Tag london

ممبئی(شوبز ڈیسک/ایمرا نیوز) بالی وڈ اداکارہ دپیکا پڈوکون آج اپنی 33 ویں سالگرہ منا رہی ہیں، رنویر سنگھ سے شادی کے بعد یہ ان کی پہلی سالگرہ ہے اور اس موقع پر انہوں نے مداحوں سے کچھ خاص شیئر کرنے کا اعلان کیا ہے۔اداکارہ نے انسٹاگرام اسٹوری پر ایک کاؤنٹ ڈاؤن شیئر کرتے ہوئے لکھا کہ ’کچھ بہت زبردست ہونے جارہا ہے، آپ سب سے یہ شیئر کرنے کے لیے مجھ سے انتظار نہیں ہو رہا‘۔

اس کاؤنٹ ڈاؤن سے واضح ہوتا ہے کہ جیسے ہی یہ دورانیہ مکمل ہوگا دپیکا اپنے مداحوں سے کچھ زبردست خبر شیئر کرنے والی ہیں۔اب مداحوں کو اس بات کا انتظار ہے کہ یہ خبر دپیکا کی نئی فلم سے متعلق ہے یا اُن کی ذاتی زندگی کے حوالے سے۔واضح رہے کہ گزشتہ برس نومبر میں دپیکا اور رنویر اٹلی کے خوبصورت ترین مقام ‘لیک کومو’ پر رشتہ ازدواج میں منسلک ہوئے تھے۔

اسلام آباد(نیٹ نیوز/ایمرا نیوز) سابق وزیراعظم اور پاکستان پیپلز پارٹی (پی پی پی) کے بانی چیئرمین ذوالفقار علی بھٹو کا 91 واں یوم پیدائش آج منایا جا رہا ہے۔5 جنوری 1928 کو لاڑکانہ ميں سر شاہنواز بھٹو کے گھر پیدا ہونے والے ذوالفقار علی بھٹو نے اعلیٰ تعلیم اور قانون کی ڈگری کيلیفورنیا اور آکسفورڈ سے حاصل کی اور 1963 میں جنرل ایوب خان کی کابینہ میں وزیر خارجہ بنے۔بعد میں سیاسی اختلافات کی وجہ سے انہوں نے حکومت سے کنارہ کشی اختیار کی اور ترقی پسند دوستوں کے ساتھ 30 نومبر1967 کو پاکستان پیپلز پارٹی کی بنیاد رکھی۔ پیپلز پارٹی سماجی انصاف، سوشلسٹ نظریات اور جمہوریت کے فروغ پر مبنی منشور کے باعث روز بروز مقبول ہوتی گئی۔1970 کے الیکشن میں ذوالفقار علی بھٹو روٹی، کپڑا اور مکان کا نعرہ لے کر عوام میں گئے تو انہیں انتہائی والہانہ پذیرائی ملی۔انتخابات میں کامیاب ہوکر ذوالفقار علی بھٹو نے اقتدار سنبھالا تو ملک دولخت ہوچکا تھا، جس کی وجہ سے سویلین مارشل لاء ایڈمنسٹریٹر اور پھر 1971 سے 1973 تک پاکستان کے صدر رہے۔ذوالفقار علی بھٹو 1973 سے 1977 تک منتخب وزیراعظم رہے، انہوں نے ملک کو 1973 کا متفقہ آئین دیا اور بھارت سے شملہ معاہدہ کرکے پائیدار امن کی بنیاد رکھی۔سیاسی مبصرین کے مطابق بھٹو دور میں پسے ہوئے طبقات کے حقوق کے لیے کئی اقدامات کیےگئے۔تاہم مبینہ داخلی اور خارجی سازشوں کے نتیجے میں اُس وقت کے آرمی چیف جنرل ضیاء الحق نے منتخب حکومت کا تختہ الٹا اور قتل کے الزام ميں مقدمہ چلا کر ذوالفقار علی بھٹو کو 4 اپریل 1979کو تختہ دار پر لٹکا دیا۔تاہم بھٹو کی پھانسی کے باوجود بھی چاہنے والوں کے دل سے ان کی محبت کو ختم نہیں کیا جاسکا۔

اسلام آباد:(نیٹ نیوز/ایمرا نیوز) پاکستان کو متحدہ عرب امارات سے تاخیری ادائیگیوں کی بنیاد پر 3 ارب 20 کروڑ ڈالر کا تیل ملنے کی امید ہے۔پٹرولیم ڈویژن ذرائع کے مطابق متحدہ عرب امارات کی ریاست ابوظہبی کے ولی عہد شیخ محمد بن زاید النہیان کے دورہ پاکستان کے دوران سعودی عرب کی طرز پر تاخیری ادائیگیوں پر تیل کی سہولت ملنے کی امید ہے۔اس سے قبل سعودی عرب بھی پاکستان کو تاخیری ادائیگیوں پر 3 ارب ڈالر مالیت کا تیل فراہم کر رہا ہے۔ذرائع کا کہنا ہے کہ تیل فراہمی کی سہولت کا اعلان 6 جنوری کو ابوظہبی کے ولی عہد شیخ محمد بن زاید النہیان کے دورہ پاکستان کے دوران متوقع ہے۔ذرائع کے مطابق پاکستان کو ایل این جی درآمد کیلئے اسلامی ترقیاتی بینک کے ادارے انٹرنیشنل اسلامک ٹریڈ فنانس کارپویشن سے بھی تاخیری ادائیگیوں پر ڈیڑھ ارب ڈالر قرض کی سہولت ملنے کی امید ہے۔پاکستان سالانہ ساڑھے 4 ارب ڈالر تک ایل این جی درآمد کر رہا ہے۔ذرائع نے بتایا کہ متحدہ عرب امارات کے اشتراک سے حب بلوچستان میں 5 ارب ڈالر سے زیادہ کی لاگت پارکو کوسٹل ریفائنری کی تعمیر بھی شروع کی جارہی ہے۔واضح رہے کہ وزیراعظم عمران خان نے گزشتہ سال متحدہ عرب امارات کے 2 دورے کیے تھے جہاں انہوں نے اماراتی قیادت سے ملاقاتیں کیں تھیں۔ گزشتہ ماہ متحدہ عرب امارات نے پاکستان کے اسٹیٹ بینک میں 3 ارب ڈالر جمع کرانے کا اعلان کیا تھا اور اپنے بیان میں کہا تھا کہ 3 ارب ڈالرز سے پاکستان کی معیشت مستحکم ہوگی اور اس سے دو طرفہ تعلقات میں بھی بہتری آئے گی۔ابوظہبی فنڈ فار ڈیویلپمنٹ نے پاکستان کے 8 ترقیاتی منصوبوں کو بھی مالی امداد فراہم کی ہے جس کی مجموعی مالیت 1.5 ارب درہم ہے جن میں توانائی، صحت، تعلیم اور سڑکوں جیسے منصوبے شامل ہیں۔

لاہور(ایمرا نیوز)
جیک ما یون 10 ستمبر 1964 میں Hangzhou, Zhejiang میں پیدا ہوئے، وہ ایک چینی کاروباری میگریٹ، سرمایہ کار اور فلسفیسٹسٹ ہے. وہ شریک بانی اور Alibaba Group گروپ کے ایگزیکٹو چیئرمین ہیں، ایک کثیر ٹیکنالوجی ٹیکنالوجی ساز. اگست 2018 تک، وہ چین کے امیر ترین افراد میں سے ایک ہے جس میں خالص مالیت 38.6 بلین امریکی ڈالر کے ساتھ ساتھ دنیا کے سب سے امیر ترین افراد میں سے ایک ہے. Ma کی بنیادی نظریات کھلی اور مارکیٹ پر مبنی معیشت کے لئے تھا.

وہ ایک اہم کاروباری شخصیت ہیں، ان کو چین کے کاروبار کے عالمی سفیر کے طور پر دیکھا جاتا ہے اور اس طرح فوربس کی طرف سے اکثر دنیا کے سب سے طاقتور افراد میں سے ایک کے طور پر درج کیا جاتا ہے. اس کے علاوہ، وہ ابتدائی کاروباری اداروں کے لئے ایک رول ماڈل کے طور پر بھی کام کرتا ہے. 2017 میں، وہ فارونون کی طرف سے سالانہ “ورلڈ 50 کے سب سے بڑے لیڈرز” کی فہرست میں دوسری درجہ بندی کی گئیں. 10 ستمبر 2018 کو، انہوں نے اعلان کیا کہ وہ علی بابا سے ریٹائرمنٹ لیں گے اور تعلیم کے لیے کام کریں گے.

ما یون نے علی بابا گروپ کے سی ای او کی حیثیت سے استعفی دے دیا اور مبینہ طور پر فیصلہ کیا کہ چیئرمین کے طور پر چیف جسٹس پر توجہ مرکوز کرنی ہے.
ما یون نے اپنی ابتدائی زندگی کے بارے میں بتایا کہ میں نے 30 مختلف ملازمتوں کے لئے درخواست کی اور سب نے مسترد کردیا. میں نے ایک انٹرویو میں کہا “میں پولیس کے ساتھ ملازمت کے لئے چلا گیا؛ انہوں نے کہا، ‘آپ اس نوکری کے لیے صیح نہیں ہیں ‘ ‘. ” وہ نوکری کے لیے KFC بھی گیا.” ملازمت کے لئے چار افراد آئے ہوئے تھے . میں ہی صرف ایک ہی آدمی تھا جس کو انہوں نے نوکری پر نہیں رکھا تھا. ” اس کے علاوہ، انہوں نے ہارورڈ بزنس اسکول (ایچ بی بی) کو دس بار apply کیا لیکن انہوں نے رد کر دیا.

1994 میں، ما یون نے انٹرنیٹ کے بارے میں سنا. 1995 کے آغاز میں، وہ اپنے دوستوں کے ساتھ امریکہ گئے، امریکہ جاکر وہ پہلی مرتبہ انٹرنیٹ سے متعارف ہوئے. اس کے ذریعے انہوں نے بہت سے ممالک سے معلومات پائی، لیکن وہ یہ دیکھ کر بہت حیران ہوئے اس سے کوئی بھی چینی منسلک نہیں ہے. انہوں نے چین کے بارے میں عام معلومات تلاش کرنے کی کوشش کی لیکن اس بار بھی انہیں کچھ نہیں ملا. اس کے بعد میں اور ان کے دوست نے ایک “ugly” ویب سائٹ بنائی . انہوں نے 9:40 بجے ویب سائٹ شروع کی، اور 12:30 بجے تک انہوں نے کچھ چینی سرمایہ کاروں سے ان کے بارے میں جاننے کا ای میل حاصل کیں. یہ وقت تھا جب میں نے محسوس کیا کہ انٹرنیٹ بہت اچھی چیز ہے. اپریل 1995 میں، ما، ان کی بیوی کیتی اور ایک دوست سے 20،000 امریکی ڈالرحاصل کیے اور اپنی پہلی کمپنی شروع کی. ان کی کمپنی کمپنیوں کو ویب سائٹس بنانے کے لئے وقف کیا گیا اور اس نے اسے “چین صفحات” نام دیا. تین سالوں میں، کمپنی نے 5،000،000 چینی یوآن بنائے تھے جس وقت اس وقت 800،000 امریکی ڈالر کے برابر تھا.

لاہور (نیٹ نیوز/ایمرا نیوز) نیب لاہور نے مسلم لیگ (ق) کے مرکزی رہنما سابق وزیر اعظم چوہدری شجاعت حسین اور سابق وزیر اعلیٰ پنجاب چوہدری پرویز الہٰی کیخلاف ایل ڈی اے سٹی اسکینڈل کی تحقیقات ختم کر دی ہیں ۔ نیب میں چوہدری برادران کیخلاف ایل ڈی اے سٹی کے پلاٹس خریدنے کی انکوائری ہو رہی تھی۔ نیب ذرائع کے مطابق نیب نے عدالت میں ضمنی ریفرنس فائل کردیا ہے، جس میں کہا گیا ہے کہ چوہدری برادران کے خلاف کوئی دستاویزی یا زبانی شواہد نہیں ملے، لہٰذا نیب نے سورس رپورٹ کو مسترد کرتے ہوئے تحقیقات ختم کر دی ہیں،28 پلاٹس چوہدری برادران کے ملازم نے خریدے،۔ چوہدری پرویز الہٰی اور چوہدری شجاعت حسین کیخلاف ایل ڈی اے سٹی میں پلاٹس کا کیس چل رہا تھا۔ نیب لاہور نے چوہدری برادران سے ایل ڈی اے سٹی میں 28 پلاٹس سے متعلق تحقیقات کیں تو معلوم ہوا یہ پلاٹس چوہدری برادران کے ملازم نے خریدے تھے۔ راوی روڈ لاہور کے رہائشی مرزا اسلم بیگ نے چوہدری برادران کے گھر کا ایڈریس استعمال کیا۔

لاہور(نیٹ نیوز/ایمرا نیوز) شدید سردی میں بارشیں نہ ہونے سے خشک سردی کے باعث شہری مختلف قسم کی موسمی بیماریوں کا شکار ہو رہے ہیں۔

ماہرین طب کا کہنا ہے کہ بارش ہوجانے سے یہ تمام بیماریاں ختم ہو جائیں گی۔طبی ماہرین نے شہریوں کو اس سردموسم میں احتیاط کرنے اور غذا میں انڈوں، سوپ، یخنی، مچھلی، خشک میوہ جات اور گرم دودھ کا استعمال زیادہ کرنے پر زور دیا ہے۔

پشاور(نیٹ نیوز/ایمرا نیوز) پشاور میں صبح سویرے دھماکا ہوا ہے جس کے نتیجے میں 6 افراد زخمی ہو گئے۔پشاور کے علاقے صدر کالاباڑی میں واقع ایک ہوٹل کے قریب آج صبح دھماکا ہوا جس سے 6 افراد زخمی ہو گئے۔پولیس ذرائع کا کہنا ہے کہ دھماکا ایک گاڑی میں ہوا ہے جس میں بم یا دھماکا خیز مواد نصب تھا۔

جس علاقے میں دھماکا ہوا ہے وہاں علی الصبح دکانیں کھل جاتی ہیں اور کافی گہما گہمی رہتی ہے۔دھماکا ہوتے ہی سیکیورٹی فورسز، پولیس، بم ڈسپوزل اسکوا، ریسکیو ٹیمیں اور ایمبولینسیں دھماکے کے مقام پر پہنچ گئیں، سیکیورٹی اداروں نے علاقے کو گھیر کر آمد و رفت معطل کر دی۔دھماکے سے قریبی عمارتوں کے شیشے ٹوٹ گئے، جبکہ کئی گاڑیوں کو بھی نقصان پہنچا ہے۔ریسکیو ذرائع کے مطابق پشاور دھماکے کے 6زخمیوں کو لیڈی ریڈنگ اسپتال منتقل کر دیا گیا ہے جہان انہیں طبی امداد دی گئی۔لیڈی ریڈنگ اسپتال کی انتظامیہ کا کہنا ہے کہ زخمیوں کی حالت خطرے سے باہر ہے، زخمیوں میں ایک خاتون بھی شامل ہے۔

بارسلونا(نیٹ نیوز/ایمرا نیوز) بارسلونا اسٹار لیونل میسی اور ان کے ساتھی کھلاڑی لوئی سوارئز نے چلڈرن اسپتال کا دورہ کیا اور بچوں میں کرسمس کے تحائف تقسیم کئے ۔

بارسلونا کے اسپتال میں اس وقت خوشی کی لہر دوڑ گئی جب لیونل میسی اور لوئی سواریز بچوں کی عیادت کے لیے پہنچے، فیورٹ اسٹارز کو اپنے درمیان پا کر بیمار بچوں کا خوشی کا ٹھکانہ نہیں رہا ۔میسی اور سواریز نے بچوں میں کرسمس کے تحائف بھی تقسیم کئے جس کے بعد دونوں کھلاڑی ٹریننگ سیشنز کے لئے اسٹیڈیم چلے گئے ۔

اسلام آباد(نیٹ نیوز/ایمرا نیوز) سوئی ناردرن گیس نے کمپریسر استعمال کرنیوالے صارفین کے خلاف کارروائی کا فیصلہ کرلیا ہے جس کے بعد پنجاب بھر میں آپریشن آج سے شروع ہوگا ۔ذرائع سوئی گیس کے مطابق سوئی ناردرن گیس کمپنی نے کمپریسر کے استعمال پر صارف کا گیس کنکشن منقطع کیے جانے کا عندیہ دے دیا ہے۔سوئی گیس ذرائع کا کہنا ہے کہ کمپریسر استعمال کرنے والے صارفین کے خلاف مقدمات بھی درج ہوں گے ۔واضح رہے کہ موسم سرما کی آمد کے ساتھ ہی ملک بھر میں گیس کا بحران شدت اختیار کر گیا ہے اور اس کے سبب گھریلو و صنعتی صارفین شدید اذیت کا شکار ہیں۔

بہار(نیٹ نیوز/ایمرا نیوز) بھارت میں جنونی ہندوؤں نے گائے چوری کا الزام لگا کر 55 سالہ بزرگ مسلمان کی جان لے لی۔بھارتی میڈیا کے مطابق ریاست بہار میں مشتعل ہجوم نے گائے چوری کے جھوٹے الزام میں 55 سالہ محمد کابل کو مار مار کر جاں بحق کر دیا۔قتل کی ویڈیو سوشل میڈیا پر وائرل ہوئی جس میں صاف دیکھا جاسکتا ہے کہ 55 سالہ بزرگ شہری انتہا پسندوں سے رحم کی درخواست کرتا رہا تاہم کسی نے متاثرہ شخص کی ایک نہ سنی۔جنونی ہندوؤں کے ہاتھوں مسلمان کے قتل کا واقعہ 30 دسمبر کو پیش آیا تھا تاہم پولیس نے کوئی کارروائی نہیں کی اور معاملے کو دبا دیا گیا۔واقعے کی ویڈیو سوشل میڈیا پر وائرل ہونے کے بعد یہ خبر میڈیا پر آئی،جس کےبعد پولیس نے نامعلوم افراد کےنام ایف آئی آر درج کر کے تحقیقات شروع کردی ہیں۔بھارتیہ جنتا پارٹی کی حکومت آنے کے بعد ہندو انتہاء پسند بے قابو ہوگئے ہیں اور آئے روز گائے کے معاملے پر کسی بھی مسلمان کو شدید تشدد کا نشانہ بنا ڈالتے ہیں۔