Category کالم

(ایمرا نیوز)
2017-18ء کے دوران میں نے ایمنسٹی اسکیم پر 7کالم لکھے جن میں بزنس کمیونٹی اور بیرون ملک پاکستانیوں سے درخواست کی تھی کہ وہ ایمنسٹی اسکیم کے تحت معمولی ٹیکس ادا کرکے اپنے بیرونی اثاثوں کو قانونی بنانے کا یہ موقع ضائع نہ کریں کیونکہ ایمنسٹی اسکیم مدت ختم ہونے کے بعد حکومت OECD منی لانڈرنگ معاہدے کے تحت دنیا کے 104ممالک سے بیرون ملک پاکستانیوں کی جائیداد اور بینک اکائونٹس کی معلومات حاصل کرنے کا ارادہ رکھتی ہے جبکہ قومی اسمبلی میں بے نامی ٹرانزیکشن روکنے کیلئے قانون بھی منظور ہوچکا ہے جس کے بعد وکالت نامے کے ذریعے جائیدادوں کو بے نامی رکھنا اب ممکن نہیں رہیگا۔ ان تیزی سے بدلتے ہوئے حالات کے مدنظر فیڈریشن آف پاکستان چیمبرز آف کامرس (FPCCI) نے پاکستانیوں کے ملک اور بیرون ملک اثاثوں کو ظاہر کرنے کیلئے ایک ایمنسٹی اسکیم پر دو سال کام کیا تاکہ بزنس مین بیرون ملک اپنے اثاثوں کو ظاہر کرکے قانونی بناسکیں اور بالاخر نواز شریف حکومت کے آخری دنوں میں ایمنسٹی اسکیم (DRFA) کو پارلیمنٹ نے قانونی شکل دیدی۔
اس بار ماضی کی مختلف ایمنسٹی اسکیموں کے مقابلے میں بہتر نتائج حاصل ہوئے ہیں اور 5363اشخاص نے 8.1 ارب ڈالر (1003ارب روپے) کے بیرونی اکائونٹس ظاہر کئے جس پر ایف بی آر کو 121ارب روپے سے زائد ٹیکسز موصول ہوئے جس میں بیرون ملک سے 44ارب روپے (300ملین ڈالر) اور مقامی سطح پر 77ارب روپے شامل ہیں۔ سب سے زیادہ بیرونی اثاثے لندن اور دبئی میں ظاہر کئے گئے ہیں جبکہ ایمنسٹی اسکیم میں سب سے زیادہ اثاثے ظاہر کرنے والے کراچی کے میگاگروپ کے چیئرمین حبیب اللہ خان ہیں جنہوں نے 1.25ارب ڈالر (1.52کھرب روپے) کے اثاثے ظاہر کئے جس پر انہوں نے حکومت کو 3.2 ارب روپے ٹیکس ادا کیا جو ایمنسٹی اسکیم کے تحت فرد واحد سے حاصل ہونیوالی سب سے زیادہ آمدنی ہے۔ امید کی جارہی تھی کہ ایمنسٹی اسکیم کے تحت 2سے 3ارب ڈالر غیر ملکی اثاثے ملک میں واپس لائے جائینگے لیکن ملک میں انتخابات اور سیاسی عدم استحکام کی وجہ سے حکومت کو مطلوبہ نتائج نہیں ملے۔ نئی ایمنسٹی اسکیم کو اگر آئینی گارنٹی دی جاتی تو بڑی مچھلیاں اپنے اثاثے بے خوف پاکستان منتقل کرتیں۔ اس کے علاوہ غیر ملکی پاکستانیوں کو بیرون ملک اپنے رہائشی ممالک میں اصل اثاثے ظاہر کرنے پر قانونی پیچیدگیوں کا سامنا کرنا پڑسکتا تھا۔ عالمی فنانشل ایکشن ٹاسک فورس (FATF) نے بھی وزیر خزانہ سے ایمنسٹی اسکیم کی مخالفت کی تھی کہ اس کے ذریعے دہشت گرد فنانسنگ کا کالا دھن قانونی بناکر استعمال کیا جاسکے گا مگر FATF کے خدشات قانونی طور پر حکومت تک پہنچنے سے پہلے ایمنسٹی اسکیم کا اعلان کیا جاچکا تھا لیکن ایف بی آر اور FATF نے اس بات پر اتفاق کیا کہ ایمنسٹی اسکیم کے تحت مجرمانہ آمدنی کو قانونی نہیں بنایا جاسکے گا۔انہی پابندیوں کے تحت ایمنسٹی اسکیم میں سیاستدانوں اور حکومتی عہدیداروں کو شامل نہیں کیا گیا تھا جس کی وجہ سے وہ اپنے اثاثوں کو اس اسکیم کے تحت قانونی نہیں بناسکتے۔ اس اسکیم کے تحت 55 ہزار سے زائد افراد ٹیکس نیٹ میں شامل ہوئے ہیں جو ہر سال انکم ٹیکس گوشوارے فائل کرکے حکومت کو ٹیکس ادا کریں گے اور ملکی معیشت کو دستاویزی شکل دینے میں مدد ملے گی۔ اس کے علاوہ قانونی کی جانے والی رقم سے ملک میں سرمایہ کاری سے معاشی گروتھ، ملازمتوں کے مواقع اور حکومتی ریونیو کی وصولی میں اضافہ ہوگا۔
پاکستان کے ٹیکس قوانین انکم ٹیکس آرڈیننس 2001ء، فارن ایکسچینج ریگولیشن ایکٹ 1947ء، اینٹی منی لانڈرنگ ایکٹ، پروٹیکشن آف اکنامک ریفارمز ایکٹ 1992ء، پروٹیکشن آف فارن ایکسچینج ایکٹ کے تحت کوئی بھی بیرون ملک مقیم غیر رہائشی پاکستانی بیرون ملک اپنے اثاثوں کو ظاہر کئے بغیر رکھ سکتا ہے بشرطیکہ اس کی سرمایہ کاری اور آمدنی پاکستان سے نہ ہو۔ اسی طرح فارن ایکسچینج قوانین کے تحت پاکستان میں قانونی طور پر حاصل کی گئی آمدنی کو اسٹیٹ بینک کی منظوری کے بغیر غیر ملکی کرنسی میں بیرون ملک منتقل کیا جاسکتا تھا جس سے وہ بیرون ملک اپنے قانونی اثاثے بناسکتے تھے۔ اسی طرح انکم ٹیکس آرڈیننس 2001ء کے سیکشن III(4) کے تحت بیرون ملک سے بینکنگ چینل کے ذریعے پاکستان بھیجی جانے والی رقوم بغیر ذرائع آمدنی پوچھے قانونی تسلیم کی جاتی تھیں لیکن ان قوانین کا غلط استعمال کیا گیا اور اربوں ڈالر فارن کرنسی اکائونٹ کے ذریعے بیرون ملک بھیجے گئے مگر FATF کی گائیڈ لائن کے تحت حالیہ بجٹ میں ان قوانین میں تبدیلی کی گئی ہے اور اب پاکستان سے بینکوں کے ذریعے فارن کرنسی بیرون ملک بھیجی نہیں جاسکتی۔ ایمنسٹی اسکیم کی 31 جولائی کو خاتمے کے بعد حکومت نے غیر قانونی اثاثے رکھنے والے لوگوں کیخلاف کارروائی شروع کردی ہے اور ایف بی آر نے برطانیہ میں 600 سے 700 افراد کو اُن کی رینٹل انکم پر ٹیکس کئی نوٹس بھیجے ہیں جن کی تفصیلات برطانوی ٹیکس حکام نے OECD معاہدے کے تحت ایف بی آر کو فراہم کی تھیں۔ ایف بی آر نے اس سلسلے میں ایک مرکزی نظام قائم کیا ہے جو ان نوٹسوں کے اجرا کے عملدرآمد کی نگرانی کریگا۔ اس سلسلے میں ایف بی آر میں ادارہ برائے اقتصادی تعاون و ترقی (OECD) کی معاونت سے ایک آٹومیٹک ایکسچینج پورٹل نصب کیا گیا ہے جس کے تحت یکم ستمبر 2018ء سے بیرون ملک پاکستانیوں کی بینکنگ معلومات اور ڈیٹا خود بخود حاصل ہوسکے گا۔ اس سسٹم کا پاس ورڈ ایف بی آر کے چند مخصوص اشخاص کے پاس ہے تاکہ کوئی اس ڈیٹا کو ضائع یا ردوبدل نہ کرسکے۔
پاکستان میں متعین برطانوی ہائی کمشنر تھامس ڈریو نے عمران خان سے اپنے حالیہ ملاقات میں وعدہ کیا ہے کہ وہ برطانیہ سے پاکستان کی لوٹی گئی دولت واپس لانے کا عزم رکھتے ہیں جس کی برطانوی قانون میں پوری گنجائش ہے۔ اسی طرح نیب نے دبئی میں پاکستانیوں کے اثاثوں پر انکوائری شروع کردی ہے جس کو ’’دبئی لیکس‘‘ نام دیا گیا ہے۔ نیب کے مطابق 7ہزار پاکستانیوں کی صرف دبئی میں ایک کھرب روپے سے زائد کے اثاثے موجود ہیں جس میں پاکستان کے سابق وزیر خزانہ اسحاق ڈار کے صاحبزادے کے اثاثے بھی شامل ہیں لیکن اب چیئرمین نیب نے ان اثاثوں کی تحقیقات کا حکم دے دیا ہے۔سوئٹزرلینڈ میں دنیا بھر کے لوگ اپنی غیر ظاہر شدہ دولت سوئس بینکوں میں رکھتے ہیں اور سوئس بینکنگ ایسوسی ایشن کے مطابق سوئس بینکوں میں پاکستان کے 200ارب ڈالرموجود ہیں اور متوقع وزیر خزانہ اسد عمر نے اس دولت کو ملک میں واپس لانے کیلئے ایک اسپیشل ٹاسک فورس تشکیل دینے کا فیصلہ کیا ہے۔ ان اثاثوں کے بارے میں ایک رپورٹ مسلم لیگ (ن) حکومت کو فراہم کی گئی تھی لیکن اس وقت کے وزیر خزانہ نے قومی دولت وطن واپس لانے میں کوئی دلچسپی نہیں لی اور اس پر عملدرآمد روک دیا تھا۔منی لانڈرنگ کے نئے قوانین کے تحت اب سوئس حکومت بھی اپنے بینکوں میں رکھی گئی دولت کے بارے میں معلومات فراہم کرنے کی پابند ہے اور حکومت کیلئے یہ اچھا موقع ہے کہ ان نئے قوانین اور معاہدوں کے تحت سوئس بینکوں سے پاکستان کی غیر ظاہر شدہ دولت کے بارے میں معلومات حاصل کرے تاکہ اسے وطن واپس لایا جاسکے۔
دنیا میں سخت بینکنگ قوانین اور ممالک کے درمیان معلومات کے تبادلے کے معاہدوں کے بعد پاکستانی سرمایہ کاروں کیلئے بیرون ملک اپنا سرمایہ رکھنا مشکل ہوتا جارہا ہے اوراب وہی لوگ مطمئن ہوں گے جنہوں نے میرے مشورے پر عمل کرکے اپنے اثاثوں کو قانونی شکل دی کیونکہ ان کی سرمایہ کاری اور دولت پاکستان میں سب سے زیادہ محفوظ ہے۔ میری ایف بی آر کو تجویز ہے کہ پاکستانیوں کے غیر ملکی اثاثوں کے معاملے میں جاری کئے گئے ٹیکس نوٹسوں کے حوالے سے ٹیکس فائلرز کو نان فائلرز کے مقابلے میں مختلف طریقے سے ڈیل کیا جائے اور کسی بھی صورت انہیں ہراساں نہ کیا جائے۔ اس سلسلے میں ایف بی آر میں بزنس کمیونٹی کے نمائندوں کیساتھ ایک آزاد کمیٹی تشکیل دی جائے جو ان معاملات کا جائزہ لے کہ کسی کیساتھ انتقامی کارروائی یا اُسے ہراساں نہ کیا جائے بلکہ ہمارا مقصد ملکی معیشت کو دستاویزی شکل دینا ہونا چاہئے۔(بشکریہ جنگ لاہور)
(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(ایمرا نیوز)
آپ کو علم ہے کہ میرا تعلق کراچی سے ہے اور میں بھوپال سے کراچی میں آکر بس گیا۔ میں بھوپال جنت مقام میں پیدا ہوا، میٹرک وہیں سے پاس کیا۔ وہاں تعلیمی نظام بہت اعلیٰ تھا بورڈ کے امتحانات راجپوتانہ بورڈ کے تحت ہوتے ہیں۔ بیگمات بھوپال نے خودمختار اور آزاد حکمرانوں کے باوجود باہر کے بورڈ سے بھوپال کا تعلیمی نظام اسلئے منسلک کردیا تھا کہ نظام آزاد اور اعلیٰ رہے اور کسی قسم کی دخل اندازی، اَثر و رسوخ سے پاک رہے۔ میٹرک کے بعد میں نے حمیدیہ کالج میں داخلہ لے لیا تھا یہ تالاب کے دوسری جانب منٹوہال میں قائم کیا گیا تھا۔ منٹو ہال بے حد خوبصورت بڑی عمارت تھی اور انگریز واسرائے لارڈ منٹو کے نام پر رکھی گئی تھی اس میں انگریز ایجنٹ رہتا تھا اس کے قریب ہی چار بنگلے تھے ایک ہی طرح کے پتھروں کی بہترین عمارتیں۔ ان میں وزیر خزانہ کے ایف حیدر، آئی جی پولیس مسٹر ینگ ، ڈی آئی جی پولیس پرنس سلیم اور نواب صاحب کے پرسنل ڈاکٹر رہتے تھے۔ ہم لوگ تیر کر دوسری جانب جاکر کنول گٹھے کے پھول توڑ کر لاتے تھے۔ میرے چار بڑے بھائی اور ایک بڑی بہن اور والدہ (کراچی میں طارق روڈ کے قبرستان میں دفن ہیں) پاکستان آگئے تھے انہوں نے زور دیا کہ میں بھی کراچی آجائوں مستقبل کے لئے بہتر رہے گا (ان کی دوراندیشی کام آئی)۔ میں بھوپال سے ایک چھوٹے سے قافلہ کے ساتھ بذریعہ ٹرین اجمیر، چتوڑ گڑھ، لونی، باڑھ میر اور منابائو کے سات روزہ سفر کے بعد 14اگست 1952ءکو کھوکھرا پار پہنچ گیا۔ راستے میں ہندو اہلکاروں کا رویہ نہایت ہتک آمیز تھا جو میں آج تک نہیں بھولا اور اس گہرے زخم کی وجہ سے ہی جب میں نے 1971ءمیں ذلّت آمیز شکست دیکھی اور پھر 18مئی 1974ءکو ایٹمی دھماکہ دیکھا تو فوراً سب کچھ چھوڑ کر پاکستان آنے کا ارادہ کرلیا۔ اور آخر کار دوسرے دورےمیں دسمبر 1975 کو بھٹو صاحب کی درخواست پر یہیں ٹھہر گیا۔ اسکے بعد جو عزّت، ذلّت،محبت نفرت، شہرت و بدنامی ملی وہ آپ سے پوشیدہ نہیں ہے۔ میرا ضمیر صاف ہے کہ میں ملک کی جوخدمت کرسکتا تھا وہ اپنے خون پسینہ سے کردی اور آپ سب کو نہایت طاقتور ایٹمی ملک دیدیا۔
دیکھئے بات کہاں سے کہاں نکل گئی۔ ہمارے بھوپال سے تقسیم کے بعد ایک دوست جلال الدین خانؒ جو برٹش آرمی میں ایس ڈی او تھے وہ پاکستان آگئے تھے اور کراچی میونسپل کارپوریشن میں ایس ڈی او ہوگئے تھے یہ سرخ و سفید اصلی یوسفزئی پٹھان تھے۔ لیاری کے قریب میراں شاہ میں انھوں نے گھر کرائے پر لے لیا تھا۔ وہاں ایک لائن میں تین یونٹ تھے دو یونٹ میرے بھائیوں اور دوسروں نے لے لئے تھے میں بھی وہیں ٹھہر گیا تھا وہاں زیادہ تر آبادی مکرانیوں کی تھی اور تھوڑی سی تعداد پٹھانوں کی بھی تھی۔میں آج بھی ان لوگوں کو یاد کرتا ہوں بے حد ہنس مکھ، ملنسار، شام کو باہر بیٹھ کر ڈفلی بجا بجا کر گاتے تھے۔ جب تک اکیلے تھے ہم وہاں رہے جب والدہ اور چھوٹی بہن کراچی آئیں تو ہم جوبلی سینما کے قریب پولیس اسپتال کے سامنے ایک فلیٹ میں منتقل ہوگئے بعد میں ناظم شفٹ ہوگئے کہ وہاں بھوپال کے اور کئی خاندان قیام پزیر تھے۔ وہاں ہمارا اچھا وقت گزرا۔ اس وقت کراچی کی آبادی بمشکل تین ملین تھی سڑکیں صاف ستھری، اچھی بسیں اور ٹرامیں، نہایت لذیز کھانے، اعلیٰ تعلیمی و ثقافتی ماحول ۔ میں یہ چھوڑ کر 1961 میں (تین سال انسپکٹر اوزان و پیمانہ جات رہ کر) باہر چلا گیا ۔ جب دسمبر 1975 کے اواخر میں واپس آیا تو یہ شہر بدل چکا تھا۔ نسلی تعصب، فرقہ پرستی، مذہبی انتہا پرستی نے قدم جمانا شروع کردیئے تھے جہاں پہلے مہینوں ایک قتل کی خبر نہ آتی اب روز قتل و غارتگری کا میدان سجنے لگا۔ غالباً ان ہی حالات کو دیکھ کر ہمارے ہر دلعزیز شاعر جناب منیر نیازی نے کہا تھا (غلطی ہو تو معذرت خواہ ہوں):
اس شہر سلاسل کو جلا دینا چاہئے
پھر اس کی خاک کو اُڑا دینا چاہئے
غالباً مُنیر بھائی فرمان اِلٰہی سے متاثر ہوئے جس میں اللہ رب العزت نے فرمایا ہے کہ وہ جب بارش برساتا ہے تو ہر چیز سرسبز و شاداب ہوجاتی ہے مگر جب اس کو خشک کردیتا ہے تو وہ خاک بن کر ہوا میں اُڑتی پھرتی ہے۔چند دن پہلے مجھے واٹس ایپ پر کراچی سے متعلق ایک پیغام ملا، پرانی یادیں تازہ ہوگئیں۔ ہر مرتبہ پڑھتا، آنکھیں بند کرکے اپنے پرانے کراچی کو یاد کرتا، نگاہوں کے سامنے اس وقت کی ہر خوبصورت شے سامنے آجاتی۔ آپ کی خدمت میں وہ پیغام پیش کرتا ہوں مجھ جیسے عمر رسیدہ لوگوں کے لئے یہ ایک سنہرا خواب ہے۔
’’ایک خانہ خراب شہر کی یاد میں ۔ جب یہ شہر قاری ظاہر قاسمی کی تلاوت پرجاگتا تھا اور بندو خان کی سارنگی سن کر سوتا تھا۔ جب رشید ترابی، احتشام الحق تھانوی اور شفیع اوکاڑوی خطابت کے جوہر دکھاتے تھے اور مفتی محمدشفیع اور بابا ذہین شاہ تاجی علم کے گوہر رولتے تھے۔ جب شاہد احمد دہلوی موسیقی کے سبق یاد کرواتے تھے اور استاد جھنڈے خان کے قصے سناتے تھے۔ جب مولوی عبدالحق مشفق خواجہ کو تحقیق کے گر سکھاتے تھے اورجمیل جالبی اور ابوالخیر کشفی تنقید کے نئے نئے دبستانوں سے روشناس کرواتے تھے۔ جب کرار حسین، سید سبط حسن اور حسن عسکری علم کے دریا بہاتے تھے اور سلیم احمد اور قمر جمیل نئی شمعیں جلاتے تھے۔ جب سیماب اکبرآبادی وحی منظوم لکھتے تھے اور آرزو لکھنوی سریلی بانسری بجاتے تھے۔ جب جوش ملیح آبادی یادوں کی برات سناتے تھے اور قصر جلالوی شاگردوں کی منڈلیاں سجاتے تھے۔ جب ابن صفی عمران اور فریدی کی داستان سناتے تھے اور شکیل عادل زادہ استاد بٹھل اور بابر زماں خان کے قصے رولتے تھے۔ جب ملا واحدی دلی کی بھولی بسری کہانیاں سناتے تھے اور بہزاد لکھنوی، لکھنؤ کے حکیم بڈھن سے ملواتے تھے۔ جب ابراہیم جلیس، ابن انشا اور مشتاق احمد یوسفی گدگداتے تھے اور ظریف جبل پوری، سید محمد جعفری اور دلاور فگار پھلجھڑیاں چلاتے تھے۔ جب خواجہ معین الدین اور احمد علی اسٹیج پر مسکراہٹ بکھیرتے تھے اور حسینہ معین اور کمال احمد رضوی چھوٹی اسکرین پر۔ جب حکیم مولانامولوی مرزا ماہربیگ ماہر جا بجا ہر مسافر پرہے لازم صبر کرنا چاہئے کے مصرے لکھتے پھرتے تھے اور سلطنت مغلیہ کے چشم و چراغ اور وارث اصلی استاد محبوب نرالے عالم شہر کی سڑکوں پر چنا جور گرم کی صدائیں لگاتے تھے۔ جب فضل احمد کشمیر والاکو نہرو کی یتیم بیٹی کو سمجھانے کے لئے خطوط لکھتے تھے اور علامہ مشرقی کے فرزند شہر کی دیواریں سیاہ کرکے شفاف تحریک چلاتے تھے۔جب ماہر القادری اور ادیب رائے پوری آمنہ کے لال کی مداح سرائی کرتے تھے۔ اور آل رضا اور نسیم امرہوی محمد کے نواسے کے مرثیے سناتے تھے۔ جب وحید ظفر قاسمی اور خورشید احمد نعتوں کی نوا سنجی کرتے تھے اور کجن بیگم سوز و سلام اور سچے بھائی نوحے پڑھتے تھے۔ جب غلام فرید صابری عبداللہ شاہ غازی کے مزار پر بھردو جھولی مری یا محمد کا نذرانہ پیش کرتے تھے اور ان کے بعد ان کا بیٹا امجد، علی کے ساتھ زہرا کی شادی کی روایت سناتا تھا۔ جب شوکت صدیقی خدا کی بستی آباد کرتے تھے اور قراۃ العین حیدر ہائوسنگ سوسائٹی کی بنیادیں رکھتی تھیں۔ جب ہاجرہ مسرور اور فردوس حیدر کہانیاں سناتی تھیں اور زہرا نگاہ اور پروین شاکر اپنی غزلوں سے شاعری کو مالا مال کرتی تھیں۔ جب سراج الدین ظفر اور عزیز حامد مدنی غزل کو نیا لہجہ عطا کرتے تھے اور رساچغتائی اور جون ایلیا غزل کے پرانے مضامین کو تازگی عطا کرتے تھے۔ جب محسن بھوپالی نظمانے اور حمایت علی شاعر ثلاثی ایجاد کرتے تھے اور احمد ہمیش، قمر جمیل اور افتخار جالب نثری نظم کی تحریک چلاتے تھے۔ جب تابش دہلوی اور محشر بدایونی دن کو رات بناتے تھے اور عبید اللہ علیم اور جمال احسانی راتوں کو دن میں بدلتے تھے۔ جب رئیس امروہوی روز ایک تازہ قطعہ لکھ کر عوام اور ارباب حکومت کو آئینہ دکھاتے تھے اور شوکت تھانوی اور مجید لاہوری طنز و مزاح کے تیر برساتے تھے۔ جب جمیل الدین عالی جیوے جیوے پاکستان اور دوہے سناتے تھے اور صہبا اختر میں بھی پاکستان ہوں، تو بھی پاکستان ہے اور نظموں سے مشاعروں کو گرماتے تھے۔ جب وحید مراد اور ندیم بڑی اسکرین پر جگمگاتے تھے اور مہدی حسن اور احمد رشدی پس پردہ گنگناتے تھے۔
جب زیبا، دیبا اور شمیم آرا فلموں میں چہچہاتی تھیں اور شہناز اور مہناز بیگم سر بکھراتی تھیں۔ جب علن فقیر اور عابدہ پروین شاہ کی دیوانی گاتے تھے اور عالم گیر اسپین اور شہکی اور حسن جہاں گیر ایرانی دھنوں پر دھوم مچاتے تھے۔ جب فضل احمد کریم فضلی فلمی دنیا میں چراغ جلاتے تھے اور الیاس رشیدی ان کی روشنی اپنے نگار خانے میں محفوظ کرتے تھے۔ جب انوار احمد خان اور اصلاح الدین تمغوں پر تمغے جیت کر وطن کی جھولی میں ڈالتے تھے اور روشن خان اور جہانگیر خان ریکارڈز پر ریکارڈ ز توڑتے چلے جاتے تھے۔ جب اتوار کی صبح کا آغاز حامد میاں کے گھر سے ہوتا تھا اور عاشور کی شام غریباں کا اختتام ناصر جہاں کے سلام آخر پر۔ جب صادقین مصوری میں شاعری کرتے تھے اور گل جی، آذر زوبی، بشیر مرزا اور علی امام نئے دبستانوں کی کھوج لگاتے تھے۔ جب رتھ فائو جذامیوں کےعلاج کے لئے ہسپتال بناتی تھیں اور جمشید نصروانجی بابائے کراچی کہلاتے تھے۔ جب ایدھی نوزائیدہ بچوں کو جھولے اور نازائیدہ بچوں کو کفن دیتا تھا اور حکیم محمد سعید اور سرجن جمعہ مسیحائی کرتے تھے۔ جب محمد علی حبیب اور آغا حسن عابدی نئے نئے بینک بناتے تھے اور آدم جی، عائشہ باوانی اور دائود صنعتوں کے ساتھ ساتھ شہر میں تعلیمی ادارے بھی قائم کرتے تھے۔ جب بیکن ہائوس اور سٹی اسکول نہیں بلکہ پیلے اسکولوں میں پڑھنا باعث افتخار سمجھا جاتا تھا اور اے ایم قریشی اور مولوی ریاض الدین اسلامیہ اور جناح کالج جیسے کالجوں میں مستقبل کے معمار تیار کرتے تھے۔ جب زیڈ اے بخاری، ضیاء محی الدین اور طلعت حسین آواز کا جادو جگاتے تھے‘ عرش منیر‘ صفیہ معینی اور رینو کا دیوی بیگم خورشید مرزا کے روپ میں ہر گھر میں احترام کا مرکز بن جایا کرتی تھیں اور ہمارے لطف اللہ خان چپکے چپکے ان کی آوازیں محفوظ کرتے تھے۔ جب فاطمہ جناح آمریت کو للکارتی تھیں اور بے نظیر بھٹو مارشل لا کی سختیاں سہتی تھیں۔ جب علی مختار رضوی صدر کے قہوہ خانوں میں چائے کی پیالی میں طوفان برپا کرتے تھے اور معراج محمد خان تن تنہا انقلاب کی آمد کی چاپ سنتے تھے۔ جب ادیب الحسن رضوی مشتاق احمد گورمانی کی کار کو آگ لگاتے تھے اور کشور غنی، منور غنی، خوش بخش عالیہ، شفیع نقی جامعی، ظہور الحسن بھوپالی اور دوست محمد فیضی کی کامیابی ہر گھر کے بچوں کی کامیابی سمجھی جاتی تھی۔ آپ میں سے پیشتر نے وہ زمانہ دیکھا ہے اور کچھ نے یقیناً نہیں۔ جنہوں نے وہ زمانہ دیکھا ہے ان کے لئے شکور پٹھان کی کتاب میرے شہر والے، ایک شہر آشوب ہے اورجن لوگوں نے وہ زمانہ نہیں دیکھا ان کے لئے ایک جہاں حیرت۔ اسے پڑھیے اور سوچئے کہ ہم نے بیسویں صدی سے اکیسویں صدی میں قدم رکھا ہے یا شاید اچانک کئی صدی پیچھے چلے گئے ہیں۔‘‘
یہ سب واقعات نگاہوں کے سامنے گھوم رہے ہیں۔ ساتھ ہی ڈی جے کالج، اپنے پیارے مہربان اساتذہ، دوست،برنس روڈ کی جلیبیاں، بوہری بازار میں آلو اور گوشت کے چھوٹے چھوٹے گرم گرم کباب، لسی اور کیفے جارج اور دلی کے کالی کٹ ہوٹل کا قورمہ، کولڈ کافی سب ہی یاد ہے۔ قارئین، تمہیں وہ دن یاد آتے تو ہوں گے۔ خوابوں میں تم کو ستاتے تو ہوں گے!(بشکریہ جنگ لاہور)
(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(ایمرا نیوز)
وہ پروٹوکول کو ناپسند کرتا ہے، لینے سے یکسر انکاریاس نے عوام کی عسرت و افلاس دیکھتے ہوئے کہا کہ اسے 135ایکڑ یعنی5مربع 10ایکڑ پر محیط پر تعیش اور مہنگے ترین وزیر اعظم ہائوس میں رہتے ہوئے شرم آئے گی جس میں 50افسران پر مشتمل پروٹوکول دستہ، لاتعداد دیگر ملازم ہیں جن کا خرچ 70کروڑ، سیکورٹی کے نام پر سالانہ 10کروڑ، مہمان نوازی اور تزئین و آرائش پر بھی کئی کروڑ خرچ ہوتے ہیں …….واقعی بے شرمی کے ساتھ ہی وہاں رہا جاسکتا ہے ورنہ جس ملک میں کروڑوں لوگ خط غربت پر رینگ رہے ہوں کروڑوں بچےا سکولوں سے باہر ہوں، کروڑوں نوجوان بیروزگاری کے جہنم سے گزر رہے ہوں، وہاں کا وزیراعظم ایسی عیاشیاں کیسے افورڈ کر سکتا ہے لیکن شرط تو شرم کی ہے۔
ادھر چھوٹے میاں کی سن لیں جاتی امرا میں 500اہلکاروں کے علاوہ 2700سے زائد پولیس ملازم حبیب جالب گانے والے کی سیکورٹی پر مامور تھے’’ایسے دستور کو صبح بے نور کو میں نہیں مانتا‘‘ صرف 8سالوں میں ساڑھے سات ارب روپیہ اس ’’عرشی مخلوق‘‘ کی حفاظت پر خرچ ہوا اور اس کھرب پتی خاندان کا یہ شرمناک کارنامہ تو ناقابل بیان حد تک بے رحمانہ و سفاکانہ ہے کہ غریب عوام کے پیٹ کاٹ کر انہوں نے 3ارب 60کروڑ روپیہ اپنی ذاتی رہائش گاہوں کی حفاظتی دیوار پر خرچ کر دیا کیونکہ انہیں یقین تھا کہ یہ احتساب سے بالاتر اور ناقابل تسخیر ہو چکے ہیں، عوام ان کے غلام ،آئین و قانون ان کی کنیزیں اور خواجہ سرا لیکن پھر قدرت کو رحم آگیا۔ایک غیر سیاسی ،کھلاڑی، شکاری اور ’’اناڑی‘‘ میدان میں اترا اور اس کی جاں لیوا انتھک محنت اور اللہ پر ایمان راسخ کے نتیجہ میں یہ سارے بت منہ کے بل زمین پر آ رہے۔
عوام، اداروں اور عمران خان کا امتحان
یہ سیاست نہیں معجزہ ہے، یہ انہونی ہو چکیاور اگلا مرحلہ بھی ناقابل فراموش، ناقابل یقین کہ عمران خان منسٹرز انکلیو کے عام سے گھر میں رہے گا اس گھر کی ریپیئر اینڈ مینٹینس کا خرچ بھی خود ادا کرے گا اور ذاتی گھر بنی گالہ کی سیکورٹی کا بوجھ بھی خود برداشت کرے گا۔ یہ سب غلیظ ، آدم خور، عوام دشمن حکمرانہ کلچر کو یکسر تبدیل کر دینے کی طرف اٹھ چکا فیصلہ کن قدم ہے اور عوام کے ساتھ اپنی جڑت کا اعلان کہ یہی عمران خان کی اصل پہچان ہے کہ وہ چند مرلوں کی کٹیا میں بھی رہے تو عمران خان ہے جبکہ دوسرے ہزاروں کنالوں میں بھی رہیں تو اکلوتی شناخت صرف اتنی کہ ………’’سارا ٹبر چور ہے‘‘
عوام، اداروں اور عمران خان کا امتحان
11 اگست 2018ء کا اک روزنامہ میرے سامنے ہے اور اس کی سرخیوں میں ایک سطر بھی میری نہیں۔’’شہباز شریف 10 سال ….. 5وزیر اعلیٰ ہائوس، 5سیکرٹریٹ چلاتے رہے ۔قومی خزانے کو اربوں کا نقصان‘‘’’پنجاب کے ہر ادارے میں اربوں کی کرپشن۔ ایک دھیلہ کی کرپشن نکل آئے تو پھانسی پر لٹکا دیں ‘‘ والے بیان کا اب کیا ہوگا ؟‘‘’’سرکاری ہیلی کاپٹروں اور جہازوں کا بے دریغ استعمال، 8کلب پر حمزہ شہباز نے قبضہ جمائے رکھا، ہر طرف کرپشن کا راج رہا ‘‘’’شہباز شریف کے دور میں ایوان وزیر اعلیٰ کے شاہانہ اخراجات کی تحقیقات شروع‘‘’’اکائونٹنٹ جنرل پنجاب ایوان وزیر اعلیٰ، ماڈل ٹائون پر کئے گئے 4ارب روپے کے اخراجات کا آڈٹ کریں گے‘‘’’90شاہراہ اور ایوان وزیر اعلیٰ اور ماڈل ٹائون سیکرٹریٹ پر کروڑوں کے اخراجات کئے گئے تھے‘‘’’مال مفت دل بے رحم‘‘ جیسا محاورہ مذاق لگتا ہے‘‘’’حلوائی کی دکان پر دادا جی کی فاتحہ ‘‘ جیسا محاورہ بھی کتنا گھٹیا، فضول اور کمینہ محسوس ہوتا ہے کہ ان لوگوں نے تو پورے پاکستان کو حلوائی کی دکان بنائے رکھا اور ڈھٹائی کی انتہا یہ کہ ………’’اک واری فیر شیر ‘‘”I LOVE YOU TOO”
عوام، اداروں اور عمران خان کا امتحان
پاکستان ضرورت سے زیادہ جان دار ہے ورنہ ان جیسوں کے ہوتے ہوئے آدھی آبادی بھوک سے مر گئی ہوتی لیکن ا للہ پاک پالن ہار ہے ورنہ جو حقائق سامنے رکھے، ان میں لوٹ مار کاتو ایک روپیہ شامل نہیں اور تردید کوئی بے غیرت بھی نہیں کر سکتا ۔اسی لئے یہ بات ہمیشہ میرے سیاسی ایمان کا حصہ رہی ہے کہ اگر پاکستان کو صرف کھانا، نوچنا، بھنبھوڑنا ،نچوڑنا ہی بند کر دیا جائے تو یہ ملک فیز ایبل ہے اور وائے ایبل بھی ۔جہاں دھواں ہو، وہاں آگ ضرور ہوتی ہے ۔کسی نئے NORکے ساتھ ساتھ ’’پلی پارگین‘‘ کی کہانیاں بھی گردش کر رہی ہیں تو مشتری ہشیار باش ………جاگتے رہنا ہو گا اور یہ عوام، اداروں اور عمران کا مشترکہ امتحان ہو گا جو پاکستان کے مستقبل کا فیصلہ کر دے گا۔میں پاکستان سے صرف چند سال چھوٹا، 60کی دہائی میں ہوں حلفاً عرض کر رہا ہوں کہ جب سے سچ مچ ہوش سنبھالا تب سے لیکر اب تک عوام کو اداروں پر اس قدر متخجر کبھی نہیں دیکھا۔
عوام، اداروں اور عمران خان کا امتحان
بدمعاش کہتے ہیں جس کا معاش بد ہو۔ پہلی بار بدمعاشوں میں سہم سرایت ہوتے دیکھ رہا ہوں اور سچ مچ کی شریفوں میں اعتماد کی جھلکیاں تو یہ سرمایہ لٹانے والا نہیں کہ بھیڑیے کے ساتھ رحم بھیڑوں کے ساتھ بے رحمی ہے ۔چلتے چلتے اک ہلکی پھلکی بات۔ میں جانتا ہوں قاعدہ قاعدہ، ضابطہ ضابطہ ہوتا ہے عمران خان نے ووٹ کی رازداری ’’پامال‘‘ ہونے پر معذرت طلب کی جو قبول بھی ہو چکی لیکن پارٹی سربراہ کے ووٹ کی رازداری کیا ؟کیا اس نے آصف زرداری، نواز، شہباز یا فضل الرحمن کو وٹ دینا تھا؟اصل رازداری تو NORاور پلی بارگین ہے اور یہی عوام، اداروں اور عمران کا اصل امتحان بھی ۔(بشکریہ جنگ لاہور)

(ایمرا نیوز)
میں اِس وقت اسلام آباد میں ہوں ۔موسم بہت اچھا ہے ،امید کے درختوں پر پھول کھل اٹھےہیں ۔رستے میں رکی ہوئی بہار چل پڑی ہے ۔چہرے مسکراہٹوں سے بھرپور ہیں ۔آنکھوں میں چمک ہے ۔بنی گالہ کے قریب فواد چوہدری اور میں موجود ہیں ۔اُن سے نئے پاکستان کے خدو خال پر گفت و شنید جاری ہے ۔وہ کہہ رہے ہیں ۔’عمران خان کونئے پاکستان کےلئے صرف پچیس ارب ڈالر کی ضرورت ہےاور اِس رقم کا بندوبست ہوچکا ہے ۔اسلامی ترقیاتی بینک پاکستان کو چار ارب ڈالر اور سعودی اسلامی بینک دو ارب ڈالر دینے کےلئے عمران خان کی حکومت کا انتظار کر رہے ہیں ۔تمام کاغذی کارروائی مکمل کرلی گئی ہے ۔آ ئی ایم ایف کی طرف سے بھی بارہ ارب ڈالر کے پیکیج پر مذاکرات کی دعوت مل چکی ہے ۔مذاکرات ستمبر کے پہلے ہفتے میںشروع ہو سکتے ہیں ۔چین بھی پاکستانی معیشت کو سنبھالا دینے کےلئے تقریباً بارہ ارب ڈالر کی پاکستان میں فوری سرمایہ کاری پر غور کر رہا ہے ۔اوورسیز پاکستانیوں سے بھی تقریباً دو ارب ڈالر کی سرمایہ کاری متوقع ہے ۔یوں تقریباً بتیس ارب ڈالر کی بیرونی سرمایہ کاری کا امکان ہے ۔اگرپاکستانی معیشت میں فوری طور پر بیس ارب ڈالر کی رقم شامل ہو گئی تو ڈالر کی قیمت جو اس وقت ایک سو چوبیس روپے ہے وہ ساٹھ روپے پر آجائے گی اور بیرونی قرضے آدھے ہوجائیں گے کیونکہ قرضے تو ڈالر کی قیمت کے ساتھ بڑھتے ہیں ۔اور پھروہ دوسو ارب ڈالر جو پاکستانیوں کا سوئز بینکوں میں پڑا ہے اگر موجودہ حکومت اس رقم کو واپس لانے میں کامیاب ہو گئی تو وہ تمام خواب جو عمران خان نے دیکھے ہیں انہیں تعبیر مل جائے گی ۔انہیں پورا یقین ہے کہ عمران خان مہنگائی کے دیو کوفوری طور پر کنٹرول کرلیں گے ۔اس مقصد کےلئے انہوں نے جو اسد عمر جیسی اہل شخصیت کا انتخاب کیا ہے وہ ضروران کی توقعات پر پورا اترے گی۔
اگرچہ فواد چوہدری کےپاس بہت سی خبریں تھیں ۔میرے ساتھ شیئر بھی کیں مگر لکھنے کی اجازت نہیں دی کہ ہر خبر اپنے وقت پر سامنے آئے ۔خبریں تو امجد علی خان کے پاس بھی بہت تھیں ۔امجد علی خان اور میں گزشتہ دو روز سے بہت ملول ہیں ہمار ے بہت پیارےدوست الطاف ملک کی ناگہانی وفات نے ہمیں بہت اداس کر رکھا ہے ۔جب ہم اُ س کا جنازہ پڑھنے خوشاب گئے تو دل بہلانے کےلئے ادھر ادھر کی باتیں کرتے رہے ۔بہت سی باتیں ایسی ہوئیں جنہیں آپ کے ساتھ شیئر کرناچاہتا ہوں مگر امجد علی خان نے فواد چوہدری کی طرح یہی کہا کہ خبر اگر وقت سے پہلے باہر آجائے تو مسائل جنم لینے لگتے ہیں ۔میں نے امجد علی خان کو یاد دلایا کہ ایک بار میں نے تم سے پوچھا تھا کہ عمران خان کا یہ ’’نیا پاکستان ‘‘ کیا چیز ہے ۔ تو تم نے کہا تھا’’عمران خان کے نئے پاکستان میں ہر پیدا ہونے والا بچہ ،پیدائش کے بعد حکومت کی ذمہ داری قرار پائے گا۔اس کیلئے اس کے والدین کو باقاعدہ ہر ہفتے اس کے اخراجات کی رقم ملے گی ۔اس کی تعلیم اس کی صحت کی ذمہ داری حکومت پر ہوگی ۔چاہے وہ امیر کاہو یا غریب کا بچہ۔ہر وہ شخص جس کے پاس روزگار نہیں ہوگا اسے اُس وقت تک بے روزگاری الائونس ملے گا جب تک اسے روزگار نہیں مل جاتا ۔وہ تمام عورتیں اور مردجن کی عمر 65سال سے زیادہ ہوجائے گی انہیں پنشن ملے گی چاہے زندگی میں کبھی انہوں نے نوکری کی ہو یا نہ کی ہو ۔ ہر وہ آدمی جس کے پاس گھر نہیں ہوگا حکومت اسے کرائے پر گھر فراہم کرے گی اور اس وقت تک اس کا کرایہ خود ادا کرے گی جب تک وہ کرایہ ادا کرنے کے قابل نہیں ہوگا۔ہیلتھ کی سہولتیں تمام لوگوں کیلئے مفت ہوں گی۔
نئے پاکستان میں ہر شخص جو کام کرتا ہوگا وہ ضرور ٹیکس ادا کرے گا وگرنہ حکومت زبردستی ٹیکس لے گی ۔ ٹیکس کی شرح آمدن کے ساتھ بڑھتی جائے گی مثال کے طور پر سال میں دو لاکھ روپے کمانے والے پر بیس فیصد ٹیکس ہوگا دو لاکھ سے لے کر پچاس لاکھ کمانے والے پر چالیس فیصد ٹیکس ہوگا اور اس سے زیادہ کمانے والے کو ساٹھ فیصد ٹیکس ادا کرنا پڑے گا۔ ہر شخص کامکمل ڈیٹا کمپیوٹرائزڈ ہوگا۔کوئی شخص اپنی آمدنی چھپا نہیں سکے گا اور آمدنی چھپانے پر جرمانے کے ساتھ قید بامشقت کی سزا بھی ملے گی ۔ کوئی بڑا آدمی ہو یا چھوٹا سب کیلئے انصاف برابر ہوگا۔عدالتیں ہر شخص کو مکمل انصاف فراہم کریں گی۔ مقدمہ لڑنے کیلئے اگر کسی کے پاس رقم نہیں ہوگی تو اسے وکیل حکومت فراہم کرے گی۔‘‘کیا اس خواب کی تعبیر ہماری آنکھیں دیکھنے والی ہیں تو امجد علی خان نے کہا ۔ ’’ ضرور دیکھیں گی مگر بتدریج ۔ غم کی رات ختم ہوچکی ہے صبح کا تارہ دمک رہا ہے ۔وہ جسے عمران خان کہتے ہیں۔
بے شک جہاں غم کے نوحے گونجتے ہیں وہیں شادیانے بھی سنائی دیتے ہیں اور شادیانے بجانے کا دن بھی دروازے پر کھڑا ہے یعنی چودہ اگست آنے کو ہے ۔جشن ِ آزادی کی تیاریاں جاری ہیں ۔ وہ سامنے پاکستانی پرچموں کی بہار لگی ہوئی ہے ۔شاید جشن ِ آزادی کی جھنڈیاں بک رہی ہیں ۔انجم خیالی نے کہا تھا۔
سنبھال رکھی ہیںدامن کی دھجیاںمیں نے
اگست آیا تو پھر جھنڈیاں بنائوں گا
فواد چوہدری اور میں بھی دامن کی دھجیوں سے جھنڈیاں بناتے ہیں ۔مولانا فضل الرحمن بھی زیر بحث آئے۔ کیسے کیسے لوگ جی کو جلانے کےلئے پاکستان میں موجود ہیں ۔بہت دکھ ہوا جب انہوں نے اپنے اجداد کی روایات کی پاس داری کرتے ہوئے کہا کہ پاکستان ایک آزاد ریاست نہیں ہے ۔ یہ ایک اسلامی اور جمہوری ریاست بھی نہیں ہے اس لئے ہم چودہ آگست کو یومِ آزادی نہیں منائیں گے ۔واضح ترین مطلب یہی ہوا کہ ہم چودہ کی بجائے پندرہ اگست کو جشن ِآزادی منائیں گے مگر سوال پیدا ہوتا ہے کہ جہاں پندرہ اگست کو یوم آزادی منائی جاتی ہے کیاوہ اسلامی جمہوری ملک ہے؟(بشکریہ جنگ لاہور)

پرائم منسٹر ہائوس پلس نیشنل سینٹر فار آر اینڈ ڈی(ڈاکٹر مجاہد منصوری)
الیکشن۔18کے نتائج کی قومی اور بین الاقوامی سطح پر وسیع ترقبولیت کے بعد مستحکم ہوتے جمہوری عمل میں حکومت سازی کا عمل جاری و ساری ہے۔ وزیر اعظم کے انتخاب کے لئے قومی اسمبلی کا اجلاس 18اگست کو طلب کرلیا گیا ہے۔ وفاقی اور صوبائی حکومتوں کی تشکیل کے لئے جو پارلیمانی اتحاد بننے تھے بن گئے۔ اپوزیشن جماعتوں کا بھی، جس کی پارلیمانی جسامت حکومتی اتحاد کے مقابل قدرے ہی کم ہے، تاہم متحدہ اپوزیشن کی چار جماعتوں کے سربراہ، مولانا فضل الرحمن ، سراج الحق، اسفند یار اور محمود اچکزئی انتخابی عمل میں عوامی نمائندگی کے حق سے محروم ہوگئے۔ متضاد الخیال جماعتوں کا اتحاد پارلیمانی اعداد وشمار کے حوالے سے اچھا خاصا بڑا ہونے کے باوجود کتنا کمزور ہے؟ اس کا اندازہ انتخابی دھاندلی کے الزام پر اپوزیشن اتحاد کے احتجاجی مظاہرے کی کیفیت سے ہوگیا جو فقط احتجاج برائے احتجاج تھا۔ سب سے بڑی پارلیمانی اپوزیشن پارٹی، ن لیگ کے نئے سربراہ ش سے شہباز شریف تو’’موسم کی خرابی‘‘ کے باعث اسلام آباد میں الیکشن کمیشن کے سامنے ہونے والے اس احتجاجی مظاہرے میں شریک ہی نہ ہوئے۔ یوں بھی اتحادی قائد ہوتے ہوئے شہباز صاحب کا احتجاجی لہجہ احتجاجی ساتھی رہنمائوں سے متضاد اور دھیما ہے۔ اس طرح جاری جمہوری عمل میں حکومتیں بننے سے پہلے ہی متحدہ اپوزیشن تو وجود میں آگئی جو ابھی سے ہی اپنا احتجاج کا آئینی حق بھی استعمال کررہی ہے، لیکن ہے ڈھیلا ڈھالا ہی کہ انتخابی نتائج کی عوامی اور عالمی قبولیت بلند درجے پرہے، تاہم الیکشن کمیشن کی غلطیوں پر اپوزیشن کا بھڑاس نکالنا بنتا تو ہے۔
جہاں تک پی پی کا تعلق ہے، اس کا جمہوری جذبہ مسلمہ ہے۔ وہ متحدہ اپوزیشن اتحادمیں شامل تو ہے لیکن وہ سڑکوں چوکوں سے زیادہ حکمراں جماعت بننے والی پی ٹی آئی کو ایوان میں پارلیمانی انداز سے نپٹنے کی طرف زیادہ مائل ہے۔ شاید پیپلز پارٹی نے الیکشن70میں فقط مغربی پاکستان میں ہی دو تہائی اکثریت حاصل کرنے پر’’ادھر تم ادھر ہم‘‘ کے تباہ کن نعرے کے المناک نتائج سے جمہوریت کو پارلیمان سے ہی چلانے کا سبق سیکھ لیا ہے، جو قابل قدر اور سب جماعتوں کے لئے قابل تقلید ہے۔رہا الیکشن کمیشن، عین ڈی ڈے پر نئی ٹیکنالوجی کے استعمال میں ناکامی اور کچھ پروسیجرل خامیوں پر پی ٹی آئی سمیت تمام ہی سیاسی جماعتوں اور میڈیا کی شدید تنقید کے بعد اب سرگرم ہو کر کفارہ ادا تو کررہا ہے۔ چلو! اس فوری ازالے، سب سے بڑھ کر امن عامہ کو یقینی بنانے کے لئے ملک بھر کے پولنگ ا سٹیشنز پر فوجی جوانوں کےمحدود آئینی فرض کی ادائیگی الیکشن کا عوام میں اعتماد قائم کرنے میں بہت کار آمد ثابت ہوئی جس کا اعتراف عالمی غیر جانبدار مانیٹرنگ ٹیمز نے بھی کیا اور بحیثیت مجموعی پولنگ پراسس کو پہلے سے بہتر قرار دیا۔
جہاں تک مولانا، اچکزئی اورا سفند یار کے واویلے کا تعلق ہے، وہ یہ یقین کرکے کہ اپنی انتخابی شکست کے زخم پر مرہم رکھ سکتے ہیں کہ’’اگر ان کے اور ن لیگ کے پروپیگنڈے کے مطابق الیکشن ڈیزائنڈ ہوتے تو جو پاپڑ پی ٹی آئی کو حکومت بنانے کے لئے بیلنے پڑے ہیں، وہ نہ بیلتے، نہ ہی جتنے کم پارلیمانی مارجن پر عمران حکومت بننے والی ہے، وہ اتنے کم پر بنتی۔ ڈیزائنرز تو ایسی مشکل پیدا کرنے کاخطرہ مول نہ لیتے اور کرنا ہی ہوتا تو آسانی سے تحریک انصاف کے لئے حکومت سازی کا کھلا ڈلا اہتمام کرتے، جیسا کہ ہماری روایتی انتخابی تاریخ میں ہوتارہا ہے۔
حضور!وہ زمانے گئے جب خلیل خاں فاختہ اڑاتے تھے۔
اب تو وزیر اعظم بننے کے لئے اسٹیٹس کو کی دیوہیکل طاقت سے بار بار ٹکرانا پڑتا ہے اور خان اعظم عمران خان کی سی باکمال جہد مسلسل درکار ہے۔ نتیجہ آج اسٹیٹس کو کی طاقت کا سرچشمہ مال حرام ، تھانے ،کچہریوں اور جیل کی ہوا کھلاتا ہے۔ یہ تو تھا بعد از انتخاب ظہور پذیر تابناک پاکستان کی صورتحال کے حوالے سے وفاق اور صوبوں کی امکانی کابینہ کی تشکیل کا موضوع کہ کس کس صوبے میں کون کون وزیر اعلیٰ اور وفاق میںکس کس کو کون کون سی وزارت کے وزیر بنائے جانے کا امکان ہے؟ بڑا خبری موضوع ہے لیکن اس روایتی مرحلے پر ایک بالکل منفرد موضوع بھی خبری موضوع بنا ہے جو تبدیلی کے علمبردار ہمارے غالب ہوتے رہنما نے وزیر اعظم بننے سے پہلے میڈیا، سیاسی حلقوں اور بیوروکریسی کو بحث، خبروں اور تجزیوں کے لئے دیا ہے۔ مین سٹریم میڈیا کے علاوہ سوشل میڈیا بھی اس پر سرگرم ہے۔ یہ ہے عمران خان کےوزیر اعظم بننے کے بعد، پرائم منسٹر ہائوس کا اسلام آباد کے ’’پنجاب ہائوس‘‘ میں منتقل ہوجانا۔ اس کا اعلان انہوں نے انتخابی نتائج سے یہ واضح ہونے پر کہ اب وہ ہی وزیر اعظم بنیں گے، اپنی پہاڑی رہائش گاہ بنی گالا پر بذریعہ میڈیا عوام سے مخاطب ہوتے ہوئے کیا تھا۔ خان صاحب کا یہ خطاب فاتحانہ سے زیادہ ان کے شکر و فکر کا عکاس تھا، جس میں انہوں نے اپنے بہت پہلے ظاہر کئے گئے اس ارادے کو دہرایا کہ وہ بطور وزیر اعظم، پی ایم ہائوس میں نہیں رہیں گے جو اتنا پرتعیش ہے کہ انہیں پاکستانی عوام کی موجودہ حالت زار میں وہاں رہتے ہوئے شرم آئے گی۔ اتنی نیک سوچ اورفتح کے خطاب میں اتنی عاجزی سے خان نے جو احوال دل بیان کیا اس کی کتنی سیاسی طاقت ہے؟ خود خان اور بڑے بڑے روایتی تجزیہ نگار اس کا اندازہ لگا ہی نہیں سکتے۔ بس یوں سمجھ لیں کہ گلی محلے اور گائوں گوٹھ میں جس نے بلے پر مہر نہیں بھی لگائی، وہ دل سےقائل ہوگیاہے،’’واقعی خان کو اب تو باری ملنی ہی چاہئے‘‘۔ جب خان حلف اٹھانے کے بعد پی ایم ہائوس کی بجائے عملاً پنجاب ہائوس یا کسی اور سادہ اور محفوظ مقام پر مرکز حکمرانی بنائے گا تو یہ عوام سے گہری محبت رکھنے والے ترقی پذیر دنیا کے حکمراں کا عالمگیر پیغام ہوگا۔ ان کی سوچ یہ ہے کہ اتنے بڑے اور پرتعیش ناصرف پی ایم ہائوس بلکہ صوبوں کے گورنر ہائوس بھی مفاد عامہ کے لئے وقف کردئیے جائیں۔
اس پر جو بحث شروع ہوئی ہے اس کا اہم ترین نکتہ’’وزیر اعظم کی سیکورٹی‘‘ کا ہے جو ناچیز کی رائے کے مطابق اولین قومی ضرورت بن گئی ہے۔ پاکستان کے اس سب سے بڑے روگ کی نشاندہی کہ’’مطلوب قومی قیادت کی عدم موجودگی‘‘ عشروں سے ہورہی ہے جو اللہ نے اپنیتدبیر سے اور عوام نے سمجھ کر پوری کرلی۔ وگرنہ تو نوبت قانونی عدالتوں کے مقابل’’عوامی عدالتیں‘‘ قائم کرنے کے ارادوں نہیں منصوبوں تک پہنچ گئی تھی۔
اس ضمن میں ناچیز کی تجویز ہے کہ اس معاملے کو فقط عمران خان کی ذاتی مرضی اورنیک ارادے پر نہ چھوڑا جائے، اس کا فورم پی ٹی آئی کی سینٹرل ایگزیکیٹو کمیٹی کو ہوناچاہئے۔ جو میری اس تجویز پر حلف اٹھانے سے پہلے غور و خوض کرکے حتمی فیصلہ کرے۔ پورا یقین ہے کہ عمران صاحب واقعی اتنے بڑے اور پرتعیش پی ایم ہائوس میں شرم اور بوجھل ضمیر سے ڈسٹرب رہیں گے۔ تو، اس حوالے سے جو بھی تبدیلی لائی جائے اس میں دو اہم ترین ضرورتیں، عمران خان کی شخصیت اور قومی سوچ کو عمل میں ڈھالنے کے علاوہ قومی قیادت کی ناگزیر حفاظت کو یقینی بنانا شامل ہے۔
اس کے بعد سپرد خدا، پی ایم ہائوس کا غیر ملکی مہمانوں کی آمد اورعوامی نمائندگی کا مرکز و محور ہونے کے حوالے سے باوقار مگر سادہ ہونا بھی ضروری ہے۔ ریکارڈڈ ہے کہ نئی حکومتیں بننے پر ’’آئین نو‘‘ میں’’گڈ گورننس‘‘ کو جملہ ملکی و قومی مسائل کا حل قرار دیتے، یہ عظیم قومی ہدف حاصل کرنے کی نشاندہی کی گئی ،گورننس کو جدید علوم اورٹیکنالوجی کے ساتھ جوڑ دیاجائے۔ اس کی راہیں بھی بتائیں لیکن اسٹیٹس کو کی حکومتوں کو تو یہ تجویز دینا تو بس’’وماعلینا الالبلاغ‘‘ ہی تھا، وقت آگیا ہے کہ اس کا عملی اور دنیا بھر میں انتہائی عملی مظاہرہ ہوجائے۔
ایک مخصوص علمی سطح کے تمام تعلیم یافتگان جانتے ہیں کہ ترقی یافتہ ممالک کی ترقی کا اوپن سیکرٹ آر اینڈ ڈی(ریسرچ اینڈ ڈیویلپمنٹ) ہے، جو ترقی کے ہر سیکٹر کی مشترکہ اصطلاح ہے اور اس کی فلاسفی تین الفاظ ( دماغ سوزی برین اسٹارمنگ) کھوج(ریسرچ)اور اس کی روشنی میں ڈیویلپمنٹ (ترقی و تبدیلی) کے گرد گھومتی ہے۔
سو، کیوں نہ موجودہ پی ایم ہائوس کے ایک پورشن کو وزیر اعظم ہائوس ہی رہنے دیا جائے اور اس کے دو تہائی حصے کو ہروزارت کے ایک تھنک ٹینک، ریسرچ اور ترقی کے منصوبے تیار کرنے کے لئے استعمال کیا جائے۔یعنی یہ صرف پیغام ہی نہیں ہوگا کہ’’اسلامی جمہوریہ پاکستان‘‘ میں تبدیلی کا آغاز’’گورننس اور آر اینڈ ڈی‘‘ کے ملاپ سے عملاً ہورہا ہے بلکہ اس طرح قومی منتخب قیادت کی سیکورٹی کا وہ سوال بھی پیدا نہیں ہوگا جو ہورہا ہے۔ آج ہمارا وزیر اعظم ہائوس دنیا کامنفرد مرکز اقتدار بنے گا۔ اس حوالے سے ناچیز’’ پی ایم ہائوس پلس آر اینڈ ڈی‘‘ کی تمام عملیات اور جزئیات پر ایکPresentationتیار کرچکا ہے۔ اس سے آگاہی، پی ٹی آئی کی سینٹرل ایگز یکٹو کمیٹی کو پرائم منسٹر ہائوس کہاں؟ کی بحث پر بہتر اور وسیع تر مفادات کے مطابق فیصلہ کرنے میں مدد گار ہوگی۔ وماعلینا الالبلاغ

(ایمرا نیوز)
آج کل کے نوجوانوں کو طعنے دینا بہت آسان کام ہے….. تم محنت نہیں کرتے، سخت سست ہو، کوئی کام تمہیں نہیں آتا، کوئی ہنر تم نہیں جانتے، شارٹ کٹ سے پیسے کمانا چاہتے ہو، سارا دن مردوں کی طرح سوئے رہتے ہو، آوارہ گردی کرتے ہو، پڑھائی میں دھیان نہیں دیتے، وقت ضائع کرتے ہو، ہر وقت موبائل میں گھسے رہتے ہو، تمہاری صحبت ٹھیک نہیں، باہر سے الا بلا کھاتے رہتے ہو، دین کی فکر ہے نہ دنیا کی، لڑکیوں کے چکر میں رہتے ہو…..یہ طعنے سُن کر مجھے اپنا وقت یاد آ جاتا ہے جب ہمیں بھی ایسے ہی باتیں سننے کو ملتی تھیں اور ان میں سے زیادہ تر درست ہوا کرتی تھیں۔ یہ اسّی کی دہائی تھی، بھارتی فلمیں وی سی آر پر دیکھی جاتی تھیں، گانے ڈیک پر سنے جاتے تھے اور واک مین اُن دنوں فیشن کی نشانی سمجھا جاتا تھا، امیر لڑکے واک مین پینٹ میں اُڑس کر کانوں میں ہیڈ فون لگا کر رکھتے تھے اور ہم ایسے انہیں حسرت سے دیکھتے تھے۔ اسّی کی پوری دہائی اسکول میں گزری، یہ وہ دور تھا جب سردیاں آتے ہی ہماری جان نکل جاتی تھی، شدید سردی میں نیکر پہننا یونیفارم میں شامل تھا، البتہ چھٹی جماعت کے بعد نیکر کی جگہ پینٹ لے لیتی تھی، ہم سوچا کرتے تھے کہ نہ جانے وہ وقت کب آئے گا جب اِس نیکر سے جان چھوٹے گی اور ہم بھی شان سے پینٹ پہن کر اسکول جایا کریں گے۔ پانچویں جماعت کے بچوں کی چھٹی بھی آدھ گھنٹہ پہلے ہو جایا کرتی تھی، چھٹی کے بعد ہم دیکھتے کہ بڑے لڑکے اب بھی کلاسوں میں بیٹھے پڑھ رہے ہیں تو سوچتے کہ یقیناً یہ زیادہ اہم اور سیریس کام کر رہے ہوں گے کیونکہ یہ بڑے ہو چکے ہیں، نہ جانے ہم اتنے بڑے کب ہوں گے۔ پانچویں جماعت تک بچوں کو پین استعمال کرنے کی اجازت بھی نہیں تھی، ہم سارا کام پنسل سے کرتے تھے اور اُن بڑے بچوں کو دیکھ کر رشک کرتے تھے جو پین استعمال کرتے تھے۔ بالآخر ایک دن ہم بھی سینئر سیکشن میں داخل ہو گئے، پینٹ شرٹ اور کوٹ یونیفارم بن گیا اور ہاتھ میں پین آ گیا۔ مجھے آج تک یاد ہے جب ہم نے پہلے دن پین استعمال کیا تو ہر لڑکے نے اپنے ہاتھ سیاہی سے بھرلئے اور شیخی بھگاری کہ یار آج پین سے لکھا ہے اس لئے یہ حال ہو گیا ہے۔ اُن دنوں ہاتھوں کی سیاہی پر ہی اکتفا کیا جاتا تھا ایک دوسرے کے چہرے پر سیاہی نہیں ملی جاتی تھی۔ سینئر سیکشن کا شوق جلد ہی اتر گیا، چھٹی دیر سے ہونے لگی، پڑھائی مشکل ہو گئی، میٹرک کا امتحان اُس وقت اکٹھا ہوتا تھا اِس لئے فزکس، کیمسٹری اور بائیولوجی کو ایک ساتھ ہضم کرنا پڑا، ریاضی قدرے دلچسپ لگتی تھی مگر لڑکوں میں یہ کہنا فیشن تھا کہ میتھ کا پیپر سب سے مشکل ہوتا ہے۔ اسکول کا سینئر سیکشن عذاب لگنے لگا، ہم دعائیں مانگنے لگے کہ کب اسکول سے جان چھوٹے گی اور ہم کالج جائیں گے۔
کالج کے متعلق ہم نے فلموں میں دیکھ رکھا تھا کہ وہاں لڑکے اور لڑکیاں اکٹھے پڑھتے ہیں، اسکول کی طر ح بستے گردن میں لٹکا کر جانا نہیں پڑتا، لڑکوں کے ہاتھ میں ایک دو کتابیں ہوتی ہیں اور ٹائم ٹیبل کچھ ایسا ہوتا ہے کہ روزانہ بس ایک آدھ کلاس ہی ہوتی ہے، لڑکیوں کے ساتھ ہنستے کھیلتے کالج گزر جاتا ہے۔ کالج میں داخلے کے بعد مجھے پتہ چلا کہ ہیں کواکب کچھ نظر آتے ہیں کچھ ۔ کالج کی ایف ایس سی اور اسکول کی پڑھائی میں چنداں فرق نہیں تھا، وہی صبح سے دوپہر تک کلاسیں، وہی بھاری بھرکم کتابیں اور خشک ترین لیکچرز۔ مخلوط تعلیم صرف ایم اے میں تھی۔ ایک فرق البتہ یہ پڑا کہ ہماری کلاسیں اسکول کی طرح ایک ہی کمرے میں نہیں ہوتی تھیں، ایک کمرے سے اٹھ کر دوسرے میں جانا پڑتا تھا۔ بی اے میں پہنچ کر کچھ سکھ کا سانس آیا اور مجھے پہلی مرتبہ لگا کہ میں اسکول سے نکل کر کالج میں آیا ہوں۔ گورنمنٹ کالج میں ہم لڑکوں کی گفتگو کا زیادہ تر وقت ہنڈا اور کاواساکی کے تقابلی جائزوں، ہال روڈ سے اپنی پسند کا سستا ڈیک بنوانے کے طریقوں، باڈی بلڈنگ کی افادیت اور ایم اے کی لڑکیوں کے حسن کے نمبر لگانے میں گزرتا تھا، اس کے بعد جو پانچ سات فیصد وقت بچتا اُس میں ہم کبھی کبھار اُن مضامین کے بارے میں بھی بات کر لیتے جنہیں پڑھنے کی نیت سے ہم نے کالج میں داخلہ لے رکھا تھا۔
پھر میں کالج سے بھی بور ہو گیا۔ سوچا کہ اگر زندگی میں یونیورسٹی میں نہ پڑھا تو کچھ بھی نہ کیا، گورنمنٹ کالج میں چار سال گزارنے کے بعد فیصلہ کیاکہ اب یونیورسٹی کا مزا بھی چکھنا چاہئے، یہی سوچ کر پنجاب یونیورسٹی کے شعبہ سیاسیات میں داخلہ لے لیا اور اگلے دو برس حقیقتاً ایسے گزارے جیسے فلموں میں دیکھے تھے۔ اس تمام عرصے میں ذاتی خواہشات کی تکمیل بھی ہوتی رہی، اسکول میں میرے پاس سائیکل ہوا کرتی تھی اور میں سوچا کرتا تھا کہ کب وہ دن آئے گا جب میرے پاس موٹرسائیکل ہو گی، میں اُن لڑکوں کو دنیا کی خوش قسمت ترین مخلوق سمجھتا تھا جن کے پاس ذاتی موٹرسائیکل ہوتی تھی جسے وہ کِک مار کر جہاں چاہے جا سکتے تھے۔ بی اے میں مجھے والد صاحب نے موٹرسائیکل لے دی اور یوں میں اپنی نظروں میں دنیا کا خوش قسمت ترین شخص بن گیا۔ سخت سردیوں میں البتہ مجھے خوش قسمتی کی اِس خودساختہ رینکنگ پر نظرثانی کرنے کی ضرورت پیش آئی اور میں نے دل میں سوچا کہ وہ کتنے خوش قسمت لوگ ہیں جن کے پاس اپنی گاڑی ہوتی ہے اور وہ اُس میں چابی گھما کر جب چاہیں سٹارٹ کرکے کہیں بھی جا سکتے ہیں، سردی گرمی کی پروا کئے بغیر۔ پھر وہ دن بھی آیا جب میں نے اپنی گاڑی خریدی اور اب یہ حال ہے کہ ڈرائیور کی اتنی عادت ہو چکی ہے کہ گاڑی چلانا بھی مصیبت لگتا ہے۔
بات کہاں سے شروع ہوئی تھی اور کہاں نکل گئی۔ اسّی کی دہائی میں اسکول میں پڑھتے ہوئے ہمیں سب کچھ نارمل لگتا تھا، ہم جنرل ضیا کے مارشل لا میں پلے بڑھے تھے، ایک پی ٹی وی دیکھ کر جوانی میں داخل ہوئے تھے اور اخبارات میں یک طرفہ بیانیہ پڑھ کر ہماری ذہنی نشو و نما ہوئی تھی، ہمیں لگتا تھا کہ دنیا ایسی ہی ہوتی ہے جیسی ہم نے پائی ہے۔ مگر نوّے کی دہائی میں جب کالج کا منہ دیکھا تو معلوم ہوا کہ دنیا میں جمہوریت نام کا ایک نظام بھی ہوا کرتا ہے، ہم نے اِس کا ذائقہ چکھا، کڑوا محسوس ہوا، ہم نے برا سا منہ بنا کر کچھ پی لیا اور باقی تھوک دیا۔آج کل کے نوجوانوں کو طعنے دیتے وقت ہم اپنا وقت بھو ل جاتے ہیں، یہ نوجوان سن 2000کے بعد کی پیدائش ہیں، مارشل لا میں انہوں نے پرورش پائی ،سیاست ان کے نزدیک قابل نفرت جرم ہے اور ٹی وی اِن کے لئے وہ ذریعہ ہے جو انہیں خود کش دھماکوں اور کرپشن کی خبریں سناتا ہے۔سوجو کچھ آج کل ہو رہا ہے یہ اِن نوجوانوں کو نارمل لگتا ہے بالکل اسی طرح جیسے ہماری نسل کے نوجوانوں کو اسّی اور نوّے کی دہائی میں نارمل لگتا تھا۔المیہ مگر یہ ہے کہ جو کچھ ہم نے اسّی کی دہائی میں بویا وہ بعد کی تین دہائیوں تک کاٹا اور جو کچھ ہم آج بو رہے ہیں وہ نہ جانے ہماری اگلی کتنی نسلیں کاٹیں گی۔بظاہر ہم نے سائیکل سے گاڑی تک کا سفر طے کر لیا ہے مگرمصیبت یہ ہے کہ اب گاڑی چلانے کی ہم میں ہمت نہیں ۔(بشکریہ جنگ لاہور)

(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(ایمرا نیوز)
آج کل کے نوجوانوں کو طعنے دینا بہت آسان کام ہے….. تم محنت نہیں کرتے، سخت سست ہو، کوئی کام تمہیں نہیں آتا، کوئی ہنر تم نہیں جانتے، شارٹ کٹ سے پیسے کمانا چاہتے ہو، سارا دن مردوں کی طرح سوئے رہتے ہو، آوارہ گردی کرتے ہو، پڑھائی میں دھیان نہیں دیتے، وقت ضائع کرتے ہو، ہر وقت موبائل میں گھسے رہتے ہو، تمہاری صحبت ٹھیک نہیں، باہر سے الا بلا کھاتے رہتے ہو، دین کی فکر ہے نہ دنیا کی، لڑکیوں کے چکر میں رہتے ہو…..یہ طعنے سُن کر مجھے اپنا وقت یاد آ جاتا ہے جب ہمیں بھی ایسے ہی باتیں سننے کو ملتی تھیں اور ان میں سے زیادہ تر درست ہوا کرتی تھیں۔ یہ اسّی کی دہائی تھی، بھارتی فلمیں وی سی آر پر دیکھی جاتی تھیں، گانے ڈیک پر سنے جاتے تھے اور واک مین اُن دنوں فیشن کی نشانی سمجھا جاتا تھا، امیر لڑکے واک مین پینٹ میں اُڑس کر کانوں میں ہیڈ فون لگا کر رکھتے تھے اور ہم ایسے انہیں حسرت سے دیکھتے تھے۔ اسّی کی پوری دہائی اسکول میں گزری، یہ وہ دور تھا جب سردیاں آتے ہی ہماری جان نکل جاتی تھی، شدید سردی میں نیکر پہننا یونیفارم میں شامل تھا، البتہ چھٹی جماعت کے بعد نیکر کی جگہ پینٹ لے لیتی تھی، ہم سوچا کرتے تھے کہ نہ جانے وہ وقت کب آئے گا جب اِس نیکر سے جان چھوٹے گی اور ہم بھی شان سے پینٹ پہن کر اسکول جایا کریں گے۔ پانچویں جماعت کے بچوں کی چھٹی بھی آدھ گھنٹہ پہلے ہو جایا کرتی تھی، چھٹی کے بعد ہم دیکھتے کہ بڑے لڑکے اب بھی کلاسوں میں بیٹھے پڑھ رہے ہیں تو سوچتے کہ یقیناً یہ زیادہ اہم اور سیریس کام کر رہے ہوں گے کیونکہ یہ بڑے ہو چکے ہیں، نہ جانے ہم اتنے بڑے کب ہوں گے۔ پانچویں جماعت تک بچوں کو پین استعمال کرنے کی اجازت بھی نہیں تھی، ہم سارا کام پنسل سے کرتے تھے اور اُن بڑے بچوں کو دیکھ کر رشک کرتے تھے جو پین استعمال کرتے تھے۔ بالآخر ایک دن ہم بھی سینئر سیکشن میں داخل ہو گئے، پینٹ شرٹ اور کوٹ یونیفارم بن گیا اور ہاتھ میں پین آ گیا۔ مجھے آج تک یاد ہے جب ہم نے پہلے دن پین استعمال کیا تو ہر لڑکے نے اپنے ہاتھ سیاہی سے بھرلئے اور شیخی بھگاری کہ یار آج پین سے لکھا ہے اس لئے یہ حال ہو گیا ہے۔ اُن دنوں ہاتھوں کی سیاہی پر ہی اکتفا کیا جاتا تھا ایک دوسرے کے چہرے پر سیاہی نہیں ملی جاتی تھی۔ سینئر سیکشن کا شوق جلد ہی اتر گیا، چھٹی دیر سے ہونے لگی، پڑھائی مشکل ہو گئی، میٹرک کا امتحان اُس وقت اکٹھا ہوتا تھا اِس لئے فزکس، کیمسٹری اور بائیولوجی کو ایک ساتھ ہضم کرنا پڑا، ریاضی قدرے دلچسپ لگتی تھی مگر لڑکوں میں یہ کہنا فیشن تھا کہ میتھ کا پیپر سب سے مشکل ہوتا ہے۔ اسکول کا سینئر سیکشن عذاب لگنے لگا، ہم دعائیں مانگنے لگے کہ کب اسکول سے جان چھوٹے گی اور ہم کالج جائیں گے۔
کالج کے متعلق ہم نے فلموں میں دیکھ رکھا تھا کہ وہاں لڑکے اور لڑکیاں اکٹھے پڑھتے ہیں، اسکول کی طر ح بستے گردن میں لٹکا کر جانا نہیں پڑتا، لڑکوں کے ہاتھ میں ایک دو کتابیں ہوتی ہیں اور ٹائم ٹیبل کچھ ایسا ہوتا ہے کہ روزانہ بس ایک آدھ کلاس ہی ہوتی ہے، لڑکیوں کے ساتھ ہنستے کھیلتے کالج گزر جاتا ہے۔ کالج میں داخلے کے بعد مجھے پتہ چلا کہ ہیں کواکب کچھ نظر آتے ہیں کچھ ۔ کالج کی ایف ایس سی اور اسکول کی پڑھائی میں چنداں فرق نہیں تھا، وہی صبح سے دوپہر تک کلاسیں، وہی بھاری بھرکم کتابیں اور خشک ترین لیکچرز۔ مخلوط تعلیم صرف ایم اے میں تھی۔ ایک فرق البتہ یہ پڑا کہ ہماری کلاسیں اسکول کی طرح ایک ہی کمرے میں نہیں ہوتی تھیں، ایک کمرے سے اٹھ کر دوسرے میں جانا پڑتا تھا۔ بی اے میں پہنچ کر کچھ سکھ کا سانس آیا اور مجھے پہلی مرتبہ لگا کہ میں اسکول سے نکل کر کالج میں آیا ہوں۔ گورنمنٹ کالج میں ہم لڑکوں کی گفتگو کا زیادہ تر وقت ہنڈا اور کاواساکی کے تقابلی جائزوں، ہال روڈ سے اپنی پسند کا سستا ڈیک بنوانے کے طریقوں، باڈی بلڈنگ کی افادیت اور ایم اے کی لڑکیوں کے حسن کے نمبر لگانے میں گزرتا تھا، اس کے بعد جو پانچ سات فیصد وقت بچتا اُس میں ہم کبھی کبھار اُن مضامین کے بارے میں بھی بات کر لیتے جنہیں پڑھنے کی نیت سے ہم نے کالج میں داخلہ لے رکھا تھا۔
پھر میں کالج سے بھی بور ہو گیا۔ سوچا کہ اگر زندگی میں یونیورسٹی میں نہ پڑھا تو کچھ بھی نہ کیا، گورنمنٹ کالج میں چار سال گزارنے کے بعد فیصلہ کیاکہ اب یونیورسٹی کا مزا بھی چکھنا چاہئے، یہی سوچ کر پنجاب یونیورسٹی کے شعبہ سیاسیات میں داخلہ لے لیا اور اگلے دو برس حقیقتاً ایسے گزارے جیسے فلموں میں دیکھے تھے۔ اس تمام عرصے میں ذاتی خواہشات کی تکمیل بھی ہوتی رہی، اسکول میں میرے پاس سائیکل ہوا کرتی تھی اور میں سوچا کرتا تھا کہ کب وہ دن آئے گا جب میرے پاس موٹرسائیکل ہو گی، میں اُن لڑکوں کو دنیا کی خوش قسمت ترین مخلوق سمجھتا تھا جن کے پاس ذاتی موٹرسائیکل ہوتی تھی جسے وہ کِک مار کر جہاں چاہے جا سکتے تھے۔ بی اے میں مجھے والد صاحب نے موٹرسائیکل لے دی اور یوں میں اپنی نظروں میں دنیا کا خوش قسمت ترین شخص بن گیا۔ سخت سردیوں میں البتہ مجھے خوش قسمتی کی اِس خودساختہ رینکنگ پر نظرثانی کرنے کی ضرورت پیش آئی اور میں نے دل میں سوچا کہ وہ کتنے خوش قسمت لوگ ہیں جن کے پاس اپنی گاڑی ہوتی ہے اور وہ اُس میں چابی گھما کر جب چاہیں سٹارٹ کرکے کہیں بھی جا سکتے ہیں، سردی گرمی کی پروا کئے بغیر۔ پھر وہ دن بھی آیا جب میں نے اپنی گاڑی خریدی اور اب یہ حال ہے کہ ڈرائیور کی اتنی عادت ہو چکی ہے کہ گاڑی چلانا بھی مصیبت لگتا ہے۔
بات کہاں سے شروع ہوئی تھی اور کہاں نکل گئی۔ اسّی کی دہائی میں اسکول میں پڑھتے ہوئے ہمیں سب کچھ نارمل لگتا تھا، ہم جنرل ضیا کے مارشل لا میں پلے بڑھے تھے، ایک پی ٹی وی دیکھ کر جوانی میں داخل ہوئے تھے اور اخبارات میں یک طرفہ بیانیہ پڑھ کر ہماری ذہنی نشو و نما ہوئی تھی، ہمیں لگتا تھا کہ دنیا ایسی ہی ہوتی ہے جیسی ہم نے پائی ہے۔ مگر نوّے کی دہائی میں جب کالج کا منہ دیکھا تو معلوم ہوا کہ دنیا میں جمہوریت نام کا ایک نظام بھی ہوا کرتا ہے، ہم نے اِس کا ذائقہ چکھا، کڑوا محسوس ہوا، ہم نے برا سا منہ بنا کر کچھ پی لیا اور باقی تھوک دیا۔آج کل کے نوجوانوں کو طعنے دیتے وقت ہم اپنا وقت بھو ل جاتے ہیں، یہ نوجوان سن 2000کے بعد کی پیدائش ہیں، مارشل لا میں انہوں نے پرورش پائی ،سیاست ان کے نزدیک قابل نفرت جرم ہے اور ٹی وی اِن کے لئے وہ ذریعہ ہے جو انہیں خود کش دھماکوں اور کرپشن کی خبریں سناتا ہے۔سوجو کچھ آج کل ہو رہا ہے یہ اِن نوجوانوں کو نارمل لگتا ہے بالکل اسی طرح جیسے ہماری نسل کے نوجوانوں کو اسّی اور نوّے کی دہائی میں نارمل لگتا تھا۔المیہ مگر یہ ہے کہ جو کچھ ہم نے اسّی کی دہائی میں بویا وہ بعد کی تین دہائیوں تک کاٹا اور جو کچھ ہم آج بو رہے ہیں وہ نہ جانے ہماری اگلی کتنی نسلیں کاٹیں گی۔بظاہر ہم نے سائیکل سے گاڑی تک کا سفر طے کر لیا ہے مگرمصیبت یہ ہے کہ اب گاڑی چلانے کی ہم میں ہمت نہیں ۔(بشکریہ جنگ لاہور)
(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(ایمرا نیوز)
دو روز بعد میرا۔ آپ کا سب کا یوم آزادی ہے۔
یہ دن مجھے بہت کچھ یاد دلادیتا ہے۔ میں بھی ان قافلوں میںشامل تھا۔ جو ایک غلام سر زمین سے آزاد سر زمین کی طرف ہجرت کررہے تھے۔ اندھیروں سے اُجالوں کی طرف بڑھ رہے تھے۔ مال گاڑی کا یہ کھلا ڈبّہ 71سال سے میری یادوں میں سب سے زیادہ نمایاں تصویر ہے۔ اس کی چھت نہیں تھی۔سخت چلچلاتی دھوپ تھی۔ میں اپنی والدہ کی گود میں تھا۔وہ اپنے آنچل سے مجھ پر سایہ کررہی تھیں۔ میں ایک ماں کی گود میں تھا۔ ایک ماں کو چھوڑ کر آرہا تھا۔ ایک ماں۔ ایک دھرتی کی آغوش میں جانے کے لئے بے تاب تھا۔ میرے عظیم والد بڑے بھائی اور بہت سی اجنبی ہستیاں۔ مگر منزل ایک ۔ دشمن بھی ایک۔ کبھی کبھی بلوائیوں کی آوازیں قریب ہوتیں ۔گھوڑوں کی ٹاپیں سنائی دیتیں۔ میری والدہ مجھے اور زیادہ قریب کرلیتیں۔ بازوئوں کی گرفت مضبوط کرلیتیں۔ بڑے بھائی کو بھی ساتھ چمٹالیتیں۔
ہم انبالہ چھائونی سے لاہور آرہے ہیں۔ اور نہ جانے کتنے ہزاروں ٹرینوں سے۔ پیدل۔ ٹرکوں میں آزاد وطن کی دُھن میں چلے آرہے ہیں۔
آزادی کیا ہے۔
ان قافلوں کی تصویروں میں جھانکیں۔
نقش ہجرت ہیں جن کی تصویریں
میں بھی ان قافلوں میں شامل تھا
ان بزرگوں کی آنکھوں میں اُتریں۔ جن کے پیارے ان کے سامنے لہو میں نہلا دیئے گئے۔ جو اپنے بسے بسائے گھر بار چھوڑ کر اپنی مرضی سے آرہے تھے۔ یا مجبور کردیئے گئے۔ صدیوں سے ساتھ رہنے والے ایک پل میں کیسے پہلے غیر ہوجاتے ہیں ۔ پھر ازلی دشمن۔
آزادی کیا ہے۔ ان قبرستانوں میں جاکر پوچھئے۔ جہاں یہ گمنام سپاہی ابدی نیند سورہے ہیں۔
آج ہم آپ اور نئی نسل آزاد ہے۔ اپنی مرضی سے زندگی گزار رہے ہیں۔ اپنے فرائض کی ادائیگی میں کوئی رُکاوٹ محسوس نہیں کرتے۔ دولت کی ریل پیل ہے۔ ایک ایک گلی میں قیمتی گاڑیوں کی قطاریں ہیں۔ نئی بستیاں آباد ہورہی ہیں۔ نت نئے فیشن کے ملبوسات۔ قیمتی موبائل فون ہیں۔ جو ہر وقت کان سے چمٹے رہتے ہیں۔پھر بھی گلے شکوے ۔ ہم برباد ہوگئے۔ ہم تباہ ہوگئے۔ہم نے یہ ملک کیا اس لئے بنایا تھا۔ کچھ بد بخت ملک کو بھی برا بھلا کہنے لگتے ہیں۔
آزادی کیا ہے۔ ان مسلمانوں سے پوچھیں جو اب بھی ہندوستان میں دوسرے تیسرے درجے کے شہری کی زندگی گزار رہے ہیں۔
آزادی کیا ہے۔ ان لاکھوں کشمیریوں سے جاننے کی کوشش کیجئے جو 71سال سے اس آزادی کے لئے جدو جہد کررہے ہیں۔ لاکھوں قربان ہوچکے ہیں۔ لاکھوں جاں نثار کرنے کے لئے تیار ہیں۔
آزادی کی قدر جانیے۔ ان فلسطینیوں سے جو ایک آزاد ریاست کے لئے 1948 سے لڑ رہے ہیں۔کتنی نسلیں اس جدو جہد کی نذر ہوچکی ہیں۔ آزادی کیا ہے۔ فلسطین کے مقبوضہ کنارے کے گائوں نبی صالح کی کمسن احد تمیمی سے دریافت کیجئے۔ اس کی جرأتوں کو سلام۔
ہم آزاد ہیں۔ ملک ہمارا ہے۔ فوج ہماری۔ سمندر ہمارا ۔ عدلیہ ہماری۔ ساحل ہمارا۔ میڈیا ہمارا۔ میدان ۔ دریا۔ ریگ زار۔ کوہسار۔ دنیا کے حسین ترین شمالی علاقے ۔ناران۔ کاغان۔ مالم جبہ۔ سوات۔ بالاکوٹ۔ وادیٔ نیلم۔ لہلہاتے کھیت۔ مصنوعات تیار کرتے کارخانے۔ سونے تانبے کے ذخائر۔ سب ہمارے ہیں۔
میں ان نوجوانوں کو سلام پیش کرتا ہوں۔ جو ملک کے ہر شہر میں پاکستانی پرچم موٹر سائیکلوں پر لگاکر فخر سے گھوم رہے ہیں۔ 14اگست کو تو پرچموں کی بہار آجاتی ہے۔ میں شہدائے آزادی کی روحوں سے ہمکلام ہوتا ہوں انہیں بڑے اعتماد سے کہتا ہوں دیکھیں۔ آپ کی قربانیاںرنگ لائیں۔ آپ کے پوتے پوتیاں۔ نواسے نواسیاں۔ پڑ پوتے۔ پڑنواسے۔کتنے خوش ہیں۔ کس قدر متحرک ہیں۔ فعال ہیں۔ پُر جوش ہیں۔ آپ کی حاصل کردہ آزادی کو کس طرح سینے سے لگائے ہوئے ہیں۔ آج کا دن ہر پاکستانی کا دن ہے۔ کوئی اور وابستگی نہیں ہے نہ کوئی سیاسی پارٹی۔ نہ فرقہ۔نہ مسلک۔ آج سب پاکستانی ہیں۔ آج صرف یہی پرچم ستارہ و ہلال لہراتا ہے۔ موٹر سائیکل۔ سائیکل۔ تانگے۔ ریڑھیاں۔ گدھا گاڑی۔ اونٹ گاڑی۔ مہنگی ترین کاریں۔ سستی گاڑیاں سب پر ایک ہی پرچم۔
کراچی۔ لاہور۔ اسلام آباد۔پشاور۔ کوئٹہ۔ گلگت۔ مظفر آباد۔ ملتان۔ سیالکوٹ۔ سکھر۔ مردان۔ فیصل آباد اور سب شہروں کی سڑکوں بازاروں محلّوں میں آزادی کے نعرے گونجتے ہیں۔ سب کی آواز ایک ہے۔ منزل ایک ہے۔ رنگ ایک ہے۔
یہ دن ہم سب کو ایک کردیتا ہے۔ کاش ہمارے راہبر۔ ہمارے سیاستدان بھی اس دن سے سبق سیکھ لیں۔ ایک ایسا دائرہ مقرر کرلیں ۔ قوم کے مفادات کا ۔ ملکی امور کا۔ جہاں کوئی اختلاف نہ ہو۔ اس دائرے میں سب ایک ہوں۔ سب ان کے تحفظ اور دوام کے لئے کام کریں۔ جیسے اس قوم نے ایٹمی طاقت بن کر دکھایا۔ فوجی آمر آئے۔ ایک دوسرے کے مخالف سیاستدان حکومت میں آئے۔ سب نے اس پروگرام کو آگے بڑھایا۔
اسطرح اب ہماری معیشت ہم سے تقاضا کرتی ہے کہ ہم اسے مل جل کر مستحکم کریں۔ آج معیشت ہی طاقت ہے۔ معیشت ہی سیاست ہے۔ معیشت ہی سفارت ہے۔ اقتصادی طور پر کمزور قوموں کی اب کوئی حیثیت نہیں ہے۔ سب ایسے ملکوں کو غریب کی جورو سمجھتے ہیں۔ ایسے ملکوں کے پاسپورٹ کی کوئی قدر نہیں رہتی ۔ نئی پارلیمنٹ وجود میں آرہی ہے۔ 14اگست کو یہ عہد کریں کہ یہ پارلیمنٹ اپنے تمام تر سیاسی اختلافات سماجی عدم مساوات کے باوجود کھل کر یہ بحث کرے کہ پاکستان کو اقتصادی طور پر کیسے مضبوط بنایا جاسکتا ہے۔ کالا باغ ڈیم اور پانی کے ذخیرے کہاں اور کیسے بن سکتے ہیں۔ ملک میں مینو فیکچرنگ کیسے بحال ہوسکتی ہے۔ ملک کی 60فی صد نوجوان آبادی کے مضبوط بازوئوں کو ۔ زرخیز ذہنوں کو ملک کی طاقت کیسے بنایا جاسکتا ہے۔ جو بھی منصوبے طے کیے جائیں۔ان کی تکمیل میں ہم سب شامل ہوں۔ آنے والی حکومتیں بھی ان کو تسلسل دیں۔
ہم اپنی آزادی کی حفاطت اسی طرح کرسکتے ہیں۔ اندرونی پالیسیوں پر اختلاف کریں۔ احتجاج کریں۔ جلوس نکالیں۔ جلسے منعقد کریں۔ خارجہ اور دفاعی پالیسیوں پر سب یک آواز ہوں۔ لیکن اس ملک کو کمزور نہ کریں۔ اداروں کو مجروح نہ کریں۔ ملک کو بہت چیلنجوں کا سامنا ہے۔ ہم دُنیا سے بہت پیچھے رہ گئے ہیں۔
ہمارے بلدیاتی ادارے بے اختیار ہیں۔ اس لئے شہریوں کو زندگی کی بنیادی سہولتیں میسر نہیں آتیں۔ انہیں خود مختاری دیں۔ ہمارے نوجوان ہمارے محنت کش بہت مخلص ہیں۔ ایماندار ہیں۔ انہیں کام کرنے کی آزادی دیں۔ سب ادارے اپنا اپنا کام کریں۔ تو ملک آگے بڑھ سکتا ہے۔ 71سال پہلے جن بلند عزائم کے لئے آگ اور خون میں سے گزر کر ہم نے یہ الگ ملک حاصل کیا تھا۔ وہ عزائم اب بھی تکمیل کو ترستے ہیں۔شہدا کی روحیں ہم سے بہت سے سوالات کرتی ہیں۔ہم آزاد ہیں۔ بہت کچھ کرسکتے ہیں۔ معاشی طور پر ہم غلامی کے دَور سے گزر رہے ہیں۔ معاشی آزادی اب ہمارا نعرہ ہونا چاہئے۔ چین ہو یا امریکہ ان سے برابری کی حیثیت میں بات ہو۔ یہ ہمارے آقا نہیں بننے چاہئیں۔(بشکریہ جنگ لاہور)
(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(میڈیانیوز92)
گرینڈ اپوزیشن الائنس کی کل جماعتی کانفرنس نے حکومت سازی کے عمل میں بھرپور شرکت کا اعلان کر دیا۔ 3اگست 2018ء کے قومی اخبارات میں اس اعلان کا خلاصہ یہ تھا ’’اپوزیشن اتحاد وزیر اعظم، اسپیکر، ڈپٹی اسپیکر کے انتخاب میں حصہ لے گا، ایوان کے اندر اور باہر اپنے موقف کے اظہار اور اسے منوانے کے لئے احتجاج جاری رہے گا، 16رکنی جوائنٹ ایکشن کمیٹی قائم کر دی گئی جس نے ٹی او آر طے کرنے ہیں، وزیر اعظم کا امیدوار ’’ن‘‘ لیگ، اسپیکر پیپلز پارٹی اور ڈپٹی اسپیکر کا امیدوار ایم ایم اے سے ہو گا، ناموں کا اعلان متعلقہ جماعتیں خود کریں گی، وزیر اعظم کی حلف برداری کے روز جلسہ عام منعقد کیا جائے گا، دھاندلی کا وائٹ پیپر شائع ہو گا، مریم اورنگ زیب کے مطابق ’’پی ٹی آئی کو بتائیں گے اپوزیشن کیا ہوتی ہے‘‘۔ ان میں سے متعدد امور ان سطور کی اشاعت تک کھل چکے ہوں گے۔
پارلیمانی طرز حکومت میں یہی طریق کار ہے، پارلیمنٹ کے فورم کی مرکزی اہمیت کسی بھی حوالے سے کم نہیں کی جاتی، تمام ’’سیاسی جنگیں‘‘ اسی فورم پر لڑی جاتی ہیں۔ یہ مولانا فضل الرحمٰن کی سیاسی بصیرت کا بھی ثبوت ہے کہ وہ پارلیمنٹ کے ارکان کو حلف نہ لینے کے اصول سے نہ صرف پیچھے ہٹ گئے بلکہ گرینڈ اپوزیشن الائنس کا حصہ بن کر حزب مخالف کی سیاسی تگ و دو میں کردار ادا کرنے کی
سیاستدانوں اور عوام، ہم سب کو ہر پانچ سال کی آئینی مدت کے بعد عام انتخابات کے انعقاد پر تمام تر توجہ مرکوز رکھنی چاہئے۔ حکمرانوں اور اپوزیشن دونوں کو فساد فی الارض والی سیاست سے خود کو ہر سطح پر علیحدہ رکھنا ہو گا۔ یہی وہ واحد صبر اور انتظار کا راستہ ہے جو بالآخر غیر جمہوری قوتوں اور عناصر کو پاکستانی تاریخ کا قصہ پارینہ بنا دے گا۔
پاکستان کی سیاست میں سیاسی حکومتوں کے مثبت اقدامات کے تذکرے یا اعتراف کا باب تقریباً بند ہو چکا ہے۔ ہم ہر وقت اپنے مخالف حکمران کو زیرو ثابت کرنے پر تلے رہتے ہیں، رہی سہی کسر الیکٹرونک میڈیا کا اجتماعی طرز عمل پوری کر دیتا ہے۔ شب و روز ہمارے ملک میں اس رویے کا راج ہے، ایسا لگتا ہے اس دنیا کے پیدا شدہ ’’گنہگاروں‘‘ میں ’’پاکستانی سیاستدان‘‘ سے ’’بڑا گنہگار‘‘ اور ’’پاکستانی سیاسی حکومتوں‘‘ سے ’’بری خطاکار حکومتیں‘‘ وجود میں نہیں آئیں اور نہ تاقیامت ایسا کوئی وقوعہ ہونے کا امکان ہے۔
کچھ عرصہ قبل بے حد محترم و عزیز ترین ہستی کے دولت کدے پر دوست احباب کا ایک دلنشیں اجتماع تھا، ایک مرحلے پر خاکسار نے عرض کیا ’’سابق وزیر اعلیٰ پنجاب چوہدری پرویز الٰہی کے تاریخی کارنامے 1122اور صوبہ پنجاب کے اسپتالوں میں ایمرجنسی سروسز کا نظام بدلنے میں ان کی خدمات سے کوئی ہوشمند شخص کیسے انکار کر سکتا ہے؟ یہ محض دو مثالیں ہیں دسیوں اور بھی دی جا سکتی ہیں۔ ہم سب کو سیاستدانوں اور سیاسی حکومتوں کے احتساب کے نام پر ’’ملت اسلامیہ کی تیرہ چودہ سو برس کی خامیوں اور زوال کا بار‘‘ صرف پاکستانی سیاستدانوں اور سیاسی حکومتوں پر ڈالنے کے اس ناقابل تلافی مریضانہ رویے سے خود بھی رک جانا چاہئے، جن لوگوں کا دال دلیہ یا دنیاوی منصوبہ سازوں کی چکر بازیوں کو ان حیلوں سے غذا اور زندگی ملتی ہے انہیں بھی باز رکھنے کی اپنی سی ہر کوشش کر دیکھنی ہو گی، پاکستانی سیاستدانوں اور سیاسی حکومتوں کے معاملے میں جس انتہا پسندی کا کھلواڑ کیا جا رہا ہے وہ اس بچے کھچے ملک کی سلامتی کی پیشانی پر بدقسمتی کے سرخ نشان کا روپ اختیار کرتا جا رہا ہے۔
مجھے اچھی طرح یاد ہے جب نواز شریف نے موٹر وے منصوبے کا آغاز کیا، ابھی نامکمل ہی تھا، مکمل ہونے سے پہلے ہی اقتدار سے فارغ کر دیئے گئے۔ دوسری بار حکومت ملنے پر ادھوری موٹر وے کی تکمیل کا سفر وہیں سے شروع کیا جہاں پر ادھورا رہ گیا تھا۔ امریکہ میں پاکستان کے سابق سفیر جناب حسین حقانی نواز شریف صاحب سے علیحدگی اختیار کر کے بی بی شہید کی قیادت قبول کر چکے تھے۔ آپ سب غالباً اس امر سے آگاہ ہوں گے، وطن سے ’’ہجرت‘‘ پر مجبور کر دیئے جانے والے حسین حقانی کی جن قلمکاروں نے فیصلہ کن حمایت کی اور آج بھی ان کے پاکستانی حق کی جنگ لڑنے پر ہر وقت کمربستہ رہتے ہیں، عاجز غالباً ان میں سرفہرست ہے۔ موٹر وے کے پس منظر میں ان کا ریکارڈ مجھے نہ صرف کبھی بھولتا نہیں الٹا جب بھی یاد آئے انتہائی ڈپریشن میں بھی بے ساختہ مسکراہٹ روکنا ناممکن ہو جاتا ہے۔ ان دنوں جناب حقانی کا ایک ہی کام تھا، پیمانہ ہاتھ میں لئے رکھنا، کسی نہ کسی طرح روز صبح موٹر وے کی پیمائش کر کے قوم کو یہ بتا بتا کر ہلکان کرنا کہ ’’چھ لینوں‘‘ کے یہ نقصان ہیں، ’’چار لینوں‘‘ کے یہ ’’فائدے‘‘ ہیں۔ یہ نواز حکومت مملکت پاکستان کی دھرتی پر جس طرح کی موٹر وے بنا رہی ہے وہ ملک کی معیشت کا بیڑہ غرق کر دے گی۔ پاکستانی عوام پہلے ہی اپنے احوال کے بوجھ تلے پسے ہوئے ہیں، وہ تو بالکل ہی کچلے جائیں گے وغیرہ وغیرہ اور مزید بھی وغیرہ ہی! لیکن حضرات موٹر وے مکمل ہو گئی، آج جنوبی ایشیا کی خطہ سازی کے تمام نشیب و فراز کے متشکل کرنے یا ہونے میں، اس موٹر وے کے صدقے پاکستان ریڑھ کی ہڈی کی حیثیت رکھتا ہے۔
مجلس میں خاکسار کی گفتگو کچھ طویل ہو گئی مگر اپنی بات ختم کرتے کرتے عاجز شہباز شریف کی حکومت کے موضوع پر بھی چند جملے کہے بغیر نہ رہ سکا۔ میں نے شرکائے مجلس سے سوال کیا ’’بلا کسی ذاتی تعصب یا مخالفانہ کیفیت کے، یہ بتائیں لاہور شہر کا آبادی کے بڑھائو اور ٹریفک کے دبائو کے باعث جو حال ہو گیا تھا، کیا اس میں بندے پر پائوں رکھ کر چلنے کی قیامت ٹل چکی ہے۔ ہمیں اپنی تنقید اور احتساب کے خطوط متوازی رکھنے کی عادت ڈالنا ہو گی، تنقید اور احتساب کو سوئیوں کا گچھا بنانے کی ضرورت نہیں جس کے بعد مسائل کی ترتیب اور جائزے کے امکانات ہی معدوم ہو جائیں!‘‘
خدمات تو پاکستان پیپلز پارٹی کی بھی گنوائی جا سکتی ہیں، فی الحال کالم کی طوالت اس کی متحمل نہیں، ایک ایٹم بم ہی کافی ہے، آج پوری دنیا میں ہر اکڑفوں کے سامنے سینہ تان کر کھڑے ہو سکتے ہو، کہنے کا مقصد سیاستدانوں اور سیاسی حکومتوں کو کلین چٹ دینا ہرگز نہیں، ہاں! انہیں شیطان کا انگوٹھا ثابت کرنے کی انسانیت سوز مہم کے غیر اخلاقی فلسفے اور فکر کی سو فیصد مذمت کرنا ضرور مقصود ہے۔
چنانچہ 2018ء کے عام انتخابات کے نتیجے میں معرض وجود میں آنے والی پارلیمنٹ کو اس کے فورم پر چلانا ہو گا، حکمرانوں اور اپوزیشن دونوں ایک دوسرے کے خلاف مر مٹنے کے جذبے کے بجائے جمہوری تسلسل کے قائم رہنے کے جذبے سے کام کرنا ہو گا یعنی وہی صبر اور انتظار۔
’’پھانسی پر جھولنے‘‘ کا جملہ
3اگست ہی کے قومی اخبارات میں سابق وزیر مملکت برائے داخلہ اور مسلم لیگ ’’ن‘‘ کے رہنما طلال چوہدری کو توہین عدالت کے ایک مقدمے میں سزا سنا دی گئی۔ وہ کسی بھی عوامی عہدہ سے پانچ سال کے لئے نااہل ہو چکے، عدالت عظمیٰ نے انہیں ایک لاکھ روپے جرمانہ بھی عائد کیا اور تابرخاست عدالت قید بھی کاٹی۔ فیصلے کے بعد میڈیا سے گفتگو کرتے ہوئے طلال چوہدری نے ایک جملہ کہا ’’اہلیت اور نااہلیت کے فیصلے عوام پر چھوڑ دینے چاہئیں، جب کوئی آمر پھانسی پر جھولے گا تب عدل کا بول بالا ہو گا، عدالت کا وقار بلند ہوا ہے تو سزا قبول ہے، اپیل کریں گے‘‘۔ سیاسی جدوجہد کے دوران میں حساس معاملات اور واقعات اس کشمکش کا حصہ ہیں چنانچہ طلال چوہدری بھی اس روایت کا حصہ بن گئے۔ ان کا ردعمل متوازن تو ہے تاہم انہیں ’’جب کوئی آمر پھانسی پر جھولے گا‘‘ کا اظہار یا بات ہرگز ہرگز زبان نہیں لانا چاہئے تھی۔ پاکستان کے ماضی میں خون کے دریائوں اور لکیروں کی کوئی کمی نہیں، ہمیں پاکستان کو آئینی ریاست بنانا ہے، خدانخواستہ پھانسی گھاٹوں کی سرخ آندھیوں کی آرزو نہیں کرنی چاہئے!‘‘ (بشکریہ جنگ لاہور)
(کالم نگار کے نام کیساتھ ایس ایم ایس اور واٹس ایپ رائےدیں00923004647998)

(ایمرا نیوز)

اگست کی گھن گرج آپ سن رہے ہیں۔ یہ وہ مہینہ ہے جس کے مختلف دنوں میں الگ الگ رنگ کی یادیں جاگتی ہیں۔ کچھ پرانی اور کچھ اس سفر کے مختلف مقامات کی جس کا آغاز ہم نے1947میں کیا تھا۔ اور اب دیکھئے کہ اس مہینے میں ہم اپنی تاریخ کا ایک اور موڑ مڑ رہے ہیں۔ حالات کے تبدیل ہونے کی نوید ہے۔ انتخابات کیسے ہوئے اور ان کے نتائج سامنے آئے اس کی دھمک ابھی تک محسوس کی جا رہی ہے۔ کچھ بھی ہو، سیاست کامنظر بدل رہا ہے اور موسم بھی۔ آزادی کے جشن کے ساتھ ساتھ ہمیں جمہوریت کا جشن منانے کا موقع مل رہا ہےاور اگر ہم حقیقت پسند ہیں تو ہمیں یہ سوچنے سے کترانا نہیں چاہئے کہ تقسیم یا پاکستان کے قیام کے دوران ہم پر کیا گزری اور جس جمہوریت کا انعام ہم نے حاصل کیا ہے اور جسے آزادی سے تعبیر کرتے ہیں وہ کیا ہے اور کیسی ہے۔ اس وقت صورت حال یہ ہے کہ سارے فیصلے بظاہر ایک کرشمہ ساز رہنما کو کرنا ہیں۔ عمران خان نے ایک نیا پاکستان بنانے کا وعدہ کیا ہے۔ سو ایک بے چینی سی ہے کہ یہ کام کب شروع ہو گا۔ دکھائی تو یہ دے رہا ہے کہ بس دو چار دن کی بات ہے۔ نیا پاکستان کیسا ہو گا اس کے کچھ اشارے تو ملتے ہیں۔ لیکن ہماری سیاسی اور معاشرتی زندگی تضادات سے یوں آلودہ ہے کہ ہم انجانے میں دو یا کئی مختلف راستوں پر بڑھنے کی بات کرتے ہیں۔ مطلب یہ کہ بنیادی فیصلے نہ ہم
کر پائے ہیں اور نہ انہیں کرنے کی ہم میں صلاحیت ہے۔ ہم بہ یک وقت اسکینڈے نیویا کی جمہوریت اور مدینے کی ریاست کی طرف دیکھتے ہیں۔ جس زمانے میں ہم جی رہے ہیں وہ وقت کی تقویم میں کس جگہ کھڑا ہے اس کا فیصلہ بھی مشکل ہے اسی مہینے کی تو بات ہے کہ دہشت گردوں نے دیا میر میں بچیوں کے کئی اسکولوں پر حملہ کیا اور یہ وہی ملک ہے جس نے جدید دور میں اسلامی دنیا کی پہلی خاتون سربراہ حکومت کی مثال قائم کی ۔اور جس کی ایک نوجوان خاتون پوری دنیا میں لڑکیوں کی تعلیم کے لئے کی جانے والی جدوجہد کی علامت ہے۔
آج یعنی جس دن یہ کالم شائع ہو رہا ہے۔ 11اگست ہے۔یہ بات میں نے کہیں پڑھی یا سنی تھی کہ شاید عمران خان 11اگست کو وزیر اعظم کے عہدے کا حلف لیں، وہ وقت تو اب گزر گیا اور اب یوم آزادی کے بعد ہی یہ تقریب منعقد ہو گی۔ پھر جب، میں نے 11اگست والی بات سنی تو یہ خیال آیا کہ کہیں تحریک انصاف قائد اعظم کی اس تقریب سے تو متاثر نہیں ہے۔ جو انہوں نے 11اگست 1947کو کی تھی۔ اس تقریر کی چند اہم باتیں ایسی ہیں کہ جنہیں روشن خیال پاکستانی اپنا منشور سمجھتے ہیں۔ میں قائداعظم کی باتیں یہاں دوہرائوں گا۔ یہ ایک الگ بہت گمبھیر موضوع ہے۔ گویا پاکستان کے قیام کے وقت ہی کئی ایسے مشکل سوال کھڑے ہو گئے تھے کہ جو پاکستان کی تحریک اور اس کی منزل کے بارے میں نئے سرے سے سوچنے کی ترغیب دے رہے تھے۔ تقسیم کے زمانے کے ہولناک فرقہ وارانہ فسادات اور تاریخ کی ایک عظیم نقل مکانی کے عذاب نے قائداعظم کے خیالات کو متاثر تو ضرور کیا ہو گا۔ اور ہمیں یہ ماننا چاہئے کہ11اگست کی تقریر انہوں نے ایک انتہائی اہم موقع پر بہت سو چ سمجھ کر کی تھی۔ تو اب ہم اس کا کیا کریں ؟ ہمارے سب سیاسی رہنما اور عمران خان بھی ان میں شامل ہیں۔ یہ کہتے رہے ہیں کہ قائداعظم کا پاکستان چاہئے اور ہم قائد اعظم کا پاکستان بنائیں گے۔ اور منگل کے دن، جشن آزادی کے ہنگام میں، اس عزم کا اعادہ کیا جائے گا۔ اور یہ تنازع باقی رہے گا کہ قائد اعظم کا پاکستان آخر کیسا ہوگا۔ اسے کون بنائے گا۔ اور آج کے دن کی جانے والی تاریخی تقریر کتنی قبول کی جائے۔ کتنی رد کی جائے گی۔ آخر قائداعظم نے اپنے طویل سیاسی سفر میں بہت کچھ اور بھی تو کہا تھا۔ اس پس منظر میں شاید یہ کوئی یہ کہے کہ چلو، نئے سفر پر چلتے ہیں اور یوں کہ پرانے سارے نقشے لپیٹ کر رکھ دیں اور موجودہ وقت کی سچائیوں کی آنکھوں میں آنکھیں ڈال کر نئے فیصلے کریں۔ ڈرتے ڈرتے یہ بھی کہہ دیں کہ قائد اعظم کا پاکستان تو1971میں ٹوٹ گیا تھا۔یہاں مجھے یہ خیال بھی آتا ہے کہ یوم آزادی کے حوالے سے ہم پاکستان کی تحریک اور اس کی تاریخ پر تو نظر ڈالتے ہیں لیکن سقوط ڈھاکہ کے شگاف کو جلدی سے پھلانگ جاتے ہیں۔ اپنی درسی کتابوں میں دیکھیں کہ اس کا کتنا ذکر ہے۔ ڈھونڈتے رہ جائیں گے۔ میں نے کہااگست کا مہینہ اپنی کئی تاریخوں کی وجہ سے اہم ہے اور اس میں ایک نئی تاریخ کا اضافہ اس سال ہو رہا ہے کہ عمران خان ایک نئے پاکستان کی بنیاد رکھ رہے ہیں۔ میری نظر میں کئی دوسرے نئے اور پرانے واقعات ہیں جو اس اگست کے مجموعی تاثر کو اجاگر کرتے ہیں۔ ایک چھوٹی سی بات یہ کہ آج جزوی سورج گرہن ہو گا۔ ستارہ شناس ہمیں خوف زدہ کرنا چاہتے ہیں کہ ان دنوں کے تین گرہنوں نے پوری دنیا میں اودھم مچایا ہوا ہے۔ حالات تو واقعی بہت خراب ہیں ایک جزوی سورج گرہن کا دن13جولائی تھا جب نواز شریف اور مریم نواز لندن سے آکر اڈیالہ جیل جا پہنچے تھے۔ 27جولائی مکمل چاند گرہن کا دن تھا۔ اس صدی کا سب سے طویل، ہمارے انتخابات کے نتائج اس دن تک جاری تھے۔ خیر،یہ توہمات اپنی جگہ ۔میرے خیال میں اگست کے دکھوں میں ایک بڑے دکھ کا اضافہ دو سال قبل ہوا جب اس مہینے کی آٹھ تاریخ کو کوئٹہ کے سول اسپتال کے خود کش دھماکے میں شہر کے وکیلوں کی ایک بڑی تعداد ہلاک ہو گئی۔ یہ اپنی قسم کا دہشت گردی کا ایک ایسا خوفناک واقعہ تھا کہ جس نے ایک بار پھر یہ سوال اٹھایا کہ یہ کیسا اور کس کا پاکستان ہے۔ اور ہاں، اگست کی ایک اور تاریخ بھی ہےجو ہمیں جنرل ضیاء الحق کی یاد دلاتی ہے ۔وہ 17اگست 1988کا دن تھا جب ان کا جہاز ہوا میں پھٹ گیا۔ ہماری تاریخ کی ایک اور پہیلی۔جنرل ضیاء الحق کا ایک دوسرا تعلق بھی اگست کے مہینے سے ہے۔ وہ 12اگست کو پیدا ہوئے تھے۔ یہ مہینہ فوجی حکمرانوں کی پیدائش کے لئے شاید مناسب ہے کیونکہ جنرل پرویز مشرف کی پیدائش کی تاریخ11اگست ہے یعنی آج ان کی سالگرہ ہے۔ آپ کہیں گہ کہ ہر مہینے کی ہر تاریخ پر کچھ نہ کچھ ہوچکا ہے۔دسمبر کا مہینہ بھی ہماری تاریخ میں نمایاں ہے۔ لیکن دنیا کے نقشے پر ایک نئے ملک کا قیام تو کوئی معمولی واقعہ نہیں اور نئے پاکستان کے بارے میں اگر سنجیدہ گفتگو ہو تو قائداعظم کی 11اگست کی تقریرکو کوئی کیسے نظر انداز کر سکتا ہے۔ اور پھر اگست ہماری تاریخ ہی نہیں بلکہ دنیا کی تاریخ میں ایک ایسے واقعہ کی یاد دلاتا ہے کہ جس کا گہرا تعلق ایک نئی دنیا کے تصور سے بھی ہے۔ میرا اشارہ ہیرو شیما کی جانب ہے کہ جس پر 6اگست 1945کے دن امریکا نے ایٹم بم گرایا تھا۔ آپ کہہ سکتے ہیں کہ اس ناقابل تصور تباہی سے بھی دنیا بدل گئی ۔ تین دن بعد، 9اگست 1945کو ناگا ساکی پر دوسرا ایٹم بم گرایا گیا۔ اور آج پاکستان بھی ایک ایٹمی طاقت ہے۔ کیا یہ طاقت ہماری مفلسی کی تلافی کر سکتی ہے؟(بشکریہ جنگ لاہور)
(کالم نگار کے نام کیساتھ ایس ایم ایس اور واٹس ایپ رائےدیں00923004647998)