم کے استعمال کی کچھ چیزیں دی جاتی ہیں جن میں چھوٹے شیمپو کی بوتل، ہینڈ واش، کنڈشنر، ٹوتھ پیسٹ اور ٹوتھ برش وغیرہ شامل ہیں۔ یہ تمام چیزیں اگر صارف ہوٹل میں ہی چھوڑ دیں تو ہوٹل انتظامیہ ان چیزوں کو پھینک دیتی ہے، کیونکہ کمرے میں آنے والے ہر نئے شخص کو ہوٹل نئی چیزیں فراہم کرتا ہے۔ اگر آپ فائیو اسٹار ہوٹل میں ٹھہرتے ہیں تو آپ کو یہ بات بھی معلوم ہونی چاہیے کہ آپ سے ان تمام تر لگژری چیزوں کے پیسے لیے جاتے ہیں اس لیے ان چیزوں کو اپنے ساتھ لے جانے میں کوئی ممانعت نہیں ہے۔

پاؤں میں پہننے والے سلیپرز: باتھ روم کے علاوہ فائیو اسٹار ہوٹلز میں کمرے میں پہننے کے لیے سلیپرز بھی دیے جاتے ہیں اور یہ سلیپرز ہوٹل انتظامیہ آپ کے جانے کے بعد پھینک دیتی ہے کیونکہ وہ ہر نئے آنے والے صارف کو نئے سلیپرز فراہم کیے جاتے ہیں۔ آپ فائیو اسٹار ہوٹل سے جاتے وقت سلیپرز کو اپنے ساتھ گھر لے کر جا سکتے ہیں۔

نوٹ پیڈ اور پین: تقریباً ہر فائیو اسٹار ہوٹل میں صارفین کو ہوٹل کی جانب سے پین اور نوٹ پیڈ بھی فراہم کیا جاتا ہے اگر صارف یہ نوٹ پیڈ اور پین اپنے ساتھ لے جائیں گے تو ہوٹل انتظامیہ کو اس بات سے کوئی اعتراض نہیں ہوتا۔ آئیے، اب ہم آپ کو ایسی چیزوں کے بارے میں بھی بتائیں جو کہ فائیو اسٹار ہوٹل میں رہنے والے صارفین اپنے ساتھ نہیں لے جا سکتے۔

بیڈ شیٹ اور تکیہ: فائیو اسٹار ہوٹل میں عام طور پر بستر اور تکیہ بے حد آرام دہ اور نرم ہوتے ہیں۔ اگر آپ فائیو اسٹار ہوٹل کے کمرے کے تکیے اور بیڈ شیٹ کو ساتھ لے جائیں گے تو ہوٹل انتظامیہ آپ سے اس کی رقم وصول کرنے کی مجاذ ہے۔

تولیہ: فائیو اسٹار ہوٹل میں صارف کو دیے جانے والے تولیے اگر کوئی شخص اپنے ساتھ لے جانے کی کوشش کرتا ہے تو ہوٹل انتظامیہ تولیہ کے غائب ہونے پر صارف پر جرمانہ عائد کر سکتی ہے۔ آپ یہ تولیے ساتھ نہیں لے جا سکتے کیونکہ انہیں دھو کر دوبارہ استعمال کے قابل بنایا جاتا ہے۔

چائے کے کپ اور گلاس: ہوٹل انتظامیہ صارف کو پیش کیے جانے والے تمام تر برتنوں کا حساب رکھتی ہے اگر کوئی صارف انہیں اپنے ساتھ لے جانے کی کوشش کرتا ہے تو ہوٹل انتظامیہ اس کے بل میں جرمانہ عائد کر سکتی ہے اور آپ ہرگز یہ چیزیں ساتھ نہیں لے جا سکتے۔

استری (آئرن) عموماً فائیو اسٹار ہوٹلز میں مہمانوں کو کمروں کے اندر ہی استری بھی فراہم کی جاتی ہے تاکہ وہ اپنے کپڑے استری کر سکیں۔ یاد رکھیں، یہ استری ہوٹل انتظامیہ کی ملکیت ہے اور آپ کو دی جانے والی ایک سہولت ہے۔ آپ اس کے پیسے ادا نہیں کرتے اسی لیے اس ساتھ لے جانا بھی چوری کے ذمرے میں آتا ہے۔

امریکہ(ایمرا نیوزآن لائن) امریکا میں ہزاروں برف کی سلوںسے تیارکردہ قلعہ عوام کے لیے کھول دیا گیا ہے۔امریکی ریاست نیو ہیمپشائر کے گاؤں شمالی ووڈسٹاک میں ہزاروں برف کی سلوں سے ایک قلعہ تیار کیا گیا ہے، جس میں خوبصورت مجسمے، تخت، خم دار راستے، بچوں کے لیے جھولے، آئس سلائیڈ اور دلکش فوارے شامل ہیں۔قلعے کی خوبصورتی میں اضافے کے لیے رنگ برنگی ایل ای ڈی لائٹس لگائی گئیں ہیں جن سے رات میں اس قلعے کا منظر انتہائی حسین معلوم ہوتا ہے۔

روس(نیٹ نیوز/ایمرا نیوز) روسی جوڑے نے آکسیجن کے بغیر پانی کے اندر طویل ترین وقت کے لیے رقص کرکے ایک نیا ریکارڈ قائم کردیا ہے۔روسی رقاص جوڑے ’ میرینا کازنکوفا ‘اور’ دمیتری مالاسینکو ‘نے اٹلی میں واقع دنیا کے سب سے بڑے سوئمنگ پول میں اپنے فن کا مظاہرہ کیا ہے جس کی تصدیق گنیز بک آف ورلڈ ریکارڈ نے بھی کردی ہے۔

اس سوئمنگ پول کا نام وائے 40 ہے اور اس مظاہرے کو دیکھنے کے لیے وہاں کئی افراد بھی موجود تھے۔دونوں نے ایک تنے ہوئے رسے پر انتہائی مہارت سے اپنا فن دکھایا اور انہوں نے کسی قسم کا آکسیجن استعمال نہیں کیا تھا۔اس ریکارڈ کے بعد جوڑے نے بتایا کہ انہوں نے اس مظاہرے کے لیے نفسیاتی اور جسمانی مشق کی تھی ۔اس رقص کا اسکرپٹ بھی لکھا گیا تھا اور خاص موسیقی بھی ترتیب دی گئی تھیں۔2016 میں مرینا نے کسی بیرونی مدد کے بغیر پانی کی 154 میٹر گہرائی تک پہنچ کر اپنا ایک اور ریکارڈ قائم کیا تھا اور اب تک وہ 15 فلموں میں بھی کام کرچکی ہیں۔

لاہور(ایمرا نیوز)
Tailormade Pillow “Gold Edition”
اس گولڈ ایڈیشن میں 24 کلو سونا استعمال ہوا ہے ، اس پر دنیا کا پہلا حقیقی سونے کا کپڑا ہے. یہ سونے کا احاطہ رات کے دوران تمام برقی مقناطیسی تابکاری کو روکتا ہے، ایک محفوظ اور صحت مند نیند کے لئے. زپر 4،5 ہیرے کے ساتھ 22.5 کارٹ نیلم ہے. پائلڈ کا بنیادی پریمیم ڈچ میموری جھاگ سے بنایا گیا ہے اور ایک 3D سکینر کا استعمال کرتے ہوئے کسٹمر کو مکمل طور پر موزوں بنایا گیا ہے.

دنیا میں اس انتہائی جدید اور سب سے زیادہ مہنگے تکیے کی قیمت 56،995 امریکی ڈالر ہے اوراس کا 22 مئی 2017 کو دبئی میں افتتاح کیا گیا تھا. عام ٹیلورڈڈ تکلیوں کی قیمت 3،995 امریکی ڈالر ہے.

لاہور(ایمرا نیوز)

Eskil Ronningsbakken ناروے سے ایک شاندار فنکار ہے جو ناقابل یقین موت کے دفاعی پرفارمنس کے لیےدنیا بھر میں سفر کرتا ہے. وہ خطرناک جگائوں پر اپنا توازن برقرار رکھنے کا شاندار مظاہرہ کرتا ہے. وہ پانچ سال کی عمر سے اس خطرناک آرٹ کا مظاہرہ کررہا ہے اور لوگوں کے ہوش اُڑا رہا ہے.