Tag london

دبئی(نیٹ نیوز/ایمرا نیوز) اماراتی عدالت نے منشیات سمگلنگ کے جرم میں پاکستانی شہری کو 10 برس قید اور بھاری جرمانے کی سزا سنا دی۔تفصیلات کے مطابق متحدہ عرب امارات کی ریاست دبئی کی عدالت نے 1.35 کلو ہیروئن شارجہ سمگل کرنے کے جرم میں سمگلر کو قید کی سزا سنائی۔یاد رہے کہ گزشتہ پانچ سالوں میں سعودی عرب میں مختلف مقدمات میں 62 پاکستانیوں کے سر قلم کیے گئے ہیں۔

ممبئی(شوبز ڈیسک/ایمرا نیوز) بھارت کے معروف سینئر اداکار نصیر الدین شاہ نے بھارت میں جاری اپنے خلاف تنقید پر کہا ہے کہ ’ جو کچھ کہا تھا، اس پر با لکل بھی افسوس نہیں ہے‘چند روز قبل بھارتی معاشرے پر کڑی تنقید کرنے پر نصیر الدین شاہ کو غدار کہا جا رہا ہے۔اس بارے میں جب ان سے سوال کیا گیا تو انہوں نے اپنا دفاع کرتے ہوئے کہا کہ ’میں اپنے کہے گئے الفاظ واپس نہیں لوں گا۔‘واضح رہے نصیر الدین شاہ نے ایک ویڈیو بیان میں کہا تھا کہ ’بھارت میں انتہا پسندی کا ’زہر ‘پھیل چکا ہے جسے اب قابو کرنا مشکل ہے۔یہاں گائے کے کاٹنے پر تو ایکشن ہو تا ہےمگر ایک انسان قتل کر دیا جائے تو کوئی پوچھنے والا نہیں ہوتا۔ ‘جس کے بعد انتہا پسند ہندو جماعتوں نے ان کو غدار قرار دیتے ہوئے دھمکانا شروع کردیا۔ بھارتی میڈیاکو انٹرویو دیتے ہوئے انہوں نے کہا کہ مجھے غدار کہنے کے علاوہ اور بھی بہت سی چیزیں ہیں جو مجھ سے منسوب کی گئیں ۔بھارت کے نام نہاد سیکولرازم کو بے نقاب کرنے والے معروف اداکار نصیرالدین شاہ کو اجمیر لٹریچر فیسٹیول کا افتتاح کرنے سے بھی جبری طور پر روک دیا گیا تھا۔

قصور(نیٹ نیوز/ایمرا نیوز) نجی شعبے کے اشتراک سے چلائی گئی پہلی فریٹ ٹرین کراچی سے پریم نگر ڈرائی پورٹ قصور پہنچ گئی، وزیر ریلوےشیخ رشید احمد کہتے ہیں کہ تجربہ کامیاب رہا تو نجی شعبے کے اشتراک سے مزید کارگو ٹرینیں بھی چلائی جائیں گی۔ریلوے وزیر شیخ رشید احمد نے 25 دسمبر کو کراچی میں پہلی فریٹ ٹرین کا افتتاح کیا تھا، نجی شعبے کے اشتراک سے چلنے والی پہلی کارگو ٹرین مقررہ وقت پر پریم نگر ڈرائی پورٹ قصورپہنچ گئی۔ذرائع کا بتانا ہے کہ نجی کمپنی ٹرین چلانے کے علاوہ تاجروں کا مال ان کے کاروباری مقامات تک پہنچانے کی بھی پابند ہوگی۔وزیرریلوے شیخ رشید احمد کہتے ہیں کہ ریلوے کا خسارہ مسافر ٹرینوں سے نہیں ،بلکہ زیادہ مال گاڑیاں چلانے سے کم ہوگا، تاجر کارگو ٹرین سے متعلق معلومات ٹریکنگ سسٹم سے حاصل کرسکتے ہیں۔

کراچی(نیٹ نیوز/ایمرا نیوز) ایم کیو ایم پاکستان کے سابق رہنما اور سابق رکن قومی اسمبلی علی رضا عابدی کے قتل کیس کی تفتیش کے لیے 7 رکنی ٹیم بنا دی گئی ہے، ٹیم میں ایس پی کلفٹن سوہائے عزیز کو بھی شامل کیا گیا ہے۔علی رضا عابدی قتل کیس کی تفتیش کے لیے7رکنی ٹیم کی سربراہی ایس ایس پی ساؤتھ پیر محمد شاہ کریں گے، جبکہ ٹیم میں ایس پی کلفٹن سوہائے عزیز اورطارق دھاریجو بھی شامل ہیں۔اس کے علاوہ ٹیم کے دیگر ارکان میں مختیار احمد خاصخیلی، راجہ اظہر محمود، انسپکٹر اسد اللہ منگی اور انسپکٹر چوہدری امانت کو بھی ٹیم کا حصہ بنایا گیا ہے۔واقعے سے متعلق ایک نئی سی سی ٹی وی ویڈیو سامنے آئی ہے جس میں موٹرسائیکل سوار حملہ آور سابق ایم این اے علی رضا عابدی کی گاڑی کا تعاقب کرتے نظر آرہے ہیں۔دوسری جانب ایم کیو ایم پاکستان کے سابق رہنما اور سابق رکن قومی اسمبلی علی رضا عابدی کے قتل کا مقدمہ گزری تھانے میں درج کرلیا گیا ہے جس میں دہشت گردی کی دفعات شامل کی گئی ہیں۔

کٹ سٹیونین زاویہ 9 دسمبر، 1968 میں پیدا ہوئے وہ ایک امریکی پیشہ ورانہ پہلوان ہے، اس وقت اداکاری اور سابق شوقیہ پیشہ ورانہ کشتی کو فروغ دینے کے لیے والی ڈبلیو ای سے منسلک ہیں، انہوں نے 1996 کے Summer Olympics میں گولڈ میڈل حاصل کیا جس کی وجہ سے ان کی مقبولیت میں اور بھی اضافہ ہوگیا.

آج کل وہ ڈبلیو ڈبلیو ای میں ہیں جہاں وہ راؤ برانڈ کے general manager کے طور پر کام کرتے ہیں تووہ کبھی خود بھی پہلوانی کے لیے ring میں اتر جاتے ہیں وہ ایک ایسے ڈبلیو ڈبلیو ای کے ریسلر ہیں جو اولمپک گولڈ مڈلالسٹ ہیں.

ان کو ڈبلیو ڈبلیو ای hall of fame سے بھی نوازا گیا ہے. انہوں نے دو بار NCAA کے چیمپئن رہے ہیں اور ایک بار انہوں نے ورلڈ ہیوی ویٹ چیمپئن بھی رہے ہیں.اس کے علاوہ انہوں نے اور بھی بہت سے اعزازات حاصل کیے ہیں.

لاہور(ایمرا نیوز)
وہ 24 نومبر، 1952 ء کو کراچی میں پیدا ہوئیں۔ والد کا نام سید شاکر حسن تھا۔ ۔ ان کے خاندان میں کئی نامور شعرأ اور ادبأ پیدا ہوئے۔ جن میں بہار حسین آبادی معروف ہیں ۔ ان کے نانا حسن عسکری بھی ادبی ذوق رکھتے تھے۔ انہوں نےبچپن میں پروین کو کئی شعراء کے کلام سے روشناس کروایا۔ پروین ایک ہونہار طالبہ تھیں۔ دورانِ تعلیم وہ اردو مباحثوں میں حصہ لیتیں رہیں۔ اس کے ساتھہ ساتھہ وہ ریڈیو پاکستان کے مختلف علمی ادبی پروگراموں میں شرکت کرتی رہیں۔ جامعہ کراچی سے ایم اے انگریزی کی ڈگری حاصل کی۔ اس کے بعد انگریزی کی لیکچرر رہیں۔۔
سی ایس ایس کا امتحان دیا تو خود بھی حیران رہ گئیں کہ ایک پرچے میں ان کی اپنی شاعری کے بارے میں بھی سوال تھا۔ امتحان میں پوزیشن حاصل کی اور کسٹم ڈیپارٹمنٹ میں شمولیت اختیار کی ۔ 1991ء میں ہاورڈ یونیورسٹی سے پبلک ایڈمنسٹریشن میں ماسٹرز کی ڈگری حاصل کی۔ پروین کی شادی ڈاکٹر نصیر علی سے ہوئی ، بعد میں علیحدگی ہوگئی۔ ایک بیٹا ہے ، جس کا نام مراد علی ہے۔26 دسمبر 1994ء کو صرف بیالیس سال کی عمر میں اسلام آباد میں ٹریفک کے ایک حادثے کا شکار ہوگئیں۔
پروین شاکر کی شاعری کا موضوع محبت اور عورت ہے۔ اُن کے پہلے مجموعے خوشبو میں ایک نوجوان دوشیزہ کے شوخ و شنگ جذبات کا اظہار ہے اور اس وقت پروین شاکر اسی منزل میں تھیں۔ زندگی کے سنگلاخ راستوں کا احساس تو بعد میں ہوا جس کا اظہار ان کی بعد کی شاعری میں جگہ جگہ ملتا ہے ۔ ماں کے جذبات شوہر سے ناچاقی اور علیحدگی، ورکنگ وومن کے مسائل ان سبھی کو انہوں نے بہت خوبصورتی سے قلمبند کیا ہے۔ ان کی شاعری کے یہ مجموعے شائع ہوئے۔
خوشبو (1976ء)،
صد برگ (1980ء)،
خود کلامی (1990ء)،
انکار (1990ء)
ماہِ تمام (کلیات)(1994ء)کے کتابچے بھی شامل ھیں
بادباں کھلنے سے پہلے کا اشارہ دیکھنا
میں سمندر دیکھتی ہوں تم کنارہ دیکھنا
وہ تو خوش بو ہے ہواؤں میں بکھر جائے گا
مسئلہ پھول کا ہے پھول کدھر جائے گا

ممبئی(شوبز ڈیسک/ایمرا نیوز) بالی ووڈ کے دبنگ خان آج اپنی 53 سالگرہ منا رہے ہیں.انہوں نے اپنی سالگرہ اپنے قریبی دوستوں اور اپنے گھروالوں کے ساتھ اپنے فارم ہاؤس پر منائی.بہت سے سپرسٹاز نے دبنگ خان کی سالگرہ میں شرکت کی .

جیسا کہ انیل کپور سوناکشی شنہا، جیکسن فرنانڈیز، کترینہ کیف، مالیکا آرورا، سوشمیتہ سین، مونی رائے، ڈنو موارا، جمی شیریل،نے سلمان خان کی سالگرہ کی تقریب میں شرکت کی.

سوشل میڈیا پر بھی سلمان خان کے مداحوں نے انہیں سالگرہ کی مبارک باد دینی شروع کردیں.مداحوں کے ساتھ ساتھ کافی بالی ووڈ اداکاوں نے بھی انہیں مبارک باد پیش کی.53 سالگرہ کے موقع پر بالی ووڈ فنکاروں نے اپنے ٹوئٹر کے handles پر بھائی جان کو مبارک باد دی.

ممبئی(شوبز ڈیسک/ایمرا نیوز) نیا سال سوناکشی سنہا کے لیے بہت شاندار اور کمال کی فلمیں رکھتا ہے. سوناکشی سنہا نے کہا ہے ان کو ایسی فلموں میں کام کرنا بہت پسند ہے جو بچوں کو entertain کرے.

انہوں نے کہا یہ بہت کہ ہر گھر میں بچے خوش رہیں اور entertain ہوتے رہیں اور ایسا کرنے سے ان کو نئی چیزوں کو سیکھنے کا موقع بھ ملے گا.سوناکشی نے کہا کہ میں امید کرتی ہوں کہ اب میں جو بھی فلم کروں سب سے پہلے بچوں کی دلچسپی کو مدنظر رکھتے ہوئے کروں.

لاہور(ایمرا نیوز)
K2 ماؤنٹ گوڈنون-آسٹن یا چوگوری کے طور پر بھی جانا جاتا ہے، یہ سطح سمندر سے 8،611 میٹر (28،251 فٹ) سطح پر واقع ہے، یہ ماؤنٹ ایورسٹ کے بعد 8848 میٹر (29،029 فوٹ) کے ساتھ دنیا کا دوسرا سب سے زیادہ بڑا پہاڑ ہے. یہ گلگت بلتستان کے درمیان چین-پاکستان سرحد پر واقع ہے. K2 کراکورام رینج کا سب سے بڑا پوائنٹ ہے اور پاکستان اور Xinjiang کا بھی سب سے بڑا پوائنٹ ہے.

یہ پاکستان کی ایک ایسی جگہ ہے جہاں انگیز آنا چاہتے ہیں اور اس پہاڑ کو سر کرنا انگیزوں کا بہت بڑا خواب ہے. یہ پہاڑ جتنا بڑا ہے اور اتنا ہی خطرناک بھی ہے، اس پہاڑ کو سر کرتے ہوئے کافی لوگوں کی جان چکی گئی ہے، لیکن پھر بھی لوگ اس پہاڑ کو سر کرنے کا خطرہ سر لیتے ہیں.

اسلام آباد(نیٹ نیوز/ایمرا نیوز) سپریم کورٹ لاہور رجسٹری میں ریلوے اراضی لیز پر دینے کیخلاف از خود نوٹس کی سماعت ہوئی جس کے دوران عدالت عظمیٰ نے رائل پام کلب کی انتظامیہ تحلیل کر دی۔چیف جسٹس پاکستان میاں ثاقب نثار کی سربراہی میں 3 رکنی بنچ نے سماعت کی جس کے دوران سپریم کورٹ نے میسرز فرگوسن کو رائل پام کلب کی نئی انتظامیہ مقرر کر دیا۔میسرز فرگوسن کو رائل پام کلب کا تمام ریکارڈ فوری قبضے میں لینے کا حکم دیتے ہوئے عدالت نے کہا کہ رائل پام کلب کی پرانی انتظامیہ کلب کی حدود میں داخل نہیں ہو سکے گی۔عدالتی حکم میں مزید کہا گیا ہے کہ رائل پام کلب میں تمام پروگرام اور سرگرمیاں معمول کے مطابق چلیں گی، ریلوے سے متعلق کوئی بھی ریکارڈ رائل پام کلب سے باہر نہیں جائے گا۔سپریم کورٹ نے رائل پام سے متعلق لاہور ہائی کورٹ کے تمام احکامات بھی غیر مؤثر کر دیئے جبکہ ہائی کورٹ میں زیر التواء کلب کے تمام مقدمات بھی منگوا لیے۔چیف جسٹس پاکستان میاں ثاقب نثار نے اپنے ریمارکس میں کہا کہ ریلوے اراضی پر ہاؤسنگ سوسائٹیاں بنانے اور ریلوے کی زرعی اراضی لیز کے لیے 3 سالہ مدت سے زائد دینے پر بھی پابندی لگا رہے ہیں۔عدالت عظمیٰ نے رائل پام کا ریکارڈ فوری طور پر فرگوسن چارٹرڈ کمپنی کو تحویل میں لینے کا حکم دے دیا۔چیف جسٹس پاکستان نے رمضان شیخ اور ان کی مینجمنٹ کو رائل پام کلب کا قبضہ فرگوسن کمپنی کے حوالے کرنے کا حکم دیتے ہوئے کہا کہ فرگوسن کمپنی رائل پام کلب کی مینجمنٹ بھی سنبھالے گی۔انہوں نے یہ بھی حکم دیا کہ مکمل فرانزک آڈٹ ہونے تک کلب نہ ریلوے کے پاس اور نہ شیخ رمضان کے پاس رہے گا۔