Category جرائم

شکارپور: بڈانی قبیلے کے دو گروپوں میں ہونے والی فائرنگ کے نتیجے میں 2 افراد جاں بحق اور 3 زخمی ہوگئے۔

پولیس ذرائع کے مطابق یہ واقعہ شکارپور کی تحصیل لکھی غلام شاہ کے نواحی گاؤں میں پیش آیا، جاں بحق افراد کی شناخت شبیر شر اور نظام شر کے نام سے ہوئی ہے۔

دونوں گروپوں میں فائرنگ دیرینہ دشمنی کے باعث ہوئی، مزید خون ریزی کو روکنے کیلئے پولیس کی نفری جائے وقوعہ کی طرف روانہ کر دی گئی ہے۔

صادق آباد : پنجاب کے شہر چینوٹ کا 9 رکنی ڈانس گروپ کچے کے ڈاکوؤں کے ہتھے چڑھ گیا ، ڈاکوؤں نے مغویوں کی رہائی کیلئے ایک کروڑ روپے کا تاوان طلب کرلیا ۔

تفصیلات کے مطابق شادیوں میں ڈھول بجانے اور ڈانس کرنیوالے چنیوٹ کے  9 رکنی ڈانس گروپ کو ڈاکوؤں نے فون پر شادی کی تقریب کیلئے بلایا ، گروپ فیصل آباد سے رحیم یارخان پہنچا اور ڈاکوؤں کے ہاتھوں اغوا ہو گیا ۔

رحیم یارخان پہنچنے کے کچھ گھنٹوں بعد 9 رکنی گروپ کے موبائل فون بند ہو گئے ، مغویوں میں کم عمر لڑکا بھی شامل ہے ۔ 

ڈاکوؤں نے مغویوں کی رہائی کیلئے ایک کروڑ روپے تاوان مانگ لیا ہے ۔

پولیس کے مطابق کراچی  کے علاقے بہادر آباد میں نامعلوم ملزمان نے بلڈر سے گاڑی سمیت 5 کروڑ 94 لاکھ روپے کی رقم چھین لی ، واقعے کا مقدمہ بہادرآباد تھانے میں متاثرہ بلڈر راحیل کی مدعیت میں درج کرلیا گیا ۔

پولیس کے مطابق متاثرہ بلڈر کا کہنا ہے کہ گزشتہ شب میں اپنے دفتر سے گاڑی میں رقم لے کر نکلا تھا کہ ناہید سپر سٹور کے قریب ایک کار میری گاڑی کے آگے آگئی ، کار میں دو ملزمان موجود تھے جبکہ دو ملزمان الگ الگ موٹر سائیکل پر سوار تھے، ملزمان نے اسلحہ کے زور پر مجھے اور میرے ڈرائیور کو گاڑی سے اتارا اور رقم سمیت گاڑی لے کر فرار ہوگئے۔

اس حوالے سے پولیس کا کہنا ہے کہ واقعہ کی مختلف پہلوؤں سے تحقیقات جاری ہیں ،جبکہ جائے وقوعہ کے اطراف سے شواہد اور سی سی ٹی وی فوٹیج بھی حاصل کی جارہی ہے۔
 

تھانہ صدر کی حدود موسیٰ ورک میں پرانی دشمنی پر دو سگے بھائیوں کو قتل کر دیا گیا، جاں بحق افراد پیشی سے واپس گھر جا رہے تھے۔

پولیس ذرائع کے مطابق دونوں بھائیوں کو فائرنگ کرکے قتل کیا گیا، مقتولین کے بھائی نے ایک سال قبل ملزمان کے ایک فرد کو غیرت کے نام پر قتل کیا تھا، ملزمان فائرنگ کرکے فرار ہوگئے۔

پولیس کا کہنا ہے کہ واقعہ کی اطلاع ملنے پر ڈی ایس پی، ایس ایچ او اور پولیس کی بھاری نفری جائے وقوعہ پر پہنچ گئی جبکہ ملزمان کی گرفتاری کیلئے ٹیمیں بھی روانہ کر دی گئی ہیں۔

پولیس ذرائع کے مطابق مغوی بچے کے والد ملک وقاص کی مدعیت میں نامعلوم ملزمان کے خلاف گزری تھانے میں اغوا کا مقدمہ درج کر لیا گیا ہے۔

مغوی بچے کے والد کے مطابق عبداللہ شام کے وقت گھر سے باہر گیند اٹھانے گیا ، گھر کے باہر ساڑھے 7 بجے ایک سفید گاڑی آ کر رکی تھی، شبہ ہے کہ گاڑی میں سوار افراد نے میرے بیٹے کو اغوا کیا۔

پولیس حکام نے بتایا کہ واقعہ کا مقدمہ درج کر کے تحقیقات شروع کردی گئی ہیں، بچے کے والد کی فراہم کردہ فوٹیج میں مشکوک گاڑی نظر آ رہی ہے لیکن گاڑی کے شیشے کالے اور اندر بیٹھے افراد کے چہرے واضح نہیں ہیں۔

پولیس حکام نے مزید بتایا کہ فوٹیج میں گاڑی کا نمبر بھی واضح نہیں ہے تاہم گھر کے اطراف لگے دیگر کیمروں کی فوٹیجز بھی حاصل کی جا رہی ہیں، جلد ملزمان کو ٹریس کر لیا جائے گا۔ 

لیویز حکام کے مطابق نامعلوم افراد نے خوست کول مائنز ایریا میں کان کنوں کے ڈیرے میں گھس کر فائرنگ کی جس کے نتیجے  میں 4 کان کن جاں بحق اور 3 زخمی ہوگئے۔

لیویز حکام کا کہنا ہےکہ ملزمان نےکوئلےکی 11 کانوں کو بھی آگ لگا دی ، واقعے میں جاں بحق افراد کی نعشیں اور زخمیوں کو ہسپتال منتقل کردیا گیا ہے ۔

لیویز حکام کے مطابق واقعے کی وجوہات معلوم کی جارہی ہیں جبکہ لیویز فورس نے علاقے کی ناکہ بندی کرتے ہوئے ملزمان کی تلاش شروع کردی 

ہرنائی:بلوچستان کے ضلع ہرنائی میں کوئلے کی کان کے قریب فائرنگ سے 4 کان کن جاں بحق ہوگئے۔لیویز حکام کے مطابق نامعلوم افراد نے خوست کول مائنز ایریا میں کان کنوں کے ڈیرے میں گھس کر فائرنگ کی جس میں 4 کان کن جاں بحق اور 3 زخمی ہوگئے۔لیویز حکام کا کہنا ہے کہ ملزمان نے کوئلے کی 11 کانوں کو بھی آگ لگا دی، واقعے میں جاں بحق افراد کی لاشیں اور زخمیوں کو اسپتال منتقل کیا جا رہا ہے۔لیویز حکام کے مطابق لیویز فورس نے علاقے کی ناکہ بندی کردی ہے اور ملزمان کی تلاش جاری ہے

بھارتی میڈیا رپورٹس کے مطابق سدھو موسے والا قتل کیس میں گرفتار دو ملزمان پنجاب کی گونڈیوال سینٹرل جیل میں قید تھے جہاں قیدیوں کے درمیان جھگڑے میں  ہاتھا پائی اس قدر بڑھی کہ اس میں دو قیدی مارے گئے ، واقعے میں تین افراد شدید زخمی بھی ہوئے ہیں جن میں سے ایک کی حالت اب تک تشویش ناک ہے۔

ایس ایس پی گرمیت سنگھ چوہان کے مطابق لڑائی میں دو افراد مارے گئے  ہیں جن میں سے ایک مندیپ طوفان بھی ہے ، دونوں ہلاک ملزمان سدھو موسے والا کے قتل میں ملوث ہونے کے علاوہ متعدد جرائم میں ملوث تھے۔

بھارتی میڈیا رپورٹس کے مطابق جھگڑے میں تیز دھار آلوں کا استعمال کیا گیا جنہیں جیل کے اندر ہی بنایا گیا تھا۔

بھارتی پنجاب کے لارنس بشنوئی گینگ سے تعلق رکھنے والے گولڈی برار نے ایک سوشل میڈیا پوسٹ میں جیل کے اندر ہونیوالی گینگ وار کی ذمہ داری قبول کرلی ہے ۔

واضح رہے کہ 29 مئی 2022 کو معروف بھارتی گلوکار سدھو موسے والا کو ضلع مانسا کے گاؤں جواہر میں نامعلوم حملہ آوروں نے فائرنگ کرکے قتل کر دیا تھا۔

جڑانوالہ:فیصل آباد تھانہ غلام محمد آباد میں 5 سالہ بچے سے زیادتی کی کوشش اور شرم حرکات کرنے والوں کے خلاف مقامی پولیس کا کارروا سے انکار،سی پی او نے واقعہ کا نوٹس لیتے ہوئے کارروائی حکم دیدیا۔بتایا گیاہے کہ تھانہ غلام محمد آباد کے علاقہ غوثیہ پارک میں 5سالہ عبدالہادی گلی میں کھل رہا تھا کہ محلہ کے دونوجوان محمد حسین اور نوید نے اس بہانے سے اپنے ساتھ پارک لے گئے یہاں وہ اپنے ایک پالتو کتے سے ڈرتے رہے اور اس کے ساتھ شرم حرکات کرتے رہے تاہم بچے شور کرنے پر بدفعلی کی کوشش ناکام ہوگئی اس سلسلہ میں عبدالہادی کے دادا امیر علی کی جانب سے تھانہ غلام محمد آباد پولیس کو تحریر درخواست دی گئی تو پولیس نے ملزمان کو گرفتار کرنے کے بعد ساز باز کر کے چھوڑ دیا جبکہ عبدالہادی کے دادا کا کہنا ہے کہ تھانہ غلام محمد آباد کا ایس ایچ او ہماری درخواست کارروائی نہیں کررہا بلکہ صلح کرنے پر زور دیاجارہاہے،واقع کی اطلاع ملنے پرسی پی او فیصل آباد نے نوٹس لیتے ہوئے ملزمان کے خلاف قانون کے مطابق کارروائی کرنے کا حکم دیدیا ہی

جڑانوالہ :علاقہ ملت روڈ پرحق باہوچوک کے قریب نومولود بچی کی نعش برآمد‘پولیس نے نعش کو تحویل میں لیکرہپستال منتقل کرکے تفتیش شروع کردی۔بتایا جاتا ہے کہ گزشتہ روز نامعلوم خاتون ملت روڈ پر حق باہو چوک کے قریب نومولود بچے کو کپڑوں میں لپیٹ کر پھینک کر فرار ہوگئی۔ شہریوں کی اطلاع پر ریسکیو ٹیم موقع پر پہنچی تونومولود بچی زندگی کی بازی ہارچکی تھی جس پر پولیس نے نعش قبضہ میں لیکر تفتیش شروع کردی ہے