Tag lahore

لاہور(ایمرا نیوزآن لائن) اس سال کا آغاز انوشکا اور ویرات کے لیے بہت اچھا ہوا ہے، ویرات کوہلی کی قیادت میں انڈین کرکٹ ٹیم نے آسٹریلیا اور نیوزی لینڈ کو شکست دی. انوشکا اور ویرات ایک دوسرے کے ساتھ بہت اچھا وقت گزارہے ہیں. انوشکا اور ویرات نے اپنے حیران کن رویے سے آسٹریلیا اور نیوزی لینڈ کے لوگوں اور اپنے مداحوں کے ہوش اُڑا دیے ہیں.رپورٹ کے مطابق انوشکا اور ویرات کو آسٹریلیا اور نیوزی لینڈ میں لوکل گاڑیوں اور بسوں میں سفر کرتے ہوئے دیکھا گیا ہے.اس موقع پر ان کے ساتھ کوئی بھی سیکیورٹی موجود نہیں تھی.انوشکا اور ویرات کو اپنے اردگرد کوئی سیکیورٹی پسند نہیں ہے. وہ اکیلے وقت گزارنا چاہتے ہیں اور وہ آسٹریلیا اور نیوزی لینڈ کے عام لوگوں کے ساتھ سفر کرنا چاہتے ہیں.عام لوگ انوشکا اور ویرات کو اپنے بیچ دیکھ کر حیران رہ گئے.انوشکا اور ویرات عام لوگوں کے بیچ میں بہت خوش تھے اور اچھا محسوس کررہے تھے.

واقعے کے بعد میٹرو بس سروس معطل کردی گئی
لاہور(ایمرا نیوز آن لائن)گجومتہ کے قریب 2 میٹرو بسوں کی ٹکر کے نتیجے میں 10 مسافر زخمی ہوگئے جس کے بعد بس سروس معطل کردی گئی۔ریسکیو ذرائع کے مطابق گجومتہ کے قریب میٹرو بسوں کی آپس میں ٹکر کے باعث زخمی ہونے والے مسافروں کو مقامی اسپتال
منتقل کردیا گیا ہے جہاں 2 خواتین کی حالت تشویشناک ہے۔حادثے کی جگہ ریسکیو کی 10 گاڑیاں اور 40 اہلکار امدادی کارروائیوں میں مصروف ہیں جب کہ واقعے کے بعد میٹرو بس سروس معطل کردی گئی۔

3 ہزار بھارتی یاتریوں کو 10 روزہ یاترا کے لئے ویزہ جاری کیے جائیں گے
لاہور(ایمرا نیوز آن لائن)پاک بھارت کشیدگی کے باوجود وفاقی حکومت نے خالصہ جنم دن اور وساکھی میلہ 2019 کے شیڈول کی منظوری دے دی ہے اور 3 ہزار بھارتی یاتریوں کو 10 روزہ یاترا کے لئے ویزہ جاری کیے جائیں گے۔متروکہ وقف املاک بورڈ کے ذرائع کے مطابق وزیراعظم عمران خان نے خالصہ جنم دن اور وساکھی میلے کی تیاریوں کے لیے خصوصی ہدایات جاری کی ہیں۔ متروکہ وقف املاک بورڈ حکام نے سکھ یاتریوں کو طعام، قیام کے ساتھ ساتھ علاج معالجہ اور سفری سہولیات کی مفت فراہمی کے لئے تیاریاں شروع کر دیں ہیں۔بھارتی سکھ یاتری 12 اپریل کو خصوصی ٹرینوں کے ذریعے پاکستان آئیں گے، واہگہ ریلوے اسٹیشن پر اعلی حکام ان کا استقبال کریں گے۔ اسی رات سکھ یاتریوں کوخصوصی ٹرنیوں کے ذریعے گوردوارہ پنجہ صاحب حسن ابدال پہنچایا جائے گا، جہاں 14اپریل کو بھوگ اکھنڈ پاٹھ صاحب کی مرکزی تقریب ہوگی۔بھارت سمیت دنیا بھر سے آئے ہوئے سکھ یاتری چودہ اپریل کو ہی ”خالصہ جنم دن“ کی خوشی بھی منائیں گے، 15 اپریل کو سکھ یاتری گوردوارہ جنم استھان روانہ ہو ں گے، 17 اپریل کو گوردوارہ سچا سودا فاروق آباد کا دورہ کریں گے۔18 اپریل کو یاتری خصوصی ٹرین کے ذریعے گوردوارہ شری ڈیرہ صاحب لاہور پہنچیں گے، 19 اپریل کو سکھ یاتری گوردوارہ دربار صاحب کرتار پور، نارووال کے علاوہ گوردوارہ روہڑی صاحب ایمن آباد، ضلع گوجرانوالہ کی یاترا کے لئے جائیں گے۔ بھارتی سکھ یاتری 20 اپریل کو لاہور کی سیر کریں گے، اور 21 اپریل کو بھارت واپس چلے جائیں گے۔

کراچی(ایمرا نیوزآن لائن رپورٹ اظہر محمود سے) کراچی سے جانے والی قراقرم ایکسپریس کا انجن اور کئی بوگیاں خان پور کے قریب پٹری سے اتر گئیں، ٹرین ڈرائیور نے کمال مہارت کا مظاہرہ کرتے ہوئے ٹرین کو بر وقت روک لیا اور ٹرین خوفناک حادثے سے محفوظ رہی۔ریلوے ذرائع کا کہنا ہے کہ جس جگہ یہ حادثہ پیش آیا ہے وہاں ٹرین کی اسپیڈ انتہائی کم تھی جس کی وجہ سے کوئی سانحہ رونما نہیں ہوا نیز ٹریک سے انجن اور بوگیاں کے اترتے ہی ڈرائیور نے کمال مہارت کا مظاہرہ کرتے ہوئے بروقت بریک لگا لیئے۔ذرائع نے یہ بھی بتایا کہ اس واقعے کی وجہ سے ریلوے ٹریفک کو نہیں روکا گیا ہے نیز آدھے گھنٹے میں ٹرین کو دوسرا انجن لگا کر واپس پچھلے قریبی اسٹیشن ساجھا لے جایا جائے گا جس کے بعد ٹرین معمول کے مطابق کچھ تاخیر سے اپنی منزل کی جانب روانہ ہو سکے گی۔

کراچی(ایمرا نیوزآن لائن رپورٹ عمر خالد سے) کراچی کے علاقے ملیر جعفر طیار سوسائٹی میں آج صبح کثیر منزلہ رہائشی عمارت زمیں بوس ہو گئی جس کے نتیجے میں کم ازکم 12 افراد کے ملبے تلے دبے ہونے کا خدشہ ہے۔ملیر سٹی پولیس کے مطابق جعفرطیار سوسائٹی میں علمدار مسجد و امام بارگاہ کے سامنے پنجتن پاک نامی 4 منزلہ رہائشی عمارت آج صبح ساڑھے سات بجے زمیں بوس ہوگئی۔ملیر سٹی تھانے کے ایس ایچ او انسپکٹر شاکر حسین نے بتایا کہ اب تک ملبے سے ایک شخص کی لاش اور 4 زخمیوں کو نکالا جاچکا ہے جب کہ اہل محلہ کا کہنا ہے کہ عمارت میں کم از کم چھ خاندان رہائش پذیر تھےجائے وقوعہ سے موصول ہونے والی اطلاعات کے مطابق جس وقت یہ حادثہ پیش آیا تمام افراد اپنے گھروں میں سو رہے تھے۔پولیس کے مطابق ریسکیو ٹیموں نے اہل علاقہ کی مدد سے ریسکیو آپریشن تیز کردیا اور موقع پر ہیوی مشینری بھی موجود ہے۔دوسری جانب وزیراعلیٰ سندھ سید مراد علی شاہ نے رہائشی عمارت کے گرنے کا نوٹس لیتے ہوئے کمشنر کراچی کو ہدایت کی کہ وہ خود موقع پر پہنچ کر امدادی کام کی نگرانی کریں اور ہر صورت انسانی جانوں کو بچایا جائے۔

لاہور(ایمرا نیوزآن لائن) جاپان میں ایک ایسا تہوار بھی بنایا جاتا ہے جس میں بہت سے مرد ہرہنہ ہوکر دو مقدس چھڑیوں کو تلاش کرتے ہیں، دنیا میں بہت سے تہوار منائے جاتے ہیں لیکن کچھ تہوار ایسے بھی ہوتے ہیں جن کو دیکھ کر آپ کے ہوش اُڑ جاتا ہے، یہ تہوار بھی کچھ انہیں تہواروں میں سے ایک ہے. اس تہوار کو جاپان کا ایک قدیم تہوار سمجھا جاتا ہے اور اس میں ہزاروں کی تعداد میں لوگ حصہ لیتے ہیں. جاپانی مرد اس تہوار میں حصہ لینے کو اپنے لیے بڑے فخر کی بات سمجھتے ہیں، اور اس تہوار میں بڑھ چڑھ کر حصہ لیتے ہیں.

لیکن جب یہ ہزاروں کی تعداد میں مرد برہنہ ہو کر اس تہوار میں حصہ لے رہے ہوتے ہیں تو ان کو دیکھنے والے بہت حیران ہوجاتے ہیں، کیونکہ یہ لوگ اس تہوار میں بھرپور شرکت کرتے ہیں، اور اس مقابلے کو جیتنے کی کوشش کرتے ہیں.اس تہوار کو جاپان کا ایک قدیم تہوار سمجھا جاتا ہے. لوگ اس تہوار میں بھرپور شرکت کرتے ہیں. لوگ اس تہوار کو دیکھ کر بہت لطف و اندوز ہوتے ہیں، جو لوگ اس تہوار میں شرکت کرتے ہیں وہ اس تہوار میں اپنی شاندار کارکردگی کا مظاہرہ کرتے ہیں. دیکھنے والے اس تہوار کو دیکھ کر بہت خوش ہوتے ہیں. اس تہوار نے دنیا بھر میں دھوم مچا دی ہے، اور لوگ اس تہوار کو بہت خوشی سے دیکھتے ہیں.

قدیم جاپانی تہوار سائدائجی میں ہزاروں مرد حصہ لیتے ہیں۔اس تہوار میں امیدوار، لوگوں کے ہجوم میں دو مقدس چھڑیوں کو تلاش کرتے ہیں۔ اس مقابلے میں چند ہی لوگ فاتح قرار پاتے ہیں اور جیتنے والوں کو اُس سال کا خوش قسمت ترین مرد تصور کیا جاتا ہے۔

لاہور:(ایمرا نیوزآن لائن) تھانہ داتا دربار کے علاقہ سے دو بچے تاوان کے لیے اغوا
والدین نے وزیراعظم سے نوٹس لینے کی اپیل کر دی
لاہور:12سالہ محسن شیراز اور حسنین اعجاز کونا معلوم افراد نے اغوا کیا، وزیر اعظم عمران خان فوری کارروائی کا حکم دیں تو بچہ برآمد ہو سکتا ہے.بچے کل رات سے لا پتہ ہے،پولیس غیر ذمہ داری کا مظاہرہ کر رہی ہے. والدین نا معلوم افراد کی جانب سے پہلے بھی دھمکیاں مل رہی تھی، آئی جی پنجاب فوری کارروائی کا حکم دے تو بچے زندہ سلامت بر آمد کیے جا سکتے ہیں:والد محمد شیراز

مشاورت نہیں ہوئی، طریقہ کار بھی غلط، صوبوں کا ریونیوبھی کم ہوگا‘حکام
اسلام آباد(ایمرا نیوز آن لائن) فیڈرل بورڈ آ ف (ایف بی آر) نے سگریٹ پرگناہ ٹیکس عائد کرنے کی مخالفت کردی ہے۔نجی ٹی وی کے مطابق فیڈرل بور ڈ آف ریونیو حکام کا کہنا ہے کہ منی بل کے ذریعے سگریٹ پر گناہ ٹیکس ایف بی آرکی مشاورت کے بغیر عائد کیا جارہا ہے اوراس ٹیکس کے نفاذ کے لیے جوطریقہ کاراختیارکیا جارہا ہے وہ غلط ہے۔مذکورہ افسرکا کہنا ہے کہ اس اقدام سے ایف بی آرکے ریونیو میں ب20 ارب روپے تک کمی کا خدشہ ہے جبکہ اس سے سگریٹ کی اسمگلنگ بھی بڑھنے کا امکان ہے۔ حکام سا مزید کہنا ہے کہ اس طرح کی ٹیکسیشن منی بل کے ذریعے نہیں ہونی چاہیے۔

13ملازمین کی سرزنش،21 کو تنبیہ،209 کو وارننگ لیٹرجاری
کراچی(ایمرا نیوز آن لائن)سول ایوی ایشن اتھارٹی نے فرائض سے غفلت برتنے سمیت دیگر مروجہ قواعد کی خلاف ورزی کرنیوالے15ملازمین کو ملازمت سے فارغ کردیا ہے جبکہ2ملازمین کو جبری رٹائر اور باقی کو انضباطی کارروائی کے لئے نوٹس جاری کردیے ہیں۔سی اے اے انتظامیہ کی اس کارروائی کے بعد فرائض سے غفلت برتنے والے ملازمین اور افسران میں شدیدکھلبلی مچ گئی، معلوم ہو اہے کہ سول ایوی ایشن اتھارٹی کے ڈائریکٹر جنرل کی جانب سے ادارے میں فرائض سے غفلت برتنے اور قواعدکی خلاف ورزی کے مرتکب ملازمین وافسران کےخلاف کریک ڈاو ن جاری ہے۔ اعداد وشمار کے مطابق 53ملازمین کونوٹس جاری کیے گئے جبکہ15ملازمین کو ملازمت سے فارغ کردیا گیا ایک افسراور ایک ملازم کو جبری رٹائر بھی کردیاگیا،2ملازمین کی تنزلی کی گئی،7ملازمین کا انکریمنٹ روک دیاگیا، 13ملازمین کی سرزنش جبکہ 21 ملازمین کو تنبیہی مکتوب بھی جاری کیے گئے، 6ملازمین کو اظہاروجوہ کے لیٹرجاری کیے گئے اورمختلف شعبہ جات کے 209 ملازمین کو وارننگ لیٹربھی جاری کیے گئے ہیں۔

ایپلی کیشن پرگراں فروشی،ملاوٹ اورذخیرہ اندوزی کی شکایات بھی ارسال ہوسکیں گی،شہری نئی ایپلی کیشن انسٹال کرلیں‘کمشنر
کراچی(ایمرا نیوز آن لائن)شہری انتظامیہ نے مہنگائی پر قابو پانے اور شہریوں کو سرکاری نرخ پر اشیائے خورو نوش کی فراہمی یقینی بنانے کیلیے موبائل ایپلی کیشن متعارف کرادی۔کمشنر کراچی افتخار شالوانی نے شہریوں پر زور دیا ہے کہ موبائل فون میں ایپلی کیشن انسٹال کریں اور تمام ڈپٹی کمشنرز کو ہدایت جاری کی گئی ہے کہ اشیائے خورو نوش کی سرکاری نرخ پر فروخت یقینی بنانے کے لئے شہریوں کی شکایات کا فی الفور ازالہ کیا جائے۔کمشنر کراچی کے مطابق قیمتیں کنٹرول کر نے میں شہریوں کا تعاون ناگزیر ہے، انھوں نے ڈپٹی کمشنرز کو ہدایت کی کہ موبائل ایپلی کیشن کی موثر انداز میں تشہیر کی جائے تاکہ شہریوں کو ریلیف فراہم کیا جاسکے ، موبائل ایپلی کیشن کے ذریعے شہری سبزی، گوشت، مرغی، کریانہ، بیکری آٹئمز کی قیمتوں سے باخبر رہ سکیں گے۔کمشنر کراچی نے ڈپٹی کمشنرزکو ہدایت کی ہے کہ ایپلی کیشن کی تشہیر اور موثر بنانے کیلیے تمام متعلقہ تجارتی انجمنوں سے بھی اشتراک عمل کو فروغ دیں اور فروٹس سیلرز ایسوسی ایشنز، ویجیٹبل سیلرز ایسوسی ایشنزاور کرایانہ ایسوسی ایشنز ، پولٹری ایسوسی ایشنز اور دیگر متعلقہ تنظیموں سے رابطہ کرکے انھیں اس سہولت سے آگاہ کریں تاکہ لوگوں کو اشیائے خورو نوش خریدنے سے قبل اس کی سرکاری طور پر مقرر کی جانے والی صحیح نرخ معلوم ہو اور وہ زائد قیمت سے متعلق اپنی شکایت درج کر اسکیں۔