Tag November

ساہیوال (ایمرا نیوز آن لائن)سانحہ ساہیوال کی عدالتی تحقیقات کرنے والے جج کی جانب سے ایک عوامی نوٹس جاری کیا گیا ہے جس کے مطابق شہریوں سے واقعے سے متعلق ثبوت فراہم طلب کیے گئے ہیں۔یہ عوامی نوٹس واقعے کی عدالتی تحقیقات کرنے والے افسر (جے آئی او) سینئر جج شکیل احمد گورایا کی جانب سے جاری کیا گیا ہے۔نوٹس میں کسی بھی قسم کے ثبوتوں کی فراہمی اور بیان کے ریکارڈ کروانے کے حوالے سے بتایا گیا ہے کہ خواہشمند افراد جے آئی او کی عدالت میں 22 سے 23 فروری کو شام 4 بجے تک پیش ہو کر ثبوت فراہم کرسکتے ہیں اور ان افراد کو قومی شناختی کارڈ کی کاپی کے ہمراہ آنے کی ہدایت کی گئی ہے۔نوٹس میں مزید کہا گیا کہ ‘ایسے افراد کو بعد ازاں عدالت کی جانب سے بیان ریکارڈ کروانے کے لیے طلب کیا جائے گا’۔سرکاری ذرائع کے مطابق جے آئی او 25 فروری کو جائے وقوع کا دورہ بھی کریں گے، جہاں 19 جنوری کو پولیس نے ایک کار پر فائرنگ کرکے ایک خاتون اور ایک کم عمر لڑکی کے ساتھ 4 افراد کو قتل کردیا تھا۔خیال رہے کہ 18 فروری کو شکایت کنندہ محمد جلیل، صحت کی خرابی کے باعث جے آئی او کے دفتر بیان ریکارڈ کروانے نہیں پہنچ سکے تھے اور عدالت نے انہیں 22 فروری کو دوبارہ طلب کیا ہے۔واضح رہے کہ لاہور ہائیکورٹ کے چیف جسٹس نے مقتولین کے اہل خانہ کی درخواست پر سانحہ ساہیوال کی عدالتی تحقیقات کا حکم دیا تھا، جس کا سربراہ سینئر جج شکیل احمد کو مقرر کیا گیا۔ذرائع کے مطابق جے آئی او نے پوسف والا تھانے کے ایس ایچ او امداد بلوچ کو آئندہ سماعت پر محمد جلیل کی حاضری کو یقینی بنانے کے لیے بھی ہدایات جاری کی ہیں اور اس کے لیے نئے سمن بھی فریقین کو جاری کردیئے گئے ہیں۔

امدادا خیبرپختونخوا، سندھ اور بلوچستان میں ان اقدامات کے لیے دی فراہم کی جائے گی،
غذائی قلت سے لڑنے، ذریعہ معاش بہتر بنانے اور قدرآتی آفات سے بہتر انداز میں نمٹا جائیگا
اسلام آباد (ایمرا نیوز آن لائن) جاپان کی حکومت نے اعلان کیا ہے کہ وہ غذائی قلت سے لڑنے، ذریعہ معاش بہتر بنانے اور قدرآتی آفات سے نمٹنے میں اضافے کے لیے پاکستان کو ایک کروڑ 60 لاکھ ڈالر کی بڑی امداد دے گی۔ یہ امدادا خیبرپختونخوا، سندھ اور بلوچستان میں ان اقدامات کے لیے دی فراہم کی جائے گی۔حالیہ امداد جاپانی حکومت کے اقوام متحدہ کے ترقیاتی پروگرام (یو این ڈی پی) اور ورلڈ فوڈ پروگرام (ڈبلیو ایف پی) کے ساتھ اسلام آباد میں ہونے والی شراکت داری کا حصہ ہے۔ان ایک کروڑ 60 لاکھ ڈالر میں سے 35 لاکھ ڈالر خیبرپختونخوا میں تیزی سے غذائی قلت کا شکار ہونے والی ایک لاکھ 55 ہزار ماں اور بچوں کے فوری علاج کے لیے استعمال کیے جائیں گے، ان میں وہ خاندان بھی شامل ہوں گے جو افغانستان سے بے گھر ہیں اور یہاں آباد ہیں۔اس حوالے سے ڈبلیو ایف پی کے نمائندے فن بار کیورن کا کہنا تھا کہ ڈبلیو ایف پی غذائی قلت کا شکار ماں اور بچوں کی ہنگامی طور پر غذائی امداد فراہم کرنے میں جاپانی حکومت کے مسلسل تعاون پر انتہائی شکر گزار ہے۔انہوں نے کہا کہ ہمیں فخر ہے کہ ہم پاکستان کے بہت زیادہ کمزور خاندان میں سے کچھ سی مدد کے لیے ساتھ کام کر رہے ہیں۔خیال رہے کہ جاپانی معاونت میں 35 لاکھ 50 ہزار ڈالر خیبرپختونخوا کے قبائلی علاقوں میں یو این ڈی پی کے استحکام کے ذریعے بہتر ذریعہ معاش کے اقدام کے لیے بھی شامل ہیں۔اس سے کرم اور اورکزئی قبائلی اضلاع میں 20 ہزار 7سو افراد کی بنیادی سہولیات تک رسائی، اقتصادی مواقع میں بہتری اور سماجی ہم آہنگی کو بہتر بنانے میں مدد ملے گی۔علاوہ ازیں حاپانی حکومت قدرتی آفات، پائلٹ سونامی ابتدائی انتباہی نظام اور سمندری آفات سے ساحلی آبادیوں خاص طور پر خواتین اور بچوں کی حفاظت کے لیے قومی اور مقامی سطح پر اقدامات کے لیے بھی مدد کرے گی۔اس اقدامات کا اطلاق کراچی کے ضلع ملیر اور غربی اور گوادر کے ضلع میں ہوگا اور اس منصوبے سے 15 ہزار لوگوں کو فائدہ ہوگا۔

ترک قوم کا پاکستان کے ساتھ گہرا رشتہ ہے، برابری کی بنیادوں پر دو طرفہ تجارت کریں گے، تولگا اوچک
کراچی(ایمرا نیوز آن لائن) ترکی کے قونصل جنرل تولگا اوچک نے کہا ہے کہ صدر طیب ارودگان اگلے ماہ پاکستان کے دورے کے موقع پر بڑا اعلان کریں گے۔ انہوں نے کہا ہے کہ ترکی پاکستان کے ساتھ برابری کی بنیادوں پر تجارت کرے گا، پاکستان کے ساتھ ترکی کا اٹوٹ رشتہ ہے جو آنے والے وقت کے ساتھ مضبوط تر ہوگا۔ ای کامرس کے تحت پاکستان آنے والے ترکی کی ٹاپ ٹین کمپنیوں کے وفد کے سربراہوں پر مشتمل اعلی سطحی وفد کی پاکستانی کمپنیوں کے ساتھ بی ٹی بی کے سلسلے میں منعقد کی گئی تقریب سے خطاب کرتے ہوئے قونصل جنرل تولگا اوچک نے کہا کہ ترکی برادر اسلامی ملک پاکستان کے ساتھ نا صرف دفاعی تعاون بلکہ ٹیکنالوجی اورکاروبار کے ہر شعبے میں شانہ بشانہ اپنا کردار ادا کرے گا۔انہوں نے کہا کہ ترکی پاکستان کے سی پیک منصوبوں میں بھی گہری دلچسپی رکھتا ہے، ان منصوبوں میں شراکت کے لئے ترکی کی اعلی قیادت پاکستان سے رابطے میں ہے۔تولگا اوچک نے کہا کہ ترکی کا تجارتی حجم 200 ارب ڈالر ہے جبکہ برابری کی بنیادوں پر تجارت سے پاکستان کی برآمدات کر فروغ حاصل ہوگا۔ ترکی کے قونصل جنرلنے کہا کہ ای کامرس کے تحت بی ٹو بی کے ذریعے پاکستان کے ایس ایم ای شعبے کے کاروباری شراکت کے مواقع میسر آئے ہیں۔ہماری خواہش ہے کہ پاکستان کا ایس ایم ای شعبہ ترقی کرے اس شعبے کے چھوٹی صنعتوں کے فروغ سے مقامی سطح پر ملازمتوں کے مواقع بڑھیں گے۔ممبر ٹرکش الیکٹرو ٹیکنالوجی (ٹی ای ٹی) ہکان اوزترک نے کہا کہ پاکستان کے دورے کے دوران کراچی اور لاہور کے صنعتکاروں اور چیمبرز کے عہدیداروں سے ملاقاتیں کریں گے تاکہ دونوں ممالک کے درمیان کاروبار کو بڑھایا جاسکے۔ اس موقع پر ای کامرس کے نائب صدر عمیر نظام نے بتایا کہ ترکی کی سرفہرست 13 کمپنیوں کا 20 رکنی وفد پانچ روزہ دورے کے دوران الیکٹریکل اور الیکٹرانکس کے شعبے میں پاکستانی کمپنیوں کے ساتھ دو طرفہ تجارت کے معاہدے کرے گا۔ وفد کراچی کے بعد لاہور میں بھی مختلف کمپنیوں کے ساتھ بی ٹو بی کرے گا۔

فوڈ پراڈکٹس کے اجزاءپر اردو ، انگریزی پرنٹنگ ، پیکیجنگ پر حلال سرٹیفیکیشن لوگو پرنٹ لازمی قرار، نوٹیفیکیشن
اسلام آباد(ایمرا نیوز آن لائن)حکومت نے ملک میں فوڈ اشیاءکی درآمد پر نئی شرائط عائد کرتے ہوئے آئندہ فوڈ پراڈکٹس کے اجزاءکو اردو ، انگریزی میں پرنٹ کرنا لازم قرار دے دیا ہے ۔جس کا نوٹیفیکیشن جاری کر دیا گیا ہے ۔تفصیلات کے مطابق بدھ کے روز وزارت تجارت نے ملک میں فوڈ اشیاءکی درآمد پر نئی شرائط عائد کر دی ہیں ۔ جس کا نوٹیفیکیشن جاری ہو گیا ہے ۔ نوٹیفیکیشن کے مطابق فوڈ پراڈکٹس کے اجزاءکو اردو اور انگریزی میں پرنٹ کرنا لازمی قرار دیا گیا ہے ۔ اس کے علاوہ پیکیجنگ پر حلال سرٹیفکیشن لوگو بھی پرنٹ کرنا لازم قرار دیا گیا ہے ۔ وزارت تجارت کے مطابق فوڈ آئٹم لیبل کی ضروریات انسانی صحت کے لئے بے حد ضروری ہے ۔( جاوید/ اشفاق)

نیو یارک(ایمرا نیوز آن لائن) پانچ بار فارمولا ون کار ریس کے ورلڈ چیمپیئن رہنے والے لوئس ہملٹن کی غیر اخلاقی ویڈیو انٹرنیٹ پر لیک ہوگئی غیر ملکی میڈیا کے مطابق 40 سالہ امریکی گلوکارہ نکول شرزنگر کا ماضی میں فارمولا ون ڈرائیور لوئس ہملٹن کے ساتھ معاشقہ رہا ہے۔ دونوں 8 سال تک ایک دوسرے کے ساتھ رہے اور 2015 میں ان کا بریک اپ ہوا تھا۔ اتوار کے روز ہیکرز نے دونوں کی انتہائی لمحات کی موبائل فون سے بنائی گئی ویڈیو انٹرنیٹ پر لیک کردی۔ ویڈیو منظر عام پر آتے ہی پوری دنیا میں ہنگامہ برپا ہوگیا اور پہلی ہی رات ڈھائی منٹ کے اس کلپ کو 2 لاکھ 86 ہزار لوگوں نے دیکھا۔دوسری جانب گلوکارہ نکول نے ویڈیو انٹرنیٹ سے ہٹوانے کیلئے اپنے وکلا سے رابطہ کرلیا ہے۔ ان کے ایک قریبی ذریعے کا کہنا ہے کہ گلوکارہ اس ویڈیو کے منظر عام پر آنے کے باعث بہت افسردہ ہیں اور پریشان ہیں، انہیں خدشہ ہے کہ کہیں ان کا مزید ڈیٹا بھی آن لائن پوسٹ نہ کردیا جائے، نکول نے اپنے موبائل سے یہ ویڈیو عرصہ پہلے ڈیلیٹ کردی تھی.

ایونٹ کو یادگار بنانے کے لیے شاندار ریکارڈز شیئر کر دیئے،، ورلڈ کپ 2015 میں سب سے زیادہ 38 سنچریز بنیں
دبئی(ایمرا نیوز آن لائن) انٹرنیشنل کرکٹ کونسل نے ون ڈے ورلڈکپ کا 100 روزہ کاؤنٹ ڈاؤن شروع کر دیا، شاندار ریکارڈز نے ایونٹ کو ابھی سے یادگار بنا دیا۔آئی سی سی نے ورلڈکپ کا 100 روزہ کاؤنٹ ڈاؤن کرتے ہوئے ایونٹ کو یادگار بنانے کے لیے شاندار ریکارڈز شیئر کر دیئے۔ کرکٹ کے سپر میگا ایونٹ میں ماسٹر بلاسٹر سچن ٹنڈولکر چھ سینکڑوں کے ساتھ ٹاپ پر ہیں۔پانچ پانچ سنچریاں بنانے بیٹسمین رکی پونٹنگ اور کمارسنگا کارا ہیں، ورلڈ کپ 2015 میں سب سے زیادہ 38 سنچریز بنیں۔ آئرلینڈ کے کیون اوبرائن نے 2011 کے ورلڈ کپ میں 50 گیندوں پر یعنی تیزترین سنچری سکور کی۔ آئرلینڈ ہی سے تعلق رکھنے والے بلے باز پال سٹرلنگ 20 سال اور 196 دن کی عمر میں ورلڈ کپ سنچری بنا کر کم عمر ترین کھلاڑی بنے۔ 38 سال اور 135 دن کے سری لنکن لیجنڈری تلکا رتنے دلشان عمر رسیدہ سنچری میکر بنے۔سب سے زیادہ پانچ بار کے ورلڈ چیمپئن آسٹریلیا کے بلے بازوں کو سب سے زیادہ 26 سنچریز بنانے کا اعزاز حاصل ہے، لیجنڈری رکی پونٹنگ نے بطور کپتان ورلڈکپ 2003 کے فائنل میں ناٹ آؤٹ 140 کی شاندار اننگز کھیل کر ایونٹ کو یادگار بنا دیا تھا۔

بھارتی کمپنی کی طرف سے انکار کئے جانے کے بعد پی سی بی کے متبادل کمپنی سے معاملات طے پاگئے تھے
شارجہ(ایمرا نیوز آن لائن) پی ایس ایل فور کے شارجہ میں میچز براہ راست دکھانے کیلیے تیاریاں مکمل کرلی گئی ہیں۔نشریاتی حقوق رکھنے والی بھارتی کمپنی کی طرف سے انکار کئے جانے کے بعد پی سی بی کے متبادل کمپنی سے معاملات طے پاگئے تھے، گزشتہ روز کمپنی کے اسٹاف نے اپنی تنصیبات مکمل کرلیں۔یاد رہے کہ پلوامہ حملوں کے تناظر میں پی ایس ایل کے نشریاتی حقوق رکھنے والی کمپنی نے مزید کام جاری رکھنے سے انکار کردیا تھا،اتوارکو دبئی میں میچز کے بعد پی سی بی نے متبادل انتظامات کیلیے کوشش شروع کردی تھی۔

انسانی حقوق کی خلاف ورزی کرنیوالے ممالک سے تجارت نہ کی جائے، یورپین ارکان پارلیمنٹنے اقوام متحدہ انسانی حقوق کمشنر رپورٹ کی حمایت کر دی
اسلام آباد(ایمرا نیوز آن لائن) یورپین ارکان پارلیمنٹ نے اقوام متحدہ انسانی حقوق کمشنر رپورٹ کی حمایت کرتے ہوئے کہا ہے کہ بھارت مقبوضہ کشمیرمیں مظالم بند اور قتل عام بند کرے۔تفصیلات کے مطابق یورپین ارکان پارلیمنٹ نے اقوام متحدہ انسانی حقوق کمشنر رپورٹ کی حمایت کردی۔یورپین ارکان پارلیمنٹ نے بھارتی موقف کی مخالفت کردی۔بھارت مقبوضہ کشمیرمیں مظالم بند کرے۔بھارت مقبوضہ کشمیرمیں قتل عام بند کرے۔انسانی حقوق کی خلاف ورزی کرنیوالے ممالک سے تجارت نہ کی جائے۔واضح رہے کہ کشمیر میں بھارتی فوج کی ظلم و ستم کی داستانیں 7دہائیوں پر محیط ہیں،ان 70 سالوں میں بھارتی فوج نے بربریت کی وہ وہ داستانیں رقم کیں جن کو سن کر انسانیت کا سر شرم سے جھک جاتا ہے۔ان 70سالوں میں وادی کشمیر کی آزادی کی تحریک بہت سے نشیب و فراز سے گزری تاہم کوئی بھی ظلم اور دباو کشمیری عوام کی اس جدوجہد کو دبا نہ سکا۔بھارت فوج نے ہر حربہ اپنا کر دیکھ لیا تا ہم اس حوالے سے انہیں ہر محاذ پر منہ کی کھانی پڑی۔گزشتہ دو دہائیوں میں جتنا عروج تحریک آزادی کشمیر کو برہان وانی کی شہادت کے بعد ملا اسکی مثال نہیں ملتی۔یہ تحریک اب ایک ایسا طوفان بن چکا ہے جس کو روکنا بھارتی فوج کے بس کا کھیل نہیں ہے۔اس حوالے سے بھارت فوج کے اکثر افسران بھی حقیقت کا اعتراف کرتے نظر آتے ہیں ،تاہم بھارت اپنی ڈھٹائی اور اٹوٹ انگ کے راگ الاپنے سے باز نہیں آتا۔یہاں تک کہ بھارت کی یہ غیر انسانی ضد اب تک سینکڑوں کشمیریوں کی جان لے چکی ہے۔

مفرور ملزمان کی گرفتاری کےلئے انٹر پول سے رابطہ کیا جائے‘ چالان عدالت میں پیش
کراچی(ایمرا نیوز آن لائن)چینی قونصل خانے پر حملے میں دہشتگردوں کو بھارتی دہشت گرد خفیہ ایجنسی ”را “کی مالی معاونت کا انکشاف ہوا ہے۔بدھ کے روز کراچی میں چینی قونصل خانے پر حملے کا عبوری چالان انسداد دہشتگردی کی منتظم عدالت میں جمع کرادیا گیا۔ چالان میں کہا گیا کہ عبداللطیف سمیت 2 ملزمان اپنے جرم کا اعتراف کرچکے ہیں، دونوں ملزمان نے مجسٹریٹ کے روبرو زیر دفعہ 164 کا بیان قلمبند کرایا ہے۔سی ٹی ڈی نے چالان میں انکشاف کیا ہے کہ دہشت گردوں کی بھارتی ایجنسی ’را‘ نے مالی معاونت کی، سی ٹی ڈی نے مفرور ملزمان کی انٹر پول کے ذریعے گرفتاری کی سفارش بھی کی ہے۔ چالان کے متن کے مطابق مفرور ملزمان کی گرفتاری کےلئے انٹر پول سے رابطہ کیا جائے، ملزمان میں احمد حسنین، نادر خان، علی احمد، عبداللطیف اور اسلم شامل ہیں۔عبوری چالان کے مطابق ملزمان نے ہلاک ہونےوالے دہشتگردوں کو سہولت فراہم کی، چالان میں پانچ سے زائد دہشتگردوں کو مفرور قرار دیا گیا ہے جبکہ مفرور ملزمان میں حربیار مری ، علی داد بلیدی، کمانڈر شریف، راشد حسین اور سمیر شامل ہیں۔

ڈیمو کریٹ پینل نے منصوبے کی تحقیقات شروع کر دیں ،اقدام سے مشرق وسطی میں عدم استحکام اور جوہری ہتھیاروں کی دوڑ کو بڑھاوا ملے گا، پینل
واشنگٹن(ایمرا نیوز آن لائن)امریکی کانگریس کی ایک نئی رپورٹ میں کہا گیا ہے کہ امریکہ سعودی عرب کو حساس جوہری ٹیکنالوجی منتقل کرنے کا ارادہ رکھتا ہے۔وائٹ ہاؤس کے ایک ڈیمو کریٹ پینل نے اس حوالے سے تحقیقات شروع کر دی ہیں کہ آیا وائٹ ہاؤس واقعی سعودی عرب میں ایک جوہری ری ایکٹر تعمیر کرنے کا منصوبہ رکھتا ہے۔اس حوالے سے خبردار کرنے والوں کا کہنا ہے کہ اس اقدام سے مشرق وسطی میں عدم استحکام پیدا ہوگا اور جوہری ہتھیاروں کی دوڑ کو بڑھاوا ملے گا۔ایوانِ نمائندگان کی نگراں کمیٹی کے مطابق اس معاملے کی ’تحقیقات خاص طور پر ضروری ہیں کیونکہ بظاہر انتظامیہ کی جانب سے سعودی عرب کو امریکہ کی حساس جوہری ٹیکنالوجی کی منتقلی کا عمل جاری ہے۔‘امریکی صدر ڈونلڈ ٹرمپ نے 12 فروری کو وائٹ ہاؤس میں جوپری توانائی بنانے والے افراد سے ملاقات کی اور سعودی عرب سمیت مشرق وسطی کے ممالک میں جوہری پلانٹس لگانے کے حوالے سے بات چیت کی۔صدر ٹرمپ کے داماد اور وائٹ ہاوس کے شمیر جیرڈ کشنر بھی رواں ماہ مشرق وسطی کا دورہ کریں گے تاکہ ٹرمپ انتطامیہ کہ امن منصوبے کے معاشی پہلوؤں کے بارے میں تبادلٓ خیال کر سکیں۔سعودی عرب کا کہنا ہے کہ اسے اپنی توانائی کے ذرائع بڑھانے کے لیے جوہری توانائی کی ضرورت ہے۔تاہم امریکی میڈیا کے مطابق اس کی حریف ریاست ایران کی جوہری ٹیکنالوجی کے ہوتے ہوئے اس حوالے سے خدشات پائے جاتے ہیں۔ناقدین کا کہنا ہے کہ سعودی عرب کی امریکی جوپری ٹیکنالوجی تک رسائی خطے میں ہتھیاروں کی ایک خطرناک دوڑ شروع کر سکتی ہے۔یہ رپورٹ وسل بلوئر یعنی خبردار کرنے والوں کے کچھ بیانات اور دستاویزات پر مبنی ہے جن میں ٹرمپ انتظامیہ کے اہلکاروں اور جوہری کمپنیوں کے درمیان رابطوں کی تفصیلات ہیں۔اس کے مطابق امریکہ کے اندر کچھ مضبوط نجی کمرشل سطح پر اس حوالے دلچسپی پائی جاتی ہے اور وہ شدت سے حساس جوہری ٹینالوجی کے سعودی عرب منتقل کیے جانے کے لیے دباؤ ڈال رہے ہیں۔یہ کمرشل ادارے سعودی عرب میں ان جوہری سہولیات کی تعمیر کے کنٹریکٹس کی مدد سے اربوں ڈالر کما سکتے ہیں۔ ’رپورٹ کے مطابق صدر ڈونلڈ ٹرمپ اس سارے معاملے میں براہِ راست ملوث ہیں۔وائٹ ہاؤس نے تاحال اس حوالے سے کوئی بیان جاری نہیں کیا ہے۔