Tag madhuri dixit

ممبئی(ایمرا نیوزآن لائن) بالی ووڈ کی ہر دل عزیز اداکارہ مادھوری ڈکشٹ نے اپنی نئی آنے والی فلم ’کلنک‘ سے متعلق اہم انکشافات کیے ہیں۔بھارتی اخبار ’ہندوستان ٹائمز‘ کے مطابق اداکارہ مادھوری ڈکشٹ نے اپنی اگلی فلم ’کلنک‘ میں ایک بہترین ڈانسر کا کردار ادا کیا ہے، اس حوالے سے اہم انکشافات کرتے ہوئے مادھوری نے بتایا کہ انہوں نے اس فلم میں ڈانسر کا کردار ادا کر کے لوگوں کے دقیانوسی خیالات کو غلط قرار دے دیا کہ ایک اداکارہ ماں بننے کے بعد ایسے کردار نہیں کرسکتی۔

مادھوری ڈکشٹ نے مزید وضاحت کرتے ہوئے کہا کہ فلمی شائقین سمیت کچھ لوگوں کا شاید یہ ماننا ہے کہ ایک اداکارہ شادی کے بعد اور خصوصاً ماں بننے کے بعد ویسے کردار ادا نہیں کرسکتی جیسے وہ شادی سے قبل بخوبی ادا کرلیتی تھی، لیکن انہوں نے لوگوں کے ان خیالات کو غلط اور بے بنیاد قرار دیتے ہوئے بتایا کہ انہوں نے اپنی اگلی فلم میں ایک ڈانسر کا کردار ادا کیا ہے۔ اس کے علاوہ انہوں نے بتایا کہ فلم ’کلنک‘ بہت خاص ہے جس میں وہ سنجے دت کےمد مقابل کام کرتی نظر آئیں گی۔ یاد رہے کہ مادھوری اور سنجے دت 90 کی دہائی کے بعداب ایک مرتبہ پھر ایک ساتھ کام کرتے دکھائی دیں گے۔

میڈیا رپورٹس کے مطابق ہدایت کار ابھیشیک ورمان کی فلم کلنک میں مادھوری سے قبل ’بہار بیگم‘ کا کردار لیجنڈ اداکارہ سری دیوی کو دیا گیا تھا لیکن اُن کی اچانک موت ہوجانے کے بعد یہ کردار مادھوری کو دےدیا گیا۔واضح رہے کہ بھارتی فلم انڈسٹری کی دلکش اداکارہ مادھوری ڈکشٹ 90 کی دہائی کی سب سے مقبول ترین اداکارہ رہی ہیں اور آج بھی اپنی شاندار اور منفرد اداکاری کے باعث وہ لوگوں کے دلوں پر راج کررہی ہیں۔ مادھوری ڈکشٹ اور سنجے دت کے علاوہ فلم میں ورن دھون، عالیہ بھٹ، سوناکشی سنہا اور دیگر کام کرتے نظر آئیں گے جبکہ فلم 17 اپریل کو سنیما گھروں کی زینت بنے گی۔

ممبئی (ایمرا نیوز آن لائن) بالی ووڈ اداکارہ مادھوری ڈکشٹ کا کہنا ہے کہ ابتدا میں میری کئی فلمیں ناکام ہوئیں تاہم 1998 میں ریلیز ہونے والے فلم تیزاب نے مجھے شہرت بخشی۔بالی ووڈ کی دھک دھک گرل مادھوری ڈکشٹ نے حال ہی میں معروف پروگرام کپل شرما شو میں شرکت کی جہاں انہوں نے بتایا کہ ابتدا میں مجھے مقبول نہ ہونے کی وجہ سے معاون اداکارہ کے کردار میں لیا جاتا تھا اور بعد ازاں کئی فلمیں بھی کیں جوکہ ناکامی کی وجہ سے شہرت دلوانے کا سبب نہ بن سکی تھیں۔مادھوری نے بتایا کہ 1988 میں جب فلم تیزاب ریلیز ہوئی تو اس نے میری زندگی ہی بدل دی تھی، مجھے آج بھی یاد ہے جب یہ فلم ریلیز ہوئی تو میں بہن کی شادی کی وجہ سے امریکا میں تھی اور واپس بھارت آنے کے لیے ایئرپورٹ کے لیے اپنی گاڑی کی جانب بڑھی تو وہاں تین بچے موجود تھے جو میری گاڑی صاف کر رہے تھے۔ان تینوں بچوں نے مجھے دیکھ کر آواز بلند کی کہ وہ دیکھو ہیروئن ہیروئن اور پھر وہ تینوں بچے بھاگتے ہوئے میری جانب لپکے اور مجھ سے آٹوگراف مانگنے لگے تو میں نے سائن کرتے ہوئے لفظ ایم لکھ دیا جس پر ان تینوں میں سے کسی ایک نے فوری کہا کہ دیکھا میں نے کہا تھا ناں کہ یہ موہنی ہے اور یہ وہ وقت تھا جب میری پہلی بار عوام میں پہچان بنی کیوں کہ مجھے بالکل بھی اندازہ نہیں تھا کہ اس فلم کی وجہ سے مجھے اتنی شہرت ملے گی۔

ممبئی(شوبز ڈیسک/ایمرا نیوز) نامور بالی ووڈ اداکارہ مادھوری ڈکشٹ سیاست میں قدم رکھنے جا رہی ہیں، بھارت میں 2019 میں ہونے والے عام انتخابات میں بی جے پی ٹکٹ پر پونے سے لڑیں گی۔بھارتی میڈیا رپورٹس کے مطابق حکمران جماعت بھارتیہ جنتا پارٹی (بی جے پی) کے صدر امت شاہ نے جون میں مادھوری ڈکشٹ سے ممبئی میں ان کی رہائش گاہ پر ملاقات کی تھی۔بی جے پی کے سینئر رہنما کا کہنا ہے کہ ’پارٹی نے لوک سبھا کے لئے مادھوری کا نام شارٹ لسٹ کیا ہے، پارٹی 2019 میں ہونے والے عام انتخابات میں مادھوری کو امیدوار کے طور پر لانے کے لئےسنجیدگی سےغور کر رہی ہے۔ہمارا خیال ہے کہ لوک سبھا کے لئے پونے کا حلقہ مادھوری کے لئے ٹھیک رہے گا۔‘انہوں نے کہا کہ اس وقت پارٹی قیادت کئی لوک سبھا نشستوں کے لئے امیدواروں کی فہرست کو حتمی شکل دینے کے عمل میں مصروف ہے۔پارٹی کے ایک اور سینئر رہنما کا کہنا تھا کہ ’وزیر اعظم نریندر مودی نے اس طرح کی حکمت عملی پر گجرات میں اس وقتعمل درآمد کیا تھا جب وہ پہلی بار وزیر اعلی بنے تھے۔انہوں نے بلدیاتی انتخاب کے تمام امیدواروں کو تبدیل کر دیا تھا جس سے پارٹی کو خاصا فائدہ پہنچا تھا۔‘ان کا کہنا تھا کہ ’ الیکشن میں نئے چہرے متعارف کرانے سے تنقید کا سامنا نہیں کرناپڑا تھا جس سے اپوزیشن کو دھچکا لگا اور بی جے پی نے اکثریت حاصل کر لی تھی۔واضح رہے 51 سالہ بھارتی اداکارہ مادھوری کئی مشہور فلموں میں کام کر چکی ہیں جن میں ، دل تو پاگل ہے، ساجن اور دیوداس سر فہرست ہیں۔