Tag pakistan

7اعلیٰ افسروں سمیت 57کے تبادلے، 141پولیس افسر موٹر وے بھیج دیئے گئے
3پروفیسروں، سکول ایجوکیشن کے 4افسروں کی ترقی، کسٹم میں بھی اکھاڑ پچھاڑ
لاہور(ایمرا نیوز)سانحہ ساہیوال کے بعد سرکاری عہدے سے ہٹانے جانے والے سی ٹی ڈی سربراہ رائے طاہر خان کو دوبارہ سی ٹی ڈی کا سربراہ تعینات کر دیا گیا۔ رائے طاہرآج سے عہدے کا چارج سنبھال لیں گے۔علاوہ ازیں حکومت نے 22افسروں کی ترقی،7اعلیٰ افسروں سمیت 57کے تقرروتبادلے کردیئے۔محکمہ بلدیات کے 22افسران کی ترقی سمیت 50افسران کے تقرر و تبادلے کے احکامات جاری کر دیئے گئے ہیں۔ نوٹیفکیشن کے مطابق رضوان احمد کو ڈائریکٹوریٹ جنرل آئی اینڈ ایم میں ڈائریکٹر ایڈمن ،سید نجف علی کو میونسپل آفیسر ریگولیشن ساہیوال، رفاقت علی کو میونسپل آفیسر ریگولیشن قصور، ناصر محمود وڑائچ کو چیف آفیسر پنڈی گھیب، فرحت زہرہ کو میونسپل آفیسر ریگولیشن فیروز والہ، اسلم گھمن کو چیف آفیسر نارووال، خالد اقبال کو میونسپل آفیسر ریگولیشن کوٹ مومن، عامر افضل کو میونسپل آفیسر ریگولیشن شرقپور، مرزا مظفر بیگ کو میونسپل آفیسر ریگولیشن شیخوپورہ، عابد حسین ملک کو چیف آفیسر مری، عارف علی کو چیف آفیسر راجہ جنگ، احتشام ملک کو میونسپل آفیسر ریگولیشن پھول نگر، ندیم باری کو چیف آفیسر خیر پور ٹامے والی، زاہد فرید کو چیف آفیسر سکھیکی تعینات کیا گیا۔ گریڈ 17سے 18میں ترقی دے کر ممتاز تبسم کو میونسپل آفیسر پلاننگ سرگودھا، شہزاد حیدر کو زونل آفیسر پلاننگ راوی زون لاہور، رائے شاہ نواز حسن کو زونل آفیسر پلاننگ گلبرگ زون لاہور تعینات کیا گیا۔ گریڈ 18سے 19میں ترقی دے کر ، احسن اللہ ورائچ کو میونسپل آفیسر ریگولیشن راولپنڈی، آصف قریشی کو ڈپٹی چیف آفیسر سمن آباد زون لاہور، عظمت گورائیہ کو چیف آفیسر سرگودھا، طارق محمود کو چیف آفیسر بہاولپور، امجد حسین کو چیف آفیسر گوجرانوالہ، اکمل کو ڈپٹی چیف آفیسر راوی زون لاہور، حبیب الرحمن قریشی کو میونسپل آفیسر ریگولیشن ملتان ،راجہ افتخار احمد کو میونسپل آفیسر فنانس فیصل آباد اور ظہیر الدین بابر کو میونسپل آفیسر فنانس گوجرانوالہ، ارشاد محمود راجہ کو ڈپٹی چیف آفیسر علامہ اقبال زون لاہور تعینات کیا گیا۔اسی طرح نبی احمد واہلہ کو سینئر سب انجینئر قصور، سلیم اختر کو سب انجینئر کوٹ رادھا کشن، یو سف کو سب انجینئر لیہ تعینات کیا گیا۔ میونسپل آفیسر پلاننگ لاہور اشرف کو گریڈ 18سے 19میں ترقی دے کر اسی عہدہ پر کام جاری رکھنے کا حکم دیا گیا۔ زونل آفیسر پلاننگ راوی زون شگفتہ فردوس کو گریڈ 18سے 19میں ترقی دے کر میونسپل آفیسر پلاننگ فیصل آباد تعینات کیا گیا۔ عاشق حسین ڈوگر کو گریڈ 19سے 20میں ترقی دے کر ڈائریکٹر سی اینڈ آئی لوکل گورنمنٹ بورڈ تعینات کیا گیا۔ زونل آفیسر پلاننگ نشتر زون لاہور امین مغل اور زونل آفیسر پلاننگ علامہ اقبال زون رائے امتیاز حسین کو گریڈ 17سے 18میں ترقی دے کر موجود عہدوں پر کام جاری رکھنے کا حکم دیا گیا۔ تقرری کے منتظر عالمگیر احمد خان کو سیکرٹری زکوٰة اینڈ عشر، وہاں سے عاصم اقبال کو تبدیل کر کے افسر بکار خاص بنانے ، تقرری کے منتظر اسد رحمن گیلانی کو تبدیل کر کے سیکرٹری ماحولیات پروٹیکشن تعینات کرنے ،وہاں سے ظفر نصر ا? خان کو تبدیل کر کے سیکرٹری ہاو¿سنگ اربن ڈویلپمنٹ اینڈ پبلک ہیلتھ انجینئرنگ ڈیپارٹمنٹ تعینات کرنے اوروہاں سے حسن اقبال کو تبدیل کر کے افسر بکار خا ص بنادیا گیا۔ نوٹیفکیشن کے مطابق سیف ا? خان ڈپٹی سیکرٹری زکوٰة اینڈ عشر کو تبدیل کر کے ڈپٹی سیکرٹری لٹریسی اینڈ نان فارمل بیسک ایجوکیشن تعینات کرنے کے ساتھ ساتھ تقرری کے منتظر عارف خان نیازی اسسٹنٹ چیف پلاننگ اینڈ دویلپمنٹ پنجاب تعینات کر دیا۔دریں اثنا محکمہ پرائمری اینڈ سکینڈری ہیلتھ کئیر ڈپٹی سیکرٹری ٹیکنکل (ٹو )ڈاکٹر یداللہ کا تبادلہ کر دیا۔ ڈاکٹر یداللہ کو ڈپٹی پروگرام مینجر پنجاب ہیپاٹائٹس کنٹرول پروگرام تعینات کر دیا گیا ہے۔ واضح رہے کہ ہیپاٹائٹس سی کی دوائی زائد ریٹ پر خریدنے کی منصوبہ بندی پر ڈاکٹر شعبان ندیم کو اس عہدے سے ہٹایا گیا تھا جس کے بعد یہ سیٹ خالی ہو گئی تھی۔ادھر پنجاب حکومت نے تین ایسوسی ایٹ پروفیسر آف کارڈیالوجی کو ترقی دے دی۔ ایسوسی ایٹ پروفیسر احمد نعمان پنجاب انسٹی ٹیوٹ آف کارڈیالوجی کو پروفیسر کے عہدے پر ترقی دیتے ہوئے پی آئی سی ہی تعینات کر دیا گیا۔ گریڈ 20میں دو دیگر پروفیسر کے عہدے پر ترقی حاصل کرنے والے ڈاکٹروں کو مختلف ہسپتالوں میں تعینات کر دیا ان میں پروفیسر ڈاکٹر طارق عباس اور پروفیسرڈاکٹر شہادت حسین کو قائد اعظم میڈیکل کالج بہاولپور شامل ہیں۔محکمہ پرائمری اینڈ سکینڈری ہیلتھ کئیر نے ڈاکٹر نذیر احمد کو چیف ایگزیکٹو ڈسٹرکٹ ہیلتھ اتھارٹی قصور،ڈاکٹر سمیع اللہ کو چیف ایگزیکٹو آفیسر ڈسٹرکٹ ہیلتھ اتھارٹی جھنگ اور ڈاکٹر اظہر امین کو ایم ایس ڈی ایچ کیو ہسپتال قصور تعینات کر دیا۔علاوہ ازیں محکمہ سکول ایجوکیشن پنجاب نے گریڈ 16 کے چار افسران کو ترقی دے کر گریڈ 17میں سپر نٹنڈنٹس کے عہدے پر ترقی دے دی۔ ترقی پانے والوں میں ابرار حسین کو ڈی پی آئی سکینڈری ایجوکیشن ، مجاہد علی ڈی پی آئی (ایلیمنٹری ایجوکیشن ) امجد حسین ڈسٹرکٹ ایجوکیشن آفیسر سرگودھا اور صغیر احمد کو چیف ایگزیکٹو آفیسر ڈسٹرکٹ ایجوکیشن اتھارٹی راولپنڈی تعینات کرنے کے احکامات جا ری کیے گئے۔ ادھر ماڈل کسٹم کلکٹوریٹ لاہور میں سپرنٹنڈنٹ اور انسپکٹرز کے تقروتبادلے کر دئیے گئے۔ماڈل کسٹم کلکٹر احمد رو¿ف نے 2 سپرنٹنڈنٹ اور 15 انسپکٹرز کے تقرر و تبادلے کے نوٹیفیکیشن جاری کر دئیے۔ نوٹیفکیشن کے مطابق سپرنٹنڈ نٹ سید عالمدار حسین ترمذی کا واہگہ بارڈر ، مظہر عباس شاہ کا کسٹم ائیر پورٹ ٹریفک ،انسپکٹر کسٹم حافظ مبشر کا واہگہ ،انسپکٹر رانا صدیق کا ائیر پورٹ ،انسپکٹر اصغر علی کا واہگہ بارڈر،انسپکٹر طارق کا ائیر پورٹ ،انسپکٹر اشفاق پراچہ کا ائیر پورٹ ،انسپکٹر پرویز احمد کا ائیر پورٹ پر اے ایف یو ،انسپکٹررائے خالد جاوید کا ائیر پورٹ ،انسپکٹر ملک شاہنواز کا واہگہ اے ایس او ،انسپکٹر طارق بیگ کا واہگہ اے ایس او ،انسپکٹر اعظم حسین وٹو کا ایف یو سے واہگہ بارڈر،انسپکٹر کسٹم راشد منیر کا اے ایف یو سے واہگہ بارڈر ،انسپکٹر کسٹم جاوید اقبال بٹ کا واہگہ بارڈر ،جاوید اقبال کا واہگہ بارڈر اے ایس او ،انسپکٹر رائے منصور کاکسٹم اے ایف یو ،سید عبدالحسین رضوی کا واہگہ بارڈر پر تبادلہ کر دیا گیا۔علاوہ ازیں پنجاب پولیس کے 25 سب انسپکٹرز اور 116اسسٹنٹ سب انسپکٹرز کے ڈیپوٹیشن پر موٹروے پولیس میں تبادلے کر دئیے گئے۔

ہم چالیس سال کا گندایک رتا میں صاف نہیں کر سکتے، رہنما پی ٹی آئی فرخ حبیب
نوازشریف کا علاج نہیں کیا جا رہا، مائزہ حمید، طاہر عالم، پروگرام دی لاسٹ آور میں گفتگو
لاہور(ایمرا نیوز) وزیر صحت پنجاب ڈاکٹر یاسمین راشد نے کہاہے کہ نوازشریف کے علاج نہ کرنے کے حوالے سے باتیں غلط ہیں ہم نے ا نکا علاج کرنے کیلئے میڈیکل بورڈ بنائے لیکن انہوں نے انکارکردیا ، وہ جناح ہسپتال گئے وہا ں بھی علاج کرانے سے انکار کردیا۔92 نیوز کے پروگرام دی لاسٹ آور میں میزبان مہرین سبطین سے گفتگو کرتے ہوئے وزیر صحت ڈاکٹر یاسمین راشد نے کہاکہ ہم نوازشریف کو بالکل میڈیکل سہولت دیناچاہتے ہیں انکار کے حوالے سے غلط بیانی کی جارہی ہے۔ مریم نوازجومرضی کہیں ہم نوازشریف کو جوسہو لتیں موجود ہیں وہ دے رہے ہیں۔تحریک انصاف کے رہنما فرخ حبیب نے کہا ہے کہ پاکستان نے ایک ذمہ دارریاست ہونے کا ثبوت دیا جبکہ یہ بھی پیغام دیا کہ پاکستان کسی بھی جارحیت کامقابلہ کرنے کی صلاحیت رکھتا ہے اس میں ساری پارلیمان، اپوزیشن ا ور پاکستانی میڈیا نے اچھا کردارنبھایا۔ ا نہوں نے کہاکہ پولیس اصلاحات راتوں رات نہیں ہوتیں ہم چالیس سال کا گند ایک رات میں صاف نہیں کرسکتے ہم پولیس کو غیر سیاسی کررہے ہیں۔مسلم لیگ ن کی رہنما فائزہ حمید نے کہا کہ اپوزیشن نہایت ہی سنجیدگی سے حکومت اورفوج کے پیچھے کھڑی رہی اوربھارت کو بڑا زبردست جو اب دیا۔جس طرح کا رویہ موجودہ ا پوزیشن نے دکھایاہے ایسا اگر ن لیگ کی حکومت میں بھی دکھایاجاتا تو ہماری خارجہ پالیسی بہت آگے جاچکی ہوتی۔ نوازشریف کوایک ہسپتال سے دوسرے ہسپتال منتقل کیا جاتارہا ہے لیکن علاج نہیں کیا جارہاہے۔سینئر صحافی کامران خان نے کہا ہے کہ سعودی وزیر خارجہ پاکستان آرہے ہیں کہا جارہاہے کہ پاکستان اورامریکہ کے درمیان رابطے میں سعودی عرب کا کردارہے۔ا نہوں نے بتایا کہ نوازشریف کی اپیل سپریم کورٹ میں دائر کی جارہی ہے جس میں انہیں شاید طبی بنیادوں پر ضمانت مل جائے۔تجزیہ کار امتیاز گل نے کہا ہے کہ جب بھارت میں الیکشن کااعلان ہوجائے گا تو معاملات بہتری کی جانب جائیں گے۔سابق آئی جی اسلام آباد طاہرعالم نے کہا ہے کہ پولیس کی وردی تبدیل کرنے سے اس کی کارکردگی میں کوئی اضافہ نہیں ہوگا البتہ بجٹ پر بوجھ پڑے گا، پولیس کے رویے میں تبدیلی لائی جائے۔

اسلام آباد(ایمرا نیوز آن لائن) سپریم کورٹ نے 8 سال بعد مختاراں مائی کیس میں نظرثانی اپیل کی سماعت کرتے ہوئے ملزمان کی استدعا پر انھیں وکیل کر نے کے لئے دو ہفتے کی مہلت دیدی اور مزید سماعت 27 مارچ تک ملتوی کر دی۔قبل ازیں عدالت نے 2011 میں تمام ملزمان کو شواہد نہ ہونے پر بری کر دیاتھا جس کے خلاف مختاراں مائی نے نظرثانی درخواست دائر کر رکھی ہے۔ جسٹس گلزار احمد کی سربراہی میں تین رکنی بنچ نے نظرثانی درخواست کی سماعت کی تو ملزمان ا? دتہ، فیاض اور دیگر پیش ہوئے اور وکیل کر نے کی مہلت ما نگی۔ جسٹس گلزار احمد نے کہا آئندہ سماعت پر اپنے وکیل ساتھ لے کر آئیں۔واضح رہے ضلع مظفر گڑھ میں پنچایت کے فیصلے پر 22 جون 2002 کو مبینہ اجتماعی زیادتی کا نشانہ بننے والی مختاراں مائی کیس میں نامزد ملزمان کو سپریم کورٹ نے 20 اپریل 2011 کو بری کر دیا تھا۔

آمدن سے زائد اثاثہ جات پر سیف الرحمٰن کو 11مارچ کو طلب کر لیا گیا، ذرائع
لاہور (ایمرا نیوز آن لائن) نیب لاہور نے آمدن سے زائد اثاثہ جات پر ماڈل ٹاؤن ہاؤسنگ سوسائٹی کے صدر اور انکے اہلخانہ سمیت 17 افراد کیخلاف انکوائری شروع کر دی۔ ذرائع کے مطابق لاہور نیب میں درخواست آئی تھی جس پر نیب میں ماڈل ٹاؤن ہاﺅسنگ سوسائٹی کے صدر سیف الرحمٰن خان انکی اہلیہ، بچوں ،بھائیوں اور دیگر قریبی عزیزوں کیخلاف انکوائری شروع کر دی گئی۔ نیب نے ماڈل ٹاؤن سوسائٹی کے صدر کو 11 مارچ کو طلب کر لیا ہے۔

اسلام آباد (ایمرا نیوز آن لائن)پاکستان میں ڈیری کے شعبہ میں سرمایہ کاری کے وسیع امکانات موجود ہیں۔ لائیو سٹاک شعبہ کے ماہرین نے کہا ہے کہ ملک میں دودھ کی مجموعی پیداوار کا صرف 5 فیصد حصہ پراسیس کیا جاتا ہے جبکہ 95 فیصد دودھ بغیر پراسیسنگ کے استعمال کیا جاتا ہے جس سے صحت کے مسائل کا خدشہ ہے۔ انہوں نے مزید کہاکہ شعبہ میں سرمایہ کاری سے دودھ کی پراسیسنگ کی موجودہ شرح میں اضافہ سے شہریوں کو صحت مند اور محفوظ دودھ کی فراہمی کو یقینی بنایا جاسکتا ہے۔ اس کے علاوہ پراسیسنگ وغیرہ کے حوالے سے نئی سرمایہ کاری سے نہ صرف دیہی معیشت پر خوشگوار اثرات مرتب ہوں گے بلکہ اس سے روزگار کے نئے مواقع پیدا کر کے بے روزگاری کی شرح کو بھی کم کرنے میں مدد حاصل کی جا سکتی ہے۔

اسلام آباد (ایمرا نیوز آن لائن)وزارت منصوبہ بندی و اصلاحات نے سرکاری شعبہ کے ترقیاتی پروگراموں میں میری ٹائم افئیرز ڈویژن کے ترقیاتی کاموں کے لئے مجموعی طور پر اب تک 74کروڑ 20 لاکھ روپے کے فنڈز جاری کردیئے گئے ہیں۔ حکومت نے اس ڈویژن کے ترقیاتی کاموں کے لئے رواں مالی سال کے دوران 3 ارب 65کروڑ 15 لاکھ روپے کے فنڈز مختص کئے ہیں۔ پلاننگ کمیشن کے جاری کردہ اعدادو شمار کے مطابق حکومت نے نیو اسلام آباد انٹرنیشنل ایئرپورٹ پر سکیورٹی اہلکاروں کی رہائشگاہوں کی تعمیر کے لئے 59 کروڑ 38 لاکھ، اسلام آباد میں کسانہ ڈیم کی تعمیر کے لئے 7 کروڑ، مردان میں کلپانی کے مقام پر فلڈ فارکاسٹنگ سسٹم کی تنصیب کے لئے 3 کروڑ 50 لاکھ روپے سے زائد کے فنڈزجاری کردیئے ہیں۔

ہم امن پسند ملک ہیں مگر دشمن کی جارحیت کا منہ توڑ جواب دینے کی صلاحیت رکھتے ہیں، سربراہ پاک بحریہ
کراچی(ایمرا نیوز آن لائن) سربراہ پاک بحریہ ایڈمرل ظفر محمود عباسی نے کہا ہے کہ ہم جارحیت نہیں چاہتے لیکن اگر دشمن نے پہل کی تو بھر پور جواب دیں گے۔ترجمان پاک بحریہ کے مطابق سربراہ پاک بحریہ ایڈمرل ظفر محمود عباسی نے ساحلی تنصیبات اور اگلے مورچوں کا دورہ کیا، نیول چیف نے شمالی بحیرہ عرب میں تعینات بحری جہازوں کا بھی دورہ کیا اور پاک بحریہ کی آپریشنل تیاریوں کا جائزہ لیا۔ اس موقع پر نیول چیف کو پاک بحریہ کی آپریشنل تیاریوں پر بریفنگ دی گئی جب کہ نیول چیف نے افسروں اور جوانوں سے ملاقات کے دوران آپریشنل تیاریوں اور بلند حوصلے کو سراہا۔سربراہ پاک بحریہ ایڈمرل ظفر محمود عباسی نے موجودہ صورت حال میں افسران اور جوانوں کو ہمہ وقت انتہائی مستعد اور چوکس رہنے کی ہدایت کرتے ہوئے کہا کہ بھارتی آبدوز کا بروقت سراغ لگانا پاک بحریہ کی آپریشنل تیاریوں اور پیشہ ورانہ صلاحیتوں کا منہ بولتا ثبوت ہے، ہم امن پسند ملک ہیں مگر دشمن کی کسی بھی جارحیت کا منہ توڑ جواب دینے کی انتہائی صلاحیت رکھتے ہیں۔ایڈمرل ظفر محمود عباسی کا کہنا تھا کہ ہم جارحیت نہیں چاہتے لیکن اگر دشمن نے پہل کی تو بھر پور جواب دیں گے، ہمارا غیر متزلزل ایمان، ہمت اور وطن کی حفاظت کا جذبہ ہماری صلاحیتوں کو استحکام عطا کرتا ہے۔

پاک بھارت کشیدہ تعلقات کے حوالے سے تبادلہ خیال، پاکستان ، بھارت کے ساتھ براہ راست بات چیت کا خواہاں ہے ،وزیر خارجہ
اسلام آباد (ایمرا نیوز آن لائن ) وزیر خارجہ شاہ محمود قریشی کی بھارت میں تعینات پاکستانی ہائی کمشنر سہیل محمود کے ساتھ ملاقات کی ہے۔ملاقات کے دوران پاکستان اور بھارت کے مابین جاری کشیدہ تعلقات کے حوالے سے تبادلہ خیال کیاگیا ہے ، شاہ محمود قریشی نے سہیل محمود کے ذریعے بھارت کو خطے میں امن وامان کی پالیسی پر پاکستان کے موقف پر واضع پیغام دیا ہے ، انہوںنے کہا کہ پاکستان کشیدگی میں کمی اور موجودہ صورتحال میں بہتری کا خواہاں ہے، پاکستان ، بھارت کے ساتھ براہ راست بات چیت کا خواہاں ہے،تاکہ جنوبی ایشیاءمیں پائیدار امن قائم ہوسکے۔ وزیر خارجہ نے کہا کہ پاکستان اور بھارت کے درمیان خوشگوار تعلقات سے ہی خطے میں امن واستحکام پید اہوسکے گا۔ سہیل خان ، وزیر خارجہ شاہ محمودقریشی سے ملاقات کے بعد بھارت کیلئے روانہ ہوگئے ہیں۔۔۔۔۔۔۔۔ شمیم محمود

سڈنی(ایمرا نیوز آن لائن) آسٹریلوی حکام نے سڈنی ایئرپورٹ سے منشیات اسمگل کرنے کی کوشش کو ناکام بناتے ہوئے دو افراد کو گرفتار کر کے ان سے 38 کلوگرام افیون برآمد کر لی ۔ غیر ملکی خبررساں ادارے کے مطابق آسٹریلوی پولیس کی جانب سے جاری ہونے والے بیان میں کہا گیا ہے کہ سڈنی ایئرپورٹ پر دو مشتبہ افراد کو گرفتار کیا گیا ہے ۔ جن سے 38 کلوگرام افیون برآمد ہوئی ہے ۔ حکام کا کہنا ہے کہ گرفتار کئے گئے افراد کی عمریں 32 اور 26 سال ہیں ۔ حکام کا کہنا کہ گرفتاری کے وقت ایک شخص کا دعویٰ تھا کہ وہ ایئرپورٹ کا ملازم ہے تاہم پولیس نے اس کے دعوے کو رد کرتے ہوئے اسے گرفتار کر لیا ۔( جاوید)

پاکستان جنوبی ایشیا میں پہلا ملک ہوگا جس کے پاس سیمی آٹو میٹڈ اور کیبن لیس کرینیں نصب ہوں گی
کراچی(ایمرا نیوز آن لائن)ہچیسن پورٹس پاکستان نے کراچی میں 3 نئی ریموٹ کنٹرول کرینیں حاصل کرلی ہیں۔ہچیسن پورٹس پاکستان نے کراچی میں 3 نئی ریموٹ کنٹرول کرینیں (QCs) حاصل کرلی ہیں جس کے بعد ٹرمینل کے دوسرے مرحلے کا باقاعدہ آغاز ہوگیا ہے، اس تاریخی پیش رفت کی تکمیل کے بعد پاکستان جنوبی ایشیا میں پہلا ملک بن جائےگا ،جس کے پاس سیمی آٹو میٹڈ اور کیبن لیس کرینیں نصب ہوں گی۔یہ پاکستان کی پہلی اور گہرے پانی کی واحد پورٹ ہے جسے چین کی شنگھائی ڑنھوا پورٹ مشینری کمپنی سے معاہدے سکے تحت ان جدید ٹیکنالوجی سے لیس کرینوں کی پہلی کھیپ موصول ہوگئی ہے۔اس معاہدے کے تحت 8 عدد کیبن کے بغیر نئی ریموٹ کنٹرول کرینوں کی خریداری کےساتھ ٹرمینل کی جانب سے 24عدد ریموٹ کنٹرول ربر ٹائر گینٹری کرینیں بھی حاصل کی جائیں گی، یہ پاکستان میں اپنی نوعیت کی پہلی کرینیں ہوں گی۔