Category پکوان

نئی دہلی:بھارت کے اڈانی گروپ نے اسرائیلی بندرگاہ حیفا کی بالآخر خریداری مکمل کرلی۔ غیر ملکی خبر رساں ادارے کے مطابق اسرائیل کی وزارت خزانہ کی جانب سے جاری بیان میں کہا گیا ہے کہ بھارت کے اڈانی گروپ کی قیادت میں ایسو سی ایشن نے اسرائیل میں حیفا بندرگاہ کی 1.15 ارب ڈالرز میں خریداری مکمل کرلی ہے۔حیفا بندرگاہ کی فروخت میں اسرائیل کو پانچ سال لگے ہیں۔ میڈیا رپورٹ کے مطابق اسرائیل اندرون ملک درآمدی قیمتوں میں کمی لانے اور اسرائیلی بندر گاہوں پر طویل انتظار کے اوقات کو کم کرنے کی کوششوں کیلئے سرکاری بندرگاہوں کو فروخت کر رہا ہے اور نئی نجی ڈاکیں تعمیر کر رہاہے۔اسرائیل میں 99 فیصد سامان کی درآمد و برآمد سمندری راستے کے ذریعے ہوتی ہے اور اسرائیل کو اپنی اقتصادی ترقی کو برقرار رکھنے کے لیے بندرگاہوں کو اپ گریڈ کرنے کی ضرورت ہے۔

سڈنی : آسٹریلوی حکومت نے میلبرن میں خالصتان ریفرنڈم رکوانے سے انکار کردیا۔غیر ملکی خبر رساں ادارے کے مطابق آسٹریلوی شہر میلبرن میں خالصتان ریفرنڈمژ سے قبل اندرا گاندھی کے قاتلوں کے تعریفی پوسٹر لگانے پر کشیدگی پھیل گئی۔سکھ برادری کی جانب سے 15 جنوری کو اندرا گاندھی کے قاتلوں ستونت سنگھ اور کیہر سنگھ کی 34 ویں برسی کے حوالے سے کار ریلی نکالنے کا فیصلہ کیا گیا ہے۔اندرا گاندھی کے قاتلوں کو 6 جنوری 1989 کو پھانسی دی گئی تھی۔ ستونت سنکھ اور کیہر سنگھ نے گولڈن ٹیمپل پر حملہ کا بدلہ لینے کیلئے اْس وقت کی بھارتی وزیراعظم اندرا گاندھی کو قتل کیا تھا۔میلبرن میں خالصتان ریفرنڈم کا انعقاد 29 جنوری کو ہوگا۔ پلیمٹن گوردوارے کے باہر لگا خالصتان ریفرنڈم کا پوسٹر سوشل میڈیا پر وائرل ہوگیا۔پوسٹر پر ستونت اور کیہر سنگھ کی تصاویر بھی موجود ہیں جس پر ہندو برادی مشتعل ہوگئی اور نامعلوم افراد نے پوسٹرز پر اسپرے کردیا۔دوسری جانب ہندو کمیونٹی نے خالصتان ریفرنڈم رکوانے کیلئے حکومت سے رابطہ کیا تاہم آسٹریلوی حکومت نے تمام معاملات کا جائزہ لے کر خالصتان ریفرنڈم رکوانے سے انکار کردیا۔

ہائیر سیکنڈری اسکول سرٹیفکیٹ (ایچ ایس ایس سی) کے گیارہویں جماعت کا پرچہ دینے والے طلبہ اس وقت حیران ہو گئے جب انہیں نگراں عملے کی جانب سے نویں جماعت کا پرچہ دے دیا گیا۔

رپورٹ کے مطابق اعلیٰ ثانوی بورڈ مردان کی جانب سے جاری کردہ شیڈول کے مطابق جمعہ کو گیارہویں جماعت کے طلبہ کا ریاضی کا پرچہ تھا۔

تاہم طلبہ اس وقت حیران رہ گئے جب امتحانی عملے نے نویں جماعت کا پرچہ انہیں تھمایا۔

بعد ازاں تعلیمی بورڈ نے اپنے بیان میں کہا کہ ایچ ایس ایس سی کا گیارہویں جماعت کا پرچہ صبح کے بجائے اسی دن دوپہر 2 بجے لیا جائے گا۔

جب صحافی مذکورہ معاملے پر مؤقف لینے کے لیے چیئرمین اعلیٰ ثانوی بورڈ امتیاز ایوب کے دفتر پہنچے تو چیئرمین نے مبینہ طور پر ان سے بدتمیزی کی۔

صحافیوں نے بورڈ چیئرمین کے رویے کی سخت مذمت کرتے ہوئے صوبائی حکومت اور محکمہ تعلیم کے اعلیٰ حکام سے ان کے خلاف کارروائی کا مطالبہ کیا ہے۔

علاوہ ازیں طلبہ کے والدین اور ٹیچرز ایسوسی ایشنز کے اراکین نے بھی متعلقہ حکام سے مطالبہ کیا کہ وہ امتحانی پرچے کے معاملے کی غیر جانبدارانہ تحقیقات کریں اور اس غفلت و نااہلی کے ذمہ داران کے خلاف سخت محکمانہ کارروائی کی جائے۔

عالمی مارکیٹ میں گزشتہ روز سونے کی فی اونس قیمت میں2ڈالرزکی کمی ہوئی جس کے بعد سونے کی فی اونس قیمت1873ڈالر کی سطح پر رہی۔عالمی مارکیٹ میں سونے کے نرخوں میں کمی کے باوجود مقامی سطح پر سونے کی قیمت250روپے اضافے سے 1لاکھ12 ہزار 750 اور دس گرام سونے کی قیمت214روپے اضافے سے 96ہزار665روپے جبکہ چاندی کی فی تولہ قیمت1290روپے کی سطح پر مستحکم ریکارڈ کی گئی۔

لاہور(ایمرا نیوز آن لائن)ہم سب کو موسم سرما کا بے حد انتظار ہوتا ہے، اس موسم کی سوغات سے سب ہی لطف اندوز ہوتے ہیں لیکن یہ سردیاں اپنے ساتھ کچھ مسائل بھی ساتھ لاتی ہیں۔موسم سرما میں جلد کے ساتھ ساتھ بالوں کے بھی بے شمار مسائل جنم لینا شروع ہوجاتے ہیں، آج ہم آپ کو موسم سرما میں بالوں کے مسائل اور ان کے حل کے بارے میں بتائیں گے۔

موسم سرما آتے ہی دو منہ کے بالوں میں اضافہ ہو جاتا ہے، اگر آپ کو بھی اس مسئلے کا سامنا ہے تو اس کا صرف ایک ہی حل ہے اور وہ یہ ہے کہ بالوں کو ایک یا آدھا انچ تراشنے سے دو نہ کے بال ختم ہو جاتے ہیں۔
خشکی و سکری

موسم سرما میں جلد خشک ہونے کے ساتھ سر کی جلد یعنی ’اسکیلپ‘ بھی خشک ہو جاتی ہے جس کے وجہ سے بالوں میں خشکی ہو جاتی ہے، اس مسئلے کے حل کے لیے نیم اور ناریل کے تیل کو ملا کر لگایا جائے، ایسا کرنے سے بالوں کی جلد نم اور سر میں خارش اور خشکی بھی ختم ہو جاتی ہے۔

سردیوں میں ہم سب کے بال روکھے، خشک اور بے جان نظر آتے ہیں، اس مسئلے کو حل کرنے کے لیے ایک انڈے میں 2 چمچ زیتون کے تیل کو اچھی طرح ملا کر سر میں لگائیں اور اسے ایک گھنٹے بعد دھو لیں، ایسا کرنے سے بال نرم اور چمکدار ہو جاتے ہیں۔

موسم سرما میں تقریباً ہر کسی کو ہی یہ شکایت رہتی ہے کہ ان کے بال تیزی سے گر رہے ہیں، اس صورتحال سے بچنے کے لیے سر میں نیم گرم تیل کا مساج کرنا بے حد معاون ثابت ہوتا ہے۔

نوٹ: یہ معلومات مختلف انٹرنیشنل جرنلز میں شائع شدہ تحقیقات سے حاصل کی گئی ہیں۔ اگر آپ کسی الرجی یا بیماری میں مبتلا ہیں تو اپنے معالج سے ضرور مشورہ کریں۔

(میڈیا 92 نیوز آن لا ئن) پودینا ذائقے اور فلیور سے بھرپور ہوتا ہے، مگر کیا آپ کو معلوم ہے کہ یہ جلد کی خوبصورتی کو بڑھانے کے لیے بے حد مددگار ثابت ہوسکتا ہے؟

جی ہاں، پودینے کے پتوں کا استعمال جلد کو نکھارنے کے ساتھ ساتھ اسے خوبصورت بنانے کے لیے بھی بے حد مفید ہے، ان پتوں میں اینٹی الرجی اور اینٹی آکسیڈنٹ پائے جاتے ہیں جو کہ جلد کو خوبصورت بنانے میں معاون ہوتے ہیں۔

آئیں ہم آپ کو پودینے کے پتوں کا استعمال اور اس کے فوائد بتائیں۔

چہرے کے داغ اور دھبے: پودینے کے پتوں میں اینٹی بیکٹیریل خاصیت ہوتی ہے جو کہ جلد پر مہاسے پیدا کرنے والے جراثیم کے خلاف کام کرتے ہیں جبکہ اس میں چہرے کے داغ دھبے بھی صاف کرنے کی صلاحیت ہوتی ہے۔

پودینے کے پتوں کو اچھی طرح پیس لیں اور اس کے بعد جلد کے ان حصوں پر لگائیں جہاں مہاسے یا داغ دھبے ہوں اور تھوڑی دیر لگا رہنے دینے کے بعد چہرہ اچھی طرح دھو لیں۔

روزانہ یا ہفتے میں 3 مرتبہ یہ عمل کرنے سے چہرے کی جلد صاف ستھری اور چمکدار ہوجائے گی۔

منہ کے اندر کی صفائی: اس ٹوٹکے کا استعمال قدیم زمانے سے چلا آرہا ہے۔ پودینے کے پتوں سے منہ کی صفائی کا خیال کیا جاسکتا ہے۔ اس کے لیے آپ پودینے کے پتوں کو پانی میں اچھی طرح جوش دے کر چھان لیں۔

پودینے کے پتوں کا یہ پانی ایک بہتریں ماؤتھ واش ہے۔ اس سے دن میں 2 مرتبہ کلیاں کرنے سے منہ کے اندر کا حصہ صاف ہو جائے گا۔

بلیک ہیڈز کا خاتمہ: پودینے کے پتے بلیک ہیڈز کو کم یا ختم کرنے کے لیے کافی مدد گار سمجھے جاتے ہیں۔

ایک گلاس پانی میں ایک مٹھی پودینے کے پتوں کو ڈال کر ابال لیں اور پھر اس میں ایک چٹکی ہلدی شامل کرلیجیے، اس آمیزے کو اب بلینڈر میں ڈال کر اچھی طرح بلینڈ کر لیں۔

اور اب آپ اس کا استعمال ایک اسکرب کی صورت میں کر سکتے ہیں۔ مستقل مزاجی سے اس کا استعمال کرنے پر آپ کو بہترین نتائج حاصل ہوسکتے ہیں۔

بال گرنے سے روکنا: پودینے کے پتوں میں اینٹی آکسیدینٹ وافر مقدار میں پائے جاتے ہیں جو کے بالوں کی نشونما کے لیے بہترین ہیں۔ پودینے کے پتے بالوں کے گرنے سے بچانے کے لیے بے حد مفید ہیں۔

اس کے لیے پودینے کے چند پتے پانی میں اچھی طرح ابال لیں اور پھر اس پانی کو ٹھنڈا کرلیں۔ اب اس پانی کو بالوں کی جڑوں میں لگائیں اور چند منٹ سر کی جلد کا مساج کریں اور 10 سے 15 منٹ بعد سر دھو لیں۔ ایسا کرنے سے بال گرنا کم ہوجائیں گے۔

جھریوں میں کمی: پودینے میں ایسی خاصیت پائی جاتی ہے جو کہ چہرے کی جھریوں کو کم کرنے کے لیے مددگار ہے۔ پانی میں پودینے کے پتے ڈال کر ابالنے کے بعد اسے چھان کر ایک اسپرے بوتل میں رکھ لیجیے۔ اس اسپرے کو دن میں 2 سے 3 مرتبہ چہرے پر لگائیں اس سے جلد چمکدار ہوجاتی اور جھریوں میں خاطر خوا کمی ہوتی ہے۔

جلد پر خارش یا الرجی: پودینے میں ایسی قدرتی غذائیت موجود ہوتی ہے جو کہ الرجی اور جلن کے خلاف بہترین سمجھی جاتی ہے۔ پودینے کے پتوں کو پانی میں ملا کر آمیزہ بنا کر اس کا استعمال الرجی یا متاثرہ حصے پر کرنے سے بہترین نتائج حاصل کیے جا سکتے ہیں۔

نوٹ: یہ تمام معلومات تحقیق سے حاصل کی گئی ہیں۔ اگر آپ کسی بھی طبی مسئلے یا انفیکشن کا شکار ہیں اس کے استعمال سے قبل اپنے معالج سے ضرور مشورہ کریں۔

(میڈیا 92 نیوزآن لا ئن) خوراک کا انسان کی صحت سے براہ راست تعلق ہوتا ہے، آپ کیا کھاتے ہیں اس کا اندازہ صحت سے بخوبی لگایا جا سکتا ہے، اگر آپ اچھا کھائیں گے تو آپ کی صحت بھی بہتر ہوگی۔

ماہرین کے مطابق ہم اچھی اور صحت مند خوراک کا استعمال کرکے ذہنی تناؤ یعنی “اسٹریس” کی کیفیت پر قابو پا سکتے ہیں۔

غذا میں صحت مند بنانے والی چیزوں کا استعمال کرکے اور وہ چیزیں جو صحت کے لیے مضر ہیں اُن کو خوراک سے نکالنے سے تناؤ کو کم کیا جا سکتا ہے۔

ماہرین خوراک نے 4 ایسی غذائی تبدیلیاں بتائی ہیں جو کہ انسان کے اندر تناؤ کی کیفیت کو کم کرنے میں بہت مددگار ثابت ہوتی ہیں جبکہ ایسی غذا جو کہ صحت کے لیے مضر ہیں ان کا استعمال نا کرنے سے دباؤ کی کیفیت میں کمی لائی جا سکتی ہے۔

ماہرین خوراک نے یہ 4 غذائی تبدیلیاں بتائی ہیں جو کہ انسان کے اندر تناؤ کی کیفیت کو کم کرنے میں بہت مددگار ثابت ہوتی ہیں۔

پھل اور سبزیوں کا زائد استعمال: ماہرین کا کہنا ہے کہ صحت کو بہتر بنانے کے لیے سب سے آسان چیز یہ ہے کہ آپ مختلف اقسام کی سبزیاں اور پھلوں کے استعمال کو بڑھا دیں۔

ہر روز 5 مختلف رنگ کی سبزیاں کھانے کی کوشش کریں اس لیے کہ ہمارے جسم میں پائے جانے والے گڈ بیکٹیریا کے لیے کم سے کم پروسیس شدہ کھانے بہترین ہیں کیونکہ یہ فائبر سے مالا مال ہوتے ہیں۔

چینی کے استعمال سے گریز کریں: اگر آپ تناؤ اور دباؤ کی کیفیت میں مبتلا ہیں اور آپ یہ سمجھتے ہیں کہ آئس کریم یا کچھ میٹھا کھانے سے یہ کیفیت فوراً ٹھیک ہوجائے گی تو یہ بالکل غلط ہے۔

جب آپ چینی کا بہت زیادہ استعمال کرتے ہیں تو آپ کا جسم اضافی گلوکوز جذب کرنے اور خون میں شوگر کی سطح کو منظم کرنے کے لیے انسولین بناتا ہے جس کی وجہ سے جسم کا نظام کہیں نہ کہیں متاثر ہوتا ہے اور اس وجہ سے انسان تھکن اور تناؤ محسوس کرنے لگتا ہے۔

کیفین کا استعمال کم کریں: کیفین چائے، کافی اور چاکلیٹ میں زیادہ مقدار میں پائی جاتی ہے۔ کیفین کا زیادہ استعمال آپ کی نیند متاثر کر سکتا ہے جس کی وجہ سے انسان چڑ چڑا پن اور تناؤ کا شکار ہوجاتا ہے۔

اگر آپ کو محسوس ہو کہ کیفین کا استعمال کرنے سے آپ کے جسم پر منفی اثرات مرتب ہورہے ہیں تو اچھا ہے کہ آپ اس کا استعمال نہ کریں یا آہستہ آہستہ اس کے استعمال کو کم کرنا شروع کردیں۔

بھوک اور تناؤ کا تعلق سمجھیے: کبھی بھی کسی ایسی جگہ بھوکے مت جائیں جہاں آپ کو لگتا ہے کہ آپ پریشانی میں مبتلا ہوسکتے ہیں۔ کسی تناؤ بھری صورتحال میں اگر آپ خالی پیٹ جائیں گے تو یہ منفی جذبات کو بڑھا سکتا ہے۔

اگر آپ کسی ایسی جگہ جارہے ہیں جہاں دباؤ اور تناؤ کی کیفیت پیدا ہوسکتی ہے تو اپنے ساتھ کچھ ایسے اسنیک رکھیں جس کو کھانے سے صحت متاثر نہ ہو۔

(ایمرا نیوز آن لائن)ویسے تو پاکستان کے زیادہ تر شہروں میں پھینی سال کے 12 ہی مہینے دستیاب ہوتی ہے، مگر رمضان المبارک میں یہ بیکری اور مٹھائی کے کھانوں سے باہر نکل کر روڈ اور ٹھیلوں پر آجاتی ہے۔ پاکستان میں پھینی کو شوق سے کھائے جانے کا اندازہ اس بات سے بھی لگایا جاسکتا ہے کہ رمضان شروع ہونے سے کچھ دن قبل ہی پھینی کے اسٹال سجنا شروع ہوجاتے ہیں، اور ماہ مبارک شروع ہوتی ہی اس کی فروخت میں اضافہ ہوجاتا ہے۔ یہ بھی دیکھا گیا ہے کہ پھینی نوجوانوں کے بجائے درمیانی اور بڑی عمر کے افراد سمیت بچوں میں زیادہ مقبول ہے، تاہم نوجوان بھی اسے کھائے بغیر رہ نہیں سکتے۔

پاکستان کا کوئی ایسا شہر نہیں ہے، جو یہ دعویٰ کرے کہ پھینی سب سے زیادہ اس شہر میں ہی کھائی جاتی ہے، یہ تمام شہروں میں یکساں مقبول ہے، لوگ اسے رمضان شریف میں نماز تراویح کے بعد سے لے کر سحری تک کھاتے رہتے ہیں، جب کہ کچھ شوقین افراد کبھی کبھار افطار میں بھی اس کا بندوبست کرتے ہیں۔ پھینی ویسے زیادہ تر سحری کے لیے استعمال کی جاتی ہے، اور اس کی مقبولیت اس لیے بھی زیادہ ہے کہ یہ جلد ہی تیار ہونے والی بہت ہی نرم اور لذیذ غذا ہے۔ لیکن پاکستان بھر میں ماہ رمضان میں مقبول ہونے والی پھینی دراصل آئی کہاں سے؟

پھینی کی تاریخ سے متعلق کوئی حتمی دستاویز تو موجود نہیں، تاہم زیادہ تر ماہرین طباخ کا خیال ہے کہ یہ خالصتا مشرق وسطیٰ یا وسطی ایشیائی ممالک کی غذا ہے، جو آہستہ آہستہ دیگر دنیا میں پھیلی۔ لیکن پھینی کی خاص بات یہ ہے کہ یہ دوسرے خطے کی غذا ہونے کے باوجود خالصتا برصغیر کی غذا لگتی ہے، اس کا ایک سبب شاید یہ بھی ہے کہ پھینی انڈٰین پوری اور راجستھانی ستارفینی جیسے لگتی ہے۔ پھینی کو کراچی سے راولپنڈی، کوئٹہ سے پشاور، اسلام آباد سے حیدرآباد، لاہور سے سکھر تک بڑے شوق سے کھایا جاتا ہے، کیوں کہ ایک تو یہ ہر جگہ آسانی سے زیادہ مقدار میں دستیاب ہوتی ہے، اور دوسرا یہ جلد تیار ہوجاتی ہے۔ پھینی سندھ، بلوچستان، پنجاب، خیبرپختونخوا، گلگت بلتستان، آزاد کشمیر اور فاٹا سمیت ملک کے تمام علاقوں میں یکساں مقبول ہے۔

اردو کے عظیم شاعر مرزا غالب آموں کے بڑے شوقین ہوا کرتے تھے۔ اس پھل کے بارے میں ان کا مشہور قول ہے کہ آم میٹھے اور ڈھیر سارے ہونے چاہیں۔

مگر کیا آپ کسی ریڑھی پر سے آم لیتے ہوئے بتا سکتے ہیں کہ یہ آم میٹھا اور ذائقہ دار ہوگا یا پھیکا؟

یقیناً سننے میں ناممکن لگتا ہوگا مگر یہ ایسا کوئی خاص مشکل بھی نہیں۔

اس موسم میں آموں کی متعدد اقسام بازار میں ملنے لگتی ہیں جن میں سے میٹھے اور خوش ذائقہ پھل منتخب کرنے کے لیے آپ کو بس درج ذیل چند عام چیزوں کو آزما کر دیکھنا ہوگا۔

چھو کر دیکھنا

پکے ہوئے اور میٹھے آم چھونے میں معمول سے زیادہ نرم ہوتے ہیں بالکل آڑو کی طرح، مگر اتنے بھی نرم نہیں کہ آپ کی انگلیاں اس کے اندر دھنسنا شروع ہوجائیں، تو آم کو اٹھا کر دیکھیں کہ وہ تھوڑا نرم محسوس ہو تو وہ کھانے کے لیے مناسب ہے، تاہم اگر آپ کچھ دنوں تک آم کھانے کا ارادہ نہیں رکھتے تو ایسے آم منتخب کریں جو سخت ہوں تاکہ وہ گھر میں پوری طرح پک جائے۔

آنکھوں سے جائزہ

اچھا آم کسی فٹ بال جیسی ساخت کا ہوتا ہے تو ایسے پھل کا انتخاب کریں جو گول مٹول ہے، خاص طور پر اس کی ڈنڈی والی جگہ پر کبھی سپاٹ یا پتلا آم منتخب نہ کریں کیونکہ وہ کھٹے ہوسکتے ہیں، جبکہ جھریوں بھرے چھلکوں والے پھل کو بھی لینے سے گریز کریں کیونکہ اب ان کا ذائقہ زیادہ اچھا نہیں رہا ہوگا۔
سونگھ کر دیکھیں

پکے ہوئے آموں سے تیز اور میٹھی مہک اس کے اوپری ڈنڈی کے پاس آرہی ہوتی ہے، ایک پکے ہوئے آم کی مہک کسی حد تک خربوزے جیسی یا انناس جیسی بھی ہوسکتی ہے۔ آسان الفاظ میں میٹھے اور ذائقے دار آموں کی مہک بہت اچھی ہوتی ہے، اسی طرح چونکہ اس پھل میں قدرتی مٹھاس کافی زیادہ ہوتی ہے تو قدرتی طور پر اس میں مختلف خوشبوئیں ہوسکتی ہیں، اگر وہ ترش یا الکحل جیسی ہو تو یہ اس بات کی علامت ہے کہ یہ پھل پک کر خراب ہونے والا ہے، اسے لینے سے گریز کریں۔

رنگت سے جاننا ممکن؟

ویسے آموں کو رنگ کے مطابق چننا اس کے میٹھے ہونے کے حوالے سے کوئی بہت زیادہ بہترین ذریعہ نہیں کیونکہ مختلف نسلوں کے رنگ الگ ہوتے ہیں، جیسے شوخ پیلا، سبز یا دیگر، جس سے اس کے پکے ہونے یا میٹھے ہونے کا معلوم ہونا مشکل ہوتا ہے۔ اس کے مقابلے آموں کی مختلف اقسام اور ان کے سیزن سے واقفیت سے آپ زیادہ اچھا اندازہ لگاسکتے ہیں کہ آپ کس قسم کے پھل کو تلاش کررہے ہیں۔

پاکستانیوں کا من پسند کھانا کیا ہے؟ یہ ایسا آسان سوال ہے جس کا جواب بغیر سوچے سمجھے دیا جا سکتا ہے ،’دال چاول’۔ جسے بنانا آسان ، کھانا آسان۔جو پیٹ اور جیب دونوں پر ہلکا رہتا ہے۔

اپنی انہی اور دیگر کئی خوبیوں کی وجہ سے رمضان میں افطار کے بعد کھانے میں ہلکی پھلکی غذا یعنی دال چاول بہترین رہتے ہیں۔

اجزائے ترکیبی

مونگ کی دال 200 گرام

لال مسور 200 گرام

چاول آدھا کلو

پانی حسب ضرورت

نمک حسب ذائقہ

کھانے کا تیل آدھا کپ

زیرہ ایک کھانے کا چمچ

ہلدی ایک کھانے کا چمچ

پسی ہوئی لال مرچ دو کھانے کے چمچ

ہری مرچ ثابت دو عدد

لہسن پساہوا ایک کھانے کا چمچ

دھنیا پاوڈر ایک کھانے کا چمچ

زیرہ پاوڈر ایک کھانے کا چمچ

چھوٹی پیاز باریک کٹی ہوئی

لہسن باریک کٹا ہوا ایک کھانے کا چمچ

ثابت لال مرچ 4-5

ہرا دھنیا حسب ضرورت

چاول ابالنے کے لیے:

ہرا دھنیہ باریک کٹا ہوا، ایک کھانے چمچ

پودینہ باریک کٹا ہوا،ایک کھانے کا چمچ

لونگ 4-5 عدد

دارچینی ایک انچ کا ٹکڑا

ثابت زیرہ آدھا کھانے کا چمچ

سفید سرکہ آدھا کھانے کا چمچ

نمک ایک چمچ یا حسب ذائقہ

ترکیب

دال: مونگ اور ماش کی دالوں کو کچھ دیر کے لیے بھگو کر رکھ دیں۔

ایک کھلے منہ کے برتن میں 3 کپ پانی ڈال کر چولہے پر رکھ دیں۔ پانی کو ابال آنے کے بعد اس میں بھیگی ہوئی دونوں دالیں شامل کر دیں۔

دالوں کو 10-15 منٹ کے لیے ابلنے دیں۔ اب اس میں ایک کٹا ہوا ٹماٹر ، ایک چمچ پسا ہوا لہسن شامل کردیں۔5 منٹ کے بعد اس میں پسی ہوئی لال مرچ، نمک ، ہلدی،پسا ہوا دھنیا اور ہری مرچیں شامل کر دیں۔

اس دوران آمیزے میں چمچ ہلاتے رہیں اور خیال رکھیں کہ آمیزہ بہت زیادہ گاڑھا نہ ہوجائے۔ برتن کو چولہے پر مزید 5 منٹ کے لیے رہنے دیں۔

اتنی دیر میں تڑکے کی تیاری کرلیں۔فرائی پین میں تیل کو ہلکا گرم کر لیں اب اس میں زیرہ اور کٹی ہوئی پیاز ڈال کر ہلکا براؤن کرلیں۔ثابت لال مرچ اور کٹا ہوا لہسن شامل کرکے ان کا رنگ تبدیل ہوتے ہی فرائی پین کو دال کے برتن میں انڈیل دیں اور برتن کو ڈھانپ دیں۔چولہا بند کرکے ہرا دھنیہ اوپر سے ڈال دیں۔

ابلے ہوئے چاول: ایک کھلے منہ کے برتن میں چاولوں کی مقدار کے مطابق پانی ڈال کر ابلنے کے لیے رکھ دیں، ساتھ ہی اس میں نمک ، ثابت زیرہ ، لونگ اور دار چینی اور سرکہ ڈال دیں ۔ابال آنے پر اس میں کٹا ہوا دھنیہ اور پودینہ بھی شامل کر دیں۔ایک ابال اور آنے کے بعد اس میں دھلے ہوئے چاول ڈال لیں۔

کنی ختم ہوجانے پر برتن کو چولہے سے اتار کر چاولوں کو نتھار لیں۔

لیجیے دال اور چاول کی ‘جگ بھاتی من بھاتی’ جوڑی تیار ہے۔