Tag naran

لاہور(ایمرا نیوزآن لائن) ٹاؤن شپ پولیس نے قبضہ گروپ منشاء بم کےدوسرے بیٹے عامر منشاء کو بھی گرفتار کرلیا۔ ٹاؤن شپ پولیس ان ایکشن۔ قبضہ گروپ منشاء بم کے بیٹے عامر منشاء کو گرفتار کرلیا گیا۔ ڈی ایس پی ملک اعجاز نے پریس کانفرنس میں بتایا کہ ملزم عامر منشاء کے خلاف دہشت گردی ایکٹ اور دیگر سنگین دفعات کے تحت مقدمات درج ہیں۔ ملزم کو سنگین مقدمات میں ملوث ہونے پروارڈن کی نوکری سے برخاست کیا گیا تھا۔ پولیس حکام کا کہنا ہے کہ ملزم عامر کے دیگر ساتھیوں کی گرفتاری کے لئے بھی چھاپے مارے جا رہے ہیں۔

ملک کی تمام شپنگ کمیونٹی ملک وقوم کے ہمراہ پورے استقلال کے ساتھ فوج کے شانہ بشانہ کھڑی ہے،چیئرمین پاکستان شپس ایجنٹس ایسوسی ایشن
کراچی(ایمرا نیوز آن لائن)پاکستان کی شپنگ انڈسٹری نے بھی بھارتی جارحیت کے خلاف شدید غم وغصہ کا اظہار کیا ہے جبکہ پاکستان کی فضائی حدود کی خلاف ورزی کرنے والے بھارتی جہازوں کے خلاف پر بہادرافواج پاکستان کو سلام پیش کیا ہے۔چیئرمین پاکستان شپس ایجنٹس ایسوسی ایشن (PSAA)اور سابق نائب صدر ایف پی سی سی آئی طارق حلیم نے اس عزم کا اظہار کیا ہے کہ ملک کی تمام شپنگ کمیونٹی ملک وقوم کے ہمراہ پورے استقلال کے ساتھ فوج کے شانہ بشانہ کھڑی ہے اور ہم ہر قدم پر اپنی بہادر فوج کا ساتھ دیں گے۔انہوں نے کہا کہ بھارت نے جارحیت کی پاکستان نے اپنے دفاع میں جواب دیا،پاکستان خطے میں امن چاہتاہے لیکن اس پر کوئی آنچ آئی اور دشمن نے پری نگاہ ڈالی تو پاکستان اسکا بھرپورجواب دے گا۔طارق حلیم نے کہا کہ پاکستانی عوام نے پاک فضائیہ کے جوانوں کو خراج تحسین پیش کرتے ہوئے کہا ہے کہ ہمیں آپ پر فخر ہے کیونکہ آپ نے ایم ایم عالم کی یاد تازہ کردی ہے،پاکستان کی سرحدوں کی حفاظت کیلئے ہماری فوج بھرپور صلاحیت کی حامل اور دنیا کی بہترین فوج ہے جس کا عملی مظاہرہ بھارت کے دو لڑاکا طیاروں کو گرا کر کیاگیا ہے اور ہماری افواج نے بھارت کو یہ باور کرادیا ہے کہ وہ کسی غلط فہمی میں مبتلا نہ رہے اگر دوبارہ پاکستان کی جانب جنگی جہازوں نے آنے کی کوشش کی اور جارحیت کا مظاہرہ کیا تو اسکا اس سے بھی برا انجام ہوگا ۔انہوں نے بھارتی حکمرانوں اور بھارتی فوج کو متنبہ کیا کہ آئندہ پاکستان کے خلاف ناپاک عزائم کو دہرانے سے گریز کرنا کیونکہ بھارت پاکستانی افواج کی فولادی قوت کا مقابلہ نہیں کرسکتا،اس لئے بھارتی حکمران اور وہاں کی فوج اپنے اندر مثبت سوچ کو اجاگر کرے ورنہ انکے ناپاک ارادوں کے خلاف پوری دنیا انکے ہی خلاف ہوچکی ہے، بھارت کسی خوش فہمی میں نہ رہے کیونکہ پاکستان ایک عظیم ایٹمی قوت ہے اور اس کی طرف میلی آنکھ سے دیکھنے والوں کو عبرتناک صورتحال سے دوچار ہونا پڑے گا۔

سینٹ جارجز (ایمرا نیوز آن لائن)انگلینڈ نے ون ڈے انٹرنیشنل کرکٹ کی تاریخ میں اننگز میں زیادہ چھکوں کا نیا عالمی ریکارڈ قائم کر دیا، انگلش ٹیم نے ویسٹ انڈیز کے خلاف کھیلے گئے چوتھے ایک روزہ میچ میں 24 چھکے لگا کر یہ سنگ میل عبور کیا، انگلینڈ نے اننگز میں زیادہ چھکوں کا ویسٹ انڈین ٹیم کا ریکارڈ توڑ دیا جس نے اسی سیریز کے پہلے میچ میں انگلینڈ کے خلاف اننگز میں 23 چھکے لگا کر عالمی ریکارڈ پر قبضہ جمایا تھا۔ انگلینڈ کی طرف سے جوز بٹلر نے 12، مورگن نے 6 جونی بیئرسٹو نے 4 اور ایلکس ہیلز نے 2 چھکے لگائے۔

کمپنی کی فی حصص آمدن بھی 7.59 روپے کے مقابلہ میں 9 روپے فی حصص تک بڑھ گئی
اسلام آباد (ایمرا نیوز آن لائن)رواں مالی سال 2018-19کی پہلی ششماہی میں جولائی تادسمبر کے دوران نشاط ملز لمیٹڈ کے بعد از ٹیکس منافع میں 19 فیصد کا اضافہ ہوا ہے۔ نشاط ملز لمیٹڈ (این ایم ایل) کی مالیاتی رپورٹس کے مطابق جاری مالی سال میں جولائی تا دسمبر 2018کے دوران کمپنی نے 3164 ملین روپے کا خالص منافع کمایا ہے جبکہ گزشتہ مالی سال میں جولائی تا دسمبر 2017کے لئے این ایم ایل کا بعد از ٹیکس منافع 2668 ملین روپے رہا تھا۔ اس طرح گزشتہ مالی سال کی آخری ششماہی کے مقابلہ میںجاری مالی سال کے ابتدائی 6 ماہ کے دوران این ایم ایل کے بعد از ٹیکس منافع میں 496 ملین روپے یعنی 19 فیصد کا اضافہ ریکارڈ کیا گیا ہے جس کے نتیجہ میں کمپنی کی فی حصص آمدن بھی 7.59 روپے کے مقابلہ میں 9 روپے فی حصص تک بڑھ گئی۔

سڈنی (ایمرا نیوز آن لائن) بالی میں عدالت نے ایک آسٹریلوی شہری اور اس کی گرل فرینڈ کو منشیات اسمگلنگ کے مقدمہ میں پانچ سال سزائے قید سنا دی ۔ غیر ملکی خبررساں ادارے کے مطابق پریذائیڈنگ جج کیتوت کیمیارسا نے بتایا کہ برانڈن جانسن اور اس کی گرل فرینڈ ریمی پلوروانتی کو منشیات اسمگلنگ کے مقدمہ میں پانچ سال چار ماہ سزا سنائی گئی ۔ دونوں سے گرفتاری کے وقت 11.6 گرام منشیات برآمد ہوئی تھی ۔ پریذائیڈنگ جج کا کہنا تھا کہ ان کا جرم سنگین تھا کیونکہ انڈونیشیائی حکومت کے انسداد منشیات پروگرام کے خلاف تھا ۔( جاوید)

پاک بھارت تصادم پہلے خطے اور بعد میں دنیا کو غیر مستحکم کر سکتا ہے، ٹویٹر پیغام
اسلام آباد(ایمرا نیوز آن لائن)وزیر اطلاعات فواد چودھری نے کہا ہے کہ دنیا کو سمجھنا چاہیے کہ پاک بھارت تصادم پہلے خطے اور بعد میں دنیا کو غیر مستحکم کر سکتا ہے، آئیں کشیدگی کو کم کرنے کیلئے مل کر آگے بڑھیں۔وزیر اطلاعات فواد چودھری نے اپنے ٹویٹر پیغام میں کہا کہ پاک
بھارت کشیدگی دنیا بھر پر اثرانداز ہوسکتی ہے، پاک بھارت جنگ کی صورت میں دنیا مزید حصوں میں تقسیم ہوگی، دنیا مزید حصوں میں تقسیم ہوتی ہے تو شدت پسندی پروان چڑھے گی۔ انہوں نے کہا پاک بھارت جنگ کی صورت میں خطے اور دنیا کی ہار ہوگی، دنیا سے کہتے ہیں آئیں مل بیٹھ کر کشیدگی کا خاتمہ کریں۔یاد رہے وزیراعظم عمران خان نے گزشتہ روز قوم سے خطاب میں بھارت کو دوبارہ مذاکرات کی پیشکش کی اور کہا بھارت کو یہ بتا دیا کہ ہمارے پاس پوری صلاحیت موجود ہے، پلوامہ کے بعد بھارت کو تحقیقات کی پیشکش کی، بھارت کو آفر کی اگر شواہد فراہم کرے تو ہم تعاون کیلئے تیار ہیں۔

بٹل، منڈہول، چھتروٹہ،سلوئی،جھاوڑہ،بائیں، ککوٹہ کی سول آبادی پرمارٹرگولے داغے گئے، علاقوں میں آمدورفت کا سلسلہ منقطع ، گولہ باری سے مال مویشی بھی ہلاک ،سرحدی علاقوں میں نجی وسرکاری تعلیمی ادارے 4 روزکے لئے بند ، پرچہ جات ملتوی
راولا کوٹ(ایمرا نیوز آن لائن) پاک فوج کی جانب سے کرارا جواب ملنے کے بعد بھی بھارتی فوج کا جنگی جنون ختم ہونے کا نام نہیں لے رہا اورلائن آف کنٹرول پر سول آبادی کو بھاری توپخانے سے نشانہ بنارہی ہے جس کی وجہ سے متعدد مکانات تباہ ہوگئے ہیں۔میڈیا رپورٹ کے مطابق بھارتی فوج نے راولاکوٹ کے بٹل سیکٹر کے علاقوں میں سول آبادی پرشدید گولہ باری کرتے ہوئے متعدد مکانات کو تباہ کیا جب کہ رہائشی زخمی ہوئے۔ صبح 3 بجے بٹل، منڈہول، چھتروٹہ، سلوئی، جھاوڑہ، بائیں، ککوٹہ کی سول آبادی پرمارٹر گولے داغے گئے جس کے بعد سیکٹرکے علاقوں میں آمدورفت کا سلسلہ منقطع ہوکررہ گیا جب کہ گولہ باری سے مال مویشی بھی ہلاک ہوئے۔بھارتی جنگی جنون کے جواب میں پاک فوج بھی منہ توڑ کارروائیاں کررہی ہے تاہم صرف فوجی چوکیوں کو ہی نشانہ بنایا جارہا ہے تاکہ عام شہریوں کو نقصان نہ پہنچے۔راولا کوٹ کے شہریوں کا کہنا ہے کہ بھارتی فوج آئے روز سول آبادی کو نشانہ بنا رہی ہے، عالمی برادری بھارتی جارحیت کا فوری نوٹس لے۔دوسری جانب راولا کوٹ میں ایلیمنٹری بورڈ پونچھ کے پانچویں اورآٹھویں کے ہونے والے پرچہ جات ملتوی اورسرحدی علاقوں میں نجی وسرکاری تعلیمی ادارے 4 روزکے لئے بند کردیئے گئے ہیں۔

این آئی اے کی کارروائیاں ہمیں پرامن جدوجہد سے باز رکھنا ہے ، بیان
سرینگر(ایمرا نیوز آن لائن) حریت کانفرنس”ع“ گروپ کے چیئرمین میرواعظ ڈاکٹر مولوی محمد عمر فاروق نے کہا ہے کہ ہمسایہ ملکوں بھارت اور پاکستان کے مابین بڑھتے ہوئے تناؤ ، کشیدگی اور جنگ و جدل کسی بھی مسئلہ کا حل نہیں ہے اور موجودہ صورت حال سے کشمیری عوام شدید اضطراب اور بے چینی کے ماحول سے گزر رہے ہیں ۔ اپنے ایک بیان میں انہوں نے کہا کہ کشمیر ایک سیاسی اور انسانی مسئلہ ہے لہذا حکومت ہند خطے میں جنگی جنون کو ہوا دینے کے بجائے اس مسئلہ کو پر امن اور جامع مذاکرات کے ذریعہ حل کرے کیونکہ مسئلہ کشمیر کے منصفانہ حل میں تاخیری حربے ہر گزرنے دن کے ساتھ اس پورے خطے کو مزید سیاسی عدم استحکام کی جانب دھکیل رہے ہیں ۔ میرواعظ نے کہا کہ ایک مذموم مہم کے تحت کشمیریوں کی حق و انصاف پر مبنی رواں جدوجہد کو کمزور اور یہاں منافرت کی فضاءکو بڑھاوا دیا جا رہا ہے خاص طور پر الیکٹرانک میڈیا کے ذریعے کشمیریوں پر ہو رہے انسانیت سوز مظالم اور جبر و قہر کے ذریعے ہمارے حق و انصاف پر مبنی حق خود ارادیت کی تحریک کو دبانے کی کوششیں جاری ہیں ۔ انہوں نے کہا کہ مسئلہ کشمیر کے مستقل حل کے لئے گزشتہ ستر برسوں سے دی جا رہی کشمیریوں کی عظیم جانی و مالی قربانیوں کو ہر گز نظر انداز نہیں کیا جا سکتا اور نہ ہی بھارتی حکومت گمراہ کن پروپیگنڈے اور جھوٹ کے سہارے بھارت سمیت بین الاقوامی برادری کو گمراہ کر سکتی ہے ۔ بھارتی تفتیشی ادارے این آئی اے کیجانب سے مزاحمتی رہنماؤں کے گھروں چھاپہ مار کارروائیوں پر تبصرہ کرتے ہوئے میرواعظ نے کہا کہ میری رہائش گاہ میں علی الصبح دو درجن این آئی اے وابستہ افسران اور اہلکار داخل ہو کر گھر اور ملحقہ دفتر کا کونا کونا چھان مارا اور گھروں میں موجود تمام اشیاءکی باریک بینی سے تلاشی لی اور میرا ذاتی موبائل فون ، لیپ ٹاپ ، دفتر ریکارڈ قبضے میں لے لیا اور ان کی رسید بھی نہیں دی انہوں نے کہاکہ ضبط کردہ اشیاءکے تعلق سے این آئی اے کی جابن سے رسید نہ دینا کئی خدشات کو جنم دیتا ہے۔ انہوں نے کہاکہ مذکورہ اشیاءاور کاغذات کی ضبطی کو این آئی اے کی جانب سے اپنے پریس ریلیز میں قابل اعتراض مواد سے تعبیر کرنا مواد سے تعبیر کرنا انتہائی مضحکہ خیز ہے ۔ این آئی اے کے رویہ کو حد درجہ افسوسناک اور قابل مذمت قرار دیتے ہوئے میرواعظ نے کہا کہ ان اعصاب شکن حربوں اور ہتھکنڈوں کا مقصد قیادت پر دھونس اور دباؤ ڈالنے کے ساتھ ساتھ ہمیں اپنے اصولی اور حق و صداقت پر مبنی پرامن جدوجہد سے باز رکھنا ہے تاہم ہم پرعزم ہیں ۔ ( جاوید)

بھارتی طیاروں کی بمباری کی ویڈیو نہیں بلکہ ‘آرما ٹو’ گیم کی ویڈیو ہے جو یوٹیوب گیمنگ چینل ‘ڈبل ڈوپلر’ پر5 جولائی 2015 کو جاری کی گئی تھی،رپورٹ
نیو یا رک(ایمرا نیوز آن لائن)سوشل میڈیا پر زیر گردش ا±س ویڈیو کا غیرملکی خبر رساں ادارے نے بھانڈا پھوڑ دیا جس میں کہا جارہا تھا کہ بھارتی لڑاکا طیاروں نے پاکستان کی حدود میں بمباری کی۔بھارتی شہریوں کی جانب سے اس جعلی ویڈیو کو تیزی سے وائرل کیا گیا جس میں ایک گھر پر لڑاکا طیاروں کو بمباری کرتے دیکھا جاسکتا ہے۔فرا نسیسی خبر رساں ادارے نے ویڈیو کی تفصیلات جاری کرتے ہوئے کہا ہے کہ یہ بھارتی طیاروں کی بمباری کی ویڈیو نہیں بلکہ ‘آرما ٹو’ گیم کی ویڈیو ہے جو یوٹیوب گیمنگ چینل ‘ڈبل ڈوپلر’ پر 5 جولائی 2015 کو جاری کی گئی تھی۔بھارتی پروپیگنڈا کرنے والوں نے گیمنگ ویڈیو کو ایڈٹ کر کے اسے شیئر کیا، اور غیر ملکی ادارے نے اس کی تمام تفصیلات بھی جاری کردی ہیں۔بھارتی شہریوں کی جانب سے جعلی ویڈیو تیزی سے شیئر کی گئی جسے صرف 26 فروری کو ہی 4 لاکھ سے زائد مرتبہ دیکھا گیا اور اسے مسلسل فیس بک پر شیئر کیا جاتا رہا ہے۔یاد رہے کہ بھارت نے دعویٰ کیا تھا کہ اس کے 12 لڑاکا طیارے 26 فروری کو پاکستان کی حدود میں داخل ہوئے اور بالاکوٹ کے مقام پر دہشت گردوں کے کیمپ کو نشانہ بنایا جس میں 300 کے قریب دہشت گرد ہلاک ہوگئے۔دوسری جانب بھارتی دعوے کا بھانڈا اس ویڈیو کی طرح غیر ملکی میڈیا نے بھی پھوڑ دیا ہے، جہاں الجزیرہ ٹی وی کے نمائندوں نے بالاکوٹ کے مقام کا دورہ کیا اور رپورٹ کیا کہ جس جگہ پر بھارتی طیاروں نے ایمونیشن گرایا وہاں کوئی کیمپ نہیں بلکہ درخت تھے۔

پیٹرک شناہان نے خطے کی کشیدہ صورتحال کے بارے میں اعلیٰ امریکی فوجی حکام سے بھی بات کی ہے
واشنگٹن(ایمرا نیوز آن لائن)قائم مقام امریکی وزیر دفاع پیٹرک شناہان کا کہنا ہے کہ پاکستان اور بھارت مزید فوجی کارروائی سے گریز کریں۔امریکی خبررساں ادارے کے مطابق قائم مقام امریکی وزیر دفاع پیٹرک شناہان نے پاک بھارت کشیدگی میں کمی لانے پر دھیان مرکوز رکھتے ہوئے دونوں ممالک پر زور دیاہے کہ وہ مزید فوجی اقدام سے گریز کریں۔پیٹرک شناہان نے اس صورتحال کے بارے میں اعلیٰ امریکی فوجی حکام سے بھی بات کی ہے جب کہ قائم مقام امریکی وزیر دفاع امریکی وزیر خارجہ مائیک پومپیو، جان بولٹن، امریکی جوائنٹ چیف آف اسٹاف جنرل جوزف ایف ڈنفرڈ، انڈو پیسیفک کمان کے سربراہ ایڈمرل فل ڈیوڈ سن اورسنیٹکام کے سربراہ جنرل جوزف وٹل سے بھی رابطے میں ہیں۔دوسری جانب جنوبی ایشیا کے لیے امریکی دفتر خارجہ کی ترجمان ہیلیناوہائٹ کا کہنا ہے کہ امریکی وزیر خارجہ مائیک پومپیو نے بھی پاکستان اور بھارت سے براہ راست رابطہ کرکے خطے میں امن وسلامتی برقرار رکھنے پر زور دیا ہے۔