Tag JahangirTomb

ملزم نے 9 روز کے ریمانڈ کے دوران کوئی تعاون نہیں کیا، نیب پراسیکیوٹر
لاہور(ایمرا نیوز آن لائن)احتساب عدالت نے علیم خان کو دس روزہ جسمانی ریمانڈ ہر نیب کے حوالے کردیا۔پاکستان تحریک انصاف کے رہنما علیم خان کو احتساب عدالت میں پیش کیا گیا۔ احتساب عدالت کے جج نجم الحسن نے کیس کی سماعت کی۔ نیب پراسیکوٹر وارث علی جنجوعہ نے علیم خان کے جسمانی ریمانڈ میں 15 روز کی توسیع کی درخواست کی۔نیب پراسیکیوٹر نے دلائل دیتے ہوئے کہا کہ ملزم نے 9 روز کے ریمانڈ میں کوئی تعاون نہیں کیا، 2003 میں یہ عام آدمی تھے اور 2007 میں 871 ملین کے اثاثوں کی مالک بن گئے، انہوں نے 35 کمپنیاں بنائیں اور 100 اکاو¿نٹ کھلوائے، ملزم یہ نہیں بتاسکا کہ اس نے 900 کنال ارااضی کیسے خریدی، ان کے ملازم عمیر کے اکاو¿نٹ میں بھی بھاری رقم موجود ہے۔عبدالعلیم خان کے وکیل نے دلائل دیے کہ اس کیس میں نیب کی انکوائری حقیقت پر مبنی نہیں ہے، انہوں نے بیرون ملک جائیدادوں سمیت تمام اثاثوں کی دستاویزات جمع کرائی ہیں،33 کمپنیوں میں سے صرف دو کمپنیاں ہی کام کر رہی ہیں، 900 کنال زمین میں علیم خان 50 فیصد کے پارٹنر ہیں جبکہ باقی 50 فیصد زمین کے مالک میاں عامر محمود ہیں۔عدالت نے سماعت کے بعد علیم خان کے جسمانی ریمانڈ میں 10 روز کی توسیع کردی۔واضح رہے کہ نیب نے علیم خان کو پاناما لیکس میں سامنے آنے والی آف شور کمپنیوں اور آمدن سے زائد اثاثوں کے کیس میں گرفتار کررکھا ہے۔ نیب لاہور علیم خان کے ساتھ ساتھ ان کی اہلیہ، والد اور والدہ کے اثاثوں کی بھی چھان بین کررہا ہے۔

طلباءکو شرپسندوں اور انتہا پسندوں کی جانب سے ڈرایا دھمکایا جا رہا ہے ، بیان
سرینگر(ایمرا نیوز آن لائن) کل جماعتی حریت کانفرنس”ع“ گروپ کے چیئرمین میرواعظ عمر فاروق نے بھارت کی ریاست چھتیس گڑھ میں زیر تربیت کشمیری طلباءپر چند شرپسند اور فرقہ پرست عناصر کی جانب سے جان لیوا حملہ اور انہیں شدید زخمی کئے ۔ جانے کی مذمت کرتے ہوئے کہا ہے کہ اس سے قبل بھی بھارت کے مختلف اداروں میں زیر تعلیم طلباءاور تجارت سے وابستہ افراد کو معاشی شرپسند عناصر اور انتہا پسند قوتوں کی جانب سے ڈرایا دھمکایا جاتا رہا اور کئی تو کالج چھوڑنے پر مجبور ہو گئے ۔حریت چیئرمین نے کاکہ پورہ پلوامہ کے ایک ٹیوشن سینٹر میں ہونے والے پراسرار دھماکے کے دوران شدید زخمی ہوئے طالب علم کی ہسپتال میں عیادت کی ۔ اس موقع پر میرواعظ نے کہا کہ بھارت کی ریاست چھتیس گڑھ میں زیر تعلیم طلباءاور تجارت سے وابستہ افراد کو مقامی شرپسند عناصر اور انتہا پسند قوتوں کی جانب سے ڈرایا دھمکایا جاتا رہا ہے اور کئی بار تو انہیں کالج چھوڑنے پر بھی مجبور کیا جاتا رہا۔ انہوں نے کہا کہ بھارت الیکٹرانک میڈیا کا ای ک حصہ آئے روز کشمیر اور کشمیریوں کے خلاف جوزہر افشانی کر رہا ہے اور جموں وکشمیر کے حالات کے بارے میں بھارتی عوام کے سامنے منفی پروپیگنڈہ جاری رکھے ہوئے ہے وہ نہ صرف حدود افسوسناک بلکہ اس پروپیگنڈے کے نتیجے میں بھارت کی مختلف زر ہے کشمیریوں کی زندگیوں کو شدید خطرات لاحق ہوتے جا رہے ہیں ۔( جاوید)

لاہور، ہنگو سے 1 ، 1 پولیو کیس سامنے آ گیا ، رواں سال میں 4 پولیو کیسز کی تصدیق ، حکومت کا برتھ سرٹیفیکیٹ کو انسداد پولیو سرٹیفیکیٹ سے مشروط کرنے کا فیصلہ
اسلام آباد (ایمرا نیوز آن لائن) لاہور اور ہنگو سے مزید ایک ، ایک پولیو کیس سامنے آ گیا ۔ حکومت نے لاہور کے 8 ماہ کے بچے اور ہنگو کی 4 ماہ کی بچی فاطمہ میں پولیو وائرس کی تصدیق کر دی ۔ تفصیلات کے مطابق محکمہ صحت کے مطابق پنجاب کے ضلع لاہور اور خیبرپختونخوا کے ضلع ہنگو سے پولیو کے مزید ایک ، ایک کیس سامنے آ گیا ہے لاہور کی شالیمار ٹاؤن یوسی 22 کے رہائشی 8 ماہ کے بچے میں پولیو وائرس کی تصدیق ہوئی ہے اور پنجاب میں 2 سال بعد یہ پہلا پولیو کیس رپورٹ ہوا جبکہ دوسری جانب خیبرپختونخوا کے ضلع ہنگو کے علاقے ٹل میں 4 ماہ کی بچی فاطمہ میں پولیو وائرس کی تصدیق ہوئی ہے جس کو والدین نے پولیو کے قطرے پلانے سے انکار کیا تھا اس سے قبل بھی رواں سال میں بنوں ، باجوڑ سے پولیو کیسز سامنے آ چکے ہیں جس کے بعد خیبرپختونخوا سے رواں سال 3 اور پنجاب سے ایک پولیو کیس سامنے آیا ہے ۔ حکومت نے بھی 21 اَضلاع میں 18 فروری سے ایمرجنسی 3 روزہ انسداد پولیو مہم چلانے کا فیصلہ کیا ہے اور برتھ سرٹیفیکیٹ کو بھی انسداد پولیو مہم کے سرٹیفیکیٹ سے مشروط کیا ہے تاکہ کوئی بھی بچہ یا ان کے والدین انسداد پولیو قطرے پلانے سے انکار نہ کر سکیں ۔ ( جاوید/ اشفاق)

ممبئی(ایمرا نیوز آن لائن) فلم ”کہونا پیارہے“ سے شہرت حاصل کرنے والی بالی ووڈ اداکارہ امیشا پٹیل کولاکھوں روپے کے فراڈ کے الزام میں عدالت طلب کیا گیا ہے۔بھارتی ریاست اترپردیش کے شہر مراد آباد سے تعلق رکھنے والے پون کمارنامی شخص نے اداکارہ امیشا پٹیل پر پیسے لینے کے باوجود تقریب میں شرکت نہ کرنے کا الزام لگاتے ہوئے ان پردھوکا دہی اورفریب کرنے پر مقدمہ درج کرایا ہے۔میڈیا رپورٹس کے مطابق یہ معاملہ ڈیڑھ سال پرانا ہے 16 نومبر 2017 کو امیشا پٹیل کو ایک شادی کی تقریب میں پرفارمنس کے لیے بلایا گیا تھا اورتقریب میں پرفارمنس کے انہیں گیارہ لاکھ روپے دئیے گئے تھے لیکن امیشا پٹیل پیسے لینے کے باوجود پروگرام میں شریک نہیں ہوئیں۔پون کمارمراد ا?باد میں ایک ایونٹ میجمنٹ کمپنی چلاتے ہیں اور ان کی کمپنی نے امیشا پٹیل کو شادی کے ایونٹ میں شرکت کے لئے پیسے دئیے تھے، اس کے علاوہ امیشا نے سیکیورٹی انتظامات کے لیے جو بھی فرمائش کی تھی وہ بھی پوری کی گئی تھی تاہم امیشا نے وعدہ خلافی کی اور شادی میں شریک نہیں ہوئیں۔بعد ازاں پون کمارنے اپنے وکیل کے توسط سے مقامی عدالت میں اداکارہ سمیت تین لوگوں کے خلاف مقدمہ درج کروایا تھا، عدالت نے مقدمے پر سماعت کرتے ہوئے اداکارہ کو 12 مارچ کو عدالت طلب کیا ہے۔

ممبئی(ایمرا نیوز آن لائن) بولی وڈ ’کوئین‘ کنگنا رناوٹ جن کی حال ہی میں ریلیز ہونے والی تاریخی ڈرامہ فلم ’منی کارنیکا‘ دنیا بھر سے 100 کروڑ روپے کمانے میں کامیاب گئی ہے وہ جلد ہی اپنی زندگی پر فلم بنانے کا کام شروع کردیں گی۔’منی کارنیکا‘ میں جھانسی کی رانی یعنی لکشمی بائی کا کردار ادا کرنے والی کنگنا رناٹ نے اس بات کی تصدیق کی ہے کہ ان کی زندگی پر بنائی جانے والی فلم کی کہانی لکھنے پر جلد ہی کام شروع کردیا جائے گا۔

ممبئی(ایمرا نیوز آن لائن) بالی ووڈ کی معروف اداکارہ شبانہ اعظمی سوائن فلو کا شکار ہو گئیں، انہیں ہسپتال میں داخل کرایاگیا ہے جہاں ان کا علاج جاری ہے۔تفصیلات کے مطابق شبانہ اعظمی کو سردی زکام ہونے پر ہسپتال لایا گیا جہاں ان کے ٹیسٹ کئے گئے اور وہیں ان میں سوائن فلو ہونے کی تصدیق ہوئی جس کے بعد انہیںہسپتال داخل کر لیا گیا۔شبانہ اعظمی کا کہنا ہے کہ مجھے سوائن فلو ہوگیا۔خیر،بہت مشکل سے مجھے آرام اور اپنا خود احتساب کرنے کا وقت ملا ہے۔انہوں نے کہا کہ ہسپتال میں داخل ہونا میرے لئے زبردستی بریک لینے جیسا ہے۔ میری صحت میں تیزی سے بہتری ہورہی ہے۔شبانہ اعظمی مشہور شاعر کیفی اعظمی کی بیٹی ہیں اور مشہور نغمہ نگار جاوید اختر ان کے شوہر ہیں۔ محترمہ اعظمی نے سال 1973میں شیام بینیگل کی فلم انکر سے فلم انڈسٹری میں اپنے کریئر کی شروعات کی تھی۔

نیویارک (ایمرا نیوز آن لائن) ہالی و وڈ کے امریکی گلوکار رچرڈ گیئر 69 سال کی عمر میں دوسری بار والد بن گئے۔رچرڈ گیئر کے ہاں 19 سال کے وقفے کے بعد بچے کی پیدائش ہوئی، اس سے قبل ان کے ہاں 2000 میں بیٹے کی پیدائش ہوئی تھی۔رچرڈ گیئر کے ہاں دوسرے بچے کی پیدائش ان کی تیسری اہلیہ 35 سالہ الینجندرا سلوا سے ہوئی، جن سے انہوں نے اگست 2018 میں شادی کی تھی۔الیجندرا سلوا سے قبل رچرڈ گیئر کی 2 شادیاں ناکام ہوچکی ہیں۔رچرڈ گیئر نے پہلی شادی 1991 میں سپر ماڈل کنڈی کرافورڈ سے کی تھی جو محض 4 سال تک ہی چل سکی۔ایوارڈ یافتہ اداکار رچرڈ گیئر نے دوسری شادی اداکارہ کرے لوول سے کی، جن سے انہیں 2000 میں بیٹا ہوا۔رچرڈ گیئر کی دوسری شادی بھی 2013 میں طلاق پر ختم ہوگئی، جس کے بعد اداکار نے اسپینش اد اکارہ الیجندرا سلوا کے ساتھ تعلقات استوار کیے۔

ٹرمپ امریکہ میں ’ایمرجنسی نافذ‘ کرنے والے ہیں: وائٹ ہاؤس
ٹرمپ سرحدی دیوار کے اپنے مطالبے کو عملی جامہ پہنانے کے لیے کانگرس کو بائی پاس کر کے فوجی فنڈز کا استعمال کرنے کا ارادہ رکھتے ہیں، پریس سیکرٹری سارہ سینڈرز

واشنگٹن(ایمرا نیوز آن لائن)وائٹ ہاؤس کے مطابق امریکی صدر ڈونلڈ ٹرمپ میکسیکو کی سرحدی دیوار کی فنڈنگ کے معاملے پر ’قومی ایمرجنسی‘ کا اعلان کرنے والے ہیں۔ایک بیان کے مطابق ڈونلڈ ٹرمپ حکومتی شٹ ڈاؤن کو ختم کرنے کے لیے باڈر سکیورٹی کے بل پر تو دستخط کر دیں گے مگر سرحدی دیوار کے اپنے مطالبے کو عملی جامہ پہنانے کے لیے اب وہ کانگرس کو بائی پاس کر کے دیوار کی تعمیر کے لیے فوجی فنڈز کا استعمال کرنے کا ارادہ رکھتے ہیں۔سنئیر ڈیموکریٹس نے اس بیان پر ردعمل دیتے ہوئے صدر ٹرمپ پر طاقت کے ناجائز استعمال کا الزام لگایا ہے۔اس دیوار کی تعمیر ڈونلڈ ٹرمپ کی صدارتی انتخابات کی مہم کا ایک اہم وعدہ تھا۔ لیکن بطور صدر وہ اس دیوار کے لیے ابھی تک فنڈنگ حاصل کرنے میں ناکام رہے ہیں۔وائٹ ہاؤس کی پریس سیکرٹری سارہ سینڈرز کی جانب سے جاری ایک بیان میں کہا گیا ہے کہ’ڈونلڈ ٹرمپ ایک بار پھر دیوار کی تعمیر، باردڑ سیکورٹی اور ہمارے ملک کی حفاظت کا وعدہ پورا کر رہے ہیں۔‘انھوں نے مزید کہا کہ قومی ایمرجنسی سمیت ایک اور ایگزیکٹو قدم اٹھایا جائے گا تاکہ بارڈر کے پار قومی سلامتی اور انسانی بحران کو روکا جا سکے۔کانگرس کی جانب سے منظور شدہ بل میں بارڈر سیکورٹی کے لیے 1.3 ارب امریکی ڈالر کی منظوری دی گئی ہے لیکن اس میں امریکی صدر کو دیوار کی تعمیر کے لیے رقم نہیں دی گئی ہے۔ ڈونلڈ ٹرمپ نے دیوار کی تعمیر کے لیے 5.7 ارب امریکی ڈالر مانگے تھے۔ایوان زیریں کی سپیکر نینسی پلوسی پہلے ہی صدر ٹرمپ کے ایمرجنسی کے اعلان کو قانونی طور پر چیلنچ کرنے پر رائے دے چکی ہیں۔نینسی پلوسی اور ڈیموکریٹس رہنما چک شومر کی جانب سے جاری ایک مشترکہ بیان میں بھی اس اقدام کی شدید الفاظ میں مذمت کی گئی ہے۔ان کا کہنا ہے کہ ’قومی ایمرجنسی کا اعلان ایک غیر قانونی عمل اور طاقت کا ناجائز استعمال ہے۔ حقیقت یہ ہے کہ صدر ٹرمپ اس اقدام کے ذریعے دیوار کی تعمیر کی ادائیگی میکسیکو سے کرانے کے وعدے سے توجہ ہٹانا چاہتے ہیں۔‘’وہ میکسیکو، امریکی عوام اور ان کے منتخب نمائندگان کو اس ناکارہ اور مہنگی دیوار کی تعمیر کے بارے میں قائل نہیں کر سکے ہیں۔ تو اب وہ کانگریس کو پس پشت ڈال کر ٹیکس دہندگان کو اس مشکل میں ڈالنے کی کوشش کر رہے ہیں۔قومی ایمرجنسی کا اعلان ملک میں بحران کی صورت میں کیا جاتا ہے۔ امریکی صدر کا کہنا ہے کہ میکسیکو کی سرحد سے آنے والے تارکین وطن کی وجہ سے ملک میں بحران پیدا ہو رہا ہے۔ماہرین کے مطابق قومی ایمرجنسی کو صورت میں امریکی صدر کو خصوصی اختیارات حاصل ہو جائیں گے جس کے بعد وہ سیاسی عمل کو پس پشت ڈال سکتے ہیں۔اس کے بعد وہ فوج اور ناگہانی آفات کے لیے مختص بجٹ میں سے دیوار کی تعمیر کے لیے پیسے لے سکتے ہیں۔تاہم اس بارے میں بحث جاری ہے کہ کیا امریکہ کی جنوبی سرحد پر ایسے ہنگامی حالات ہیں جن کی وجہ سے ایمرجنسی لگانے کی ضرورت ہے۔دوسری طرف صرف نومبر کے دوران بارڈر سے تقریباً ہر روز دو ہزار افراد کو گرفتار یا واپس بھیجا جاتا رہا ہے۔ ٹرمپ حامیوں کے مطابق یہ بھی ایمرجنسی کے برابر ہے.

شانداراستقبال ہوگا،وزیراعظم کی زیرصدارت اجلاس، معززمہمانوں کیلیے انتظامات کا خود جائزہ لیا
اسلام آباد(ایمرا نیوز آن لائن)سعودی ولی عہد محمد سلمان پاکستان کے اپنے 2روزہ دورے پر آ ج ہفتے کواسلام آباد پہنچیں گے۔سعودی ولی عہد محمد سلمان وزیراعظم عمران خان کی دعوت پر پاکستان کے اپنے 2روزہ دورے پر آج ہفتے کواسلام آباد پہنچیں گے۔ سعودی شاہی خاندان کے ارکان، اہم وزرا اورممتازتاجروں کاایک اعلی سطحی وفد ولی عہد کے ہمراہ ہے۔ اپریل2017 میں ولی عہدکا عہدہ سنبھالنے کے بعدکسی بھی سعودی اعلی شخصیت کا پاکستان کا پہلا دورہ ہے۔ولی عہد اپنے دورے کے دوران صدر پاکستان، وزیراعظم اور آرمی چیف سے بھی ملاقات کریں گے۔ سعودی ولی عہد کے ہمراہ سعودی وزرا اپنے متعلقہ ہم منصبوں سے ملاقاتیں کریںگے جس میں اپنے متعلقہ شعبوں میں تعاون بڑھانے پر تبادلہ خیال کریںگے۔ دونوں ملکوں کے تاجر نجی شعبے میں اشتراک عمل کے مواقعوں پر تبادلہ خیال کے لئے ملاقاتیں کریں گے۔علاوہ ازیں ہفتہ کووزیراعظم عمران خان نے سعودی ولی عہد محمد بن سلمان کے پاکستان پہنچنے پراستقبال، مصروفیات اور معزز مہمانوںکے لیے کیے جانے والے دیگرانتظامات کا خود جائزہ لیا، معززمہمان کا فقیدالمثال استقبال کیا جائیگا۔اس موقع پروزیراعظم نے کہاکہ آج کا پاکستان بیرونی سرمایہ کاری کے لیے بہترین مواقع فراہم کر رہا ہے، سرمایہ کاری اورکاروبار کے فروغ کے لیے ہر ممکنہ سہولت فراہم کی جائے گی ،انھوں نے کہا کہ آسان ویزہ اورکاروبارکے لیے تمام ضروری سہولیات کی فراہمی یقینی بنا رہے ہیں۔عمران خان نے کہا کہ پاکستان خطے میں پائیدار امن کے لیے اپنا بھرپورکردار جاری رکھے گا ،انھوں نے کہا کہ یہ ہے نیا پاکستان جس کی طرف آج پوری دنیا دیکھ رہی ہے۔

پاکستانی وفد ہیگ روانہ ، اٹارنی جنرل انور منصور پاکستانی وفد کی قیادت جبکہ ڈائریکٹر جنرل ساؤتھ ایشیا وزارت خارجہ کی نمائندگی کریں گے،بھارت کی نمائندگی کرنے والے ہارش سیلو 18 فروری کو پہلے اپنے دلائل پیش کریں گے، ملکہ برطانیہ کے وکیل خاور قریشی اسلام آباد کی جانب سے 19 فرروی کو اس کا جواب جمع کروائیں گے21, فروری کو پاکستان اپنے حتمی دلائل پیش کرے گا
اسلام آباد (ایمرا نیوز آن لائن)عالمی عدالت انصاف 18 فروری سے باقاعدہ طور پر بھارتی جاسوس کلبھوشن یادیو کی سزا کے خلاف کیس کی سماعت کا آغاز کرے گی جس کے لیے پاکستانی وفد ہیگ روانہ ہوگیا ہے ۔ رپورٹ کے مطابق اس حوالے سے ایک سینئر عہدیدار نے بتایا کہ اٹارنی جنرل انور منصور پاکستانی وفد کی قیادت کریں گے جبکہ ڈائریکٹر جنرل ساؤتھ ایشیا وزارت خارجہ کی نمائندگی کریں گے۔اس سلسلے میں عالمی عدالت کی جانب سے 18 سے 21 فروری تک ہیگ میں سماعت کا ٹائم ٹیبل مقرر کردیا گیا ہے جس کے تحت بھارت کی نمائندگی کرنے والے ہارش سیلو 18 فروری کو پہلے اپنے دلائل پیش کریں گے اس کے بعد ملکہ برطانیہ کے وکیل خاور قریشی اسلام آباد کی جانب سے 19 فرروی کو اس کا جواب جمع کروائیں گے۔20 فروری کو ایک مرتبہ پھر بھارت کی جانب سے پاکستان جواب پر موقف پیش کیا جائے گا اور 21 فروری کو پاکستان اپنے حتمی دلائل پیش کردے گا جس کے بعد توقع ہے کہ عالمی عدالت انصاف 2019 کے موسمِ گرما تک اپنا فیصلہ جاری کردے۔اس ضمن میں ایک عہدیدار کا کہنا تھا کہہما رے پاس بھارتی جاسوس کے خلاف سب سے مضبوط ثبوت اس کا مسلمان نام کے ساتھ بنایا گیا پاسپورٹ ہے، انہوں نے کہا عالمی عدالت کا فیصلہ جو بھی آئے پاکستان اپنے فیصلے پر عملدرآمد کرے گا۔خیال رہے کہ مارچ 2016 میں کمانڈر کلبھوشن یادیو کو بلوچستان سے پکڑا گیا تھا جس نے بھارتی خفیہ ایجنسی ریسرچ اینڈ اینالسز ونگ (را) سے وابستگی، بھارت کے لیے جاسوسی اور پاکستان میں ہونے والے دہشت گردی کے واقعات میں ملوث ہونے کا اعتراف کرلیا تھا۔گزشتہ برس 18 مئی کو عالمی عدالت انصاف نے عبوری حکم جاری کرتے ہوئے کلبھوشن کی پھانسی روکنے کا حکم دیا تھاجس کے بعد دفتر خارجہ نے آگاہ کیا کہ آئی سی جے کے حکم پر حکومتِ پاکستان نے متعلقہ اداروں کو اس پر عمل کرنے کی ہدایت کی تھی۔واضح رہے کہ بھارت کی جانب سے کیے گئے دعووں پر پاکستان 2 جوابات داخل کروا چکا ہے، جس کے تحت عالمی عدالت انصاف میں ویانا کنوینشن کے قونصلر ریلیشن 1963 کے تحت یہ کیس عالمی عدالت انصاف میں پیش کیا گیا تھا۔اس سلسلے میں جب عہدیدار سے ایران کی بابت سوال کیا گیا تو ان کا کہنا تھا کہ کلبھوشن یادیو نے کچھ عرصے وہاں قیام ضرور کیا تھا لیکن حکومت اس نتیجے پر پہنچی ہے کہ ایران کا اس معاملے سے کوئی تعلق نہیں، بھارت اس معاملے میں ایران کو گھسیٹنا چاہتا ہے لیکن ہم ایسا نہیں ہونے دیں گے۔یاد رہے کہ بھارت نے دعویٰ کیا تھا کہ کلبھوشن یادیو ایک بے قصور تاجر ہے جس سے ایران سے اغوا کرنے کے بعد تشدد کا نشانہ بنا کر زبردستی را ایجنٹ ہونے کا اعتراف کروایا گیا، لیکن بھارت اغوا کیے جانے کے کوئی بھی ثبوت پیش نہ کرسکا۔اسی طرح بھارت یہ ثابت کرنے میں بھی ناکام رہا کہ کہ وہ بھارتی بحریہ سے ریٹائرڈ ہوچکا تھا جبکہ وہ کب اور کس طرح ریٹائرڈ ہوا، بھارت اس بات کی بھی وضاحت نہ کرسکا، کیوں کہ پکڑے جانے کے وقت کلبھوشن کی عمر 47 برس تھی۔علاوہ ازیں بھارت کو اس بات کی وضاحت دینے کی ضرورت ہے کہ کلبھاوشن یادیو کے پاس جعلی مسلمان شناخت کے ساتھ اصلی پاسپورٹ کیسے آیا، جس کو اس سے 17 مرتبہ بھارت آنے جانے کے لیے استعمال بھی کیا اور اس میں اس کا نام حسین مبارک پٹیل درج تھا۔بھارت سے یہ سوال متعدد مرتبہ کیا گیا حتیٰ کہ خود بھارتی صحافیوں پروین سوامی اور کرن تھاپڑ کی جانب سے بھی یہ سوال اٹھائے گئے لیکن بھارت نے اسے بے بنیاد پروپیگنڈہ قرار دیا۔بالا?خر بھارت نے پاسپورٹ کو جعل سازی قرار دیا لیکن یہ نہیں بتایا کہ برطانیہ کے غیر جانبدار ماہر کی جانب سے پاسپورٹ کو اصلی اور بھارتی حکومت کی جانب سے جاری شدہ قرار دینے کی بات کس طرح غلط ہے۔یاد رہے کہ نئی دہلی نے ا?ئی سی جے سے مطالبہ کیا تھا کہ پاکستان کو کلبھوشن یادیو کی واپسی کا حکم دیا جائے لیکن عالمی عدالت نے کہا کہ یہ جرائم کی عدالت نہیں جہاں اپیل کی جائے۔عالمی عدالت نے یہ بھی واضح کیا کہ اگر قونصل تک رسائی نہیں دی جائے تو مقامی عدالت سے رجوع کرنا زیادہ موثر ثابت ہوسکتا ہے۔عہدیدار کا تفصیلات سے آگاہ کرتے ہوئے مزید کہنا تھا کہ کلبھوشن یادیو اور ان کے اہلِ خانہ آئینِ پاکستان کی دفعہ 199 کے تحت ملکی اعلیٰ عدالت سے رجوع کرسکتے تھے لیکن بھارت نے حراست میں لیے جانے کے 14 ماہ اور سزا سنائے جانے کے ایک ماہ بعد اس پر عملدرآمد روکنے کے لیے عالمی عدالت سے رجوع کرلیا۔ان کا کہنا تھا کہ بھارت اس بات کی وضاحت بھی نہیں دے سکا کہ کیوں پاکستان اور بھارت کے درمیان 21 مئی 2008 کو قونصلر رسائی کےحوالے سے کیے گئے معاہدے، جو بھارت نے تیار کیا تھا، کی دفعہ 4 کے تحت ریاست کو اختیار دیا گیا تھا کہ قومی سلامتی کے امور میں ملوث شخص کے خلاف اس کا اطلاق نہیں ہوگا۔اس کے علاوہ بھارت کی جانب سے اس بات کی بھی وضاحت نہیں کی گئی کہ برطانیہ کے فوجی قوانین کے ماہر کس طرح غلط ہیں جنہوں نے کہا تھا کہ پاکستان کی عدالت عظمیٰ اور ہائی کورٹ فوجی عدالت کی کارروائی پر بہتر اور موثر نظرِ ثانی کرسکتے ہیں۔خیال رہے کہ بھارت کی جانب سے کیے گئے دعووں کے جواب میں پاکستان نے ’جاسوس کو استثنیٰ‘ دینے اور اس سے ریاست کو درپیش خطرات کے سلسلے میں موجود روایات اور بین الاقوامی قوانین کے حوالے سے سوالات اٹھائے۔