Tag LUMS

لاہور(ایمرا نیوز آن لائن)محکمہ داخہ نے نواز شریف کو پی آئی سی منتقل کرنے کا فیصلہ کرلیا گیا ہے، اور پی آئی سی کو سب جیل بھی قرار دے دیا گیا ہے. نواز شریف کو سول اسپتال سے ڈسچارج کردیا گیا ہے.
https://emra.tv/2019/02/06/عالیہ-بھٹ-کی-ہم-شکل-سامنے-آگئی/
یاد رہے کہ نواز شریف کو گزشتہ روز جیل سے سول اسپتال منتقل کیا گیا تھا لیکن اب خبر آرہی ہے کہ محکمہ داخہ نے نواز شریف کو پی آئی سی منتقل کرنے کا حکم دے دیا گیا ہے.

لاہور(ایمرا نیوزآن لائن) آج کل سوشل میڈیا پر بالی ووڈ ستاروں کے ہم شکل افراد کی دھوم مچی ہوئی ہے، جو بلکل بالی ووڈ اداکاروں کی طرح دیکھتے ہیں. اب سوشل میڈیا پر ایک ویڈیو وائرل ہوئی ہے جس میں ایک لڑکی نظر آرہی ہے جو بلکل بالی ووڈ اداکارہ عالیہ بھٹ کی طرح دیکھتی ہے. اس لڑکی کا نام ’سنایا‘ ہے اور یہ بھارتی ریاست اتراکھنڈ میں رہتی ہے.

View this post on Instagram

#gullyboy #aliabhatt #aliabhattfans #ranveersingh

A post shared by sanayaashu (@ashu0876962) on Jan 23, 2019 at 2:47am PST

اس ویڈیو میں ’سنایا‘ حیران کن طور پر عالیہ بھٹ کی طرح بول رہی ہیں، اور انہوں نے اپنا روپ بھی عالیہ بھٹ کی نئی فلم گلی بوائے کی طرح بنایا ہوا ہے، اور وہ اس فلم میں عالیہ بھٹ کے ڈائیلاگز بھی بول رہی ہیں.اس ویڈیو کو دیکھ کر عالیہ بھٹ کے مداح حیران رہ گئے ہیں، اور کچھ مداح تو اس کو عالیہ بھٹ ہی سمجھ رہے ہیں.یاد رہے کہ بہت سے بالی ووڈ ستاروں کے ہم شکل سوشل میڈیا پر سامنے آچکے ہیں، جن میں شاہ رخ خان ، سلمان خان ، عامر خان ، عرفان خان، انوشکا شرما،اور دیگر ستارے شامل ہیں.

ایمنسٹی نے قطر میں کام کرنے والے مزدوروں کی حالت زار پر تشویش ظاہر کردی
صنعاء(ایمرا نیوز آن لائن) انسانی حقوق کی عالمی تنظیم ایمنسٹی انٹرنیشنل نے ایک بار پھر خبردار کیا ہے کہ قطر اپنے ان وعدوں کو پورا نہیں کر رہا ہے جو اس نے 2022 کے فٹبال ورلڈ کپ کی تیاریوں کے سلسلے میں اپنی سرزمین پر کام کرنے والے ہزاروں غیر ملکی ورکروں کے وسیع پیمانے پر استحصال پر روک لگانے کے حوالے سے کیے تھے۔غیرملکی خبررساں ادارے کے مطابق ایمنسٹی نے اپنی رپورٹ میں بتایا کہ اصلاح کی نمایاں کارروائی کے باوجود متعدد ورکروں کو ابھی تک سخت حالات کا سامنا ہے۔اگرچہ ایمنسٹی کی رپورٹ صرف ورلڈکپ 2022 کے انفرا اسٹرکچر میں براہ راست کام کرنے والے 30 ہزار ورکروں سے نہیں بلکہ قطر میں کام کرنے والے دس لاکھ غیر ملکی ورکروں کے متعلق ہے ، تاہم بین الاقوامی تنظیم کا کہنا تھا کہ فٹبال کے عالمی اتحاد (فیفا) پر اس خراب برتاو¿ کی ذمّے داری عائد ہوتی ہے۔ایمنسٹی نے قطر سے بھی مطالبہ کیا کہ وہ سماجی قوانین اور ان کے نفاذ کو مضبوط بنائے۔

کرکٹ آسٹریلیا کا سابق کپتان سٹیو سمتھ کومیگا ایونٹ کے سکواڈ میں شامل نہ کرنے پر غور
سڈنی (ایمرا نیوز آن لائن) آسٹریلوی کرکٹ ٹیم کے ورلڈ کپ 2019ئ کی تیاریوں کو بڑا دھچکہ پہنچنے کا خدشہ ہے کیوں کہ بال ٹمپرنگ سکینڈل میں ایک سالہ پابندی کی سزا بھگتنے والے سابق کپتان سٹیو سمتھ کی ٹیم میں واپسی کہنی کی سرجری کے باعث مزید دیر سے ہونے کا امکان ہے۔ 29سالہ سٹیو سمتھ کی ایک سالہ پابندی 29مارچ کو اختتام پذیر ہوگی تاہم کرکٹ آسٹریلیا انہیں ورلڈ کپ 2019ء کی بجائے ایشز سیریز کے لیے ٹیم میں شامل کرنے کا پلان بنا رہا ہے۔سٹیو سمتھ گزشتہ ماہ بنگلہ دیش پریمیئر لیگ کے دوران کہنی کی انجری کا شکار ہوئے تھے جس کے بعد ان کی سرجری ہوچکی ہے تاہم کرکٹ آسٹریلیا انہیں ٹیم میں واپسی لانے کے لیے کسی قسم کی جلد بازی کرنے کے موڈ میں نہیں ہے،کرکٹ آسٹریلیا اپنے سابق کپتان کو ورلڈ کپ کے سکواڈ میں شامل کرنے کی بجائے آسٹریلیا اے کی جانب سے انگلش کاﺅنٹی ٹیموں کے خلاف میچزکھلانے کے آپشن پر غور کررہاہے۔آسٹریلیوی ٹیم کے ہیڈ کوچ جسٹن لینگر کاکہنا تھا کہ ہمیں سٹیو سمتھ کوٹیم میں واپس لانے کی کوئی جلدی نہیں ہے،ہم ان کی کہنی کی انجری کے ٹھیک ہونے کاانتظار کررہے ہیں جس کے بعدانہیں بطور پریکٹس چند میچز کھلائے جائیں گے تاہم مینجمنٹ نے حتمی طور پر ابھی کوئی فیصلہ نہیں کیا ہے۔دوسری جانب بال ٹمپرنگ سکینڈ ل کے مرکزی کردار ڈیوڈ وارنر بھی بنگلہ دیش پریمیئر لیگ کے دوران کہنی کی انجری کا شکار ہونے کے بعد اب سرجری کروا چکے ہیں اور اس بات کا قوی امکان موجود ہے کہ ان کی ایک سالہ پابندی ختم ہونے کے بعد انہیں ورلڈ کپ اور ایشز سکواڈ میں شامل کرلیا جائے گا۔

مارکیٹ ٹرینڈ کے مطابق جدید تقاضوں کو مد نظر رکھتے ہوئے ٹریننگ پر توجہ مرکوز کی جائیگی‘ گفتگو
لاہور(ایمرا نیوز آن لائن ) لاہور چیمبر کے سابق صدر ،پاکستان کارپٹ مینو فیکچررز اینڈ ایکسپورٹرز ایسوسی ایشن کے سابق چیئرمین پرویز حنیف کو کارپٹ ٹریننگ انسٹی ٹیوٹ کا چیئر پرسن مقرر کر دیا گیا ۔گفتگو کرتے ہوئے پرویز حنیف نے کہا کہ کارپٹ ٹریننگ انسٹی ٹیوٹ کے امور میں مزید بہتری لانے کےلئے طویل المدت پالیسی تشکیل دی جائے گی ۔مارکیٹ ٹرینڈ کے مطابق جدید تقاضوں کو مد نظر رکھتے ہوئے ٹریننگ پر توجہ مرکوز کریں گے ۔ انہوں نے مزید کہا کہ ٹریننگ انسٹی ٹیوٹ میں مارکیٹنگ کے حوالے سے بھی تربیت دیں گے جس سے کارپٹ انڈسٹری کو فروغ ملے گا۔ پرویز حنیف نے کہا کہ ہم نے ویلیو ایڈڈ انڈسٹری کو سامنے رکھتے ہوئے آگے بڑھنا ہے اور اس کے لئے جدید ٹیکنالوجی سے بھی استفادہ کریں گے ۔ انہوں نے کہا کہ جدید ڈیزائن اور معیار کی وجہ سے پوری دنیا میں پاکستانی کارپٹ کی مصنوعات کی مانگ ہے اور کوشش ہو گی کہ کارپٹ ٹریننگ انسٹی ٹیوٹ اس انڈسٹری کی ترقی میں مزید کردار ادا کرے ۔پرویز حنیف نے کہا کہ کسی بھی شعبے میں حکومت کی معاونت اور سرپرستی کے بغیر کامیابی ممکن نہیں اور اس سلسلہ میں متعلقہ اداروں سے روابط کو فروغ دے کر معاہدے کئے جائیں گے ۔

معیاد 30 جون تک کیلئے ہے
اسلام آباد(ایمرا نیوز آن لائن) خام کاٹن اور جننگ شدہ کاٹن کی درآمد کو کسٹمز ڈیوٹی، 2 فیصد اضافی کسٹمز ڈیوٹی اور سیلز ٹیکس سے چھوٹ دےدی گئی ہے۔فیڈرل بورڈ آف ریونیو نے خام کاٹن اور جننگ شدہ کاٹن کی درآمد کو کسٹمز ڈیوٹی، 2 فیصد اضافی کسٹمز ڈیوٹی اور سیلز ٹیکس سے چھوٹ دینے کا نوٹیفکیشن جاری کردیا ہے جبکہ اس سے قبل کاٹن کی مقامی سپلائی پر سیلز ٹیکس کی شرح صفر کی جاچکی ہے۔ایف بی آر کی جانب سے گزشتہ روز (پیر) نوٹیفکیشن جاری کیے گئے ہیں جن کے ذریعے کاٹن کی درآمد پر عائد کسٹمز ڈیوٹی، ایڈیشنل کسٹمز ڈیوٹی اور سیلز ٹیکس کی چھوٹ یکم فروری 2019 سے 30 جون2019 تک کیلئے چھوٹ دےدی گئی ہے۔

دنیا میں کوئی بھی امریکا کا مقابلہ نہیں کرسکتا، ‘بیرون ملک دشمنوں کو ناکام بنانے کے لیے امریکیوں کو اپنے ملک میں اتحاد کا مظاہرہ کرنا ہوگا، عظیم قومیں نہ ختم ہونے والی جنگیں نہیں لڑتیں،امریکی صدر کااسٹیٹ آف دی یونین خطاب
واشنگٹن(ایمرا نیوز آن لائن ) امریکی صدر ڈونلڈ ٹرمپ نے میکسکو کی سرحد پر دیوار بنانے کے لیے پھر سے مذاکرات شروع کرنے پر اصرار کرتے ہوئے ڈیموکریٹس کو ‘اتحاد اور مفاہمت’ کا مشورہ دیا ہے کہ وہ جمود توڑیں اور امریکا کی عظمت کو حاصل کریں۔امریکی کانگریس سے اسٹیٹ آف دی یو کے دوران ڈونلڈ ٹرمپ کا کہنا تھا کہ ‘میں ہر صورت میکسیکو کی سرحد پر دیوار بناو¿ں گا’۔ساتھ ہی انہوں نے اس بات پر زور دیا کہ ‘بیرون ملک دشمنوں کو ناکام بنانے کے لیے امریکیوں کو اپنے ملک میں اتحاد کا مظاہرہ کرنا ہوگا’۔اپنے خطاب کے دوران ٹرمپ نے باور کروایا کہ ان کے دو سالہ اقتدار میں معیشت نے بے مثال ترقی کی ہے۔ ان کا کہنا تھا، ‘امریکا ہر دن ہر جگہ فتح یاب ہو رہا ہے، امریکی معیشت دنیا کی بہتر معیشت اور امریکی فوج دنیا کی طاقتور فوج ہے، دنیا میں کوئی بھی امریکا کا مقابلہ نہیں کرسکتا’۔ٹرمپ کے بقول ‘دنیا کی تیزی سے فروغ پاتی معیشت کا بھی ہم سے مقابلہ نہیں، بے روزگاری 50 سال کے دوران کم ترین شرح پر آچکی ہے، ٹیکس میں کمی کی وجہ سے کمپنیاں امریکا میں کاروبار کے لیے آ رہی ہیں اور امریکا تیل و گیس کی پیداوار کے اعتبار سے دنیا کا سب سے بڑا ملک بن چکا ہے’۔انہوں نے بتایا کہ گزشتہ دو سال میں مسائل کے حل کے لیے انہوں نے انتھک جدوجہد کی اور دو سال میں ا±ن مسائل کے حل پر بھی کام کیا جو دہائی سے دونوں جماعتوں کے ارکان نے نظر انداز کیے۔امریکی صدر کے مطابق مختصر مدت میں انہوں نے اتنی قانون سازی کی، جتنی کسی دوسری انتظامیہ نے پوری مدت میں نہیں کی۔ڈونلڈ ٹرمپ کا کہنا تھا کہ ‘ملک کو ایک بحرانی صورت حال درپیش ہے جس سے نبرد آزما ہونے کی فوری ضرورت ہے اور وقت آگیا ہے کہ سیاسی سوچ سے بالا تر ہوکر، اتحاد اور تعاون کی بنیاد پر ملکی مفاد میں قانون سازی کی جائے’۔ انہوں نے مزید کہا کہ ‘فضول جنگیں، بیہودہ سیاست اور جانب دارانہ تحقیقات امریکا کی معاشی ترقی کا عمل روک سکتی ہیں، لہذا ہمیں مشترکہ مفاد کے لیے انتقام کی سیاست کو ترک کرکے مفاہمت اور تعاون کو فروغ دینا چاہے’۔ڈونلڈ ٹرمپ نے کہا کہ ‘امریکی قوم کی نظریں اس وقت کانگریس کی طرف ہیں اور ہم کانگریس کے ساتھ مل کر امریکی عوام کے لیے کام کرنے پر تیار ہیں’۔ان کا مزید کہنا تھا، ‘میرا ایجنڈا کسی پارٹی کا نہیں امریکا کا ایجنڈا ہے’۔اپنے خطاب کے دوران امریکی صدر نے افغان جنگ کے حوالے سے بھی گفتگو کی اور کہا ‘اب ہم اس قابل ہوگئے ہیں کہ افغانستان مسئلے کا حل تلاش کریں’۔ان کا مزید کہنا تھا کہ ‘عظیم قومیں نہ ختم ہونے والی جنگیں نہیں لڑتیں.

جنگ سے زیادہ مشکل چیز امن ہے،طالبان جنگ بندی پر اس وقت تک رضامند نہیں ہوں گے جب تک کہ تمام بیرونی افواج افغانستان سے نہیں چلی جاتیں،شیر محمد عباس ستنکزئی
ماسکو (ایمرا نیوز آن لائن )امریکہ کے ساتھ امن مذاکرات میں طالبان کی ٹیم کی سربراہی کرنے والے رہنما شیر محمد عباس ستنکزئی نے کہا ہے کہ طالبان افغانستان پر بزورِ طاقت قبضہ کرنے کی خواہش نہیں رکھتے۔ماسکو میں بی بی سی کو انٹرویو دیتے ہوئے ان کا کہنا تھا کہ ’ہم پورے ملک پر پر قبضہ کرنا نہیں چاہتے۔ اس سے افغانستان میں امن نہیں آئے گا‘۔تاہم شیر محمد عباس ستنکزئی کا یہ بھی کہنا تھا کہ طالبان جنگ بندی پر اس وقت تک رضامند نہیں ہوں گے جب تک کہ تمام بیرونی افواج افغانستان سے نہیں چلی جاتیں۔عباس ستانکزئی جو کچھ عرصہ قبل تک قطر میں طالبان کے سیاسی دفتر کے سربراہ تھے، گروپ کے نمایاں رہنما ہیں۔ انھوں نے افغان حزب اختلاف کے متعدد سینیئر رہنماو¿ں کے ساتھ ماسکو میں ہونے والی ملاقات میں شرکت کے دوران بی بی سی سے بات کی۔انھوں نے کہا کہ 1990 کی دہائی میں جب طالبان اقتدار میں تھے اور انھیں مخالف افغان گروہوں کی جانب سے مسلح مخالفت کا سامنا ہوا تو ان کے گروپ کو یہ بات سمجھ میں آ گئی تھی کہ مسائل کے حل کا بہتر طریقہ ‘بات چیت ہے۔’عباس ستانکزئی نے کسی معاہدے تک پہنچنے میں آنے والی پریشانیوں کی جانب اشارہ کرتے ہوئے کہا کہ ‘جنگ سے زیادہ مشکل چیز امن ہے۔’ تاہم انھوں نے امید ظاہر کی افغان تنازعہ ختم کیا جا سکتا ہے۔عباس ستانکزئی نے افغانستان میں مفاہمتی عمل کے لیے امریکی حکومت کے نمائندے زلمے خلیل زاد سے حالیہ مہینوں کے دوران سلسلہ وار ملاقاتوں کی قیادت کی ہے۔عباس ستانکزئی کا بھی کہنا تھا کہ ان کا یہ خیال ہے کہ ٹرمپ انتظامیہ ‘افغانستان میں امن لانا چاہتی ہے‘۔خیال رہے کہ ماسکو میں ہونے والے مذاکرات امریکہ اور طالبان کے درمیان ہونے والے امن مذاکرت سے علیحدہ ہیں۔ ان میں طالبان کے مندوبین کے علاوہ سابق افغان صدر حامد کرزئی اور حزب اختلاف کے دوسرے سرکردہ رہنماو¿ں نے بھی شرکت کی۔ان مذاکرات میں اگر طالبان مرکزی دھارے کی سیاسی طاقت بن جاتے ہیں تو ملک کو مستقبل میں کیسے چلایا جائے، جیسے موضوعات پر گفتگو ہوئی۔عباس ستانکزئی نے ماسکو کے ایک ہوٹل میں اجلاس سے خطاب کرتے ہوئے کہا کہ طالبان اقتدار پر اپنی اجارہ داری نہیں چاہتے لیکن ‘افغانستان کا آئین جو کہ مغرب سے درآمدہ ہے وہی امن کی راہ میں رخنہ ہے‘۔تاہم عباس ستانکزئی نے کہا کہ طالبان کے بڑھتے اثرات سے ‘خواتین کو خوفزدہ نہیں ہونا چاہیے’ کیونکہ وہ خواتین کو شریعت اور افغان ثقافت کے تحت ان کے سارے حقوق دینے کی کوشش کریں گے۔انھوں نے مزید کہا: ‘وہ سکول جا سکتی ہیں، وہ یونیورسٹی جا سکتی ہیں، وہ ملازمت کر سکتی ہیں۔’ماسکو کے مذاکرات میں موجود دو خواتین میں سے ایک فوزیہ کوفی جو کہ افغانستان میں رکن پارلیمان بھی ہیں نے بی بی سی کو بتایا: ‘یہ ایک مثبت قدم ہے کہ وہ طالبان جو اب تک افغانستان کے عوام اور بطور خاص خواتین کے خلاف گولیوں کا استعمال کر رہے تھے وہ اب مائیکروفون کا استعمال کر رہے ہیں اور خواتین کی آواز سن رہے ہیں۔انھوں نے کہا کہ طالبان کے ایک رکن نے انھیں بتایا کہ خواتین صدر نہیں ہو سکتیں لیکن سیاسی دفتر میں خدمات انجام دے سکتی ہیں۔ فوزیہ کوفی نے مزید کہا کہ ‘ہمیں اس بات کی یقین دہانی کرنی ہے کہ جو وہ کہہ رہے ہیں ان کی واقعی وہی نیت بھی ہے۔

لاہور(ایمرا نیوزآن لائن) نیب نے سینئر وزیر پنجاب عبدالعلیم خان کو گرفتار کرلیا گیا. عبدالعلیم خان کو آف شور کمپنی اسکینڈل میں حراست میں لے لیا گیا.عبدالعلیم خان کو آمدن سے زائد اثاثے اور آف شور کمپنی اسکینڈل میں حراست میں لے لیا گیا. سینیر وزیر عبدالعلیم خان کو نیب نے آج طلب کر رکھا تھا.عبدالعلیم خان کو مزید تفشیص کے لیے نیب آفس روک لیا گیا. آخری مرتبہ 10 اگست کو نیب آفس پیش ہوئے تھے. نیب حکام کچھ دیر میں عبدالعلیم خان سے متعلق موقف پیش کرے گی.اب تازہ خبر آئی ہے کہ عبدالعلیم خان نے سردار عثمان بزدار کو اپنا استعفیٰ دے دیا ہے.

وزیرپٹرولیم گھریلو صارفین کو گیس کی اووربلنگ کے معاملے پر بریفنگ دیں گے
اسلام آباد (ایمرا نیوز آن لائن ) وزیراعظم عمران خان نے وفاقی کابینہ کا اجلاس آج جمعرات کو طلب کر لیا، جس میں وزیرپٹرولیم گھریلو صارفین کو گیس کی اووربلنگ کے معاملے پر بریفنگ دیں گے۔وزیراعظم عمران خان کی زیرصدارت وفاقی کابینہ کا اجلاس جمعرات کو اسلام آباد میں ہوگا، جس میں ملک کی سیاسی اور معاشی صورتحال کا جائزہ لیا جائے گا۔ ذرائع کا کہنا ہے کہ کابینہ گھریلو صارفین کے گیس بلوں میں اضافے کے معاملے پر غور کرے گی، وزیر پیٹرولیم اووربلنگ جب کہ وزیرغذائی تحفظ آلو کے کاشتکاروں کو درپیش مسائل پر بریفنگ دیں گے۔اجلاس میں مختلف وزارتوں کی کارکردگی کا جائزہ لیا جائے گا، وزیراعظم حکومت کے آئندہ کے اہداف پر کابینہ کو اعتماد میں لیں گے۔ وفاقی کابینہ کے اجلاس میں 21 نکاتی ایجنڈے پر
غور کیا جائے گا، کابینہ کو اشیائے ضروریہ کی قیمتوں سے متعلق ماہانہ بریفنگ دی جائے گی، پاکستان اور بیلجیئم کے درمیان تجارت کے فروغ سے متعلق پر دستخط ہوں گے، ضمنی انتخابات 2018 کیلئے فنڈزسے متعلق ڈیفنس ڈویڑن کی سمری کی منظوری دی جائےگی۔ آڈٹ اوور سائٹ بورڈ کی تنظیم نو کی منظوری، انسٹی ٹیوٹ آف چارٹرڈ اکائونٹنٹس آف پاکستان کی کونسل کی نامزدگی ایجنڈے میں شامل ہے۔کابینہ پاکستان بیت المال بورڈ کی تشکیل نو پر غور کرے گی، پاکستان رینجرز کے لئے 429 ملین روپے کی سپلیمنٹری گرانٹ کی منظوری بھی ایجنڈے میں شامل ہے۔ اسلام آباد ہائیکورٹ کے سی سی ٹی وی کیمروں کی تبدیلی کیلئے فنڈز کے اجرائ ، اقتصادی رابطہ کمیٹی کے 29 جنوری کے اجلاس کے فیصلوں کی توثیق کی جائے گی۔ صحت سے متعلقہ اداروں کی کابینہ ڈویڑن سے نیشنل ہیلتھ سروسز کو منتقلی کی منظوری دی جائے گی۔