Tag neelumvaleey

میں نے اپنے قائد عمرا ن خان کے حلقے میں نئی ٹرین چلا دی ہے جس سے عوام کو چار گھنٹوں کی کم مدت میں ملتان پہنچائے گی جس سے عوام کو کم وقت میں سفر طے کرنے کی سہولت مہیاءہو گی ،شیخ رشید
چوروں ،لیٹروں کو پی اے سی کمیٹی کا چیرمین ختم کیا جائے جنہوں نے ملک کو لوٹا ہے ان کو عہدو ںپر نہیں بٹھانا بلکہ ان کو جیل میں بٹھانا ہے، وزیر ریلوے
کمرمشانی (ایمرا نیوز آن لائن)راولپنڈی سے ملتان چلنے والی تھل ایکسپریس کا آغاز کر دیا گیا صبح سات بجے راولپنڈی اسٹیشن سے ریل کار نے سفر کا آغاز کیا جو براستہ فتح جنگ ،جنڈ سے گیارہ بجے کے قریب داؤدخیل اسٹیشن پر پہنچی جہاں داؤدخیل کی عوام نے وزیر ریلوے شیخ رشید کا پر تپاک استقبال کیا ان کے ہمراہ ایم این اے و چیرمین دفاعی کمیٹی امجد علی خان بھی ان کے ہمراہ تھے داؤدخیل اسٹیشن پر شیخ رشید نے عوام سے خطاب کرتے ہوئے کہا کہ میں نے اپنے قائد عمرا ن خان کے حلقے میں نئی ٹرین چلا دی ہے جس سے عوام کو چار گھنٹوں کی کم مدت میں ملتان پہنچائے گی جس سے عوام کو کم وقت میں سفر طے کرنے کی سہولت مہیاءہو گی انہوں نے کہا کہ اب چوروں کا وقت ختم ہو چکا ہے انہوں نے کہا کہ 48گھنٹے بعد میں اسمبلی میں ہو گا اور عمران خان کو داؤدخیل کی عوام کی جانب سے ریفرنڈم کا بتاؤں گا کہ انہوں نے اعلان کر دیا ہے کہ چوروں ،لیٹروں کو پی اے سی کمیٹی کا چیرمین ختم کیا جائے جنہوں نے ملک کو لوٹا ہے ان کو عہدو ںپر نہیں بٹھانا بلکہ ان کو جیل میں بٹھانا ہے انہوں نے کہا کہ عمران خان کے حلقے میں کھڑا ہوں اور عمران خان کی وجہ سے داؤدخیل کی عوام کے لیے ماڑی انڈس تا لاہور ٹرین چلانے کا بھی اعلان کرتا ہوں ابھی ٹریک مکمل طور پر درست ہو جائیں تو مزید اس ٹریک پر ٹرینیں چلائیں گے میں ڈی ایس پشاور ناصر خلیلی کو کہوں گا کہ اس ٹریک کو جلد بہتر کیا جائے تاکہ اس پر نائٹ کوچز چلا کر میانوالی کی عوام کو بہتر سفری سہولت مہیا ءکی جائے ۔

اسلام آباد (ایمرا نیوز آن لائن)پاکستان پیپلز پارٹی کے رہنماسعید غنی نے کہا ہے کہ عمران خان نے خودکشی کرنے کی صرف بھڑک ماری تھی، خود کشی کا وعدہ پورا کرنے کے لئے شاید کنٹینر بن رہا ہے۔ایک بیان میںسعید غنی نے کہا کہ اللہ تعالی فرماتے ہیں جو وعدہ کرو پورا کرو۔سعید غنی نے کہا کہ خود کشی کا وعدہ پورا کرنے کے لئے شاید کنٹینر بن رہا ہے۔سعید غنی نے کہا کہ عمران خان قرضہ لینے سے انکار کر رہے ہیں آئی ایم ایف والے منتیں کر رہے ہیں۔ سعید غنی نے کہاکہ مراد سعید دو سو ارب ڈالرلیکر آ رہا تھا اپوزیشن والوں نے لوٹ لیا ۔

ہلاکتوں کی اتنی بڑی تعداد کے باعث موٹروے پولیس اس طرح کی اموات کی روک تھام کے لیے اس بات کو یقینی بنانے کی کوششیں کررہی ہے، ایس ایس پی موٹروے پولیس
اسلام آباد (ایمرا نیوز آن لائن) گزشتہ سال ملک بھر میں سڑک پر ہونے والے حادثات میں 36 ہزار افراد جاں بحق ہوئے۔ہلاکتوں کی اتنی بڑی تعداد کے باعث موٹروے پولیس اس طرح کی اموات کی روک تھام کے لیے اس بات کو یقینی بنانے کی کوششیں کررہی ہے کہ سڑکوں پر عوام ٹریفک قوانین کی پابندی کریں۔یہ بات موٹروے پولیس کے سینیئر سپرنٹنڈنٹ (ایس ایس پی) علی یوسف زئی نے مقامی کالج میں طلبا کو ٹریفک قوانین کی آگاہی فراہم کرنے کے سلسلے میں منعقدہ ایک تقریب سے خطاب کرتے ہوئے کہی۔ایس ایس پی کا مزید کہنا تھا کہ اعداد شمار کے مطابق دنیا بھر میں ٹریفک قوانین کی خلاف ورزی سے ہر سال 12 لاکھ افراد اپنی جان سے ہاتھ دھو بیٹھتے ہیں۔ان کا مزید کہنا تھا کہ اگر ڈرائیورز اور موٹر سائیکل سواروں میں ٹریفک قوانین اور سڑکوں کی علامتوں کا شعور بیدار کر کے اموات کی اس تعداد میں بڑی حد کمی لائی جاسکتی ہے۔علی یوسف زئی کا مزید کہنا تھا کہ موٹروے پولیس نے ٹریفک قوانین کو نظر انداز کرنے والے افراد کے خلاف بلا امتیاز کارروائی کا آغاز کردیا جس کے تحت ڈرائیوروں پر بھاری جرمانے عائد کر کے دورانِ سفر موبائل فونز، ہینڈز فری آلات اور ہیڈ فونز کی حوصلہ شکنی کی جائے گی۔انہوں نے طلبا کو ہدایت کی کہ کار یا موٹر سائیکل چلاتے ہوئے احتیاط سے کام لیں کیوں کہ زندگی سب سے قیمتی شے ہے۔دوسری جانب دو علیحدہ واقعات میں ایک خاتون اور ایک مرد جاں بحق ہوگئے۔سرائے صالح پولیس کے مطابق نورین بی بی خاتون اندھی گولی کا شکار ہو کر ہلاک ہوئی جس پر نامعلوم شخص کے خلاف مقدمے کا اندراج کر کے تفتیش کا آغاز کردیا گیا۔دوسری جانب پیر سوہاوا کے گاں کومل گلی میں سڑک کنارے کھائی میں ٹریکٹر گرنے سے تنویر نامی شخص ہلاک ہوگیا۔

خالص منافع میں 32فیصد تک اضافہ ، مجموعی منافع 5 ارب 70 کروڑ روپے رہا جو گزشتہ برس کے 4 ارب 32 کروڑ روپے سے 32 فیصد زیادہ ہے
اسلام آباد (ایمرا نیوز آن لائن) پاکستان ٹیلی کمیونکیشن کمپنی لمیٹڈ نے اپنے مالیاتی نتائج جاری کرتے ہوئے کہا ہے کہ مجموعی طور پر خالص منافع میں 32 فیصد تک اضافہ ہوا جبکہ اس کا اہم پی ٹی سی ایل 11 فیصد تک گر گیا۔کمپنی کی جانب سے 31 دسمبر 2018 کو ختم ہونے والے سال کے مالیاتی نتائج میں بتایا گیا کہ 2018 میں ٹیکس کے بعد گروپ کا مجموعی منافع 5 ارب 70 کروڑ روپے رہا جو گزشتہ برس کے 4 ارب 32 کروڑ روپے سے 32 فیصد زیادہ ہے۔دوسری جانب فیول اور پاور کی قیمتوں میں اضافہ، سبسکرائبر کے حصول کی اضافی رقم اور روپے کی قدر میں کمی کی وجہ سے سیٹلائٹ/نیٹ ورک کی دیکھ بھال کی قیمت میں اضافے کی وجہ سے غیر متحرک آپریٹنگ منافع میں 9 فیصد تک کمی ہوئی۔انتظامیہ کی جانب سے غیر قانونی/ گرے ٹریفک میں اضافے کو مقامی اور بین الاقوامی وائس میں کمی سے جوڑتے ہوئے کہا کہ سبسکرائبر کی سیلولر سروسز میں منتقلی کی وجہ سے وائس ٹریفک حجم میں کمی ہوئی۔ایک پریس بریفنگ کے دوران صحافیوں کو آگاہ کیا گیا کہ گروپ کی تمام کمپنیز کی جانب سے مثبت شراکت سے 2018 کے لیے پی ٹی سی ایل گروپ کے ریونیو میں 8 فیصد اضافہ ہوا اور یہ 117 ارب 2 کروڑ سے بڑھ کر 126 ارب 20 کروڑ روپے تک رہا۔پی ٹی سی ایل کے سی ای او ڈاکٹر ڈینیل رٹز کا کہنا تھا کہ یوفون کی سیلز میں 13 فیصد اور یو بینک میں 64 فیصد اضافے کے ساتھ چوتھی سہہ ماہی میں گروپ کا ریونیو 13 فیصد تک بڑھا۔ایک مضبوط بنیاد پر کمپنی کا آپریٹنگ منافع گزشتہ برس کے 3 ارب 1 کروڑ روپے کے مقابلے میں 2018 تک 198 فیصد اضافے سے 8 ارب 99 کروڑ روپے ہوگیا۔اس کے ساتھ ساتھ پی ٹی سی ایل کے اہم فکسڈ براڈبینڈ سروسز کے ریونیو میں 2017 کے دوران 6.5 فیصد اضافہ ہوا، ڈینیل رٹز نے دعوی کیا کہ کارپوریٹ کاروبار مسلسل کارکردگی دکھا رہا اور اس نے 13 فیصد کی اچھی ترقی کی۔

جڑواں شہروں میں پولیس اور رینجرز کی ایک ہزار سے زائد چیک پوسٹیں قائم کی جائینگی ، موبائل سروس اور میٹرو بھی دو دن تک معطل رہے گی ، پولیس اور رینجرز کے دو ہزار سے زائد جوانوں کو سکیورٹی کیلئے تعینات کر نے کا فیصلہ
اسلام آباد (ایمرا نیوز آن لائن) سعودی ولی عہد محمد بن سلمان کی آمد کیلئے پولیس کے اعلیٰ حکام نے مثالی سکیورٹی پلان ترتیب دے دیا ہے ۔ جڑواں شہروں میں پولیس اور رینجرز کی ایک ہزار سے زائد چیک پوسٹیں قائم کی جائینگی ، موبائل سروس اور میٹرو بھی دو دن تک معطل رہے گی ، پولیس اور رینجرز کے دو ہزار سے زائد جوانوں کو سکیورٹی کیلئے تعینات کیاجائیگا ، فیض آباد سمیت اسلام آباد داخل ہونے والی تمام انٹرچینجز کوبھی بند کیا جائیگا ۔ تفصیلات کے مطابق سعودی و بن سلمان کی پاکستان میں دو روزہ دورے کیلئے سکیورٹی اقدامات پر سکیورٹی اداروں اور سفارتخانے کا مشترکہ اجلاس ہوا جس میں پولیس کے اعلیٰ حکام نے ولی عہد کی آمد کے موقع پر مثالی سکیورٹی پلان پر بریفنگ دیتے ہوئے بتایا کہ راولپنڈی اسلام آباد میں رینجرز اور پولیس کی مشترکہ ایک ہزار چیک پوسٹیں قائم کی جائینگی جبکہ دونوں شہروں میں ہیوی ٹریفک کا داخلہ بھی بند رہے گا ڈرون یا اس جیسے کھلونے نما ہیلی کاپٹرز کو ہوا میں دیکھتے ہی گولی مارنے کا حکم دیا گیا ہے دودن تک ایئربیس بھی بند رہیں گی جڑواں شہروں کے اہم مقامات پر رینجرز کے اہلکار اور ماہر سنائپرز تعینات رہیں گے اس کے علاوہ جڑواں شہروں میں مخصوص جگہوں پر موبائل سروسز اور میٹرو معطل رکھی جائے گی 2000سے زائد سکیورٹی اہلکار محمد بن سلمان کی سکیورٹی کے فرائض سرانجام دینگے ریڈ زون کو بھی مکمل طور پر سیل کیاجائیگا جبکہ فیض آباد سمیت اسلام آباد داخل ہونے والی تمام انٹر چینجز کو بھی بند رکھا جائے گا( اشفاق خان یوسفزئی )

ٹیکس وصول کرنے والے اداروں کی کارکردگی بہتر بنانے کے لیے اقدامات اٹھائے جارہے ہیں، جام کمال خان
کوئٹہ (ایمرا نیوز آن لائن) بلوچستان کے وزیر اعلی جام کمال خان نے امید ظاہر کیا ہے کہ گڈ گورننس اور ٹیکس وصولی کا نظام موثر بنا کر صوبے کے مالی ذخائر آئندہ کچھ برسوں میں 15 ارب روپے کی موجودہ سطح سے بڑھا کر 40 ارب روپے سالانہ تک پہنچ جائیں گے۔ایکسائز اینڈ ٹیکسیشن ڈپارٹمنٹ کی جانب سے ٹیکس وصولی کے آن لائن نظام کی افتتاحی تقریب سے خطاب کرتے ہوئے وزیراعلی بلوچستان کا کہنا تھا کہ ٹیکس وصول کرنے والے اداروں کی کارکردگی بہتر بنانے کے لیے اقدامات اٹھائے جارہے ہیں۔اس تقریب میں بلوچستان عوامی پارٹی کے بانی سید سعید احمد ہاشمی، وزیراعلی کے مشیر برائے ایکسائز اور ٹیکسیشن ملک نعیم بزئی، صوبائی وزرا اور متعلقہ حکام بھی شریک تھے۔
وزیراعلی جام کمال خان نے ٹیکس جمع کرنے کے لیے آن لائن نظام کو کامیابی کے ساتھ متعارف کروانے پر محکمہ ایکسائز اینڈ ٹیکسیشن کو مبارک باد دی۔ان کا کہنا تھا کہ آن لائن ٹیکس وصولی کا جدید ترین نظام متعارف کرنے کا مقصد نہ صرف صوبے کو مالی طور پر مستحکم بنانا ہے بلکہ ہم آنے والی نسل کا مستقبل بھی محفوط کرنا چاہتے ہیں’۔وزیراعلی کا کہنا تھا کہ بلوچستان کو مالی بحران کا سامنا ہے چناچہ اصلاحات، اداروں کے ڈھانچوں میں تبدیلیاں اور سروس اسٹرکچر کے موجودہ قوانین میں ترامیم کی ضرورت ہے۔ان کا مزید کہنا تھا کہ بلوچستان میں موجودہ پنشن بل 23 ارب روپے کا ہے جو آئندہ 5 برسوں میں 200 ارب روپے تک پہنچ جائے گا۔

واپڈ ا نے آبی ذخائر میں پانی کی آمد و اخراج کی صورتحال جاری کردی
اسلام آباد (ایمرا نیوز آن لائن)واپڈا نے مختلف آبی ذخائر میں پانی کی آمد واخراج کے اعداد وشمار جاری کردیئے ہیں۔ بدھ کو جاری کردہ اعداد وشمار کے مطابق دریائے سندھ میں تربیلاکے مقام پر پانی کی آمد 17500کیوسک اور اخرج 38000کیوسک، دریائے کابل میں نوشہرہ کے مقام پر پانی کی آمد8400 کیوسک اور اخراج8400کیوسک، دریائے جہلم میں منگلاکے مقام پر پانی کی آمد13900کیوسک اور اخراج27500کیوسک، دریائے چناب میں مرالہ کے مقام پر پانی کی آمد13800کیوسک اور اخراج صفر کیوسک ہے۔ تربیلا ڈیم کا کم از کم آپریٹنگ لیول 1386فٹ، ڈیم میں پانی کی موجودہ سطح1423.77 فٹ، ڈیم میں پانی ذخیرہ کرنے کی انتہائی سطح 1550فٹ اور قابلِ استعمال پانی کا ذخیرہ 0.660 ملین ایکڑ فٹ ہے۔ منگلا ڈیم کا کم از کم آپریٹنگ لیول 1050فٹ، ڈیم میں پانی کی موجودہ سطح 1123.70 فٹ، ڈیم میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ 0.890 ملین ایکڑ فٹ ہے۔ چشمہ بیراج کا کم از کم آپریٹنگ لیول 638.15 فٹ، بیراج میں پانی کی موجودہ سطح 641.20 فٹ، بیراج میں پانی ذخیرہ کرنے کی انتہائی سطح 649 فٹ اور قابلِ استعمال پانی کا ذخیرہ 0.044 ملین ایکڑ فٹ ہے۔

کوٹ ادو پاور کمپنی کے بعد از ٹیکس منافع میں رواں مالی سال کی پہلی سہ ماہی کے دوران 43 فیصد اضافہ
اسلام آباد (آن لائن)رواں مالی سال 2018-19کی پہلی سہ ماہی)جولائی تا ستمبر( کے دوران کوٹ ادو پاور کمپنی لمیٹڈ (کے اے پی سی او) کے بعد از ٹیکس منافع میں 43 فیصد کا اضافہ ہوا ہے۔ کمپنی کے مالیاتی اعداد وشمار کے مطابق جاری مالی سال میں جولائی سے ستمبر 2018کے لئے کمپنی کا بعد از ٹیکس نفع 3116 ملین روے تک بڑھ گیا جبکہ گزشتہ مالی سال کے اسی عرصہ کے دوران کمپنی نے 2181 ملین روپے کا خالص منافع کمایا تھا۔ اس طرح گزشتہ مالی سال کے ابتدائی تین ماہ کے مقابلہ میں رواں مالی سال کی پہلی سہ ماہی کے دوران کوٹ ادو پاور کمپنی لمیٹڈ کے بعد از ٹیکس منافع میں 935 ملین روپے یعنی 43 فیصد کا اضافہ ہونے سے کمپنی کی فی حصص آمدنی بھی 2.48 روپے کے مقابلہ میں 3.54 روپے فی حصص تک بڑھ گئی۔

اسلام آباد (ایمرا نیوز آن لائن)حکومت نے تیل اور گیس کے شعبے میں سرمایہ کاری بڑھانے کے لئے نئے بلاک نیلامی کے لئے پیش کرنے کا فیصلہ کیا ہے۔ پٹرولیم ڈویژن کے ذرائع کے مطابق اس وقت ملک میں گیس کی مجموعی پیدوار4 ارب مکعب فٹ یومیہ اور تیل کی پیداوار 95 ہزار بیرل یومیہ ہے جس سے ملکی طلب کا صرف 15 فیصد پورا ہوتا ہے ۔ تیل اور گیس کے شعبے میں نئے بلاکس نیلامی کے لئے پیش کئے جا رہی ہیں جن کا مقصد تیل اور گیس کی پیداوار بڑھانا ہے اس وقت ملک کو یومیہ تقریبا 2 ارب مکعب فٹ گیس کی کمی کا سامنا ہے، تیل اور گیس کے شعبے میں ملکی اور غیر ملکی کمپنیوں کی سرمایہ لئے حوصلہ افزائی کی جارہی ہے تاکہ اس شعبے میں پیداوار بڑھا کر درآمدی بل میں کمی لائی جا سکے۔

ممبئی (ایمرا نیوز آن لائن) بالی ووڈ اداکارہ مادھوری ڈکشٹ کا کہنا ہے کہ ابتدا میں میری کئی فلمیں ناکام ہوئیں تاہم 1998 میں ریلیز ہونے والے فلم تیزاب نے مجھے شہرت بخشی۔بالی ووڈ کی دھک دھک گرل مادھوری ڈکشٹ نے حال ہی میں معروف پروگرام کپل شرما شو میں شرکت کی جہاں انہوں نے بتایا کہ ابتدا میں مجھے مقبول نہ ہونے کی وجہ سے معاون اداکارہ کے کردار میں لیا جاتا تھا اور بعد ازاں کئی فلمیں بھی کیں جوکہ ناکامی کی وجہ سے شہرت دلوانے کا سبب نہ بن سکی تھیں۔مادھوری نے بتایا کہ 1988 میں جب فلم تیزاب ریلیز ہوئی تو اس نے میری زندگی ہی بدل دی تھی، مجھے آج بھی یاد ہے جب یہ فلم ریلیز ہوئی تو میں بہن کی شادی کی وجہ سے امریکا میں تھی اور واپس بھارت آنے کے لیے ایئرپورٹ کے لیے اپنی گاڑی کی جانب بڑھی تو وہاں تین بچے موجود تھے جو میری گاڑی صاف کر رہے تھے۔ان تینوں بچوں نے مجھے دیکھ کر آواز بلند کی کہ وہ دیکھو ہیروئن ہیروئن اور پھر وہ تینوں بچے بھاگتے ہوئے میری جانب لپکے اور مجھ سے آٹوگراف مانگنے لگے تو میں نے سائن کرتے ہوئے لفظ ایم لکھ دیا جس پر ان تینوں میں سے کسی ایک نے فوری کہا کہ دیکھا میں نے کہا تھا ناں کہ یہ موہنی ہے اور یہ وہ وقت تھا جب میری پہلی بار عوام میں پہچان بنی کیوں کہ مجھے بالکل بھی اندازہ نہیں تھا کہ اس فلم کی وجہ سے مجھے اتنی شہرت ملے گی۔