All posts by EMRA

اسلام آباد(وقت ٹی وی آن لائن)وفاقی وزیرفوادچودھری نے کہاہے کہ اسوقت حکومت مشکل میں حکومت کی وجہ سے ہی ہے،پیپلزپارٹی اورن لیگ کانہ کوئی قدہے اور نہ کچھ اور۔

وفاقی وزیر سائنس و ٹیکنالوجی فواد چودھری نے اپوزیشن پارٹیز کے حوالے سے تبصرہ کرتے ہوئے کہاکہ ن لیگ کو یہ بھی نہیں پتہ ان کو لیڈکس نے کرنا ہے،

آصف زرداری نے محنت سے پی پی کو صوبوں سے صرف سندھ کی پارٹی بنادیا،بلاول صاحب اس کو صرف اندرون سندھ کی پارٹی بنانے کیلئے کوشاں ہیں ،فوادچودھری نے کہاکہ آرٹیکل 62 کے تحت آپ ممبرقومی اسمبلی تو بن نہیں سکتے کابینہ میں کیسے بیٹھ گئے ؟۔

کرچی (وقت ٹی وی آن لائن )انٹر بینک میں ڈالر کے بعد اب سونا بھی تاریخ کی بلند ترین سطح پر پہنچ گیاہے ۔

تفصیلات کے مطابق سونے کی فی تولہ قیمت میں 1600 روپے اضافہ ہو گیاہے جس کے بعد فی تولہ سونا ایک لاکھ 11 ہزار 250 روپے فی تولہ میں فروخت ہو رہاہے ۔

دوسری جانب انٹر بینک مارکیٹ میں کاروبار کے اختتام پر ڈالر کی قدر میں 97 پیسے اضافہ ہواہے جس کے بعد ڈالر 168 روپے 30 پیسے پر بند ہو گیاہے ۔

چنیوٹ(آئی این پی ) پنجاب کے سرکاری اسپتالوں میں ممنوعہ انجکشن کے استعمال ہونے کا انکشاف ہوا ہے۔

تفصیلات کے مطابق چنیوٹ شہر کے سرکاری اسپتالوں میں ’وٹامن کے تھری‘ ممنوعہ انجکشن استعمال کیے جارہے ہیں، یہ انجکشن بیرون ممالک میں صرف جانوروں کے لیے استعمال ہوتا ہے۔

پابندی کے باوجود انجکشن نجی کمپنیوں سے خرید کر استعمال کیا جارہا ہے۔ ڈرگ ریگولیٹری اتھارٹی کی جانب سے انجکشن پر پابندی عائد کی گئی ہے۔
لیکن اس کے باوجود اسپتالوں میں یہ انجکشن سرعام لگائے جارہے ہیں۔اس سے قبل بھی ملک میں متعدد ممنوعہ انجکشن کے استعمال کا انکشاف ہوچکا ہے۔

اسلام آباد (وقت ٹی وی آن لائن ) ملک بھر میں کورونا وائرس کے کیسز میں گزشتہ چند دنوں میں کمی واقع ہوئی ہے جس پر محکمہ صحت کے اہلکار اطمینان کا اظہار کر رہے ہیں ، گزشتہ چوبیس گھنٹوں میں 1587 افراد میں وائرس کی تشخیص ہوئی ہے اور 31 افراد جان کی بازی ہار گئے ہیں ۔

تفصیلات کے مطابق گزشتہ چوبیس گھنٹوں میں ملک بھر میں 19 ہزار 108 ٹیسٹ کیے گئے جن میں مزید 1587 افراد میں کورونا وائرس کی تشخیص ہوئی ہے جس کے بعد متاثرہ افراد کی مجموعی تعداد 2 لاکھ 65 ہزار 83 ہو گئی ہے جبکہ 31 افراد جان کی بازی ہار گئے ہیں اور اموات پانچ ہزار 599 ہو گئیں ہیں ۔تاہم 2 لاکھ 5 ہزار 929 افراد صحت یاب ہو گئے ہیں ۔

سب سے زیادہ کیسز

کورونا وائرس کے سب سے زیادہ کیسز سندھ میں سامنے آئے جہاں تعداد یک لاکھ 13 ہزار 7 ہو گئی ہے جبکہ پنجاب میں 90 ہزار 191 ، بلوچستان میں 11 ہزار 436، خیبر پختون خواہ میں 32 ہزار 86، اسلام آباد میں 14 ہزار 599، آزاد کشمیر میں 1915اور گلگت بلتستان میں 1849 افراد میں وائرس کی تشخیص ہو چکی ہے ۔

اموات

کورونا وائرس کے باعث گزشتہ چوبیس گھنٹوں میں مزید 31 افراد دم توڑ گئے ہیں جس کے بعد اموات کی مجموعی تعداد پانچ ہزار 599 ہو گئیں ہیں ۔ کورونا وائرس کے باعث سب سے زیادہ اموات پنجاب میں ہوئیں جہاں تعداد 2 ہزار 83 ہو گئی ہے ۔ سندھ میں 1993، کے پی کے میں 1142، اسلام آباد میں 159، گلگت بلتستان میں 43، بلوچستان میں 132 اور آزاد کشمیر میں 47 افراد دم توڑ گئے ہیں ۔

رانچی (وقت ٹی وی آن لائن) بھارتی ریاست جھاڑ کھنڈ میں چوروں نے کورونا مریض کے گھر کا صفایا کردیا، حکام نے گھر کو سیل کیا ہوا تھا اور اسی بات کا چوروں نے فائدہ اٹھایا۔

جمشید پور شہر میں ایک سکول ٹٰیچر کورونا میں مبتلا ہونے کے باعث ہسپتال میں داخل ہے۔ اس کے گھر کو حکام نے کورونا کی وجہ سے سیل کیا ہوا تھا، اسی بات کا فائدہ اٹھا کر چور اس کے گھر میں گھس گئے۔

چوروں نے واردات انجام دینے سے پہلے گھر میں مٹن پکا کر خوب دعوت اڑائی اور اس کے بعد 50 ہزار روپے مالیت کا قیمتی سامان لے اڑے۔

اہلخانہ کو اس واردات کا تب پتا چلا جب وہ گھر کو دیکھنے کیلئے گئے، حکام نے کورونا کی موجودگی کی وجہ سے گھر کو سیل کر رکھا تھا۔ چوروں نے ٹیچر کے گھر میں چوری تو کرلی ہے لیکن جب انہیں کورونا کے حوالے سے خبر پہنچے گی تو یقیناً ان کے دل ایک بار تو ضرور دہل جائیں گے۔

اسلام آباد(وقت ٹی وی آن لائن) کرپشن کے خلاف سب سے زیادہ شور مچانے والے پاکستان تحریک انصاف کے رہنما اور وفاقی وزیر مراد سعید پر قوانین کی خلاف ورزی کرتے ہوئے اربوں کے ٹھیکے دینے کاالزام لگ گیا۔

نجی ٹی وی 92 نیوز کی رپورٹ کے مطابق ٹرانسپرنسی انٹرنیشنل کے پاکستان چیپٹر نے پاکستان پوسٹ کے ڈائریکٹر جنرل کو لکھے گئے خط میں کہا ہے کہ “ٹرانسپرنسی انٹرنیشنل کو شکایت موصول ہوئی ہے کہ پاکستان پوسٹل سروسز کی ڈیجیٹلائزیشن کا20سالوں کے لیے دیا گیا 118ارب روپے کا ٹھیکہ بغیرپیپرا رولزکی خلاف ورزی کرتےہوئےنجی بینک ایچ بی ایل کودیا گیا ہے”۔

ٹرانسپرنسی کے اس خط کی کاپیاں وزیراعظم ہاوس، ڈی جی نیب، وزیراطلاعات،رجسٹرار سپریم کورٹ اور ایم ڈی پیپرا کو بھی بھجوائی گئی ہیں۔

خط میں کہا گیا ہے کہ پاکستان پوسٹل سروسز پر الزام ہے کہ اس نے فنانشل سروسز کی ڈیجییٹلائزیشن کے لیے حبیب بینک لمیٹڈ کو بیس سال کے لیے قوانین کی خلاف ورزی کرتے ہوئے ٹھیکہ دیا ہے۔

خط کے مطابق اس ٹھیکے کے لیے عوامی سطح پر کوئی ٹینڈر جاری نہیں کیاگیاجو کہ پاکستان پروکیورمنٹ رولز(پیپرا)2004 کی خلاف ورزی ہے۔

ایچ بی ایل ٹیکنالوجی، انفراسٹرکچر اور استعداد کار بڑھانے کی صورت میں سرمایہ کاری کرے گا۔ اس دوران بینک پاکستان پوسٹ کو جدید خطوط پر استوار کرے گا۔

خط کے مطابق بینک ملک بھر میں پاکستان پوسٹ سروس کے دفاتر میں ایچ بی ایل کونیٹکٹ کے ذریعے برانچ لیس بینکنگ کی سہولیات فراہم کرے گا۔

بینک ملک بھر میں پاکستان پوسٹ کی عمارتوں میں اے ٹی ایم اور کیش ڈیپازٹ مشینیں نصب کرے گا۔

پاکستان پوسٹ سے پنشن لینے والوں کو پنشن کی ادائیگی بھی ایچ بی ایل کونیکٹ سے ہوگی۔

خط کے مطابق اگر بینک دس دنوں میں پنشن کی رقم پر چھ فیصد بھی منافع کمائے تو وہ ایک سال میں 11 کروڑ سولہ لاکھ جب کہ بیس سال میں دو ارب روپے سے زیادہ منافع بھی کما لے گا۔

دہلی (وقت ٹی وی آن لائن ) عالمی وبا کورونا وائرس میں مبتلا بھارتی اداکارہ ایشوریا رائے بچن اور ان کی بیٹی آرادھیا بچن کو اسپتال منتقل کر دیا گیا۔

بھارتی میڈیا کے مطابق چند روز قبل اداکارہ ایشوریا رائے بچن اور ان کی بیٹی کی کورونا وائرس کے ٹیسٹ کی رپورٹ مثبت آئی تھی جس کے بعد دونوں گھر میں ہی قرنطینہ تھیں۔

اب کورونا وائرس کی علامات ظاہر ہونے کے بعد اداکارہ ایشوریا رائے بچن اور ان کی بیٹی آرادھیا کو ممبئی کے نانا وتی اسپتال کے آئسولیشن روم میں منتقل کر دیا گیا ہے۔

خیال رہے کہ ایشوریا کے شوہر ابھیشک اور سسر امیتابھ بچن پہلے ہی کورونا وائرس میں مبتلا ہونے کے باعث ممبئی کے نانا وتی اسپتال میں داخل ہیں۔

امیتابھ بچن کی اہلیہ جیا بچن کے کورونا وائرس کے ٹیسٹ کی رپورٹ منفی آئی تھی۔

اسلام آباد (وقت ٹی وی آن لائن ) پاکستان پیپلز پارٹی کی سینیٹر شیری رحمان نے کہا کہ دہشت گرد احسان اللہ احسان کے ٹوئٹر اکاونٹ سے بلاول بھٹو زردای کو دھمکیاں دی جا رہی ہیں، اگر بلاول کو کچھ ہوا تو ذمہ دار عمران خان نیازی ہوں گے۔

شیری رحمان نے سینیٹ میں اظہار خیال کرتے ہوئے کہا کہ احسان اللہ احسان کے آفیشل ٹوئٹر سے بلاول بھٹو کو دھمکی دی گئی، حکومت اس کا کھوج لگائے کہ وہ کدھر ہے، کسی کی تحویل میں کیوں نہیں ہیں ؟

شیری رحمان نے سوال کیا کہ احسان اللہ احسان کو عمران خان کی حکومت نے چھٹی کیوں دی ہے؟ پاکستان ٹیلی کمیونیکیشن اتھارٹی (پی ٹی اے) نے تصدیق کی کہ جس اکاؤنٹ سے دھمکی دی گئی وہ احسان اللہ احسان کا ہی اکاؤنٹ ہے۔

انہوں نے کہا کہ بلاول کو خراش بھی آئی اور کچھ ہوا تو عمران خان نیازی ذمہ دار ہوگا، عمران خان نے اسامہ بن لادن کو شہید کہا، بیان واپس بھی نہیں لیا۔

شیری رحمان کے بیان پر قائد ایوان ڈاکڑ شہزاد وسیم نے کہا کہ محترمہ نے بڑی شد و مد سے یہ بات کی ہے، ان کی سینیٹ کے ایوان میں واپسی بنتی ہے، اپوزیشن بات سننا نہیں چاہتی تو ایوان سے جائیں۔ قائد ایوان کے بیان پر اپوزیشن نے شدید احتجاج کرتے ہوئے ایوان سے واک آؤٹ کیا۔

خیال رہے کہ رواں برس فروری میں کالعدم تحریک طالبان پاکستان (ٹی ٹی پی) کے سابق ترجمان احسان اللہ احسان نے دعویٰ کیا تھا کہ وہ سرکاری تحویل سے فرار ہوگیا ہے۔

17 فروری 2020 کو وفاقی حکومت نے پہلی بار باقاعدہ طور پر کالعدم تحریک طالبان پاکستان (ٹی ٹی پی) کے سابق ترجمان احسان اللہ احسان کے سرکاری تحویل سے فرار ہونے کی تصدیق کی تھی۔

یاد رہے کہ احسان اللہ احسان نے2017 میں رضاکارانہ طور پر خود کو انٹیلی جنس اداروں کے حوالے کیا تھا۔

ذرائع کے مطابق احسان اللہ احسان نے سرنڈر کرنے سے قبل ہی حساس معلومات فراہم کرنا شروع کردی تھیں۔

ذرائع نے بتایا کہ تفتیش کے دوران احسان اللہ احسان نے انتہائی حساس اور اہم معلومات فراہم کیں، اس کی معلومات پر سیکیورٹی فورسز نے دہشت گردوں کے نیٹ ورک توڑے اور بہت سے دہشت گردوں کوپکڑا بھی گیا۔

صحت (وقت ٹی وی آن لائن ) کورونا وائرس سے بچاؤ کے لیے طبی ماہرین کی جانب سے ماسک پہننا لازمی قرار دیا ہے لیکن ماسک کے حوالے سے مفروضے ہیں کہ اس کے پہننے سے آکسیجن کی کمی ہو جاتی ہے جس کی تردید کر دی گئی ہے۔

برطانوی نیشنل ہیلتھ سروس کے ڈاکٹر ر جوشوا واریچ نے اپنے ٹوئٹر اکاؤنٹ پر ایک ویڈیو شیئر کر کے فیس ماسک سے آکسیجن کی کمی ہونے کے دعوؤں کو بے بنیاد قرار دیا ہے۔

انہوں نے اس حوالے سے ویڈیو میں ٹیسٹ بھی کر کے دکھایا تاکہ لوگوں کو بتایا جاسکے کے فیس ماسک آکسیجن کے لیے خطرناک نہیں۔

Masks categorically do not reduce oxygen saturation. This is a lie made up as an excuse by those who believe the pandemic is a hoax and that wearing a mask somehow encroaches on their rights. This is not an issue of freedom.
/1 pic.twitter.com/R1rJvWj7aw

— Dr Joshua Wolrich (BSc MBBS MRCS) (@drjoshuawolrich) July 9, 2020

برطانوی ڈاکٹر جوشوا واریچ کا کہنا تھا کہ ماسک پہننا، انسانی جسم میں آکسیجن کی کمی کا باعث نہیں بنتا اور نہ یہ جسم میں داخل ہونے والی آکسیجن کو روک سکتا ہے۔

ان کا کہنا تھا کہ یہ سب ان لوگوں کی جانب سے بولا گیا جھوٹ ہے جو اسے محض صرف مذاق یا دھوکا مانتے ہیں۔

انہوں نے عوام سے اپیل کی کہ ماسک آپ کی حفاظت کے لیے ہے، اگر آپ کو اسے پہننے کا کہا جا رہا ہے تو اسے پہننا چاہیے۔

واضح رہے کہ کورونا وائرس سے محفوظ رکھنے کے لیے عالمی ادارہ صحت نے پبلک ٹرانسپورٹ، دکانوں اور مجمع میں ماسک پہننے کی سختی سے تاکید کی تھی۔

اس کے علاوہ کلینکوں میں کام کرنے والا عملے اور 60 برس سے زائد عمر کے افراد اور بیمار افراد کو میڈیکل ماسک پہننے کی ہدایت کی تھی۔

لاہور (وقت ٹی وی آن لائن ) حکومت نے پاکستان ٹیلی ویژن (پی ٹی وی) کی ماہانہ لائسنس فیس بڑھانے کی منظوری دے دی۔

ذرائع کے مطابق وفاقی حکومت نے کابینہ سے پی ٹی وی کی فیس بڑھانے کی منظوری لے لی ہے اور پی ٹی وی کی فیس 35 روپے سے بڑھا کر 100 روپے کر دی گئی ہے۔

ذرائع کا بتانا ہے کہ حکومت نے وفاقی کابینہ سے پی ٹی وی فیس بڑھانے کی منظوری بذریعہ سرکولیشن لی ہے۔

خیال رہے کہ حکومت صارفین سے پی ٹی وی کی فیس بذریعہ بجلی بل وصول کرتی ہے۔