Tag lahore

پبلک اکاؤنٹس کمیٹی کے استحکام کی جدوجہد کسی شخصیت کے لیے نہیں، پا رلیمنٹ سمیت ہر ادارے کو مضبوط دیکھنا چاہتے ہیں،میڈیا سے گفتگو
اسلام آباد (ایمرا نیوز آن لائن ) رہنما پاکستان پیپلزپارٹی خورشید شاہ نے کہا ہے کہ پبلک اکاؤنٹس کمیٹی کے استحکام کی جدوجہد کسی شخصیت کے لیے نہیں، پا رلیمنٹ سمیت ہر ادارے کو مضبوط دیکھنا چاہتے ہیں حکو مت سیا سی نا تجربہ کا ری کی وجہ سے ھر معاملے پر یو ٹرن لیتی ہے ۔ سابق قائد حز ب اختلا ف سید خورشید شاہ میڈیا سے گفتگو کر تے ہو ئے کہا ہے کہ اچھی روایات کا قیام اور استحکام ہی اصل جمہوریت ہے، حکومت سیاسی نا تجربہ کاری کی وجہ سے ہر معاملے پر یوٹرن لیتی ہے، حکومت اپنی ناکامی کا الزام اپوزیشن کو دیتی ہے، حکومت کمر توڑ مہنگائی کے تدارک کیلئے فوری اقدامات کر ئے اور غریب عوام کی مشکلا ت کا ازالہ کر ے تا کہ لو گ سکو ن کا سانس لے سکیں ۔ انہو ں نے کہا کہ پبلک اکاؤنٹس کمیٹی کے استحکام کی جدوجہد کسی شخصیت کے لیے نہیں، پارلیمنٹ اور اس کے ہر ادارے کو مضبوط اور مستحکم دیکھنا چاہتے ہیں، شخصیات آتی جاتی رہتی ہے مگر اداروں کی کارکردگی سے ملک مضبوط ہوتے ہیں ، اگر حکومت نے شہباز شریف کو ہٹانے کی کو شش کی تو پھر ہم بھی خاموش نہیں بیٹھے گے ایو ان میں حکومت چلا نا مشکل ہو جا ئے گا جس طرح پی ٹی آئی ارا کا ن اسمبلی کا گھیر وا کر لیتے تھے اور ٹیبل پر چڑھ جا تے تھے ہم بھی ویسا ہی کر یں گے۔

بالی ووڈ فلم گلی بوائے میں عالیہ بھٹ اور رنویر سنگھ کے بوسے کے مناظر نکالنے کا حکم
ممبئی(ایمرا نیوز آن لائن)بولی وڈ کی فلم ’گلی بوائے‘ میں پہلی بار عالیہ بھٹ اور رنویر سنگھ ایک ساتھ کام کرتے دکھائی دیں گے۔ فلم میں دونوں نے گلیوں میں پرفارمنس کرنے والے ریپرز کا کردار ادا کیا ہے اور دونوں کے درمیان شدید محبت کو بھی دکھایا گیا ہے۔فلم کے ٹریلر میں ہی دونوں کے درمیان محبت اور ان کے درمیان بوسے کے مناظر کو دکھایا گیا تھا، جس پر اب بھارتی فلم سینسر بورڈ نے اعتراض اٹھاتے ہوئے انہیں فلم سے نکالنے کا حکم دیا ہے۔انڈیا ٹوڈے کے مطابق سینسر بورڈ آف فلم سرٹیفکیشن (سی بی ایف سی) نے فلم کی ٹیم کو اسے ریلیز کرنے سے کچھ دن قبل ہی فلم سے قابل اعتراض مناظر نکالنے کا حکم دیا ہے۔رپورٹ کے مطابق فلم سینسر بورڈ نے فلم کی ٹیم کو تحریری طور پر فلم سے نہ صرف عالیہ بھٹ اور رنویر سنگھ کے درمیان بوسے کے مناظر کو نکالنے کا حکم دیا ہے۔بلکہ فلم سینسر بورڈ نے ٹیم کو فلم سے منشیات کے استعمال کے مناظر کو کم کرنے اور ان کے آن ایئر ہوتے وقت ہندی زبان میں انتباہ دکھانے کی ہدایت بھی کردی۔رپورٹ کے مطابق فلم سینسر بورڈ نے فلم کی ٹیم کو فلم میں شامل گالم گلوچ کے الفاظ بھی حذف کرنے کا حکم دیا ہے۔

ممبئی(ایمرا نیوز آن لائن) بالی ووڈ کی باربی ڈول کترینہ کیف نے انوشکا شرما، دپیکا پڈوکون اورپریانکا چوپڑا کی شادیوں پر اپنا ردعمل دیاہے۔حال ہی میں اداکارہ کترینہ کیف ”فلم فیئر“ کے پروگرام ”فیمسلی فلم فیئر“ میں شریک ہوئیں جہاں میزبان نے ان سے سوال پوچھا بالی ووڈ میں اداکارائیں شادی کے بندھن میں بندھ رہی ہیں، پہلے انوشکا شرما شادی کے بندھن میں بندھیں اور گزشتہ برس دپیکا اورپریانکا بھی پیا دیس سدھار گئیں، آپ کا اس بارے میں کیا خیال ہے۔کترینہ نے اپنی ساتھی اداکاراؤں کی شادی پر اپنا ردعمل دیتے ہوئے کہا سب شادی کررہے ہیں میں ان تمام اداکاراؤں کو کہنا چاہتی ہوں میرے لیے رکو مجھے پیچھے مت چھوڑ کر جاؤ۔ کترینہ کے اس جواب سے ایسا ظاہر ہورہا ہےجیسے وہ بھی شادی کرنے کے لیے بے چین ہیں اور اپنی ہم عصر اداکاراؤں کی طرح شادی کرنا چاہتی ہیں۔واضح رہے کہ اس سے قبل بھی کترینہ کیف شادی کے حوالے سے کہہ چکی ہیں کہ انہیں یقین ہے صحیح وقت پر محبت ان کی زندگی میں ضرور آئے گی۔

ممبئی(ایمرا نیوز آن لائن) بالی ووڈ کے مسٹر پرفیکشنسٹ کی فلموں کے سیکوئل کے حوالے سے مختلف اوقات میں چہ مگوئیاں ہوتی رہیں ہیں، تاہم آج تک ان کی فلم کے کسی سیکوئل کی تصدیق نہیں ہوسکی۔لیکن اب اطلاعات ہیں کہ عامر خان کی ماضی کی مقبول رومانوی فلم ’دل‘ کا سیکوئل بنانے کی تیاریاں شروع کردی گئیں۔شوبز نشریاتی ادارے ’فلم فیئر‘ نے اپنی رپورٹ میں ایک اور خبر رساں ادارے کی خبر کا حوالہ دیتے ہوئے کہا کہ فلم ساز اندرا کمار اپنی مقبول فلم ’دل‘ کے سیکوئل بنانے کا آغاز کر چکے۔اپنی آنے والی فلم ’ٹوٹل دھمال‘ کی تشہیر میں مصروف فلم ساز اندرا کمار کا کہنا تھا کہ کافی عرصے بعد وہ اس نتیجے پر پہنچے ہیں کہ وہ ’دل‘ کا سیکوئل بنائیں گے۔رپورٹ کے مطابق فلم ساز نے ’دل‘ کے سیکوئل کی کہانی کو مکمل کرلیا ہے اور سیکوئل کا نام ’دل اگین‘ رکھا جائے گا، جو پہلی فلم کی طرح رومانوی ہوگی۔

ماضی میں کسی سے محبت ہوئی تھی رشتہ ٹوٹ بھی گیا تھا، اداکارہ صبا قمر
اسلام آباد(ایمرا نیوز آن لائن)پاکستانی اداکارہ صبا قمر نے انکشاف کیا کہ وہ ماضی میں کسی کی محبت میں گرفتار رہ چکی ہیں اور یہ رشتہ ٹوٹ بھی گیا۔صبا قمر نے کہا ‘کیا آپ جانتے ہیں کہ میں کچھ پاگل ہوں، آپ سمجھ نہیں سکیں گے جب میں آپ کو بتاﺅں گی کہ آخر میں نے تنہا رہنے کا انتخاب کیوں کیا’۔ان کا کہنا تھا ‘ میں 2011 سے تنہا ہوں مگر اس بریک اپ نے میری زندگی بدل دی’۔اس بریک اپ کے بعد کسی پیارے کو کھونے کے احساس اور جذباتی انتشار سے بچنے کے لیے صبا قمر نے مختلف چیزوں کو آزمایا جن میں یوگا بھی شامل تھا، مگر یہ اتنا آسان تجربہ نہیں تھا۔انہوں نے بتایا کہ بریک اپ کے بعد خود کو سنبھالنا آسان نہیں ہوا اور جب ان کے بوائے فرینڈ کا تعلق کسی اور سے قائم ہوگیا تو وہ بہت زیادہ حسد محسوس کرنے لگیں ‘ اس دوسری خاتون سے حسد کرتی تھی جو وہ توجہ حاصل کررہی تھی جو کبھی مجھے حاصل تھی، یہ جذبات اتنے زیادہ بڑھ گئے کہ میں نے اپنے یوگا انسٹرکٹر کو اپنے دل کا حال بتایا’۔اس یوگا انسٹرکٹر نے اداکارہ کو بہترین حل بتایا ‘انہوں نے مجھے کہا کہ اگر تم اس سے محبت کرتی ہو تو اس کے نئے تعلق پر اس کے لیے خوش ہو’۔صبا قمر کا کہنا تھا کہ اس مشورے نے انہیں جھنجھوڑ کر رکھ دیا اور وہ حقیقت میں واپس آگئیں اور انہیں احساس ہوا کہ جب کوئی جوڑا ایک دوسرے سے مسلسل بات چیت کرتا ہے تو یہ محبت نہیں بلکہ ایک دوسرے سے جڑنے کا احساس ہوتا ہے، نوجوان نسل محبت کے حوالے سے زیادہ واقفیت نہیں رکھتی۔

مشاہداللہ جیسے لوگ کمیٹیوں کے سربراہ ہوں تواس سے عزت نہیں ہوتی،فواد چودھری کا جعلی ڈگری والے پائلٹس کو جہازاڑانے کی اجازت دینے کے مطالبے پر ٹوئٹ
اسلام آباد(ایمرا نیوز آن لائن)وفاقی وزیر اطلاعات و نشریات فواد چودھری نے کہا ہے کہ کمیٹیوں کامطالبہ ہے جعلی ڈگری والے پائلٹس کوجہازاڑانے کی اجازت دی جائے،بات کریں تولوگ کہتے ہیں پارلیمان کی توقیرمتاثرہوگئی۔ وفاقی وزیر اطلاعات نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کمیٹیوں کامطالبہ ہے جعلی ڈگری والے پائلٹس کوجہازاڑانے کی اجازت دی جائے،بات کریں تولوگ کہتے ہیں پارلیمان کی توقیرمتاثرہوگئی۔انہوں نے کہا کہ 10 سال میں جوزوال دیکھااس کی وجہ یہی رویے ہیں،اس عمل سے عزت بڑھ نہیں سکتی،فواد چودھری نے کہا کہ مشاہداللہ جیسے لوگ کمیٹیوں کے سربراہ ہوں تواس سے عزت نہیں ہوتی.

کراچی(ایمرا نیوز آن لائن)گلشن اقبال گبول پارک سے متحدہ لندن کے ٹارگٹ کلرکو گرفتار کر لیا گیا۔میڈیارپورٹس کے مطابق پولیس نے کراچی کے علاقے گلشن اقبال گبول پارک میں کارروائی کرکے متحدہ لندن کے ٹارگٹ کلر کو گرفتار کر لیا، پولیس کے مطابق عمران عرف مانی پولیس پرفائرنگ اوردیگرجرائم میں ملوث ہے،ایس ایس پی ملیر کے مطابق ملزم سے اسلحہ اورچوری کی موٹرسائیکل برآمدہوئی ہے،ملزم نے 10 سے زائدٹارگٹ کلنگ کی وارداتوں کااعتراف ہیں،ان کا کہناتھا کہ ملزم رئیس ماماکاقریبی ساتھی ہے.

توانائی کمیٹی کے فیصلوں کی توثیق سمیت وفاقی کابینہ زرعی ترقیاتی بینک کے صدر کی تعیناتی کی بھی منظوری دے گی
اسلام آباد(ایمرا نیوز آن لائن ) وزیراعظم عمران خان نے وفاقی کابینہ کا اجلاس آج جمعرات کو طلب کرلیا ہے تفصےلات کے مطابق آج کے ہونے والے کابینہ اجلاس میں 20 نکاتی ایجنڈا زیرغور آئے گا۔ وفاقی کابینہ 4 فروری کو ہونے والے ای سی سی اجلاس کے فیصلوں کی توثیق کرے گی، توانائی کمیٹی کے فیصلوں کی توثیق سمیت وفاقی کابینہ زرعی ترقیاتی بینک کے صدر کی تعیناتی کی بھی منظوری دے گی۔کابینہ انسانی حقوق ڈویڑن کو 13 ملین روپے تکنیکی گرانٹ کی منظوری دے گی اور گوادر پورٹ اتھارٹی اور ای او بی آئی کے چیئرمین کی تقرری کا معاملہ کابینہ اجلاس میں زیرغورآئے گا۔دوسری جانب وفاقی کابینہ انسداد منشیات پالیسی 2018 پربھی غورکرے گی، انفراسٹرکچر، مالیاتی شمولیت کے منصوبوں میں پیپرا رولز2004 کی چھوٹ کی منظوری ایجنڈے کا حصہ ہے جب کہ پمز آرڈیننس 2019 کے مسودے کی اصولی منظوری دی جائے گی۔میری ٹائم فشریز ڈپارٹمنٹ کی وزارت بحری امور سے قومی غذائی تحفظ منتقلی کے معاملے سمیت نیشنل ڈیزاسٹر مینجمنٹ ایکٹ 2010 میں ترمیم کی منظوری بھی ایجنڈے میں شامل ہے۔ اجلاس میں قومی اقتصادی کونسل کی مالی سال 2017-18 کی رپورٹ پیش کی جائے گی.

حکومتی عہدیدران بیرون ملک دوروں سے ملنے والے تحفائف کو اپنا حق سمجھتے ہیں ‘حقیقت میں غریب قوم کی امانت ہیں:وزیر خارجہ
اسلام آباد(ایمرا نیوز آن لائن)وزیر خارجہ شاہ محمود قریشی نے 19ستمبر کو سعودی عرب کے دورے کے دوران ولی عہد محمد بن سلمان کی جانب سے 63لاکھ روپے کی زائد کی مالیت کے تحائف توشہ خانہ میں جمع کر ادیئے۔تفصیلات کے مطابق وزیر خارجہ شاہ محمود قریشی 19ستمبر کو 2018کو سعودی عرب کا دورہ کیا تھا ،جس میں ان کی ملاقات سعودی ولی عہد محمد بن سلمان سے ہوئی تھی اس ملاقات کے دوران محمد بن سلمان نے شاہ محمود قریشی کو 48لاکھ 50ہزار روپے مالیت کی ”رولکس گھڑی“ ساڑھے 9لاکھ روپے کے سونے کا قلم،ایک لاکھ 35ہزار کے سونے کے کف لنکس ،2لاکھ50ہزار روپے مالیت کی سونے کی تسبیح سمیت 2لاکھ 10ہزار کے سونے کی انگوٹھی تحفے میں دی تھی ۔شاہ محمود قریشی نے سعودی ولی کی جانب سے تمام تحائف توشہ خانہ میں جمع کرا دیئے اور اس موقع پر انہوں نے کہا کہ حکومتی عہدیدران بیرون ملک دوروں سے ملنے والے تحفائف کو اپنا حق سمجھتے ہیں لیکن یہ حقیقت میں غریب قوم کی امانت ہیں۔(اشفاق خان)

ڈبلیو ڈبلیو ای نے اپنے مقبول ترین اسٹار بیکی لنچ کو 60 دن کے لیے معطل کردیا
لندن(آن لائن)ڈبلیو ڈبلیو ای نے اس وقت اپنے مقبول ترین اسٹار کو 60 دن کے لیے معطل کردیا اور وہ اب بظاہر ریسل مینیا کا حصہ نہیں بن سکیں گی۔ ڈبلیو ڈبلیو ای نے اس وقت لوگوں میں مقبول ریسلر بیکی لنچ کو 60 دن کے لیے معطل کردیا ہے اور وہ بھی ریسلر کی جانب سے معذرت کے بعد۔گزشتہ شب ڈبلیو ڈبلیو ای شو را کے آغاز میں بیکی لنچ کو ریسل مینیا 35 میں را ویمن چیمپئن رونڈا ر آسی سے مقابلے کے لیے ٹرپل ایچ اور اسٹیفنی میکموہن کی جانب سے معذرت کی شرط عائد کی گئی تھی۔گزشتہ ہفتے بیکی لنچ کو اسٹیفنی میکمون نے معطل کردیا تھا جس کی وجہ وہ اپنی انجری کے علاج کے لیے ڈاکٹر سے رجوع نہیں کررہی تھیں، جس پر انہوں نے اسٹیفنی میکموہن اور منگل کو ٹرپل ایچ پر حملہ کیا۔اب ڈاکٹروں نے بیکی لنچ کو مقابلے کے لیے کلیئر قرار دے دیا جس پر را کمشنر اسٹیفنی میکموہن اور ان کے شوہر ٹرپل ایچ نے ریسلر کی ریسل مینیا میں شرکت معذرت سے مشروط کردی۔اس موقع پر ڈبلیو ڈبلیو ای چیئرمین ونس میکموہن وہاں آئے اور بیکی لنچ کو 2 ماہ کے لیے معطل کرنے کا اعلان کیا اور ان کی واپسی ریسل مینیا کے 5 دن بعد ہوگی۔