Tag NATIONAL

لاہور (ایمرا نیوز آن لائن) مسلم لیگ (ن) کی رکن حنا پرویز بٹ نے بھارتی اداکارہ پرنکاچوپڑاسے خیر سگالی سفیر کا عہدہ واپس لینے کے مطالبے کی قرارداد اسمبلی میں جمع کرادی۔بھارتی اداکارہ پرنکاچوپڑا اقوام متحدہ کے ادارہ یونیسف کی گڈول ایمبیسیڈر ہیں ۔ان کی ذمہ داری انسان دوستی اور غیر جانبداری کا پیغام پوری دنیا تک پہنچانا ہے ۔لیکن اداکارہ نے بھارتی فضائیہ کے حملے کی کھل کر حمایت کی ۔لہذا پنجاب اسمبلی کا یہ ایوان اقوام متحدہ سے مطالبہ کرتا ہے کہ بھارتی اداکارہ پرنکا چوپڑا سے یونیسف کی خیر سگالی سفیر کا عہدہ واپس لیا جائے ۔انسانوں میں نفرت پھیلانے والوں کو ایسا عہدہ دینا انسانیت کی توہین ہے۔

24 گھنٹوں سے نکیال ،تتہ پانی ،جنڈروٹ، اور گرم چشمہ سیکٹر زمیں شہری آبادی پر بلا اشتعال فائرنگ و گولہ باری سلسلہ جاری ، پاک فوج کا بھرپور جواب،بھارتی چیک پوسٹیں تباہ
پاک فضائیہ اور نیوی الرٹ ہیں، ترجمان آئی ایس پی آر
راولپنڈی(ایمرا نیوز آن لائن )بھارتی فوج کی لائن آف کنٹرول پر شہری آبادی پر بلا اشتعال فائرنگ اور گولہ باری کے نتیجے میں پاک فوج کے 2جوانوں سمیت 4 پاکستانی شہید جبکہ خاتون سمیت 2 افراد شدید زخمی ہو گئے پاک فوج کی جانب سے بھی بھارتی جارحیت کا بھرپور جواب دیتے ہوئے دشمن کی چوکیوں کو نشانہ بنایا گیا۔پاک فضائیہ اورنیوی کسی بھی صورت حال سے نمٹنے کیلئے الرٹ ہیں۔آئی ایس پی آر کے مطابق بھارتی فوج نے لائن آف کنٹرول کے سیکٹرز نکیال ،تتہ پانی ،جنڈروٹ، اور گرم چشمہ میں شہری آبادی پر بلا اشتعال فائرنگ اور گولہ باری کی جس کے نتیجے میں نکیال سیکٹر میں پاک فوج کے 2 نوجوانوںسمیت4 پاکستانی شہید اور خاتون سمیت 2 افراد شدید زخمی ہو گئے پاک فوج کے شہید ہونے والے جوانوں میں حوالدار عبدلرب اور نائک خرم شامل ہیںجبکہ زخمیوں کو ابتدائی طبی امداد فرہم کرنے کے لئے کوٹلی سیکٹر کے ہسپتال منتقل کردیا گیا ہے پاک فوج نے بھی بھارتی جارحیت کا منہ توڑ جواب دیتے ہوئے دشمن کی چوکیوں کو نشانہ بنایااور پاک فضائیہ سمیت نیوی کو بھی مزید الرٹ کر دیا گیا ہے تاکہ دشمن کی جارحیت کا منہ توڑ جواب دیا جا سکے(اشفاق خان)

لاہور(ایمرا نیوز) بارشیں یوں اچانک ہوئیں، لگا تم شہر میں ہو

حادثہ اوور سپیڈنگ اور روڈ پر بلاکوں کے نصب ہونے کے باعث پیش آیا، زخمی پمز منتقل ، حالت تشویشناک
اسلام آباد (ایمرا نیوز آن لائن) وفاقی دارالحکومت میں ہائی کورٹ کے سامنے رکھے گئے بلاکوں سے سامان شفٹ کرنے والی سوزکی ٹکرا گئی جس سے تین افراد موقع پر ہی جاں بحق ہو گئے اور ایک زخمی ہے۔واقعہ تھانہ رمنا کی حدود میں پیش آیا۔ سامان شفٹ کرنے والی سوزکی گزشتہ رات بجے ہائی کورٹ کے سامنے رکھے گئے بلاکوں سے ٹکرا گئی تھی۔حادثہ اوور سپیڈنگ اور روڈ پر بلاکوں کے نصب ہونے کے باعث پیش آیا۔مقامی افراد نے ریسکیو 1122 کو کال پر اطلاع دی۔ حادثے کی اطلاع ملتے ہیں ٹیمیں جائے وقوعہ پر پہنچیں۔ تین افراد کی میتیں اور ایک زخمی کو پمز اسپتال منتقل کیا گیا ہے۔حادثہ کے نتیجہ میں جاں بحق ہونے والوں کی شناخت عثمان، محمد ضیا اور عبدالرحمن کے نام سے ہوئی ہے۔ حادثہ میں عبدالشکور نامی شخص شدید زخمی ہوا ہے۔ذرائع کا کہنا ہے کہ پمز اسپتال منتقل کیے گئے زخمی کی حالت بھی تشویشناک ہے۔وفاقی دارالحکومت میں سیکیورٹی کے پیش نظر اہم عمارات کے سامنے بلاکس رکھے گئے ہیں لیکن یہ بلاکس رات کی تاریکی میں حادثات کا سبب بھی بن رہے ہیں۔اسلام آباد میں ٹریفک حادثات کی ایک وجہ اوورسپیڈنگ بھی ہے۔ گزشتہ روز بھی اور سپیڈنگ کی وجہ سے کار حادثے میں چار لڑکیاں جاں بحق ہوگئی تھیں اور ایک لڑکا بھی زخمی ہوا۔پولیس کے مطابق 23 فروری 2018 کی صبح ایک کار برساتی نالی میں جاگری تھی ۔ کار میں 5 افراد سوار تھے۔ کارکی پچھلی سیٹ پر بیٹھی تین لڑکیاں موقع پر ہی جاں بحق ہوگئی تھیں جب کہ ایک لڑکی اور لڑکے کو زخمی حالت میں اسپتال منتقل کیا گیا لیکن لڑکی جاںبر نہیں ہوسکی تھی۔واقع کی ابتدائی رپورٹ کے مطابق پربت روڈ پرمارگلہ روڈ کی طرف جاتے ہوئے ایک کار بے قابو ہو کر نالے میں جاگری تھی۔

ممبئی(ایمرا نیوزآن لائن) بالی ووڈ کے نئے گانے نے تحلکہ مچا دیا، دیکھیے زبردست ویڈیو سونگ.

پی ایس ایل4 کےلئے بھی پشاور زلمی کا پورا سکواڈ پاکستان آئے گا :جاوید آفریدی
دبئی (ایمرا نیوز آن لائن)پشاور زلمی کے چیئرمین جاوید آفریدی کا کہنا ہے کہ پشاور زلمی کا پورا سکواڈ پی ایس فور کے میچز کھیلنے کے لیے پاکستان آئے گا۔سوشل میڈیا ویب سائٹ ٹویٹر پر اپنے پیغام میں جاوید آفریدی نے کہا کہ پی سی بی اور تمام فرنچائز نے مل کر پاکستان میں شیڈول کے مطابق آٹھ میچز کھیلنے کا فیصلہ کیا ہے،ماضی کی طرح پشاور زلمی پاکستان میں انٹرنیشنل کرکٹ کی بحالی کو سب سے بڑا مقصد سمجھ کر اپنا کردار ادا کرے گی۔پی ایس ایل ٹو فائنل اور پی ایس ایل تھری کی طرح پشاور زلمی کا پورا سکواڈ پی ایس ایل فور میں پاکستان میں میچز کھیل کر پاکستانیوں کے چہرے پر مسکراہٹیں بکھیرنے اور امن کا پیغام دینے میں پیش پیش ہوگا۔

شاہد آفریدی نے 99 ٹی ٹونٹی میچوں میں 1415 رنز4 نصف سنچریوں کی مدد سے بنائے
لاہور (ایمرا نیوز آن لائن)کرکٹ کی دنیا میں بوم بوم آفریدی کے نام سے شہرت پانے والے کرکٹر شاہد آفریدی نے زندگی کی 39 بہاریں دیکھ لیں۔شاہد خان آفریدی یکم مارچ 1980 کو خیبرایجنسی میں پیدا ہوئے، جارحانہ بیٹنگ کی وجہ سے دنیا بھرمیں بوم بوم کے نام سے مشہور آفریدی نے کرکٹ کی دنیا میں قدم 1996 میں رکھا اور چھاگئے۔ آفریدی نے 27 ٹیسٹ میں 5 سنچریز اور8 نصف سنچریوں کی مدد سے 1716 رنز بنائے جب کہ ان کا بہترین سکور156 رنزرہا۔آفریدی سری لنکا کے خلاف 37 بالزپرتیزترین سنچری کا ریکارڈ بنا کردنیا بھرمیں مشہور ہوگئے۔ ان کا ریکارڈ پہلے نیوزی لینڈ کے کورے اینڈرسن اور پھر جنوبی افریقا کے اے بی ڈی ویلیئرز نے توڑ کر اپنے نام کرلیا۔ 398 ون ڈے میچز میں شاہد آفریدی نے 8064 رنزاسکور کئے جس میں 6 سنچریاں اور39 نصف سنچریاں شامل ہیں جب کہ 99 ٹی ٹونٹی میچوں میں آفریدی نے 1415 رنز4 نصف سنچریوں کی مدد سے بنائے۔شاہد خان آفریدی کو ٹی 20 میں سب سے زیادہ 98وکٹیں لینے کا ریکارڈ حاصل ہے۔شاہد آفریدی کی جارحانہ بلے بازی شائقین کھیل کے دلوں کو گرمانے کے ساتھ ساتھ انکی نبض بھی تیزکردیتی ہے جب کہ بوم بوم کی بالنگ پرمخالف بلے بازوں کی وکٹیں اڑنے کا منظرہمیشہ مداحوں کی بے پناہ خوشی اورمسرت کا باعث بنتا ہے دوسری جانب آفریدی کی سالگرہ پر ان کے مداحوں اور شائقین کرکٹ کی جانب سے کی جانب سے سوشل میڈیا پر پیغامات اور مبارکباد کا سلسلہ جاری ہے۔

بھارت نے پورے ملک کو ایک ہیجانی کیفیت میں مبتلا کر کے عوام کو جنگ کے بھڑکتے شعلوں کو ہوا دینے کے لئے اکسایا ، بیان
سرینگر (ایمرا نیوز آن لائن) کل جماعتی حریت کانفرنس”گ“ گروپ کے چیئرمین سید علی گیلانی نے پاک بھارت کشیدگی اور جنگی صورت حال پر گہری تشویش اور فکرمندی کا اظہار کرتے ہوئے کہا ہے کہ اگرچہ تناؤ بھری سرحدی شروع سے ہی دونوں اطراف کے مکینوں کے لئے خطرہ بنی ہوئی ہیں لیکن گزشتہ چند روز سے اس عارضی جنگبندی لائن پر تعینات فوجیوں کی بندوقیں آگ اگل رہی ہیں اب معمول کی یہ کشیدگی ایک باضابطہ جنگ کا سماں پیدا کر رہی ہے انہوں نے کہا کہ پلوامہ واقعے کی آڑ میں بھارت نے پورے ملک کو ایک ہیجانی کیفیت میں مبتلا کر کے عوام کو جنگ کے بھڑکتے شعلوں کو ہوا د ینے کے لئے اکسایا تاکہ سیاسی روٹیاں سیک کر اپنے آئندہ اقتدار کے لئے راہ ہموار ہوسکے ۔ حریت راہنما نے کہا کہ بھارتی میڈیا چینلوں نے جلتی پر تیل کا کام کر کے اس خاکے میں پوری طرح رنگ بھر دیا جس کے لئے حکومت وقت ایسے موقعوں کی تلاش میں رہتی ہے بھارتی تنصیبات پر ممکنہ حملہ کو بہانہ بنا کر بھارت نے پاکستان فضائی حدود کی خلاف ورزی کر کے بین الاقوامی قواعد و ضوابط کو بھی خاطر میں نہیں لایا۔ اپنے غرور اور تکبر اور بڑے ہوئے کے زعم میں مبتلا بھارت کو پاکستان کی طرف سے حیران کن جواب ملا تو کچھ گھنٹے کی بھارتی جنیونیوں کی خوشیاں یک دم نظر پڑ گئی ۔ کس کا کتنا مالی اور جانی نقصان ہوا اس کو صرف نظر کر کے ایک بات تو طے ہے کہ دونوں طرف جنگ چاہے کوئی بھی جیتے انسانیت ضرور ہارے گی ۔انسانی لہو ضرور بہے گا ، تباہ کاریاں اور اداسیاں ضرور چھائیں گی انہوں نے پاکستان وزیر اعظم کی امن کی درخواستوں کو قابل تحسین قرار دے کر توسیع پسندانہ عزائم رکھنے والے بھارتی ارباب اقتدار کو ہمدردانہ اور مخلصانہ مشورہ دیتے ہوئے کہا کہ انسانی خون کے احترام کی یہ باتیں کمزوری یا پسپائی نہیں ، بلکہ اپنے سینے میں انسانی دل اور اس میں آدمیت کا درد رکھنے والا شخص ہی ایسی باتیں کر سکتا ہے اور اگر اب بھی ان باتوں کو کمزوری سے تعبیر کر کے طاقت کے نشے میں چور ہو کر نظر انداز کیا گیا تو ایسی رشہ کشی نیوکلیائی تصادم میں تبدیل ہوتے دیر نہیں لگے گی ۔ ( جاوید)

لاہور(ایمرا نیوزآن لائن) Tamannaah Bhatia انڈین فلم انڈسٹری کی ایک ہونہال اور خوبصورت اداکارہ ہیں. وہ انڈین فلم انڈسٹری میں اچھا کام کررہی ہیں.Tamannaah Bhatia کے سوشل میڈیا پر بے تحاشا مداح ہیں. 2012 میں یہ خبریں آرہی تھیں کہ Tamannaah Bhatia اور انڈین کرکٹر ویرات کوہلی کے درمیان کچھ چل رہا ہے. Tamannaah Bhatia اور ویرات کوہلی نے 2012 میں ایک اشہتا میں اکھٹے کام کیا تھا، لیکن Tamannaah Bhatia اور ویرات کوہلی نے کھبی اس کے بارے میں کھل کر بات نہیں کی ہے لیکن حال ہی میں ایک انٹر ویو میں Tamannaah Bhatia نے اس بارے میں انکشاف کیا ہے کہ اس اشہتا ر کے بعد انہوں نے کھبی ویرات کے ساتھ بات نہیں کی ہے اور اشہتار میں بھی انہوں نے ویرات کے ساتھ صرف چار الفاظ بولے تھے.
Tamannaah Bhatia کا مزید کہنا تھا کہ ویرات ایک اچھے اداکار ہیں، اور ان کے ساتھ کام کرکے ان کو بہت اچھا لگا تھا.

امریکہ(ایمرا نیوزآن لائن) امریکا میں ہزاروں برف کی سلوںسے تیارکردہ قلعہ عوام کے لیے کھول دیا گیا ہے۔امریکی ریاست نیو ہیمپشائر کے گاؤں شمالی ووڈسٹاک میں ہزاروں برف کی سلوں سے ایک قلعہ تیار کیا گیا ہے، جس میں خوبصورت مجسمے، تخت، خم دار راستے، بچوں کے لیے جھولے، آئس سلائیڈ اور دلکش فوارے شامل ہیں۔قلعے کی خوبصورتی میں اضافے کے لیے رنگ برنگی ایل ای ڈی لائٹس لگائی گئیں ہیں جن سے رات میں اس قلعے کا منظر انتہائی حسین معلوم ہوتا ہے۔